Post: #1
Title: أمريكا تعلن فتح باب الدراسة للطــــلاب السودانيين
Author: ghariba
Date: 02-14-2010, 11:04 AM
Parent: #0
Quote: أمريكا تعلن فتح باب الدراسة للطــــلاب السودانيين
2010-02-14 02:21:36
أعلنت السفارة الأمريكية بالخرطوم فتح الباب للطلاب السودانيين لتلقي فرص التعليم بالجامعات الأمريكية. وحددت مايو القادم، لبدء إجراءات منح التأشيرة (الفيزا) للطلاب الذين يرغبون في الدراسة بأمريكا.في وقت أكدت فيه انتقال السفارة للمباني الجديدة بضاحية سوبا خلال مارس المقبل.وأكدت مسؤولية العلاقات العامة بالسفارة جودف ريقن في سمنار نظمته السفارة مع المركز الوطني لتدريب الشباب حول كيفية الحصول على فرص للدراسات العليا أكدت فتح دولتها الباب على مصراعيه لتلقي التعليم بعيداً عن التأشيرات السياسية على ملف فرص التعليم. وقالت: إن التقديم للدراسات سيكون عبر السفارة، وأشارت لوجود (1000) جامعة بأمريكا، وتخصص الحكومة الأمريكية مبلغ (41) بليون دولار لتمويل التعليم. من جانبها قالت عفاف أحمد عبد الرحمن، مدير المركز الوطني للشباب: إن الهدف من السمنار تطوير وبناء قدرات الشباب، وتعزيز العلاقات، وتوسيع دائرة العلم والمعرفة، بجانب تأطير العلاقات الشعبية بين السودان والولايات المتحدة.
|
مصدر الخبر
|
Post: #2
Title: Re: أمريكا تعلن فتح باب الدراسة للطــــلاب السودانيين
Author: دينا خالد
Date: 02-14-2010, 11:28 AM
Parent: #1
وبالقروش ؟ ولا بدفعوا ليهم من ال 41 ترليون دي يا غريبة ؟؟؟؟؟؟
ــــــــــــــــــــــــ
غايتو فى ناس ح يجوا يشمتونى هنا شماته ح يفتكروا
بتاعتى الماشة عليها دى واحده من الهردبيس دا !!
|
Post: #3
Title: Re: أمريكا تعلن فتح باب الدراسة للطــــلاب السودانيين
Author: tmbis
Date: 02-14-2010, 11:45 AM
Parent: #2
Quote: غايتو فى ناس ح يجوا يشمتونى هنا شماته ح يفتكروا
بتاعتى الماشة عليها دى واحده من الهردبيس دا !! |
أعربي ما تحته خط .. يا كاريوكــا ..
ما فهمتك والله ..
.
.
كاريوكا دي .. ما تتحسسي منها .. كاريوكا سااي كدا
يا غريبة .. إنت بقيت أمريكي واللا شنـو.؟
|
Post: #4
Title: Re: أمريكا تعلن فتح باب الدراسة للطــــلاب السودانيين
Author: عمران حسن صالح
Date: 02-14-2010, 11:48 AM
Parent: #3
هيييييييييي يا مان خليكـ من هوليود وسماحته ..
تعال بي هناكـ للوصيفاب ديل ..
ولكم بااااااااااااااااااااكـ 
|
Post: #7
Title: Re: أمريكا تعلن فتح باب الدراسة للطــــلاب السودانيين
Author: tmbis
Date: 02-14-2010, 12:32 PM
Parent: #4
| Quote: تعال بي هناكـ للوصيفاب ديل .. |
.. يا عمران .. ياخ جماعتك ديلاك قاعدين ساااي ..
بنطلقو من أرضية غير ثابتة .. دفوعاتم كلها ضعيفة .. وفاقدين سوايل عديل كدا ..
كدي خلينا نشوف الحنك الهنا دا احتمال الواحد يطلع ليهو بي منحة دراسية من غريبة ..
يا كمان حنك مفيد من الهميمة جدا بالشأن العام دينـا خالد ..
أهو الواحد يطلع ليهو بي نقله نقلتين ..
|
Post: #5
Title: Re: أمريكا تعلن فتح باب الدراسة للطــــلاب السودانيين
Author: د.نجاة محمود
Date: 02-14-2010, 11:49 AM
Parent: #3
ما قالو نوبة...
بعد احداث سبتمبر ضيقت امريكا الخناق على العرب
بقو يمشوا استراليا ونيوز لندا وماليزيا
خسرت الجامعات الامريكية الكثير
اسع بقت عايزة تفتحها؟
|
Post: #6
Title: Re: أمريكا تعلن فتح باب الدراسة للطــــلاب السودانيين
Author: Abureesh
Date: 02-14-2010, 12:16 PM
Parent: #5
لماذا تم تعريب التعليم العالى فى الســـودان؟
|
Post: #8
Title: Re: أمريكا تعلن فتح باب الدراسة للطــــلاب السودانيين
Author: فيصل نوبي
Date: 02-14-2010, 12:38 PM
Parent: #6
أين ذهبت الفضيحة يا غريبة ؟
وبالمرة كده شوف لينا الجماعة طلعو ياهم ولا البتاني كان غلطان !
|
Post: #9
Title: Re: أمريكا تعلن فتح باب الدراسة للطــــلاب السودانيين
Author: عمر الفاروق
Date: 02-14-2010, 01:59 PM
Parent: #6
| Quote: وتخصص الحكومة الأمريكية مبلغ (41) بليون دولار لتمويل التعليم |
والتعب شن لزومو ..
وفي روايـــــــة .........
تخريمة :
يا حلييييل الأمريكات ..
|
Post: #10
Title: Re: أمريكا تعلن فتح باب الدراسة للطــــلاب السودانيين
Author: Deng
Date: 02-14-2010, 04:18 PM
Parent: #9
الإنتهازي صلاح غريبة .
واضح جدا بأنك نقلت خبر تمت ترجمته خطأ .
أول شئ يجب أن يعلم الجميع أن أبواب الجامعات في أمريكا لم يتم إغلاقها للطلبة السودانين ، وأكبر دليل على ذلك أبناء وبنات الكيزان الذين يدرسون في أمريكا على حساب الشعب السوداني . وبالمناسبة التعليم الجامعي الأمريكي ليس بمجاني وبالغ التكلفة . أما قصة ال 41 بليون دولار فأكيد مقصود بها صرف الحكومة الأمريكية على التعليم في أمريكا وفي مراحله المختلفة ، وليس صرف على الطلاب الجانب كما أوحى الخبر الملفق . أختشي يا غريبة .
|
Post: #11
Title: Re: أمريكا تعلن فتح باب الدراسة للطــــلاب السودانيين
Author: Osama Mohammed
Date: 02-14-2010, 04:19 PM
Parent: #9
إن شاء الله تكون حا تقدم يا غريبة ..
عشان ربنا ( يفتحها ) عليك مرة واحدة .. بدل جهجهة الكفيل وطويل العمر .. وصب القهوة يا غلام ..
|
Post: #12
Title: Re: أمريكا تعلن فتح باب الدراسة للطــــلاب السودانيين
Author: smart_ana2001
Date: 02-14-2010, 05:00 PM
Parent: #11
تاشيرات القراية دى ابدا ما كان فيها مشكلة ابدا.
اذا كان عندك قبول من جامعة امريكية و اثبات بانك تملك مصاريف الدراسة ...تمشى السفاره الامريكية فى مصر بيدوك تاشيرة طوالى (ما لم يكون عندك تاريخ اسود مع الامريكان).
انا واحده من الناس حصلت على التاشيرة من الخرطوم و بعد احدات سبتمبر...و بى حجابى ده.
اظن ان الخبر فى ان السفارة الامريكيه ح تبدا تعمل اجرات الحصول غلى تاشيرة الدراسة من الخرطوم..اذا كان اصلا فى خبر ذى ده..الله اعلم
|
Post: #13
Title: Re: أمريكا تعلن فتح باب الدراسة للطــــلاب السودانيين
Author: د.نجاة محمود
Date: 02-14-2010, 05:38 PM
Parent: #12
سلامات يا سمارتي
هنا في نظام التوأمة مع جامعات امريكية
نهائي ما بقبلوا فيه سودانين لانه حصل رفض كل طلبات السودانين لتحويل
اسع لما نجي نقدم طالب طوالي المسجل بنبهنا للنقطة دي
انه الحصول على الفيزا مسؤولية الطالب
والكلية ولا تفضل ان يدخل هذا البرنامج..
|
Post: #14
Title: Re: أمريكا تعلن فتح باب الدراسة للطــــلاب السودانيين
Author: ibrahim alnimma
Date: 02-14-2010, 06:47 PM
Parent: #13
ولماذا اصلاً نذهب لامريكا للدراسة ؟؟؟؟؟؟ألم تفتح الانقاذ التعليم داخل السودان ويقت الجامعة علي قفا
من يشيل؟؟؟؟؟؟وكمان نمشي نتعلم بالخارج وبالغرب ونترك حضارتنا والتاصيل بتاعنا؟؟؟؟ياجماعة المشروع
الحضاري اين انتم ؟؟؟؟تعالو نفتح نار في كل من يود تدمير المشروع الحضاري التاصيل الحضاري والاسلامي
حقنا؟؟
|
Post: #15
Title: Re: أمريكا تعلن فتح باب الدراسة للطــــلاب السودانيين
Author: smart_ana2001
Date: 02-14-2010, 08:14 PM
Parent: #14
Quote: هنا في نظام التوأمة مع جامعات امريكية
نهائي ما بقبلوا فيه سودانين لانه حصل رفض كل طلبات السودانين لتحويل
اسع لما نجي نقدم طالب طوالي المسجل بنبهنا للنقطة دي
انه الحصول على الفيزا مسؤولية الطالب
والكلية ولا تفضل ان يدخل هذا البرنامج.. |
سلامات د.نجاة...
موضوع التوأمة ده ما عندى عنو فكرة ..نهائى.
لكن فعلا ..التاشيرة مسؤلية الطالب .لكن الموضوع ده ما للطلبة السودانيين بس. ده لكل الطلبه من كل الدنيا.
الجامعة(بعد ما يتم قبولك) بترسل مستند اسمه I20 و الطالب بيشيله و يخش السفارة.
شفت ناس كتااااار رفضت السفارات تديهم فيزة سياحة و زيارة..لكن (حتى الان) ما لاقنى زول اوراقه مكتملة و عندو قبول من جامعة و تم رفض طلبه بتاع فيزة الدراسة.
انا ما بقول ما موجود ..اكيد موجود . بس انا ما بعرف زول ما ادوه.
الحاجه الملاحظة انو -انا- لانى من السودان ...بتتشال بصمتى و برنامج فى المطار لحدى ما ادخل البلد*. لكن بيكون وافق قدامى واحد سعودى (طالب برضوا) وبيتعاملوا معاه بكل بساطة. و اجراءته ما بتاخد دقائق. و ده هو المدهش ..لان احداث سبتمبر ما كان فيها اى سودانى كلهم سعوديين و مصريين. لكن نقول شنو ..حكومتنا قايمه بالواجب و ذياده.
_______________________________________________________
* الاجراءات صح طويلة لكن النصيحة لله بييتعاملوا بكل ادب و لطف.
|
Post: #16
Title: Re: أمريكا تعلن فتح باب الدراسة للطــــلاب السودانيين
Author: Nazik Eltayeb
Date: 02-14-2010, 09:28 PM
Parent: #15
Quote: ولماذا اصلاً نذهب لامريكا للدراسة ؟؟؟؟؟؟ألم تفتح الانقاذ التعليم داخل السودان ويقت الجامعة علي قفا
من يشيل؟؟؟؟؟؟وكمان نمشي نتعلم بالخارج وبالغرب ونترك حضارتنا والتاصيل بتاعنا؟؟؟؟ياجماعة المشروع
الحضاري اين انتم ؟؟؟؟تعالو نفتح نار في كل من يود تدمير المشروع الحضاري التاصيل الحضاري والاسلامي
حقنا؟؟ |
انا معاك وجهزتا الدوشكا والار بي جي و الكلاش ولبست المرقط ونسيت الانجليزي و العربي لضرب كل من تسول له نفسه الاستهانة بثورة التعليم العالي والمشروع الحضاري
قال تعليم في امريكا قال
الطاغية الامريكان ليكم تدربنا.......مزيكة ....
|
Post: #17
Title: Re: أمريكا تعلن فتح باب الدراسة للطــــلاب السودانيين
Author: ادريس خليفة علم الهدي
Date: 02-14-2010, 09:33 PM
Parent: #16
الحمد لله الذي من عليينا بــ 161 جامعة
لماذا ندرس في أمريكا
الاستحوا ماتوا !!!!!!!!!!!!1
الكذابون في الارض
|
Post: #18
Title: Re: أمريكا تعلن فتح باب الدراسة للطــــلاب السودانيين
Author: دينا خالد
Date: 02-14-2010, 10:33 PM
Parent: #17
Quote: يا كمان حنك مفيد من الهميمة جدا بالشأن العام دينـا خالد ..
أهو الواحد يطلع ليهو بي نقله نقلتين .. |
غايتو قرررربت لكن صدقنى بتصل
مش بقولوا ما ابوك لكن بربيك !!!
|
Post: #19
Title: Re: أمريكا تعلن فتح باب الدراسة للطــــلاب السودانيين
Author: tmbis
Date: 02-15-2010, 07:09 AM
Parent: #18
Quote: غايتو قرررربت لكن صدقنى بتصل
مش بقولوا ما ابوك لكن بربيك !!! |
.. اصل وين يا كاريوكــا ..؟
أمريكـا ..؟
أمريكا الفوقه استيف وصبري الشريف وكوستاوي .. وحيات ابتسامتك ورقه عندي قاعد من الفين واتنين .. والحمد لله ما مشيته حسع كان تلقيني شايل لي يافطه في كرتونة ولابس لي طاقية جلد وواقف جمب برج ايفيل بتاع فرنسا
بعدين بربيك دي شنو ..؟
عندك نية تفتحي ليك حضانة في البورد ..؟
إنت زعلتي يا كاريوكـــا .. واللا زعلتي يا شيريهان ؟
اسحبو؟؟
في زول بيزعل من اصحابو ..؟
شكلك كدا عايزه تملحيني في المنحة بتاعت صلاح غريبه دي ..
عايزه تنومي بيها يا خاينه .. 
|
Post: #20
Title: Re: أمريكا تعلن فتح باب الدراسة للطــــلاب السودانيين
Author: Osama Siddig
Date: 02-15-2010, 07:37 AM
Parent: #19
صلاح غريبة
خبير قروبات فيس بوك و "علاقات ثقافية"
|
Post: #21
Title: Re: أمريكا تعلن فتح باب الدراسة للطــــلاب السودانيين
Author: بكرى ابوبكر
Date: 02-22-2010, 04:17 PM
Parent: #20
من هو مصدر هذا الخبر?
|
Post: #22
Title: Re: أمريكا تعلن فتح باب الدراسة للطــــلاب السودانيين
Author: بشير أحمد
Date: 02-22-2010, 04:31 PM
Parent: #21
| Quote: من هو مصدر هذا الخبر? |
صحيفة آخر لحظة
بتاريخ
Quote: الأحد, 14 فبراير 2010 08:03
الخرطوم : فاطمة عوض
|
|
Post: #23
Title: Re: أمريكا تعلن فتح باب الدراسة للطــــلاب السودانيين
Author: بكرى ابوبكر
Date: 02-22-2010, 04:45 PM
Parent: #22
الظاهر ناس السفارة فى الخرطوم بقروا سودانيزاونلاين ولا يقرون الجرائد المحلية
|
Post: #24
Title: Re: أمريكا تعلن فتح باب الدراسة للطــــلاب السودانيين
Author: المسافر
Date: 02-23-2010, 06:15 AM
Parent: #23
Quote:
* الاجراءات صح طويلة لكن النصيحة لله بييتعاملوا بكل ادب و لطف. |
اللطف ده في اياتو مكان ؟؟
في أصابعهم؟؟
|
Post: #25
Title: Re: أمريكا تعلن فتح باب الدراسة للطــــلاب السودانيين
Author: محمد إبراهيم علي
Date: 02-23-2010, 06:26 AM
| Quote: الظاهر ناس السفارة فى الخرطوم بقروا سودانيزاونلاين ولا يقرون الجرائد المحلية |
بكري كلامك ده ناقص
الناس ديل رسلوا ليك نفي لكلام اخر لحظة ولا شنو
المشكلة انو يكونوا بقروا لصلاح غريبة فارجو تنبيههم انو صلاح غريبة خلاص كورتو فكت بعد دخول الشفيع والسيدح 
|
|