Post: #1
Title: المثير الخطير.خلف لافتات الشركات التجاريه..صور متبرجه...نرجو الاحتراس...!!!
Author: عصمت العالم
Date: 11-26-2005, 11:07 AM
Parent: #0
يا صديقى.موضوع التحايل على القانون..ممكنه.وخاصة قوانين النظام العام,,مع انها جمدت... وصهينوا عنها ما شغالين بيها خاصة بعد تغيير الاحوال والمناخ لكن ربما يتصلتك واحد ملعون من الهمباته او توابع الامن..ومن بقايا اللجان تنتهى بالجلد والسجن..والفضيحه. وانت رجل مقتدر وعندك سكرى...علينا ان نتجنب كل ذلك.بشوية حرفنه..وتكتيك..والاستفاده من الغباء العام..الموضوع بسيط.
سجل تجارى..وبعض التصديقات التجاريه والتسجيل مع مسجل الشركات.وناس الاستثمار نحن عندنا معرفه وثيقه معاهم..والبيت عندك,,, فى الرياض ..واليافطه..على المدخل.. سواح العالميه للأستثمار ..والمكتب يتجهز تربيزه وكمبيوتر وتلفون..ودولاب تضع فيه بعض الملفات..وكنبه كبيره وواسعه..وثلاجه عليها بعض الفواكه والمرطبات ومكن سندوتشات يوميه
وعليك بوضع قفل على باب الممر الذى يؤدى الى المكتب..وممكن تعين غفير فى الباب..الرئيسى
ومن هنا .وتسرح وتمرح..فى مواعيد العمل الرسميه..ودا هو الوكر المهجور...والشباب حايم.والظروف الاقتصاديه ضاغطه.والحوجه والاحتياج.تتيح فرصه لا تعوض
يا صديقى العمارات..والمنشيه والرياض ونمره 2 وشارع الحريه.انت قايل دى كلها شركات.وإستثمار.والله كنا فتنا اقتصاد اليابان.بى هناك..نحن لا زلنا من بلدان العالم الثالث...البشر تحايلوا على القوانين.. يمارسون الممنوع تحت سمع القانون.وفى داخل مكاتب الشركات...وتحت الحمايه
انفتاح اقتصادى يتماشى مع الرغبات...الملحه
لكن الغفير..لو تفرعن.او اكتشف او بلغ..؟؟
يا صديقى الغفير..وزعه فى مراسيل لسودا تل.او الادارة المركزيه او السوق الشعبى..او اجازه بنصف مرتب.اتصرف..وخلينا نستمتع بعد زمان الحرمان..يعنى كل البيحصل فى البلد الان هو صحيح ومعافى.وقانونى..كل مجموعه بتلعب بحرفنه وفن..وانت شايف براك الحاصل فى كل مرفق..خلى الطابق مستور..يا حمور...!!
ابقى عارف .كيف اللعب..وخليك.حريف....يا شريف...!!!
واختمرت الفكره ..النيره..
|
|