Post: #1
Title: ما هى فتوىالشريعه الاسلاميه..عن موقع سيدة السودان الاولى.فى حكم اسلامى..كما يقال..؟
Author: عصمت العالم
Date: 01-23-2006, 12:45 PM
الحكم فى السودان كما اعلن بنص احكام الشريعه الاسلاميه..وبالطبع عدلت مع مرور الزمن فيما يجارى مصالح الحكام..واعلنت بحد السيف فيما كل ما يمس المساكين من الشعب..وتطبيق الحد بحرفية التشريع...بلا رحمه...!!
وياتى السؤال الان..ما هى الفتوى الشرعيه ..لموقع سيدة السودان الاولى,التى احتلته قرينة رئيس الدوله..وما هى احقيته الشرعيه والقانونيه من واقع الشريعه الاسلاميه..؟؟
ام هذه الحاله تفسر بسماحة الدين لانها صادره من الذين يمسكون بالقلم.ويتحكمون فى التشريع..؟ويفسرونه فى صالحهم...!!
سؤال برىء.نرجو ان نجد له إجابه.شافيه.كافيه..؟؟
وما يتم باسم الاسلام فى السودان وفى العالم الاسلامى..حقيقة مثير للجدل...!!!
|
Post: #2
Title: Re: ما هى فتوىالشريعه الاسلاميه..عن موقع سيدة السودان الاولى.فى حكم اسلامى..كما يقال..؟
Author: Abureesh
Date: 01-23-2006, 01:16 PM
Parent: #1
يا اخى اعتبر هذا القب مجاز لام المؤمنين..
بعدين شنو حكاية بعض المعارضين اليومين ديل.. هل اعداء تطور وتقدم وكرامة السودانيين بقو النسوان?
|
Post: #3
Title: Re: ما هى فتوىالشريعه الاسلاميه..عن موقع سيدة السودان الاولى.فى حكم اسلامى..كما يقال..؟
Author: nour tawir
Date: 01-23-2006, 11:23 PM
Parent: #2
مساء الخير عصمت
حلال على بلابله الدوح
حرام على الطير من كل جنس..
|
Post: #6
Title: Re: ما هى فتوىالشريعه الاسلاميه..عن موقع سيدة السودان الاولى.فى حكم اسلامى..كما يقال..؟
Author: عصمت العالم
Date: 01-24-2006, 01:28 PM
Parent: #3
الاستاذه االفاضله نور تاور...
الا نتفق على ان كل ما جرى وماسيجرى فى السودان من خلال النظام الحاكم..فساد وافساد واقطاع .الذى نعرفه..و.الذى يمارس على البسطاء والمقهورين..قطعا ورجما وحرقا وصلبا...ويتجاوزه..اولاد المصارين البيض...ويتقاضى عن جرائم الكبار..هو مفهوم الشريعه الاسلاميه وطرق تطبيقها لسحق البسطاء باحكام الاسلام الانقاذى الذى يصنف الناس حسب رؤيته
اوليس كل ذلك وشريعة اسلامهم وفهمهم الدينى والزامهم.وفكرهم..مثير للجدل...
ليتك شاهدتى بالامس السيده الاولى وهى تلقى الخطاب فى اجتماع سيدات افريقيا بقاعة الصداقه..والياور المخصص لها.امراه مقدم شرطه.ودكتور عوض ابراهيم عوض.هذا الاعلامى وهو يحرق البخور فى حضرة سيبدة السودان الاولى.وهو يقدمها وهو ينهى الاجتماع ..مرددا سيدة السودان الاولى...فى فرح وطرب وانتشاء..
اعتقد ان الانكسار والانحناءه قد طالت كل الرجال هناك..واصبحت تحكمهم سمات المطبلاتيه..من اجل ان نعيش...
وهذا هو بئس المصير...
لا حول ولا قوه الا بالله
|
Post: #5
Title: Re: ما هى فتوىالشريعه الاسلاميه..عن موقع سيدة السودان الاولى.فى حكم اسلامى..كما يقال..؟
Author: عصمت العالم
Date: 01-24-2006, 01:11 PM
Parent: #2
العزيز ابو الريش...
والله حسب ما ترى..والموضوع ليس موضوع معارضه..بل من موقع ما اعلنوه هم..انهم يحكمون بنص التشريع الاسلامى..والسؤال مبنى على هذا المرتكز..ما هو الافتاء الشرعى لهذه الواقعه
ام الشريعه الاسلاميه المعلنه فى السودان..لا تمس سادة الحكم..!!
عميق الود
|
Post: #4
Title: Re: ما هى فتوىالشريعه الاسلاميه..عن موقع سيدة السودان الاولى.فى حكم اسلامى..كما يقال..؟
Author: البحيراوي
Date: 01-24-2006, 00:58 AM
Parent: #1
الأخ عصمت العالم تحياتي وكذا للجميع
يا زول إنت مالك بتبحت كده ما تخلي السيدة الأولي تتفسح شوية
والله نحن الآن في بت خالد حرم الرئيس الأولي يعني منابها شنو من العرضة دي
يعلم الله نحن نطالب بالعدالة في توزيع المناسبات علي أساس عادل في الظهور
بحيراوي
|
Post: #7
Title: Re: ما هى فتوىالشريعه الاسلاميه..عن موقع سيدة السودان الاولى.فى حكم اسلامى..كما يقال..؟
Author: بكري اسماعيل
Date: 01-24-2006, 02:55 PM
Parent: #4
الأستاذ العالم / عصمت العالم
لك التحايا والود
أستاذ عصمت الناس ديل عندهم حاجة إسمها فقه الضرورة يعني تفصيل على حسب الحجم أقطع وأنجر يعني ما بتغلبهم الشغلة وحسي بجيك واحد ناطي يقول ليك نسيبة وخولة وموش عارف مين .. يعني المسألة ما بتغلبهم ...
خالص ودي وتقديري ،،
بكري اسماعيل
|
Post: #8
Title: Re: ما هى فتوىالشريعه الاسلاميه..عن موقع سيدة السودان الاولى.فى حكم اسلامى..كما يقال..؟
Author: jini
Date: 01-24-2006, 03:36 PM
Parent: #7
Quote: ماهى الفتوى الشرعيه ..لموقع سيدة السودان الاولى,التى احتلته قرينة رئيس الدوله..وما هى احقيته الشرعيه والقانونيه من واقع الشريعه الاسلاميه..؟؟
|
وما حكم من لم يعدل بين زوجتيه فى منصب سيدة السودان الأولى!
جنى
|
|