Post: #1
Title: مشتاقين وانتو متين تجونا ؟ وسهرانين والليل طال علينا !!!
Author: ست البنات
Date: 02-17-2004, 11:44 AM
يا جماعة , يا عشة بت فاطنة , رقية وراق , وكلكم سلامات ووالله مشتاقين ....
ست البنات .
|
Post: #2
Title: Re: مشتاقين وانتو متين تجونا ؟ وسهرانين والليل طال علينا !!!
Author: رقية وراق
Date: 02-17-2004, 11:55 AM
Parent: #1
تحياتي العاطرة لك يا ست البنات ، و تصوري كنت في طريقي لارسال رسالة لعشة بت فاطنة بالمسنجر وأهو انت ناديتيها ، وأغنية النعام دي جميلة جدا يا ريت نسمعا .
|
Post: #3
Title: Re: مشتاقين وانتو متين تجونا ؟ وسهرانين والليل طال علينا !!!
Author: ست البنات
Date: 02-17-2004, 12:24 PM
Parent: #2
يا رقية بت وراق سلامآ حار وشوقآ زاد وبعدآ طال , ومن يوم شوفتك يومك داك وانتى عروس فى بلاد فرعون صدفة غريبة ما عدناها رددناها زحنا الشوق , وشوف العين يزيل ألمى , وأخينا داك ود وراق طال بعده ومسافاتنا بقت مشوار , نساسق بين جريدة الجيش وسونا زمان !!!
عرفتينى , مانى غريبة , عليى بعيدة ما بنشاف ,
عرفتينى ؟؟؟
عليك الخوة أعرفينى ,
دا ماهو اسمى عليى أقولك أكلت اللوبى والترمس والبركاوى والدفيق والمشرق!!!
حروف اسمى سين وكاف وأبوى بالكاف !!!
اريتك تبقى طاريانى , واريتك تبقى طيبى انتى انا البى كلو هين ...
وفاوضنى بلا زعل !!!
ست البنات .
|
Post: #4
Title: Re: مشتاقين وانتو متين تجونا ؟ وسهرانين والليل طال علينا !!!
Author: الطيب بشير
Date: 02-17-2004, 05:41 PM
Parent: #3
ست البنات
تسلمي
| Quote: اريتك تبقى طيب انتا انا البى كلو هين ... |
مع إحترامي لجهد الشعراء و المغنين بالبلد
لكن هذه تعدل عندي كل محاولاتهم للطرب!
أو ربما تعكس حالتي في {الستة سنة الأولى و المتصلة للغربة}
يا ريت نسمعها
ياااامهندسي البورد
و شوايقة إبداعه
أعيش ليلآ طويييييييل
طويل طولآ يجنن
لا قمرآ ظهر في سماهو.... لا.. نجمات يضون
-بكسر الواو-
حاجة متلفة
لا شوفتن تبل الشوق
لا ردآ يطمن
اريتك تبقى طيب انتا انا البى كلو هين
قيل إن النعام آدم المكفوف-يرحمه الله- كان له إبن لا ينطق, فلا شوفتن تبل الشوق للنعام
و لا ذاك الإبن قادر على النطق
هل الرواية صحيحة؟
أريتك تبقى طيب إنت
ست البنات كدة برضو تتطلعي المستخبي؟
|
Post: #5
Title: Re: مشتاقين وانتو متين تجونا ؟ وسهرانين والليل طال علينا !!!
Author: ست البنات
Date: 02-18-2004, 01:05 AM
Parent: #1
الأخ الطيب تحياتى ,
أمانة روحى ما طلعت , أعاين لأصدقائى وأعرفهم وهم ما يعرفونى !!!
والله أتاريه الأسم المستعار دا زى الشعر المستعار , لا بيلتق معاك وكمان يجيب لك المغايس والحر , وناسك هم فى عينك ويجهلوك , واتاريها مغابات العرفة دى تقتل !!!
وهاكم دى بمناسبة الشعر المستعار :
فى ممرضة من تنقاسى وبتشتغل فى مروى وبتمشى بالباص كل يوم للشغل فى مروى وهى بتلبس باروكة , وفى يوم ركبت جنبها واحدة من ناس تنقاسى شايلها ليها سخيلة فى الباص , وكل ما الباص يتهز السخيلة تتلصق فى توب الممرضة , الممرضة اتضايقت وقالت لصاحبة السخيلة زى الشى دى منى ما توسخ لى توبى الأبيض دا ! ردت عليها ست السخيلة : والله أسه أقوم أمعط لك الشىء اللابساها فى رأسك دى وأخلى كل صوفاية تصد لى حصانها !!!
****
مع تحياتى لأصدقائى : أم الخير كمبال , بشبش , فيصل محمد صالح , باردوس , خالدة عبد الحفيظ , على بابكر , محمد بيرق , محمد خلف ,رقية وراق , عبد الواحد وراق , عبد المنعم سيد احمد , مسعود , نصر الدين , تماضر , خالد الحاج , أميمة شيخ الدين ,كوثر محمد اليأس ,على سفورى , خالد العبيد ,سلوى حبيب ,محمد على نقد , محمد كامل , الباقر موسى ,محمد آدم ,تماضر حبيب الله , رقية العبيد , عشة المبارك ( وكيف عمرو وسارية ولسه ما عرفنا القادمين الجدد معاكم ) ويا عشة تتذكرى يوم مشينا سوق الخضار فى الخرطوم والجنوبى قلع من راسى طاقية السعف وانت رجعتيها منه عنترية ؟؟؟؟ !!! وتحياتى والعتبى لمن لم أذكر أسماءهم ....
وغايتو بقيت زى اصحاب الكهف !!!!!!
ست البنات .
|
Post: #6
Title: Re: مشتاقين وانتو متين تجونا ؟ وسهرانين والليل طال علينا !!!
Author: فتحي الصديق
Date: 02-18-2004, 01:15 AM
Parent: #5
ست البنات
لك التحية
الشايقية اهل ابداع واهل طرفة.هذه الحقيقة تتاكد لي كل يوم استمع فيه لشايقي يتحدث او اقرا فيه سطورا لشايقي.
ست البنات
ربي يلمك في اصحابك.قولي امين.
|
Post: #7
Title: Re: مشتاقين وانتو متين تجونا ؟ وسهرانين والليل طال علينا !!!
Author: ست البنات
Date: 02-18-2004, 01:59 AM
Parent: #6
أخى فتحى الصديق , تحياتى ,
شكرآ لك واطرائك للشايقية فى محله ومقدر .
وذكرتنى أبو قوتة بمدينة الحاج عبدالله حيث ترعرعت وأكلت العنكوليب , والسينات و والدامبوية , والتبش , وعشت سماحة اهلنا فى الجزيرة وطيبة قلوبهم ...
ست البنات .
|
Post: #8
Title: Re: مشتاقين وانتو متين تجونا ؟ وسهرانين والليل طال علينا !!!
Author: خالد الحاج
Date: 02-18-2004, 02:18 AM
Parent: #7
ست البنات..
ألفين مراحب..
وعيوني إتقددن بالسهر..
باكر بجي راجع وبجيب معاي الغنية مشتاقين
عندي بالحيل وكمان النعام آدم.
|
Post: #9
Title: Re: مشتاقين وانتو متين تجونا ؟ وسهرانين والليل طال علينا !!!
Author: haneena
Date: 02-20-2004, 08:56 PM
Parent: #8
khalid alhaj
???!!!where is the song man
we are all waiting
thanks sit albanat and welcome on board
|
Post: #10
Title: Re: مشتاقين وانتو متين تجونا ؟ وسهرانين والليل طال علينا !!!
Author: Outcast
Date: 02-20-2004, 09:12 PM
Parent: #9
| Quote: والله أتاريه الأسم المستعار دا زى الشعر المستعار , لا بيلتق معاك وكمان يجيب لك المغايس والحر , وناسك هم فى عينك ويجهلوك , واتاريها مغابات العرفة دى تقتل !!! |
هههههه ... والله فى دى .. صدقتى يا ست البنات ...
|
|