الى سيف مساعد : فى الصمت حسنة !!!

حين يكون الأنسان مفلسا ، ولا يدرى أنه لا يدرى ! فالأجدر به أن يتخفى خلف جهله وافلاسه !

وان أكثر الناس ضآلة من يستخدم مثل أسلوبك هذا !

فحين كتبت عن المفصولين فى المنبر استخدمت اللغة التى يعرفها جميع قراء المنبر !

فليس هنالك ما يدعوك لأن تكتب لى بلفة غرب أفريقيا ! ان لم يك فى نفسك شئ !


وان كنت ترمى الى شئ لم تواتيك الثجاعة للبوح علنا به ، فأنا لم أرق بعد لمنزلة علم

الغيب والتكهن ! فوفر عليك !

وبما أن لدى تجربة معك سابقة فى نفس السياق ،

فأنا لا أبحث لديك عن أصل !

وأعلم ان وجودى فى هذا المنبر ممهور بوجود الأحترام بين أعضائه ، فأن غاب غبت !

ملحوظة :

ليس مهما أن يتداخل الشخص فى بوستات الآخرين ان لم يسبق ذلك تفكير ، واعتبار لمشاعرهم !

بل يمكنه الأكتفاء بالمطالعة فقط ، ولا ضير ولا ضرار !!!!

ست البنات .

UP

الحصل شنو ياستو ؟!

UP

يا نادية سلام ،

الزول دا متلحنى بلغات بيعرفها هو براهو ، وقبل كدا قال الشايقية فلاتة ، وبقى كل مرة يجى بدرابو وطوبو العارفاهو داك بكل شتارة يخرمج ، يحسبو لعب !

ست البنات .

ست البنات

يا دوبك قريت مداخلتك لى نادية..

زعل البورد دا كان باريتيه, تجيبى ليكى ضغط ساكت.

كدى وحدى الله

وهدى اعصابك..

ست البنات لى حدهن

الليلة مالك زعلانة كدى؟

هون عليك..

ست البنات

كدى هدئ اعصابك وروقى دمك عليك الله

وياريت الاخ سيف يورينا المشكلة شنو .....باين ده شئ من زمان برضو وانا ماعندى خلفية !!

معليش أكيد سؤ تفاهم وبيتعالج باذن الله

ستو

انتى اون لاين فى الماسنجر الان ؟

ست البنات

اها النتوكل علي الله وادخّل خشمي....

انا قريت نضم سيف... ما اظنو قاصد شي.... حتى انا قلت ليكي دي مزيكا....

وانتي الايام دي واقفة في حرف الضفر...ماكي حملانة الهبشة....زمان كنتي بشوشة ووناسة وبالك طويل.....

وانا اقول لي سيف تعال عليك الله وريها انت قاصد شنو.....

جات تحت يا سجيمان لكن برفعا تب

//font> ست البنات لي حدهن سلامات ياخي الحاصل شنو يا شيخة قولي بسم الله

زي ما قالو ليك نادية ونور اكيد في سوء تفاهم وسيف ده زول الله في بلد الله وزول حسب معرفتي بيهو نيتو بيضة

المهم اتمنى ان يزول اي سوء فهم بين كل بوردابية وبوردابية/ وبوردابية وبوردابي / وبوردبي وبوردابي / وبوردابي وبوردابية والله كتابة البوردابييين والياااااات دي وجعت لي يدي

عليك الله يا ستو ما تزعلي نفسك والدنيا دي ما بتستحق زعل وامسحيها في وجه سجيمان ودكين ديل انتي قايله سجيمان ده سجلوهو في المنبر ليه ؟؟؟

ما عشان يجلبطو فيهو بث




سجيمان المصيبة ابت تترفع تب التقول عاملك فكي لا حول ولا قوة الا بالله

Quote: وقبل كدا قال الشايقية فلاتة

ياخي بالغ مع الفلاتة لكن ...

تاني فضل ليهم شنو؟؟؟
انا لو فلاتي حرم اخنجر نفسي ...

ست البنات
معليش
هو اصلا كده
لعبوا خشن
وكلامو دراب
ونضموا فليق
وبالمناسبة كل الناس شاكين منو
اعتقد اننا محتاجين نورى الناس ادب المخاطبة واسلوب الحوار الحضارى
لابد من ضوابط واخلاقيات للتعامل فى هذا البيت الكبير
نكرر يا استاذة معليش وانتى اكبر من كده
بت اصول ومعروفة حاشاك كلام سيف الما مفهوم
سيف مساعد لازم ولازم تعتذر على وجه السرعة لهذه الاستاذة
مفهوم يا سيف
انت غلطان لازم تعتذر
يا سيف الناس دى الفيها مكفيها فعليك الله ما تدخل شمال
خلاص يا ست البنات سيف حا اعتذر بس طلبنا لازم تقبلى العذر
دعونا نفتح نافذة جديدة
لنشم نسيما جديدا
سلام

(ياخى بالغمع الفلاته لكن تانى فضل ليهم شنو؟؟)
(انا لوفلاتى حرم اخنجر نفسى..)
والله يادكين رغم انى شايقى لاول مرة منذ فترة طويلة اضحك لحدى ما
دموعى تجرى.. ياخوى انت قايل السوهو فيكم ناس عوض الجاز وعلى عثمان, نحن
قبلاننو...انت عارف يا دكين فى العام 91كنت معتقل فى احد بيوت الاشباح , وتصادف فى ذلك الوقت ,وجود الاستاذ سيد احمد الحسين, والمرحوم على الماحى السخى, والعقيد بحرى محمد بشير,وشاب اسمه فيصل شبو وجميعنا ابناء قبيلة واحدة وفى زنزانة واحدة وكان معنا
الاخ العزيز فوزى امين وهو متزوج من سيدة فاضلة ايضا تنتمى لقبيلة الشايقية, قام الاخ فوزى بعمل احصائية لمعرفة لاى القبائل ينتمى قاطنى الزنزانة رقم 4 فاكتشف ان 5 افراد
من اصل 12 ينتمون لقبيلة الشايقية ,فعلق قائلا انتم القبيلة التى يطارد نصفها النصف
الآخر, كدى خلينا من حكاية الفلاتة والشايقية ,نحن ما كلنا اولاد بلد واحد, انت علاقتك
شنو ب دكين بتاع بيوت الاشباح .

حين يكون الأنسان مفلسا ، ولا يدرى أنه لا يدرى ! فالأجدر به أن يتخفى خلف جهله وافلاسه !

وان أكثر الناس ضآلة من يستخدم مثل أسلوبك هذا !

فحين كتبت عن المفصولين فى المنبر استخدمت اللغة التى يعرفها جميع قراء المنبر !

فليس هنالك ما يدعوك لأن تكتب لى بلفة غرب أفريقيا ! ان لم يك فى نفسك شئ !


وان كنت ترمى الى شئ لم تواتيك الثجاعة للبوح علنا به ، فأنا لم أرق بعد لمنزلة علم

الغيب والتكهن ! فوفر عليك !

وبما أن لدى تجربة معك سابقة فى نفس السياق ،

فأنا لا أبحث لديك عن أصل !

وأعلم ان وجودى فى هذا المنبر ممهور بوجود الأحترام بين أعضائه ، فأن غاب غبت !

ملحوظة :

ليس مهما أن يتداخل الشخص فى بوستات الآخرين ان لم يسبق ذلك تفكير ، واعتبار لمشاعرهم !

بل يمكنه الأكتفاء بالمطالعة فقط ، ولا ضير ولا ضرار !!!!

ست البنات .
بسم الله الرحمن الرحيم
طبعا الجهل شئ نسبي وما اوتينا من العلم الا قليلا, ولكن فوق كل ذو علم عليم
السيدة الفاضلة هنالك شئ اسمه حسن الظن وعدم الاسقاط والتروي في اخذ الامور, الظن الحسن حتي يثبت العكس
لغة غرب افريقيا لغة يعتز بها كل اهل افريقيا وهي نتاج حضاري لبشر من سل ادم يعرفون انفسهم وقيمهم ولاشئ يجعلهم يحسون بدونيه ,
لم اكن جبانا يوما واحدا في حياتي كل في دواخلي علي لساني, ومن لا يعلم الغيب وجب عليه ان لايحكم بما املته عليه مخيلته
كلنا لادم وادم من تراب وهو الاصل
كل المني ات لا يغيب الاحترام وان يحضر بيننا الفهم والتفاهم
في مداخلتي ذكرت ناس من ضمن الغياب واكد علي حضورهم رغم اختلافي معهم
ولك كل الاحترام
في ناس هنا بكتبوا بالانجليزي وبالفرنسي وبالهوسا كانت صباح حسين بتكتب

قالت ست البنات

Quote: وأعلم ان وجودى فى هذا المنبر ممهور بوجود الأحترام بين أعضائه

وقال سيف

Quote: كل المني ات لا يغيب الاحترام وان يحضر بيننا الفهم والتفاهم

تاني باقي شنو للزعل

ست البنات يمكن لم اتداخل معك من قبل على ما اذكر كما لم اتداخل مع الاخ سيف
دخلت البوست المقصود لان فكرتو ومحتواهو هو جل ما اتمناه لهذا المنبر
ووالله لم ار ما ترينه في كلام الاخ سيف فارجو اعاده النظر في موقفك واعاده الامور الى نصابها مع مواصله ما بدات به في ذلك البوست الامل
كل التحايا

الأخوات والأخوة الذين تكرموا بالتداخل والرد أو الأستفسار ،

سلام ، وشكرا لكم جميعا ، وممنونيين !

وأوضح لكم بأنى كنت قد فتحت بوست فى العام الماضى بخصوص برنامج تم بثه فى احدى ولايات أمريكا ، وكان لى أن شاهدته ، وكان موضوع البرنامج حضارة مروى والبركل ، وقد أشرت الى أن ذلك البرنامج قد رد على تساءل كان يلازمنى منذ الصغر ، وهو مرجع الشلوخ عند قبيلة الشايقية .

فأذا بسيف مساعد يكتب بأن الشايقية أصلهم فلاتة ، بل صار يرد على فى مداخلاته بلغة غريبة ، فلما استفسرت منه هن تلك اللغة ، تهرب من الرد فترة طويلة ، وما فتئت ألاحقه بالسؤال ، فحين وجد أنه لابد من الرد عليى ، أجابنى بأنها لغة الهوسا !!!

ودار حوار بينى وبينه كاد أن يؤدى الى شكوى أوجهها لمدير المنبر ، لولا تدخل الدكتورة بيان لها الشكر .

وانطوت تلك الصفحة ، وهاهو يعاود ذلك مرة أخرى معى !

وأنا بالصراحة لا بعرف سيف هذا ولا حتى بتوقع منه مداخلة فى أى بوست أفتحه ، وبالواضح كدا أنا حتى لما هو يتداخل فى بوست لآخرين بشيل همهم من الدرراب الجاييهم والخروج بالبوست من مقصده وموضوعه الأساسى ! لأن سيف بيدخل صاحب البوست فى دوامة صراع جانبى لا طائل منه ولا علاقة له بالموضوع الأساسى ! وبعد دا كله لا يصمد للمواجهة ، وان واجه تكون مواجهة شترا وتزيد الطين بله !

ملحوظة :

الى جميع الأفاضل الذين يودون التداخل فى أى من موضوعاتى الرجاء عدم اقحام الخلافات السابقة مع آخرين فى موضوعى ، أو استخدامه للتشفى من آخرين ، لأن ذلك ليس من الفطنة فى شئ !

وشكرا لكم مرة أخرى ...

ست البنات .

كتب الأخ فيصل
((انا لوفلاتى حرم اخنجر نفسى..)
والله يادكين رغم انى شايقى لاول مرة منذ فترة طويلة اضحك لحدى ما
دموعى تجرى)
لو أن هذه الروح تتملكنا جميعا، لنسينا نزعات القبيلة والجهة للأبد. تحية لهذا الفيصل.

وأدعو الأخ سيف والأخت ست البنات لطي هذه الصفحة

Quote: (انا لاحظت حاجة فيك انك مرات بترمى الكلام زى الطوب كده وعشان كده فى ناس فى المنبر بيزهجو من مداخلاتك ) ده ياست البنات مكتوب في بوست ناديه عثمان انا ماشة الرئاسة دي مكانة حساسة وهاك الرابط أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!! وده كان ردي عليك ياست البنات الكلام الزي الطوب ده يا ست البنات دي الحقائق التي لم نتعود علي سماعها حتي ضاعت بلد بأكملها اصبحت انت طريدة وانا مثلك ومليون طفل سوداني مولودون بالخارج , وعلي فكره لكل منا منهاج في مخاطبة الاخرين

في بوست من هو حاتم السر
كان ردك علي كالاتي

Quote: سيف مساعد ما تسمع نصيحة نادية وتقلل من الدرراب والطوب ! ست البنات .

وهاك الرابط ياست البنات
من هو حاتم السر قبل ان يكون الناطق باسم التجمع
يشهد الله ما عندي معاك شئ

لكن الشايقية فلاتة ده كلام مكتوب في كتاب الطيب الفولاني حفيد عثمان دات فيديو مؤسس دولة الفلاني الاسلامية في غرب افريقيا
ثم تانيا ما عيب الفلاتة كل المتصوفة في السودان يتمنوا ان يكونوا كالفلاتة , والسيد الحسن ابو جلابية كان بقول انا ابن العثمانيين عثمان الختم وعثمان دان فوديو , وبشر الاخر بظهور نور المهدي في الشروق ويقصد نور السيد الحسن ابو جلابية الا ان الامام الختم وصل الي باره قبل وصول دان فوديو وتزوج بام السيد الحسن , وهذا سيد الشايقية يقول انا ابن الفلاتي عثمان دان فيديو

الاخت ست البنات

افهم ظروف كل انسان في المنبر, وافهم ظروفك كويس , لكن التبشيع بالناس مش كويس

انتي سكينة كمبال موجودة حاليا في استراليا , بعرفك كويس

التحايا لك انت يا راقى,وهذه اشادة سعدت لها كثيرا,لانها
اتت من شخص فى قامتكم السامقة, اجمع الكل على نقائه
وطهره وحسن تعامله مع الآخرين .لك كل حبى وتقديرى.
آسف صاحبة الدار لدخولى للمرة الثانية دون رد التحية.

التحايا لك انت يا راقى,وهذه اشادة سعدت لها كثيرا,لانها
اتت من شخص فى قامتكم السامقة, اجمع الكل على نقائه
وطهره وحسن تعامله مع الآخرين .لك كل حبى وتقديرى.
آسف صاحبة الدار لدخولى للمرة الثانية دون رد التحية.

آسف للخطا, ردى معنون للاستاذ خالد عويس.

الشقيقان سيف مساعد و ست البنات
و الضيوف الأفاضل
مساء الخير

لكماعندي منزلة

كلاكما خيّر ـ كلٌ بطريـقـتـه

رجائي أن تطويا صفحة هذا الخلاف
الوليد سـوء تـفـاهـم
و لكما مني المعزة و التقدير

عثمان

الحبيب عثمان محمد صالح

لك والله ماسألت

الف تحية ليك

سيف مساعد

ياخى ماتزعل شديد كده من ستو وصدقنى الحكاية مااكتر من سؤ تفاهم وانت زول مقدر لدى ولدى كثيرين فى هذا المنبر الوطن ..

Quote: الاخت ست البنات انتي سكينة كمبال موجودة حاليا في استراليا , بعرفك كويس

كرب ترب برب !!! دى لغة بفهمها انا برااااى اوعى تقولى لى يعنى شنو ياستو !!!


واتكشفتى ياستو !!!


كيفك يابت الاصول وكيف ام الخير كمبال الفنانة التشكيلية الراقية بالله ؟!!

الاخ سيف يعني انت الا ازعلوك حتي تتحفنا بالمعلومات التاريخيةالجميلة دي
باللة اري فيك مشروع تاريخي
باللة عليك واصل الكتابة عن هزا الموضوع
فانا المس الموضوعية دائما في مداخلاتك
ومرات الطوب مطلوب خصوصا للبناء والتعمير
ومرات مفيد في التظاهر ضد الطغاة
ولك الود
الاخت ست البنات بتكوني اجمل انتي هادئة
ودايما مداخلاتك مميزة
واسلوبك اكثر جمالا
خلينا نكون متابعينك اين ماحللتي في هزا المنبر
و اتفق تماما مع مازكرة الاخ عثمان محمد صالح
ولك الود

الى سيف مساعد :

لم ننتهى من المعضلة الأولى واذا بك تتخطى الأسم الذى أكتب به الى مخاطبتى بأسم اخر ، وليس لك أدنى حق فى ذلك ّ!

ومن حقى أن لا تخاطبنى بأى اسم لم استخدمه فى المنبر ،وان لا تنشر أى معلومة تخص مكان اقامتى طالما لم أفصح انا بما انه شأن يخصنى ، سواء كان حقيقيا أو ابتدعته أنت لى !

ومن هنا أتقدم بالشكوى الى الباشمهندس بكرى بخصوص تصرفك هذا .

وأضيف انا لم أتشرف بمعرفتك الأ فى هذا المنبر ومن خلال مداخلاتك !ولا أدرى علاقة معرفتك لى وان كانت ! بموضوعنا الأساسى !!!

وأواصل ...

ست البنات .

وافهم ظروفك كويس , لكن التبشيع بالناس مش كويس

وانا أفهم ان دا تبشيع ولا تهديد ولا تجريح ؟؟؟؟


وأسأل عن سر أهتمامك بظروفى ؟؟؟

وما هى طروفى التى صار يعلمها الناس عبر الأنترنيت ؟؟؟

هذه الأسئلة موجهة كشكوى الى الباشمهندس بكرى ...

والى هنا أقفل باب الحوار حتى يبت مدير المنبر فى أمر الشكوى المقدمة من قبلى .

ست البنات .

الاخت

ست البنات

اقبل من مدير المنبر اي شئ , اذا انا خرجت من طور النقاش او شتمتك

وهنا ما كتبت

ووضحت اذا وصلك شئ غير ذالك وجب عليك كتابته هنا
ست البنات اسمك هنا مكتوب ومكان اقامتك كتبتيها في احدي البوستات


وانتي بتحاولي نتبعشي بالناس , رمتيني بالجهل والانحطاط اقرأ ما كتبتي

Quote: التحايا لك انت يا راقى,وهذه اشادة سعدت لها كثيرا,لانها اتت من شخص فى قامتكم السامقة, اجمع الكل على نقائه وطهره وحسن تعامله مع الآخرين .لك كل حبى وتقديرى. آسف صاحبة الدار لدخولى للمرة الثانية دون رد التحية.

الاخ فيصل

التحية لك الفلاتة في السودان الذين اشتغلوا في شتي المجلات والتاريخ يحفظ لهم تفانيهم في خدمة الوطن

واعتز انا بالفلاتة عندنا في السودان اتقياء واهل عفة واخلاص وطهر

ولكن لايعرف قدرهم كثير من الناس

واهديك بيت الصابونابي
فاتوني التكارنة من دار كانو ماشين لي في طيبة مسكنو

وانشاء الله اوافيك بالكتير والتحية عبرك للبروف الامين ابو منقة والاستاذ عبدالله عمر

فهمت ياسيدالناس , الهوس القبلي جانا راجع تاني

Quote: الاخ سيف يعني انت الا ازعلوك حتي تتحفنا بالمعلومات التاريخيةالجميلة دي باللة اري فيك مشروع تاريخي باللة عليك واصل الكتابة عن هزا الموضوع فانا المس الموضوعية دائما في مداخلاتك ومرات الطوب مطلوب خصوصا للبناء والتعمير ومرات مفيد في التظاهر ضد الطغاة ولك الود

الاخ بدر الدين كاجوري

من اعظم الرجال في السودان السيد الحسن ابو جلابية وامه من غرب السودان والشيخ يوسف ابو شراء وامه جنوبية وعبد الرحمن المهدي امه من الفور من غرب السودان , وحتي الان لم نجد اعظم منهم في تاريخ بلدنا, الناس ما تقدنا ساي انا عربي وانا افريقي
السؤال ماذا قدمو للسودان
انشاء الله صادفتك طوبة كبيرة عشان تستفيد منها