Post: #1
Title: آه يا بلد ....
Author: ست البنات
Date: 03-05-2004, 02:22 PM
عهد الديمقراطية كان
طفلآ وليد
لا شب لا حبا لا مشى
هجمت عليه الغولة كف
قطمت رقبته وقصتا
واصبحنا من بعده خراب
عشعش على بيوتنا الغراب
لا خل زرزور لا قطا
*******
وطيورنا هاجرت الصباح
طشت مشت
حرقت لأماتها الحشا
ضاعت من ايدها هويتها
سمانا غطاها السراب
لا شال مطر لا بان تخا
رمالنا اندثرت جفاف
خلت حقول قمحك خلا
والخير نضب وعم البلا
*********
سوداننا لملم للشتات
لملم طويراتآ هناك
غابت وضاعت فى الفضا
وضمد جراح الفرقة
واركز يا بلد
وقلب دفاترك
ما يكون مندس خائن
ليك لبد
أرخ تأرخ من زمان
وياجوج محت
وماجوج محت
كل المؤرخ قبلها
********
اتروعت هامات رجال
وكتر الحمل فوق عاتقها
واتكممت أفواه هناك
كانت بتزأر
زى أسود افريقيا
فى عز صولتها
وجانا البهدم فى
البيوت كسر مقاديفنا
ورعى
ونخيلنا لا تمرآ طرح
لا زول طلع فوق قفزها
جانا البلا
وخلا حقول قمحك
خلا
********
سميه زمن القهر
زمن الأنفلات
سوداننا لملم
للشتات
دايرين نجيك
نقعد معاك
دايرين نجيك
نقعد سوا
نشرب معاك
جبنة الصباح
فى ضل ضحى
******
ست البنات .
|
Post: #2
Title: Re: آه يا بلد ....
Author: bayan
Date: 03-05-2004, 02:53 PM
Parent: #1
*******
| Quote: حرقت لأماتها الحشا |
ست البنات شكرا لنقرفة الجروح
وادمائها من جديد
الجزء دا بهديه لكل من غاب عن البلد بالسنين الطوال ولم يرى امه
مسكينات الامهات فى بلادى يمتن محروقات الحشا
قلوبن على جناهن وقلب جناهن على حجر
|
Post: #3
Title: Re: آه يا بلد ....
Author: ست البنات
Date: 03-05-2004, 03:02 PM
Parent: #2
أهلآ بيان ,
باقيلك الجراح أصلو نزيفها وقف ؟؟؟
وما أجمل ( نقرفة ) !!!
رجعتينى لى تنقاسى ! وانتى البتنكتى فى المواجع والكيوق يا بيان !!
ومشتاقين , وشكرآ ليك يا الكلك زوق ورشاقة !!!
|
|