حميد قبيل وحميد دحين !

حميد جبل ثورنا قوم

رد للبطان

ووهط حروفك وانبسط

قول الكلام الدار صحى

خلى الخلوق تلزم حدود

ما يبقوا طالعين

فوق كتوفك وينبشوك

ما خلوا شى

حميد قبيل وحميد دحين

ياك الشعر وياك الحكى

كم بقصايدك كم رويت

ظلم المشير

ضيم الجهال

جوع البطون

حرق الحشا

وغدر الكلاب التعوى

فجراوى ومساء

نان عاد يمين خليتلو شى


اسع دحين حميد أخوى

قول الكلام

وهط حروفك نمقا

حميد تعال

يوسف تعال

صوبن قميصك من دما

ست البنات .

فــــيديـــو

يوسف تعال يوسف تعال


جرتق قميصك بي الكلام العسلو مر
أكتح تواريب النضال الخير وضُر




يوسف تعال يوسف تعال

يوسف تعال- حميد تعال -

غسل قميصك فى الجديول

وبلو بى ذمم الرجال

ونشف هديمك فى الجرف

وبيين حديثك فى الحرف

وشيل الصبر فوق الصبر

يمكن يجيك جيلا جديد

يفهم نشيدك والنضم

ويمكن يجيك جيلا أمين

يشهد بتأريخك يقر

ست البنات .

ياسلاااااااام

عليكم احترم هذا الجميل الكريم لمن اموت

كل ما تباعد بينا عوارض كل ما هواك يا طيبه مكني

حمـيد (لانهـم احبوك ولاننا لانغفر لانبياءنا كانت الملامه)

امثالك و وردي ومحجوب شريف يماثلون الوطن في دواخلنا)

يا سلام - يا سلام -

الشفيف الفنان اخى وصديقى الصدوق الموصلى !!!

زمن ودهور

وهلا النور

وللطلة الحلوة

ورود وزهور

فنان وامير

عطر اسفير

بوجودك مرحب

هلا الخير

وتحياتى الى العزيزة وللصغار الجميليين ودى -

ست البنات .

الأخ محمد عبدالله شريف سلام - ورمضان كريم -

وشكرا على الطلة .

وأخ من حظك يالجابريى !

ست البنات .

ياسيكو سلام وحبابك يالهدى ورضى - الله يحفظك ويغطيك -

ما قلت ليك دائما راقى ولطيف وفنان !

وشكرا باقيلك مو شيوييى عليك ?!

ست البنات .

الله عـالـم في ســماء حــمـــيد ياهــو ولـيدكـم الـقـبيـل

حـــمــيـد لا تـغــير ولا بـتـغـــير

عــــلا شـــايقي دى بــقـت تقــيــلة في الــخــشــيـم

اخوى عبد المنعم الرزوقى -

سلام -

حميد قسم ماب تتلحق

حميد تعال

يوسف تعال

هدمك مجربن بالظلم

ساعدك مكتف بالحبال

حميد تعال

فك الطلاسم للبطان

قرب رهابات الكلام

نور يراعك للرجال

قول الشعر

احكى المحال

وقت النضم كان متمنع

شفناك نضم ما خف سلاح

قلت العليك

وقلت العلينا

وما انتهيت

جسمك مسمم بالجراح

وعطنت قلمك فى النزيف

وطلقت لشعرك جماح

وركزت وكتين الركوز

كان امتحان

وصبرت وكتين النفوس

دفنا الركام

ست البنات .

الاخت ست البنات

رمضان كريم وسلام لمن معك في مهجر او وطن



طريقان مختلفان اريد ان افهم عن ماذا يعبر حميد الان كشايقي

من نوري ورجع لاهل الزين ودحامد وست الدار فقط

ام حميد السوداني للكل لسودان وطن حر ديمقراطي وموحد كمان

للعربان والبجة والزنج والحلب والمولدين كمان وهو لم ينساهم

اذا رايتوا /ن ان تحتكروا /ن حميد في اطار جهوي صغير واطاتنا اصبحت

الحركة الجماهيرية خسرت وردي بمواقفه الاخيرة والمخزية لشعب دار فور

الوسط الثقافي خسر عبدالله علي ابراهيم مدافع العروبة الجديد

ولا نريد ان نخسر حميد وليس ببعيد موقف الطيب صالح ورايه في السودان بشقيه اوان الصراع

ما بين جنوب وشمال

المجد والتحية الي محجوب شريف الذي لاوال قابضا علي السودان بكل جوانحه

لك وللجميع السلام

الاخ صبرى - سلام ورمضان كريم -

وبس ياها دى :

حميد السوداني للكل لسودان وطن حر ديمقراطي وموحد كمان

للعربان والبجة والزنج والحلب والمولدين كمان وهو لم ينساهم .

وشكرا للكرور الطلة .

ست البنات .

حميد قبيل

وكتين كتب سمح الكلام

وقفوا الجميع ليهو احترام

وهسع دحين

مرقوا الحراب قالوا احتراب

حميد اخوى صبرا جميل

حب الوطن كان ليك غاى

شاهدين يمين ليك الجميع

كفك تخاها هطل حروف

فرحوا الغلابا والغبش

ألوف الوف .

ست البنات .