يا ليل..يا نيل..يا صيد..يا ريل.....!!

ولما نفرد شراع ترحالنا..
على موج البحر الهادىء..
بنعرف مرافىء ضفافنا عيونك
هى مراسى سفرنا..الطالت عقد ترحاله
زمن من شوق..مكمكم..وعاجز,,,وطافح
من ثقل الحمل .الريد..
وانت بعيده..مسارات من عمر يتمدد
ويطلق وشاح الفرقه القسوه..ويزيد
من هجر الليل ...ونواح اللوعه ودمع السيل
ليك بنشيل اشواقنا..ملامح ورياح من وجد
وعمر مترامى من دفق عواطف..ولهفة فرحه
وطوق من نشوه...وزمن بينادى عليك يا ليل
لما ضياء القمر النازل..بشعاعه يغازل.
ضفاف النيل.. وسحر عيونك ديل..
يا ليل..يا نيل..يا صيد يا ريل