الشمالية المشرقة - اشتياقى لجناينها - ولتمودا ومشرقا !!

سلام وحبابكم الف -

تعالوا النستريح شيوييى هينى من الساساق والهرجى الجاييى يقصر عيميرنا دا ...

ونصد تانى للعووى -- نان باقيلكون بنقدر نخلى حقوقنا ومتراتنا ?

نان الزول بس كان شالولون منو فد انقاييى النوم يضورو ليه حولين !

عاد كيفن ان الأنقاييى بقت بلدا كبير وماهو هيين ???

والا اقولكون تعالوا النقعد فى ضل الضحا دا من القيالة دى -

قلبنا جاء يقع فى الواطا دى من الجوع ! أقعدوا النفك الريق ونقوم على

الناس ديل نزازيهون بس لامن نمسخا ليهون ويقولوا يا ميندايم !!!

ست البنات .

واريتها المشاكل والعكومى فى عصار أمس !

ست البنات .

اشتقت ليك ورجع لقيت كل البلد تسال عليك
نوار بريسمنا التحت قال مشتهيك
شخلوب سبيط المشرق المشتاق كان دايرك تقبلوا او يقبل وجتيك

الشوق يابلد ضوّق قليبي المُرة
من زمنا طويل ناوي القيام والسفرة

وياست الناس ماليك شبيه بالمرة



تعالو اتبركو فوقي ياستهن لاني طاري البلد

والعيد هناك كان الله هون

دار ابوك الليلة عيدها
وفرحت امك بي جديدها


بلالي متين يجي آآيمة
نركب البيسابق الريح
نمشي في الخرطوم نستريح
الخدامة تسوي التبيخ
وكل جمعة نزور الضريح
بلالي متين يجي

الملكة بت الملوك - ملكة سبأ !

مشتهيى لمتكون دى ليى زمون !

وواحلالى منك يالشايلى البلد تعييدى فيها !

الرسول تسلميلى عليهون زول زول - وتمرة تمرة - وساقى ساقى - ومترا مترا !

وتقوليلون مشتهاكون وقليبى مقطوع عليكون بس من يوم فارقتكون !

وتمشى وترجعى بالسلامى - طلبتك بالله تجيبيلى سبيطى اللات مدينييى - وكديندايى -

وان قبضتيلى دونان عوكر الالعبو بس بارك الله فيكى .

ست البنات .

خليت البلد قربت لى حولى

كان انسى الحصل يا حسرة بتزولى

غرقان بالعرض فى الذكرى بطولى

لو زول بنسى روحو آ خلى قولو لى

كل ما اقول خلاص انسى البى دوبا

خليت الفريق كجنتو يا ام روبا

القى العين تفيض و الدمعة مسكوبة

الزول بفوت اليهو مكتوبة

لو فى زول بفوتها آ خلى قولو لى



حباب بنات و ولاد شايق و زى ما قالت الحبيبة ست بنات تعالكم نجم شوييييي و بعداك الفياها الخير بتبقى !!!!!!!!



نادية السر

ست البنات .. طويبى؟
كل العام وانت والجميع بالف خير وسعادة.
هدية شايقيى
الزول الوسيم

صراع البندر والريف

سلام
وكل سنة وانتي طيبي

Quote: طلبتك بالله تجيبيلى سبيطى اللات مدينييى - وكديندايى –

تسلم يا أستاذنا عادل
لك الشكر على هذه الدرة
اسمح لي أن اضعها في هذا الشكل

الملكي
سلام
وكل سنة وانتي طيبي

ياناس مالكم علينا
لا تخربوا طبعنا
أصلو خربان
خليتوني أشتري كرت أبو ميه
بس عندي مشية الجمعية
وصادي فوق دوبي
أرجوني ماتفوتوا
ودعتكم الله صاحب الوداعة


نورالهادي

العزيزة ست البنات...سلام

مفرداتك حنينة ذكرتني أهلي الطيبين الذين أشتاقهم كثيرا...

مع معزتي

سحر

خليتوني أشتري كرت أبو ميه
الاخ نور الهادي

انا حا اخليك تقطع تذكرة الان

رمال حلتنا
عبد الرحيم البركل

العزيزة فدوى - سلام ومرحببك !

وحات الختم شخلوب دى رجعتنى للبلد حفيانى !

وطررتنى ناسنا السمحين اللواحد فيهون ان بقى بيحش فى تمرو يحلف عليك بيسيدى عيللى تضوقلك شخلوب من تمرو - لامن ان بيقيت صايم فحال طيبتو بس تفطر !

ولا تمشى بعيد شى !

ومرحببك .

ست البنات .

الأخت ست البنيات
كيفنك ولعلك بخير
والله الشوق بحر
دخلت للتحية والمجاملة واسترجاع
بعضا من الزمن الجميل الذي مضي
وجدت هذا الخيط مفعما برائحة
الجروف والسواقي ومحنة وطيبة
أهلنا الحنان.
التحايا لأهلي علي ضفاف النيل وهم
يحيلون الأرض اليباب الي خضرة رغم
حيتان الجبايات والرسوم التي
تمتص عرقهم وجهدهم في نهاية كل
موسم
ودعتك الله
وفي أمان الله
يحيي

الأخت نادية حبابك وحباب طليتك -

الرسول جبتى النضم السمح دا من وين يا أخيتى ?

لا تفوتى البكان دا ضومة .رسول الله قالك ان ما جيتى صادى تانى لا عشييى .

ست البنات .

اخوى طارق جبرين - سلام - ونعلك طيب والمعاك نعلهون طيبين ???

واتارينى أشوف النور البيشلع واقول يا ربى القمرة الليلى مرقت ولا دى رتاين جدى ود حماد !

ودحين أوعك تخلى بيكيينا دا (تعاللى جاى الأخاليك فى اضانك ) باقى جايبلنا تميرات

وترمس - لا يفوتنك شى !

ست البنات .

عادل ود عيتمان اخوى !

يا يابا زارنا النبى وسيدى الحسن !

نان عاد الليلى بس زى اتكنننا شيلنا البلد !

كيفنك يا اخييى - ونعلك طيب ?

وربى يجعلها ليك سنة سمحى وسعيدى .

ست البنات .

ستنا كل سني وانتي طويبي
يا حليلك يا الحنيني

ياسيكو الوليد العيدييل وزين !

حبابك وحباب طنابيرك ودليبك - وامانى عاد ما فرحتنا ربى يفرحك دينى واخرى !

وكمان ان لقيتلنا عبد الرحيم البركل بس تتملنا الناقصى !

وكتر خيرك وربى ياسع ايامك .

ست البنات .

نور الهادى سلام ومرحبتين -

نان قالولك نحنا البينا هينى ?

قلبنا مو مقطوع عليى البلد - عيللى يا الغربى انشاءالله تعقرى !

وبس ترا قعادنا سوا دا ياهو المخفف علينا المغاييس !

ست البنات .

الأخت سحر - حبابك يالجابتك الحينييى !

والله نحنا اصلنا عندنا تلاتى :

الشعر - والتمر والحينييى !

وان بقت واحدى فيهن راحت مننا واطاتنا اصبحت !

وسلامين ومرحببك .

ست البنات .

يحيى مصطفى والله الشوق بحور - ويا مراحب -

ومشتاقين للأخت سونا !!!

ويين الحى بيك ? تكون غاتسلك فوق سبايط موز ولا شخلوب دفيق !

وما تنقطع مننا -

ست البنات .

قـتــــــــــــــــــيييتة
وجميلة زي بلدي
اكان عندك تمر بليهو
ياني جااااي جاااايي
كوني بخير
وتمرة درب
سأعود
نورالهادي

ياي ياسيكو
قطعت نفسنا عديل كدة
ياخي يا رمال حلتنا دي خلتني اطير لا فوق واطير واندق


طارق جبريل
البركل (سبا)-الرباط - المغرب

رحيم سودانى !!!

اتارينى من قبيل أقول يا ربى الناقص هينى شنو خلا البوكان مسييخ كدى !!!

يا يابا تحلالك العافى - وسنة بخيتى وسعيدى عليك وعلى المعاك - ونرجاها تامين وطيبين .

ودحين ما شفتلى اخيتى منى بت خوجلى ?? قالوا فيحال جابولها توب كيريبيشين لعرس بينيتا -

وجابولها كركب وطيرقى - باقيلى انفلهمت - وبيقت بس ماب تجينا ضوومة بى هينى !

قولها ست البنات قالتلك مبروك عليى البينييى وبخيت وسعيد عليها - وقولها كمان اكان جيبتيها بى هينى

تاكللها ديفيقات وترمس معانا يرومينلها عيضيمها دا !

وسلملى عليهن وعليى خالتى جارة .

وفى امان الله .

ست البنات .

نور الهادى محببك -

وامغايسى يا يمة ! نان انا بيقولوا عليى غتيتى كيفن ???

أكنك ماك عارفى اهلنا بس أولا بالتبادى وكت فطمونا حظرونا من شيتن اسمو الغتاتى دا وححدو ???

ان بقيت التمرات المبلولات للشربوت - بس قول ليى منى اخيتى - كبيقون الليل الشربوت الليل عرس بتها

لليلى ما كفوا وما غسلو - عيللى ان بقى ود القرير ولا حبيب نورا مقيليين معاهم بس يكونوا قضوا

عليهو - باقى بس الليلى ضوممة ما جونى بيى هينى ! أسع يبقى نضمى دا يجيبون فسراع !

ست البنات .

سمحين نحنا

زى شتلات تمرنا

نايرين

****

وحنيتنا

أصلها من اصلنا

وقالوا كمان

معانا من اتولدنا

****

نادية خدودنا

زى خضرة جرفنا

والنيل

****

وطباعنا السمحى

ما فينا

الميطيليق

****

مستورات عروضنا

نفرج الضيق

****

بنياتنا السماحى

ترارى فوقن

زى صيد الخلا

قدلا مشيهن

****

واماتنا شلوخن

فوق وشيهن

علامتنا القبيل

ختمت جبينن

تعرف الواحدى

ماب تتغابى فيهن

****

سمحين نحنا

ما فينا البعاشيم

ولا فينا القبيح

قدومو مترين

****

لا أب نضما مسيخ

كازومو شبرين

****

سماحة خلقى

واخلاق

دايما نضيفيين

من بين الخلوق

تفرزنا

بالليل !

-----

ست البنات .

الله




عاد ألا أجيكي رايق وما متضايق
مافيش أجمل من كدة يا زولة


يعافيكي و يخليكي و يغطيكي و ينجيكي و يعليكي ومحل ماك دايري يوديكي!!

رمال حلتنا
فيديو كليب
إهداء للأستاذة ست البنات والجميع



رمال حلتنا فيديو للحفظ

الصديقة
ست البنات
كيفن عساك بخير
وكل سنة وانت طيبة وزوارك الكرام
وياشوقنا للشمالية المشرقة
ولتمودا ولى مشرقا

أرجع أرجع يازول أرجع

الضحكة هناك من جوة الجوف

الفرحة هناك مافيها الخوف

الشقى أرحم في ضل النيم وبعيد من ناسا واقفي صفوف

جم ناس حبان تلقى المكسور مشيول في اكتاف واحد مكفوف

الجن الأحمر فاقد القيد في خلوة حاج الخير مكتوف

ودكان الشيخ فوق ا كيمان كيمان مافيهو رفوف


ياسلام عليكى آستهن
وعلي حوشك العامر
كلو سنة وانتو تامين ولامين عيال شايق


وكل سنة وانت بالف خير ياسيكو

وأي ديار بلا عينيكم فيها بكون غريب

ست البنات اختي
يا نوارت الفريق
الشمالية المشرقة - اشتياقى لجناينها - ولتمودا ومشرقا !!
وكواريك شفع المغرب
يقلبوا في الجمر قنقر
واسيا بابوريك في الاراك
بركات شيخ محجوب الابكراوي
وفي مساوي
الموضع وبركات سيدي
وعاش ابوهاشم بحر العاشم
والرايقة شتيلة القرير
وفي الفجر نبح بوابير
ود لقاي والابتي مودي
صفقه ورقيص
شبال بنات حلتنا
تنقاسي السوق وقشابي والزومه
والبركل ونوري وكورتي وجلاس
ومروي والمقل والدوم وكريمه
والناس اللذاذ بالحيل

الأحباب جميعاواحلاتكم واحلاة نضما فى خشيمكم

حلاة ناسا سمح ناسا بلا السكر

وشوقى انا للبلد بى حاله

التحايا والأشواق للجميع

ابو ختم

Quote: بركات شيخ محجوب الابكراوي وفي مساوي الموضع وبركات سيدي وعاش ابوهاشم بحر العاشم

لقدابةً عامري والله يا ست البنات...

ربنا يحفظك شايفك بي جَبَنْتِك...

وبرضو بقول لي الحِبيِّب حمزاوي...

وسجل إسمك أوعة يروح... دي الختمية سفينة نوح...

كميات مودتي...


أبو الحســـــــــين...

ست البنات
تحياتي
اسمعي يا شايقية
انا كلامك ده ما بفهمو الا بعد تعب
اكتبي لينا بالجعلي
رقية فهمت كلامك من قولة تيت
وهاك يا ضحك وانبساطة
غايتو غناكم سمح
ادخلي علينا في بوست الجعلين
وبرجع ليك في البوست ده تاني

خالد العبيد أخوى - سلام بالجعليين فى حوش الشايقييى !

أخوانا وأهلنا - وحباب جميع أهل السودان اهلنا وقبائلنا من حلفا لى نمولى !

ومن بحر أحمر ليى نهاية حدود غربنا

انا بس ياها دى اللغوى البعرفها عاد يا خالد !

عيللى انت مو معاك ترجمان أوسلى كلها ! نان ريقييى هينى ? بتوقعلك نضمى دا انت بس ارخى ضانك !

وبعدين يا خالد انت زمنك دا كلو مناسبنا أكنك لاأسعيتى ما عيرف كلامنا ضوومة !

ان بقى كدى نحنا نجيبلك شوال بركاوى ومقظف قنديلة وأردب قمح ! فيحال دا هو المخلينا نفهم النضم قببال سيدو بس يفكبو حنكو !

وان بقى الزول رطن ساكت قدامنا نعرف الشئ الرطنو بلا ترجمان !

كدى اصبر الجيبلك جوقمة شاى - وقريريصى حارة وسبروق - وبيصيلى من تقنتنا فيحال تاكلن قبال البوطان ما يكملوا حيبيبة التيريمس السويتلك فوقن التيميرات ديل شى !

دحين أسع ما فيهم حديسى دا ???

يعلم الله الفطيم ان سمعو يعرفو ووشييو ينطرح ويطولو شيبرين !

وسلام لى ناس اوسلى من أوسلى ليى سيدنى !

ويا ريقييى انتى الزول دا مالو ما انعلم منك النضم ? باقيلى انتى بيقيتى تنضمى زى حديس ناس فوق !!

ست البنات .

سلام -

وسنة سعيدى وبخيتى عليكون كولكون - ورب البيت يحقق مقاصدكون - ويسهل دربكون - ويطول عيميراتكون - وتنعدل عليكون شيقيش ما تقبلوا .

وربنا يعلى بلدنا - ويزيح البلا من فوقا - ويصددنا لأهلنا سالمين - ونلقاهون سالمين ومبسوطين .

قولوا ياميين .

ست البنات .

هيييييييييييييييييييي واحيتي واحيتي
انتو قاعدين بي جاي وانا قول ياربي الناس ديل مافيشين بي جاي ولا شنو
كيفنكن
ناس البيت مالو زي التقول مافي زول
وامغيستي وامغيستي مالن كتار كدي بري ياهنايي مابقدر اخش اسلم عليهن
ضممممممممه كتار
انا صادي

فدوى أخييتى !

نعلك طيبى - انت بس مالك مهجومى كدى ? قولى بسم الله - وكدى ادخلى لا داخل -

الرسول ان ما قنبتى اكلتيلك حيبيبات بليلى حارات وفوقن قنديلة دابى جبتها من تحت - مشيت حشيت القش

ولقيت اللوبى مبتقى وشايلى قلت الافورلى حبيبة بليلى فحال قلبى دا جاييى يقع من السقط -

ومالك يا يمة بس بتقولى ماكى صادى عندنا ??? والله البوطان ديلا اساعيتى كانوا هينى - قاعدين فى البيكيين

دا - اكلوا القراصى وشربوا الشاى ومشوا - وقالوا جايين صادين لا عوقبان - دحين انتى لا تقولى جنس

الكلام دا - نان ان بيقى البوكان ملان ناس اكنك بتخافى منهون بيقوا سحاحير جوا ياكلوك ? نان ديل مو

اخوانك ?

وناس ملكة سبأ ومنى أسعيتى بيجن يرافقنك -

وطلبتك بالله ان ما جيتى صادى . لا تاكيلينا فى خاترنا شى ! فحال الناس ما ينبشونا يقولو انلومنا فى

البينييى الضيفى !

وودعتك الله يا اخيتى .

ست البنات .

سلام عليكون -

وسلام ليى خالتى بت الطيب فى جلاس - وقولولا وليدك طيوييب وما عندو ايى عوجى - وفى امان الله وبيسلم عليك وقالك يا يمة اعفى منى - ولا تنسينى بدعاكى فى صلاتك - وقولى الله يغتيهو - وينجيهو - ويكفى شر الحاسدين والحاسدات - وقوليلى ميتل ست البنات ما قالتلها امها الله يرحمها ( يا حافض يا حفيض - حافض المى فى البير - وحافض السيف فى الجفير - وحافض على من الكافرين - وحافض الطيرة لامن تفققع وتطير - تحفض وليدى فى قبة حديد راسا فى السمى - وكيرعيها فى الارض - بقدرة اليالطيف - يا لطيف .)

ست البنات .

الأحباب الكرام
الشوق من حاطف لـ قاطف مصوبر كيمان
والله مشتاقلكم لكن المشغولية
أرجو أن تتمعنوا في هذه الكلمات وأداء الكورس
لكم ودي

سلام عليكون !!

يا ناسى انتو ويين ?

منى بت خوجلى -

أوسلى -

ود القرير-

بينييى -

بيان -

معاوية كرفس -

حبيب نورة -

أبو ساندرا -

وباقى عقد الدفيق !!!

أكنى كلامى دا مو عاجبكون !!!

والا فيحال ما عندى لقدابة السنى دى ???

أسع البينييى فدوى دى بت طشت ضوومة فيحال لقت البلد خلا !

بس انا نضمى كيمل - انضموا انتو ...

ويا ريقييى بت العبيد امانى كيف انلومتى !!

أنا الليلى بس حردانى وغدبانى لامن حيرد الشاى - ومقييلى جيعانى - والبارح بايتى القوا !! واسا عيتى بس شايلى عيزالى زصادى لاهلى -

ست البنات .

يا سيكو اخوى العيدييل - سلام ومرحبتين -

والله يعلى مقامك - ويديك الفى مراضك - ويبييض نيتك كمان وكمان - ويجبر بى خاترك - ويفرحك دينى واخري .

وللباقين أقولهون - ما تقولوا صديت ورجع فى كلامى ! انا صديت فيحال ياسيكو الوليد الحينيين دا - وحات ربى اكان مو هو بس قت تانى ضوومة سيرة الشمالييى دى ما اجيبا فوق خشمى اها الشوف - يا كنى بموت !!!?

والاختملكون بالنكتة دى :

فى شايقى ماب يريد الفنان محمد الأمين - وكان بيغنى فى الرادى غنيتو ( قالوا متألم شيوية )

قام الراجل كورك لبتو - قالها : فاطنى ان بيقيتى عييانى وقتلك كفارة - يا كنى غنيت !?

ست البنات .

Quote: وسلام لى ناس اوسلى من أوسلى ليى سيدنى

!
وانا جايبلك
سلام ناس اوسلى من الحرازى للحرازى
وشيلى من الحرازتين الخروم
وسيبى لينا الحطب


الف تحيه
لستهم من جم
ولضيوف راكوبتك

.


ست البنات:

Quote: الناس ديل نزازيهون بس لامن نمسخا ليهون ويقولوا يا ميندايم

Nadia Elsir:

Quote: خليت البلد قربت لى حولى كان انسى الحصل يا حسرة بتزولى غرقان بالعرض فى الذكرى بطولى لو زول بنسى روحو آ خلى قولو لى كل ما اقول خلاص انسى البى دوبا خليت الفريق كجنتو يا ام روبا القى العين تفيض و الدمعة مسكوبة الزول بفوت اليهو مكتوبة لو فى زول بفوتها آ خلى قولو لى

nourelhadi awad:

Quote: لا تخربوا طبعنا أصلو خربان

ست البنات:

Quote: سلام عليكون !! يا ناسى انتو ويين ? منى بت خوجلى - أوسلى - ود القرير- بينييى - بيان - معاوية كرفس - حبيب نورة - أبو ساندرا - وباقى عقد الدفيق !!!

_________________________

العزيزة / بت عمي

غايتو من جانبي انا غيابي من البورد يسألو منو الخرطوم

أحكي ليك صدفة غريبة:

قبال شوية و حوالي الساعة عشرة ونص ليلاً في الخرطوم

إتصل بي الصديق / عمر حلاق ( وهو حلفاوي بصاولي عندو جزور من قنا في صعيد مصر)

وهو في إعتقادي وحسب تجربتي ومعرفتي خير مرجع في غناء الطمبور من جيلنا ( يا للمفارقة )

وقال لي أفتح الرادي في اف ام 104

ونفزت طلبو ولقيت السهرة عن السفر والرحيل في غناء الطمبور

والضيوف هم الفنانون / محمد جبارة وعبد القيوم الشريف وعبود تبوري

و الشعراء الأستاذ/ السر عثمان الطيب و الأستاذ/ محمد المهدي حامد

في اللحظة دي محمد جبارة بغني في ( ودعتك الله بقيت سفر شن داير أسوي مع القدر )

عشان كدا انا فايتكم شان أسمع وانطرب






لكم كل ودي


.

Quote: في اللحظة دي محمد جبارة بغني في ( ودعتك الله بقيت سفر شن داير أسوي مع القدر ) عشان كدا انا فايتكم شان أسمع وانطرب

الأخ كرفس
سلام
خليني انا اللوجع ليك الجماعة ديل شوية
النصري
يا واهب بقية عمرك المنفى

معاوية كرفس - ود عمى - سلام قيزان - قيزان - ومرحب بالتقيل والكيمان -

وصباحا اخدر وليلا قمراتو قمر اربعتاشر-

ودربا اخدر زى الحيضان - لوبى وكداد - موليتا وقنقر فوق النار -

وبليلى - وترمس - فوقن عجوى -

وويكى دقاقة - وفوقا السبروق- اخدر مدلوق - لايوق طاعم بى ليحيمة ضان -

وكوشر - وكبد الليل زان - وقراصة دوكى بزديقا حرير - وبوخا عوا -

ومتحكرلك فوق بنبر فى نص الحوش راجى الايدين تكتر وتكتر -

باقيلك ماب تشبع وتحمد ربك !?

وسلام للبنوت المندسات فى حيشانن -

بنوت عمى - وبنوت خيلانن - وخالا ليهن باقى هو اخوى فى اب ادم - قولوا سلام - ومشتاقينلك ومشتهين

نضما منك وشوف العين يزيل ألمى !!

فيهم يا معاوية اخوى - ولا لع ???

أها طلبتك بالله توصل الوصييى !!!

وواحلالك يا معاوييى اخوى بالطنابير واللمى السمحى دى ! باقيلك دا براهو ماب يطوول

العمر - والليلنا يقصفو ???الله يقصف قصف وقصفان ان كان حرقوا رويحتنا دى وشتتونا زى

الحدنقال !!!

بس غايتو ان ليقيتلك فيريقى انقرلى التيلافون فيحال اسمعلى شيوييت فرح - ان بيقى فضضل فيها

فرح !


ست البنات .

ست البنات
كيف امسيتى؟
جبتلك صوت حنين. حنين. كأنه خلق للبكا.
بالله يا مرسال

سلام يا أخيياتى واخوانى -

العيد مبارك عليكون - وترجوو :

سعيديين -

طيبيين-

تاميين -

لاميين-

ومصابحيين الخير -

وممسيين السعادى -

وللحجاج الزايرين بيت الله - وقبر المصطفى :

الحجى مبروكة - وربى يتقبلا منكم - ودعواتكون ان شاءالله مقبولى -

وربى يحققلكون موناكون - ويصددكون لاهاليكون تاميين وفرحانيين - وغانميين .

والعوقبا لينا - ووا حلالى منكون يالأنهنيتوا وزرتوا بيت الله وقبر حبيبو !

ست البنات .

http://www.youtube.com/watch?v=xckweAruR-4

http://www.youtube.com/watch?v=3MX-VPpGMkU

عيدا بخيت وسعيد عليكون جميع - وسنة سمحى ورخييى !

ووكت ما اكلتو معانا المرارة والشييى تعالوا اكلوا معانا الكركاعة !

ست البنات .

كل عام وأنت وأسرتك الكريمة بألف خير

ونسأل الله أن تعود للسودان عافيته بعيدا عن قاتليه وناهبيه

ومغتصبي نسائه ومذلي شرفائه ومشردي الغر الميامين من أبنائه

وأن يشمل القصاص العادل كل من قتل ونهب وسرق واغتصب وشرد وعذب

وأن يأخذ السودان مكانه الجدير به بين أمم الأرض معززا مكرما محترما

محبوبا وأن ينعم اهله بالوحدة والحرية والديمقراطية والعزة والكرامة

والتنمية المستدامة والرفاه وأن يعم الحب والأمن والطمأنينة والعدل

والمساواة كل أبنائه في كل ربوعه ونجوعه.

وكل عام والسودان وأنتم جميعكم بألف ألف خير.....
dr mustafa mahmoud

مصطفى محمود اخوى - سلام

وعيدا مبارك عليك وعلى اهلك من جم - وسنة كلها خير وعافى -

ورب العالمين يحقق كلامك القلتو دا كلو ودعواتك -

وينصر كل مظلوم - ويلجم كل ظالم - وينجى بلدنا لا حرق لا غرق !

ويزيح الغومى - ويبعد الشر واهلو من وشينا - ويجممع صفنا وكلمتنا -

ويرجعلنا خيرنا القيبيل الراح بيجية الناس العاقا الشوم النشفوا حيبيبايت الميطيرة - وكتلو البهم

والغنم - ويتتموا البوطان - ورمملوا الأمات - وسوولون فى كل بيت عاضرى !

ورب العالمين يقلعون من ويشيينا دا - بركة الجمعى الجامعى والكلمى السامعى - وبركة العيد وفرايحو والحيج

وقبايلو !

يامين يا رب العالمين .

ست البنات .

انقل لكم تحايا شاعرنا الكبير
محمد سعيد دفع الله
وهو يلغك تحاياه وامنياته السمحة ليكم كلكم
ويقول ليكم :


ياعيد تعال قالدنا اشتقنا للأفراح
أسعد قلوبنا شوى عوض زمانا الراح
سنوات بطيئة مشت جرحاً يجيبلو جراح
أفتح لنا الأبواب يارب بلا مفتاح
عنزتنا هالعرجا لامتين تؤوب لمراح؟
وتحل محل الآح نغمة قليب صداح

محمد سعيد دفع الله - الرياض

أخوى غريبة - سلام والعيد مبارك عليك وعليى شاعرنا حومد سعيد !

ويا غريبة بس الليلى غريبى الجيتنا بيهينى !

أكنك من زمان ماك شايف لقدابتنا الكبيرى دى ? ولا مو شميت ريحة قراريصنا وسبروقنا دا ?

لكن برضو مرحببكون وسنة بخيتى وعديلى عليكون - وسلملى على حومد سعيد - وقولوا دايرين

نسمعلنا نضمن وشعرن سمح منك .

ست البنات .

أخيياتى واخييانى - سلام عليكون -

وكوت بس جاييى اقولكون اعفوا مينى لله والرسول -

وكوت جاييى اودع الدنيا ام بناين قش دى -

يسعلنى الله الأوتومبيل مو جاء يدهسنا بى أوتومبيلنا ويهرسنا ويرقدنا حتيتى !

عيللى رب العالمين لطفبنا ونجانا من جودو وكرمو - يحمدو ونشكرو !

الساعة الاشوفلك الشى طاير عيللى العوصار بس قاصد البيكيين الانا قاعديى فييو ! وحات ربى ان مو اخييتى بس لفت الاوتومبيل بى شيدتا كلها - الليلى كان يبقى الغسل اللينا !

وغايتو الجاتك فى اتومبيلك سامحتك ! يسعلنى الله الحديد الليل الاتومبيل دا بس انعجن وانلكدم كدى بيقى عيللى الكورة !

والازعاف دا الساعة الجاء وربطولى ريقيبتى بالويقاييى اللتون دى وقالوا كدى جروا العنقريب الليلون البيمشى براهو دا ! أنا الساعة ديكا فى عالم كوتور ! الخوفة والهجيمى الدخلتنى يبقالى تانى ماب تفوت مينى ضوومة !

بس جيسمى دا بيقى ينركض ! وعيونى ديلا انقلعن - واضنيى ديلا بيقن عيللى اللات الديحيشى الزاكيها المرفعين !

وريقى دا التحت ما يبل الفوق ! وقلبى بس التقول طاحونة جدى سعد ود كروم ! حيسو يجيب الطاش !

وبس والله اقولكون - انا قربت اغزلن !

ووكت جو يقيسولى الدغت بس قلبى قاللى غفليهون واجرى - الناس ديلا يبقى بس ما عندك شى لكن جايين ساكت يشيلولون مينك كيلوى ولا كبد !

عيللى الازعاف مسوجر ضوممة ! نان يا ربى الشقاوى دى كيفنها !

تانى قوت كدى الاقولهون دايرالى ألمى أكان يفكونى - واقول يا ميندايم - وتانى بس ماب يلموا فوقى !

بلا البينييى الدكتورة تملالا كورييى اللت ألمى صاكتى وتمدلى معاها مصاصة متل الصفارة اللت البوطان كدى تقوللى هاكى اشربى !

أها قوت الاصبر لامن نصل الاسبتالى يبقى القالى سيهمتن انخارجبها منهون ! بلا شالونى بالعنقريب البيزح براهو فى البلاط البيزلق دا ودخللونى فى عيويضى كدى قالوا جايين يكشفوا عليى رقبتى بالاشاعة ! قتلهون ليه ? قالوالى يبقى فيها كسر !

الساعة ديكى أخيتى كانت وصلتنى - وطقينا السكلى ! نان مو قلنا ريقيبتى يبقى انقلمت وجايى اموت !

عيللى هى والله ريقيبتى كانت تنبحلها فى نبيح أتقول صحصح انقلمت !
لكن والله وجعها كان أخير من وجع الويقاييى اللبسوها ليى فى رقبتى متل جرقاس !

وبتملكون الباقى لا باكر !

ست البنات .

Quote: وكوت جاييى اودع الدنيا ام بناين قش دى - يسعلنى الله الأوتومبيل مو جاء يدهسنا بى أوتومبيلنا ويهرسنا ويرقدنا حتيتى !

الأخت الفاضلة ست البنات
السلام عليك ورحمة الله وبركاته
كل سنة وأنت طيبة والسنة الجاية ربنا يحقق لك كل مافي قليبك تمام وكمال
لك التحية والتقدير على هذا البوست الجميل
شنو الحكايّ الداهي سواق الأوتومبيل عيونو في هامتو... كان تمسكي بعد ما جريتي نفسك وتكحلي ببصلة تجلي عويناتو المتل قدود الجلد ديل ... حمد الله على السلامة ولازمك كرامي كبشاً ماكن .... ونريد الله الحنين الزين النجاك من عجلين ... ونريد الله الحنين ونجاك وحجز اللستك ماتعداك

لك السلام والتحية والتقدير مراراً على البوست الجميل هذا

خالد محجوب من شندي فوق عند بيوت نمر .... اللبيب بالإشارة يفهم

خالد ود عمى محجوب - سلامين ومرحببك -

ويا يابا عاد ان بيقيت وصفلك الزول الجا يكايتنا دا من الليلى ليى باكر ماب اتم وصفو !

نان الراجل مو عيونو يسعلنى الله التقول كبولون فوقن الظهرة اللت الهدوم دى ! بس عيونو

متل كديس الخلا - حكمت الله ظهرييات !


انا قوت يبقى بسم الله - ماهو ابن ادم شى !

غايتو باقيلى المرقنا رب العالمين برحمتو - ثم دعا الوالدين الزمان - باقى نحنا كنا بنوتن

مطيعات خلاس - وامنا وابونا ديل ما كنا بنرمى حديسون واطا ضوممة ( الله يرحمون )

ولا باكر اتملكون باقى النضم .

وانت باقيلى جنايا للمك نمر ( جعلى تب ) انتو ابان عمنا لزم !

وكتر خيرك - وتسلم يا اخوى - وعيدا سعيد ومبارك عليك وعلى اهلك جميع .

ست البنات .

Quote: غايتو باقيلى المرقنا رب العالمين برحمتو - ثم دعا الوالدين الزمان - باقى نحنا كنا بنوتن مطيعات خلاس - وامنا وابونا ديل ما كنا بنرمى حديسون واطا ضوممة ( الله يرحمون ) ولا باكر اتملكون باقى النضم . وانت باقيلى جنايا للمك نمر ( جعلى تب ) انتو ابان عمنا لزم ! وكتر خيرك - وتسلم يا اخوى - وعيدا سعيد ومبارك عليك وعلى اهلك جميع . ست البنات .

في سراع يا نسايم أشواقي ودنّلي السلام مطبوق

بنية عمي ست البنات في البداي الله يرحم الوالدين ويسكنهم فسيح جناته مع الشهداء والصدّقين وينزل عليهم رحمته برداً وسلاما..
اي بالحيل دعوات الوالدين بتحفظ من عاقهم عاقه الله في الحياة قبل الممات.. جيدلك يا آخيتي بفوزك برضاهم في حياتهم وبإذنه الواحد الأحد يبقالك لمبي تضويلك طريقك شقيش ماتقبلي

وشنو يا آخيتي مخاصمة بوست ابوالحسين كلامك السمح دا ما شفنا هناك عليك الله كدي ميلي وزروي بوست أخيك ابوالحسين وانعشينا بكلامك الحلو هذا الذي يرد الروح في ناساً كتلهم الغربي ونشفهم القر والجليد وهدّت حليهم الأشواق وجفّت دميعاتهم ودميعات الرجال سرحان ورعي لغنم ابليس طيب يا الزينة نشوفك في بوست ابوالحسين ... قولي ايّ لا تلكنيها وتقولي لي النشوف ....
لك الاحترام والتقدير يا ست البنات
خالد ودمحجوب

خالد ود عمى محجوب - يا حيليلك يايابا !

امانى انا مو انلومم !

اتاريك اخونا لزم وانا الغبيانى ما عرفتك !!!

يسعلنى الله بس اكان مو اخاف الضييق - يبقالى من نضمك دا انت مننا !

اسع عليك الرسول حديس منو السمح ?!

وحات الختم بس الليلى حديسك دا طررانى البلد وبركاوينا داك المتنى ومو لاقى اليلقطو !!

وانا باقيلك لقدابة حومد الحسن مانى جاياها !! عيللى لقيت البوكان ملان خلوق - شى بوطان

وشى بهم - وحتى عنزى الرايحى مينى اواالى ديكا لقيتها واقفى فى الدرب ! أها قوت الاصدد

عنزى ليى مراحا واصدلكون بى دربى - بلا يا يابا الاتومبيل يضربنى عيللى بس رب

العالمين بيقالى تيكايى

ووقاييى - ووقفلنا دعوات الصاليحين وعلى الكرار - وجدى شيخ منور اب شعفى - وجدى ود شيخ

الحيران - وجدى عبدأرحمان ود حماد - وجامع التور - نان نحنا مو ولاد فوقرا وشيوخ يقلبو

التمباك ايمون والمريسى لبن ! ينجدونا ويلحقونا بجاه الله وجاه حبيبو ونبييو .

وودعتك الله - ولاقينى لا عين لقدابة حومد الحسن .

وشكرا يا أخييى يحفضك ربى ويعلى مراتبك وينجح مقاصدك - ويعدلا عليك شيقيش ما تقببل .

ست البنات .

Quote: خالد ود عمى محجوب - يا حيليلك يايابا ! امانى انا مو انلومم ! اتاريك اخونا لزم وانا الغبيانى ما عرفتك !!! يسعلنى الله بس اكان مو اخاف الضييق - يبقالى من نضمك دا انت مننا ! اسع عليك الرسول حديس منو السمح ?!

ست البنات صباحاتك بويض زي الحليب الصافي يرهج في الكبابي ... الكبابي عاد هن مو كبابي شوبْ ما خمج ودعكتن البنيّ بليفي وصابون وتمرتن بتوب البنقالي القديم لكن حايداني نضيف كنو جديد جابوهو هسع دي من النقادة....

بدور اقولك حديث اي بالحيل أنا جعلي لكن عندي لحمي فيكم باقي حبوبت ناس ابوي من الكلايين والعونية في البسابير كان سمعتيبا

أني جيتي للجد والصُدق انتي يا ست البنات النضمك سمح وما كضب أن قت ليك لما أقرأ حديثك بتمسكني شعرانية لامن أتب لافوق والخوجات ( زوجتي واسرتها ) يقولوا يا السناهير أمسكو ناسكم الجنى الأزيريق مسى جن.....

حقيقة كلامك سمح بالحيل وبشد الحيل ... عشان كدي لازم تجينا بهناك في حوش ود الحسين... وأنا باقي قطعت لي كلمي مع أبوالحسين وقت ليهو أنا جعلي لكن حرم ماني فايت حوشك دا

والزول كان وعد شين كان معادو يخلفو
وفي الربط اللسان أتخابو دمو يتلفو
قعادي في حوش ود الحسين زولين فيهومابختلفو
لازم ابقى عند كلامي علي وعد بحلفو

وماني داير الزول يقول خالد انزرق ومشى لحوش ست البنات لمن لقى الونسي ... ماتخليني أحلف عليك حرام وانتي عارفي الخوجات ديل... ان كان طلقتها طلقتن واحدي بتشيل وليدي وتمشي ... ماقت ليك والله عند جنى ماشاء الله علي خواجي في اللون لكنو سوداني وقارح تب والعجب السني الفاتت لمن سقتو شندي ولبستو العراقي البلدي والسروال الطويل اب تكيّ.... تحلفي تقولي من جنيات الحور

زورينا في حوش ود الحسين بندور نسمع كلامك الحلو دا

لك المودة والتقدير والاحترام

خالد محجوب

خالد ود عمى محجوب -سلاميين ومرحببك -

نان عاد يا يابا كيبيبايتك مكملى الظرافى والنضافى - وكبايتن مو خمج !

المصوبنة وقاشيينها بالقنجى !

عاد يا عشاى ما تكيبلى فيها كيبيبايية شاين حمرا الاشربا - راسى دا كييف موجعنى ! يسعلنى الله من صباح

الرحمن الشاى رامينى ومدودى عيللى نعجة خالتى الحرم وكت تبقى عييانى !

وعاد الارجعلك ليى لقدابة حومد الحسن - يا والله اساعيتى قوت الازقى البهم من البير الحيلوى - واكورك

لأخييتى منى بت خوجلى وحيبيبتى ناديى بت عمى عيتمان فيحال نمشى كوورجا لى عندكون - نان انا مو ماب

اعرف الدرب ! البارح مو طشيت ! عيللى طارق وليد عمى جبرين وأخييى عادل ود عمى عيتمان جابولى

الحمارة اللت جدى ود كروم ودونى بيها - وساوى كسكسيقتى فوق راسى وغيشيت وليد الرزوقة سواالى

نوقلتينى فى المركوب الانفرطق من الهجيرى دا ! حيتين وكت وصلنا ليقينا البوطان المهاجيم ديلا كملوا

البليلى وحيبيبة التميرات الجابت لينا ملكة سبأ من البلد - باقى هيى هنيالا شالت البلد عيدت عيد

الضحييى وسط الناس الزينيين !

أساعيتى الكلام بس جاء يوهدبنا من البوش !

اها خوب لا قدام النلحقلنا حيبيبة كمونييى ولا مرارى ان كان أوسلى وود القرير ما يكونوا عدموهن الحيبيباييى !

وقبال ما انسى : يا ود عمى محجوب ما تخوتالى التصويرى اللت وليدك الاشوفو وكمان تقولو دى عميتا

ليكا ميشتهيى تشوفك !

وربى يخليهو ليكا ويزيدو .

عيللى جايى اسعلك - مسعول من الخير : أكنك فتتا بنياتكون الجعليات بنوت القبايل مشيت للخواجييى ليشنو ? مو أفئ عليك ?!

عيللى وحات الختم من جميع عررسلو قصفانييى - جاء صاد للبلد واخد من بنات أعمو ! دحين انت داير ياتا فيهن ??

ملحوظى : نضمى دا لا تحدسبو القشرانييى فيحال لا تسويلك سوعال منكر ونكير ! نان تانى اضانك دى بتبرد باقيلك !

ست البنات .

ود محجوب اخوى

اسمك يلخبت دولة

لاك معروف جعل

لا شايقى ليك صولة !

من طبعك تبين جعلى

وحات المولى

ومن نضمك أكيد شايقى

ودليبك دوى

كلامك شايقى تب

باقى الشلوخ والخلوة

وحماسك جعلى تب

سيفك جفيرو اتسقى

بدم العدو

لا خفت لا انهجولت

وجدك ماب يخاف من موت

ولا من كتلة

جيوبوا مشكنة بقنابلو

زى الحلوى !


فى بيت العرس

خت الألوف وانعدا

مرق القنبلة

ورماها ما قال

أوعى !

قطعوا كراعو قال

حررم تقطعوا التانية

زغردن البنات

جدع الأيدين والكبدة

ست البنات .

كل سنة وانتو طيبين

Quote: خالد ود عمى محجوب - سرمين ومرحببك - نان عاد يا يابا كيبيبايتك مكملى الظرافى والنضافى - وكبايتن مو خمج ! المصوبنة وقاشيينها بالقنجى ! عاد يا عشاى ما تكيبلى فيها كيبيبايية شاين حمرا الاشربا - راسى دا كييف موجعنى ! يسعلنى الله من صباح الرحمن الشاى رامينى ومدودى عيللى نعجة خالتى الحرم وكت تبقى عييانى ! وعاد الارجعلك ليى لقدابة حومد الحسن - يا والله اساعيتى قوت الازقى البهم من البير الحيلوى - واكورك لأخييتى منى بت خوجلى وحيبيبتى ناديى بت عمى عيتمان فيحال نمشى كوورجا لى عندكون - نان انا مو ماب اعرف الدرب ! البارح مو طشيت ! عيللى طارق وليد عمى جبرين وأخييى عادل ود عمى عيتمان جابولى الحمارة اللت جدى ود كروم ودونى بيها - وساوى كسكسيقتى فوق راسى وغيشيت وليد الرزوقة سواالى نوقلتينى فى المركوب الانفرطق من الهجيرى دا ! حيتين وكت وصلنا ليقينا البوطان المهاجيم ديلا كملوا البليلى وحيبيبة التميرات الجابت لينا ملكة سبأ من البلد - باقى هيى هنيالا شالت البلد عيدت عيد الضحييى وسط الناس الزينيين ! أساعيتى الكلام بس جاء يوهدبنا من البوش ! اها خوب لا قدام النلحقلنا حيبيبة كمونييى ولا مرارى ان كان أوسلى وود القرير ما يكونوا عدموهن الحيبيباييى ! وقبال ما انسى : يا ود عمى محجوب ما تخوتالى التصويرى اللت وليدك الاشوفو وكمان تقولو دى عميتا ليكا ميشتهيى تشوفك ! وربى يخليهو ليكا ويزيدو . عيللى جايى اسعلك - مسعول من الخير : أكنك فتتا بنياتكون الجعليات بنوت القبايل مشيت للخواجييى ليشنو ? مو أفئ عليك ?! عيللى وحات الختم من جميع عررسلو قصفانييى - جاء صاد للبلد واخد من بنات أعمو ! دحين انت داير ياتا فيهن ?? ملحوظى : نضمى دا لا تحدسبو القشرانييى فيحال لا تسويلك سوعال منكر ونكير ! نان تانى اضانك دى بتبرد باقيلك ! ست البنات .

عاد يا عشاى ما تكيبلى فيها كيبيبايية شاين حمرا الاشربا - راسى دا كييف موجعنى ! يسعلنى الله من صباح

سلام ست البنات
هي اصبري بدّوري كباية حمرا وبعدين نطبق لك بشاي اللبن المقنّن ولا كيفن يا اختي سمح اصبري أن نقوم براي باقي والله جنس حديثك دا الخواجية ماظن تعقلو لي

وقبال ما انسى : يا ود عمى محجوب ما تخوتالى التصويرى اللت وليدك الاشوفو وكمان تقولو دى عميتا

ليكا ميشتهيى تشوفك !

عاد اصبري لي الّحدثك رسلي لي عنوانك الليل البريد في الداهي الليل بكري دا السمو الماسنجر عشان ارسل لك صور

عيللى جايى اسعلك - مسعول من الخير : أكنك فتتا بنياتكون الجعليات بنوت القبايل مشيت للخواجييى ليشنو ? مو أفئ عليك ?!

والله يا ست البنات يا اختي مو الجعليات وبنات اعمي بس كل عموم بنات بلدنا سمحات ومآصلات وبعرفن الواجب يعشن ضيف الهجّعة ومافيهن كلامن تب وفوق دا كلو قاريات ومتعلمات .. ولا هسع بتنبر بهن... ألا القسمة يا اختي بتسوق ودي قسمة الجنى أحمد، وعليك أمان الله الخواجية بقت جعلية تب بس فاضل نشلخها عارض .. امس تدهجت فوق عضيماتي ( حمة )متل قهنوبة سمايم شندي هرست هرست هرست فوق العضام... قامت الخواجية طحنت لها قرض كان لقطتو من جناينا في شندي ولختّو بزيت زيتون باقي زيت السمسم أتمحق وقدر الباقي داسنو للفولات الجبناهن من السودان.

لك الاحترام والمودة والتقدير

خالد محجوب

يا ود عمى محجوب - سلام -

عاد ان بيقت الخواجييى بيتعرف القرض والمحريب والحرجل ! يبقى ما عندها لوم وحات الختم !

لكن بيتعرف تقول الخودرى - وتفركا ?

والاسعلك تانى : أسع من الضحييى اللتكون ما سووتلكون الكركاعة - ومرقتلها ديهينى للكركار شى ??

لكن انت بس جيبلها السبروق - والويكى خلها التفركن ليك وتسويلك قريريصى سمحى وبيصيلتين !

ووكت تسوقا شندى خلها التقفزلكون التمر - باقى هن طوال بالحيل !

وصادالك ...

ست البنات .

يعود علينا وعليكي بالخير
جيت اباخت ليك العيد يا أختي
بين قوسين
عدم العروض جفـــا

حبيب نورة العيدييل وزيين - ماديلا الزول السمح واجواد !

انت يايابا تنباخت - بركة العيد السعيد - وبركة حجاج بيت مكة وسيدى الحسن - وبركة رب العالمين والمصطفى - تنبارك - وتنعلا ما تندلا - لا يفلحلك عدو ولا تنصاب ولا ينصابلك حبيب !

ربى يسهل دربك - ويعلى مراتبك - ويكبر شانك - بركة عظيم الشان كبير البرهان - وتنبررك بالسعادى - والخير الدايم .

وعيدا مباخت وسعيد وربى يسوويلك ايامك لاحدهن اعياد - ولا تنضر - لا تحرق لا تغرق - وميحل ما تقبل يهليلولك ويحمدو فيك - انت يا عشاى لا تنلام لا تنضام .

ست البنات .

Quote: يا ود عمى محجوب - سلام - عاد ان بيقت الخواجييى بيتعرف القرض والمحريب والحرجل ! يبقى ما عندها لوم وحات الختم ! لكن بيتعرف تقول الخودرى - وتفركا ? والاسعلك تانى : أسع من الضحييى اللتكون ما سووتلكون الكركاعة - ومرقتلها ديهينى للكركار شى ?? لكن انت بس جيبلها السبروق - والويكى خلها التفركن ليك وتسويلك قريريصى سمحى وبيصيلتين ! ووكت تسوقا شندى خلها التقفزلكون التمر - باقى هن طوال بالحيل ! وصادالك ... ست البنات .

عاد ان بيقت الخواجييى بيتعرف القرض والمحريب والحرجل ! يبقى ما عندها لوم وحات الختم !

لكن بيتعرف تقول الخودرى - وتفركا ?

العزيزة الفاضلة ست البنات مسّاك الله بالخير
زي شوك الكتر ضرب الجسم لامن خدر
اقولك بس ماتضحكي بالحيل بتعرف الخودري ومديّاها ( أسم ملاح لبانة وبتقولها بالسوداني )، وات يا ست البنات مالك دايري كوشني لي اديات ( المرة ) بالمفراكي تاني ما يعدلن كريم.... كان ستات الشي بقن يفركنها بالخلاطة

والاسعلك تانى : أسع من الضحييى اللتكون ما سووتلكون الكركاعة - ومرقتلها ديهينى للكركار شى ??

لكن انت بس جيبلها السبروق - والويكى خلها التفركن ليك وتسويلك قريريصى سمحى وبيصيلتين !

ووكت تسوقا شندى خلها التقفزلكون التمر - باقى هن طوال بالحيل !

دهن شنو يا بت البلد والله الخوجيات راسن من الحفّة لمن بشفق عليهن ... النبدأ معها أول تعزق الجداول وبعدين تحش القش وكان نجحت كمان بنعلمها تقفز التمر

هسع اتي دحين علبة كركارك عامري ولا بقيتي تخلطي بالنارجين والشمع... وبتسقّي رويسك دا زي ناس الحرم لامن يلطّع طرف توبك

لك تقديري ومودتي واحترامي
خالد محجوب

خالد ود عمى محجوب - حبابك -

انبيقيت كدى الخواجيى عداها العيب ! انا اتارينى كوت ظالماها ! العفو والعافى !

ووكت اصلك وديتها لاشندى - خلها التغزللى طرقى وتوب بنقالى - مغرودى فيهن !

وانت تراكا كلامى دا كلو بتفهموا ! لا تسوى رقبتك أكنك فى شيتن ماكا فاهمو ضوومة !!

والاوصيك - قولها ست البنات قالتلك سوويلى قراصى مخمرة - وجيبيلى سنامكة - وقورونجان - وحيبيبة عطرون من الليل الكاسنجر !

والتجيبلى معاها سعف ومسسار - جاييى اكحلبو البوطان الممجمجيين ديلا !

وقولها الكبيق الليلنا لحق الصح - خلها التلفلها واحدن فى شلتوت الليل شوال تجيبو ليى فى قطر كريمى - وتنضارف عليهو ما يترضرض . وان تجيبلى حيبيبات لوبى جاييى ازرعن يبتيقنلى هينى فيحال بس ضوومة تيبنى سيهمى ما لقينا هينى !

وسلملى عليها وعليى ويليدك والله يحفضو ليكا ويغتيى .وقباال ما انسى - قولها ست البنات قالتلك باكر تعالى انغدى معاى - ساووالى ملاح كداد !
ست البنات .

http://www.sudaneseonline.com/u/ahmed1.JPG


ست البنات عوافي
مرسل لك صورة أحمد وليدي

لك الاحترام والتقدير

خالد محجوب

Quote: جاييى اكحلبو البوطان الممجمجيين ديلا ! وقولها الكبيق الليلنا لحق الصح - خلها التلفلها واحدن فى شلتوت الليل شوال تجيبو ليى فى قطر كريمى - وتنضارف عليهو ما يترضرض . وان تجيبلى حيبيبات لوبى جاييى ازرعن يبتيقنلى هينى فيحال بس ضوومة تيبنى سيهمى ما لقينا هينى !

يا سلام عليك
هذا كتاب كامل يعلم الله



خالد سلام دعني اصغر ليك صورة الودي "الأرباب´دا ربنا
يحفظو وارسلها ليك
اك الود

يا ود عمى محجوب - سلام -

والتصويرى اللت يحمد وليدك كييف سمحى - الله يحفضو وينجيهو - ويغتيهو من العين - ويخليهو ليكا .

وان شاء الله يبقى وليدا زيين ومو عاق !

ومشكور عليى التصويرى - والله يزيدو ليكا .

وقولو عميتن ليكا اسما ست البنات بتسلم عليك وقالتلك اريتك عافى .

ست البنات .

ياسيكو اخوى الزيين - سلام - وطوول ما شفناك - نعلك شديد يا يابا ?

ويا عشاى ما تجيبلى غونوى من اللات النعام السمحات ديلك تختها لى فى لقدابتى دى - بس أوال ما افتح اللقدابى القى الطنبور زى التكننى فى اللعب !

وانا اصلى عارفى حديس اهلنا دا بيعجبك بالحيل - فيحال كدى باكر بجيبلك معاى عمتى الروضة وحبوبتى السارة ينونسن معاك لامن تقول بس !

ست البنات .

دخلت هذا البوست
وعدت وسحبت مداخلتي والتي كتبتها ايام العيد
علني ألتمس فيه عندكم شيئ من طعم العيد الباهت هنا
لكن يبدو إني ضيف ثقيل الوقع ولم أنتبه أنه بوست خاص
أكرر أسفي للإقتحام
ومرة اخرى كل سنة والسودان بخير

نور الهادى أخوى - كدى قول بسسم الله !

مالك بس جايى محرووق وزعلان فى شينو ???

أكنك قايل البوكان دا مو ليك معانا ??

وحات ربى حتى كلامك داك القوتو زمان كيف وجعلى قلبى - وخلانى انا كمان امشى ابيعلى كرت

الليل تيلافون - نضمتبو مع اخياتى وأخيانى وعييد عليهون - وظكرتلون حديسك البيقططع

القلب دا - وقوتلهون أخوى نور الهادى كييف حنننى حديسو !

دحين بس لا تنلووم شى فينا ! البوكان دا هولك وهول كل ابن ادم قلبو طييب وحديسو سمح !

وان مزعيلينك فى شى - اعفا مننا -

وفاوضنى بلا زعل !

ودحين اسع طلبتك بيسيدى الحسن ان ما قعد شربلك كيبيباية شاى واكلتلك حبيبات زلابيى سووتن

مسك اليمن خالتى .

وعاد ان ما جيت صاد - عيللى البس هيدمى دا وامشى احدسلك حبوبتك بت ابراهيم تقرصلك

اضيناتك المطيرات ديل وتصددك لينا تانى !

والله ياهو ! أكنك تحسبو ليعب !

وتانى ما اسمع منك جينس الكلام دا ضوممة !

ست البنات .

يا اخوانى اسع ادبارة كيفننها ?!

الوليد نور الهادى دا لملم عيزالو وفات من عندنا حردان !

وقال بس تانى ضوومة ماهو صاد ليى هينى !

بس حتى هيديماتو وسواهن فى القيفيفة السوغويرى الكانت نافعانى اجيبها السكر ! اسع قطع راسى ضوومة !



دحين يا ابو الحسن اخوى أمشى اقوفرو شوفو ما يمشى يقعلو فى بير ولا جننابييى !

الوليد مريووق الريق ما فكا !

بس ان جاء اكلو حبة بليلى ساكت تقووتو ولا سوالو تيريمى فى خشمو !

ولا اقولكون : أخير أمشى التومنه اكلم البوليس بالوليد الطاش دا ! يبقى يصددو لينا !

ست البنات .

اعادة البوست المحذوف
هوي
ياناس
مافي زول واللا شنو؟
أهل البيت
ست البنات وضيوفك السمحين.. سلام
العيد يتبارك عليكم إن شاء الله من العايدنو
ياناس أنا جايي من بكانا بعيد خلاص
لحم تب ماني دايرو وكعكم دا ديرو كدي
وأكان البقلة التحت التمرة ديك باردي
أدوني جغيمتين ال ابل جوفي
والشربوت أكان لقيتا ما باباها
عقمان أخباركم شنو؟
العيادة نعل مارجعوا....
البلد خبارا بقت فاضيي كدي الا من العوان والجهلي
الزمن يجري بلا باجور ود الجنيد تف تف تف تف تفتفتفت تف تلقاهو مرقا في بلدا طيرا عجمي
باقي لي اكان ما أخاف الكضب قيامتنا أياها القامت الله يحسن العمل ساكت
الجنيات الصغار... مسافة تروح الخرتوم وتصد تلقاهم بقو رجال كبار تامييين والفتوات بقن نسوان
ونحن التقول شغالين في طاحونة حجر
وملح الخليج هرد جوفنا

الله يهون
ويرد غربتنا
ودعتكم الله
نورالهادي
green]
جعلي احمق( والعفو والعافية)

نور الهادى أخوى - يطيب خاترك !

وجيدن جيت صاد - ودابو البوكان بقى ليهو طعم يسعلنى الله !

وعاد تراك براك شوف البوكان خلا !

الجننون والبينيات بس كولهون انفرقو اسع البيدينى المى مانى لاقا !

أها من تصبح لامن تغيب أقعد اصاقر فى السام دا !

وانت فى الجوهال البيقو روجال والبينييات البقن فتوات ! وحات ربى انا بس مرق من لقدابتى

حوليينى اتنين - صديت ليقيت بينية عاشة عميتى الكانت سوغويرى بترضع عرسوها !

والبارح كانت سماية ويليدا البيكر !

صوفت الينى دى انقلبنت كيفن ?

واا مغيسى يا يابا من موية الملح الجايى تهرد مصارين عدوك !

بس كمان نحنا جايين نعدم البولالى ! قالولنا تانى جنسو زول يزقيلو زراعى مافى !

والبيكوبلو نوقطة المى فى حوض - يودهو الكراكون طوالى !

غايتو الزمن بيقى كوتر - اتحصبنا بى الله !

أسع دا كلام ! البيطينيين كولهون يمشوا يخلونى وححدى !!

وحبابك يا نور الهادى اخوى ( يسعلنى الله حتى اسمك مترحمن وفيه من القرعان ) !


وجييتك صاد دى كيف عجبتنى يا يابا - دحين تانى بس ضوومة لا تفوتنا شى .

والاقوم اكورك لى ابو الحسن اخوى اقولو انت جييت - فيحال لا يشيل التومنى .

ست البنات .

Quote: والتصويرى اللت يحمد وليدك كييف سمحى - الله يحفضو وينجيهو - ويغتيهو من العين - ويخليهو ليكا . وان شاء الله يبقى وليدا زيين ومو عاق !

ست البنات المبروكة أم الخير البتجي بخيرها لكل الناس
مسّاك الله بالخير
دي المحرية فيك ات يا بت الرجال أهل الدرق والسيف
بت الما بهمو بحسلب الخريف والصيف
بت البحجو المرقوب وبكرمو الضيف

مشكورة والشكرة من زمان هيلك يا الزينة، وات كيفنك عللك عافي وسلامك وصلتو لاحمد وقال لي ست البنات دي مني ؟؟ قتلو عمتن ليك موجودة في الكمبيوتر قال لي افتح لي الكميوتر اللشوفا

لك المودة والتقدير والاحترام
خالد محجوب

خالد ود عمى محجوب -

يا يابا ربى يعلى مقامك - ويبرد حشاك بى وليدك -واخييانو -

ويزيدك عافى فى عيضيماتك - ويبعد منك كل شر -

نضمك بالحيل عجبنى وسر بالى !

عيللى انا كوت زمان خاتى التصويرى اللتى فى الخرابة دا !

واساعيتى بخوتها فيحال يحمد المبروك دا يشوف عميتو ! عيللى اصبرولى يومينى ولا يوم كدى !

ملحوضى :

انت ا خالد اخوى - القرفتن والجوروم والديفيقات - أبو الحسن ود عمى ما جابن للويليد

شى ?? انا بس من البارح وديتن ليهو ومعاهن عطرون وكركب - ومحريب - واغراضن اخرات

للبنوت ناس الملكى ومنى واخيياتن ???

ست البنات .

Quote: ويا عشاى ما تجيبلى غونوى من اللات النعام السمحات ديلك تختها لى فى لقدابتى دى - بس أوال ما افتح اللقدابى القى الطنبور زى التكننى فى اللعب !

ست الناس
طلباتك أوامر
لك الاحترام والشكر

تنقاسى السوق - أبو رنات -أبو دوم الحوشاب - جريف نورى والقرير -سلام...

Dear Khalid
Salam
Copy the following
http://3aza.com/uploader/uploads/ahmed2.JPG

يا سيكو أخوى - انت ياكا ود القبايل وسمح الخسايل !


ربى يحققلك كل مناك ورضاكا !

يا ياسيكو اخوى - بركة المولى - وبركة من حفظ على من الكافرين

وبركة المصطفى المختار - وبركة جميع من شيخا عابد وصايم وخايف ربو - وبركة جدى شيخ منور - وبركة جدى ود شيخ الحيران -

ربى يجعللك فى كل ختوى سلامى - وفى كل قلب زولا طيب محبى - وتنعددل عليك شيقيش ما تقبل - ويديك ربى القبول عن خلقو - ويوسعلك فى رزقك - ويبعد منىك ولاد الحرام وبنات الحرام - ويطوول عيميرك وعيمير جميع الخلوق البتريدون -

عاد الليلى ربى يفررحك ويبصتك مبصتتن تقعد للحول والحوليين - ميتل ما بصتتنى وفرحتنى - يفرحك رب العالمين دينى واخرى !

وأمانى ماكا وليدا فهمان - والمخ العندك يقع عليى الحبان والزينيين - اكان بس بتفهم حديسى قباال ما افك حنكى بيهو يا اب عقلا كبير ومكمل !

الليلى عاد بس لقدابتى ضوممة بس ملنى ساداها فيحال ما أخرب الغونوى السمحى دى - -!

ست البنات .

Quote: ملحوضى : انت ا خالد اخوى - القرفتن والجوروم والديفيقات - أبو الحسن ود عمى ما جابن للويليد شى ??

ست البنيات لا حدَّهِن...

صباحك زين...

الشئ مُخلايْتِك اللديتيني ياها وصلتها... لقيت خالد مافي علقتها ليهو في دُقُل الباب!!!

كميات مودتي... لقدابْتِك عامري بالحيل كدي أغدي البَهَم دا واصرِّر النعجي الوالدي دي لا تِتْرَضِع وأجيك صاد...


أبو الحســــــــين...

والله ما تنسانا يا سمح الخسايل

يا الساكن الشمال لى قلبى شايل

البت ام رشوم بت القبايل

جات تقدل متل ود الارايل

فى الوادى المخدر وديمه سايل

يا الله الجمال فوق اهلو خايل

يوم جانى البريد ما كنت قايل

انا بشوفو فراقا لى هجرانى طايل

دايما فى الدروس تجى فى الأوايل

الرايقة ما حامت فريق جابت قوايل

الليل من حديقة الموردة لزهرو شايل
اتذكرت محمودة الخسايل

يا قليب الحاجة مالك ديمة شايل

رمان صدرو خم عمارو شايل

ريحة فمو مايقومة الفتايل

وهى كان بسمت بريقا سوحبو شايل

ست البنات.

والله الليلى يا ياسيكو بس قدور مانى فرحانى - برضة غدبانى !

أقولك المفرحنى الغونوى الجبتها ليى دى - يفرحك رب العالمين !

وغدبانى فيحال كوت جايى اقوم أرقص وادى الشبال ! عيللى فيحال العيد وأكنى فيحال ابقى زى البنوت الهينى فى البلد الطيرا عجمى دى - قوم جزييت راسى بعد ما كان طووال وسمح !

أساعيتى عيللى ارجا سنى للحول حيتين يبقى زى ما كان أوالى ! أها باقيلك شيتن يغددب ولا لا ??

بس بارك الله فيك الفرحتنا - يا والله دابنا عييدنا !

ست البنات .

أبو الحسن اخوى - صباحك زيين -

شفت الوليد السمح وزيين ياسيكو سممحلى لقدابتى دى كيفن !!?

ونسيت نسانى الموت ! كوت جايى اسعلك : نعل حيببت الجيريم ما اندفقت من الويليد دا ? بس لا

يقوم يقول جاييى يزرعين شى ! قول لى أبو ود عمى محجوب الشى ديل مقلييات فى النار - ولا

باكر بجيبلو جبات قنقر من ساقتنا .

وبارك الله فيك يا ابو الحسن - دحين انت قوتللى من جريف نورى ولا القرير يا ربى ! أنا

الليلى ياسيكو ما خلالى بال ضوممة - يفرحو رب العالمين -

كلم البيطينيين والبينييات الأسوعوا ما جونى اليجو يحضروا الليعب الليلنا دا !

أها الأقوم اوقد النار للسبروق - الشربوت فاير ملا الكبيق -

وجاييى أعوسلى فطيريى لى يحمد وليد خالد ود عمى محجوب - فيحال يبقى السبروق دا يغللت عليى

بيطينة الةيليد الريهيفى دى - يا يابا تلاقاهو أبو الحسن اخوى - صباحك زيين -

شفت الوليد السمح وزيين ياسيكو سممحلى لقدابتى دى كيفن !!?

ونسيت نسانى الموت ! كوت جايى اسعلك : نعل حيببت الجيريم ما اندفقت من الويليد دا ? بس لا يقوم يقول جاييى يزرعين شى ! قول لى أبو ود عمى محجوب الشى ديل مقلييات فى النار - ولا باكر بجيبلو جبات قنقر من ساقتنا .

وبارك الله فيك يا ابو الحسن - دحين انت قوتللى من جريف نورى ولا القرير يا ربى ! أنا الليلى ياسيكو ما خلالى بال ضوممة - يفرحو رب العالمين -

ونسيت نسانى الموت ! كوت جايى اسعلك : نعل حيببت الجيريم ما اندفقت من الويليد دا ? بس لا يقوم يقول جاييى يزرعين شى ! قول لى أبو ود عمى محجوب الشى ديل مقلييات فى النار - ولا باكر بجيبلو جبات قنقر من ساقتنا .

وبارك الله فيك يا ابو الحسن - دحين انت قوتللى من جريف نورى ولا القرير يا ربى ! أنا الليلى ياسيكو ما خلالى بال ضوممة - يفرحو رب العالمين -

وكلم البيطينيين والبينييات الأسوعوا ما جونى اليجو يحضروا الليعب الليلنا دا !

أها الأقوم اوقد النار للسبروق - الشربوت فاير ملا الكبيق -

وجاييى أعوسلى فطيريى لى يحمد وليد خالد ود عمى محجوب - فيحال يبقى السبروق دا يغللت عليى

بيطينة الويليد الريهيفى دى - يا يابا تلاقاهو الخواجييى ولاب تسويلو شى يعصر قليبو هو

وابو ! غير الأكل اليابس تديهو ليهو فيقشى فى ايديتو ميتل الزرزو يقريضا وهافو خلا اليوم كولو !

بس يا ابو الحسن اخوى لا تحدس خالد بى حديسى دا يبقى بس ما يرضضيهو - عيللى انا يسعلنى ربى

دايرى الويليد السوغووير دا ياكولو شيتن يعصر قلبو فى السقط دا !


ست البنات .

Quote: وجاييى أعوسلى فطيريى لى يحمد وليد خالد ود عمى محجوب - فيحال يبقى السبروق دا يغللت عليى بيطينة الةيليد الريهيفى دى - يا يابا تلاقاهو أبو الحسن اخوى - صباحك زيين -

ست البنات كيف اصبحتي علك عافي ومابتحسي بي شي
اي والله الفطير خفيف وظنيتو يحبو باقي هو بحب لبن المعوز لبن الضان غلت علي قبل كدي،
لما كنا في السودان في يومن بنتغدا وكان في الصينيّ ملاح خدري مفروكة وهو واقف جنبي كل ما ارفع لي لقمه وتسيل منها الخدره هو يضحك ويقطعها بأصابعو قتلو اديك منها يا احمد قال لي مابدور لبانه خدرا.... لكن عجبتو الرجلي وسمك النيل البلطي والغباشي اللت الروب لما يخشو أقعد ادقنقر جنب الحاجي وهي بتخش لمن تنتهي وتجمع الفرصي تلملالو كوريّ من الغباش ينتخها ويقوم.

يعني لاني جعلي ماني معرس بت عمي انت واخيك ابوالحسين بقيتو تقطعو فوقي
ألا مو مشكلي عارف نضمكم شايلو الهوا وما بتقصدو بهو ضمه شي

ست البنات لك التحية والتقدير وكتيييير احترامي

خالد محجوب

Quote: Dear Khalid Salam Copy the following

سلام دكتور ياسين سنجك ميه واربعطاشر
وزي مابقولك كل مرة يا يابا ربنا يجزاك خير وخيل
والتالته ماني داير أقولا وات عارفها خايف من البنيّ ست البنات دي تقوم توصّل الحديث لام الوليدات

لك التقدير والاحترام والمودة

خالد محجوب

Quote: والله ما تنسانا يا سمح الخسايل يا الساكن الشمال لى قلبى شايل البت ام رشوم بت القبايل جات تقدل متل ود الارايل فى الوادى المخدر وديمه سايل يا الله الجمال فوق اهلو خايل يوم جانى البريد ما كنت قايل انا بشوفو فراقا لى هجرانى طايل دايما فى الدروس تجى فى الأوايل الرايقة ما حامت فريق جابت قوايل الليل من حديقة المولى دا لزهرو شايل اتذكرت محمودة الخسايل يا قليب الحاجة مالك ديمة شايل رمان صدرو خم عمارو شايل ريحة فمو مايقومة الفتايل وهى كان بسمت بريقا سوحبو شايل ست البنات.

Quote: الرايقة ما حامت فريق جابت قوايل رمان صدرو خم عمارو شايل ريحة فمو مايقومة الفتايل وهى كان بسمت بريقا سوحبو شايل

يا سلااااااام ويا سلااااااام

كلامن بسيط لكن مدلوله أعمق ينتف عصبه عصبة وقطعو مو قطع ليل

سوووي يا ست البنات من جنس الحديث السمح دا وخلي السنجك ( دكتور ياسين ) يبدع ويطلّع المخبأ في الجربات مع المشرق والبركاوي والمحريب والقرنجال والجنزبيل الجنو عمنوّل في مجوز في بلاد اليانكي

عليك أمان الله ناس الجمارك قالولك ماسكين مجوز دكتور ياسين دا يومين يحللو فيهو وما عرفولو أول من آخر قنعو منو وسلمو ليهو

ست البنات كيف اصبحتي علك عافي ومابتحسي بي شي
اي والله الفطير خفيف وظنيتو يحبو باقي هو بحب لبن المعوز لبن الضان غلت علي قبل كدي،
لما كنا في السودان في يومن بنتغدا وكان في الصينيّ ملاح خدري مفروكة وهو واقف جنبي كل ما ارفع لي لقمه وتسيل منها الخدره هو يضحك ويقطعها بأصابعو قتلو اديك منها يا احمد قال لي مابدور لبانه خدرا.... لكن عجبتو الرجلي وسمك النيل البلطي والغباشي اللت الروب لما يخشو أقعد ادقنقر جنب الحاجي وهي بتخش لمن تنتهي وتجمع الفرصي تلملالو كوريّ من الغباش ينتخها ويقوم.

يعني لاني جعلي ماني معرس بت عمي انت واخيك ابوالحسين بقيتو تقطعو فوقي
ألا مو مشكلي عارف نضمكم شايلو الهوا وما بتقصدو بهو ضمه شي

ست البنات لك التحية والتقدير وكتيييير احترامي

خالد محجوب

نان يا خالد ود عمى محجوب أكنك قايلنا بنتقاطع فوقك انا وابو الحسن اخوى !!!

الله خلاهو ابو الحسن يايابا وليد السرور أب خشما تقيل ! بس يطرشنى عمرى ما سمعتو جابلو سيرة جينسو زول !

وان كان عليى انا بس ما قوت شى ! لا تنتنى ساكت يا اخوى ! عامينى شايقييى ومانى جعلييى تقوم بس تقوش الكعب كولو فوقى ?

وينك ليى يا معاوييى ود عمى كرفس - ووينك يا حبيب نورة العيدييل !!

يا الله بجيك وتسعلنى الكلام دا قولناهو فى الضيحك والهيظار ساكت !

واكان للخواجييى عارفينها ماب تفهم حديسنا دا ! عيللى اكان شيتن تودى ليها انت !

وتانين شى بس اصلنا ولاساعيتى مانا فارزينك من اهلنا - انا اوالى مو قوتلك نحنا ابانا عم ??!

وان بيقى نضمنا دا غللت عليك - اها العغو والعافى !

وتعال يا عشاى شيل الفطيرييى يى دى العوستها للويليد .

وانا عاارفا بيكون مكججن ملاحنا الاخدر - وبيقولبلنا اسمو !

وصباحاتك بويوض يا المبروك .

يا ملكة وبت ملوك يا العسكرك مجتمّعه

ست البنات

مالك التكنك اخدتي كلام جد وانتي وابو الحسن تاج راسي
كان لابوالحسين سند الواقعة

وكان ليك اتي بزغرديلنا في الحار ونزيد بزغودتك شبرين لفوق

تسلمي يا اختي ولك التحية والتقدير والأحترام

خالد محجوب

ناس الشماليي كل سنه وانتو طيبين وربنا يحقق امانيكن
والله شدة مامشتهاكن فتحت البوست وبقيت اعاين ضممممممممممممممه غلبني النضمي
وكت قدر كتب ديل ماقصرت لامن اتفش شويي من الشوق دا بجيكن بي حروفي
انشاءالله دايما عافي

( تنقاسى السوق - أبو رنات -أبو دوم الحوشاب - جريف نورى والقرير -سلام... )

ياسيكو أخوى المو جخ ومو خمج - نعلك طيوييب يا يابا ?

دحين حيس الدليب والطنابير بس لخممنى ضوممة ما شوف الانت كتبتو ليى دا - لا شوف السبيط

العرجونو مندللى دا واا حلالى !

نان عاد دا تانى نلقا وويين يا عشاى !? مو فارقنا السميح والسمحيين !

الله يصددنا لى عقابنا ان كان نلقالنا زولا يرودلنا السلام فى البيوت البيقن خلا !

الله يصرف الناس ديل من ويشيينا دا !

ست البنات .

خالد اخوى - نان وا سيجيمتى ! انا قالولك بس ان جييت بغدب منك شى !!

لع يا أخوى - وحات ربى انا بس ان بيقت غيدب من البوطان والبنوت ديلا كولهون دحين باقيلك حديسك بيغدبنى ?

يا يابا انت بس كان كدى ماكا عارفنى ضوممة !

انا جينسو زول قال سلام يا لقدابتى دى أشيلو فوق راسى ! فيحال اهلنا الرحمة وسادتون علمونا كدى !

ودحين انت بس يا عشاى ما قوتلى شيتن يزعل ضوممة !

دايرى اسعلك : ويليدك يحمد - فطيريتى عجبتو ?

ان بيقت عجبتو باكر تانى بسويلو شيويى !

وترا ياسيكو ينبارك جابلنا الطنابير المو خمج فى بيكيينا !

أها لا تفوتنا شى .

وسلملى عليى ابو الحسن أخوى .

وان لاقيت البيطينيين ناس حبيب نورة - وابو ساندرا - وود القرير ( نعلو كييب ) بس زمن ما كلا

علينا ! والبينييات ناس أخيتى منى بت خوجلى - وماجدى المدت راسا هينى بس فد مرة ! والملكة ملكة سبأ -

وفدوى بس ما قعد تقصصر طوالى بتدينى طلة مرة مرة . سلملى عليهون كولهون - وقول ليى طارق ود عمى جبرين

قالتلك مالك بيقيت تسوع ماب نشوفك ?

وفى امان الله .

ست البنات .

فدوى اخييتى العيديلى وبت القبايل -

نعلك طيبى ?

والعيد يا يمة مبارك عليكى - وترجيى طيبى وكلك عافى !

وتنعدل عليكى شيقيش ما تقببلى !

وعليك الختم لا تنوهدبى شى ! تعالى أكليلك تورمة معانا واسمعى الطنبور البيلبش دا معانا !

وتنباركى وتنسههل عليكى دينى واخرى - انتى والمعاك بركة الرحمن .

ست البنات .

الحارث اخوى - يحرسك الرحمن وملايكتو - ويحفضك ويغتيك انت والمعاك -

وكل سنى وانت طيب - وعيدا بخيت وسعيد عليكون -

وعاد لا تفوت البوكان الليلنا دا تانى شى .

ست البنات .

خالد أخوى - مرحببك -

نان ناس الجمارك المغزلينيين ديل ما لقولون شيتن يفتشو عيللى مجوزى - وحيبيبة المحريب

والعطرون المرسلاهن للبنووت والبوطان ?!

قول لابو الحسن قولهون ديل غرودن جايبنهن من تنقاسى السوق من ساقة جدى كمبال وجدى ود كروم -

وعازملنا فوقن السيد على - تلحق لامن تلمسن عيللى ايديك يكنكيشين يلحقن الصح !

وقولو رسول الله قالك ان خليتلك كلبا بوليسى غزالنا خشمو ولا نيخيى فيهن - لا ينجسلنا

التيميرات عليى البوطان ويوسيخخن لينا !

ست البنات .

ست البات كيف امسيّتي

كت بغادي في حوش ود الحسين علا ما لقيت زول تب البلد خلا بس الجنى حاتم أنا جيت وهو مارق مشغول قال لكن البوطان قالوا لي أنو هسع ست البات جات ومرقت ...
عاين في الرملي شفتة درب كركبك الما بغباني ... الجنون قالوا ست البتات جابت ليها مخلاية تمر وألا ما لقت زول في الحوش وصدت راجعي لحوشها


مع اني كلم ابوالحسين كمين مرة لا تقفل الاوضي دي بالطبلي هسا ما كان خليتي التمر دا في الأوضي

أحمد فطيرك عجبو بالحيل لكن يا كافي البلا وحايد المحن وما تكبي يلك فيهو حبيات سكر ات ماعارفي الخواجي دا مابدور الشي دا مسيخ والله في باقي الليل داك قمته وكبيتلو فيهو عسل الليل نحل حتن قدر اكلو وقال لي كلم عمتي اترسل لي كل مرة منو وعليك الله ماتنسي اختي لبن الضان والبقر والجنى بس بحب لبن المعوز حبوبتو في شندي اشترت لو معزة برقا من غنم النوراب السماحات ديك ب 127 ألف لكن غمايتن سمحة بالحيل

لك التحية والمودة والاحترام

خالد محجوب

ست الناس
سلام
المرة دي أهديك الزول الوسيم بصوت محمد النصري
اشكرك على الدعاء الجميل وادعو ليك اضعافه






الأغنية التانية دي بتبكيك

ياسيكو أخوى - اخو الصح - العيديل الميبيريك - يحفضك ربى .

يفرحك الرحمن ويخليك ويديك العافى فى عيضيماتك وجيسيمك يا يابا - تبقالك الملايكى وقايى وحيمايى - ولا

تنضام لا تنمحن - ولا تنغردلك فى زول طول ماك حى - يقول يامين !

الليلى بس بس مما سيمع الغونييى اللت أميمتى دى عاد قالولك الدميعات وقفن !

يسعلنى الله أخيتى ووليداتا نايمين - توورون حيس البيكلى الليلى !

دحين اساعيتى بس كججنتها ضوومة !

أقولك : جيبلى اللت النعام ( ليه تنسانا يا سمح الخسايل ) وخوتها لى بس أوال ما افتح اللقدابى

القاها ميتل أوالى ألقاها تصابحنى !

والله يقطع اليوتوم ! والله يا ياسيكو خلانى مزهللى - بس بوكان ما اسمعلى كلامن فيهو سيرة

الوالدين -قليبى دا ينهرد ضوومة !

الله يرحمون ويغفرلهون محنوبنا ووحدوبنا !

أسع عيونى بيقن ماب يشوفن مطششات من العبرى !

ست البنات .

Quote: أقولك : جيبلى اللت النعام ( ليه تنسانا يا سمح الخسايل ) وخوتها لى بس أوال ما افتح اللقدابى القاها ميتل أوالى ألقاها تصابحنى !

Done
I will be back soon

عاد يا ياسيكو اخوى : أقولك شينو يا سيد الذووق الوليد الميبيريك - ود القبايل سمح

الخسايل !

ربى يجعللك فى كل ختوى سلامى .

وملحوضى : كوت جاييى أخوتلكون تصويرتى هينى بس ما عيرف - يا عشاى كدى ورينى كيفن !

بس بسكوت اخوتها - يا طفشتكون من لقدابتى دى - يا بس سكتو انحملتونى بى شاتى دى -

تقولو مجبوريين يا اخييتنا ان بيقى رب العالمين سواها شينى جايين نحاربا ??

النصيحة ليك يا الله : بس ضوومة مانى سمحى عيللى حديسى سمح !

بس بلا البعشوم ماب اشبهلى شى !!

عاد قيسمتى !

وكدى يا ياسيكو اخوى اشرحلى واحدى واحدى - باقى انا زمان كوت بعرف عيللى نسيت نسانى

الموت !

ست البنات .

الحنينة الزينة ست البنات
كيف حالك

بدور أحكي لك حكايتي الصورة دا في يوم صباحتو بيض في شندي وفي الوكت داك أحمد كان عميرو سنة وشهرين ودي كانت أول زياري ليهو للسودان,,, بعد ماشربنا الشاي اب لبنن مقنن مع الليقيمات وتينا بالشاي وتلتنا ما بوطنا وقفت دود أخدنا الونسي مع الحاجي وبعدها ختينا لنا كرسي في شارع الله تحت لبخة ضليلي قدّام البيت نعاين في الداني والقاصي
جا وليد عندو كارو .. أحمد سعلني دا شنو قتلو دا حمار بجر كارو وقال عاوز يركب مع الجنى في الحمار ... ناغمته الجنى قام جا قت لو الخواجة دا بدور اركب اتفسح شويه فوق حمارك دا الجنى كان قليص بالحيل قال ليهو تعال آالجنى الاحيمر شلته أحمد ركبتو معا... أها بقى امشي بو مسافة واجي راجع ادور انزلو أحمد أقولو تاني ... وتاني يرجع بو المهم أحمد جنن الجنى جن في نهاية الأمر الجنى نزل من حمارو وقعد في الكرسي الليلنا وقال والله دا يومن أسود الجابني بجاي

لك مودتي واحترامي

خالد محجوب

انا قيبيل كوت جاييى اقولك كلام - لكن خايفاك تزعل منى !

أها ان بيقيت يحمد دا اصلو كدى ! لا يعتتب لقدابتى دى ! خللو اليقننب مع ايميمتو ! وبجيبلو التصويرى اللتى فى بوكانو !

أها قصررت فييو ??

ومسعول من الخير يا خالد اخوى : انت ان جيت - الوليد الفوق الحمار يا الزهج ولا الحمار زاتو !! شوف عينى انقلب صاد ولاوى ريقيبتو ميتل الزرزور - من الفتتر !

ست البنات .

Quote: وكدى يا ياسيكو اخوى اشرحلى واحدى واحدى - باقى انا زمان كوت بعرف عيللى نسيت نسانى الموت !

ست الناس سلام
اضغطي الوصلة التالية:


http://3aza.com/uploader/maianuploader.php


بعد تفتح معاك ، دوسي على
Browse
بعد داك اختاري محل الصورة من المربع البيفتح ليك
Desktop
Or
Document
بعد تصلي محل الصورة ، دوسي عليها مرة واحدة ،
ثم دوسي على
Open
بعد داك دوسي على
تحميل الملف
وانتظري لمان تفتح لك صفحة جديدة لونها ظهري بتلقي مكتوب فيها
تم تحميل الملف بحمد الله
براحة اعملي
Highlight
فوق الكتابة البادية بي
http
وتنتهي بي
JPG
بعد داك اعملي
Copy
شيلي يلا الماوس وامشي للبروفايل بتاعك
واضغطي على محل الصورة واعملي
Paste
أو ختيلي الشلتيهو في البوست دا عشان اصغرلك
الصورة وارسلها ليك تنزليها

وان بقيتي دايري تختيها في نص البوست ، تمشي تفتحي رد
وتدوسي في راس المحل الأبيض في محل الرد على
Image
حا يفتحلك مستطيل ، تمسحي الفيهو وتختي الشايلاهو في
الماوس وذلك بالمشي فوق والضغط على
Edit
And then
Paste

Good luck

ياسيكو الحينيين - الله ياسع ايامك -

وكتتر خيرك يا يابا ياسعدك ربى بالسمح وزريين .

اها سوويت القوتو لى كولو - عيللى وجانى المربع البيوريى ان فى تصويرى قببل بوكان اسمى فى

المنبر - عيللى سيتين يميين التصويرى أبت تنفتحلى فيشان اشوفا يا ياها التصويرى اللتى والا

تصويرتن هول حبوبتى ! باقى انا حافضاهن فى بوكان واحد !

أها ورينى الدبارة كيفننها !

ست البنات .

[url=www.moq3.com]

ياسيكو أخوى ييى دا اللنك .

انبيقيت قيدر سوويهو ليى .

ست البنات .

خالد ود عمى محجوب قول ليى يحمد ويليدك دى عميتك ست البنات - قببال 4 شهور - عيللى أسع جززت راسا !

وقول ليى ياسيكو العيدييل - ست البنات قالتلك بس ما غيرف أسووى شينو - جيت اخوتلك اللنك - بلا التصويرى انفتحتلى هينى !

أساعيتى بس مانى عارفى ازجها كيفن !!

ست البنات .

ست البنات مرحبتين حبابك في حوشك العامر وحلوة غنيواتك ، وتميراتك وعيدك مبارك والله منورة البورد بطلتك البهية والبركة في الشوفة ، والله يقطع سنين الغربة الريست علينا الصور اها في انتظار البركاوي . ..
وأهديك هذه النخلات التي زكرتني بشمالنا الحبيب فالتقط هذه الصورة ..

عشة بت فاطنة - البت الماهلة - المكملة المعرفة والعرفة -

حبابك وحباب طلتك - وفقدنا كلامك البلقانون المرككز -

وسلامتك ومن الحليج للمحيط الناس وبهايمون وبترولون كرامتك ! كان يككفى !

وكيف اخبار البينييات ? سفرتيهن وقعدى ! الله يجمعكون فى ساعة خير - وربنا يجعل كل

أيامكون أعياد - وفرح - وحب -

وحمدلله على شفوفتك للويليد - وبركة يا اخييتى الجاء معاك - والله يطممن قليبك بيهون كولهون .

وسلامى لأدروب وبلغيهو معايدتنا .

وتسلمى حبيبة - وما تنقطعى مننا - وان شاء الله تكونى اتعافيتى ونصحتى -

ست البنات .

أكنكون يا اخوانى زولا نشدنى ولا سعلنى فيحال تورونى الطريقى البخوتبا تصويرتى دى مافى !

سميح ورونى ازحها من البيكيين دا كيفن !

وغدبانى منكون حد الغدب ما يقيف !

ويبقالى بس الملم عيزالى من البيكيين دا واشيل اهلى !

وان مافى زولا قالى بيغم لا الميغيرب - يانى القاطعى تظكرتى فى قطر كريمى وعليك يا الله .

وودعتكون الله .

ست البنات .

ست البنات كيف اصبحتب وأمسيتي يا الزينة
النعم اني زولاً جديد في شغلانية الصور دي لكن أمكن أنفعك أكتر من الخبراء الكبار ناس دكتور ياسين

أمشي معاي واحدي واحدي

أولاً في التبادي في رأس الصفحة بتلقي مربعاتن كتار فيها أغاني سودانية .. أرشيف .. وشنو ... وشنو وتاني بتلقي من ضمنهن ( تحميل الصور ) بس دي نعم تحميل الصور... وماتشتغلي بالباقي أضغطي عليها... بتفتح ليك صفحة بتلقي الجنى بكري سيد الحوش الكبير قاعد بتصويرتو ... وتحت تصويرتو في ( لينك ) لتحميل الصور
دوسي الداهي دا المكتوب باللون الأزرق ... بفتح ليكي صفحة أخرى لتحميل الصور وفي مربعين ... واحدن فيهن مكتوب علي ( browse ) والمربع التاني مكتوب علي تحميل ... أها تقومي تضغطي فوق الداهي browse دي وتضغطي عليها وتحددي مكان الصور أن كانت في my documents ولا my pictures ولا أن كانت في سطح المكتب وتدي أمر open أول ما اديتي الامر بتلقي الاسم المحفوظه به الصورة نزل ليك في مستطيل جنب المربع الفيهو تحميل تقولي كدي تضغطي علي ( تحميل ) وتنظري لاحدي ما يكتمل التحميل براهو لا تقومي تلكزي الداهي ولا توغزي بعصا ولا مصيبة زمان تسويلك عاضري في كميوترك كمان.. لما يكتمل التحميل بظهر لك التصويرة الليلتك وتحتها( link ) التحميل تقومي كدي تظللي ال لينك بس لاتظللي معاهو شتن أخر وجوطي الحكايّ وتعملي ليهو نسخ copy

بعد دا تقومي تمرقي من المحل دا وترجعي للمنبر العام مرة اخرى وتضغطي علي المربع المكتوب فيهو ( ملفك ) وتمشي المكان المخصص للصورة وتضغطي الماوس في الزر الايمن وتعملي لصق

وبعدها اطلعي وافتحي بوستك كان لقيتي تصويرتك تعالي لوميني

لك المودة والاحترام

خالد

خالد ود عمى محجوب - كيفنك - نعلك طيب ?

هى خلاس انا براى عيرف - انا قالولكون مانى فالحى !

عيللى الفيكون انعرفت - !

وتانى انا بسعللى زول من شى !

بس وريسى دا ان ابققو الدم ! عيللى انكت منو الخوبورات كولها !

نان انا ماكلالى تومور نصاح ! وقراريص نصاح !

بس ماب يجيبينلهن فايدى ولا مخ ضوممة ?

اساعيتى بس الحمد لله - تميرات اهلى البللعتهن عيميرى دا كلو جابلهن فايدى - وتصويرتى انوهطت وانقنقنت فى نوص المنبر !

بس عليكون الله لا تشنفوها شى !

ست البنات .

أها جيتك صادي عشان بوستيك الطاعم وغناك الناعم ، وشكرا لسؤالك عني والوليدات ، وكلنا بخير ما فاقدين الا شوفتكم يا السمحين ، واياني المصنقري في بنبركم تحت النخيلات عشان اسمع غنى الشايقية الحنين اصلو غنى الشوايقة عندي ليه و بكان ، أها فتكك بعافية يا ست الحبان

Quote: اساعيتى بس الحمد لله - تميرات اهلى البللعتهن عيميرى دا كلو جابلهن فايدى - وتصويرتى انوهطت وانقنقنت فى نوص المنبر بس عليكون الله لا تشنفوها شى ! ست البنات .

الحنينة الزيني ست البنات

والله أنت بتعرفي كيف ومتى تختي صورتك سويتلنا اشاعي ضربت من هنا لي كريمي أنك شيني وبتشبهي البعشوم لكن زي ما قال ابوالحسين وعيني عليهو باري وكان رأيو صائب ( دحين الكلام الطاعم دا بمرق من خشيم زول وجهو ما طاعم وسميح

ماشاء الله وربنا يحفظك اياك ست البنات اسم على مسمى

أحمد الليلي مبسوط وريتو تصويرتك وعجبتو شديد

لك الود والاحترام والتقدير

خالد محجوب

عشة بت فاطنى - اخيتى -

انا والله من زمان ميشتهاكى يعلمبى الله - كيفن نان تصنقرى بره تحت التمرات ! وحات السيد

على عيللى تدخلى فى اللقدابة دى وتفطرى معاى بالقراصى المو خمج - وتشربى الشاى - وبعدين

أخوى خالد ود عمى محجوب يوصصلك لا عند بيتكون - باقى يحمد ويليدو باعلو ديحيشى يوصصلوك

بيها .

ويالمبروكة تانى تعاليلنا صادى فيحال عندى سوعالاتن كتيرى جايى انونسبها معاك ..

وفى امان الله .

ست البنات .

خالد ود عمى محجوب - نعلك طييب !

دحين دا كلام دا ? بس تخلونى براى فى الخلا والصى دا النهار

كلو !

واحدن فيكون يطل عليى ولا يقول ست البنات دى ميسيكينى وححدا

الامشى اشوف العليها ! افيئ عليكون ??

لكن اسع وكت جييت يا عشاى مافى عوجى ضوممة !

ملحوضى : انت يا خالد اخوى - الخشم الخفيف ليك أشينو ?

بس كمان شناتى تحدسبها الناس من هينى ليى كريمى !!

يعنى الليلى غدبتنى عليى الغدب العليى من قل جييتكون ليى انت

وأبو الحسن أخوى ! لامن حيرد وكوت جايى اشيل اهلى !

اساعيتى قوتلو جيبلى مقاتايى وقاعونة - بس ليوم الليلى غتس بى

وشى فى سوق الزومة من البارح !!

ست البنات .

مالك است البنات
سلامنا ماب ترديه
امانا ما اتلومتى

ياستهن سلام كيفنك سلامتك ازيني
بت الزينين
احنيني
سلامتك وسلامة مريومة اخيتك
وبت البنا
وحات الله فشان الجنا المعاكن دا الله مرقكن
وجيدا بقيتن نصاح وطويبات
نان مافيكن كبش
عاد خلاس
الغنيماية الت الجنا السميح دا مابيديك اياها
قوليلي انت دخلتي توش كدي علي البكان
بلا بزبورتي
نان مو غلبني السكات قولي لي سيد الحوش الكبير من ازنك
عارفاهو طويب وكلامو زين نان ماهو القايل البكان دا بكان الناس من جم
وصح الكلام واللهي نااجول شمال ويمي أصد تاني لا عند البكان دا بس التقول
دافنينلي فوقو شي
علي انا عارفة الجايبني شنو عاد متل نضمك دا بينفات ياستهن لي حدهن
وكمان جبتي التصويري سمحي والله بلا الرتيني تنوري
بصتينا والوليدات بقو يضجو
عاد ماك سامعي
خالتو خالتو
ستهن سلميلي علي الناس كلهن الفي بكانك دا التحت التميرات
وصدي هنوك كمان لي اخياننا الفوق والتحت في الغابي هنوك
والفي شرقنا والتحت ضل التبلدي اها مع السلامي قبال يطردوني
اخيتك رقية

اخيرن شفناها ست البنات لا حدهن. يا عين يا عنية.
اهديك هذه المعزوفة بالشوفة. على وزن البركة .....
http://www.youtube.com/watch?v=9dNbXiXcX7Y&mode=related&search=

يا ست البنات

إنتي إسماً علي مسمي

فتحتي لينا طاقة جايباله ريحة حلووي شديد
عمك حسن حلفك بي سيدك ما تروديها صادة
خليها فاتحي إكان نفش المقص الفينا ده
و كلام اخوانك ديل و الله يطول العمير
إكان فضل فيهو عقاب
يدلك الفي مرادك

أولا بالتبادى الاشوف أخوى وحيبيبى عبد المينعم وليد عمى سييد أحمد دا ضاممينى فى شينو !

يا يابا انا انبيقيت ما رديت سلامك صوح بنضام - وعاد أففو عليى !

ودحين أعفا مينى - انا مو مهجومى بالضربة اللت الاتومبيل الجاء يلحقنا الصح والزينيين انا

وأخيتى !

بس بيقيت الشى اشوفو طشاش -طشاش !

والكتابى اللتكون دى يسعلنى الله شى اشوفو وشى بس يبقالى كوتر !

دحين دا زولا ينضام !

انت ااا عبد المينعم أخوى ماك عارفنى ? انا بسوى اللوم ?

وعاد امسحا ليى فى ويشيى السنيح دا !

وسلملى عليى البينيى بت القبايل الرايقى ووليدا - ويا ربى مشا شى ?? الله يحفضو ويغتى

ويزيدو ليكون !

ودحين بس عيللى ارسلك ملوى اللت تمودى - ومجوز قرقوش - وقرفتن فيحال لا تزعل مينى تانى شى ..

وودعتكون عن صاحب الوداعى - وفى امان الله .

ست البنات .

أمانى الليلى جاتكون فى اللقدابتى اللتى دى - بتن هدييى ورضيى - ومكميلى الفهم والطيبى

والعرض !

ريقيى بت عمى العيبيد ( رقية العبيد ) !

نان الليلى بس فى نورن فضضل ما جاء لاعن لقدابتى دى !

وكمان معاها البيطينيين السمحيين المأدبين وفالحين - ماديلا وليدات اختى وأخوى خالد الزول

البشوش واجواد حد الجودى ما تقيف !

يسعلنى الله عامناول شيل بلدون دى وقعدتللى يومينى اتنين معاهون بس التقول سيويعى فريد

واحدى ! من سماحة ونستون وسماحت القعدى عندهون !

وحات ربى بس سوولى يا زيبيدى لا تموعى ! زقلتونى - واكرمونى حد الأكرام ما يقيف ! اتقول

جاهون السيد على بينفسو !

والا الويليدات ! واقفين فوقى وفريحانيين بيى جيتى دى فرحتن !

ديل ناسن ماهون ساهلين ضوممة !

أساعيتى بس ما رحببها !

حبابك حيبيبتى حبيبة قساى !

وحاب أوسلى وناسا - ويا يومة ما لك تاعبى رقبتك وجاييى مخمخمى القراريص المخممارى

والقونديلا - وحتى الكبش جيبتيهو للكرامى !


ولللووبى فسخختيهو جيبتيهو معاكى فيحال نشدو حتى هو ! أمانى كييف ميشتهالى لوبى ليى بيطينتى

دى بس بيعدل البطون ويعاجيها !

والله بس ما خليتيلى فرضا ناقص !

ربى يغتيك انتى ووليداتك وابوهون - وسنتن سعيدى وبخيتى عليكون - ورب العالمين يجعلا ليكون

كلها افراح وبخت .

ست البنات .

Quote: والله أنت بتعرفي كيف ومتى تختي صورتك سويتلنا اشاعي ضربت من هنا لي كريمي أنك شيني وبتشبهي البعشوم لكن زي ما قال ابوالحسين وعيني عليهو باري وكان رأيو صائب ( دحين الكلام الطاعم دا بمرق من خشيم زول وجهو ما طاعم وسميح

ست البنات كيفن بتغدبي مني أناني ما اتلومتي ... أنا ابقى لي اتي ما عقلتي كلامي كويس امكن رويسك دا موجعك شي ولا كدي قومي سوي لك كباية شاين أحمر مزبوطي عيار 10 وبعدها تعالي اقري كلامي دا

أنا واقع علي حلف حويشك دا اجي كل يوم ان مرة ولا مرتيين ولا تلاتي مابقنع من نضمك الحلو هي كيفن بقنعك منك وأخليك براك في الهجيري كنتا جايك الليلي العصير لكن لاقاني محمد وحسين وقال لي خالو المساعد عيان وامكن اودو الخرتوم عشان كده رجع صادي معا واتأخرت عليكي ولما رجّع لقيت لي ناس عند حوش ابوالحسين والله قت اخد لي معاهم خشم خشمين واجيك جري لكن تقولي شنو الجنى ود الأراك المبروك ساسين نضمو سمح وديمة معاهو راديهو بغز لّو فيهو نصيبة مربعي كدي اسمها الشريط واقول كدي الشي سووي في الغنا الليل ود جبارة وأنا لامن أسمع ربابة وصوت ود جبارة والله بعيد عنك حماري وحرنت وجكنت في الطين ولابقدر أودي كراع لا آيد لاقدام وبسمر في محلي .. أها قعدته أسمع غنية فوق غنية لامن طب الآذان الليل العشى آذن مشيت صليت في جامع الفكي وبعدها قت قطع شك ست البنات الزيني بتكون رقدت لكن انشوفها أن بقى بابها مجدوعي فوقو الطبلة ابقى نامت فعلا ياهو الكان لقيت طبلة بيتك معلقي صديت بدربي ... دحين بشوفك بكرة أن بقينا حيين والله آمد في العمير.

يا أختي انا قت ليك أن بقيتي مافهمتي كلامي ... كت بقصد أنك عملتي انتي الاشاعة يومين تحدثي فينا ...( انا صورتي شيني وزي البعشوم وما تشنفو لي صورتي وحاجات وشنو وشنو لامن خبر صورتك وصل كريمي ما انا الوصلتو دا الجنى دا البقولو لو البلولي ود العوض هو الشايل الخبر وانقزبو ما خلا زولاص ما كلمو بيهو والله داك الليلي لقيتو في بير ناس عتمان والناس متلمين وفتح موضوع صورتك كان في يدي حبلن الليل مريد خبتو بيو في ضهرو لامن اتفنس زي حمارة العمدي الحمامية الجابا من اتبره ) وبعدين قمتي نزلتي لينا صورتك السميحي دي وعينا باري وبنقول وانتني ونتلت وربع ماشاء الله ما شاء الله ماشاء الله ماشاءالله .. انشدهو ناس البوست كلهم وكان لي انا بقيت اسوي براي في سري هي البت كان شفتها قبُل ما كت ختيت الحبل فوق المجرية ماكان حديثي بقى تاني....

ست البنات ارقدي عافي يا اختي لامن نتقابل بكره

لك مودتي وتقديري

خالد محجوب

الله لاجاب زعل
كدي صلو علي النبي وقومو معاي علي ضل الضحى
آآآناس الهجيرة ماأخدتكم
جيت فايت سااااي علا جابني صوتكم... بالحيل علا
ودعتكم الله
لازم انوم بدري
عشان ألفا عربات السوق وأجي فسراع عشان عندي نفير العصراوية
نفسكم في شيتن مغرودين بلحيل فيهو اجيبو معاي؟
ست البنات
هوي يابنيي
خسمتك بي الرسول
وبي أبواتك
ماتختشي الحالي واحدي
أخيك
نورالهادي

نور الهادى أخوى الأجواد وكريم - مرحببك -

ويا يابا وكت براك قوتلنا اتشههوا واتمنوا ! أها :

انا باللاوال دايرالى حوت ! كييف ميشتها - قوت للويليدات ديلا جيبولى الحوت من سوق الزومى

عيللى بس سوو رقبتون مابيسمعو شى !

باقيلى الحوت غالى !

دحين اساع انت جيبوا معاك ولا تنوهدب تعال فيسراعك !

وكمان جيبلى قاعون - ومقات !

وجيبلى طيرقى - فيحال الطيرقى اللتى انمززقت فوقى ليها حوليين !

وجيبلى روقاببا فيحال مونضرتى دشدشا ليى يحمد وليد خالد ود عمى محجوب !

وتعال غاشى سوق تنقاسى بيعلى تومباك وراس سكر من دكان السرير خالى !

وتعال مبارى درب التوروك أخرتلى حبات لوبى من جروف الكروماب !

وبيعلك خورتايى كبيرى سوو الغرود ديلا كولهن فيها وتعال تلحق الفطور معانا فى لقدابتنا دى !

وكتتر خيرك يا عشاى وبارك الله فيك يالبتنشد وتسعل من الناقصى !

ست البنات .

حبابكون يا الزينيين ومبروكيين -

وسلام للحينينيين وطيبيين -

وسلام من عن هينى لاعن بوكان ما كوتو قاعدين -

وسلام لكل غاشى وللمتاوقيين -

وسلام لحد تمورنا وللبساتين -

سلام شدر القرفتن والبراسيم -

وسلامات ليقموحنا وللعراجين -

وسلام للبقفز والمكاوتيين -

وسلام لكل كبد روققابة واشميق -

سلام ليطيننا للمترات وليصوت البوابير-

وسلام للحاسى بودرى قببال ما يفك ريق -

شايل مونجلو مندلى يقرع ساعى واتنين -

وسلام للجايى بيصحن الفطور ووقايتو بزديق-

وسلام للواردى بالقيروانى للبير-

حلويى ومورى للناس والبهم والدومى والنيم -

وسلام والعبرى سادى حيلوقنا بالضييق-

سلام ودموعنا تنشل وجارى زى سييل -

دحين يا ربى :

بنبقى غانميين ونشههل ليشنطنا ونمشى صاديين !

ولا الحسرى تملالنا الخشيمات ونموت غريبيين !?

ست البنات .

سلام -

انتو البوطان مشوا ويين ??

ست البنات .

Quote: وسلام والعبرى سادى حيلوقنا بالضييق- سلام ودموعنا تنشل وجارى زى سييل -

سلام يا الخدرة المفرهده وفوق جروفها نديّه
علي القاعدين معاك في الحوش أنا كيف اشيل آيديّه
حتى أن كتلّني خنق عافي ليهو الديّه
ودمي مالي آيدّك وأقبليهو هديه

الليله العيال شربو شراب قيراط
والروح سبّلوها لناس ست البنات

الليلي بعد ما قريت ما كتبتي ناديت أحمد وليدي وقت ليهو يا أحمد يله دشدشّت منضرة عمتك ست البنات
قال لي والله ما شفتها منضرتها دي ذاتها هي خاتاها وين ؟ كدي وريني ليها في تصويرتها دي .

دحين يا ست البنيات.... سمعتي بكلام الرتينة بت سالم وليد عتمان يوم حنّة علي الشاشوق

يا سلام لما ينبري ويهيم بالشعر محمد طه القدال ويغوص في أعماق الكلم ويطرب اسماعنا بشجو حديثاً يتناثر كالدرر الحسان .....

بنية لسالم وليد عتمان
وصلاة الزين
سموها الرتينه
أمها بت علي الخمجان
خريف الرازّه عزينّه
كبار الحلّه ابواتها
وبَكار الحلّه أماتها
تمرّق زيّنه
تبرّق زيّنه
تمشي تهاتي وزيّنه
بلا الربعه التحجل
شاكّيه للوديان كتافّه
وفوق الجيّد علي ضهر البوادي
تغني ما خاتّيه الزرافّه
سلامها حنين
بسيمها الودعّه
ألا تزيد لاطافّه
ملامها رصين
مقدّم زوكها قبال الحصافّه
كلامها ضنين
كلامها يطمّن الهمباتي
والجلوبه متعارض كتافها

وقاريه وكاتبه تحمد سيدّها
ماخده علي البنيات الشرافّه
كذا البريبه تبرد عيني
لا تغشّاها لا أحضر نشافه

كان في الحلّه يوم
حنّة علي الشاشوق
ومشينا نقدّم البنوت
علي ضو الرتايّن
عيونهن هارجّه
تنبح في الفجر
والليل قريب واقف يعايّن
خدودهن جاهره
زي جهر الكهارّب الفي المدينه
وكان الليل
وما في الحلّه
من الحفله ألا صداها

كان زغروده كان غنّاي
رقيص الشامه بت حمدين
وعرضّت حامد العولاق
وخت الحنّه ليات من حضور
ضفرين........
ونمّات العديل والزين
وشنّق ود سعد طاقيتو
شان في الحلّه ساوو كنتين
وشكّلة عامر المسكين
وعيّط ودمجمر زين
عشان الزيّنه رقصت زين
وفي الشعقيبه
كان بازمالو شبّالين

وسكرة وين ؟؟
وسهرتة وين ؟؟؟
وبهرة وين ؟؟؟؟
وجهرة وين ؟؟؟؟؟

أقول آبنيه
ليش ماتهمي
ليش ماتهمي فوق زولاً
مشلهّت فوق دريبك
لا النفس مجبود
ولا لحق الغزاله

وقفّت ....
ونبهر رماشّه
جدعّت بالبسم رشاشّه
قالت....
والعيون ضحاكّه
في ضو الرتين بشاشّه
آ المهجوم...
أهجمك الله
كان داير تسيلي الخلعّه

عاد من حيني جاتني الحالّه
قتّلها لا لا
وحات النعمّه آ بنيه
البريد في الريده
مابخبر فسالّه

حدرّت باسمه
قتّلها....
عاينّي تسلم عينّك
ألا حقيقة مو ساهل كتالّه

ندهّت ناضره
حالّفا بو الصباح الباش
يلوّن في المشارق
وتلين الجايه
من تالانا تالّه
وحات أمي
البعزّها زي تراب حلّتنا
أبقى حََداك آ المريود
وأقول لاهلنا ناس قدام
وفي ها الحالّه
مو شيني القوالّه
وسائل القمره في شأنك
وقولّه هيلا يا القمره
وتاني وهيلّه يا القمره
وتالته وهيلّه يا القمره
دحين ساكن رويشات القليب
في الحلّه مو رشّه القوالّه
وحات الفرحه في ها الليل
بشوف فيكّ عز أبواتي
وضرعاتّك خدر يا الباهي
ومادايرّا لي من غيرّك كفالّه

وجاتني النهمّه
قتّلها
أقيفي آ المريوده
بدور أرمي لي مرباعين
وتبقى حمالّتي عند سيد الحمالّه

قالت والفجر في خديدّها
آ الممسوخ
حدانّا العين
بعدما تسد{ر الضحويّه
خت الفأس علي كتفّك
وبوّح غادي بوّح غادي
نم فوق البعجبّك
زين ؟؟؟

قتّلها زين
وداك الحين بشوفك آ الرتينه
مع الشمش بتلالي
منّاك للسحاب الكابّي
فوق حلّتنا
كان سابّل ضلالّه
بشوفّك في عوينات الصبّين
العشق لطّف ضياهم
والنهار وصّف خطاهم
والصبر زارعنّو
فوق ضهر البوادر
فوق كتافّين السقالّه

بريد ريدّك كفاح أهلي
وأريد ريدّك سماح أهلي
وأريد مهوّاك
أريد إنسانّك الجوّاك
وأريدك تاني زي آخر الحتالّه
وادوبي لِك
وأشيلّك غنوه للسمحات
وأنمّك في تراتيلي
وكل ما العتمّه تنزل سابلّه
أنسى عناي وادوبي لِك
وأتاوّق لي قناديلّك
وأشد حيلي وادوبي لِك
واذا مغنّاي
يبرّد في الحشا صبرّك
ويرجع لي تهاليلي
بدوبي لِك
ولو الشوق عرف بكّاك
اطري غناي
عليك العزّه
آ المريوده دوبي لِي
عليك العزّه
آ المريوده دوبي لِي

سلام -

كدى يا البينيى أدينى الشلتوت هو النمختبو -

واقشقش عيويناتى من الدموع ديل !

الليلى يا مونضرتى الكسروك ونكروك ! انت اا خالد ود عمى محجوب - وليدك دا دحين امو مو

خواجييى ! نان انعلم الكيضب دا من ويين ???

يسعلنى الله وليدك مسك روقابتى العاجبانى ورماها فقشها لامن انفرطقت ساسوييى وراء ساسوييى !

يا حيليلك يا روقابتى العاجبانى الجابا ليى أبوى اوالى وكت زيارة السيد على المرغنى للبلد قبال سنة ستى !

وحات سيدى الحسن جديدى بيشرايتا - ملصقاها فوق سام الآرنيق بالكركجى فيحال مافى زول

يمروقا من بيكيينا دا - جا ويليدك يحمد نققرا بالخوسى اللت البصل وقلعا ورماها قالها

كش !

بس الديميعات ماهن جاييات يقيفن ! منضرتى عازملى فيها السيد على وقرالى فيها ايت

الكورسى وقالى أمشى يا بتى ليك القبول والسعد السميح !

يا حيليلك يا سعدى الافرقتنى ! ويا حيليلك يا منضرتى األمنباختابا !

ست البنات .

ست البنات كيف حالك آآآآ الزينة

والله أحمد حكى لي القصة كلها وقال لي ايه أنا كنت بلعب في البرندي في بيت ست البنات هي فارشي فوقا رملي باردي بعدما ترشها بالموية وانا بريد العب في بيتها اصلها هي عودّتني لما ترجع من سوق تنقاسي بتديني تمر ومنقات كل يوم
وانا لما كنتا بلعب جاتني نعسه شديدي واخدته لي نومه في برندتا واوضتها دي ما عتبتّ فيها لداخول صحيت بصوت نغنميتا البرقه نطحّت باب العوضه بقرنها ودخلت وسمعتها تفرفر جوه العوضة قمتا من نومي ومرقتّه الغنماية من العوضة ابقى لي الغنماية هي الكسرت المنضري وعليك الله يا ابوي قول لعمتي ست البنات انا بريدك زي روحي
وكان دايره لك منضرة بجيب لك واحدي من المجر اخر موديل وانتي شيلي ود السيد علي محمد عتمان وقاعد في مصر اللعزم ليك فيها

لك مودتي واشواقي

خالد

ست البنات والله والله والله شفّقتيا بالحيل خبرك شنو والله ماخليت بكان ما سعلته منك ونشتدتك فيهو
الحاصل عليك شنو

النفس تواقة لمعرفة خبرك ولعل الحاصل خير يا رب

خالد محجوب

الحينية ست البنيات

الغربية الساعة جنبك تبدو أقصر من دقيقة
والدقيقة وانتِ مافي مرّه ومابنقدر نطيقّه

بالله أظهري ولا ورينا بس انت وين بلدك ؟؟؟؟

خالد محجوب

سلالام - ومرحببكون -

وحات الختم كيف مشتهى لمتكون !

عيللى ماكلى فى خاترى منكون !

انتو الزول ان بقى عييان ومورود - وراسو جاء ينفرطق ضوومة ورقددو فى الاسبتالى !

بس ماب تحرسولو لقدابتو ? بس حبة قرفتنايات ولا تيميرات ماب تجيبوهن لى !

النبى نوح من الاييد الناشفى !

دحين كتتر خيرك يا خالد ود عمى محجوب النشد منى ! بس بلاك مافى زولا قال الاسعل من ست البنات دى !

ووليدك نعلو طيويب ?

وقول لى ابو الحسن اخوى : ست البنات ضاماك !

ست البنات .

Quote: وقول لى ابو الحسن اخوى : ست البنات ضاماك !

هيا ست البنيات لا حدَّهِن حمداً لله على السلامي...
ضاماني في شنو...

دا يي جزاي أسأل منك ما خليت فتني لا السمعريت ولا الرويس ولا أبرنات؟؟؟ وحتى الجزيري عاصراهِن دخلت في كشاشِقها ديك أفتش فيك...

عشان كدي يا اخواننا قلنا نخت عناويننا عشان الفقدي وكدي!!!

ألف حمداً لله على سلامتك...

وبركة الجيتي... وعساك غيابك في خير...

كميات مودتي...


أبو الحســـــــــــين...

أبو الحسن اخوى - حبابك -

يا يابا اتاريهو دا انت ???

مو قالولى فى وليدا كييف زيويين جاء يسعل منك - وقال حمارة ست البنات لقوها رايحى ورامى سرجا وعطشانى جايى تموت من العطش !

وقالولى الوليد قال نحنا بس خايفين ست البنات دى لا تبقى بس طشت !

اتاريك دا انت يالمبروك !!

يسعل منك الخير - بركة الصالحين وبركة جعفر الطييار - ربى يديك الفى مراضك ويسههلك شيقيش ما تقبل !

انا حالتى قوللى خالد ود عمى محجوب قول ليى ابو الحسن ست البنات ضاماك !

عاد ان بيقى كدى يا يابا عافى منك وسيى فوقك العيديل - نان وكت اصلك مشيت للرويس وللسماعريت وللبكنات ديلا كولهن تقفرنى اكنك انشغل عليى - سيى فوقك - وتانى سيى فوقك الهميم .

ست البنات .

Quote: أبو الحسن اخوى - حبابك - انا حالتى قوللى خالد ود عمى محجوب قول ليى ابو الحسن ست البنات ضاماك !

ست البنات الغبا اليغبا عدوك...

إنتي أنا فوتها ليك كمين مرة... إنتي الشئ أنا أبو الحسسييييين ماني أبو الحسن شئ!!!

ساعت كترتيها قُلت كدي الأزلِّك تاني لا تكتبيني أبو الحسن شئ!!!

مودتي...


أبو الحســـــــــين...

أبو الحسين أخوى -

يا يايا يسعلنى الله بس ضوومة اليا دى يعمينى فيها !

عاد اعفا منى .

واساعيتى بس عيرف اسمك - انا كمان قوت الختمييى سموك عليى سيدى الحسن !

فيحال كدى ما وققعت الاسم سمح !

انت خالد اخوى ووليدو وينون ?

ست البنات .

Quote: عيللى ماكلى فى خاترى منكون ! انتو الزول ان بقى عييان ومورود - وراسو جاء ينفرطق ضوومة ورقددو فى الاسبتالى ! بس ماب تحرسولو لقدابتو ? بس حبة قرفتنايات ولا تيميرات ماب تجيبوهن لى ! النبى نوح من الاييد الناشفى ! دحين كتتر خيرك يا خالد ود عمى محجوب النشد منى ! بس بلاك مافى زولا قال الاسعل من ست البنات دى ! ووليدك نعلو طيويب ?

العزيزة ست البنيات بركة الجمعتي طيبي وعافي والله كنا بالحيل مشغولين عليك وأمس القريب كلمته ابو الحسين شان أغفرك وينشد خبرك ووعدني ياهو الشادي حميرتو من الصباح دغش ومارق أغفرك
وكان لي أنا أحمد وليدي والله لينا دور ما خلينا اذبيتالي والجنى حُمد أحمد قال لينا ست البنات ماعاد تجي هنا من عمنوّل سوت لها ديي مع الباشحكيمة مزاهر وختنو قرض ومن يوما ما عتبت علي الاذبتالي دي وزي ما عارفي شان معرفتي بالبلد مو زيني وصيت ابوالحسين كتر خيرو وعد يقوم بالواجب بكري ونحمد الله الجمعتي.
تعالي النسعلك عليك الله كنتي عياني بالجد
برجع لك هسع مارق مع الجنى احمد لا بره باقي محبوس في البيت من اصبحت وزهجان بالحيل بدور افرق لو شويى
ودعتك الله الما بضيع ودايعو

ولك الاحترام والتقدير

خالد محجوب