Post: #1
Title: وا فرحتاه وا سعادتاه** بعد 27عاما هاتفني زميلي آدم موسى (مناوا) فشكرا سوادنيز اون لاين!!!
Author: موسي عيسي
Date: 03-06-2010, 08:24 AM
استدارت عقارب الساعة سبعة و عشرون عاما بالتمام والكمال حتى استطاعت سودانيز اون لاين بان تجمعني باخ عزيز و زميل رائع بروعتك اخي ادم موسى فكم ابهجتني بسماع صوتك الذي اكاد اجزم بانه ما زال باريحيته التي فارقتك فيها قبل عقدين و نصف من الزمان و الله لكأني كنت اسمعه على الدوام طيلة فترة انقطاعنا عن بعض .
اخوتي انه رفيق دربي في ساحات التعليم العالي بارض الجزيرة ابا الصامده ابدا عندما التقينا في خريف
عام 1984 حيث قدمت من مدرسة المرابيع المتوسطة و قدم اخي ادم موسى و عادل ادم احمد من مدرسة النعيم المتوسطة و كان التلاقي في مدرسة مديرها السيد عوض ( الكعوك) و استاتذها الاجلاء الاستاذ يعقوب قاون (رحمه الله ) و الاستاذ المربي الجليل الشهم مهدي عبدالله فضل ( مهدي كيمياء ) اطال الله في عمره و الاستاذ محمد عبدالله اتيم و الاستاذ المتكمن مركز و الاستاذ الشاطر حامد زكريا الاستاذ المناكف عبدالرحمن عبدالله و الاستاذ الظريف الشيخ احمد بلولة والاستاذ يوسف حاج النور والاستاذ الهلالابي المتعصب
مرسى و الاستاذ (حديثا) وقتها عبدالله عبدالتام و رونالد و جميس و اخرون نسال الله الرحمة لمن توفي منهم كما نساله الصحة والعافية للاحياء .
اخي ادم كم اني سعيد بلقاءك عبر الهاتف و الشكر للباشمهندس بكري لهذا التلاقي الجميل و نامل ان نكلل ذلك باللقاء قريبا انشاء الله و كم هي لحظات سعيدة باستعادة شريط ذكريات سنين عدة كانت حافلة و ملئية بتبالوهات الهداف الرائع ياسر حران ( الأيواكس ) و قفشات الدكتور حسن ميته و ضحكات الجميل خالد احيمر و مداعبات الظريف عبدالرحمن على مخاوي (قبضة ) و ذكريات الصادق الرضي و حلم علي عبدالرحمن على الزين و عادل حسابو و حركات عبدالله الجميل ( ربك ) و انطلاقات السريع كرويا الهادي علي يعقوب (شيكان ) و صاحب الضربات القوية في الكرة الطائرة الطيب يوسف ( شلفط) و حرفنة حسن النور و شطارة الهادي حسين احيمر و روعة الصادق محمد نور الهاشمي .
و ما زلت اذكر احمد الضي اسحق في الصف الاول بقربك يا مناوا بالصف الثالث سيناء والطيب احمد حسن و الاخ ادم داؤد وعبدالرحيم محمد علي الحلبي و صديق باسوا و من خلفهم انا و ياسر حران وولي الدين ابكر ومحمد مصطفي (تبن) وعادل عمر صالح و محمد عبدالرحمن ثم حسن ميته ....اسحق ومصطفي سناري و ادم حامد( دقيق) وعمر عثمان كرم الله و نور الدين عبدالله بنات و صديق صالح وادم الفاضل والصادق جمعة ومحمد و عبدالرحمن زكريا و عادل ادم احمد و الصادق ادم شرف الدين وهاشم الهادي الحاج ايدام و صديق ابكر عبدالحميد (شيكان ) و يحي ضحية سالم (شيكان ) والرائع دكتور الصادق جلحة و شريف محمد ابكر صلاح يحي و ابراهيم زكريا .
|
Post: #2
Title: Re: وا فرحتاه وا سعادتاه** بعد 27عاما هاتفني زميلي آدم موسى (مناوا) فشكرا سوادنيز اون لاين!!!
Author: وليد محمد المبارك
Date: 03-06-2010, 08:29 AM
Parent: #1
تحياتي موسى عيسى
| Quote: استدارت عقارب الساعة سبعة و عشرون عاما بالتمام والكمال حتى استطاعت سودانيز اون لاين بان تجمعني باخ عزيز و زميل رائع بروعتك اخي ادم موسى فكم ابهجتني بسماع صوتك الذي اكاد اجزم بانه ما زال باريحيته التي فارقتك فيها قبل عقدين و نصف من الزمان و الله لكأني كنت اسمعه على الدوام طيلة فترة انقطاعنا عن بعض . |
ان كان ادم موسى هو ادم موسى الذي اعرفه المقيم بالامارات ابو ظني زميل المنبر
فاخبرك واوكد لك انه ذالك البشوش الوودود الخدوم المحب للناس .. واظنه سيظل كذلك طيلة حياته
|
Post: #3
Title: Re: وا فرحتاه وا سعادتاه** بعد 27عاما هاتفني زميلي آدم موسى (مناوا) فشكرا سوادنيز اون لاين!!!
Author: عمر عبد الله فضل المولى
Date: 03-06-2010, 08:34 AM
Parent: #2
شكرا الحبيب موسى عيسى لهذا البوست الرائع وشكرا سودانيز التي جعلت ذلك ممكنا
|
Post: #4
Title: Re: وا فرحتاه وا سعادتاه** بعد 27عاما هاتفني زميلي آدم موسى (مناوا) فشكرا سوادنيز اون لاين!!!
Author: موسي عيسي
Date: 03-06-2010, 08:44 AM
Parent: #3
Quote:
ان كان ادم موسى هو ادم موسى الذي اعرفه المقيم بالامارات ابو ظني زميل المنبر
فاخبرك واوكد لك انه ذالك البشوش الوودود الخدوم المحب للناس .. واظنه سيظل كذلك طيلة حياته |
اخي الوليد المبارك هو الذي اقصدة صنو و رفيق دربي الذي ان
حاولنا ان نستعيد ذلك الماضي الجميل لوجدت ادم موسى هذا
اروع مما تتصور و اخدم الناس فهذه طبيعة لا يتستطيع هو ان
ان يتجنبها .
اخي ادم هو ذلك الثغر الباسم دوما حتى في احلك الظروف و ان
كان محدثه الاستاذ / الظريف عبدالرحمن عبدالله ( الملقب ب و
تقول ايضا) .
العزيز وليد ان قلت لك ان الحصة الصباحية الثانية يوميا
تذهب ادراج الرياح بمناكفات ادم موسى والاستاذ المذكور الذي
كان يدرسنااللغة العربية و اول ما ما يطلب من احد يقرا يطلب
من مناوا بالقيام و يبدا ادم موسى بالقراءة من دون تشكيل و
و هو قاصدا ذلك لكي يقول ليه الاستاذ ( حرف الفي دا مش يجر
الاسم فقط دا يجرك انت يوديك البحر ! ).
|
Post: #5
Title: Re: وا فرحتاه وا سعادتاه** بعد 27عاما هاتفني زميلي آدم موسى (مناوا) فشكرا سوادنيز اون لاين!!!
Author: موسي عيسي
Date: 03-06-2010, 08:54 AM
Parent: #4
الاخ عمر فضل الله لك التحية علي المرور و اخبرك باني
جد سعيد و اكاد اطير فرحا بهذا الرجل الجميل في كل
شي و هو زميلي في زمن جميل و الموية من الزير عندها يا
عمر كان جوز الحمام ثلاثة و القدح في التكية يكفي
البلد .
الا ليت ريعان الشباب يعود ودهرا تولى يا مناوا يعود!
|
Post: #6
Title: Re: وا فرحتاه وا سعادتاه** بعد 27عاما هاتفني زميلي آدم موسى (مناوا) فشكرا سوادنيز اون لاين!!!
Author: موسي عيسي
Date: 03-06-2010, 09:18 AM
Parent: #5
اتمنى ان يطل علينا العزيز ادم موسى ببعض نكاته الحلوة
عن تلك الايام الخوالي و قتها عندما يبدأون اولاد حلة الطيارات
صباحهم بالاستعداد للمدرسة يحي جكسا و قميرو و مناوا و عباس
محمد ادم و الهادي البزعي بالجلوس على جانبي كبري قفا
|
Post: #7
Title: Re: وا فرحتاه وا سعادتاه** بعد 27عاما هاتفني زميلي آدم موسى (مناوا) فشكرا سوادنيز اون لاين!!!
Author: عبدالوهاب علي الحاج
Date: 03-06-2010, 09:32 AM
Parent: #6
التحية عبرك أخي موسى عبسى
وعبر هذا البوست
للصديق الجميل آدم موسى
وشكرا سودانيز
|
Post: #8
Title: Re: وا فرحتاه وا سعادتاه** بعد 27عاما هاتفني زميلي آدم موسى (مناوا) فشكرا سوادنيز اون لاين!!!
Author: موسي عيسي
Date: 03-06-2010, 09:38 AM
Parent: #7
Quote:
التحية عبرك أخي موسى عبسى
وعبر هذا البوست
للصديق الجميل آدم موسى
وشكرا سودانيز |
الاخ عبدالوهاب الحاج نعجز عن شكرك و ذلك لاتقاءنا في
زمالة اخي الجميل ادم موسى .
|
Post: #10
Title: Re: وا فرحتاه وا سعادتاه** بعد 27عاما هاتفني زميلي آدم موسى (مناوا) فشكرا سوادنيز اون لاين!!!
Author: محمد المختار الزيادى
Date: 03-06-2010, 09:56 AM
Parent: #8
| Quote: وا فرحتاه وا سعادتاه** بعد 27عاما هاتفني زميلي آدم موسى (مناوا) فشكرا سوادنيز اون لاين!!! |
ربنا يجمعك بكل احبابك واخوانك واصدقائك وال فى بالك
تحياتى
|
Post: #11
Title: Re: وا فرحتاه وا سعادتاه** بعد 27عاما هاتفني زميلي آدم موسى (مناوا) فشكرا سوادنيز اون لاين!!!
Author: موسي عيسي
Date: 03-06-2010, 09:56 AM
Parent: #8
ما اجملك يا سودانيز اون لاين عبرك التقينا و ما زلنا
نتواصل بعد انقطاع كم و عشرين عاما و الله انها لفرحة
ثانية اخي ادم فقد اتصل اثنان من الزملاء المذكورين بعد
مطالعتههما البوست و هما الاخ / ياسر حران ( الايواكس )
و هاتفه 00966501843286 و الزميل محمد مصطفي ابراهيم
و هاتفه 00966551817385 .
|
Post: #9
Title: Re: وا فرحتاه وا سعادتاه** بعد 27عاما هاتفني زميلي آدم موسى (مناوا) فشكرا سوادنيز اون لاين!!!
Author: Adam Mousa
Date: 03-06-2010, 09:53 AM
Parent: #6
Quote: العزيز وليد ان قلت لك ان الحصة الصباحية الثانية يوميا
تذهب ادراج الرياح بمناكفات ادم موسى والاستاذ المذكور الذي
كان يدرسنااللغة العربية و اول ما ما يطلب من احد يقرا يطلب
من مناوا بالقيام و يبدا ادم موسى بالقراءة من دون تشكيل و
و هو قاصدا ذلك لكي يقول ليه الاستاذ ( حرف الفي دا مش يجر
الاسم فقط دا يجرك انت يوديك البحر ! ). |
يا سلام على سودانيزاونلاين والباشمهندس بكرى ابوبكر الذى جعل ذلك ممكنا ،ان نلتقى باناس
طالت السنوات فى ان نلتقيهم حتى ظننا ان فراقهم ابدى ..
لا تكاد السعاده تسعنى وانا اجيل ناظرى فى الصفحه الاولى من المنبر واذا ارى بوست بالجزيره
ابا وحمى وموسى عيسى وذ اكتملت سعادتى بالدخول فى البروفايل حيث وجدت رقم الموبايل..
ودار اتصال طويل لم يقطعه الا بذهاب موسى للصلاة..لم اعلم ان اصبح(مطوع) واعدنا الاتصال ثانية
وثالثه..
والله يا موسى انا قايل ذاكرتى خربت لكن طلعت احسن منك يا اخى (وتقلو) دا كان بدرس دين ما عربى
داك المرحوم اتيم..
وبالمناسبه معانا هنا آدم صيام ..بقى منظر سياسى كبير وبكتب شعر لو ما عرضتو على القاموس
والمفسرين ما اظن تفهم منو التكتحه..وبكتب كلام كبار كبار فى السياسه قدر ما قريتو غلبنى..
وللحديث بقيه ..ولى عوده بعد مشوار لدبى ..ولكم جميعا (المارين من هنا) حبى وتقديرى..
افهم منو الحبه..
|
Post: #12
Title: Re: وا فرحتاه وا سعادتاه** بعد 27عاما هاتفني زميلي آدم موسى (مناوا) فشكرا سوادنيز اون لاين!!!
Author: موسي عيسي
Date: 03-06-2010, 10:08 AM
Parent: #9
Quote:
وبالمناسبه معانا هنا آدم صيام ..بقى منظر سياسى كبير وبكتب شعر لو ما عرضتو على القاموس
والمفسرين ما اظن تفهم منو التكتحه..وبكتب كلام كبار كبار فى السياسه قدر ما قريتو غلبنى..
|
ادم موسى ما تقول ليك كلام و تفر انا طبعا الزمن عمل بالذاكرة
بما لا يفعله اولاد اتيم بالخشب محتاج لمزيد من البراشيم(بخارات)
ما تمشى لبعيد علشان نتذكر ادم صيام و الحقيقة انا شايف لي
بوردابي نشيط اسمه ادم صيام فهل هو ما تقصد عموما البلد ضيقة
و الشكر مكررا لبكري و سوف نكون رابطة خريجي ابا الثانوية عام
1984 قريبا .
الشى التاني يا ادم موسى انا ما زلت حتى هذه اللحظة بعيد كل البعد
عن الاشياء الاخري و طبعا اخوك الان اب لعهود الصف الثاني الثانوي
و سجود الصف الاول الثانوي و عيسى موسى ممتحن الثانوي و بقية
العقد الجميل يعني بقينا ناس مسؤلين و ابهات يعني ما في داعي
للدخول في الماضي التليد لان الشباب من مدمني هذا البوست و كمان
عندي مصطفي مطالب بان يكون لهم حق التداخل فاكر البورد دا حق
ابوه ، عموما نلتقي في بعض الحاجات في الماسنجر !
|
Post: #13
Title: Re: وا فرحتاه وا سعادتاه** بعد 27عاما هاتفني زميلي آدم موسى (مناوا) فشكرا سوادنيز اون لاين!!!
Author: الصادق خليفة
Date: 03-06-2010, 10:12 AM
Parent: #9
الحبيب موسى الف حمداً لله انك التقيت رفيق الدرب ادم موسى.
ضحكني الحبيب ادم بهذه العبارات
Quote: وبالمناسبه معانا هنا آدم صيام ..بقى منظر سياسى كبير وبكتب شعر لو ما عرضتو على القاموس
والمفسرين ما اظن تفهم منو التكتحه..وبكتب كلام كبار كبار فى السياسه قدر ما قريتو غلبنى.. |
بالمناسبة يا ادم
موسى عيسى يرضو سياسي كبير و كلامو برضو كبار كبار دا طبعا منذ ان عرفته بقي يا سيدي انت بقيت بين مطرقة ادم صيام وسندان موسى عيسي جهز قوامسيك بس ، اما زمانكم داك ما بعرفو كلامو كان ككيف ؟
|
Post: #14
Title: Re: وا فرحتاه وا سعادتاه** بعد 27عاما هاتفني زميلي آدم موسى (مناوا) فشكرا سوادنيز اون لاين!!!
Author: جلال عثمان
Date: 03-06-2010, 10:19 AM
Parent: #13
مبروك ياصاحب لقياكم برفيق دربكم آدم موسى
وعقبال البالى بالك ...
|
Post: #15
Title: Re: وا فرحتاه وا سعادتاه** بعد 27عاما هاتفني زميلي آدم موسى (مناوا) فشكرا سوادنيز اون لاين!!!
Author: موسي عيسي
Date: 03-06-2010, 10:46 AM
Parent: #13
Quote:
بالمناسبة يا ادم
موسى عيسى يرضو سياسي كبير و كلامو برضو كبار كبار دا طبعا منذ ان عرفته بقي يا سيدي انت بقيت بين مطرقة ادم صيام وسندان موسى عيسي جهز قوامسيك بس ، اما زمانكم داك ما بعرفو كلامو كان ككيف ؟
|
ولدنا وليد بحر ابيض سلام يا اخوي بشويش علينا موضوع
السياسة دي نحن ما قدرها و كما كبير!! انت الظاهر قاصد
ادم صيام ، الشي التاني نحن بقينا لاعيبه قدام و تم
انزالنا للمعاض و بقينا مع موضوع القفه و الحاجات دي
بس لكن الاشبال حيسجلوا قريب في تيم الوطن الحدادي
مدادي لانه ما بقدروا يشيلوه فرادي .
عموما متشكرين على المرور لكن ادم موسى لي معاه حكاوي
بس انشاء الله ما تجرجر ليها لحاجات تانية !
|
Post: #16
Title: Re: وا فرحتاه وا سعادتاه** بعد 27عاما هاتفني زميلي آدم موسى (مناوا) فشكرا سوادنيز اون لاين!!!
Author: موسي عيسي
Date: 03-06-2010, 11:31 AM
Parent: #15
.
.
|
Post: #17
Title: Re: وا فرحتاه وا سعادتاه** بعد 27عاما هاتفني زميلي آدم موسى (مناوا) فشكرا سوادنيز اون لاين!!!
Author: سيف اليزل برعي البدوي
Date: 03-06-2010, 02:14 PM
Parent: #16
Quote: التحية عبرك أخي موسى عبسى
وعبر هذا البوست
للصديق الجميل آدم موسى
وشكرا سودانيز |
|
Post: #18
Title: Re: وا فرحتاه وا سعادتاه** بعد 27عاما هاتفني زميلي آدم موسى (مناوا) فشكرا سوادنيز اون لاين!!!
Author: مكين حامد تيراب
Date: 03-06-2010, 04:33 PM
Parent: #17
واموساة ، بوست رائع كروعة الذى التقيته ، وخالص الشكر لسودانيزاونلاين
|
Post: #19
Title: Re: وا فرحتاه وا سعادتاه** بعد 27عاما هاتفني زميلي آدم موسى (مناوا) فشكرا سوادنيز اون لاين!!!
Author: زهير الزناتي
Date: 03-06-2010, 05:03 PM
Parent: #18
يا موسي في إجازتك الفاتت لو قلت لي بعرف آدم موسي كانت أديتك تلفونه في الأمارات وبقي العنوان
بعد 26 عاماً هاتفني زميلي آدم موسي ...
حمد الله علي السلامة وشفت الدنيا دي ضيقة كيف ... يعني ناس السودان ديل كلهم بيعرفوا بعض .. وأي زول تلاقيه بيعرف زول بتعرفه .... يعني أنا بعرف آدم موسي من جهة وموسي عيسي من جهة تانية خالص ... التحية للزميل الرائع آدم موسي والشوق بحر ووفقدنا تلفون آخر الليل ... والتحية للصديق موسي عيسي وعقبال يلتقي بكل الأحبة الذين فقدهم في دروب الحياة ....
|
Post: #20
Title: Re: وا فرحتاه وا سعادتاه** بعد 27عاما هاتفني زميلي آدم موسى (مناوا) فشكرا سوادنيز اون لاين!!!
Author: موسي عيسي
Date: 03-06-2010, 08:53 PM
Parent: #19
اخي سيف اليزل لك التحية على المرور و كم انا في سعادة لا توصف
صرنا و كاننا مع بعض الان في كل ساعات اليوم نتواصل فلكم التحية
يا حلوين .
|
Post: #21
Title: Re: وا فرحتاه وا سعادتاه** بعد 27عاما هاتفني زميلي آدم موسى (مناوا) فشكرا سوادنيز اون لاين!!!
Author: موسي عيسي
Date: 03-06-2010, 09:04 PM
Parent: #20
Quote:
يا موسي في إجازتك الفاتت لو قلت لي بعرف آدم موسي كانت أديتك تلفونه في الأمارات وبقي العنوان
بعد 26 عاماً هاتفني زميلي آدم موسي ...
|
ابو الزوز انت عامل شنبك السمح دا طيب ما كان تاشر لي كنت فعلا اختصرت لينا ستة شهور عموما برضو
ليك حلاوة اللقاء والحقيقة انت سبب اصيل في التلاقي عبر الاسفير فلك التحية من علي البعد و كمان
حاكون واسطة خير للموضوع القولتو ليك يعني على ادم الطيارة وعلينا الزيارة فمرحب بيك يا زهير و تحياتي للاولاد
|
Post: #22
Title: Re: وا فرحتاه وا سعادتاه** بعد 27عاما هاتفني زميلي آدم موسى (مناوا) فشكرا سوادنيز اون لاين!!!
Author: موسي عيسي
Date: 03-07-2010, 08:26 AM
Parent: #21
وا مكيناه لك التحية يا ابو محمد و ربنا يديم عليك
و علينا الايام السعيدة وان تلتقي بكل من تحب انشاء
الله الباشا ............
|
Post: #23
Title: Re: وا فرحتاه وا سعادتاه** بعد 27عاما هاتفني زميلي آدم موسى (مناوا) فشكرا سوادنيز اون لاين!!!
Author: Adam Mousa
Date: 03-07-2010, 08:49 PM
Parent: #22
Quote: والاستاذ الهلالابي المتعصب
مرسى و الاستاذ (حديثا) وقتها عبدالله عبدالتام و رونالد و جميس و اخرون نسال الله الرحمة لمن توفي منهم كما نساله الصحة والعافية للاحياء . |
والله يا موسى حيرتنى عديل كده رونالد وجيمس ديل بالله اتذكرتهم كيف ؟؟ بعدين الكان قاعد يجينا بالمسجل
من صباح الرحمن داك منو فيهم رونالد ولا جيمس ؟؟؟ بالله لو اتذكرت اشير لى بشى من لوازمهم او كما كان يقول اتيم..!!
|
Post: #24
Title: Re: وا فرحتاه وا سعادتاه** بعد 27عاما هاتفني زميلي آدم موسى (مناوا) فشكرا سوادنيز اون لاين!!!
Author: موسي عيسي
Date: 03-08-2010, 05:59 AM
Parent: #23
يا ادم موسي ازيدك من الشعر بيت و اذكرك علي المصري
الكان بيدرس الفيزيا في ثانية اما بخصوص رونالد كان
بيدرسنا انجليزي في الصف الاول و جميس واصل معانا حتى
الصف الثاني و كان بيركب عجله و ساكن جنب جامع الكون
في حلة مهاديا و الغالب بجي المدرسة في العجلة مع ناس
الصادق شرف الدين وفرفر ؟ و هو صاحب المسجل طبعا صحبك
عبدالله الصادق تبشه راجل شفت و ما ظاهر في المدرسة كتير
قام بتوصية من ود القبضة مشى لجميس و استعار منه المسجل
علشان يسمع بيه و يرجعة و طبعا جميس بحسن نية سلمه الجهاز
على امل ان يرده ليه بكره وجميس ما بعرف شكل الشخص الاخذ
منه المسجل و بكره الصباح عبدالله الصادق ماجاء المدرسة
و الخواجي جقلب و بقي بدخل فصل فصل يدور على تبشه و ما
وصل لنتيجة كل الكان جيمس مذكروا هو ان الشخص الاخذ منه
المسجل يلبس مركوب ( تنطق بلهجته) عموما اليوم التالي
وقف مع الاستاذ الرائع مهدي كيمياء و عملوا طابور و طبعا
كان اول طابور في اثناء العام و كان القصد معرفة صاحب
المركوب المعني و فعلا تم اخراج المجرم تبشه و منها سميناه
بابي مركوب !
و لك التحية
|
Post: #25
Title: Re: وا فرحتاه وا سعادتاه** بعد 27عاما هاتفني زميلي آدم موسى (مناوا) فشكرا سوادنيز اون لاين!!!
Author: محمد عبد الماجد الصايم
Date: 03-08-2010, 06:51 AM
Parent: #24
أيام لها إيقاع
أو .. من الأمس
غايتو أعملوا حسابكم ما يلم فيكم عمر الجزلي!
|
Post: #26
Title: Re: وا فرحتاه وا سعادتاه** بعد 27عاما هاتفني زميلي آدم موسى (مناوا) فشكرا سوادنيز اون لاين!!!
Author: موسي عيسي
Date: 03-08-2010, 06:56 AM
Parent: #25
Quote:
أيام لها إيقاع
أو .. من الأمس
غايتو أعملوا حسابكم ما يلم فيكم عمر الجزلي |
يا عمـــــــــــــــــــــــــــــــــك الدينا صباح
مالك ملحقنا عمر الجزلي !
الشي التاني نحن لسع صغار و صحبك ادم موسى لسع ما شاف
الانتاج ؟ بعدين ، من الامس دي شغالة كويس معاي بس كتر منها
تحياتي .
|
Post: #27
Title: Re: وا فرحتاه وا سعادتاه** بعد 27عاما هاتفني زميلي آدم موسى (مناوا) فشكرا سوادنيز اون لاين!!!
Author: Adam Mousa
Date: 03-08-2010, 02:28 PM
Parent: #26
Quote: الصادق شرف الدين وفرفر ؟ و هو صاحب المسجل طبعا صحبك
عبدالله الصادق تبشه |
والله يا موسى ذاكره رهيبه احداث بتفاصيلها الدقيقه..وبالمناسبه الشباب ديل وين هسع..؟؟
|
Post: #28
Title: Re: وا فرحتاه وا سعادتاه** بعد 27عاما هاتفني زميلي آدم موسى (مناوا) فشكرا سوادنيز اون لاين!!!
Author: anwar abu gaidaa
Date: 03-08-2010, 04:39 PM
Parent: #27
عيسى الجميل
سلام ومحبه بقدر فرحك ووفائك لمن تحب
لقد احببنا نحن ادم موسى كذلك ففيه مروءه ما شاء الله عليها
نعرفه منذ ان كنا نسرح بالخلال؟؟
ولحدى ما بقينا صلع؟؟
ادم صغير يا ناس وشاب متوهج ؟؟ ويا قول عيسى لسه ما انتج؟؟
ولكنه ينتظر اليوم حدثا سعيدا زوجته الان بمستشفى فى ابو ظبى
فى انتظار المولود الاول نسال الله ان يسبغ على زوجته نعمة الوضوع بيسر ويسر اليسر
يسرى كالسنا اميين
ولادم موسى كل الود ولا اوفيه حقه
نعرفه فى عقد الجلاد ايما معرفه
له منا الود
انور عبد الرحمن
ابو غيداء
|
Post: #29
Title: Re: وا فرحتاه وا سعادتاه** بعد 27عاما هاتفني زميلي آدم موسى (مناوا) فشكرا سوادنيز اون لاين!!!
Author: طارق ميرغني
Date: 03-08-2010, 06:10 PM
Parent: #28
كان لي شرف حضور هذا التلاقي الجميل وعشت هذه المكالمه لحظة بلحظة "يعني اخدت لي عضه "
ونحن علي استراحة جميله في لحظات حلوه عشناها علي شرف احد اصدقاء وزملاء اخي موسي
وكان الوست نار يا ادم اللهم اجمعنا في حب السودان وفيما يفيد امتنا
اخي موسي الاخ ادم هو نفس الرجل الجميل البشوش والظريف ربنا يلمك معه
قابلته في زيارتي الاخيرة للامارات لكن ما اتمغيت فيهو...
يازهير يا زناتي
| Quote: يعني أنا بعرف آدم موسي من جهة وموسي عيسي من جهة تانية خالص |
يعني شغال استريو ولا شنو ؟؟؟
|
Post: #30
Title: Re: وا فرحتاه وا سعادتاه** بعد 27عاما هاتفني زميلي آدم موسى (مناوا) فشكرا سوادنيز اون لاين!!!
Author: محمد عبد الماجد الصايم
Date: 03-09-2010, 06:51 AM
Parent: #29
موسى يا عمكـ .. معليش ياخ!
أمس كنت في ميتينق طلّع روحي زاتو!
يمين مشيت البيت ما شايف قدامي من الزهج!
___
وألف مبروكـ لآدم المولودة
وحمد لله على سلامة أم العيال
__
طارق ميرغني يا عمكـ .. الوست
دا وين ياخّ؟ خرمانين عديييييل!ّ
|
Post: #31
Title: Re: وا فرحتاه وا سعادتاه** بعد 27عاما هاتفني زميلي آدم موسى (مناوا) فشكرا سوادنيز اون لاين!!!
Author: موسي عيسي
Date: 03-09-2010, 08:08 AM
Parent: #30
Quote:
عيسى الجميل
سلام ومحبه بقدر فرحك ووفائك لمن تحب
لقد احببنا نحن ادم موسى كذلك ففيه مروءه ما شاء الله عليها
نعرفه منذ ان كنا نسرح بالخلال؟؟
|
الاستاذ أنور ابو غيداء تبارك على الزيارة و السيد ادم موسى
حقيقة من العباد الذين تحبهم لاول لقاء من البشاشة و الفرح
المتدفق من جمال نفسه فهنيئا لك بحصحبته و معرفته طيلة فترة
معرفتكما و نسال الله ان يديم عليكما الافراح بمناسبة قدوم باكورته
الاولي و التي اقترحنا ان نسميه ابو درر إلي اشعار اخر لذا نكرر
التهاني له بالبنية الفنجرية و التي حتما سوف تاخذ من جمال سماته .
فلك مودتي اخي انور و التحية لغيداء .
|
Post: #32
Title: Re: وا فرحتاه وا سعادتاه** بعد 27عاما هاتفني زميلي آدم موسى (مناوا) فشكرا سوادنيز اون لاين!!!
Author: موسي عيسي
Date: 03-09-2010, 08:15 AM
Parent: #31
Quote:
يعني شغال استريو ولا شنو ؟؟؟ |
يا طارق ميرغني انت عندك عرق في الربطاطاب و لا شنو ؟
بالنسبة لزهير فهو الدينمو المحرك للزقازيقاب في الداخل
و الخارج و لا مبالغة في ذلك بل هو اكثر مما نقول نسال الله
له الصحة والعافية و من ناحية ادم موسى كما اسلفت فهو فردة
و عشنا احلي الايام بدون اي منغصات للحياة وقتها و لا ضعوط
و لا هموم ما خلينا فراشية ما استهبلنا عليها و لا بتاع مطعم
ما لحسنا منه وجبة وجبتين و ما خلينا ميدان ما دفرنا فيه
و لا استاذ ما دوخناه عموما نسال الله ان يعفو عنا !
و اكرر هنا التبريكات والتهاني لاخي ادم بالبنية الاولي
و ربنا يديها و امها الصحة والعافية .
|
Post: #33
Title: Re: وا فرحتاه وا سعادتاه** بعد 27عاما هاتفني زميلي آدم موسى (مناوا) فشكرا سوادنيز اون لاين!!!
Author: موسي عيسي
Date: 03-09-2010, 08:31 AM
Parent: #32
Quote:
وألف مبروكـ لآدم المولودة
وحمد لله على سلامة أم العيال
__
طارق ميرغني يا عمكـ .. الوست
دا وين ياخّ؟ خرمانين عديييييل!ّ |
يا عمــــــــــك مبروك لك انت ايضا و ربنا يسعدك
و أياه دنيا وأخرى عموما السماية دي إلا تكون في طيارة
عموما انا حاجز الجناح و طبعا ناس طارق ميرغني جاهزين
للهجيج انشاء الله في الجو و من سوف بندأ في برنامج الاحتفال
بدرر .
و يا عمـك ارسل لينا (السي في) بتاعتك و الدورات المؤهلة في
الوستى و سوف نكون لجنة في التقييم و في حالة الموافقة على
الشهادات سوف تحال للتجربة في ميدان محايد و بعدها تصعد!
و طبعا من ضمن شروط الانضمام ان تكون قوي الشكيمة في حالة المطبات
سريع الهرولة و خاصة في القبول عديم الرحمة في حالة جكة العدو
قليل الحركات اثناء اللعب كثير الشمشرة في حالة السيك !
و لك تحياتي ....
|
Post: #34
Title: Re: وا فرحتاه وا سعادتاه** بعد 27عاما هاتفني زميلي آدم موسى (مناوا) فشكرا سوادنيز اون لاين!!!
Author: موسي عيسي
Date: 03-09-2010, 01:03 PM
Parent: #33
العزيز مناوا طبعاما في زول بيكون في مستوي نشوتك
بالمولودة الاولي حقيقة لها طعم خاص و نكهة لا تدانيها
نكهة و سوف تبدأ احلامك من اليوم و سوف تبنى قصورا من
احلام جميلة في المصحى و المنام و لك مني سوف تسعد بذلك
و سوف تكلم نفسك كثيرا دون وجودها معاك فهو طور من اطوار
حياتنا لابد لاي اب ان يعيشه فهنيئا لك بذلك و لامها!
|
Post: #35
Title: Re: وا فرحتاه وا سعادتاه** بعد 27عاما هاتفني زميلي آدم موسى (مناوا) فشكرا سوادنيز اون لاين!!!
Author: موسي عيسي
Date: 03-10-2010, 07:24 AM
Parent: #34
.
.
|
Post: #36
Title: Re: وا فرحتاه وا سعادتاه** بعد 27عاما هاتفني زميلي آدم موسى (مناوا) فشكرا سوادنيز اون لاين!!!
Author: Adam Mousa
Date: 03-10-2010, 01:35 PM
Parent: #19
| Quote: يا موسي في إجازتك الفاتت لو قلت لي بعرف آدم موسي كانت أديتك تلفونه في الأمارات وبقي العنوان |
يا زناتى مشتاقين والله..وين الحى بيكـ..عمكـ محجوب قالى ليهو شهور ما لامى فيكـ ..غاطس وين ..؟؟؟!!
انت موسى ده لو لاقانى على قول حسن ميته كان ما عرفتو حسن قالى الا تعرفو بالتشات العلى نخرتو
قالى امان الله الزول بقى مدردم والزحف الصحراوى غطى معظم الراس.. دحين دايرنك تأكد لينا كلام حسن
ده لانو مرات بديها جك جكين..!!
|
Post: #37
Title: Re: وا فرحتاه وا سعادتاه** بعد 27عاما هاتفني زميلي آدم موسى (مناوا) فشكرا سوادنيز اون لاين!!!
Author: Adam Mousa
Date: 03-10-2010, 04:35 PM
Parent: #13
Quote: بالمناسبة يا ادم
موسى عيسى يرضو سياسي كبير و كلامو برضو كبار كبار دا طبعا منذ ان عرفته بقي يا سيدي انت بقيت بين مطرقة ادم صيام وسندان موسى عيسي جهز قوامسيك بس ، اما زمانكم داك ما بعرفو كلامو كان ككيف ؟ |
الصادق خليفه.. تحياتى ..يا حبيب..
موسى عيسى ده من زمنا داكـ كان سياسى لكن على خفيف.. يعنى ممكن تقول (مدعى) السياسه..دخل شعبة الطلاب
بعد ان فاز ..وفاز لسبب انه من شفوت الفصل وكبار مهرجيه المزعجين (يكرم المرء احيانا مخافة شره)
ومن ديك وعيك نط فى سرج السياسه لليوم 
شفت يا ود خليفه السياسيين بتاعننا ببدؤ كيف..!!!
|
Post: #38
Title: Re: وا فرحتاه وا سعادتاه** بعد 27عاما هاتفني زميلي آدم موسى (مناوا) فشكرا سوادنيز اون لاين!!!
Author: زهير الزناتي
Date: 03-10-2010, 04:59 PM
Parent: #37
يا آدم والله مشغوليات الدنيا الكتيرة دي تخلي الزول بره الشبكة ...
المهم زولك موسي ده ملامحه إتغيرت تماماً وما عنده أي علاقة بموسي بتاع الثمانينات خليك من السبعينات الزاملته فيها في الثانوي (دي حلوه)
|
Post: #39
Title: Re: وا فرحتاه وا سعادتاه** بعد 27عاما هاتفني زميلي آدم موسى (مناوا) فشكرا سوادنيز اون لاين!!!
Author: موسي عيسي
Date: 03-10-2010, 05:15 PM
Parent: #37
Quote:
دخل شعبة الطلاب
بعد ان فاز ..وفاز لسبب انه من شفوت الفصل وكبار مهرجيه المزعجين (يكرم المرء احيانا مخافة شره)
ومن ديك وعيك نط فى سرج السياسه لليوم
شفت يا ود خليفه السياسيين بتاعننا ببدؤ كيف..!!!
|
و الله يا ادم موسى لو الاختيار بالفوضى المدرسية لاتقاء الشر كنت انت وود القبضة اول الفائزين سياسيا
و اجتماعيا انت شفت عبدالرحمن عبدالله عمل فيك شنو علشان يتقي شرك (بمناسبة ودون مناسبة بقول ليك
اه يا اخونا ادم قوم 0000000000000000)
و السؤال المهم للشاب زهير الزناتي لو عرفت لي الصورة الفي بروفايل ادم موسى دي ليك تدكرة طيران
هدية بس بدون استعانة بصديق و اين مكانها ؟
|
Post: #40
Title: Re: وا فرحتاه وا سعادتاه** بعد 27عاما هاتفني زميلي آدم موسى (مناوا) فشكرا سوادنيز اون لاين!!!
Author: موسي عيسي
Date: 03-10-2010, 09:46 PM
Parent: #39
Quote:
المهم زولك موسي ده ملامحه إتغيرت تماماً وما عنده أي علاقة بموسي بتاع الثمانينات خليك من السبعينات الزاملته فيها في الثانوي (دي حلوه) |
أنا يا زهير معترف اني تغيرت وحصلت بعض الحاجات الحميدة و غيرها و لكن مقارنة بيك انت اتغيرت اكثر مني رغم انك والله من ما جيت الجامعة بشنبك دا و
ماشاء الله عيني عليك باردة طبعا ادم موسى ما شافك انت في الجامعة لكن ليك علي بكره المساء حانزل قنبلة !!!!
|
Post: #41
Title: Re: وا فرحتاه وا سعادتاه** بعد 27عاما هاتفني زميلي آدم موسى (مناوا) فشكرا سوادنيز اون لاين!!!
Author: talha alsayed
Date: 03-10-2010, 09:53 PM
Parent: #1
|
Post: #42
Title: Re: وا فرحتاه وا سعادتاه** بعد 27عاما هاتفني زميلي آدم موسى (مناوا) فشكرا سوادنيز اون لاين!!!
Author: موسي عيسي
Date: 03-15-2010, 12:07 PM
Parent: #41
اخي ادم الحمد لله الذي اعاد لذكريات الامس ان يتدفق
جدولها مرة اخري حتى نستطيع ان نرتوي ببعض جماليات
ذلك الزمن الجميل .
حيث هاتفني امس شخص جميل كاسمه و هو الاخ محمد جمال الدين
و ذكر لي انه ليست من ابا و لكنه علي صلات و علاقات طيبه
مع اهلها بحكم عمل والده في عسلاية وله علاقات وطيدة مع
الطيب الحبو وحارس فريق التمرين والوحدة بشير العزو و
كذلك زميلناالراقي عمر عثمان و كرم الله الذي افدتني
بانك بخرته و لكني سوف اعود لاكتب عنه
|
Post: #43
Title: Re: وا فرحتاه وا سعادتاه** بعد 27عاما هاتفني زميلي آدم موسى (مناوا) فشكرا سوادنيز اون لاين!!!
Author: موسي عيسي
Date: 03-17-2010, 08:32 AM
Parent: #42
زميلنا الهادي الطبع عمر عثمان كرم الله من الناس الرائعين مهذب شكلا و عجيب لفظا لمن يعرفه جيدا في
حدوده و أحمر فكرا يحمل في طياته ابداعات من فكر الشيوعيين و طروب حد الثمالة .
كان هو و اخرون يمثلون جهابزة الفكر الشيوعي في المنطقة و علي سبيل المثال لا الحصر صديق ابو شقيق
زميلنا حاتم ابو (اتجاه اسلامي) و عبدالرحمن جوكر (جماعة التبليغ و الدعوة حاليا) و الطيب الحبو و
صلاح ضوالبيت و الصادق الربش و عمر راجي الله و كثر . فعمر عثمان كان الانسان الوحيد الذي يجاهر
بانتماءه للحزب الشيوعي و كان هناك تنافر حاد بينه و بين صحبك يا ادم موسى الاستاذ عبدالرحمن عبدالله
بحكم انهم جيران .
علي حسب علمي لقد تخرج اخي عمر عثمان من كلية الدراسات التجارية من جامعة القاهرة فرع الخرطوم وعمل
بالتدريس و لكنه تعرض لمضايقات عدة من قبل النظام و تم سجنه اكثر من مره و تعذيبه و استطاع اخيراأن
يهرب و يسافر الي ليبيا عن طريق الغرب بالبر و حتى هذه اللحظة لم نسمع عنه شي اسال الله ان يرد
غربته و غربتنا و ان يساهم في بناء هذا السودان الفضل ان كان في العمر بقية و نامل من جميع الاخوة
ممن يعرف عن زميلنا العزيز عمر عثمان كرمه ان لا يبخل علينا بذلك .
|
Post: #44
Title: Re: وا فرحتاه وا سعادتاه** بعد 27عاما هاتفني زميلي آدم موسى (مناوا) فشكرا سوادنيز اون لاين!!!
Author: talha alsayed
Date: 03-17-2010, 04:39 PM
Parent: #43
//
|
Post: #45
Title: Re: وا فرحتاه وا سعادتاه** بعد 27عاما هاتفني زميلي آدم موسى (مناوا) فشكرا سوادنيز اون لاين!!!
Author: موسي عيسي
Date: 03-20-2010, 08:52 AM
Parent: #44
فوق
.
.
|
|