Post: #1
Title: هل تتفقون معى ?????????????
Author: ست البنات
Date: 09-24-2005, 07:50 AM
Parent: #0
سلام للجميع ،
والله وبالصراحة كدا المنبر دا بقى ما فيهو جديد !
ويتضح جليا أثر ايقاف المبدعين فى الهزال الذى أصاب المنبر !
أناشد الأستاذ بكرى بأعادة الآتية أسماؤهم :
1- عادل عبد العاطى .
2- خضر عطا المنان .
3- رودا .
كدفعة أولى لتلاحق أفواج الموقوفين .
وأناشد
بشرى الفاضل ،
فيصل محمد صالح ،
الأخت نجاة ،
عبدالله بولا ،
تماضر ،
عشة بت فاطنة ،
الجندرية ،
عالية ،
توما ،
ايمان ،
بنية ،
الملك ،
مزن ،
طلال،
عبير خيرى ،
شيرى ،
بمعاودة الكتابة فى المنبر .
ست البنات .
|
Post: #2
Title: Re: هل تتفقون معى ?????????????
Author: sharnobi
Date: 09-24-2005, 07:58 AM
Parent: #1
الفاضلة ست البنات
بدلا من ان تطالبى هؤلاء من الرجوع
طالبى من يكتبون ان يلتزموا حدود لياقة الكتابة
وان يجعلوا من هذه الساحة جاذبة..
صفاء الساحة.. والاحترام هما كفيلان بان يدفعا باقلام المبدعيين
الذين غادروا الساحة
والذين طلعت من نفسهم امر الكتابة هنا
فاكتبى
واكتبى
ستجدى حولك فراشاة الابداع تتلم
|
Post: #3
Title: Re: هل تتفقون معى ?????????????
Author: عبدالله وداعه الامين
Date: 09-24-2005, 08:01 AM
Parent: #1
الاخت العزيزة ست كل البنات
اتفق وابصم بالعشرة
ونعم لعودة كل الطيور المهاجرة من منبرنا وعودة الكلمة المبدعة
اتمنى عودة كل الاقلام التي افتقدنا همس حرفها وضحكة اناشيدها.
لكي مودتي ست البنات وتحياتي
عبدالله
|
Post: #4
Title: Re: هل تتفقون معى ?????????????
Author: saif massad ali
Date: 09-24-2005, 08:13 AM
Parent: #3
لا اتفق معكي لانك نسيتي بنات العباسي راويه ورجاء
ترب كرب ترنم
كلامك سمح تب
|
Post: #5
Title: Re: هل تتفقون معى ?????????????
Author: Ali Alhalawi
Date: 09-24-2005, 08:15 AM
Parent: #3
الأخت ست البنات .. ســلام
و معك نطالب بكرى بإعادة كل المبدعين المفصولين
كما نطالب كل الأقلام التى توقفت بمعاودة الكتابة
مازال الجميلون و المبدعون بالمنبر كثر .. لكن المعارك .. بالأحرى الدواس .. يجرفهم بعيدا
|
Post: #6
Title: Re: هل تتفقون معى ?????????????
Author: ست البنات
Date: 09-24-2005, 08:23 AM
Parent: #1
(كدفعة أولى لتلاحق أفواج الموقوفين .
)
تحية للأخوة الأفاضل الذين استجابوا ، واسمحوا لى بدءا بالرد على الأخ سيف مساعد :
لكأنك تقرأ سطرا وتترك سطرا يا سيف !
ألم أعقب على مناشدتى بأمل عودة أفواج الموقوفين ??
ملحوظة :
الرجاء توضيح ما كتبت بلغة لم أتمكن من فك طلسمها !
ست البنات .
|
Post: #7
Title: Re: هل تتفقون معى ?????????????
Author: ست البنات
Date: 09-24-2005, 08:27 AM
Parent: #1
الأخ سيف مساعد ،
الرجاء توصيح الآتى :ترب كرب ترنم
وشكرا.
ست البنات .
|
Post: #8
Title: Re: هل تتفقون معى ?????????????
Author: saif massad ali
Date: 09-24-2005, 09:03 AM
Parent: #7
دي معناه يا ست البنات ايوه لازم يرجعوا
|
Post: #9
Title: Re: هل تتفقون معى ?????????????
Author: سجيمان
Date: 09-24-2005, 06:04 PM
Parent: #8
دي مزيكا يا ست البنات
الناس القلتيهم ديل فيهم ناس حردانين
وفيهم ناس مرفودين
وفيهم ناس حردانين مع الحردانين
وناس حردانين مع المرفودين
الحردانين زاتهم انواع
حردان عشان زعلان
حردان من اجل الشهرة
حردان لانو متعود يحرد
حردان عشان مكجن فلان
وانا اصلو ما بحرد
|
Post: #10
Title: Re: هل تتفقون معى ?????????????
Author: نادية عثمان
Date: 09-24-2005, 06:30 PM
Parent: #9
انا مفروض احرد لانو ست البنات تقول لى اظهرى اون لاين واظهر وهى ماتظهر !!!
|
Post: #11
Title: Re: هل تتفقون معى ?????????????
Author: saif massad ali
Date: 09-24-2005, 11:10 PM
Parent: #10
خلاص يا ناديه ست البنات حردت البوست ده عشان انتي حردتي
اما انا تضامنا مع سجيمان لن احرد
|
Post: #12
Title: Re: هل تتفقون معى ?????????????
Author: ست البنات
Date: 09-25-2005, 07:24 AM
Parent: #1
الى سيف مساعد :
ممكن نعرف اللغة دى ?
ست البنات .
|
Post: #13
Title: Re: هل تتفقون معى ?????????????
Author: saif massad ali
Date: 09-25-2005, 07:33 AM
Parent: #12
اللغة دي من غرب افريقيا
تعلمتها من واحد اسمو سوا سدبي عبدوالكبير
كان زميلي في الجامعة الشئ الذي شجعني لدراسة الهوسا والفلاتي بعد ذالك
اتكلم الهوسا وافهم الفلاتي .ولكن هنالك لغات تداخلت مع هاتين ببعض الكلمات
ولكن لماذا هذه المسأله الكتيره؟ وضحت ليك المعني
|
Post: #14
Title: Re: هل تتفقون معى ?????????????
Author: ست البنات
Date: 09-25-2005, 07:55 AM
Parent: #1
الى سيف مساعد :
لو سمحت أرجو من الآن فصاعدا أن لا تتداخل معى فى أى بوست ، ويبدو أن النصيحة التى قدمتها لك زميلة من قبل لم تأت بنتيجة ، بجانب :لا أجد أى فائدة أو الخروج بنتيجة من تداخلك ، كأنك تتداخل لتعكير صفو خلق الله !!!
وشكرا ....
ست البنات .
|
Post: #17
Title: Re: هل تتفقون معى ?????????????
Author: gamal elsadig
Date: 09-26-2005, 03:27 AM
Parent: #14
الست البنات
اتفق معك تماما ...
على عودة جميع المبدعين لمواصلة الكتابه في المنبر
ولا اتفق معك حول ..
Quote: الى سيف مساعد :
لو سمحت أرجو من الآن فصاعدا أن لا تتداخل معى فى أى بوست ، ويبدو أن النصيحة التى قدمتها لك زميلة من قبل لم تأت بنتيجة ، بجانب :لا أجد أى فائدة أو الخروج بنتيجة من تداخلك ، كأنك تتداخل لتعكير صفو خلق الله !!! |
وشكرا ....
الشقيق / سيف مساعد له الحق في الكتابه والرد اختلفنا معه او اتفقنا فله الحق في ابداء ارائه بالطريقة التي يراها مناسبه مادام ملتزم باللوائح و الضوابط في المنبر ..ولك الحق ايضا في الرد عليه او عدم الرد دون منعه من التداخل في اي بوست انت تكتبيه ...
ولك الود ...
|
Post: #15
Title: Re: هل تتفقون معى ?????????????
Author: يحيي مصطفي
Date: 09-25-2005, 08:52 AM
Parent: #1
الاخت الكريمة
ست البنات
لك التحايا الطيبة
اضم صوتي لدعوتكم
بعودة كل الاقلام
لتعود للمنبر نكهته
التي افتقدناها
يحيي
|
Post: #16
Title: Re: هل تتفقون معى ?????????????
Author: هشام مدنى
Date: 09-25-2005, 03:30 PM
Parent: #1
Quote: الاخت الكريمة الفاضلة ست البنات
لك التحايا الطيبة
اضم صوتي لدعوتكم
بعودة كل الاقلام
لتعود للمنبر نكهته
التي افتقدناها
|
|
Post: #18
Title: Re: هل تتفقون معى ?????????????
Author: ايهاب
Date: 09-26-2005, 03:43 AM
Parent: #16
مافيش فايده
حقيقه حتى هذا البوست الذي وافق في نفسي هوى وامنيه ما ان بدا حتى قامت فيه الكتاحه
بدون اي داعي
ما عارف الناس بقت ما بتستحمل بعض ليه والله زمان تلقى الناس ماسكين خناق بعض في بوست(فكريا) وتلقاهم بيتونسو ويشربو الشاي في بوست تاني
خلو لينا شويه امل
|
Post: #19
Title: Re: هل تتفقون معى ?????????????
Author: ايهاب
Date: 09-26-2005, 03:45 AM
Parent: #18
هسه نتفق ولا نحجز
|
Post: #20
Title: Re: هل تتفقون معى ?????????????
Author: الملك
Date: 09-26-2005, 04:03 AM
Parent: #1
....
....
نحن هنا
نعم
نتواجد بقلة
....
....
نسبة لأسباب عدة
لكنى أتفق معك فى ضرورة حضور الأخرين
وبشدة
|
Post: #21
Title: Re: هل تتفقون معى ?????????????
Author: ست البنات
Date: 09-26-2005, 08:13 AM
Parent: #1
الأستاذ كمال الصادق سلام ،
سيف مساعد بيعمل فى مطاعنة !
يعنى انتى يا ست البنات العاملة نفسك شايقية ، انتى فلاتية ودى لغتك !
أليس من حقى أن أرفض تداخله مرة أخرى ، خاصة وانه فعل نفس الموقف فى معى فى بوست افتتحته العام الماضى ????????????????????
ست البنات .
|
Post: #22
Title: Re: هل تتفقون معى ?????????????
Author: نادية عثمان
Date: 09-26-2005, 08:38 AM
Parent: #21
| Quote: يعنى انتى يا ست البنات العاملة نفسك شايقية ، انتى فلاتية ودى لغتك ! |
عاملة نفسك ؟!!
النبى فيكى بتعملوها كيفن الشايقية دى ياعسسسسسسل ؟!!
دايرة ابقى شايقية زيك ياستنا وبتنا ..
يازولة خلاص عليك الله رجعى البوست لمساره الطبيعى يااجدعيه لو زهجانة منو وافتحى واحد تانى .. وعليك الله سيف قال ليك ماقاصد شئ ..يبقى القصة منتهية ولاشنو ؟!
|
Post: #23
Title: Re: هل تتفقون معى ?????????????
Author: Elawad Eltayeb
Date: 09-26-2005, 08:41 AM
Parent: #21
ست البنات،
أتفق مع دعوتك لعودة الأقلام التي ذكرتيها. وأضيف إليها أوسلي 2.
عوض
|
Post: #24
Title: Re: هل تتفقون معى ?????????????
Author: ست البنات
Date: 09-26-2005, 09:56 AM
Parent: #1
الأخ الطيب ، سلام وتحية ،
وشكرا لتداركك ،
وأنا أعتذر للعزيز أوسلى2 اذ فات عليى ذكره !
وأتفق معك تماما ،
وهنالك أسماء لم أذكرها ولكنها قادمة لأهمية وجودها فى المنبر.
ست البنات .
|
Post: #25
Title: Re: هل تتفقون معى ?????????????
Author: الجندرية
Date: 09-27-2005, 02:15 AM
Parent: #1
ست البنات
كتر خيرك على الظن الطيب
وياريت فعلا ًتعود كل الاقلام التي هجرت أو هُجرت من البورد
محبة
|
|