Post: #1
Title: فديو كليب...!!!
Author: عصمت العالم
Date: 11-25-2005, 02:23 PM
فيديو..كليب..!!
وهذا هو الاسبوع الثانى ينقضى...ونسيبك لم يفصح براى.. ولم يوقع على الاتفاق ..وكل الاوراق مستوفيه .من دراسة الجدوى وحتى التقارير الفنيه للمشروع...حاول الاتصال..ارجوك..الزمن بيتسارع..
وعمولتنا فى تسهيل هذه الامر ضخمه.مجرد التوقيع على الموافقه.وهذه تفاصيل سريه للغايه.. وانت شرحت للوزير امام شقيقتك كل شىء..يعنى نحصل على التصديق والشركه العالميه ستتولى كل النواحى للتنفيذ ..والدعايه والاعلان عن موبيتا..للهواتف النقاله...ومسالة الشبكه..وكل المحاور..
ونكون حققنا خبطة العمر...
ومضت الايام .مثقله.وبطيئه... وهما ينتظران فى صبر واناة..وشقيقة صاحبنا زوجة الوزير تمد لهما حبل الصبر يوما بعد يوم...
وبعد اسبوعا اخر..اا الصحف تعلن عن فوز شركة موبيتا العالميه بعطاء تشغيل هواتف نقاله فى السودان بعقد مغرى كشركة منافسه للسوق المفتوح....
ووقع الخبر عليهما وقوع الصاعقه...غرر بهما..وجرى .إتصال..وإتصال..ونقاش.. وتفاهم.واتفاق..
وتم المراد...مباشرة..بين الوزير والمدير...وتحدثت ارقام...
وسقط فى إيديهما وهما يلعنان كل شىء..والظروف..
ترى من الذى باع..؟ مجرد سؤال برىء...!!!
|
Post: #2
Title: Re: فديو كليب...!!!
Author: نجود حسن عبد الرحمن
Date: 11-26-2005, 03:11 AM
Parent: #1
اخ عصمت
انت عارف انو عنوان البوست بتاعك دة شرك
انا شخصيا دخلت عشان قايله في فيديو كليب والشمار كتلنى قلت حيكون عن شنو
ومتأكدة انو الدخلو كلهم لغاية الان ال79 شخص قايلين فى كليب والدليل بدخلو ومابعلقو
Quote: ومضت الايام .مثقله.وبطيئه... وهما ينتظران فى صبر واناة..وشقيقة صاحبنا زوجة الوزير تمد لهما حبل الصبر يوما بعد يوم...
وبعد اسبوعا اخر..اا الصحف تعلن عن فوز شركة موبيتا العالميه بعطاء تشغيل هواتف نقاله فى السودان بعقد مغرى كشركة منافسه للسوق المفتوح....
ووقع الخبر عليهما وقوع الصاعقه...غرر بهما..وجرى .إتصال..وإتصال..ونقاش.. وتفاهم.واتفاق..
وتم المراد...مباشرة..بين الوزير والمدير...وتحدثت ارقام...
|
لكن داير الجد صحى فيديو كليب
|
Post: #3
Title: Re: فديو كليب...!!!
Author: عصمت العالم
Date: 11-26-2005, 10:37 AM
Parent: #2
العزيزه نجود...
التحايا..العطره
حقيقة العنوان شرك مقصود به الاستقطاب للتدافع لان هوس الفيديو كليب بيشكل رغبة حقيقيه للدواخل لتشاهد مختلف الرؤى ومنها الاثاره والشحذ لمضامين تسرح بالخيال عبر مشاهد الغناء والرقص وتلاعب المنتاج وسحر الاخراج..ورغبة النفوس فى كسر حواجز روتين الرؤيا والاستيعاب..
لذا قصدت اشرك للجميع..
وانا اتفق معاك فى انه فيديو كليب وياله من كليب..!! له دلالاته فى إنبعاجات مراميهاالبعيده
عميق التقدير.وانتى الوحيده التى تداخلت.. وهذا رصيد جماهيرى اعتز به..
كل الود
|
Post: #4
Title: Re: فديو كليب...!!!
Author: نجود حسن عبد الرحمن
Date: 11-27-2005, 01:10 AM
Parent: #3
| Quote: وانتى الوحيده التى تداخلت |
صدقنى عدم مداخلتم دى
دايرين يتسدو فيك عشان شركت ليهم بالكليب
لكن شكلهم كدة ماقرو المضمون لو قروهو والله حايعملو مداخلات
لانو الموضوع بيستاهل الناس تتطلع عليهو وتعرف الحاصل حواليها
ما لاحظت ياعصمت انو كمية الناس الدخلت كتيرة كيف
بس مشكلتم مابيطلعو على الموضوع زى ماقلت ليك
لانو لغاية الان شايفة 200 شخص اطلعو على البوست ومافى واحد عمل مداخلة
مادايرة اقول ناس هيفا لكن الفيكم اتعرفت
|
Post: #6
Title: Re: فديو كليب...!!!
Author: عصمت العالم
Date: 11-27-2005, 08:12 AM
Parent: #4
العزيزه نجود.
الحقيقه عنوان البوست فيه قوة الأثاره..يدخلون لمشاهدة الصور..ويكتشفون انه لا توجد صور فتوغرافيه..لكن واقع الامر فى صور...واقعيه لما يحصل ولكل الحكاوى.والبيع بالجمله والاستفاده باى شكل واى مبدا..
اعتقد ان هذه صور حقيقة وواقعيه وهى اكثر إثاره من اى صور اخرى..
عميق التقدير للرصد.
وارجو متابعة الصور القادمه..
كل الود والاعزاز
|
Post: #5
Title: Re: فديو كليب...!!!
Author: JAD
Date: 11-27-2005, 07:19 AM
Parent: #1
201
Quote: ووقع الخبر عليهما وقوع الصاعقه...غرر بهما..وجرى .إتصال..وإتصال..ونقاش.. وتفاهم.واتفاق..
وتم المراد...مباشرة..بين الوزير والمدير...وتحدثت ارقام...
|
سلام..
ود العالم ..
والجماعة تلقاهم شاعرين بالغبن كأنهم خسروا صفقة من حر مالهم ..
والخاصل أن رأس مالهم صفر .. وإنما (-) لأنهم دفعوا خصماً على كريم الأخلاق ..
فلاش:
حليل اللقمة الحلال
|
Post: #7
Title: Re: فديو كليب...!!!
Author: عصمت العالم
Date: 11-27-2005, 02:39 PM
Parent: #5
العزيز جاد..
201 هذا رقم التسجيل..
سعيد بمشاركتك.وانت رصيد جماهيرى اخر اعتز به...
الفكره مذهله تعرى فى بساطة العرض ما يجرى.وما يدور .وبين الشارى.والبايع.يفتح .الله..
لكن دا بيع مدفوع باجر متضاعف..وفادح..ونافذ..وكله مبرر..موضوع الرزق الحلال. وكل الارزاق حلال فى فتوى التفسير المتشابكه...والعين تشوف العين واليد تصافح...
واقع مرير..ومؤلم..
ولا ادرى كيف سيلتقون وجه...ربهم العظيم.. وذلك الحساب العسير..
وكيف يتصالحون مع انفسهم.وهم يلبسون..وياكلون..ويتعاملون..ويشربون..ويرتزقون.بالحرام..
لا حول .ولا .قوه.إلا بالله ..الواحد..القهار..
عميق تقديرى للمداخله
|
Post: #8
Title: Re: فديو كليب...!!!
Author: Eng. Mohammed al sayed
Date: 11-27-2005, 04:49 PM
Parent: #1
كان هم كان غيرهم
.......................................................................
يحلها الشبكا
|
Post: #9
Title: Re: فديو كليب...!!!
Author: عصمت العالم
Date: 11-28-2005, 04:06 PM
Parent: #8
العزيز .باشمهندس محمد السيد..
يا صديقى.هى اللعبه كلها...فى الشبكه..وانت ادرى من النواحى الفنيه..
ويحلها .الشبكا..كما ذكرت...!!
عميق الود والتقدير
|
|