Post: #1
Title: 18 يناير : أطفأ محـمـود الشمعة
Author: عادل فضل المولى
Date: 01-19-2006, 11:10 AM
Parent: #0
كل عام والجميع بخير
امسية الاربعاء كان هناك ثمة احتفال صغير
احتفاءً بإطفاء الابن محمود الشمعة الثالثة
في عمره المديد بإذن الله..فقد حضر الينا محمود نهار السبت الساعةالثانية والثلث في الثامن عشر ليناير العام 2003م وكان مقدمه بشارة خير وفأل وبهجة اتسعت آمادها لتشمل الكثيرين وغيرهم
ولمحمود اصدقاء كثر داخل وخارج البلاد وقد تشرفت كثيراً ان اكون واحداً منهم
وقمة الشرف حين يناديني : عادل انت مش صاحبي أسمع...!
التحية لمحمود ولرفاقه واصدقائه
والتحية للإخوة والاخوات
معاذ منصور
القلب النابض
نصرالدين البشير
سعد الدين عبد الرحمن
حسن البشاري وابنته الرائعة ايثار وشقيقها محمد
فيصل نوبي
معتز تروتسكي
عبدالله عقيد
معتصم دفع الله
علاء يونس (تمبس)
عثمان فضل الله
صالح تبلدينا وبوسته (ملائكة في المنبر)
فقد كانوا دوما يرسلون تحاياهم لمحمود ..والعذر لمن سقط اسمه سهوا
اما البدوي يوسف فهو يأتي لزيارته في المنزل كلما سنحت له سانحة
واستميح - قبل كل البورداب الرائعين- العزيز بكري ابوبكر فقد اثقلنا عليه كثيراً
ونحن نفتح مثل هذه البوستات (خاصة الخاصة) لكن لا غرو فقد وجدنا في المنبر ما ينقصنا على سبيل التواصل الاجتماعي
والشكر للجميع
ويا ربي تحفظ بلادنا
وكل عام والاحباب بألف خير
...
|
Post: #2
Title: Re: 18 يناير : أطفأ محـمـود الشمعة
Author: حسن البشاري
Date: 01-19-2006, 11:34 AM
Parent: #1
اخي عادل اسمح لي ان اكون وايثار ومحمد ووالدتهما اول المهنئين.. رغم اني بعثت بتهنئة في البوست السابق.
لكنني ومع ذلك لا امل ارسال التهاني مرة بعد مرة والمشاركة في الافراح خصوصا عندما تهل على الذين نحبهم.
للاسرة جميعها عمر مديد وسعيد. مع مودتي
|
Post: #4
Title: Re: 18 يناير : أطفأ محـمـود الشمعة
Author: القلب النابض
Date: 01-19-2006, 11:39 AM
Parent: #2
محموووووود العسولى
كل سنة وانت طيب
والسنة الجاية كبيرررررررر
بوسة بمناسبة العيد
وسلم على اصحابك وصاحباتك
( الهدية )
عربية برموووت كنترول
وورده وبالونة
اقرأ ليه الكلام دا يا صحبوا عادل
تحياتنا لى ايثار ومحمد
|
Post: #27
Title: Re: 18 يناير : أطفأ محـمـود الشمعة
Author: عادل فضل المولى
Date: 02-05-2006, 10:58 AM
Parent: #2
البشاري
حباب ومحمد والاسرة حلوا على السودان
ونقلوا لنا رسالتك
لك المحبة
|
Post: #3
Title: Re: 18 يناير : أطفأ محـمـود الشمعة
Author: طارق اسماعيل
Date: 01-19-2006, 11:37 AM
Parent: #1
ربنا يحفظ ليك محمود وتحياتى لك وله ولوالدته
وعقبال ان يوقد شموع لتضي عتمة السودان
|
Post: #5
Title: Re: 18 يناير : أطفأ محـمـود الشمعة الثالثة
Author: عادل فضل المولى
Date: 01-19-2006, 12:03 PM
Parent: #3
لك الحمد يا رب على ما انعمت به وتكرمت
الأوفياء
البشاري
القلب النابض
طارق اسماعيل
لكم وفير المحبة والشكر بالمرور والتهنئة
ويا البشاري خليها مستورة !
يا قلب شكراً فقد وصلت هداياك
اما طارق فلك مني ومن عائلة محمود عاطر التحايا
وعقبال (تطفوا الشمعة المية)
|
Post: #6
Title: Re: 18 يناير : أطفأ محـمـود الشمعة الثالثة
Author: عثمان فضل الله
Date: 01-19-2006, 12:11 PM
Parent: #5
عزيزى ود فضل المولى
عقبال مليون شمعه
والله واجبه علينا الزياره
|
Post: #7
Title: Re: 18 يناير : أطفأ محـمـود الشمعة الثالثة
Author: عادل فضل المولى
Date: 01-19-2006, 01:34 PM
Parent: #6
شكراً الحبيب ابا محمد
لعلك زرتنا بالفعل
ونحن نقدر المشغوليات
لك وللاسرة عاطر التحايا
|
Post: #8
Title: Re: 18 يناير : أطفأ محـمـود الشمعة الثالثة
Author: احمد العربي
Date: 01-19-2006, 01:52 PM
Parent: #7
وانا اهديك يامحمود
تحيه ثلاثية الابعاد
ويحفظك رب العباد
من تعب هذا الزمن
ويذيدك ايام العمر
يااحلى من وجه القمر
تحياتي وربنا يحفظه
ودي واحترامي عادل
|
Post: #9
Title: Re: 18 يناير : أطفأ محـمـود الشمعة الثالثة
Author: عادل فضل المولى
Date: 01-19-2006, 02:41 PM
Parent: #8
أحمد العربي
غالي التحايا
لك الشكر اجزله على الكلمات الرقيقة
وتحيتك ذات الابعاد الثلاثية
وعقبال تطفيء مئة شمعة
وعمر مبارك بأعمال الخير
|
Post: #10
Title: Re: 18 يناير : أطفأ محـمـود الشمعة الثالثة
Author: عادل فضل المولى
Date: 01-19-2006, 03:06 PM
Parent: #9
|
Post: #11
Title: Re: 18 يناير : أطفأ محـمـود الشمعة
Author: فيصل نوبي
Date: 01-19-2006, 03:17 PM
Parent: #1
ود فضل المولي
كل سنة و حمود طيب
كده لا احم لا دستو و لا تنبهونا
الواحد بس يلقي الحفلة مدورة
هسي مشيت جبت ليك ود الخليفة و معاو بت كوجيم يربوها ليك هنا ليوم السبت الصباح 
و التورته جاية في الطريق
تاني نطفي شمعة
عندنا كم محمود احنا ما ياهو واحد بس
ربنا يخليو و عقبال الشمعة المليون يا رب
اقراء ليو المعوذتين و اية الكرسي يا عادل بالله عليك.
|
Post: #12
Title: Re: 18 يناير : أطفأ محـمـود الشمعة
Author: Haydar Badawi Sadig
Date: 01-19-2006, 04:38 PM
Parent: #11
تهانينا الحارة لمحمود، ولأم محمود، ولك ياأبا محمود!!
ولد هذا المحمود، فيم اشتهاد المحمود، شهيد الفكر الأستاذ محمود محمد طه. وهذا يوم نحتفي به نحن الجمهوريين باعتباره يوم ميلاد جديد للإنسان الجديد، في السودان الجديد، وفي العالم الجديد!!
عيد ميلاد سعيد!!
*****************
في يوم عيد ميلاد الإبن محمود ولد ايضاً "مركز الأستاذ محمود محمد طه للتجديد الإسلامي." نعم يوم للميلاد!!
*****************
هاك ما تبقى من برنامج الذكرى.
برنامج الذكرى الواحد والعشرين لاستشهاد الأستاذ محمود محمد طه
يناير 20-21 ، 2006
إنطلقت فعاليات الذكرى الواحدة والعشرون لاستشهاد الأستاذ محمود محمد طه في بإطلالة يوم الأربعاء الثامن عشر من يناير (2006). وقد تم في ذلك اليوم المشهود تدشين "مركز الأستاذ محمود محمد طه للتجديد الإسلامي." وهو مركز دولي، سيقوم بتعلية شأن إسم الأستاذ محمود في الضمائر الحية في كل أرجاء العالم. وسيقوم بنشر فكرته العظيمة بين الناس -كل الناس- من كل جنس، لون، دين، وجهة. لا فرق في ذلك بينهم، مهما كانت أسباب الاختلاف.
وقد نشأ في الولايات المتحدة الأمريكية تقليد سنوي -بمبادرة من الجمهوريين- يتم فيه الإحتفال بهذه الذكرى في مدينة أيوا سيتي بولاية أيوا في الغرب الأوسط، حيث كانت تقيم أسرة الأستاذ محمود. هذا العام، ولأول مرة يجري الإحتفال بهذه الذكرى في العاصمة واشنطن. وقد هيأ وجود الأخ الدكتور الباقر العفيف، بوصفه باحثا زائرا بمعهد السلام الأمريكي في واشنطن، الفرصة لكي تستضيف هذه المؤسسة الأمريكية الهامة فعاليات اليوم الأول لهذه المناسبة. أما اليوم الثاني فإن استضافته ستكون في مركز المؤتمرات بجامعة جورجتاون. وسيبدأ البرنامج في اليومين المذكورين وفي المكانين تمام الساعة الثانية. (أنظر بعاليه، لتفاصيل البرنامج للمزيد من التفاصيل.)
يتحدث في برنامج اليوم الأول، بمعهد السلام، ظهر الجمعة 20 يناير، بروفيسر، ستيف هوراد من جامعة أوهايو، وبروفيسر، عبدالله آيرنست من كلية سياتل، وبروفسير النور حمد من جامعة مانسفيلد ببنسلفانيا.
United States Institute of Peace,
1200 17th Street NW,
Washington, DC 20036
Tel: (202) 457-1700
الجدير بالذكر أن كلا من الدكتورين ستيف هوارد وعبدالله آيرنست قد عاشا في السودان، والتزما الفكرة الجمهورية، وانخرطا في أنشطة الجمهوريين في السبعينات والثمانينات، من القرن المنصرم، وكلاهما على معرفة كبيرة بالأستاذ محمود وبالحركة الجمهورية.
أما اليوم الثاني، السبت 21 يناير فسوف تجري الفعاليات فيه بمركز المؤتمرات بجامعة جورجتاون في تمام الثانية ظهرا، وسوف يتحدث فيه البروفيسر، عبد الله أحمد النعيم، تحت عنوان "العلمانية من منظور إسلامي،" البروفيسر، حيدر بدوي صادق، من كلية ميداي، بولاية نيويورك، تحت عنوا "الرؤى الإصلاحية للأستاذ محمود والسلام العالمي ما بعد سبتمبر 11 ،" والبروفيسر، ستيف هوارد من جامعة أوهايو تحت عنوان "الفكرة الجمهورية والحركة الجمهورية كظاهرتين إفريقيتين".
3800 Reservoir Road, NW
Washington, District Of Columbia 20057 USA
Phone: 1-202-687-3200
هام للغاية
نرجو من كل الراغبين في الحضور لجامعة جورجتاون لحضور فعاليات اليوم الثاني لذكري استشهاد الأستاذ محمود محمد طه ملاحظة الآتي:
1. توجد مواقف مجانية للسيارات.
2. ستبدأ الفعاليات في تمام الثانية بعد الظهر، في هذا الميعاد المضروب تماماً، تماماً، تماماً!!!
3.نرجو ملاحظة عنوان مكان الفعاليات، والوصلة الالكترونية التي يمكن بواسطتها أخذ توصيف مسارات الطريق للمكان.
نهيب بكل الضمائر الحية، مشاركتنا في هذا اليوم البهي في تاريخ السودان، وتاريخ الإنسان!! وكلنا تشوق للقاء أصدقاء الفكرة الجمهورية وأعداءها على حد سواء، لأن "الحرية لنا ولسوانا!!!" أتذكرون هذا الشعار؟؟
3800 Reservoir Road, NW
Washington, District Of Columbia 20057 USA
Phone: 1-202-687-3200
http://marriott.com/property/propertypage/wasgu?WT_Ref=mi_left
|
Post: #18
Title: Re: 18 يناير : أطفأ محـمـود الشمعة الثالثة
Author: عادل فضل المولى
Date: 01-22-2006, 10:04 AM
Parent: #12
بروف حيدر بدوي
شكراً جزيلاً على المرور والتهنئة
وصدق كلماتك لا يحتاج الى دليل
|
Post: #16
Title: Re: 18 يناير : أطفأ محـمـود الشمعة
Author: عادل فضل المولى
Date: 01-22-2006, 09:24 AM
Parent: #11
العزيز جداً
نوبي
فجأة وجدنا يوم 18 يناير يقتحم علينا الزمان والمكان
ورغم ان محمودً كان (متحسساً) بعض الشيء الا ان الجماعة
اصروا على الاحتفال
لك من الود الكثير
والصورة التالية مهداة الى الامورة الغائبة عن المنبر
| Quote: اقراء ليهو المعوذتين وآية الكرسي يا عادل بالله عليك. |
حااااااااااااضر
تمام يا افندم
|
Post: #13
Title: Re: 18 يناير : أطفأ محـمـود الشمعة
Author: saadeldin abdelrahman
Date: 01-19-2006, 07:28 PM
Parent: #1
طبعا بيني وبين حمودي 12 يوم بس!
هههه
عشان كده بقدر اشد منو
العراقي
والسروال
والصديري
والمركوب.. عاااادي..
مش فردتي!
وفي رواية اخري الطاقية كمان .
كل سنة وانتو طيبين وما يحرمكم من بعض يارب!
عمو سعدالدين 
|
Post: #21
Title: Re: 18 يناير : أطفأ محـمـود الشمعة
Author: عادل فضل المولى
Date: 01-24-2006, 01:18 PM
Parent: #13
عمو سعدالدين
الشوق لا يحده بوست
طال الغياب ..لكن حضوركم هنا أضفى الكثير والكثير من المحبة
وربنا ما يحرمنا منكم يا حبيب
|
Post: #14
Title: Re: 18 يناير : أطفأ محـمـود الشمعة
Author: منصوري
Date: 01-20-2006, 00:07 AM
Parent: #1
محمود وطمانطاشر يناير.. حاجة عجيبة.. إنت عارف يا أبو محمود عندنا من البشارات القالا لينا استاذ محمود قبل إنتقاله بأيام ..كل مرة تتحقق واحدة واتنين وتلاتة لغاية هسه التحقيق ماشي واحدة ما تخلفت ولا كذبت.. من أولها خبر إنتقالو ذاتو قالو لينا قبل أمد طويل. لكن البعض ما صدق..والبشارات دي هي المصبرة تلاميذو لأنهم عارفين الحاصل شنو تماما بالرغم من أن الناس يقولوا ليه انزووا عن الساحة؟
على العموم عندي أن محمودك هذا خيير وإنتا خييير وأمو خيييرة..دي هبات يعطيها الله البشر سواء رضوا البعض أم ابو..
|
Post: #15
Title: Re: 18 يناير : أطفأ محـمـود الشمعة
Author: Nasruddin Al Basheer
Date: 01-21-2006, 01:28 PM
عزيزي عادل
سلام وشوق شديد
وسلامي لأسرتك الكريمة
وكل سنة وانتو جميعاً بخير وصحة وبركة
لو كنا في السودان أكيد ما كنا قصرنا
في عيد ميلاد محمود الرجل الكلس ربنا يحفظه ويغطيه
لم انتبه لمغزى اسم محمود إلا عندما ذكرت تاريخ الميلاد
وهذا يؤكد يا عادل بأنك فعلاً رجل (حر)
ولا أود أن أزيدك بأكثر من كلمة حر
وعقبال الاحتفاء بالشمعة المائة
ولك ودي وتقديري..
|
Post: #23
Title: Re: 18 يناير : أطفأ محـمـود الشمعة
Author: عادل فضل المولى
Date: 01-24-2006, 01:51 PM
Parent: #15
المفضال نصر الدين الحلبي
كل سنةو انت طيب
| Quote: لو كنا في السودان أكيد ما كنا قصرنا |
دا كلام ما عندو محل هنا (معروف بداهة)
| Quote: لم انتبه لمغزى اسم محمود إلا عندما ذكرت تاريخ الميلاد وهذا يؤكد يا عادل بأنك فعلاً رجل (حر) ولا أود أن أزيدك بأكثر من كلمة حر |
بالنسبة للتاريخ طبعاً ما كان بإيدنا نختار تأريخ ميلاده
اما بالنسبة للإسم فقد جاء محمود يحمل اسمه معه , وهذه قصة لا مكان لها هنا
لذا لا مغزى من وراء الاسم أو الاحتفال بعيد ميلاد محمود الثالث في الـ18 من يناير
شكراً على معرفتك بـ(حريتي) ..وقد افرحتني بهذه (المعرفة) كثيراً
|
Post: #22
Title: Re: 18 يناير : أطفأ محـمـود الشمعة
Author: عادل فضل المولى
Date: 01-24-2006, 01:36 PM
المنصوري
انبل التحايا والشكر موفور لمرورك والتهنئة والكلمات الطيبات
| Quote: إنت عارف يا أبو محمود عندنا من البشارات القالا لينا استاذ محمود قبل إنتقاله بأيام ..كل مرة تتحقق واحدة واتنين وتلاتة لغاية هسه التحقيق ماشي واحدة ما تخلفت ولا كذبت |
نسأل الله ان يكون محمود الصغير بشارة خير لوطنه
| Quote: على العموم عندي أن محمودك هذا خيير وإنتا خييير وأمو خيييرة.. |
هذا الحديث لا يصدر الا عن روح شفيفة فلك منا اطيب التحيات ونتضرع الى المولى ان نكون كذلك..
|
Post: #17
Title: Re: 18 يناير : أطفأ محـمـود الشمعة
Author: ناذر محمد الخليفة
Date: 01-22-2006, 09:49 AM
Parent: #1
كيفك يا عادل
ياخي والله الزمن دا بقى يجري جري شديد خلاص ..
ومحمود ما شاء الله كبر مع إني متذكر إنو قريباااات دي هنيناك في البوست بتاع ولادتو ..
يا خي عقباب مية سنة كدة وربنا يحييك يخليك تحضر الشمعة المية حقتو ..
صنفرة :
مالك مختفي من رحلة توتي !!
|
Post: #19
Title: Re: 18 يناير : أطفأ محـمـود الشمعة
Author: معاذ منصور
Date: 01-22-2006, 01:04 PM
Parent: #17
ملايين التهانى للواعد محمود
ملايين التحايا والتهانى للاسرة الصغيرة وللبيت الكبير
عذرا ان تأخرت عليكم فيبدو انى قد دخلت شوقا من باب الخروج
فقد ظللت ابحث ليومين عن البوست الذى وعدنا به وقتها وبرغم ان
النظارة تم تغيير عدساتها فى عيد الفطر الا انها الان بحاجة لاعادة
كشف النظر وانا ارى حمودى ينظر الي معاتبا على التاخير
له ولك العنبى حتى ترضو
وعقبال مئة شمعة من النجاح والفوز
ودمتم فى رعاية الله وحفظه
وتحايا خاصة لكل المهنئين الذين التقيناهم فى هذا البوست
وسلام من التومات رحيق ورونق وعائشه وامهم
|
Post: #20
Title: Re: 18 يناير : أطفأ محـمـود الشمعة
Author: Ishraga Mustafa
Date: 01-22-2006, 03:24 PM
Parent: #19
كل سنة ومحمود طيب
يأخذ من وهج فكر ابينا محمود فى احترام العقل البشرى
وقيمة الانسان فى التفكير
وكل سنة ام محمود واباه بالف خير
ام واصل
|
Post: #26
Title: Re: 18 يناير : أطفأ محـمـود الشمعة
Author: عادل فضل المولى
Date: 01-24-2006, 03:07 PM
Parent: #20
الغالية الغائبة اشراقة
(أم واصل)
كل عام وانت وواصل والأسرة بألف خير
ربما لا تذكرين تزامننا في الجامعة لمدة عامين (على ما أظن)
لكن حضورك كان مميزاً على أصعدة مختلفة
شكراً على طلتك البهية
وهناك زملاء دراسة كثر في هذا المنبر
وبعضهم يشارك في هذا البوست
لك التحية مرة أخرى
وكل سنة وبلادنا بألف خير
|
Post: #25
Title: Re: 18 يناير : أطفأ محـمـود الشمعة
Author: عادل فضل المولى
Date: 01-24-2006, 02:26 PM
Parent: #19
الحبيب معااااااااذ
ابو التومات
اجمل سلام ليك وللحلوين رحيق ورونق وعائشه وامهم
وأجمل ما في هذا البوست انه اتى بـ(إشراقة مصطفى) أم واصل
الرائعة
ولا أظنك في حاجة الى التذكير بها
يا لها من أزمنة
...
قلت لي النظارة تم تغيير عدساتها...؟
أخوك لا يزال مكابراً في الذهاب الى طبيب العيون
رغم ان (الحروف بدأت تتداخل في بعضها البعض)..مثلما قال (بورخيس)
و(اخشى ان يفقد الاصدقاء وجوههم ...ثم لا يكون أحد في المرآة)
مثلما حكى عن تجربته مع فقدان البصر
لا عليك
وأطيب الأمنيات لك وللأسرة والاحباب جميعهم
|
Post: #24
Title: Re: 18 يناير : أطفأ محـمـود الشمعة
Author: عادل فضل المولى
Date: 01-24-2006, 02:13 PM
Parent: #17
الصديق الجميل ناذر
تحيات جميلة مثل طلتك
افتقدناك في حفلة (الميلاد) الصغيرة
ونوبي قال عايز حفلة خاصة
Quote: ياخي والله الزمن دا بقى يجري جري شديد خلاص ..
ومحمود ما شاء الله كبر مع إني متذكر إنو قريباااات دي هنيناك في البوست بتاع ولادتو ..
يا خي عقباب مية سنة كدة وربنا يحييك يخليك تحضر الشمعة المية حقتو .. |
يا ناذر نشط الذاكرة شوية أو أرجع لارشيف المنبر
التهئنة كانت لشقيق محمود الصغير (محمد المقتدى) المولود في الثامن من يونيو 2005
على اية حال شكراً لأنك تتذكر الاشياء الجميلة
...
سبب الاختفاء هو حالة (الانتقال) التي نعيشها في مجال العمل
ونرجو ان تزول الاسباب كلياً في الايام المقبلة
|
Post: #28
Title: Re: 18 يناير : أطفأ محـمـود الشمعة
Author: عبد الله عقيد
Date: 02-05-2006, 11:37 AM
Parent: #1
الحبيب ابو محمود
خالص التحايا
وكل عام وأنت ومحمود والأسرة بخير
وأتمنى لك ولهم العمر المديد
في صحة وسعادة ورفاهية
سعدت بلقاك وشيخ العرب وكل الاخوة الاحباب
واتمنى ان نجتمع دوما على خير
كل المودة
|
Post: #29
Title: Re: 18 يناير : أطفأ محـمـود الشمعة
Author: عادل فضل المولى
Date: 02-05-2006, 12:24 PM
Parent: #28
شكراً ود عقيد على المرور
وشكراً على التهنئة
وألف حمد لله على سلامة الوصول
وربنا يحفظ مشعل والجميع
|
Post: #30
Title: Re: 18 يناير : أطفأ محـمـود الشمعة
Author: Nasruddin Al Basheer
Date: 02-05-2006, 11:38 PM
Parent: #29
عادل فضل المولى
كيفك يا وليدي؟
جيت أقول صباح الخير
واشوفك كيفن أصبحت
وبس
|
Post: #31
Title: Re: 18 يناير : أطفأ محـمـود الشمعة
Author: gamal elsadig
Date: 02-06-2006, 01:29 AM
Parent: #30
الشقيق / عادل فضل المولى ..
كل سنة ومحمود وكل الاسرة بخير
وربنا يحفظه وعقبال ما تحتفل بزواجه
انشاء الله ...
لك الود
جمال حسين
|
Post: #33
Title: Re: 18 يناير : أطفأ محـمـود الشمعة
Author: عادل فضل المولى
Date: 02-06-2006, 03:15 AM
Parent: #31
جمال ياجمال
ابا البنية
من وين أبدأ؟
الخبر جانا وأفرحنا كثيراً
لكن الأمور جايطة عندنا بشكل عجيب
والأمورة عايزة لوحدها مشوار حتى توتي
"برفقة ميرفت مخلوف" التي جابت الخبر الحلو
ربنا يحفظها البنية ويجعلها من بنات الوطن الصالحات
ويقر بها عيون والديها
وتجدني والله عاجز عن الشكر
وأجمل التحيات للأسرة الكريمة حتى نصل اليكم
| Quote: وربنا يحفظه وعقبال ما تحتفل بزواجه |
آمين
وليته يوافق على العروس التي في بالنا
|
Post: #32
Title: Re: 18 يناير : أطفأ محـمـود الشمعة
Author: عادل فضل المولى
Date: 02-06-2006, 02:35 AM
Parent: #30
الحبيب ود البشير
يا صباحات الشوق والحب
وأصبحنا على حب
ولله الحمد
ولك من محمود وشقيقه المُقتدى
كامل السلام
يا جميل
وطبعا صاحبك معاذ عمل موقع
"يا للقفيل التي باتت تهدد قوقل"
وعايزين شوفتك في بوست
يعني دي
مجرد ملاحظة
و(بث)
|
Post: #34
Title: Re: 18 يناير : أطفأ محـمـود الشمعة
Author: Nasruddin Al Basheer
Date: 02-06-2006, 03:23 AM
Parent: #32
عزيزي عادل
تحياتي وسلامي لك وللأسرة الكريمة
مشكور يا سيدي على التنوير ..
صاحبي معاذ راجل ما قصر معاي ورسل لي عنوان
الموقع وأنا شكرته على ذلك أيما شكر.. شفت كيف؟
بعد كده قدمت طلب لمعاذ عشان أكون عضو معاهم
لكن يا للمفاجأة! شروط تعجيزية
أولا عرضوا الطلب على اللجنة الشعبية بتاعتم والتي
طلبت أولاً موافقة اللجنة الشعبية بتاعتنا مصحوبة
بالسيرة الذاتية بتاعتي.. وبعد أن فعلت ذلك اشترطوا علي
شراء قطعة أرض من القفيل ثم الزواج ، ولما اعتذرت عن
الزواج لأنني متزوج ولي طفل ، رد علي رئيس اللجنة الشعبية
ساخراً (ما تعرس تاني ، مالو العرس كتل ليهو زول)..
والأمر الآن بيدي وما زلت أفكر في الموضوع..
|
Post: #35
Title: Re: 18 يناير : أطفأ محـمـود الشمعة
Author: عبد الله عقيد
Date: 02-07-2006, 07:28 AM
Parent: #1
رسالة محبة
ومشاكسات أصحاب
من العم (معتز تروتسكي) إلى ابن إخيه (محمود فضل المولى)
فى عيدك ابنى محمود (ود فضل المولى) سلام يغشاك ونحن نصنع لكـ مكان مكانا الى جانب القمر ..
ابنى محمود ماذا اقول لكـ وليس فى وسعنا الان فرض الاحتفاء بكـ ايها (السيد) النازل توا فى هذا التاريخ المجيد ان نجد من كتف الكلام المليان مزعة..
محمود..انت وحدك تساوى نفسك يابُنى.. انت وحدك الذى جاءنا بلا مقياس..
محمود ..(الاخر) عندما كنا نغوص فى مجده ارتهان بالمصائب واحتضار بالغياب وانصياع للقدر ..فالشعر فى ذاك اليوم لايسمح لغير الاب الكبير..
عليكـ محمود (ابنى) انت تواصل مغنيا للخبز الشارد والوطن المحاصر والكلام الاخر غنى للطير والحطب والتعب والغضب ..من فاه ابانا (محمود) مواصلا..
محمود (ابنى) لقد اعطينا (محمود) كامل الصلاحية فى ان يحملنا الى حيث شاء ..لم نضع الى جانب الانتقال شرط يبقية فى دائرة جفن متمرد؛ او قيد يوقفه فى محطة قلب مشاكس؛
لكن ندعوك محمود (ابنى) الى التمسكـ بزمن (ابنا) محمود من خاصرته واجباره على الهبوط فى ضاحية عطاء متوازن ؛كمان كان ساميا وممتزج..
اما نحن (يا بُني) لم يقل لنا الزمن انه متخصص فى الايتاء بعمالة الزمن من جديد حين يولدون خارج رحم هذا الزمن.. حيث لم يكترث (محمود) بالاشياء الاتيه من ومضة برق مجهول.. حيث كان يعرف كيف يضع قدمية حتى رقي الرجل قدماه ليطبع على الزمان والمكان معا بصمة الخلود المتجدد فى ذكرى موقف لاينهزم وقوة كلمة لاتشيخ.. فكن (محمود) كما انت (يا بُني)..
---------------
وتمر الايام
---------------
صديقى فى الغياب .. حوته ياولد ..
حلمت ذات مساء بارد..انك ترقص قرب ألسنة اللهب وتستحم فى البحر الدافئ ...فحدثتك نفسك ان الايام القادمة ستباركك ..
محمود (صديقى)....اريد ان اقول لك عن الكثير ياعزيزى فى ونسة تملكنا الحزن لافتقاد الحزن دون تعليق بفرحة ايضا..
استوطنا ديار الخوف من مفاجات الشجاعه التى تطلب قدرا اضافيا من الاحساس يقابل اسقاطات الزمن فى عواقبها؛ وكان الاذعان للمصير فى ارهاصات متعدده ؛..
عارف يافرده؛ تحضرنى بعضا من خيول الرقص الكردفانى الحميم وتتطاير امام عينى حبات من ودع شبال يلامس خد الانيقة وبهرجة ... واقف مشدوها كالغريب !! ..
شفت كيف يازول البنيه (المافى دى) مسخت علي الدنيا كيف ..
اها اسى انت عامل كيف مع الحنان بتاعك ؛ والجرى الشديد واخبار الشباب شنو؟
تتذكر اخر مرة كنت معاك فيها وكت كنا ماشين (مدنى) لى اسى بتذكر الموقف المضحك داك الفى الموقف بتاع (السوق الشعبي)..
ياخ مبالغه لكن انت (الهى منك) ؛ قايتو جهجهته الزول كيف !!!
بعدين تعال النسعالك شمارك واصلنى بتاع التحضير لمرحلة مقبله شنو يعنى الا يجبو لى الاخبار يعنى انت ماعارف انو ...
الاقمار الصناعية ستجذبك من هنا ... فقط انتظرنى لاستنشق بعضا من حميميتك المدهشة ... وسأحكى ليك عن كل شئ ... وبينا المسافات الصناعية وابعاد قدر لها ان تكون ليس الا ؛ وهذا الميتفزقيا...
|
Post: #36
Title: Re: 18 يناير : أطفأ محـمـود الشمعة
Author: عادل فضل المولى
Date: 02-07-2006, 08:11 AM
Parent: #35
العزيز ود عقيد
الحبيب الغائب تروتسكي
لكما خالص المحبة
ود عقيد لقد كفيتني مؤونة النقل الى هنا فالرسالة قد وصلت الى بريدي
ولكني تحيرت في أمرها
وها انت تفي بوعد صديقنا تروتسكي
و
ليته يعود
ليته يعود
فالأرض صارت قفاراً
والبحر يبساً
وما عادت الاشياء هي نفسها
فالفراغ تجاوز حدود المدى
والسفائن حيرى في تحديد الاتجاه
أبو محمود
|
|