Post: #1
Title: قالت و قال !!
Author: ست البنات
Date: 08-15-2005, 11:02 PM
Parent: #0
قال ليها :
أمى قالت لى شوف ليك بت حلال تغسل ليك هديماتك ، وتسوى ليك لقمة فى شتاء المهجر الصعب
دا ! وتبقى ليك سند فى الشتات ، قالعقاب فى البيت لمن ترجع من شغلك تسندك وتقويك !
قالت ليهو :
انتو ما عارفين ان فى اختراع اسمو الغسالة الكهربائية يغسل الملابس وينشفها فى دقاشق
وبتكلفة بسيطة أقل من تكلفة الزواج ?
وما عارفين الأختراع التانى الأسمو المايكروييف ! يجهز الوصفة فى ثوانى معدودة وتطلع وهى ساخنة
بدون حهد ?
أما عنى ، فأنا أبحث عمن يلازمنى انسانيا فى طريق الحياة برغبة واختيار منا الأثنين لا من
أمه !
نتسمع الشعر ، ونذهب للسنما متشابكى الأيدى ، ونتسكع فى الطرقات عاشقين نستوى فى الحقوق
والواجبات والمشاعر !
ولا يحجر على رغباتى البريئة ولا يجعل من أهلى و صديقاتى وأصدقائى أعداء !
ولا ينصب من نفسه أبا متسلطا على ومراقبا فى الصغيرة والكبيرة !
ولا أتسلط عليه أو أحجر على حقوقه باسم ملكية الزواج !
وبذلك نحقق السعادة والأحترام فى عشنا الهادى !
|
Post: #2
Title: Re: قالت و قال !!
Author: ALGARADABI
Date: 08-16-2005, 04:05 AM
Parent: #1
نكتة
واحد قالو ليهو اتزوج...قال أنا مجنون أجيب واحدة تشاركنى الميز
وما تدفع!!!!
|
Post: #3
Title: Re: قالت و قال !!
Author: ست البنات
Date: 08-16-2005, 05:03 AM
Parent: #1
الأخ القردابى سلام ،
دا ماهو مجنون ! دا نصيح بس جيوبو فيها عقارب ودبايب !
شكرا على المرور والنكتة الظريفة .
ست البنات .
|
Post: #4
Title: Re: قالت و قال !!
Author: Nour Kamil
Date: 08-16-2005, 05:26 AM
Parent: #1
الاخت ست البنات
ده طرح وااااااااااااااااضح
بس جمييييييييييييييييييييل
حلوه الفكره و اتمنيتها قبلك ( اتمنيت اديها لي مرتي )
لكن قبل الزواج افكار و بعدو افكار
يعني انتي بتضمني مرحله ما قبل الزواج تستمر ما بعد الزواج ؟
انا شخصيا ولدي احمد متحكم فيها اكتر مني
( المرقه علي مزاجو و النوم علي مزاجو و الاكل علي مزاجوو حاجات كتيره علي مزاجو )
مع العلم انو ليهو بس 5 شهور
لكن بتستمعي بي فتره منها و بعدين بتلقي نفسك في وادي تاني
لكن عموما بتمني ليكي التوفيق و تستمعي بي لحظاتك سواء كانت عزابيه ولا حرمه 
و بتمني تتقبلي مداخلتي.
|
Post: #5
Title: Re: قالت و قال !!
Author: ست البنات
Date: 08-16-2005, 05:40 AM
Parent: #1
الأخ نور كامل ، سلام وشكرا على المداخلة ،
ومداخلتك مش مقبولة بس ! لكن ومقدرة كمان !
وطبعا بخصوص التغيير ، لأن الزمن دوار ، والأقنعة ما دائمة !
فأحسن الوضوح بين كل اثنين قبل الأقتران !
ست البنات .
|
Post: #6
Title: Re: قالت و قال !!
Author: بلدى يا حبوب
Date: 08-16-2005, 05:41 AM
Parent: #1
ست البنات
وجهة نظر جديرة بالتوقف ارجدو ان يستفيد منها العذابة
تحياتى
|
Post: #7
Title: Re: قالت و قال !!
Author: ست البنات
Date: 08-16-2005, 05:47 AM
Parent: #1
يا حبوب يا بلدى يا حبوب !
سلام وأمان ،
وبرضو دا المقصد ! عشان الناس تتهنأ .
ست البنات .
|
Post: #10
Title: Re: قالت و قال !!
Author: عماد عثمان
Date: 08-16-2005, 06:00 AM
Parent: #7
العزيزة / ستنا كلنا
خالص تحياى واشواقى
الطرح جميل .. وواقعى ويمكن تتطبيقه
فى بلاد المهجر لإمكانية زلك
وبعدين ... الله غالب
الواحد بيكون وزير سياحة ....
يقوم براهو يعين ليهو وزير داخلية؟؟؟؟
مع تمنياتى لك
عماد
|
Post: #8
Title: Re: قالت و قال !!
Author: زوزو
Date: 08-16-2005, 05:55 AM
Parent: #1
اخ. . .!!! منطق زولتك دى نفس احساسى
والبحلم بيهو يوماتى !
لكن يبدو انه سوف يظل حلم
وبعيد عن الواقع
|
Post: #9
Title: Re: قالت و قال !!
Author: أحمد الشايقي
Date: 08-16-2005, 05:57 AM
Parent: #1
الأخـت ســت البنات
Quote: أما عنى ، فأنا أبحث عمن يلازمنى انسانيا فى طريق الحياة برغبة واختيار منا الأثنين لا من
أمه !
نتسمع الشعر ، ونذهب للسنما متشابكى الأيدى ، ونتسكع فى الطرقات عاشقين نستوى فى الحقوق
والواجبات والمشاعر !
ولا يحجر على رغباتى البريئة ولا يجعل من أهلى و صديقاتى وأصدقائى أعداء !
ولا ينصب من نفسه أبا متسلطا على ومراقبا فى الصغيرة والكبيرة !
ولا أتسلط عليه أو أحجر على حقوقه باسم ملكية الزواج !
وبذلك نحقق السعادة والأحترام فى عشنا الهادى ! ! |
ليس بالضـرورة أن الفتاة هي من تبحث عن هـذا النمط والخيار,
الكثير من الشبان أيضـا هـذا خيارهــم.
تحياتي
|
Post: #11
Title: Re: قالت و قال !!
Author: ست البنات
Date: 08-16-2005, 06:45 AM
Parent: #1
عماد أخوى ازيك وليك وحشة ، وطلتك بالدنيا وما فيها !
ولكن وزراء السياحة ديل ما حينزلوا المعاش !
أحسن يعينوا ليهم وزير وريث !!
ست البنات .
|
Post: #12
Title: Re: قالت و قال !!
Author: ست البنات
Date: 08-16-2005, 06:47 AM
Parent: #1
زوزو أختى العزيزة ،
خليك متفاءلة والدنيا بخيرها ، وبلدنا فيها ناس جميليين !
شكرا للمرور .
ست البنات .
|
Post: #13
Title: Re: قالت و قال !!
Author: ست البنات
Date: 08-16-2005, 06:51 AM
Parent: #1
الأخ أحمد الشايقى ، سلام ، وتسلم للأضافة ،
والموضوع مجاز يحتمل الجنسين .
ست البنات .
|
Post: #14
Title: Re: قالت و قال !!
Author: almulaomar
Date: 08-16-2005, 07:19 AM
Parent: #1
Quote: أما عنى ، فأنا أبحث عمن يلازمنى انسانيا فى طريق الحياة برغبة واختيار منا الأثنين لا من
أمه !
نتسمع الشعر ، ونذهب للسنما متشابكى الأيدى ، ونتسكع فى الطرقات عاشقين نستوى فى الحقوق
والواجبات والمشاعر !
ولا يحجر على رغباتى البريئة ولا يجعل من أهلى و صديقاتى وأصدقائى أعداء !
ولا ينصب من نفسه أبا متسلطا على ومراقبا فى الصغيرة والكبيرة !
ولا أتسلط عليه أو أحجر على حقوقه باسم ملكية الزواج !
وبذلك نحقق السعادة والأحترام فى عشنا الهادى ! |
أنتي بذلك تنشدين زوجاً يعرف ويعي ويقدس معني الحياة الزوجية وتؤسسين لشراكة في الحياة رسمالها المودة والرحمة والسكينة وثمرتها ذرية صالحة وجيل نافع إن شاء الله
|
Post: #15
Title: Re: قالت و قال !!
Author: abuguta
Date: 08-16-2005, 07:28 AM
Quote: عارفين الأختراع التانى الأسمو المايكروييف ! يجهز الوصفة فى ثوانى معدودة وتطلع وهى ساخنة
بدون حهد ? |
ست البنات الجهاز بلقاهو وين وبكم
الغسالة طبعا عندنا وقدرنا نتعامل معاها
تعرفى انا كنت طالب ..عشان ما اغسل بمشى سوق فى نيو دلهى
فيه الاقمصة الرخيصة خالص..بشترى 5 درزن.. قميص هزاز
واتنين بنطلون جنز...hgn اخر السنة بطبقهن وبمشى السودان بوزعهن هدايا
شكرا لك على هذه الاتكاءة
ولقدام
|
Post: #16
Title: Re: قالت و قال !!
Author: Nour Kamil
Date: 08-16-2005, 08:31 AM
Parent: #1
ست البنات
عارفه المشكله ما في انو الافكار قبل العرس بالعكس
عارفه انو في عرسان كتار حياتهم بتيقي اجمل و احلي بعد العرس و ما بيكونو بيعرفو بعض قبل العرس
مثلا:
لما يتقفل راجل و مرتو في بيت واحد و يكونو بيعرفو بعض بيتوقعو من بعض حاجات كتيره و في حاجات ما بيكونو فكرو في انهم حتي يسالو بعض منها قبل العرس هنا بتكون الماساءه الكبيره اذا واحد منهم ما قدر يتقبلها من التاني او بيكون حلمو ما اتحقق حتي لو كانت بسيطه بيكون وقعها كبير علي نفسو و ممكن تتسبب في مشكله بينهم و تبدا افكار تانيه بعد العرس.
اما اذا ما كانو بيعرفو بعض و اتزوجو هنا بيكون تصرفاتهم كامله جديده لي بعض و هنا بيكون في امل اكبر انهم يتفهمو بعض لانو مافي خلفيه سابقه.
الكلام في الموضوع ده كتير شديد و المداخلات اكبر
وعلي فكره ما تفتكري اني ضد موضوع فكره التعارف او علاقه قبل العرس لا بالعكس بحبذها لكن زي ما قلت ليك في الحالتين في مساويء و في محاسنو هنا تتمني حاجه واحده بس انك تلقي زول يحس بيك و يتفهم افكارك و يسامح غلطاتك ( غلطاتك في نظرو ) و ما يشيل في قلبو منك ابدا.
ممكن اديكي مثال بسيط:
في لحظه بتمر عليكي بتكوني دايره تقولي لي حبيبك و لا زوجك او خطيبك كلمه حب حلوه او اعتراف و ما لقيتيو في اللحظه دي لاي سبب كان ( في اجتماع ، نايم ، .... الخ ) دي مشكله و بتحز في نفسك صاح ؟
بنفس الطريقه في كلام بتخجلي تقوليو ليو و دايره تقوليو ليو حتعملي شنو؟
حتقولي لي ادخل معاو مسنجر
افتح ليو بوست هنا فيالحوش ؟
كدي فكري فيها و اديني ردك ؟
|
Post: #17
Title: Re: قالت و قال !!
Author: عزاز شامي
Date: 08-16-2005, 12:54 PM
Parent: #1
عارفه يا ستهم كلهم موضوعك ده جاي في وجع!
اللي شبهه البطيخة بالزواج أو العكس ما كضب الاقبال على الزواج اقبال على المجهول، مهما اتكلمتيي وطرحت ووضحتي وقلتي انتي شنو وهو هز راسه وقال ليك( كلام جميل) (ما حنتختلف) قد ما بكره هتفغري فاهك من الدهشة لو هو شذ عن ما اومئ عليه في الزمن الفات...
المشكلة انو احنا الاثنين، المراة والرجل، بنكون حاجة قبل الارتباط وبعض الارتباط بنبقى حاجة تانية .. او كما يقولون (متطلبات المرحلة) في كثير من الاحيان ما ازدواجية مننا ولا عن قصد ..بس اللي رجله في الموية مازي اللي رجله في النار ...
الكلام يفرق لما نجي للحقائق وتطبيقه في ارض الواقع ...
زيك انا .. بحلم براجل يكون صديقي وفردتي قبل ما نكون ازواج، بس الحياة الزوجية ما دايرة اصدقاء! الحياة دايره مركب وقبطان .. عايزة تحديد اولويات وخطوط محددة لازم نقبل نحبس روحنا فيها وإلا على الارتباط السلام!
باتفق مع اخوي نور كمال انو الزواج المبني على علاقة بيكون فيه توقعات كثيرة وهنا تكمن المشكلة! لانو لما افق التوقع بيكبر افق الخيبة بيكبر طرديا!
المشكلة بتكمن، في نظري سخسيا ، في مدى تقبلنا انو نتغير مع متطلبات المرحلة!
*ممكن نظريا تقولي ما عندي مشكلة اقعد في البيت بعد العرس والكلام ده يتوثق ويتبني عليه ملامح حياتنا، وبعد العرس تلاقي روحك رجعت في كلامك وبقيتي عيله! الحل شنو؟ بوابات من التساؤل والمواجهات ما بتخلص!
*هو قال انو بيحب صاحباتك واهلك .. بعد الزواج ممكن يلقاك بتقضي وقت هو كان دايره ليه.. ساعتها الاريحية الزمان بتتقلب وحيبقى في نظرك زول متسلط! وانت بتكوني في نظره مهمشاه وما زي ما قلتي انو هو الاول! شفتي اللخبطة دي! ايام العسل كنتوا شخص واحد، اول ما جا التطبيق بقيتو اتنين ضد بعض!
الحكمة التي اتعلمتها في عمري القصير جدا، 18 سنة بس ،انو العرس ده قضاء وقدر! بيجي زي الموت وبيخطفك خطف! لا تخطيط بيفيد ولا تنظير بيفيد .. هو مكتوب لينا...
وإلى ان يأتي المكتوب ... من المباح ان نحلم بشريك حياتنا حسب المرحلة الآنية!
تسلمي يا رائعة على الموضوع الجميل .. صحيتي فيني الرومانسية من تاني
|
Post: #18
Title: Re: قالت و قال !!
Author: ست البنات
Date: 08-16-2005, 06:26 PM
Parent: #1
الأخت ذات ال18 ربيع ، سلام مربع ( أستعيرها من الودودة شيرى عشان خاطرك !) لأن الكلام دا
كبير ...كبير ... على ربيعك دا !وأهنيك ! لأنى لمان كنت عمرى زييك كنت هبلة !!!
لكن أرى ان الدنيا لازالت بخير ! والناس البتتفهم الأنسانيات ، وتصمد على رأيها ومبادئها لازالت فينا !
والزواج ما عاد بطيخ أو شمام !
واستمرارية التفاهم مرتبطة بالشخوص !
وكلما كان الواحد حقيقى وواعى كلما احترم الآخر حقوقه ، وحفظها ليهو !!
لكن يمكن زواج المصلحة هو البتنطبق عليه الوصفات دى !
وفى رأيى الزواج امتداد مرحلة التوافق والعلاقة ، وفى نفس الوقت تطبيق للروؤى فيها !
والزول بيمسكوه من أقواله !
والأنسان السوى بيستحى من تغيير أفكاره !
ولا ننسى الحب والرأفة !
هما درع وحصن الزواج !
يكن نوع ناس أمى اختارت لى ، وشريط فيديو شافوهو المغتربين والمهاجرين ، وأسرعك .. أسرعك
أخطب لى البنت اللابسة البمبى الشعرها طويل دى ! هو سبب البلاوى !!
ومشكورة يا عزاز ..
ملحوطة :
فى أغنية سمعتها قريب بتذكرنى بأسمك !!
مطلعها :
ظبى العزازة الجيدو قزاز _ يا عزاز أنا نومى خزاز !
ست البنات .
|
Post: #19
Title: Re: قالت و قال !!
Author: مطر قادم
Date: 08-17-2005, 02:53 PM
Parent: #18
الاخت ست البنات
كل التحايا
اود ان اطلع من جوهر موضوع البوست,وادلف الى تحيتك عبر مداخلة بسيطه وهى
Quote: فى أغنية سمعتها قريب بتذكرنى بأسمك !!
مطلعها :
ظبى العزازة الجيدو قزاز _ يا عزاز أنا نومى خزاز !
ست البنات |
هذه من الاغانى الشهيرة للشاعر الكبير ابراهيم بابكر العبادى,صاحب برضى ليك المولى الموالى,عازة الفراق بى طال, وسايق الفيت, فضلا عن اشهر مسرحياته عائشة بين صديقين,والمك نمر والتى مثلتها فرقة نادى الزهرة بام درمان.
ولكن موضوع البوست ده عاوز ليهو سمنار عديل مو خزاز.
|
Post: #20
Title: Re: قالت و قال !!
Author: المسافر
Date: 08-17-2005, 04:04 PM
Parent: #19
ست البنات
أحلى تحية
على طاولة من حنان ترتاح عروض كتيرة غير مرئية
طرفها أثنين ينطلق من بين جوانحهم دفء الكون
من أي منهم كانت البداية تنطلق أمنيات الثاني بلا نهاية
أشياء تهرب من الحروف واشياء ترتبك مع الرغبة والتحنان
والحقيقة الغائبة تنتشر بين آمال عراض
عرض ما بين الضفتين تنهرها الأمواج
إذا كان البساط لائقاً فجزء من كينونتين يتجزأ ويتجمع في الأعماق
فيجد في سداة النهر طينة لا تحتاج الحرارة لكي تعبر عن الحياة
طينة يبهرها الضوء وتتلقفها الأنسام والأنفاس
فتنظر هي في عينيه فتجده
وينظر هو في عينيها فلا تظن أن هناك راحة في الهروب
إقبال وجهها عليه ساحة تنعشه بالحراك
فإذا تجسد لها في ماهيته شئ عنها فلن تفكر في سواه
وسوف يذكر في نفسه راحة أن يجد الباب كما الوصف فما ضل الطريق
وإذا تمعنت في الحروف والكلمات ظهر لها بريق الغسل بالقدسية
وإذا التمع في إنعكاستها كان ماسة أصلية
لن يذهب شعاعا ما دامت كفيها تحوي ذلك الثمن المهول
وزنت هي صدقاً وأكتال هو عفافا وتمني
لن يتلفت ولن تلتفت
وفي مخيط الثوب لن يبن الرتق
وما وهت الخيوط
|
|