الزلعة الخيمت فى الناس شنو ???

صديقتى السودانية قالت لى -
ولدى الصغير (أربعة سنوات ) كلما أديته وجبة غذاء وبعد أن يشبع يقول لى دسى لى الباقى دا لى باكر !!!
تفتكرو دا من شنو ?
ست البنات .

ست البنات
ازيك

Quote: كلما أديته وجبة غذاء وبعد أن يشبع يقول لى دسى لى الباقى دا لى باكر !!!

دي ما زلعة.....دا ترشيد للاستهلاك

تحية طيبة للجميع

اول حاجة ربنا يحفظوا ليك ان شاء الله

التفسير العندى ، الزول ده بيكون شبع او الاكل ما عاجبوا (ما قصدى اعلق على طبيخكم) بس ده احتمال وارد، فاذا قال انو شبع، اكيد حتقولوا ليهو اكل زيادة، و اذا قال الاكل ما عاجبوا ، حتقولوا ليهوا و الانت البيعجبك شنو! بطل دلع و اكل !

اهه يقوم يقول ليك، خلى لى الباقى لبعدين او بكره، و كده يكون كسب وقت

فى الوقت ده ممكن يجى زول ياكل الاكل، او اى حاجة تحصل، المهم يزوغ هو من الموضوع



ده احتمال

و شكرا

سيجيمان الظريف كستر البورد وتحليتو ، تحياتى
يا سيجيمان دى زلعة - وزلعة بشعة خلاص ، أيا ، أول ما كان عندنا نفر دا!!
والا كيف ?
انسداح -
سيجيمان نضمك كلو سمح وبقراهو فى الاخر عشان ما أنوم منكدة !
لكن مسعول من الخير مالك ماب تهبش الجانب الصريح من مواضيع الساعة ويوم الحشر الوطنى ??ومنتظرين بس ما تقولنا اصبروا اصبروا خلوا اخوكم الخير يشتغل !!!
شكرا أسعدنا مرورك .
ست البنات .

الملاح البايت يتفع في اليوم الأسود

ست البنات
مرحب بيكي في البورد

زلعة يعني شنو؟؟

من ست البنات الى زولة 123 ،
تحياتى وبعد ،
الزلعة نوعان -
1- نوع من قلل الفخهر الصغيرة واسعة الفم ( وبالعامية السودانية الخشم )
وهذى عند أهل مصر لحفظ العسل المستخرح من القصب ( ويسمى العسل الأسود )

2-زلعة - وهى صفة تطلق على الأنسان كثير الأكل الذى لا يشبع ( النهم فى العربية الفصيحة )
ويكثر استخدامها فى السودان .
أرجو أن أكون قد أوفيت .
أختى السائلة -
ان هذه الصفة لم تكن شائعة فى الزمن الزين حيث الأكل متوفر وفى متناول يد الجميع .
ولك التحية .
ست البنات .

لاأعتقد إنو دي زلعة والولد ده ما مزلوع بس تكون أمو ماعارفه برنامجو
بمعني امكن بتديهو الاكل بتاعو وبرنامجو بتاع الكرتون قرب يبدا أو مثلا بكون اكل حلاوه او شرب ببسي او عصير مثلا.
علي العموم الزول المزلوع بياكل القدامو كلو ومابقول يدسوهو ليهو
وتاني امكن يكون مر بي تجربه انو لو ما اكل في الوكت القدمو ليهو فيهو الاكل مابدوهو ياكل تاني الا في وكت الوجبه البعدها
علي العموم الطفل مابكون مزلوع بالفطره ولكن في الغالب في سلوك خاطئ في التربية يجب علي صديقتك مراجعتها واستشارة طبيب نفسي للاطفال اذا شعرت بخطورة الموضوع
الحكاية دي ما هظار

الاخت ست البنات

والاخت د زولة 123

عندي ان الزلـعة هي الأكل الكثير لكن بدافع الخــوف من عدم توفر الطعام مرة أخرى فالشخص المزلوع يأكل دون وعي خوفاً من ألا يجــد الطعام وهي من الحالات التي تسود أيام المجاعات حيث يستهلك الناس في مثل هذه الأيام أضعاف ما يستهلكونه في الظروف العادية بسبب (الزلعــة).
بعض الحكماء يلجأ لإغراق الطعام بالسمن البلدي الدافئ إذا زاره ضيف (مزلوع) حتى يطفئ فيه حرارة الشهية للأكل.

والله أعلم.

تحياتي.

والله يا ست البنات كلنا ( مزلوعين جنس زلعة !!!!) ..

الا ان ( زلعتنا نحن من نوع آخر !!!!!!) ..

زلعة الشمس للطلوع في ربوع وطن غرقان في الليل والهموم!!

زلعة أهلي الغبش لأيام فرح وفرج ولت .. وفي انتظار أن تعود!!

وزلعة الزول لمايفيض بيهو الحنين والشوق الدفين لبلد يراهو

كل يوم ماشي يغـــــرق ويغـــرق ويغـرق ثم يغرق ..

دون ان يملك طوق نجاة له آنيا!!.

رايك شنو في زلعة من النوع دا ؟؟؟؟؟؟؟؟.

لك خالص معزتي .

خضرعطا المنان

السبب يا ست البنات هو: زلعة خيمت في الناس. بس الله يسعلني أول مرة أسمع بكلمة زلعة دي.
دي بت عم الصلعة؟.

زلع القمر .. وزلع الجمل أيضاً. زلع الطفل في الصحن زلعةً زلعت عين الصحن. سغفونا عليكم سيدي الحسن.

هاك دى يا شانتير :
مزلوع فى حبى مالى ... ايه ذنبى الجنيت
و فى رواية اخرى :
زلعونى ..ليه.. ليه.. ليه جابونى ليه شنو ما عارف
دى خواطر فيل قريبنا .
---------------------
انت دكين ببقى ليك ؟
نفس المزالع و الشبه .