Post: #1
Title: سودانيزاونلاين دوت كم , تمبس و داليا فى صحيفة الفجر الجزائرية
Author: بكرى ابوبكر
Date: 12-29-2009, 01:25 AM
Parent: #0
|
Post: #2
Title: Re: سودانيزاونلاين دوت كم , تمبس و داليا فى صحيفة الفجر الجزائرية
Author: حمور زيادة
Date: 12-29-2009, 01:34 AM
Parent: #1
استعمال مسئ للصحف الجزائرية للتقاليد السودانية في معركتها مع مصر .
الجزائز ظننتها انها بلغت الهوس في امر كرة القدم و مباراة ام درمان حين اتهمت بطلتها جميلة بوحريد أنها وقعت فريسة للخدعة مصرية لما ظهرت على صفحات الجرائد الجزائرية طالبة المعونة. بلا خجل قالوا في الصحف لجميلة انها وقعت فريسة لمخطط مصري لقتل فرحتهم بالوصول الى كأس العالم.
هزيمة مصر كان أهم عندهم من تقدير جميلة.
لكن الجزائر تتجاوز الانالهجوم على رموزها لتقحم التقاليد السودانية في معركتها مع مصر.
بعد السقوط الفظيع لصحيفة الشروق الجزائرية و فبركتها لشتم على لسان علاء الاسواني لمصر ها هي صحيفة الفجر تدخل الساحة مستترة خلف التقاليد السودانية.
|
Post: #3
Title: Re: سودانيزاونلاين دوت كم , تمبس و داليا فى صحيفة الفجر الجزائرية
Author: عمار محمد حامد
Date: 12-29-2009, 01:49 AM
Parent: #2
حمور لك السلام :
وانت عاجبك الاهانات والسخرية التي ماذالت الصحف المصرية توجهها ضد السودان .الصحف المصرية وخاصة الحكومية هي التي استغلت المباراة استغلال سياسي سيئ وعملت لتجميل وجهها القبيح ولكن كل العالم كان واعيا لهذا العبث المصري لذالك منوا بهزيمة كروية واخلاقية
لك الود والاحترام
|
Post: #4
Title: Re: سودانيزاونلاين دوت كم , تمبس و داليا فى صحيفة الفجر الجزائرية
Author: حمور زيادة
Date: 12-29-2009, 01:59 AM
Parent: #3
مرحب يا عمار ..
أكيد ما حيعجبني رغم اني ما طلعت على أي سخرية مصرية من الجرايد الحكومية .. ربما لعدم مواظبتي عليها .. اغلب ما اطلع عليه هو من الجاريد المستقلة و المعارضة التي تنتقد موقف مصر الرسمية ..
و ما اعلمه ان مصر الرسمية اعطت توجيهات من ثاني يوم بعدم التعرض للسودان باي سوء في شأن المباراة.
راجع بعض ذلك في هذا الرابط غير مأمور :
أخيرا مصر تسأل : لماذا يكرهوننا ؟
و انكارك لاهنات و سخرية الاعلام المصري للسودان يعني أيضا رفضك لاستخدام الجزائر لنا في هذه المعركة.
أليس كذلك ؟
|
Post: #5
Title: Re: سودانيزاونلاين دوت كم , تمبس و داليا فى صحيفة الفجر الجزائرية
Author: كمال ادريس
Date: 12-29-2009, 02:07 AM
Parent: #4
شكرا بكري لايراد الخبر الذي نقله زميلي الجزائري جمال الدين طالب من الموقع عقب حديث دار بيننا عن دلالة اللون الاحمر للزواج وتحوله للاخضر واصبح منذ (المعركة) قارئ مداوم على الموقع
|
Post: #6
Title: Re: سودانيزاونلاين دوت كم , تمبس و داليا فى صحيفة الفجر الجزائرية
Author: محمد زكريا
Date: 12-29-2009, 03:58 AM
Parent: #5
شيء جميل ان صوره العريسين تمبس وداليا علي الصحف الغير سودانيه
بعدين ياشباب المساله ما فيها حاجه مسيئه خلوكم بوسيتيف شويه
كوره كوره في اي حاجه
شكرا كمال ادريس ان جعلت الخبر ممكنا
|
Post: #7
Title: Re: سودانيزاونلاين دوت كم , تمبس و داليا فى صحيفة الفجر الجزائرية
Author: Hisham Osman
Date: 12-29-2009, 04:11 AM
Parent: #6
| Quote: كوره كوره في اي حاجه |
اي قضية بقت تتناقش من المدرجات, سيكولوجية مشجعين علي شوية سفسطة متادبة
|
Post: #8
Title: Re: سودانيزاونلاين دوت كم , تمبس و داليا فى صحيفة الفجر الجزائرية
Author: حمور زيادة
Date: 12-29-2009, 04:16 AM
Parent: #7
| Quote: اي قضية بقت تتناقش من المدرجات, سيكولوجية مشجعين علي شوية سفسطة متادبة |
|
Post: #9
Title: Re: سودانيزاونلاين دوت كم , تمبس و داليا فى صحيفة الفجر الجزائرية
Author: محمد زكريا
Date: 12-29-2009, 04:16 AM
Parent: #7
| Quote: اي قضية بقت تتناقش من المدرجات, سيكولوجية مشجعين علي شوية سفسطة متادبة |
بعدين بكري زاتوا لسه ما جاب الخبر كويس
ياريت كمال ولا واحد غيره ينقل لينا الكلام المكتوب شنو بالكامل
بعدين نكورك
|
Post: #10
Title: Re: سودانيزاونلاين دوت كم , تمبس و داليا فى صحيفة الفجر الجزائرية
Author: Hisham Osman
Date: 12-29-2009, 04:22 AM
Parent: #9
So that we may feel better
|
Post: #11
Title: Re: سودانيزاونلاين دوت كم , تمبس و داليا فى صحيفة الفجر الجزائرية
Author: حمور زيادة
Date: 12-29-2009, 04:23 AM
Parent: #9
يا محمد زكريا الخبر بيقول :
اخر اشكال الكرم السوداني الغامر للجزائر و شعبها هو اقدام العرسان السودانيين بعد 18 نوفمبر على كسر تقليد سوداني تاريخي متوارث بأن يكون لباس العرسان يوم زفافهم باللون الأحمر لون المنتخب المصري حيث قام كثير من العرسان السودانيين الجدد باختيار اللون الأخضر لون المنتخب المصري.
|
Post: #12
Title: Re: سودانيزاونلاين دوت كم , تمبس و داليا فى صحيفة الفجر الجزائرية
Author: محمد زكريا
Date: 12-29-2009, 04:37 AM
Parent: #11
Quote:
يا محمد زكريا الخبر بيقول :
اخر اشكال الكرم السوداني الغامر للجزائر و شعبها هو اقدام العرسان السودانيين بعد 18 نوفمبر على كسر تقليد سوداني تاريخي متوارث بأن يكون لباس العرسان يوم زفافهم باللون الأحمر لون المنتخب المصري حيث قام كثير من العرسان السودانيين الجدد باختيار اللون الأخضر لون المنتخب المصري. |
هسه ياحمور اخوي في زومتك , الكلام الكتير الفي تحت صوره تمبس دي.. ياهو ده بس؟
ولا دي خلاصه ما يفهم منه, اديتنا انت المرقه يعني....
ياخ انت جيب ليناالكلام كله وخلنا نفسره حسب فهمنا ليهو
=====
ولا اقول ليك
كدي دقيقه نقراهو تاني..
والله ياخوي برضو جزاك الله خير.... تفسيرك كفايه
اها الكلام ده مالو؟ المشكله شنو يعني؟ ما صاح الناس دي كلها كانت واقفه مع الجزائر
وانحنا غنينا الغنيه الشنو شنو جزائر ديك ما عارف
ياخ مليون شهيد ... ديل نلبس عشانهم جلد الككو
بعدين قالوا الكرم السوداني وحددوا انو ده بس تمبس وداليا ما قالوا الواطه كلها في السودان عرست ولبست اخضر
==
كوم ود
|
Post: #13
Title: Re: سودانيزاونلاين دوت كم , تمبس و داليا فى صحيفة الفجر الجزائرية
Author: حمور زيادة
Date: 12-29-2009, 04:45 AM
Parent: #12
يا محمد زكريا و الله انا نعست شديد و الدنيا هنا وش الصباح ..
فعشان ما اخش في تفاصيل كتيرة لامن اجيها باكر كان الله حيانا ..
انا فهمت من الخبر ده انو :
السودانيين من فرحتم و تشجيعم للجزاير خلوا لون الفرح التقليدي عندهم اللي هو كان لون شعار المنتخب المصري و بقوا يلبسوا اللون الاخضر لأنو لون المنتخب الجزائري فرحا بصعود الجزاير.
هل صحي خلينا تقاليد اللون الأحمر في العرس لانو الاحمر لون منتخب مصر و بقينا نلبس لون الجزاير عشان فرحانين بيها ؟
ــــــــــ
الخبر ما جاب اسم تمبس يا محمد.
و أظن ده سبب كافي انو تمبس زاتو يجي يشلت معانا هنا. كيف يحقروهو و ما يجيبو اسمو يعني ؟
|
Post: #14
Title: Re: سودانيزاونلاين دوت كم , تمبس و داليا فى صحيفة الفجر الجزائرية
Author: محمد زكريا
Date: 12-29-2009, 04:59 AM
Parent: #13
يازول اهلنا قالوا ونست الضكير للضكير النوم اخير
انا زاتيني اتشوهقت خلاااااص
باكر صباحات الله بي خيرها
بطرق كيبوردي وبرجاك
تحياتي
|
Post: #15
Title: Re: سودانيزاونلاين دوت كم , تمبس و داليا فى صحيفة الفجر الجزائرية
Author: abuguta
Date: 12-29-2009, 05:12 AM
Parent: #14
اكتر زول محظوظ فى 2009
اخونا علاء الدين منصور تمس
داليا وصحف ,,بس انا مبسوط كتير
ليه عشان زول يستاهل كل خير
تانى نبشر معاك ياعلاء
|
Post: #16
Title: Re: سودانيزاونلاين دوت كم , تمبس و داليا فى صحيفة الفجر الجزائرية
Author: Yousif A Abusinina
Date: 12-29-2009, 06:04 AM
Parent: #15
ما بسالكم يا تمبس وداليا
يا ريس المكتوب لو سمحت عشان نسل لسان ونزيده متر
|
Post: #17
Title: Re: سودانيزاونلاين دوت كم , تمبس و داليا فى صحيفة الفجر الجزائرية
Author: Tragie Mustafa
Date: 12-29-2009, 06:13 AM
Parent: #16
الفيلم انه الدراويش احبتنا الجزائرين
ما كانوا عارفين انه العريس تمبس كان بيشجع مصر
نكاية في ناس استيف وتراجي(ههههههه)!!
الا يا حمور
تعال رجاع بهدؤ رغم وجودك في القاهره على ما اعتقد
لكن اسلاكك واصله باين مع ناس الخرطوم...كدي ورينا
السبب الحقيقي شنو الخلا ناس تمبس وداليا يغيروا من العرف
وانه الجرتق بالاحمر....ويعملوها بالاخضر؟؟!!!
هو صحيح كان عقد وليس جرتق ولكن العرف انه
اي لبس بلدي كان...احمر؟؟!!
والثاني بيعرف بالافرنجي وهو الزفاف وعادة ابيض للعروس .
|
Post: #45
Title: Re: سودانيزاونلاين دوت كم , تمبس و داليا فى صحيفة الفجر الجزائرية
Author: tmbis
Date: 02-01-2010, 10:48 AM
Parent: #17
Quote: الفيلم انه الدراويش احبتنا الجزائرين ما كانوا عارفين انه العريس تمبس كان بيشجع مصر
نكاية في ناس استيف وتراجي(ههههههه)!! |
.. طبعا يا (شتــره) النكاية دي خليها ديباجـة واضحـة نكوياتك إنت واستيف دي خليها في بالك طوالي .. اريتو يطمــر ..
بعدين خليك من تشجيعي بتاع اللعبة الحلــوة دا .. إنت مصر دي ما كنتي ساكنه فوقـه عديل كدا حسع شنو الجده ..؟ واللا دي حركات جديدة تبع الحركات المسلحة والصداقة مع الشعوب .. معاك ساعة؟؟ .. Quote: الا يا حمور
تعال رجاع بهدؤ رغم وجودك في القاهره على ما اعتقد
لكن اسلاكك واصله باين مع ناس الخرطوم... كدي ورينا
السبب الحقيقي شنو الخلا ناس تمبس وداليا يغيروا من العرف
وانه الجرتق بالاحمر....ويعملوها بالاخضر؟؟!!! |
.. إنت فتحتي ليك محلات ازياء ..؟ بقيتي عارضـة أزيــاء وليك علاقة في التدخل في تغيير امزجـة الناس من الاحمر لي الاخدر ..؟ دي حركات جديدة كمـان .. واللا عدم موضوع ..؟
Quote: هو صحيح كان عقد وليس جرتق ولكن العرف انه
اي لبس بلدي كان...احمر؟؟!! |
. عقد واللا جرتــق واللا راس كريسماس .. ما تفتي فيما ليس لك فيه علمـا .. الحاجات الما بتعرفيها ما تتكلمي فيها .. خليك في سودانك الجديد .. وفي دردقة راشد الحاج .. وفي الانتخابات وياسر عرمـان .. سمح امي .. انــا؟
|
Post: #20
Title: Re: سودانيزاونلاين دوت كم , تمبس و داليا فى صحيفة الفجر الجزائرية
Author: فيصل نوبي
Date: 12-29-2009, 06:47 AM
Parent: #16
يواصل الشعب السوداني الكريم كرمه ''الغامر'' للجزائر، والتعبير عن حبه وتقديره لشعبها ومشاطرته الفرحة بتأهل منتخبه الوطني لكرة القدم إلى كأس العالم، الذي جاء على أرضية ملعب المريخ بالعاصمة السودانية الخرطوم بعد المباراة الفاصلة يوم 18 نوفمبر2009 التاريخي، والتي انتهت بفوز ''الخضر'' بذلك الهدف الصاروخي المزلزل لعنتر يحي
آخر أشكال الكرم السوداني الغامر للجزائر وشعبها، هو إقدام العرسان السودانيين، بعد 18 نوفمبر، على كسر تقليد سوداني تاريخي متوارث بأن يكون لباس العرسان يوم زفافهم اللون الأحمر (لون المنتخب المصري)، حيث قام الكثير من العرسان السودانيين الجدد باختيار اللون الأخضر (لون المنتخب الجزائري)•
ونشر موقع ''سودانيز أونلاين'' السوداني، الذي يعتبر من أكبر المواقع السودانية وله شعبية كبيرة داخل وخارج السودان، صورا جميلة لعرسان سودانيين بلباس تقليدي سوداني باللون الأخضر، ونشر الموقع تهاني وتبريكات للعرسان ولـ ''الخضر'' على تأهلهم لكأس العالم• وذكر لنا سوادنيون مقيمون في لندن أن المنتخب الوطني الجزائري يحضر بقوة في أعراس السودانيين بعد مباراة الخرطوم الفاصلة، وتأهله إلى كأس العالم، فإلى جانب اللون الأخضر الطاغي وظهور حتى قماش أخضر باسم ''عنتر يحي'' في الأسواق السودانية، فإن '' الرشق في خاطر الخضر'' وتأهلهم إلى كأس العالم، وفي ''خاطر'' الجزائر وشعبها أصبح من السمات البارزة في الأعراس السودانية بعد 18 نوفمبر الماضي•
حميد بن عمار
_
http://www.al-fadjr.com/ar/realite/136532.html
|
Post: #18
Title: Re: سودانيزاونلاين دوت كم , تمبس و داليا فى صحيفة الفجر الجزائرية
Author: محمد إبراهيم علي
Date: 12-29-2009, 06:16 AM
Parent: #15
انا بعتقد لانو تمبس هلالابي وداليا مريخابية عشان كده العروس لبست الاخضر كحل وسط 
|
Post: #19
Title: Re: سودانيزاونلاين دوت كم , تمبس و داليا فى صحيفة الفجر الجزائرية
Author: Mohamed E. Seliaman
Date: 12-29-2009, 06:38 AM
Parent: #18
| Quote: سودانيزاونلاين دوت كم ,...........في صحيفة الفجر الجزائرية |
| Quote: شكرا بكري لايراد الخبر الذي نقله زميلي الجزائري جمال الدين طالب من الموقع عقب حديث دار بيننا عن دلالة اللون الاحمر للزواج وتحوله للاخضر واصبح منذ (المعركة) قارئ مداوم على الموقع |
لقد قضيت على هدف بكري من عنوان البوست واغتلت فرحته
|
Post: #21
Title: Re: سودانيزاونلاين دوت كم , تمبس و داليا فى صحيفة الفجر الجزائرية
Author: Tabaldina
Date: 12-29-2009, 06:58 AM
Parent: #19
..
.
Quote: ونشر موقع ''سودانيز أونلاين'' السوداني، الذي يعتبر من أكبر المواقع السودانية وله شعبية كبيرة
داخل وخارج السودان، صورا جميلة لعرسان سودانيين بلباس تقليدي سوداني باللون الأخضر، |
اخضر .. احمر .. اصفر .. ما مهم
بهمنا _ وكذا بكرى _ زواج المحتفى بهم .. والجملة اعلاه
على الاقل الجزائريين _ وغيرهم من شعوب الجهل _ أن يعلموا عن الموقع ومكانته ..
ويطلعوا عليه ..
_________
المهم ..
الواحد يجهز ليهو _خرقة_ كحليه ولا تركوازية
ويطلعها ليكم موضه فى الجرتق القادم
|
Post: #22
Title: Re: سودانيزاونلاين دوت كم , تمبس و داليا فى صحيفة الفجر الجزائرية
Author: omer osman
Date: 12-29-2009, 07:02 AM
Parent: #19
| Quote: انا بعتقد لانو تمبس هلالابي وداليا مريخابية عشان كده العروس لبست الاخضر كحل وسط |
تحليل معقول ..................
| Quote: لقد قضيت على هدف بكري من عنوان البوست واغتلت فرحته |
ده كلام صاح ..............
|
Post: #23
Title: Re: سودانيزاونلاين دوت كم , تمبس و داليا فى صحيفة الفجر الجزائرية
Author: الصادق صديق سلمان
Date: 12-29-2009, 07:06 AM
Parent: #19
احلى مافي الموضوع انو طالع من الجزائريين
هذا الشعب الحلو الممتليء رجولة وعفة موش زي ناس جيرانا من سنة آس.\
المهم يا استاذ حمور انو عاداتنا يكتب عنها في صحف دولة مثل الجزائر
على الرغم من اني اتفق معك في فهم لبس ثوب الحرير الأخضر وهو الذي يعتبر
من عاداتنا المتبعة في الزواج منذا ملايين السنين, في فهمه على انه توشح بالأخضر
من اجل انتصار الجزائر على مصر - وهذا لا ينفي فرحتنا الكبيرة بفوز الجزائر
على مصر داخل الأرض التي تنكروا لها ووصفوها بشتى الاساءات وتهكموا علينا أيما تهكم.
أبوفتحية
|
Post: #24
Title: Re: سودانيزاونلاين دوت كم , تمبس و داليا فى صحيفة الفجر الجزائرية
Author: فيصل نوبي
Date: 12-29-2009, 07:07 AM
Parent: #19
كاتب المقال هو : حميد بن عمار ؛
قد يكون قد نقله عن جمال الدين طالب الذي دله عليه كمال إدريس
الذي قتل فرحة بكري أبوبكر علي حد قول صاحبي الحبشي
_
بالله هو ده ياهو اللت و العجن البيقولو عليهو !
|
Post: #25
Title: Re: سودانيزاونلاين دوت كم , تمبس و داليا فى صحيفة الفجر الجزائرية
Author: على محمد على بشير
Date: 12-29-2009, 07:14 AM
Parent: #24
يا اخوانا ..
الشكر اولا لزميلنا ابو الريش .. فهو من اشار فى بوست التهنئه لحكاية الجزائر دى
ومن ثم شكرا بكرى + مبرووك تمبس وداليا مره تانيه
|
Post: #27
Title: Re: سودانيزاونلاين دوت كم , تمبس و داليا فى صحيفة الفجر الجزائرية
Author: Hala Hassan
Date: 12-29-2009, 08:42 AM
Parent: #19
يا حمور،
| Quote: السودانيين من فرحتم و تشجيعم للجزاير خلوا لون الفرح التقليدي عندهم اللي هو كان لون شعار المنتخب المصري و بقوا يلبسوا اللون الاخضر لأنو لون المنتخب الجزائري فرحا بصعود الجزاير. |
أنا فهمت كدة برضو،
و (استغرب) بشدة،،،،
| Quote: هل صحي خلينا تقاليد اللون الأحمر في العرس لانو الاحمر لون منتخب مصر و بقينا نلبس لون الجزاير عشان فرحانين بيها ؟ |
لأ طبعا،،،،
|
Post: #26
Title: Re: سودانيزاونلاين دوت كم , تمبس و داليا فى صحيفة الفجر الجزائرية
Author: Ahmed musa
Date: 12-29-2009, 08:37 AM
Parent: #18
| Quote: انا بعتقد لانو تمبس هلالابي وداليا مريخابية |
ده كان زمان يا عمّك !!!!
حمّور
ياخ تمبس جابو صورته ظااتها
الإسم لزومه شنو ؟؟؟
|
Post: #28
Title: Re: سودانيزاونلاين دوت كم , تمبس و داليا فى صحيفة الفجر الجزائرية
Author: عبد اللطيف بكري أحمد
Date: 12-29-2009, 08:51 AM
على الاخ علاء تمبس ود. داليا رفع قضية ومطالبة بتعويض قدره
مليون دولار عن فبركة الصحيفة الجزائرية لهذا الخبر الذي يقود
لإستخدام الصورة للإساءة للعلاقات السودانية المصرية ، وكذلك
الأخ أنور التكينة له مليون دولار أخرى لإستخدامهم الصورة دون
أخذ الاذن ،،
===
(حقنا برة ، 10% من الثلاثة)،،
|
Post: #29
Title: Re: سودانيزاونلاين دوت كم , تمبس و داليا فى صحيفة الفجر الجزائرية
Author: نصر الدين عثمان
Date: 12-29-2009, 09:08 AM
Parent: #28
|
Post: #30
Title: Re: سودانيزاونلاين دوت كم , تمبس و داليا فى صحيفة الفجر الجزائرية
Author: عبد اللطيف بكري أحمد
Date: 12-29-2009, 11:36 AM
Parent: #29
هذا الخبر سيمنع العروسين من قضاء شهر العسل في قاهرة المعز
كما كان مخططاً له ،،
على الحكومة الجزائرية التكفل بتنظيم شهر عسل بديل في المكان
الذي يختارانه بعد أن أفسدت الصحيفة عليهما their own paln
|
Post: #31
Title: Re: سودانيزاونلاين دوت كم , تمبس و داليا فى صحيفة الفجر الجزائرية
Author: ismeil abbas
Date: 12-29-2009, 12:10 PM
Parent: #30
شكرآ اخى بكرى..لآيراد الخبر...
الكاتب حميد أشاد بسودانيز أون لاين وهذا وضع طبيعى..أما أن نغير تراثنا وتقاليدنا بهذه السهولة عشان مباراة لا اظن هذا سيحدث ...
Quote: آخر أشكال الكرم السوداني الغامر للجزائر وشعبها، هو إقدام العرسان السودانيين، بعد 18 نوفمبر، على كسر تقليد سوداني تاريخي متوارث بأن يكون لباس العرسان يوم زفافهم اللون الأحمر (لون المنتخب المصري)، حيث قام الكثير من العرسان السودانيين الجدد باختيار اللون الأخضر (لون المنتخب الجزائري)•
|
ملاحظة ألأخ حمور فى محلها..خلونا ننظر للموضوع بعمق...وبعدين كاتب المقال ذكر..(((حيث قام الكثير من العرسان السودانيين الجدد بأختيار اللون ألأخضر لون المنتخب الجزائرى...
هل تقالدينا وثقافتنا من السهل ان نغيرها فى كل موسم مع كل مناسبة ؟؟؟
هل فعلآ هناك الكثير من العرسان؟؟؟وهل اللون تغير لهذا السبب فعلآ؟؟؟
تقديرى وأحترامى...للجميع..
|
Post: #32
Title: Re: سودانيزاونلاين دوت كم , تمبس و داليا فى صحيفة الفجر الجزائرية
Author: humida
Date: 12-29-2009, 02:55 PM
Parent: #31
كيف يا حمور تقول كدا .. هسع يجيك طاير و تطلع مراقب من قبل و بعد ..
|
Post: #33
Title: Re: سودانيزاونلاين دوت كم , تمبس و داليا فى صحيفة الفجر الجزائرية
Author: حمور زيادة
Date: 12-29-2009, 03:16 PM
Parent: #32
| Quote: المهم يا استاذ حمور انو عاداتنا يكتب عنها في صحف دولة مثل الجزائر |
جملتك دي يا الصادق محشورة في نص الكلام.
خليني اختها واضحة عشان تراجي لمن تجي ترشك لامن تفهم حاجة يا مستلب يا الفرحان انو العرب يكتبو عننا اي حاجة و السلام.
لوووووووول
كامل التضامن معاك و الله.
يا الصادق يا اخوي المهم عاداتنا تصل للعالم بالصورة الصاح.
المنشور ده استغلال من الصحف الجزائرية لمعركتا مع مصر ( و هي معركة مستمرة حتى اليوم و لم تقف من اي جانب .. ياخ حلقة المفتش كرومبو الاخيرة بتتكلم عن ماتش الجزائر في استاد امو دورمان و منتخب مصر الشجعان ) و ما اظن نحن طرف في المعركة.
ممكن نكون مشجع مستمتع .. لكننا ما طرف.
فاستعمالنا من قبل الصحف الجزائرية عمل سئ كشتيمة عمور أديب الوقحة تماما.
عليك الله اعمل سيرش في قوقل شوف رأي الجزائريين في استغاثة جميلة بوحريد .. اتهموها انو المصريين اغروها و غشوها عشان تحرج الجزائر.
|
Post: #34
Title: Re: سودانيزاونلاين دوت كم , تمبس و داليا فى صحيفة الفجر الجزائرية
Author: JAD
Date: 12-29-2009, 04:59 PM
Parent: #33
ما رأيت تزويراً للأحداث أفظع مما فعلت هذه الصحيفة ..
أكاد أن العروسين لم يجل في خاطريهما هذا الوهم الذي أوردته الصحيفة ..
هذا لوى لعنق الأحداث لتسخيرها لهدف ليس للسودان فيه مصلحة ..
جاد
|
Post: #35
Title: Re: سودانيزاونلاين دوت كم , تمبس و داليا فى صحيفة الفجر الجزائرية
Author: ناذر محمد الخليفة
Date: 12-29-2009, 06:08 PM
Parent: #34
Quote: ما رأيت تزويراً للأحداث أفظع مما فعلت هذه الصحيفة ..
|
|
Post: #36
Title: Re: سودانيزاونلاين دوت كم , تمبس و داليا فى صحيفة الفجر الجزائرية
Author: المسافر
Date: 12-30-2009, 08:39 AM
Parent: #35
يا تمبوسي
يا أخضر
يا ليموني
|
Post: #37
Title: Re: سودانيزاونلاين دوت كم , تمبس و داليا فى صحيفة الفجر الجزائرية
Author: كمال ادريس
Date: 12-30-2009, 08:36 PM
Parent: #36
Quote: يا الصادق يا اخوي المهم عاداتنا تصل للعالم بالصورة الصاح.
|
الاستاذ حمور كنت اراقب البوست حتى وصلت لهذه النقطة
صاح ولله ماصاح .... كيف حتصل للاخر أو ماهو الوعاء المتاح لايصال ثقافتك ومعارفك وارثك للاخر؟
انت اساسا لاتملك الوعاء، وماعندك جهاز اعلامي ينافس في الفضاء الدولي
الصحف موغلة في المحلية والكلام ده اتكتب عنو كتير...
التلفزيون بيتندر به العرب وفرجتو تكون عقاب من الزوجة لزوجها البتأخر عليها، بعد ان صار القناة الفاضلة او مامعناه.
بهذه المادة المنشورة في الصحيفة تكون معارفنا وارثنا وثقافتنا قد وجدت وعاءا مقبولا للاخر ـ بحسب مفاهيمهم ـ فهل في هذا عيب!!
وغدا سيكون الموقع بكامله في (الخضرء)
|
Post: #38
Title: Re: سودانيزاونلاين دوت كم , تمبس و داليا فى صحيفة الفجر الجزائرية
Author: حاتم الياس
Date: 12-30-2009, 09:14 PM
Parent: #37
الأخضر لون نيلنا ولون حياة جميلة لتمبس وداليا..أنا بالنيابة عنهم أنفى هذا الخبر المفبرك الذى يؤكد أن الصحف الجزائرية اٍذا كانت تلك طريقتها فى نسج الأخبار على هوى كتابهاوأوهامهم ساهمت حقاً كما يقول المصريين فى تضليل الرأى العام الجزائرى وتقديم المباراة كمعركة عسكرية...
__________ تمبس الكلام ده مهم عشان تانى على الدين لو أشر ليك توت عنخ أمون لمصر وبصم على جوازك
أبوالهول ذات نفسو ماتخشها.. وحتى الطياره لو جات بفوق عابره ساااى حايقولوا ..مش ده تمبس بتاع سودانيز اللى راح لابس شعار القزائر فى يوم جوازتو..
ونحن زى ماعارف ياحبيب مانستغناش عن أم الدنيا حبيبتنا...ولاكيف ياتراجى
|
Post: #39
Title: Re: سودانيزاونلاين دوت كم , تمبس و داليا فى صحيفة الفجر الجزائرية
Author: حمور زيادة
Date: 12-31-2009, 01:01 AM
Parent: #38
استاذ كمال ..
حين ينقل احدهم ثقافتي ليستخدمها في معاركه الوهمية نعم في هذا عيب و الف عيب.
هل حوجتي لتقديم ثقافتي عبر وعاء خارجي تعني ان اقبل اي استخدام مسئ من الناقل لهذه الثقافة ؟
اذن فلماذا يغضبون على عرض السودانيين في طاش ما طاش ؟
وجدنا ناقل يذكر العرب بنا. و العافية درجات.
حين تستخدم الصحافة الجزائرية ثقافتي السودانية في معارك الهلام و تظهرني كشعب أبله يتخلى عن تقاليده فرحا بمباراة كرة قدم ( كأن الما شفتو في بيت أبوك بيخلعك ) فاني اعترض و احتج بل و أخوض ضدها حربا.
لو كانت الصحافة تكلمت عن التراث السوداني و اخطأت مجرد خطأ عادي فهذا يمكن ان نقول فيه "كتر خيرم .. عاوزين يعرضو ثقافتنا لكن ما بيعرفو عشان كده غلطو ".
أما أن تفتري الصحافة على تراثنا و تعرضه بهذا الشكل فلا شكر و لا حمد.
استاذ كمال ..
هناك سؤال طرحته انا اعلاه ..
هل حقا تخلى العرسان السودانيين عن تراث لبس الاحمر لأنه كان لون منتخب مصر و اصبحوا يلبسون اللون الاخضر احتفاءا بالفريق الجزائري ؟
هل حدث هذا ام ان الصحيفة افترت على السودانيين و اظهرتهم شعب من البلهاء يتبع كل ناعق و يتخلى عن تراثه بسذاجة ؟
اتمنى اجابتك
|
Post: #40
Title: Re: سودانيزاونلاين دوت كم , تمبس و داليا فى صحيفة الفجر الجزائرية
Author: حمور زيادة
Date: 12-31-2009, 01:02 AM
Parent: #39
كيف يكون أكبر همنا أن يذكروا اسمنا و أي شئ عن تقاليدنا حتى لو كان خطأ ؟
هل نحن حثالة لدرجة أن نفرح بمجرد الذكر ؟
|
Post: #41
Title: Re: سودانيزاونلاين دوت كم , تمبس و داليا فى صحيفة الفجر الجزائرية
Author: محمد الجزولي
Date: 12-31-2009, 01:59 AM
Parent: #40
للجميع وافر معزتي
وأعتقد يُرجح عندي القول المعارض لفكرة إستخدامنا الدائم كدروع في مشاكل الكثير لدول
ماتسمى بالجور أو الغير جِوار .. فالملاحظ عندي دائماً ما يحاول الكثيرون { لتَميلنا} لناحية كفتهم !!
فالعراق تختصم مع الكويت وتدخل متهجمة بدباباتها وطيرانها على شعبها الأمن !! يَودونَنا ان نتحمس معهم في ذلك
.. ومصر تختصم مع الجزائر في سبب مُترف تفاهة و...؛ .. وهلم جر ياقول السيد الصادق ..
ويضعوننا فى موقف الشعب السبهللي الذي ينقاد كالقطيع لكل من يطبل له معتمداً على طيبتنا التي أصبحت مدعى البلاهة
والغبيان !! ليصوروا للعالم أننا شعب ليس له لا موروث ولا ثقافة ولا دين! يتكل عليهم وأننا مخروطين من دواخلنا حتى
يتسنى لكل خَاشي وماشي ... ان يحشينا كما يحب ! كالبط .. فحتى الأخضر سُلب من صوفيتنا وضرب النوبة وطقطة الطار ولفة الدرويش العاشق
حتى تَفْ ينصرع .. فجعلوننا نرتديه فقط في أعز مانملك من مناسبات لعيون الجزائر وشعب الجزائر وتحيا اَي حاجة ..
وألف مبروك مثنى ورباع وتلشيون مرة .. لأبناء الدار الأسفيري داليا وتمبس ..
|
Post: #42
Title: Re: سودانيزاونلاين دوت كم , تمبس و داليا فى صحيفة الفجر الجزائرية
Author: عبد اللطيف السيدح
Date: 12-31-2009, 11:59 AM
Parent: #41
شكرا بكري
شكرا كيمو
شكرا الجميع
شكرا تمبس
شكرا داليا
شكرا الجزائر
شكرا امدرمان
شكرا ام الدنيا
|
Post: #43
Title: Re: سودانيزاونلاين دوت كم , تمبس و داليا فى صحيفة الفجر الجزائرية
Author: كمال ادريس
Date: 01-01-2010, 03:52 PM
Parent: #42
الاستاذ حمور .. سألتني:
Quote: هل حقا تخلى العرسان السودانيين عن تراث لبس الاحمر لأنه كان لون منتخب مصر و اصبحوا يلبسون اللون الاخضر احتفاءا بالفريق الجزائري ؟
هل حدث هذا ام ان الصحيفة افترت على السودانيين و اظهرتهم شعب من البلهاء يتبع كل ناعق و يتخلى عن تراثه بسذاجة ؟ |
1/ قطعا غير صحيح.
2/ لم تفتر عليهم، ولم تظهرهم كبلهاء اطلاقا.
كل سنة وانت طيب
|
Post: #44
Title: Re: سودانيزاونلاين دوت كم , تمبس و داليا فى صحيفة الفجر الجزائرية
Author: tmbis
Date: 02-01-2010, 10:25 AM
Parent: #43
مع عميق حبي للمنتخب الجزائري والشعب الجزائري .. وتمنياتو ليهو بفرصة اوسع في كأس العالم .. وهو المنتخب الوحيد الذي فضلت تشجيعه ومتابعته خلال الدورة الأفريقية..
إلا إنو احب أوضح أنو لا علاقــة لا من قريب أو من بعيد .. بشكل اللبس أو لونو .. ولا علاقـة للبس المستخدم بالكورة ولا السياسة ..
الفكرة الاساسية من اختياري للون الأخضر .. هو مزاج شخصي له علاقــة باللون الأخضر من ناحية .. وكسر لتقليدية اللون الأحمـر والأبيض المستخدم بشكل منتشر ..
صممت الجلابيــة بالطريقة السودانية .. وهي اشبه (بمرقوعـة) الدراويش .. من حيث (التصميم) .. مع (توب) (ملفحــة) من نفس اللون والخامـة .. وهي لباس متبع في مناطق متعددة في السودان في الوسط والشرق والشمال.
قصدت من اختيار اللون فقط الخروج من التقليدية المتبعة مع مراعاة عدم الاخلال بالعرف المتبع في استخدام خامة القماش .. المعروف (بالسرتي) .. مع العلم .. إن هناك اللوان متعددة (ابيض + أزرق) و ( أبيض + بنفسجي) و ( أبيض + أخضـر ) و (أبيض + أحمر غاني ) .. تعودنا في السودان على استخدام اللون الاحمر مع الأبيض وهو اللون الثابت في مثل هذه المناسبات .. أو ما يسمى بالجرتق .. وينتشر فيه استخدام اللون الأحمر .. وغالبا للعروس .. ويلبس العريس غالباً اللون الأبيض مع توب أو (ملفحـة) من القرمصيص فيها اللون الأحمر الغاني .. والأصفر وألوان أخرى متداخله جميعها من الحرير ..
توب العروس .. ايضا كان تجنباً للتقليدية في اللون .. واخترنا اللون الأخضر .. باتفاق مسبق بينا ..
وللحقيقة والأمانة .. لأول مرة تفاجأت (بالتوب) الأخضر ترتديه العروس .. لحظة أن قابلتها في طريقنـا لإكمال المراسم .. كما تفاجأت هي (بجلابيتي) .. ونفس التناسق في الالوان ودرجاته .. وكنا قد اصرينـا على عنصر المفاجأة بالرغم من اختيارنـا للون والاتفاق عليه وكل اختار الخامة المناسبة.. وأخفاء الأمر عن الآخـر
الحديث أعــلاه .. مجرد توضيح للأخوان في صحيفة الفجـر الجزائرية فقط لتصحيح المعلومـة .. وكنا قد فكرنـا بأن نقوم بالتصحيح في السفارة الجزائرية في الخرطوم بعد شكرهم للمتابعة ونقل الخبر من الموقع .. ولو كانت هناك اي نية لاستثمار الحدث في الترويج .. أو المناسبة تسمح بذلك أو في بالنـا .. لاستخدمنـا علم بلادنــا وهو اولى لنـا .. حيث لا مصلحـة لنـا في فوز مصر او هزيمـة الجزائر .. حيث كل له مصلحتـه الخاصة .. وما يجمعنـا معهم فقط عمق العلاقات ..
شكرا مرة أخرى لصحيفة الفجــر .. ولناقل الخبر ولاجتهاده في الفهم وفق رايه الخاص .. وشكرا للموقع الذي أصبح قبلة للصحافة العالمية .. ولوكالات الانباء المختلفة .. والشكر لكل من ناقش هذا الأمر هنا مبينا وجهة نظره وفق رأيه الشخصي ..
|
Post: #46
Title: Re: سودانيزاونلاين دوت كم , تمبس و داليا فى صحيفة الفجر الجزائرية
Author: عمر صديق
Date: 02-01-2010, 11:34 AM
Parent: #44
كامل تضامني مع العريس في طوره الجديد للردود
|
Post: #47
Title: Re: سودانيزاونلاين دوت كم , تمبس و داليا فى صحيفة الفجر الجزائرية
Author: الأمين عثمان صديق محمد
Date: 02-01-2010, 11:56 AM
Parent: #1
Quote: ولو كانت هناك اي نية لاستثمار الحدث في الترويج .. أو المناسبة تسمح بذلك أو في بالنـا .. لاستخدمنـا علم بلادنــا وهو اولى لنـا .. حيث لا مصلحـة لنـا في فوز مصر او هزيمـة الجزائر .. حيث كل له مصلحتـه الخاصة .. وما يجمعنـا معهم فقط عمق العلاقات ..
شكرا مرة أخرى لصحيفة الفجــر .. ولناقل الخبر ولاجتهاده في الفهم وفق رايه الخاص .. وشكرا للموقع الذي أصبح قبلة للصحافة العالمية .. ولوكالات الانباء المختلفة .. والشكر لكل من ناقش هذا الأمر هنا مبينا وجهة نظره وفق رأيه الشخصي .. |
كلام موزون ومرتب
دا كلام سفراء عديل
تسلم يا الحبيب
|
|