Post: #1
Title: لحظة صدق ....
Author: ست البنات
Date: 03-07-2004, 08:01 PM
بين الضحكة الجوه قلوبنا وبين الألم الخيم فوقنا لحظة صدق جميلة نعيشها حقيقة ** ونظرة شوق تطبع فى الخاطر لوحة حب وترسم أوتار ألحان منسية *** ولما نسافر فى عينينا تزهر دنيا الريد فى كفنا دبلة تنور لينا دربنا وتشع فى كل الحلة الفرحة ** وألبس طرحة من شريان الرضا منسوجة وما تبهت لوحة أحلامنا رغم دموع الفرحة النازفة من عينينا *** وتبقى الألوان ثابتة وراسخة وتبقى الطرحة ضرانا وعيدنا **** ومن أفراحنا الجاية قصادنا نلملم للأنسان الفرحة ** ومن أعماقنا نحدد ونحفر عمق الفرحة ** ومن الطرحة تنبت شتلة تكبر وتنمو وتطرح ود وتثمر عيد ونحصد خير يجدد تانى نسيج الفرحة ** ** **
|
Post: #2
Title: Re: لحظة صدق ....
Author: bayan
Date: 03-08-2004, 00:57 AM
Parent: #1
Quote: *** وتبقى الألوان ثابتة وراسخة وتبقى الطرحة ضرانا وعيدنا |
ما اجملك يا بت بلدى
|
|