[B]لك العمر يا محجوب شريف[/B]لك العمر يا محجوب شريف

{HR2}{B}شاعر الشعب المجيد الذي لم يفارقه يقينه بعظمة شعبنا الوفي الجسور ، الشعب الذي بادله الحب والإحترام ، فغنى :
{ مليون سلام يا شعبنا }
وقال بحق { البيزدريك يا ويلو من غضبك عليهو ومن مشيك
يا ويلو من أجلو الوشيك }
وهتف : { يا شعبآ لهبت ثوريتك
تلقى مرادك والفي نيتك
وعمق إحساسك بحريتك
تلقى ملامح في ذريتك }

صمد في معتقلات الديكتاتوريات المتوالية وأنشد :
{ أسمعنا يا ليل السجون }
و تساوى عنده الوطن والأم والحبيبة :
وغنينا معه :
{ يا والدة يا مريم ...يا عامرة حنية
انا عندي زيك كم ... يا طيبة النية
مشتاق ومابندم ... إتصبري شوية
العسكري الفراق
بين قلبك الساساق
وبيني
هو البيندم
والدايرو ما بنتم }

لم يفارقه يقينه بالنصر وإنبلاج فجر الحرية وإن طال ليل الظلم
واليوم وهو يكابد النفس العليل ويلتمس لحظة شهيق
موقن تمامآ بإستعادة العافية
المعتقلات لم توهن إرادته القوية ولكنها أورثته علة في الرئة
رأى الأطباء أن لندن أنسب مكان لمعالجتها
وبعد لأي إقتنع محجوب
محجوب الذي لا يحس بالطمأنينة وينوم ملء العين
إلا في أرض النيلين
وحيشان المدينة عرب وأحضان أم در أمان
محجوب يعد حقيبة السفر
ومريم ومي تنسقان مع أولاد الشعب الأوفياء الذين تنادوا من كل فج عميق وإنخرطوا في الإعداد لمسيرة شعبية تطوف أم درمان تشارك فيها قطاعات واسعة من منظمات المجتمع المدني ومن الأندية الرياضية وعلى رأسها الهلال والمريخ والموردة
وحا تغني مريم مع أوركسترا كاملة لأول مرة مدشنة حملة شعبية تسعى لإستقطاب الدعم المعنوي قبل المادي حتى يتم علاج الفارس المناضل الأستاذ محجوب شريف ويعود للبلاد التي غنى لها وتغنى بإسمها الظافر ومجد أيامها المجيدة
يعود ليسهم بالكلمة المعبرة الرشيقة في الدفاع عن الوحدة الوطنية ويعلن دستوره المنشد :
{ كلو عندو دين كلو عندو راي }
ويضع برنامج ممكن التحقيق :
{ مكان الطلقة عصفورة } دعوة مبكرة للسلام
{ مكان السجن مستشفى } دعوة أبكر لتحديد الأولويات
{ أي سونكي يبقى مسطرينة } دعوة متقدمة لوقف الحرب والبدء في التنمية





نتوجه لكم يا أبناء وبنات شعبنا الأبي نستنفر نخوتكم ووفائكم وقدراتكم
فلنتضامن من أجل محجوب شريف
فلنقدم كل مانستطيع من عون ومشاركة
أشرعوا فورآ ، أين ما كنتم في تنظيم حملة وطنية
سموا من بينكم منسق في كل مكان ينسق مع الحملة الشعبية التي مركزها في الخرطوم
أرسلوا لمحجوب الرسائل
وجودوا بالموجود عبر حسابات تفتح بإشرافكم في الخليج والشرق الأوسط في أوروبا في امريكا وكندا ، في أي مكان يوجد به سوداني
نتعهد بأن ننفذ الحملة وان نعلن بشفافية عن مساهماتكم وأياديكم البيضاء الممتدة بالخير{B/}{HR2}

معكم

بكل ما نملك

من مال
طاقة
تنسيق

دين نرده

Quote: نتوجه لكم يا أبناء وبنات شعبنا الأبي نستنفر نخوتكم ووفائكم وقدراتكم فلنتضامن من أجل محجوب شريف فلنقدم كل مانستطيع من عون ومشاركة أشرعوا فورآ ، أين ما كنتم في تنظيم حملة وطنية سموا من بينكم منسق في كل مكان ينسق مع الحملة الشعبية التي مركزها في الخرطوم أرسلوا لمحجوب الرسائل وجودوا بالموجود عبر حسابات تفتح بإشرافكم في الخليج والشرق الأوسط في أوروبا في امريكا وكندا ، في أي مكان يوجد به سوداني

لا لن نترك لك ايها المرض اللعين

محجوب شريف

رئة الوطن وصوتة الدافى الحنين فى قلوب الأمهات والاباء والشباب

محجوب شريف الذى يبتسم بعينية وقلبة للاطفال والطيور والشجر

شاعر لم يطرق دربا والا بلغ منة اسمى واعظم الغايات

أنة كتابنا الباذخ المفتوح

دخل الشعب والفقراء فى قلبة

فالتزم هذا الجانب ولم يضطرب

ولا لمرة فى موضعة

دائما يعبر عن احلامنا

بلا خيبة

كان الحياة لا تخسر شيئا

لك الحب

يا ابو مريم ومى


وهيا للعمل

ولك التحية يا ابو ساندرا

سنقوى على المرض ..وسينتصر شعبنا على الديكتاتورية

الاستاذ محجوب شريف والفنان محمد وردى

فى السبعينات

التحية لهذا الشاعر الانسان فى الحل والترحال

لم تنهار له عزيمة ..ولم يخذل المستفبليين ..المتفائلين لحظة ..

احببنا من اجل كلماته الوطن والصمود..

فهو معلم الركب ومبصر طريقه..ومبصره بالطريقة ..

ندين بدين وطنه ..ونتلمس طريق المحبة للآخرين عبر قلبه الجسر..

له انهار من الوفاء

وله عهدنا بالوقوف الى جانبه ..

ولاميرة الجزولى ..ومى ومريم ودادنا ..والتحدى ...

نبصم معكم بالعشرة على رهان محبته.


وشكرا ابو ساندرا على المبادرة.

التحية لك ابوساندرا
على استعداد تام الطواف على ناس سيدني
والاتصال ببقية المدن الاخرى في استراليا
ما بنخلي محجوب براه
بنشيل شيلتو
ونسد دينو
تحياتي
بس ادونا رقم حساب للتحويل

البوست ده يا حبيب برعاية سودانيزاونلاين دوت كم من اجل شاعر المهمشين و الكادحين بس قول لينا المطلوب و نحن علينا الباقى

محجوب شريف قيثارة الوطن

--------------------------------------------------------------------------------

أغنية حب للخرطوم

غنى ياخرطوم غنى

شدى أوتار المغنى

ضوى من جبهة شهيدك

أمسياتك واطمئنى

نحنا منك ريح وهبت

نار وشبت

فى وجوه الخانو اسمك ياجميلة

ونحن ياست الحبايب من ثمارك

فى دروب الليل نهارك

وقبل مايطول انتظارك

نحن جينا

وديل أنحنا القالو متنا

وقالوا للناس انتهينا

جينا زى ما كنا حضنك... يحتوينا

لما فارسك فينا هبَّ

وعبَّ حجرك بالمحبة وبالأماني

صحى نار الثورة تاني وجانا داخل

زي شعاع الشمس من كل المداخل

وهز بالمنشور وبشر

ياما فرهد فى عيونك غصن أخضر

وفرحة أكبر من شجونك

والسلاسل يا جميلة

يوم ما كان ميلاد شهيدك

يلا غني ولاقي عيدك

ولى ثمارك لقي ايديك

جيل مكافح حلَّ قيدك

فى غضبنا الحر ولافح

وياما باكر وفى زنازين العساكر

نبني مجدك ومهرجانك

وكل قطرة دم عشانك

ولى جديدك يا جميلة

بطاقة شخصية



الاسم الكامل إنسان

والشعب الطيب والديَّ

والحزب حبيبي وشرياني

أداني بطاقة شخصية

مـن غير الدنيا وقبالو

قـدامي جزاير وهمية

المهـنة بناضل وبتعلـم

تلميذ فى مدرسة الشعب

المدرسة فاتحة على الشارع

والشارع فاتح فى القلب

والقلب مساكن شعبية

وديني محل ما توديني

شرد أخواتي وأخواني

فتش أصحابه وجيرانه

خليني فى سجنك وأنساني

فى سجنك جوا زنازين

أرميني وكتف إيديَّ

علشان مستقبل إنساني

وعشان أطفالنا الجايين

والطالع ماشي الوردية

وحياة الشعب السوداني

فى وش المدفع تلقاني

قدام السونكي حتلقاني

وأنا بهتف تحت السكين

والثورة طريقي وأيامي

معدودة. وتحيا الحرية

الحب والثورة

مشتاق ليك كتير والله

وللجيران وللحلة

كمان قطر النضال ولىَّ

وغالي عليَّ أدلىّ

محطة محطة بتذكر عيونك ونحن فى المنفى

بتذكر مناديلك خيوطها الحمرا ما صدفة

بتذكر سؤالك ليَّ متين جرح البلد يشفى

متين تضحك سما الخرطوم حبيبتنا ومتين تصفى

سؤالك كان بيعذبنا ويقربنا ويزيد ما بينا من الفة

ويزيدني حماس

وكم فى قلبي دق نحاس

وطار من عيني باقي نعاس

ونحن اتنين بنتقاسم هموم الناس

أعاهدك يا أعز الناس

أسامحك لو نسيتيني وأهنتيني وبكيتي عليَّ

لو فى يوم رميت سيفي ورفعت ايديَّ

وخنت الثورة جيت والذلة فى عينيَّ

حرام عيونك يناغموني ويرحبو بىَّ

حرام ايديك ينومن تاني فى ايديَّ

بس لكن يا ويلي يا ويلي

أقبل وين وأقول يا منو

لمن أخون صباح العين وأخون جيلي

أعاهدك يا قمر ليلي

وحاة أمنا الخرطوم

أشيل شيلي وأموت واقف على حيلي

وأقول ليك يا أعز الناس

على الوعد القديم جايين

ما بين الثورة والسكين

ثوريين حتى الموت ثوريين

وأقول ليك يا صباح العين

بنادق وين بتمنعنا العديل والزين

قنابل وين بنادق وين

الهمبريب

عما قريب الهمبريب يفتح شبابيك الحبيب

والحال يطيب يا محمد احمد تستجم

البيت يتم تتلم تلم

تفرح فرح تحلم حلم

كم تطمئن

حقك يجيك لا فيهو شك يمكن

ويفوتوا هم والعدل يعم

وتغني أم كادت تجن

كبر الولد جوه السجن فاقداهو هي

دا كلو كلو كلو ينتهى

زولاً تريدو وتستهيه

تلقاهو في .. لا فى السجن لا مختفي

لا يقولوا ليك ما تمشي ليه

زولاً تريدو وتشتهيه

تلقاهو في .. لا فى السجن لا مختفي

دا كلو كلو كلو ينتهى

عما قريب الهمبريب

يفتح شبابيك الحبيب

والحال يطيب يا محمد احمد تستجم
__________________

محجوب شريف


رسالة الى مريم محمود

ياوالدة يا مريم ... يا عامرة حنية
أنا عندي زيك كم ... يا طيبة النية
بشتاق وما بندم ... اتصبري شوية
يا والدة يا مريم
ما ني الوليد العاق ... لا خنتّ لا سراق
والعسكري الفراق ... بين قلبك الساساق
وبيني هو البندم ... والدايرو ما بنتم
يا والدة يا مريم
عارف حنانك ليّ راجيك تلوليني
دايماً تقيليني وفى العين تشيليني
ألقاه عز الليل قلبك يدفيني
ضلك عليَّ مشرور قيلت فى سنيني
أنا لو تعرفيني لو تعرفي الفيني
أنا كم بحبك كم
والعسكري الفراق بين قلبك الساساق
وبيني هو البندم ... والدايرو ما بنتم
يا والدة يا مريم
طول النهار والليل فى عيني شايلك شيل
لكني شادّي الحيل لا خوف عليَّ لا هم
هاك قلبي ليك منديل الدمعة لما تسيل
قشيها يا مريم
والعسكري الفراق بين قلبك الساساق
وبيني هو البندم ... والدايرو ما بنتم
يا والدة يا مريم
ما بركب السرجين وما ني زولاً شين
يا والدة دينك كم دين الوطن كمين
ما شفتي ود الزين الكان وحيد أمه
ماليلا كان العين قالولو ناسك كم
ورينا ناسك وين .. ورينا شان تسلم
العودو خاتي الشق ما قال وحاتك طق
تب ما وقف بين بين لى موتو اتقدم
قال أنا ما بجيب الشين أنا ما بجيب الشين
أنا لو سقوني الدم
والعسكري الفراق بين قلبك الساساق
وبيني هو البندم ... والدايرو ما بنتم
يا والدة يا مريم
كم من حبيباً ليَّ كان مالي بينا دروب
ما ودع الحبان ما وسدوه الطوب
حي قولي ما حي ووب

حي قولي ما حي ووب
ما خلى ساعة الموت يمه السرج مقلوب
اتشتت الرصاص فى جسمو واتقسم
لاقاهو يتبسم والحولو حيله وكان
ريحة صباه تتشم
زي التقول يومداك يوم العرس يادوب
قال أنا ما بجيب الشين أنا لو سقوني الدم
والعسكري الفراق بين قلبك الساساق
وبيني هو البندم ... والدايرو ما بنتم
يا والدة يا مريم
يمه السجن مليان رجالة ما بتنداس
الختو قبلي الساس والشالو هم الناس
والفات وليدن ليهو ما مسكو الكراس
ما سمعو يتكلم ما نحن عود الفاس
فرسان حمى وحراس فى الحارة نتحزم
عشم القدر ما كاس ما لاقى بيت يتلم
عشم الطواه الجوع المتعب المعدم
والعسكري الفراق بين قلبك الساساق
وبيني هو البندم ... والدايرو ما بنتم
يا والدة يا مريم
ما تقولي شن سويت ما تبكي شن سويت
غير البطمن ناس بى همهم ساويت
فارس مع الفرسان حارس بلدنا البيت
أخواني علو السور أنا طوبة ما ختيت
ديل من زمن تاتيت لامن كتبتَّ قريت
عرقنا ياما يدر يمه اللبن والزيت
الكسرة والكراس لى قشة الكبريت
تقولي جيداً جيت راجع مع الفرسان
فايت الحدود واسيت
وتغني يا مريم لينا وتجري النم
والعسكري الفراق بين قلبك الساساق
وبيني هو البندم ... والدايرو ما بنتم
يا والدة يا مريم
_________________

Let us do it

من أجل أعظم مناضل سوداني.

Let us do it

http://www.sudaneseonline.com/ar/article_85.shtml

تمام يا ابو ساندرا الكلام ماداير زياده الهلال موافق المريخ موافق القدال يساند الشرطه لاتمانع مبدئيا عقد الجلاد معنا الهيلااهوب اساسي بروفات مي محجوب شريف بدات بالامس في دار هيلا هيلب منعم رحمه ومامون عجيمي يسجلون المهام حرفا بحرف مجدي النور يعد فبلما تسجيليا عن محجوب احمد دوله يكمل عدا اجراءت فتح حساب جديد بحضور مريم سيعاود محجوب التحفظ لاتحفلو بذلك فهو ليس ملكا لا لنفسه ولا لاسرته محجوب ملك حر للشعب السوداني احدثه عن مرضه فيحدثني عن اطفال الفشل الكلوي لا تتراجعو امام حساسيته المفرطه ارسلو برقيات التضامن والمحبه واجبروه علي قبول الخته من شعب السودان وذكروه ان السوداني الفنجري يقدس اقتسام النبقه هيا نعلم العالم كيف نحب محجوب شريف

تمام يا ابو ساندرا الكلام ماداير زياده الهلال موافق المريخ موافق القدال يساند الشرطه لاتمانع مبدئيا عقد الجلاد معنا الهيلااهوب اساسي بروفات مي محجوب شريف بدات بالامس في دار هيلا هيلب منعم رحمه ومامون عجيمي يسجلون المهام حرفا بحرف مجدي النور يعد فبلما تسجيليا عن محجوب احمد دوله يكمل عدا اجراءت فتح حساب جديد بحضور مريم سيعاود محجوب التحفظ لاتحفلو بذلك فهو ليس ملكا لا لنفسه ولا لاسرته محجوب ملك حر للشعب السوداني احدثه عن مرضه فيحدثني عن اطفال الفشل الكلوي لا تتراجعو امام حساسيته المفرطه ارسلو برقيات التضامن والمحبه واجبروه علي قبول الخته من شعب السودان وذكروه ان السوداني الفنجري يقدس اقتسام النبقه هيا نعلم العالم كيف نحب محجوب شريف

معتصم الطاهر :
{ يا يمه دينك كم ؟
دين الوطن كمين }

معتصم وانت من ذاك القبيل النبيل
شاعر متمكن وجميل
نعرف قدراتك الفذة في التنظيم والتعبئة
فعليك ب بورداب الدوحة انت ومعاوية الطيب
ولتكن ضربة البداية من عندكم

بناتك ما عندك ليهن شىء لا فى البنك و لا فى البيت .. صدقت يا شريف

و نتمنى لك الشفاء

ونحن معكم

فتاح

طارق الأمين :
وصلت إلى مسامعنا أخبار مشجعة عن مبادرتكم
انت ورفاقك في الهيلاهوب
قمتم بعمل رائع
عرفنا تجهيزكم لمسيرة الحب والوفاء
أرجو موافاتنا بالتفاصيل
عاجلآ
وزودنا برقم الحساب

أبو ســاندرا
التحية والمحبة
للشاعر محجوب امنياتنا
ونحن على استعداد للمشاركة من خلال الفرقة المسرحية شتات للمساهمة
وكلنا محبة لشاعر الشعب محجوب شريف ودعمنا كما تتوقعوا

العزيز ابو ساندرا

تلقيت الرسالة

فلنعمل على كل الأصعده والأماكن

الهدف واحد

القومه ليك ياوطنى

التحية لشاعر الشعب

ولنبحث عن الآليه لتوحيد الجهد



أحـبك
أحبك
حب شديد بالحيل
كأني ولد
كبر يادابو
واتنفّس هوا العشرين
وشدّ الحيل
يخربش في الكراريس
ليل

وفي الخاطر بنيه
شديدة اللمعان
يفكر فيها
ويتذكر
مشيها قيبل
قريب من لفّة الشارع
رمت في قلبو حنيّه،
وزي نعسان وما نعسان
وما هين عليهو النوم
يغمّد صاحي يتخيّل
بأنو معاها في طرف البحر قيّل

وبحلم أنو شدّ الحيل
وكف...!
من حارس البستان
وباللهفه الجنونيه
ختف وردة البكت
في حضنو بالفرحه
وغطّت وشّو بالطرحه
ونزل جيها
ما بهدم مكانا السيل،
إذاهدّم
ولا بجيها

بتتوسّد ضراع النهر
صافي القلب والنيّه
نصب في ضفّتو الخيمه
اللّي شدّت وردة أوتادا
وربت فيها أولادا..
وأمانيها...

ويصحى على الشمس
شرّت على كتف المدن شالا
ونعست في ضواحيهن
فوانيس المزارعيه

وبحزن..

لما لا ورده بتهبّب
جنبو شاييها
ولا الخيمه القميريه
بترك فيها
ولا النهر اب صديريه
ولا الجيها.

الاستاذ ماعندو حساب اصلا الاستاذه اميره ترفض اعطاء رقم حسابها اقنعت مريم بضرورة فتح حساب لاهميته في اجراءت السفر دون ان افصح لها بكل نواياكم لاتتراجعو سازودكم برقم الحساب الجديد صباح الغد وسنملؤه معا بالحب والبنكنوت رضي محجوب ام لم يرضي هيا يا اصدقاءمحجوب ملك الجميع

مشتاق ليك كتير والله

وللجيران وللحلة

كمان قطر النضال ولىَّ

وغالي عليَّ أدلىّ

محطة محطة بتذكر عيونك ونحن فى المنفى

بتذكر مناديلك خيوطها الحمرا ما صدفة

بتذكر سؤالك ليَّ متين جرح البلد يشفى

متين تضحك سما الخرطوم حبيبتنا ومتين تصفى

سؤالك كان بيعذبنا ويقربنا ويزيد ما بينا من الفة

ويزيدني حماس

وكم فى قلبي دق نحاس

وطار من عيني باقي نعاس

ونحن اتنين بنتقاسم هموم الناس

أعاهدك يا أعز الناس

أسامحك لو نسيتيني وأهنتيني وبكيتي عليَّ

لو فى يوم رميت سيفي ورفعت ايديَّ

وخنت الثورة جيت والذلة فى عينيَّ

حرام عيونك يناغموني ويرحبو بىَّ

حرام ايديك ينومن تاني فى ايديَّ

بس لكن يا ويلي يا ويلي

أقبل وين وأقول يا منو

لمن أخون صباح العين وأخون جيلي

أعاهدك يا قمر ليلي

وحاة أمنا الخرطوم

أشيل شيلي وأموت واقف على حيلي

وأقول ليك يا أعز الناس

على الوعد القديم جايين

ما بين الثورة والسكين

ثوريين حتى الموت ثوريين

وأقول ليك يا صباح العين

بنادق وين بتمنعنا العديل والزين

قنابل وين بنادق وين

مازلت بتذكر



أنا عارفه اسمك مين

أنا عارفه شفتك وين

!ما زلت بتذكر

!ما زلت بتذكر

الزمان يا شباب:

أكتوبر الأخضر

المكان:

شارع

غضبان بيتفجر

وكنا خمسه بنات..

عاملات هلال أحمر

نزحف مع الثوار..

ونضمد الجرحى

ضمّدت جرحك ليك..

وربطتو بالطرحه

وقبل انت تفيق.. من قبل ما تصحى

لقيتو اسمك فوق

مكتوب على الدفتر

وعرفتَ اسمك مين

وعرفت إنّك مين

وعرفت إنّك شاب..

بتحب بلادك موت

!مازلت بتذكر

ما زلت بتذكر
محــــــبة البينا ولا صداقـــــــــــــــة ؟



محبّه البينا..

ولاّ صداقه؟

ولاّ بداية فرقه طويله؟

أهو بنتقابل نمشى ونضحك

وياما نعدّى أماسى جميله

وكم بتساءل..

وكم بتفاءل

ومرّه أكون غلبان الحيله

واسارع أسارع

أطوى الشارع

وبرضو

خطايا بشوفا تقيله

واساهر..

أطرّز باسمك غنيه

وأنوم والشمسِ

مسح منديلا

جبين الدنيا ولفّ جديله

وأقول أكتبلك..

أنا من قبلك

يمكن تبقى الخطوة عديله

وأقول أصبّر

يمكن نكبر

أكبر من تغلبنا وسيله

وتانى الشوق يشعلنى فتيلة

وافتش عنك..

واهرب منك

وسيرتك دايماً بمشى واجيلا

*

محبة البينا ولاّ صداقه

ولاّ بداية فرقة طويله
مساجينك

مساجينك

مساجينك

تغرد في زنازينك

عصافيراً مجرّحه بى سكاكينك

*

نغنى..

ونحن فى أسرك

وترجف..

وانت فى قصرك

!سماواتك دخاخينك

مساجينك

مساجينك

مساجينك

*

برغمك نحن مازلنا

بنكبر بى زلازلنا

بنعشق فى سلاسلنا

وبنسخر..

!من زنازينك

مساجينك

مساجينك

مساجينك

*

حكايات الهوى الأول..

بنحكيها

بدايات الغُنا الطول.. نغنيها

حقيقه وليس تتأول

!حتخجل من عناوينك

مساجينك

مساجينك

مساجينك

*

للسودان عواطفنا

وبالسودان مواقفنا

ولّما تهب عواصفنا

ما حيله قوانيك؟

مساجينك

مساجينك

مساجينك

أكتوبر هدير الحق

وفارس ليل يشق يا ليل دروبك شق

ودقت دق

طبول العزة دقت دق

يا قرشي الصبي الريان

جبينك لاح يقطر دم

وكتفك لافتة فوق شارعنا ما بتنجم

نشيلا أيادي ما بترتاح

نشيلا مبادئ ما بتهزم

وما بنسكت على السفاح يا قرشي

عبدالخالق العامر يحب الناس

قدامنا انفتح كراس بخط ايديك وضو عينيك

سطورو الغالية تتبسم

ويابا الشفيع الساس

ضلالة هجير الصيف

ويا تار البلد جوزيف

ويا يوليو القلم والسيف

وضابط حر شديد البأس

مشينا ونمشي نتحزم

بمجد الشعب والنبراس

يا أكتوبر الجايات تسنك سن

يا أكتوبر الجايات بشائر جن

على السفاح بيتقسن

على المستقبل الأحسن

طلائع الجبهة تتقدم

ويوم الدم يلاقي الدم

ويوم تشفع يا موردنا والمنبع

وتغلي مداخن المصنع

ويسكت جنبها المدفع

ونحو القصر حتى النصر

وليل القصر يتعتم

وتتقدم طلائع الجبهة تتقدم

لكم كل الحب
ولنا عوده

معلم الأصاله والجساره محجوب شريف

Quote: ما بركب السرجين وما ني زولاً شين يا والدة دينك كم دين الوطن كمين ما شفتي ود الزين الكان وحيد أمه ماليلا كان العين قالولو ناسك كم ورينا ناسك وين .. ورينا شان تسلم العودو خاتي الشق ما قال وحاتك طق تب ما وقف بين بين لى موتو اتقدم قال أنا ما بجيب الشين أنا ما بجيب الشين أنا لو سقوني الدم والعسكري الفراق بين قلبك الساساق وبيني هو البندم ... والدايرو ما بنتم

هذه ألأبيات تحكى ماهيه المواطن السودانى...
لكل الأجيال ...لكل العصور....
ترن هذه الأبيات فى ذهنى كلما إعترانى الوهن والتناسى للوطن...
فأنهض مذهولا من لدغه الوطنيه والمبدئيه بتلك الأبيات

سنفعل ما نستطيع و ما لا نستطيع .....
الاخ ابو ساندرا .... لو ممكن تلخص لينا ما مرض المناضل شريف لكي نتمكن للتنسيق ....هل هو مرض رئوي م مرض قلب ? مهم لو امكن ....
اعني التشخيص الاولي لحالته ف السودان .... فليكن ذلك في ماسنجري و ليس في البورد....
كان يمكن هذا لابو ساندرا في الماسنجر ولكني اقوله هنا كي يعرف الجميع ان للمريض خصوصيات لا يمكن ان نتحدث عنها الا باذن منه...
شقيت ايها الانسان ...
سوف نقوم بالواجب...و اكثر .. حتي يعفي الوطن الذي علمتنا جلاله...
و نحميك ...... لانك وهبت حياتك لحمايتنا..... و نحبك لانك علمتنا كيف نحب بنل ....

بدا الاستاذ هاشم الخير وبدرالدين عبدالتام

من ولاية ايوا بامريكا قبل فترة طويلة مشروع

حق التذاكر

لدعم مشروع علاج الاستاذ الشاعر محجوب شريف

اعزرنى ياسعادتو هاشم الخير .. اعرف حجم ملاواتك مع محجوب ليقبل حتى مجرد تدوال الموضوع

فلنفتح كل النوافذ الامر امر وفاء ودين

وحب عظيم للشاعر الانسان محجوب شريف

وعندما يصبح الوفاء بيد الشعب كلة وتعبيرة عن مشاعرة تجاة

ولدة

كما قال ابوساندرا وبكرى

تتراجع كل الاعتبارات الاخرى

مما جميعة

اذن انتم ونحن وكلنا نتولى الامر

وياناس امريكا

اقتراحات

فليبادر واحد من كل ولاية للتنسيق فى الحملة القومية لعلاج شاعر الشعب الاستاذ محجوب شريف

ولنجعل من هذا البوست مكان للتلاقى والمشاورة , واعلان المساهمات اى كان نوعها,ولنجعل من سودانيز اون

المشرف على الحملة ماليا,واعلاميا

كان وافقتوا

نحن علينا

الساحل الشرقى

الاخ / ابوساندرا
لكى الشكر فى سبق الافتتاح
و للاستاذ/ بكرى ابوبكر خالص الوفاء و الشكر العظيم
محجوب شريف يعنى الامل و مقياس النيل داخل ضمير الشعب السودانى

ألأخ أبو ساندرا
ألأخ بكرى أبو بكر

فلنتحرك فى إتجاه عملى ...ولنبدأ بأمريكا ...ونفتح باب سداد دين الشرفاء والمبدعين كمحجوب شريف...
والله لا أرى أن المقام مقام رثاء لحاله.....بل هو رد للجميل..
فهلا بدانأ!!!!

أخوكم أسامه خلف

معكم لاخر شوط،
محجوب شريف الزاهد الدرويش، ماانقاك!

Quote: كي يعرف الجميع ان للمريض خصوصيات لا يمكن ان نتحدث عنها الا باذن منه...

تشكر على هذه الاشارة الهامة يا دكتور..

في إنتظار الخطوات العمليه ... رقم الحساب أولا

ساعات قلائل وسيكون علي البورد رقم الحساب اعيد اقتراحي بأن تكون المساهمات علي الهواء مباشرة وبالأسماء الصريحه أو المستعاره حسب رغبة كل شخص وان تنشر هنا تفاصيل المساهمات لحظه بلحظه حتي نطمئن ونفرح في كل لحظه ولكي نقدم نموذجا لشفافيه ظلت حلما لشاعرنا عبر السنين مجرد اقتراح

حبيبنا محجوب شريف,,

اميرة الجزولي..

مريم..

مي..

سلامتكم,,

وراك جيوش من العشاق والحبايب والاصدقاء..

رصيدك بلد بحاله,,خطوتك عديلة,,وانت في عيونا,,

let us do it

ذي ماقال اخونا كوستاوي,,

وفي بر السلامة,,

مريم...

معا من اجل
شاعر الشعب محجوب شريف
ليواصل مسيرة النضال والابداع

شكرا للجميع
و اقترح للجميع و صاحب البوست خطوة عملية لناس امريكيا و كندا ارشح الزميل و الشقيق اسامة خلف الله ليكون مركزا لتجميع تبرعات ناس امريكيا و كندا فالاخ اسامة خلف الله غنى عن التعريف و مهتم بقضايا الوطن وخيرا من يقوم بهذه المهمة النبيلة نيابة عنا

لنبدأ فورا تكوين اللجان في كل بلاد الشتات. فلمحجوب شريف دين في عنق كل سوداني شريف.
أرجو أن يتولى الأخ بكري أبو بكر عملية تنظيم فتح حساب موحد تذهب إليه كل التبرعات مباشرة. ,انا من بكرة في النادي السوداني بمسقط.

Quote: ولكي نقدم نموذجا لشفافيه ظلت حلما لشاعرنا عبر السنين

نؤمن جميعا بإخلاص وخلاص نوايا الجميع

لكن التنسيق أهم من خلاص النيه

بما إنو حيصل لينا رقم الحساب عن طريق طارق الأمين, فالنجعله مسؤولا, (مسؤولا عن الخيرأقصد) بالرغم من علمنا بمشغوليات الحياه اليوميه, لكن هو عمل الخير, وخير في رمز شعبي, نشيلو زي ما شالناوأكتر, ووعد الحر دين عليه

الأخ طارق الأمين
ما فهمتك تقصد شنو بأن تكون المساهمات علي الهواء مباشرة

تحياتي للجميع اقصد ان يتم الاعلان عن المساهمه لحظه استلامها في الحساب مباشرة مثلا وصل الي الحساب اليوم مبلغ كذا محولا من الشخص كذا وفي التاريخ كذا وبهذا تكون جملة المساهمات اليوم كذا هذا ما اعنيه والهدف متابعه جماعيه للموقف لحظه بلحظه

Mahjoub Shareef have been faithful to his nation and it is the moment
that he needs his people to be there for him...we all love him as he is
...SIMPLE,HONEST and BRAVE

Quote: ياوالدة يا مريم ... يا عامرة حنية أنا عندي زيك كم ... يا طيبة النية بشتاق وما بندم ... اتصبري شوية يا والدة يا مريم ما ني الوليد العاق ... لا خنتّ لا سراق والعسكري الفراق ... بين قلبك الساساق وبيني هو البندم ... والدايرو ما بنتم يا والدة يا مريم عارف حنانك ليّ راجيك تلوليني دايماً تقيليني وفى العين تشيليني ألقاه عز الليل قلبك يدفيني ضلك عليَّ مشرور قيلت فى سنيني أنا لو تعرفيني لو تعرفي الفيني أنا كم بحبك كم والعسكري الفراق بين قلبك الساساق وبيني هو البندم ... والدايرو ما بنتم يا والدة يا مريم

الأخ طارق

اتفق معك على المتابعه الجماعيه للموقف


لكن أتحفظ بخصوص إدراج إسم المشارك ومشاركته

على العموم, ما يهمنا الآن هو البدايه العمليه, وفي النهايه هو الوطن ما وراء القصد

يمكن لمن يرغب اخفاء اسمه كأن يقول ود الامارات مثلا القصد تسهيل المتابعه للجميع ليس الا

كده واضح والعتب على الفهم


يلا خلينا نبدأ

يا شعبنا يا والداً أحبنا
يا من منحت قلبنا ثباتك الأصيل .


محجوب رئة الوطن والوطن رئة محجوب ...
فلنفعل كل مستحيل

أرشح الاستاذ الفاضل الهاشمي ليتولى تبرعات أونتاريو - كندا
مبدئياً توجد مائة دولار أمريكي .. كبداية .

الاعزاء جميعا

لكم التحية

حقو البوست دا يكون للدعم والمساهمات المباشرة فى تكاليف العلاج , ونخلى بوست الاخ مزاحم لرابطة

الاصدقاء

حسب تصورى

ابوساندرا, وبكرى, وتماضر ,طارق الامين

مشرفين على الحملة القومية لعلاج الشاعر محجوب شريف من طق طق وحتى السلام عليكم ... لاتخمد لحظة ولا

تتوقف

افضل طريقة حسب التجارب السابقة منسق واحد فى كل منطقة بغض النظر عن عدد المناطق فى الدولة الواحدة

يجمع المساهمات وترسل لحساب واحد ومن الافضل يكون حساب فى الخرطوم باسم مريم واخر فى لندن...ينشر

المشرفين اسماء المساهمين حسب رغباتهم.



وعلى كدا نشوف منو من كل منطقة ونبدا فى أمان الله



تحياتى

Quote: سوف نقوم بالواجب...و اكثر .. حتي يعفي الوطن الذي علمتنا جلاله... و نحميك ...... لانك وهبت حياتك لحمايتنا..... و نحبك لانك علمتنا كيف نحب بنبل .... Arbab

سوف نقوم بالواجب...و اكثر .. حتي يعفي الوطن الذي علمتنا جلاله...

و نحميك ...... لانك وهبت حياتك لحمايتنا..... و نحبك لانك علمتنا كيف نحب بنبل ....

القوا بالشاعر فى الجنة فقال: اريد وطنى
محجوب شريف شاعر الشعب .. ولسان حال الكادحين واغنية المتعبين.. كلنا نعاين كمداين محجوب.. للحلم الذى غنى له محجوب.. محجوب الذى علمنا كيف نجلس فى حضرة جلال الوطن فى خشوع.. كيف لا نجزع وكيف لا نخاف عليك يا هتافنا الجميل.. نحن معك يا محجوب فلا شعب بدون شاعر يرسم أماله وطموحاته.. يا ابوساندرا هذه ضريبة الوطن نقدمها لشاعر امتعنا وابهجنا واحيا فينا الموات وبعث فينا معنى ان نعيش وننتصر.. ويا هجام لنعمل سويا من اجل اغلى انسان يملكه الشعب... محجوب شريف..

نورى جليلة (نورالدين منان)

يستحق أبناء وبنات الوطن أن يستوفوا
بعض الدين على الأعناق .
يا رجلاً من محبة أقوى من الجسد .
شكراً لك أبو ساندرا النداء

لك الله ايها الرجل بحجم ولون وعبق الوطن ...
اسالله الله لك ان يشفيك شفاء لا يقادر سقما وان يبلغك تمام الصحة وكامل العافية ... انا معكم لنرد بعض من دين جمــــــــــــــــــــيل

عشه كلمينا ميري ذكرينا



عَشّه .. كلّمينا

ميرى.. ذكّرينا

كل سنكى أحسن

يبقى ..مسطرينا

*

نحن شعب أسطى

يلا ..جيبو مونا

نبنى ..نبنى نبنى

مسرحاً..ونــــادى

مصنعــاً ..وبوسته

حرب لا لا لا لا

كبرى..استبــاليه

صالــه للثقــافــه

تســرح الغزاله

جنبها ...الزرافه

ركَ قمرى طار

قيره قيره قيره

نطَط الصغار

صفّق الترولى

طمّن ..القطار

حلقت ..وحلقت

حمامة المطار

كلّ طلقه..بينا

نحن تبقى وفر

سمسماً ..وبفره

سكراً وشاى

تترا سايكلين..

جاى وجاى وجاى

مافى حاجه ساى

كلّو عندو دِين

كلّو عندو راى

بور..وبورسودان

بارا.. والجنينه

عبرى ..ولاّ واو

حاجه مش كويسه

كلّ زول براو

هى سودانا بكره

من سودانا ناو

تكتب انت تقرا

تعرف السياسه

فى محل حراسه

حجرة الدراسه

تمشى انت تلقى

فى الضلمه..لمبه

ألف ضحكه حلوه

تسندك بجنبه

بى تمن طبنجه

أحسن الكمنجه

أحلى شتل منقه

أحسن الحليب

إيد .. وإيد وإيد

نزرع الجديد

غابة النشيد

إيد..وإيد وإيد

مافى بينا سيد

إيد..وإيد وإيد

نلحق البعيد

نحنه مش مرقنا

حته واحده جينا

جينا لى السرقنا

حقّنا..وعصينا

دمّنا..وعرقنا

ولّعوا الرتينا

*

عَشّه..كلّمينا

ميرى ..ذكّرينا

كلّ سنكى أحسن

يبقى ..مسطرينا

Quote: بس قول لينا المطلوب و نحن علينا الباقى

نسأل االله له عاجل الشفاء

نسأل الله له عاجل الشفاء :



وطنا..

الباسمك كتبنا ورطنا

أحبك

مكانك صميم الفؤاد

وباسمك اغنى..

وتغنى السواقى

خيوط الطواقى

سلام التلاقى

ودموع الفراق

واحبك ملاذ

وناسك عزاز

أحبك حقيقه..

وأحبك مجاز

وأحبك بتضحك

وأحبك عبوس

بعزة جبالك ترك الشموس

وما بين ظلالك

افتش وأكوس

أفتش طفولتى وملامح صباى

بناتك عيونن صفاهن سماى

وهيبة رجالك بتسند قفاى

صحى بتملا عينى..

وتشّرف غناى

بحضرة جلالك..

يطيب الجلوس

مهذب أمامك يكون الكلام

لأنك..

محنك

عميق الدروس

مجيد المهابه ومديد القوام

شبابك..

تشابك

شديد الزحام

أراهم..

وراهم

غبار الحياه

مداين..

تعاين

كأمّ العروس

تهلل..

تكلل

جبين الإمام

رزازاً يبلل أغانى الخليل

أصدق كلامك حقيقه وبخاف

أخاف الطريق..

اللى ما بودى ليك

وأعاف الصديق

اللى ما بهم بيك

معاك انتظارى..

ولو بالكفاف

وعنك بعيداً

أبيت الرحيل

وبيك اعتزاز الصباح الجميل

جميع الأغانى اتكالن عليك

جميع الأغانى اتكالن عليك

يا شعباً تسامى



يا شعباً تسامى..

يا هذا الهمام

تفجّ الدنيا ياما

تطلع من زحامها

زى بدر التمام

تدّى النخله طولها

والغابات طبولها

والأيام فصولها

والبذره الغمام

*

قدرك عالى قدرك

يا سامى المقام

يا ملهم

رماحك سننّاها الصدام

أم در والطوابى..

فى صدرك وسام

ملامح..كم تسامح

تغضب لا تلام

*

همّه وعبقريّه

ذمّه وفنجريهّ

ضد العنصريه

تحلم بالسلام

*

فداك وفى حواك..

يامدد الكلام

عَفُوك انت ورضاكا

بِرّنا ليك تام

وبحلم فى هواكا..

بى حسن الختام

دَينك كم علينا

منك والدينا

من يوم السمايه

ومن قبل الفطام

منّّك كل حتّه..

وفى الخاطر صبابه

جنبك نبته نبته

نكبر نحنّ يابا

نسألك انت

وانتَ

ورينا الإجابه

علّمنا الرمايه

والحُجى والقرايه

والمشى بى مهابه

فى الضحىوالظلام






يا شعباً لهبك ثوريتك



يا شعباً لهبك ثوريتك

تلقى مرادك والفى نيتك

وعمق احساسك بى حريتك

يبقى ملامح فى ذريتك

*

على اجنحة الفجر ترفرف

فوق أعلامك

ومن بينات اكمامك

تطلع شمس أعراسك

*

ماكَ هوين سهل قيادك

سّد نفسك..

مين أسيادك؟

ديل أولادك

وديل أمجادك

ونيلك

هيلك

جري قدامك

تحت اقدامك

رجع صداك وسجع نحاسك

وانت نسيج الفدا...

هندامك

وانت نشيد الصبح كلامك

وعطر أنفاسك

*

أرفع صوتك..

هيبه وجبره

خلى نشيدك علي النبره

خلى جراح أولادك

تبرا

كبروا...

مكان الضحكه العبره

إلاّ يقينهم فيك اتماسك

يا الإصرارك..

سطراً سطراً

مَلا كراسك




حنبنيــهو



حنبنيهو..

البنحلم بيهو يوماتى

وطن شامخ

وطن عاتى

وطن خيّر ديمقراطى

*

وطن مالك زمام أمرو

ومتوهج لهب جمرو

وطن غالى

نجومو تلالى فى العالى

إراده

سياده

حريّه

مكان الفرد تتقدم..

قيادتنا الجماعيّه

مكان السجنِ مستشفى

مكان المنفى كليّه

مكان الأسري..

ورديّه

مكان الحسره أغنيّه

مكان الطلقه

عصفوره

تحلق حول نافوره

تمازج شُفّع الروضه

حنبنيهو

البنحلم بيهو يوماتى

*

وطن للسلم أجنحتو

ضدّ الحرب أسلحتو

عدد مافوق ما تحتو

مدد للأرض محتله

سند للإيدو ملويّه

حنبنيهو..

البنحلم بيهو يوماتى

وطن حدّادى مدّادى

ما بنبنيهو فرّادى

ولا بالضجه فى الرادى

ولا الخطب الحماسيّه

وطن بالفيهو نتساوى

نحلم..

نقرا

نتداوى

مساكن

كهربا ومويه..

تحتنا الظلمه تتهاوى

نختّ الفجرِ طاقيّه

وتطلع شمس مقهوره

بخط الشعب ممهوره

تخلي الدنيا مبهوره

إراده

وحده شعبيّه

وطنا..

الباسمك كتبنا ورطنا

أحبك

مكانك صميم الفؤاد

وباسمك اغنى..

وتغنى السواقى

خيوط الطواقى

سلام التلاقى

ودموع الفراق

واحبك ملاذ

وناسك عزاز

أحبك حقيقه..

وأحبك مجاز

وأحبك بتضحك

وأحبك عبوس

بعزة جبالك ترك الشموس

وما بين ظلالك

افتش وأكوس

أفتش طفولتى وملامح صباى

بناتك عيونن صفاهن سماى

وهيبة رجالك بتسند قفاى

صحى بتملا عينى..

وتشّرف غناى

بحضرة جلالك..

يطيب الجلوس

مهذب أمامك يكون الكلام

لأنك..

محنك

عميق الدروس

مجيد المهابه ومديد القوام

شبابك..

تشابك

شديد الزحام

أراهم..

وراهم

غبار الحياه

مداين..

تعاين

كأمّ العروس

تهلل..

تكلل

جبين الإمام

رزازاً يبلل أغانى الخليل

أصدق كلامك حقيقه وبخاف

أخاف الطريق..

اللى ما بودى ليك

وأعاف الصديق

اللى ما بهم بيك

معاك انتظارى..

ولو بالكفاف

وعنك بعيداً

أبيت الرحيل

وبيك اعتزاز الصباح الجميل

جميع الأغانى اتكالن عليك

جميع الأغانى اتكالن عليك

سلامات يا ابوساندرا
سلامات عوافي

ونتمنى ليك حبيبنا محجوب

عمّا قريب..

الهمبريب

يفتح شبابيك الحبيب

والحال يطيب

يا محجوب تستجم

ودا كلو كلو ينتهى

قلـــــــــــــوبنا

وأرواحــــــــــــنا

فداكــــــــــــــــ

وغويشـــــــــــاية

يوم الحاجـــــــــــــــة

أيها الصوت الطليـــق ..

عُد اليـــــــــــنا مُعافى

Dear friends
let us take an action
Iam in Melbourne city
Autralia
I started already to do something
let us know how much we need to fix up the problem
and to which account we have to send the money
that is Mahgoub shareef
we have to pay bak for him
I hope he will be alright

فوق من اجل صوت الشعب النابض
معاكم بكل الطرق من اجل ابو مريم
ومنصف الغلابة

الشاعر الانسان الجميل
محجوب شريف
يستحق كل دعم وكل لحظة وقوف بجانبه
فما قدمه لنا كثير
ومعا من اجله ولاجله

ايها الوطن
مكمن الانسان
محجوب شريف

امنياتنا بعاجل الشفاء

واضع تحت تصرفكم معرض مكون من عشرون عملا نصف دخله لعلاج الاستاذ
الجليل


الامنيات بالشفاء

معكم قلبا وقالبا لأجل الشاعر الإنسان

عظمة شعبنا أراها هنا
الشعب بكل سحنه والوانه يحب ويحترم محجوب
لأن محجوب أحبه وإحترمه

هل رأيتم حماس الأخ كمال محمد ؟

عفارم عليكم

و


أثني إقتراح عمر إدريس محمد مع تعديل طفيف بإضافته للجنة القومية
ونأمل أن تسمي الجهات والمناطق منسقيها للحملة

دقت ساعة العمل
فهيا

عبدالرحمن ،

شكراً لك أيها الهمام ، وهذا ما عودتنا عليه دائماً ، سلمت وسلم محجوب شريف ..

هذا هو يومنا ، وهذه هي اللحظة التي نرد فيها بعض جميل هذا الجميل محجوب .. ونحن رهن الإشارة وتحت الأمر لأي شئ وكل شئ .


صلاح عبدالله

معكم قلبا وقلبا

وعلى استعداد للدعم الآن قبل غدا وفى هذه الساعه قبل الساعه القادمه

محجوب شريف يمثل لنا الوطن الجميل الوطن الذى نصبو اليه
الهمنا بأشعاره وكلماته
لم يكن يتكلم فقط بل اتبع القول بالعمل
فهو وفى وصادق
كريم مقدام
متسامح خلوق
احب الجميع فأحبه الجميع

لنستنهض اجمل ما فى القيم السودانيه , قيم النفير
لنحيطه بالحب والدفء السودانى
فهو الذى اعاد الينا قيمة النفاج الذى منه يتفقد الجار جاره

هيا الى العمل

Quote: هيا نعلم العالم كيف نحب محجوب شريف

محجوب شريف هو نيلنا الشاعر .. ملك لنا جميعاَ .. و التضامن معه شرف و مسئولية .. أتمنى أن يتفق الإخوة هنا في المملكة على تحديد آلية معينة تمنحنا شرف التضامن مع هذا الرجل السامق الشريف ..


من القلب أدعو لشاعرنا الكبير بعاجل الشفاء من كل سقم و أسأل الله تعالى أن ينعم عليه بموفور الصحة و كامل العافية ..
و لكل محبيه أهدي رائعته ..

الغويشاية ..


هذه سيرة ذاتية لها

تلك الغويشايه

هجين الدبله والخاتم

سلالة كم وكم حاجه

متل الستره وهاجه

بختم الدوله لا حوله

باوراقا الثبوتيه

صبحت في خبر كان

اللي كانت ليها محتاجه

المسيكينه

ما تسألني كم تمن الغويشايه

بل جاوبني كم تمن الطمأنينة؟



***

دخري الحوبه للقمريه

حبة عيش وقشايه

غويشايه

تدسدس فيها وتخبي

يعلم الله بتربي

علي كل المهن طافت

من عين الفقر خافت

بس عين الصقر شافت

صقر لابس لبس حربي

وختم الدوله لا حوله

باوراقا الثبوتيه

في هنداما متخبي

صبحت في خبر كان

اللي كانت بيها فرحانه

المسيكينه



***

غويشة مي ومريومه

تماما زي حمامايه

لم تعرف لها زوجا

ولم تعرف لها تومه

وحيده وجوه عشايه



***

بتاتا لم تساسق

في الطريق العام

ولا في الحله قوقايه

وتب ما للتباهي

ولا لزوم القدله والزينه

هي المختوته لي يوما

المدسوسه للحفله

المحروسه من غفله الموروثه في الخاطر

المخصوصه للممكن

يكون باكر

مسام البيت

وتسكن في ضرا النومه

وكم تتعثر القومه

كتيرا ما

كتيرا ما

كتيرا ما

ككل الناس

تتم الناقصه بالمويه

وتبقي الستره عشايه



***

غويشة السترة والحوبه

ومن تعب التي ظلت

ترتق للصبر توبا

تفتق وردة السترة

التبتق في بنياتا

وتعتق ذكري حبوبه

غويشايه

وفر من سكرا وشايا

وفر من كسرتا وزيتا

وكم من باقي ماهيه

يشيلا السوق كما هي

بلا سكة رفاهيه

ولا حتة قماشايه

تساسق مكتبا وبيتا

كما كل الافنديه

حبيبة فول وعيشايا

تساهر ابرتا وخيطا

مكنتا مِن زمن ياما

تحت الداما دواره

وكل زراره نواره

تفرهد في قماشايا

تخليهو القديم لنجي

يبقي المافي من مافي

ويبقي البلدي افرنجي

تقول للذله حاشايا



***

فاما العبد لللاهي

فزوجاً ليس باللاهي

قلبي الجمره واطيها

وماني محلقا ساهي

ولا متملقا احدا

ولا متعلقا ابدا

باموال و لاجاه

طول العمر ماهيه

بقت حزمة معاشايه

اخيرا اصبحت ورقة

وما بتسد فرد فرقه

المنديل تمن طرقه

والصقر ان وقع

كترالبتابت عيب

ضرا و درقه

لذلك يا رضى نفسي

حزمت الامر من اول

ما بالخوف بنتحول

ولا بنجوع بنتسول

اكيد عمر الكلام اطول

قصير العمر لو طول

احب الكلمة لو حره

احب الستره لو مره

اعاف الشينه لو دره

احب العفه بت امي

حليب الستره في فمي

دبيب النمله في دمي

وكت تلقالا عيشايا

تجر جريا واباريها

وما بتضل طريق الصف

للمخزن

ولم تأذن لنفسها

تنفرد بيها

ولن تأذن

ولم تحزن على ذلك

ولم تحزن



***

وبعض البعض قد ذهبوا

الي من عنده ذهب

وبعض البعض قد مالوا

الي من عنده مال



ولكن من ستر حالو

يمين الله قد نهبوا

ألا ما اشرف النمله

ألاما اشرف النمله

وتبا للضمير

لمن يصير خمله

فيا لصا حكوميا

بختم الدوله لاحوله

باوراقا الثبوتيه

بكل ملابس الحمله

عمل عمله

عمل عمله

عمل عمله

عفيتك لو بقت سكر

وشاهي وزيت

عفيتك لو كسيت امك

صرفت روشتة الوالد

وراحت في إيجار البيت

واقول ياريت

اذا فرحتهم بالحق

اقول يا ريت

عفيتك.. لو....

ولكنك

دا ما منك

دا ما منك

دا من حال البلد ذاتا

حراباتا وحزازاتا

ناس السلطة ناساتا

ناساً فوق و ناس

تحت الارض اقرب لامواتا

ضاقت ولما استحكمت حلقاتها

ضاقت ولما استحكمت حلقاتها

ياللاسف...

كم من ولد فاتا

سهولا، جبالا، غاباتا

ونيلاً جاري

في حزة مفازاتا

هديك لجة موانيها

وفوق رحمة سماواتا

ضاقت ولما استحكمت حلقاتها

كم من ولد فاتا؟؟

محجوب شريف مثل الشمس والهواء والنيل ..
حق متاح للجميع .....
لذا دعواتنا حارة لشاعر الشعب بالصحة والعافية ..
وعلى استعداد للمشاركة في اي دعم ...
فقط ورونا الطريقة ...

محــــــبة البينا ولا صداقـــــــــــــــة !

محجوب شريف


محبّه البينا..

ولاّ صداقه؟

ولاّ بداية فرقه طويله؟

أهو بنتقابل نمشى ونضحك

وياما نعدّى أماسى جميله

وكم بتساءل..

وكم بتفاءل

ومرّه أكون غلبان الحيله

واسارع أسارع

أطوى الشارع

وبرضو

خطايا بشوفا تقيله

واساهر..

أطرّز باسمك غنيه

وأنوم والشمسِ

مسح منديلا

جبين الدنيا ولفّ جديله

وأقول أكتبلك..

أنا من قبلك

يمكن تبقى الخطوة عديله

وأقول أصبّر

يمكن نكبر

أكبر من تغلبنا وسيله

وتانى الشوق يشعلنى فتيلة

وافتش عنك..

واهرب منك

وسيرتك دايماً بمشى واجيلا


محبة البينا ولاّ صداقه

ولاّ بداية فرقة طويله

مـــــــع الســـــــــلا مة
محجوب شريف

كنت عايزك للطويله..

وللأمانى المستحيله

وكنت محتاجلك معاى

والليله بهرب من وسايدى

من نجيمات المسا..

العنّك بتسال

ومن قصايدى

الليله بهرب من ملامحك

حتى من فكرة اسامحك

من الدروب الجينا بيها

وأىّ حتّه مشينا ليها

ومن حنينى الكان بيحلم

لو أماسيكِ

واصابحك..

قلبى كم حّباك ياما..

خَلّى يرحل بالسلامه

مع السلامه

مع السلامه

مع السلامه

يمة شفتك فى المنام

وانتِ بين سربين حمام

نازله سكّه وادى أخضر

شايله سلّة ورد أحمر

وحزمتين أحلى الكلام

يتبعوك طفلين حلاوه

طاروا عصفورين علىَّ

ركّوا فى اسود عينىّ

ورحت في غمرة ندواه

كنتَ مُجْهد

قلبي فَرْهد

ورشّ أيامى الغمام

صحيت وقفت

مشيت أعاين

القى بينى وبين عيونك

كم ضواحى

وكم مداين

وانطوت كل الجناين

فى غيابك

وفى الظلام

عَشّه كلّمينا ميرى ذكرينا

عشة كلمينا ميري ذكرينا

عَشّه .. كلّمينا

ميرى.. ذكّرينا

كل سنكى أحسن

يبقى ..مسطرينا

*

نحن شعب أسطى

يلا ..جيبو مونا

نبنى ..نبنى نبنى

مسرحاً..ونــــادى

مصنعــاً ..وبوسته

حرب لا لا لا لا

كبرى..استبــاليه

صالــه للثقــافــه

تســرح الغزاله

جنبها ...الزرافه

ركَ قمرى طار

قيره قيره قيره

نطَط الصغار

صفّق الترولى

طمّن ..القطار

حلقت ..وحلقت

حمامة المطار

كلّ طلقه..بينا

نحن تبقى وفر

سمسماً ..وبفره

سكراً وشاى

تترا سايكلين..

جاى وجاى وجاى

مافى حاجه ساى

كلّو عندو دِين

كلّو عندو راى

بور..وبورسودان

بارا.. والجنينه

عبرى ..ولاّ واو

حاجه مش كويسه

كلّ زول براو

هى سودانا بكره

من سودانا ناو

تكتب انت تقرا

تعرف السياسه

فى محل حراسه

حجرة الدراسه

تمشى انت تلقى

فى الضلمه..لمبه

ألف ضحكه حلوه

تسندك بجنبه

بى تمن طبنجه

أحسن الكمنجه

أحلى شتل منقه

أحسن الحليب

إيد .. وإيد وإيد

نزرع الجديد

غابة النشيد

إيد..وإيد وإيد

مافى بينا سيد

إيد..وإيد وإيد

نلحق البعيد

نحنه مش مرقنا

حته واحده جينا

جينا لى السرقنا

حقّنا..وعصينا

دمّنا..وعرقنا

ولّعوا الرتينا

*

عَشّه..كلّمينا

ميرى ..ذكّرينا

كلّ سنكى أحسن

يبقى ..مسطرينا

أبو ساندرا
معك ومع أبو مريم قيثارة الشعب بكل ما نملك
وسوف نبدأ الإتصالات الآن لتكوين مجموعة ابوظبي
والدعوة ستتم عاجلا من خلال النادي السوداني عن طريق مسئول المكتب الثقافي الأستاذ السر أحمد علي والدكتور حيدر الخير هاشم

العزيز/ ابو ساندرا

تحية مودة و معزة

بدون الدخول في التفاصيل اسمح لي ان اقول لك انه لمن المؤسف حقا الا يجد انسان مثل محجوب شريف دولة تكون مسئولة مسئولية مباشرة عن حياته ... انه لأمر مؤسف و محزن... انها الهزيمة الكبري ... التي تضاف الي هزائمنا المتواصلة ... مبدعون/ات بلا وجيع ... شعب بلا وجيع ... انها دولة الخرتيت ... انها دولة الخرتيت...دولة قياداتها كروشهم ناطحات سحاب ... يسرقون الناس ليل نهار ... و المبدعون يعيشون و لا يعيشون.

اقترح ان تكون عملية التبرعات في الدول الاوربية مثلا في كل مدينة علي حده ... بمعني اخر ان تشكل كل مدينة في كل دولة اوربية لجنة لجمع التبرعات من الناس... و من ثم يتم وضعها في الحساب الخاص الذي اقترحه العزيز طارق الامين الله يديه العافية و الصحة... لان عملية العزف المنفرد قد لا تساعد كثيرا و ربما اكون مخطئا.

في بريطانيا و في مدينة كاردف تحديدا اقترح ان يكون كل من دكتور عبد العظيم عبد الرحمن وهو عضو بالمنبر و دكتور حسن عبيد مسئولان عن عملية جمع و ايداع التبرعات من اجل هذا الهدف النبيل... الناس ديل ماس حارة... تساعدهما لجنة من اخرين و اخريات... تسمي لجنة كاردف مثلا.

سنعاود الاتصال بعبد العظيم عبد الرحمن و بحسن عبيد و لي قدام .

.
.
"كم نشــارك في الـمعـــارك
ومــا بنخـلي فرسنــا بــــارك
وما بنقيف نستنى في الآخر... نبــارك"
.
.

الشاعر محجوب شريف... المدرسة التي تعلم فيها الكثيرين الصلابة و الصبر و الإستمرار....
ربنا يواليك بالعافية و يرجع قلمك "يجرح جلد العتمة"
.
.

أبوساندرا...

شكراً على المبادرة العظيمة... فكثير من شوامخ بلادي يهملون حين يقهرهم المرض و غيره من نوائب الزمان... لا يشفع لهم ما قدموا و بذلوا...
.
.

الأخ أبو ساندرا
لقد ظل محجوب شريف طوال حياته لا يعني الا محمد أحمد صوتا و عشقا و رئه يتنفس بها و يشتم عبق وطنه من خلالها
و قد حان الآن الوقت ليكون محمد أحمد هو محجوب شريف دما و لحما و انتماء
معكم بكل ما نملك لأجل ابو مريم و مي
و دمت

أبو ساندرا

سنقف حتماً مع هذا الإسنان المعجون بموية النيل و تراب الوطن

معكــــــــــــــــم

عاجل الشفاء لشاعرنا العظيم

تكليفات مباشرة
---------------------

اللجنة الوطنية :
--------------
بكري أبوبكر ، عمر إدريس محمد ، تماضر شيخ الدين ، طارق الأمين ، أبو ساندرا { عبدالرحمن بركات }

الدوحة :
----------
معتصم الطاهر ، معاوية الطيب ، ودالزين ، صلاح عبدالله ، عبدالكريم الأمين { كيكي } بدرالدين الأمير


الإمارات :
-------------
محسن خالد ، بدري الياس ، أحمد العربي ، السر أحمد علي ، عاطف عبدالله ، حيدر الخير ، محمد غزالي

سلطنة عمان :
___________
حامد بدوي بشير ، سيد عيسى ، عشة بت فاطنة

البحرين :
-------------
عبدالرحمن الزين

السعودية :
-----------
ودقاسم ، ابوجهينة ، مزاحم الضوي ، أحمد حنين ، هشام شيخ الدين

أستراليا :
----------
خالد العبيد ، كمال قسم الله ، أبوخالد ، عادل فيصل راسخ


بريطانيا :
-------------
دكتور ارباب ، عبدالعظيم عبدالرحمن ، دكتور حسن العبيد ، دكتور حسن قطبي ، برير إسماعيل

أمريكا وكندا :
_____________
أسامة خلف الله ، مريم حمد الطيب ، كوستاوي ، بشاشة ، عبدالمنعم سيد أحمد ، الفاضل الهاشمي

الخرطوم :
_____________
هميمة ،طارق الأمين ، مامون عجيمي ، ملكة سبأ ، الباشمهندس عثمان ، سلمى داؤود ، شاذلي جعفر

القاهرة :
-------------
قاسم المهداوي ، أبنوس ، رجاء العباسي ، تولوس { محمد عثمان عبدالله ،

إنتو وين ؟
__________
عبدالفتاح سعيد عرمان ، محمد عبدالمنعم عمر ، محمد أحمد إبراهيم ، عبدالله الطيب ، عبدالله الشقليني
أمين عمر عثمان ، أسماعيل الحسن { سماح } ، مايا ، عصام دهب كامل محمد ، لؤي ، abcde

أينما كنتم
إنخرطوا في الحملة ونسقوا مع الأسماء أعلاه

لك الله يا شاعر الشعب
ويا اخر الرجال المحترمين
ويا انبل من مشي علي ارض امدرمان
بدعوات محبيك الصادقة
وانفاس المساكين الذين احببت
سيأخذ الله يبدك .. وستعود لنا
معافي .. قويا كما عهدناك
اللهم اشفي المحجوب المحبوب
وارعه واحفظه واحمه من كل شرور
الدنيا ... ااااااااااااامين يا رب
ولن نتأخر في الوقوف بما تأمرو به
جمال

ابو ساندرا

سلام وتشكر يا رائع على هذه اللفتة .

صحيح أنه محجوب شريف ملك للشعب السوداني كله ، ومثل هذا العمل هو عمل طوعي بحسب قناعات الانسان الشخصية ، ولكن في رأيي ان نجاحه يتطلب جهة أو منظمة من منظمات المجتمع المدني تقف خلفه تنظم عمل هؤلاء الأشخاص الذين ذكرتهم وتنسق بينهم . جماعة الجبهة الإسلامةي أصلا رفعوا يدهم عن علاج أي شخص ناهيك عن محجوب شريف - شوكة الحوت القاعدة ليهم في حلقهم - يعني ما عندهم مصلحة في علاجه . يبقى دور الشعب السوداني بقيادة منظماته المختلفة وبالضرورة تأتي في مقدمتها المنظمات التي تقف مع محجوب شريف في خندق واحد ضد الدكتاتورية . في السودان تولت الأمر منظمات وتجمعات شبابية بقيادة شباب عقد الجلاد ، فانا أتساءل أليس في المدن التي ذكرتها فروع للحزب الشيوعي أو اتحاد الشباب أو التجمع الوطني الديقراطي أو أي حزب من أحزاب المعارضة أو المنظمة السودانية لحقوق الانسان تأخذ ذمام المباردة مع سودانيزأونلاين وتقوم بالتنسيق في المدن المعينة مع أعضاء سودانيزاونلاين ، حتى نضمن نجاح هذه الحملة . بالتأكيد هنالك منظمات سودانية موجودة يمكن التنسيق معها لضمان نجاح هذه الحملة . وحسب علمي أن الحملة الشعبية في الداخل تواكبها الآن حملة استنفار في عدد من فروع الحزب الشيوعي بالخارج لدعم علاج الشاعر محجوب شريف - من جهة توفير مصاريف السفر - بعد أن تكفل فرع الحزب الشيوعي في المملكة المتحدة بعلاجه ( أبو ساندرا دي المعلومة العندي أنا غايتو كان غلطان واللا بره الشبكة قول لي ) . هذا لا يقلل من جهدكم فقط قصدت ضمان نجاح الحملة بالتنسيق مع الجهات الأخرى التي بادرت وتولت هذا الأمر في عدد من مدن الشتات التي تضم سودانيين .

ونحن معكم ومع كل جهد يؤدي إلى علاج شاعرنا المناضل محجوب شريف .

ودمتم

أبو قصي

........

........

........

صـمت المحـب العـاجـز...

مـني

الحبيب أبوساندرا

لقد قمنا في الأسابيع القليلة الماضية بحملة ناجحة في البحرين بالتضامن مع الإخوة في الرياض

حينما اتصل بي الأخ العزيز ميرغني الشايب

وقد كلفنا الأخ محمد مقبول بهذه المهمة

يا ريت عبد الرحمن الزين ينسق مع الأخ محمد مقبول لتتضافر الجهود

وكنت قد تحدثت قبل أيام مع شاعرنا العظيم للإطمئنان عليه

فحقيقة محجوب انسان قلما يجود به زمان

محجوب لا زال رئة الشعب التي بها يتنفس حين ينعدم الشهيق
ومحجوب بوصلة لبر السودان الوطن حينما يضل الناس الطريق
وهو منهل الوفاء والانتماء والعطاء وفي مشاوير النضال خير الرفيق
كلنا وكلنا لاجل هذا الطود الوطني المنيع

ولك التحايا ايها النبيل ابو ساندرا ولي قدام

هشام هباني/ تكساس

اقبل التشريف

من أجلك يا محجوب شريف ومن أجل كل المبدعين/المبدعات السودانيات

هو دين علينا للمعلم
يا أبو ساندرا

فقد تهجأنا معه ألف باء تاء الدرس الوطني
المعلم محجوب شريف
سيبقى - بنا- دوما بخير
و كلنا له عضد
ردا لطوق دينه على الوطن
أسمي نفسي عضوا في لجنة الدوحة

شكرا يا صاحبي الجميل

نتوجه لكم يا أبناء وبنات شعبنا الأبي نستنفر نخوتكم ووفائكم وقدراتكم
فلنتضامن من أجل محجوب شريف
فلنقدم كل مانستطيع من عون ومشاركة
أشرعوا فورآ ، أين ما كنتم في تنظيم حملة وطنية
سموا من بينكم منسق في كل مكان ينسق مع الحملة الشعبية التي مركزها في الخرطوم
أرسلوا لمحجوب الرسائل
وجودوا بالموجود عبر حسابات تفتح بإشرافكم في الخليج والشرق الأوسط في أوروبا في امريكا وكندا ، في أي مكان يوجد به سوداني
نتعهد بأن ننفذ الحملة وان نعلن بشفافية عن مساهماتكم وأياديكم البيضاء الممتدة بالخير{B/}{HR2}





نفديه بكل غال لانه غال غال

معاَ

غنى ياخرطوم وغنى ..
شدى اوتار المغنى ..
ضوى من جبهة شهيدك ..
امسياتك واطمئنى ..
نحن منك ريح وهبت ..
نار وشبت ..
فى وجوه الخانوا اسمك
ياجميلة ..

معا لرد الجميل لشاعر الشعب محجوب شريف ..

وجاهزين ياابوساندرا لكل ماهو مطلوب ...

الأخ ابوساندرا..والأخ بكري ابوبكر

شكرا لكما على رفع الصوت بعمل الواجب قبل فوات الأوان. ويالها من ملحمة حضارية هذه الوقفة الشريفة التي يقفها أبناء وبنات شعبنا من أجل شاعرهم محجوب شريف. هذا إن دل على شيء فانما يدل على أننا شعب يعرف الواجب ولا يعطي القفا لمن حمله تعويذة وتميمة.

لست أدري كيف أعانق محجوب هذه المرة هنا في عاصمة الضباب الموعود باكمال علاجه فيها باذن الله..فقد هاتفني الرجل في عطلتي السابقة طالبا مني تحديد يوم لأكون عنده لجلسة ونسة (حددها ب24 ساعة)!! ولضيق الوقت رجوته أن تكون أقصر من ذلك..رفض وحولها إلى عشاء ومبيت. رجوته أن يكون ذلك بعد عودتي من زيارة الأهل بالمجلد. كان يحذرني من عاقبة النسيان. لم أنس ياشاعر الشعب ولكنها ظروف غربتي القاسية أبت إلا أن أغادر الخرطوم على عجل دون حتى أن أتمكن من اٌلإعتذار عن خيبتي في إخلاف الموعد.

كلنا مدينون لهذا الإنسان المتسربل بحب الوطن والشعب حد التصوف. محجوب شريف ليس ملكا لقبيلة أو إقليم أو حزب. عرفته لسنين ..وأجزم أنه فوق الإنتماء القبلي الضيق وقامته تتمدد أبعد من حدود الإقليم وهو دون شك لا يستمتع بكل هذه المحبة لكونه من الحزب الفلاني. أنت يا صديقي قافية تمردت على السجن ولحن شجي يسكن كل قلب.

شفاك الله وشفا وطنك وشعبك باشعارك الرائعة.

الخرطوم سعيده لسرعة الاستجابه

قمنا بفتح حساب مصرفي باسم مريم محجوب محمد شريف بحضورها.

التفاصيل كالاتي:
البنك الاهلي السوداني فرع الخرطوم
حساب بالعمله المحليه رقم:2222
حساب بالدولار رقم :2223
83774090 (هاتف البنك)

Quote: نفديه بكل غال لانه غال غال

so sorry to hear this news but his stamina can take it and he will OVERCOME.
Why not an account in London/
it is too complicated if at all possible to send money from USA to an account in a Sudnaese Bank. or even better why not have a collection point in the USA as we did with Zuhair.
thanks and sorry i do not have an arabic program at this computer.

Dear Abu Sandra
Dear Kandake

I will be gald to help in opening an account for Maryam Mahjoub Sharif in London. Please give me her details and I will be gald to arragnge it with any UK bank.

مع حبى وامنياتى للغالى محجوب شريف بالشفاء والعمر المديد

نحن محبيك نحتاجك اكثر من اى وقت مضى

نتمنى ان نفديك بالغالى والنفيس

مع حبى

لك الحياة يا شاعر بقلب وطن

أبوساندرا والاصفياء

سرير عافية لمحجوب شريف

ومحجوب الانسان والفنان فيه الكثير من ملامحنا

وارجو ان اكون اهلا لهذا التكليف يا ابوساندرا

وأجمل الاطفال قادمون ساعة فساعة
عيونهم اشد من عيوننا بريقا
صدورهم بما وهبت اكثر اتساعا
لقد وصلتى اتصالات من
المهندسة نبره تيسير محمد
عبد الله نقد
د/ ابراهيم عبد الماجد
د/ عمار تاج الدين
سوف يكونون فى الحندق لدعم شاعر الشعب محجوب شريف
وشخصى عادل الوسيلة

Quote: معا لرد الجميل لشاعر الشعب محجوب شريف ..

محجوب شريف شاعر يتنفس حب الوطن...
نسأل الله العلي العظيم ان يشفيه ...
وقفتكم هذه رد للحب بالحب ...
لي قدام...

[email protected]

حاضرين
جنى

ابو ساندرا ايها النبيل

نعم ينبقي ان يكون الوفاء لاهل العطاء بلاحدود

معا من اجل


ابو مريم ومي

ورفيقة دربه اميرة الجزولي

ولشعبه الذي احبه

ولاصدقائه الكثر

ولمعجبية ولرفاق دربه

في مجال التعليم

والعمل العام ولابنائه

وبناته في نفاج والهكر

ولتلاميذه المنتشرين في كل بقاع الدنيا

والخالات والعمات والحبوبات .

قطعا انضمامي الي لجنة القاهرة

سيشرفني ويجعلني اكثر عافيه وصحه

ويلا ياشباب القاهرة نجمع هنا

شكرا ابوساندرا

والعمر لك يامحجوب شريف

يا نبيل ياوفيي

و نتمني لك عاجل الشفاء

والعوده الي وطنك سالم غانم

كنت عايزك للطويله..

وللأمانى المستحيله

وكنت محتاجلك معاى

والليله بهرب من وسايدى

من نجيمات المسا..

العنّك بتسال

ومن قصايدى

الليله بهرب من ملامحك

حتى من فكرة اسامحك

من الدروب الجينا بيها

وأىّ حتّه مشينا ليها

ومن حنينى الكان بيحلم

لو أماسيكِ

واصابحك..

قلبى كم حّباك ياما..

خَلّى يرحل بالسلامه

مع السلامه

مع السلامه

مع السلامه

تلفون العالم حوِّل

تلفون العالم حوِّل



إتنين وتلات أصفار

البرق هناك

مستني

والشمس على

استنفار

فلنزحف نحو

النور

لو ننحت بالأظفار

من حقنا نحلم

بي عالم

بي عالم

يتسالم

ضدَ التسليح

الخبز .. الحريات

المكننة

والتلقيح

لن نقبَل بالمعتاد

العكننة والتبريح

العدل بلا تمييز

الحظر على

البمبان

العطر مهب الريح

دوران الأرض

مراجيح

والشفع لؤلؤ منثور

سادين السكَّة

أناشيد

ما دين الدنيا

بساتين

ورداً..قمصان

وفساتين

والنهر بيعمل زقزاق

من خضرة وحفلة

ياسمين

ناساً جينا تم زيناتم

جنياتم خِلقة

وأخلاق

شبت حبت من لسَّعَ

في الخاطر شوق

وحنين في عيون

العُشاق...

كم مُدُناً طيَّ

الأشواق

حاراتا حتملا

الأسواق

وشوارع تجري

ملايين

لِسَّع في سنَن

الأقلام

أنفاس الناس القِدام

وخُطى الأقدام

في القرن الواحد

وعشرين

من خير الأرض

الممتد

تنعم أفواه

ومناقير



والحبّه ظلال

وعصافير

والخطوة بتبقى

جماهير

والهمسة بتبقى

هتافات

تتفكك لعب

أطفال

وأسرّة وإسعافات

آفات

فتكت بالسلم

جنازير

وتقرب بينَّا

مسافات

كنا بنمشيها

محاذير

وتفرهد ياما

ثقافات

تتنفس حق

التعبير

لا رجعة لظلمٍ

قد فات

تلقوه هناكَ

ملفات

فى ركن القرن

العشرين

إلقاء القبض على

الخوف

الخلا النسمة

أعاصير

والشجر الأخضر

أوتاد..

من حَقنا إننا نحلم

لن نقبل بالمعتاد

نتماسك أيدي

ونرتاد

القرن الواحد

وعشرين

شُبَّاكاً جنب

الشُباك

آفاقاً ذاتَ مصابيح

تلفون العالم حول

...

لا شك االرقم

!! صحيح

فوووووووووووووووووق سوووووووووودانا فوق

_________

حنبنيهو البنحلم بيهو يوماتي
وطن عاتي
وطن خيّر ديموقراطي

__________

الدعم والمؤازرة اللامحدودة لشاعر بحجم هذا الوطن الحلم
محجوب شريف .. شاعر وهب قلمه ودمه لهذا الشعب
فلا أقل من أن نقف معه ولأجل وقفة صادقة .. ولو لمرة واحدة في حياتنا


____________

اجبروه علي قبول الخته من شعب السودان

العزيز ابوساندرا وبقية هذا العقد النضيد
تحياتي.....
هذا النادر المثال،الفريد الخصال، صائد الرياح الزعازع
والانسان الانسان في تجليه الجوهر ، الصوفي المعتق الصادق الامين
:
:
:
إن لم نقف معه فمع من نقف !!!
اخذنا علماً بالامر... وسنقوم بما نستطيع اليه سبيلاً!!

والله الموفق

زاملتك عافية حبك وحب الناس لك.
يانبي الشعر والسلوك ,ابونا محجوب,وانت نحن.
..
..
معكم

الله يحفظه ويخليه
الله يحفظه ويخليه
الله يحفظه ويخليه
الله يحفظه ويخليه
الله يحفظه ويخليه
الله يحفظه ويخليه
الله يحفظه ويخليه
الله يحفظه ويخليه


معا انشاءالله حتى الشفاء....
بجاه سيدنا محمد صل الله عليه وسلم
عندك يا الله ان تشفيه من كل مكروة

معا لنحمي من نحب
محجوب ثروة وطن مغلوب
محجوب صوت الغلابه الصوتا رايح من سنين وسنين عديده.
محجوب لون النيل وناسو
ليل الحزن ونجماتو
صوت الفرج ونسماتو

مع ناس كستاوي ومريم
سوف ننسق لجمع تبرعات أمريكا.

محجوب شريف

نفس الشعب الطالع
عز الكتمة
ضدالعتمة
بتنفس بي رئتك

مليون شافع

صوت الفقراء

روح الفكره

هديت سجون العسكر

بثباتك

وبالكلمة تصارع

ياهديل الموج الاحمر

في قلب الشارع

همك وطن يازول
يارائع



مدثر تيف تيف

عشه كلمينا ميري ذكرينا



عَشّه .. كلّمينا

ميرى.. ذكّرينا

كل سنكى أحسن

يبقى ..مسطرينا

*

نحن شعب أسطى

يلا ..جيبو مونا

نبنى ..نبنى نبنى

مسرحاً..ونــــادى

مصنعــاً ..وبوسته

حرب لا لا لا لا

كبرى..استبــاليه

صالــه للثقــافــه

تســرح الغزاله

جنبها ...الزرافه

ركَ قمرى طار

قيره قيره قيره

نطَط الصغار

صفّق الترولى

طمّن ..القطار

حلقت ..وحلقت

حمامة المطار

كلّ طلقه..بينا

نحن تبقى وفر

سمسماً ..وبفره

سكراً وشاى

تترا سايكلين..

جاى وجاى وجاى

مافى حاجه ساى

كلّو عندو دِين

كلّو عندو راى

بور..وبورسودان

بارا.. والجنينه

عبرى ..ولاّ واو

حاجه مش كويسه

كلّ زول براو

هى سودانا بكره

من سودانا ناو

تكتب انت تقرا

تعرف السياسه

فى محل حراسه

حجرة الدراسه

تمشى انت تلقى

فى الضلمه..لمبه

ألف ضحكه حلوه

تسندك بجنبه

بى تمن طبنجه

أحسن الكمنجه

أحلى شتل منقه

أحسن الحليب

إيد .. وإيد وإيد

نزرع الجديد

غابة النشيد

إيد..وإيد وإيد

مافى بينا سيد

إيد..وإيد وإيد

نلحق البعيد

نحنه مش مرقنا

حته واحده جينا

جينا لى السرقنا

حقّنا..وعصينا

دمّنا..وعرقنا

ولّعوا الرتينا

*

عَشّه..كلّمينا

ميرى ..ذكّرينا

كلّ سنكى أحسن

يبقى ..مسطرينا

لك الله فانت رجل بفامة وطن!
الوفاء يشفي!دونما طبيب!

سلامات
وعوافي ياخلاصة الخير الفي الناس
..
الف صحة وعافية للانسان الشاعر محجوب شريف
كن بخير يا ابومريم
معكم .. معكم..

للذى كتب تاريخ شعبه شعرا. وسجل نضال حزبة ومناضلية. ودوزن امال شعيه نغما. لوحات تنطق بذاتها أعمال خالدة . لمبدع وملهم .

مازال الطريق طويلا . انت الذى لاتتوقف . لان محل الطلقة عصفورة .... تغرد حول نافورة . ومحل السجن مستشفى .و كل سنكى احسن ... يبقى مسطرينا .

بدانا يا ابى ساندرة ..

عادل فيصل راسخ

واحلالي القبلي شال شبال لمع برق المهيرة

قيرة قيرة يا مطيره

يا رزاز الدم حبابك

لما يبقى الجرح عرضة ولما نمشي الحزن سيرة

من دمانا الأرض شربت موية عزبة

كل ذرة رملة شربت حبة حبة

موية أحمر لونها قاني

فتقت ورد الأغاني

تهدي لى اسمك رمزاً للوطن كنز المحبة

قيرة قيرة يا مطيرة يا شهيد الشعب أهلاً

مش بتطلع كل يوم الشمس أجمل

وكل يوم النخل أطول زيدو قامة

وياما شفتك ياما ياما

لما شفت البدر طالع فى سما الوطن ابتسامة

إنتّ فى النهر البسافر جاري طول العمر صاحي

طبعو منك يا الملامحك من ضفافي

واللي شافك مرة شافو

واسمك الختيتو فرهد عشب أخضر فى الجناين

فى الشوارع نيمة نيمة فى مصابيح المدينة

فى فوانيس الضواحي

تملا نادي الحلة سيرتك

اسمك الخلانا نقدر فى ظلام الليل نعاين

والبتسأل عنو ده الخليتو شافع

لسه دابو

يا ما حيعجبك ، شنابو

صوتو رقان فيهو بحة

ود فلان اصرار وصحة

عندو قصة حب جميلة

جرب آلام الحراسة وحرض أولاد الدراسة

وهدّو حيل العسكرية

البنية أم طرحة كبرت

يا سلام الفنجرية

ليها راية وبى كلامها وبى اهتماماتها الجديدة

دقت أجراس القصيدة وشدت أوتار الصلابة

الكتوف اتلاحقت فى السكة يابا

واحلالي القبلي شال شبال لمع برق المهيرة

قيرة قيرة يا مطيرة يارزاز الدم حبابك

لما يبقى الجرح عرضة

ولما نمشي الحزن سيرة


وطنا..

الباسمك كتبنا ورطنا

أحبك

مكانك صميم الفؤاد

وباسمك اغنى..

وتغنى السواقى

خيوط الطواقى

سلام التلاقى

ودموع الفراق

واحبك ملاذ

وناسك عزاز

أحبك حقيقه..

وأحبك مجاز

وأحبك بتضحك

وأحبك عبوس

بعزة جبالك ترك الشموس

وما بين ظلالك

افتش وأكوس

أفتش طفولتى وملامح صباى

بناتك عيونن صفاهن سماى

وهيبة رجالك بتسند قفاى

صحى بتملا عينى..

وتشّرف غناى

بحضرة جلالك..

يطيب الجلوس

مهذب أمامك يكون الكلام

لأنك..

محنك

عميق الدروس

مجيد المهابه ومديد القوام

شبابك..

تشابك

شديد الزحام

أراهم..

وراهم

غبار الحياه

مداين..

تعاين

كأمّ العروس

تهلل..

تكلل

جبين الإمام

رزازاً يبلل أغانى الخليل

أصدق كلامك حقيقه وبخاف

أخاف الطريق..

اللى ما بودى ليك

وأعاف الصديق

اللى ما بهم بيك

معاك انتظارى..

ولو بالكفاف

وعنك بعيداً

أبيت الرحيل

وبيك اعتزاز الصباح الجميل

جميع الأغانى اتكالن عليك

جميع الأغانى اتكالن عليك
طريق الشعب أوسع من زحام الضيق

وقلب الشعب أرحب من رحاب الضو

ونبض الشعب كل حلم براه يتم

شجر متشابك الهامات

جيلاً جاي حلو الشم

صبايا وفتية يمرحوا فى صباح الغد

عيونهم برقهن لماح

سوالم رد

وتطلع من شقوق الأرض

آلاف المدن قامات

يطلعوا من قلب الحجر الصم

خفاف ولطاف

ثعابيناً أوان الجد

دفاعاً عن حياض السلم والإفصاح

سلموا ليَّ عليهن جملة

حتى اللسة قبل الخلق والتكوين

صناع الحياة اليوماتي

ملح الأرض

نبض الشعر والموسيقى والتكوين

هدامين قلاع الخوف

كانت هذه الدراجة يوماً ما.. كلاشنكوف

وما بين منارات السمّع والشوف

نقاشين جدار الصمت

نساجين خيوط الشمس

كهربجية الظلمات

وأجمل ما تكون الدنيا

رسامين وحفارين مجاري العصر

نصراً نصر

مقدامين زمانهم فيه ضبط الوقت بالتقدير

شروق الشمس بالإنجاز

حروفهم وا حلالي

تشمهم ترتاح

حا.. حرية

تا.. تغيير

جـ.. جدار

ك.. كتاب

س.. سمار وسكة حديد تهز وترز

با.. بحارة بحراً عبَّ وثار

واو.. وطن مدرار

جرت تتلاحق الأنهار كما تتلاحق الأعراف

كما تتصافح الأديان

كما تتمازج الألوان

هجيناً من سلالات الفخار والعز

مرور النسمة وأيضاً هزة الإعصار

علم فى نشرة الأخبار

وهيبة على امتداد الكون

وعلماً فى حماه الورد

حتى الزهرة والمريخ

شبح حرب النجوم ينزاح

أيادي القهر خلف الظهر مكتوفين

أفاعي السمت حيث مزابل التاريخأحبك...

وحبك النادر بشرفنى

وبى نفسى بيعرفنى

وبالزمن اللى ضاع منى..

بيصادفنى

والاقيه

على الحلم اللى غالى علىْ

كان احلم بىْ

صحَانى

على استسلامى عضانى

ووصّانى

اغنى اغنى..

وصّانى

وخلانى أحس لوجودى

فى عيونك طعم تانى

وللفرح البعيد من عمرى

طول أيامى ودانى

طلعتِ علي متحمل..

عذاب الأرض

طالع من جرح

قانى

تعالى تعالى

نتماسك على الروعه

ونتجاسر على اللوعه

ونتقاسم سوا..

الهجره الطويل مشوارا

والهجعه

ونطلع للحياه أنداد

زي سيفين مساهر..

فيهم الحدّاد

ونطلع من بذور الأرض

زرعاً فارع الأعواد

حبابك يا سما الأعياد

أحبك يا ضحى الميلاد

ويا وطناً بدون أسياد

ويا انشاد عصافيراً

ببالن ما خطر

صياد


أحبك...

وحبك النادر بشرفنى

وبى نفسى بيعرفنى

وبالزمن اللى ضاع منى..

بيصادفنى

والاقيه

على الحلم اللى غالى علىْ

كان احلم بىْ

صحَانى

على استسلامى عضانى

ووصّانى

اغنى اغنى..

وصّانى

وخلانى أحس لوجودى

فى عيونك طعم تانى

وللفرح البعيد من عمرى

طول أيامى ودانى

طلعتِ علي متحمل..

عذاب الأرض

طالع من جرح

قانى

تعالى تعالى

نتماسك على الروعه

ونتجاسر على اللوعه

ونتقاسم سوا..

الهجره الطويل مشوارا

والهجعه

ونطلع للحياه أنداد

زي سيفين مساهر..

فيهم الحدّاد

ونطلع من بذور الأرض

زرعاً فارع الأعواد

حبابك يا سما الأعياد

أحبك يا ضحى الميلاد

ويا وطناً بدون أسياد

ويا انشاد عصافيراً

ببالن ما خطر

صياد





أحبك...

وحبك النادر بشرفنى

وبى نفسى بيعرفنى

وبالزمن اللى ضاع منى..

بيصادفنى

والاقيه

على الحلم اللى غالى علىْ

كان احلم بىْ

صحَانى

على استسلامى عضانى

ووصّانى

اغنى اغنى..

وصّانى

وخلانى أحس لوجودى

فى عيونك طعم تانى

وللفرح البعيد من عمرى

طول أيامى ودانى

طلعتِ علي متحمل..

عذاب الأرض

طالع من جرح

قانى

تعالى تعالى

نتماسك على الروعه

ونتجاسر على اللوعه

ونتقاسم سوا..

الهجره الطويل مشوارا

والهجعه

ونطلع للحياه أنداد

زي سيفين مساهر..

فيهم الحدّاد

ونطلع من بذور الأرض

زرعاً فارع الأعواد

حبابك يا سما الأعياد

أحبك يا ضحى الميلاد

ويا وطناً بدون أسياد

ويا انشاد عصافيراً

ببالن ما خطر

صياد

أحبك...

وحبك النادر بشرفنى

وبى نفسى بيعرفنى

وبالزمن اللى ضاع منى..

بيصادفنى

والاقيه

على الحلم اللى غالى علىْ

كان احلم بىْ

صحَانى

على استسلامى عضانى

ووصّانى

اغنى اغنى..

وصّانى

وخلانى أحس لوجودى

فى عيونك طعم تانى

وللفرح البعيد من عمرى

طول أيامى ودانى

طلعتِ علي متحمل..

عذاب الأرض

طالع من جرح

قانى

تعالى تعالى

نتماسك على الروعه

ونتجاسر على اللوعه

ونتقاسم سوا..

الهجره الطويل مشوارا

والهجعه

ونطلع للحياه أنداد

زي سيفين مساهر..

فيهم الحدّاد

ونطلع من بذور الأرض

زرعاً فارع الأعواد

حبابك يا سما الأعياد

أحبك يا ضحى الميلاد

ويا وطناً بدون أسياد

ويا انشاد عصافيراً

ببالن ما خطر

صياد




هم هم ..

غم غم آخرتها دمدم




..هم..غم..دم

عتمة وكتمة وزنقة وذم

طابق يناطح آخر طابق

صنقع عاين تشوفن كم

يا مستهلك يا مستهلك

حاذر مهلك

أوعك تهلك بالتخدير

فيتو فيك قمح أمريكي

اللفندر عطره يطير

زيت أبو سمكة بالتقلية وللتحمير

وانت بتحلم يا عبدالله بموية الزير

وأحمد صابر راصد نسخ بالتفكير

شفعّ ستة وساكن حتة

أنيميا وحمى وبيته ضلمة

كقاع البئر

فكوا دربنا وجعتوا قلبنا

حتى كلبنا أكل جنزير


مطارد ومستباحة دماي

عساكر من دروب تايهات مداي

قدامي خطاي ووراي

وذنبي هواي ليك يا موطني ومناي

وذنبي ولاي وإنك سيدي ومولاي

تعيش يا ذنبي طول ما عشت معاي

لا عنك بحيد لا جاي بفوت ولا جاي

فديتك يا مديد القامة

يا شعباً سديد الرأي

وقلبي عليك يا حجراً حنين دفاي

أقبل وين أفوتك وفى حماك حماي

أسيب عزاي أسيبه وكيفن ألقى عزاي

فى وحشتي وسلواي عيونه وبحة الغناي

نخيلك ثمرة ضو صباي

ونيلك فى جواي هامد هميم جرّاي

وقبضة إيدي مسكة رمحك الرماي

أطالع فى صحارى الليل

مطالع صبحك الضواي

فديتك لو بقيت منفاي

فديتك لو بقيت مرساي
عمّا قريب..

الهمبريب

يفتح شبابيك الحبيب

والحال يطيب

يا محمد أحمد تستجِمْ

والبيت يتمْ

تتلم تلمْ

تفرح فرح

تحلم حِلِم

كم تطمئن

حقك يجيك لافيهو شك..

يمكن واظن

ويفوتو همْ

والعدل يعمْ

وتغني أمْ

كادت تجن

كبر الولد جُوّا السجن

فاقداهو هى

دا كلو كلو ينتهى

دا كلو كلو ينبهى

زولاً تريدو وتَشْتهِى

تلقاهو فى

لا فى السِّجِن..

لا مختفى

لا يقولو ليك ما تمشي لى

دا كلّو كلّو ينتهى

دا كلّو كلّو ينتهى

دا كلّو كلّو ينتهىعشة كلمينا ميري ذكرينا





عَشّه .. كلّمينا

ميرى.. ذكّرينا

كل سنكى أحسن

يبقى ..مسطرينا

*

نحن شعب أسطى

يلا ..جيبو مونا

نبنى ..نبنى نبنى

مسرحاً..ونــــادى

مصنعــاً ..وبوسته

حرب لا لا لا لا

كبرى..استبــاليه

صالــه للثقــافــه

تســرح الغزاله

جنبها ...الزرافه

ركَ قمرى طار

قيره قيره قيره

نطَط الصغار

صفّق الترولى

طمّن ..القطار

حلقت ..وحلقت

حمامة المطار

كلّ طلقه..بينا

نحن تبقى وفر

سمسماً ..وبفره

سكراً وشاى

تترا سايكلين..

جاى وجاى وجاى

مافى حاجه ساى

كلّو عندو دِين

كلّو عندو راى

بور..وبورسودان

بارا.. والجنينه

عبرى ..ولاّ واو

حاجه مش كويسه

كلّ زول براو

هى سودانا بكره

من سودانا ناو

تكتب انت تقرا

تعرف السياسه

فى محل حراسه

حجرة الدراسه

تمشى انت تلقى

فى الضلمه..لمبه

ألف ضحكه حلوه

تسندك بجنبه

بى تمن طبنجه

أحسن الكمنجه

أحلى شتل منقه

أحسن الحليب

إيد .. وإيد وإيد

نزرع الجديد

غابة النشيد

إيد..وإيد وإيد

مافى بينا سيد

إيد..وإيد وإيد

نلحق البعيد

نحنه مش مرقنا

حته واحده جينا

جينا لى السرقنا

حقّنا..وعصينا

دمّنا..وعرقنا

ولّعوا الرتينا

*

عَشّه..كلّمينا

ميرى ..ذكّرينا

كلّ سنكى أحسن

يبقى ..مسطرينا


صباح الخير.. مساء النور ست البيت

ست المكتب الفاتح على الجمهور

حلال وبلال عليك مرتباً بالتعب ممهور

وساعة رضاعة أجمل من سياحة شهور

آخر من تنومي تقومي دغشاً بدري

قبل الشمس ما تغادر سرير النوم

ويغادر عشه العصفور

تحرسيها اللبينة تفور

تسوي الشاي

يا الله كم من سندوتش فطور

للممتحنة وللبيهاتي جاري يحصل الطابور

وانت وراك مستنيك هم

دفتر غياب وحضور

لفحنا العمة خليناك بين الحلة والماسورة

رتبت القميص والطرحة

حفظت النشيد والسورة

والتعب البخلي الصورة

فى عينيك أجمل صورة

ديك الحجلة وداك البلي

ياما تشري ياما تبلي

ما بتكلي ما بتملي

ما بنقص حنانك ملي

هل هذا عمل مأجور

يا شعبنا يا والداً أحبنا

يا من منحت قلبنا ثباتك الأصيل

اليك هذه الرسالة القصيرة الطويلة

اليك من زنزانة تخاصم الفصول

اليك رغم أنف كل بندقية

وحقد بربرية

وكلمة شقية.. ودمت يا أبي حبيبنا وبعد أدبتنا

أحسنت يا أبي

فلم نتابع الهوى وكأنما هابيل ما ارعوى

وكم غوى وتاه فى الأنا

أراد للدماء ان تسيل

ونحن مثلما عرفت يا أبي بفضلك الكريم

أشرس الرجال حينما نقاوم

نموت لا نساوم

ندوس كل ظالم

ونفتح الصدور للمدافع الثقيلة

ومن هنا أبناؤك الرفاق باسمك العظيم أقسموا

فصيلة فصيلة

أن يثأروا لصرخة الأمومة الجليلة

لطفلة جميلة.. تنفست قليلا.. تمددت قتيلة

رصاصة فى جنبها وطعنة فى قلبها

لم تعش طويلا

لكن مليون مثلها سينجب النضال

يا أبي حقيقة

فكم من حديقة تفتحت على حطامها حديقة

وكم مكان نخلة هوت علت نواتها وزادت ارتفاعا

أجمل الأطفال قادمون ساعة فساعة

عيونهم أشد من عيوننا بريقا

صدورهم بما وهبت أكثر اتساعا

وحينما يكبرون يا أبي

سيوفهم تزيد من سيوفك الطوال طولا

لأن بذرة الحياة ليست الرصاص

لأن بذرة الحياة ليست الرصاص

ياوالدة يا مريم ... يا عامرة حنية

أنا عندي زيك كم ... يا طيبة النية

بشتاق وما بندم ... اتصبري شوية

يا والدة يا مريم

ما ني الوليد العاق ... لا خنتّ لا سراق

والعسكري الفراق ... بين قلبك الساساق

وبيني هو البندم ... والدايرو ما بنتم

يا والدة يا مريم

عارف حنانك ليّ راجيك تلوليني

دايماً تقيليني وفى العين تشيليني

ألقاه عز الليل قلبك يدفيني

ضلك عليَّ مشرور قيلت فى سنيني

أنا لو تعرفيني لو تعرفي الفيني

أنا كم بحبك كم

والعسكري الفراق بين قلبك الساساق

وبيني هو البندم ... والدايرو ما بنتم

يا والدة يا مريم

طول النهار والليل فى عيني شايلك شيل

لكني شادّي الحيل لا خوف عليَّ لا هم

هاك قلبي ليك منديل الدمعة لما تسيل

قشيها يا مريم

والعسكري الفراق بين قلبك الساساق

وبيني هو البندم ... والدايرو ما بنتم

يا والدة يا مريم

ما بركب السرجين وما ني زولاً شين

يا والدة دينك كم دين الوطن كمين

ما شفتي ود الزين الكان وحيد أمه

ماليلا كان العين قالولو ناسك كم

ورينا ناسك وين .. ورينا شان تسلم

العودو خاتي الشق ما قال وحاتك طق

تب ما وقف بين بين لى موتو اتقدم

قال أنا ما بجيب الشين أنا ما بجيب الشين

أنا لو سقوني الدم

والعسكري الفراق بين قلبك الساساق

وبيني هو البندم ... والدايرو ما بنتم

يا والدة يا مريم

كم من حبيباً ليَّ كان مالي بينا دروب

ما ودع الحبان ما وسدوه الطوب

حي قولي ما حي ووب

حي قولي ما حي ووب

ما خلى ساعة الموت يمه السرج مقلوب

اتشتت الرصاص فى جسمو واتقسم

لاقاهو يتبسم والحولو حيله وكان

ريحة صباه تتشم

زي التقول يومداك يوم العرس يادوب

قال أنا ما بجيب الشين أنا لو سقوني الدم

والعسكري الفراق بين قلبك الساساق

وبيني هو البندم ... والدايرو ما بنتم

يا والدة يا مريم

يمه السجن مليان رجالة ما بتنداس

الختو قبلي الساس والشالو هم الناس

والفات وليدن ليهو ما مسكو الكراس

ما سمعو يتكلم ما نحن عود الفاس

فرسان حمى وحراس فى الحارة نتحزم

عشم القدر ما كاس ما لاقى بيت يتلم

عشم الطواه الجوع المتعب المعدم

والعسكري الفراق بين قلبك الساساق

وبيني هو البندم ... والدايرو ما بنتم

يا والدة يا مريم

ما تقولي شن سويت ما تبكي شن سويت

غير البطمن ناس بى همهم ساويت

فارس مع الفرسان حارس بلدنا البيت

أخواني علو السور أنا طوبة ما ختيت

ديل من زمن تاتيت لامن كتبتَّ قريت

عرقنا ياما يدر يمه اللبن والزيت

الكسرة والكراس لى قشة الكبريت

تقولي جيداً جيت راجع مع الفرسان

فايت الحدود واسيت

وتغني يا مريم لينا وتجري النم

والعسكري الفراق بين قلبك الساساق

وبيني هو البندم ... والدايرو ما بنتم

يا والدة يا مريم
حنبنيهو..

البنحلم بيهو يوماتى

وطن شامخ

وطن عاتى

وطن خيّر ديمقراطى

*

وطن مالك زمام أمرو

ومتوهج لهب جمرو

وطن غالى

نجومو تلالى فى العالى

إراده

سياده

حريّه

مكان الفرد تتقدم..

قيادتنا الجماعيّه

مكان السجنِ مستشفى

مكان المنفى كليّه

مكان الأسري..

ورديّه

مكان الحسره أغنيّه

مكان الطلقه

عصفوره

تحلق حول نافوره

تمازج شُفّع الروضه

حنبنيهو

البنحلم بيهو يوماتى

*

وطن للسلم أجنحتو

ضدّ الحرب أسلحتو

عدد مافوق ما تحتو

مدد للأرض محتله

سند للإيدو ملويّه

حنبنيهو..

البنحلم بيهو يوماتى

وطن حدّادى مدّادى

ما بنبنيهو فرّادى

ولا بالضجه فى الرادى

ولا الخطب الحماسيّه

وطن بالفيهو نتساوى

نحلم..

نقرا

نتداوى

مساكن

كهربا ومويه..

تحتنا الظلمه تتهاوى

نختّ الفجرِ طاقيّه

وتطلع شمس مقهوره

بخط الشعب ممهوره

تخلي الدنيا مبهوره

إراده

وحده شعبيّهيمة شفتك فى المنام

وانتِ بين سربين حمام

نازله سكّه وادى أخضر

شايله سلّة ورد أحمر

وحزمتين أحلى الكلام

يتبعوك طفلين حلاوه

طاروا عصفورين علىَّ

ركّوا فى اسود عينىّ

ورحت في غمرة ندواه

كنتَ مُجْهد

قلبي فَرْهد

ورشّ أيامى الغمام

صحيت وقفت

مشيت أعاين

القى بينى وبين عيونك

كم ضواحى

وكم مداين

وانطوت كل الجناين

فى غيابك

وفى الظلام
يا جميله..

ومستحيله

انتِ دايماً زى سحابه

الريح تعجّل بى رحيلها

عيونى فى الدمعات وحيله

اسمحيلا تشوف عيونك..

اسمحيلا

أنا لا الصبر قادر عَلَىْ..

ولا عندى حيله

*

يامراسى الشوق تعالى

لا اليالى تمر بدونك هى الليالى

من ضواحى الدنيا جيت..

وعَلَىْ رحالى

لمداين فوق عيونك يا محالى

ريّحينى..

أسُتْرى حالى

فرّحينى

عيونى فى الدمعات وحيله

أنا لا الصبر قادر عَلَىْ..

ولا عندى حيله

حدّثت عنك نجمة جارة

وزرعت اسمك..

حارة حارة

فى مناديل العذارى

فى مشاوير الحيارى

فى لحى الأشجار كتبتو..

نحتّو فى صمّ الحجارة

وبحت للشمس البتقدل..

فى مدارها

عيونى فى الدمعات وحيله

اسمحيلا تشوف عيونك

اسمحيلا

أنا لا الصبر قادر عَلَىْ

ولا عندى حيلة

وانتِ منك لا بداية..

عرفت لسّه ولا نهاية

مرّة أسرح..

ومرّة أفرح..

ومرة تغلبنى القراية

ولّمن أكتبلك وداعاً..

قلبى ينزف فى الدواية

يا صبيّة..

الريح ورايا

خلّى من حضنك ضرايا

عيونى فى الدمعات وحيله

اسمحيلا تشوف عيونك

اسمحيلا

أنا لا الصبر قادر عَلَىْ..

ولا عندى حيلةيا بهلوي أمسك قوي

أوعك تقع

نكل بمن لا يرعوي

وأرخي السمع

أخد الحذر ثم الحذر من كل شئ

ضلك تحدق فى النظر ما تختشي

لو كشكشت صفقة شجر

روح وانزوي

خلي المشي

يمكن خطر

يا بهلوي

واطلق رصاص على كل شئ

على كل نسمة تمر وما تأخذ إذن

على كلمة بدون جواز

علم عصافير البلد تكتب تقارير الجهاز

علم شبابيك المدن علم فوانيس القرى

وكل عيدان الذرة

خلي النمل يدخل صفوف المخبرين

خلى الرذاذ يكتب تقارير الجهاز

أحسن تعبي الشعب أغلبه فى قزاز

ركز بشدة على الجياع

ركز لو تستطيع أو حتى قدر المستطاع

أخسف بكل الكادحين سابع أرض

أرجم رجم

صادر من الليل النجم

صادر من البحر الجذر

أشطب ولا تقبل عذر

وش الصباح

قصقص جناحين الرياح

جمد شرايين الحياة

وأنفي الأمل

الفى اكتشاف النار

وتقسيم العمل

المحتمل تلقى الملاذ
يا بهلوي
الاسم بالكامل

إنسان

الشعب الطيب والدىّ

الشعب حبيبى وشريانى

أدانى بطاقة شخصيّه

من غيرو الدنيا وقبالو

قدامى جزائر وهميّه

لا لون..

لا طعم

ولا ريحه

وايام مطفيّه مصابيحها

زي نجمه بعيده ومنسيّه

المهنه:

بناضل وبتعلم..

تلميذ فى مدرسة الشعبِ

المدرسة..

فاتحه على الشارع

والشارع فاتح فى القلبِ

والقلب..

مساكن شعبيّه

ودينى محل ما تودينى

شرّد اخواتى واخوانى

فتش أصحابى وجيرانى

خلينى فى سجنك...

وانسانى

في سجنك جُوّه زنازين

أرمينى وكتّف ايدىّ

من أجل الشعب السودانى

وعشان أطفالنا الجايين..

والطالع ماشى الورديّه

وحياه الشعب السودانى

فى وش المدفع

تلقانى

قدام السونكى

حتلقانى

وانا بهتف تحت السكين

الثوره طريقى وايامى

معدوده

وتحيا الحرّيه
بلا وانجلى

بلا وانجلى

حمد الله الف على السلامه

انهّ كتف المقصله

والسجن..

ترباسو انخلع

تحت انفجار الزلزله

والشعب..

بى أسرو اندلع

حرر مساجينو اندلع

قرّر ختام المهزله

يا شارعاً..

سوّا البدع

اذهلت أسماع الملا

كالبحر..

دواى الجلجه

فتحت شبابيكا المدن

للشمسِ

واتشابا الخلا

*

شفت البنادق فى السما

الظبط والربط انتمى

للشعب..

شعب الملحمه

الصرخه كانت همهمه

والهبه كانت ململه

*

سداً منيعاً يا وطن

يا شعب وهّاج الفطن

للظلم يوماً ما ركع

مهما جرى

تباً لعهد السمسره

والنهب..

ثمّ السمسره

سداً منيعاً يا وطن

صه يا طنين البلبله

أبدا ً لحكم الفرد..

لا

بالدم لحكم الفرد..

لا

تحيا الديمقراطيه

كم نفديك يا مستقبلا

بلا وانجلى

بلا وانجلى

حمد الله الف علي السلامه

انهدّ كتف المقصله



تلفون العالم حوِّل



إتنين وتلات أصفار

البرق هناك

مستني

والشمس على

استنفار

فلنزحف نحو

النور

لو ننحت بالأظفار

من حقنا نحلم

بي عالم

بي عالم

يتسالم

ضدَ التسليح

الخبز .. الحريات

المكننة

والتلقيح

لن نقبَل بالمعتاد

العكننة والتبريح

العدل بلا تمييز

الحظر على

البمبان

العطر مهب الريح

دوران الأرض

مراجيح

والشفع لؤلؤ منثور

سادين السكَّة

أناشيد

ما دين الدنيا

بساتين

ورداً..قمصان

وفساتين

والنهر بيعمل زقزاق

من خضرة وحفلة

ياسمين

ناساً جينا تم زيناتم

جنياتم خِلقة

وأخلاق

شبت حبت من لسَّعَ

في الخاطر شوق

وحنين في عيون

العُشاق...

كم مُدُناً طيَّ

الأشواق

حاراتا حتملا

الأسواق

وشوارع تجري

ملايين

لِسَّع في سنَن

الأقلام

أنفاس الناس القِدام

وخُطى الأقدام

في القرن الواحد

وعشرين

من خير الأرض

الممتد

تنعم أفواه

ومناقير



والحبّه ظلال

وعصافير

والخطوة بتبقى

جماهير

والهمسة بتبقى

هتافات

تتفكك لعب

أطفال

وأسرّة وإسعافات

آفات

فتكت بالسلم

جنازير

وتقرب بينَّا

مسافات

كنا بنمشيها

محاذير

وتفرهد ياما

ثقافات

تتنفس حق

التعبير

لا رجعة لظلمٍ

قد فات

تلقوه هناكَ

ملفات

فى ركن القرن

العشرين

إلقاء القبض على

الخوف

الخلا النسمة

أعاصير

والشجر الأخضر

أوتاد..

من حَقنا إننا نحلم

لن نقبل بالمعتاد

نتماسك أيدي

ونرتاد

القرن الواحد

وعشرين

شُبَّاكاً جنب

الشُباك

آفاقاً ذاتَ مصابيح

تلفون العالم حول

...

لا شك االرقم

!! صحيح
الفارس معلق، ولاّ المُوت مَعَلق

حَيَّرنا البَطل

يا ناس الحَصل

طار بي حَبلوُ حَلَّقْ

فَجَّ الموت وفات، خلى الموت معلق

في عينينا بَات

وسط الناس نَزل

بالحزب الشيوعي

ومن كل الزوايا

وليِ ما لا نهاية

وضاح المبادي .. ممدود الابادي

بالحب والتحايا

ابزيد الهِلالي

في عصر الدراية

والطفل البتاتي من يوم السماية

والحزب الشيوعي

ومن كل الزوايا

ولي مَالا نهاية

ومن كل الشوارع

وفي كل المطالع

طابع حسنو طالع

في سُهد المصانع

وفي عبق المزارع

وفي رشة غمامة

وفي منقار حمامة

تحت الأرض بذرة

وفوق الشمس هامه

بالحزب الشيوعي

ومن كل الوَسايد

وفي نبض القصايد

عَبده حَبيبي عايْد

عايد ألف عايد

من بين الشدايد

في هُوج الليالي

جرحه الكان بلالي

في الشارع علامه

طال في الدنيا قامة

وزاد في العين وسامة

وعايد لِسه عايد

عايد بالسلامة

في الحزب الشيوعي

لّما عرفتك اخترتك سعيد البال..

وختّ شبابى متيقن

عليك آمال

لا جيتك قبيله..

ولا رجيتك مال

ولا مسحور

ويوم ما كنت في عينىّ..

أجمل من بنات الحور

جيتك عاشق اتعّلم

من الأيام

ومن سأم الليالى البور

ومن أسر الوِلِف كتّال

لقيتك فى طشاشى دليل..

وفى حرّ الهجيره مقيل

ركزت على ضاكِ عصاى

لقيتك فى حياتى جذور

بنيّه اتلفّحت بالنور

مهجّنه من غنا الأطفال..

ومن سعف النخيل والنيل

ومن وهج الشمس موّال

*

وان اخترتينى إنساناً..

عزيزَ النفس بتمنّى..

وبسيط الحال

علىَّ حرَّمت زرعاً

ما سقيتو حلال

ومافصّد حصادو قفاى

وبينى وبينك الضحكه..

ورحيق الشاى

وطعم الخبز والسُتْره..

ومساء النور

وعمق الإلفه..

بين النهر

والنخله

وغنا الطمبور

وصدق العُشْره بين الأرضِ..

والإنسان

وبيني وبينك الفكره..

وجمال الذكرى

والنسيان

وحسن الظن

ومشوار الحيا اليوماتى

ما بين الجبل والسهل..

ما بين الصعب والسهل

عزّ الليل..

وفى سكّه مطر بكّاى

فلا هماً تشيلى براكْ

ولا جرحاً أعانى براى

ولانا على بعض نمتن

*

وتزعلى يوم..

وازعل

وننفعل مرات

تقبّلى منّى..

واتوسّد ضُراعى سكات

وفينا حنينه

تتشابك موده..

تشابك الغابات

ونحن اذا اختلفنا سوا..

بنطيع الصاح

ولو بتنا القوا بنرتاح

اذا تمن الملح والعيش..

رُضا الشمّات

* وتتكى سنبلايه على ضراعى..

واميل

كأنى غنا الطفوله العذبْ

كأن الدنيا طى القلبِّ والمنديل

كأنّ الدنيا طىِّ القلب والمنديل
عما قريب الهمبريب يفتح شبابيك الحبيب

والحال يطيب يا محمد احمد تستجم

البيت يتم تتلم تلم

تفرح فرح تحلم حلم

كم تطمئن

حقك يجيك لا فيهو شك يمكن

ويفوتوا هم والعدل يعم

وتغني أم كادت تجن

كبر الولد جوه السجن فاقداهو هي

دا كلو كلو كلو ينتهى

زولاً تريدو وتستهيه

تلقاهو في .. لا فى السجن لا مختفي

لا يقولوا ليك ما تمشي ليه

زولاً تريدو وتشتهيه

تلقاهو في .. لا فى السجن لا مختفي

دا كلو كلو كلو ينتهى

عما قريب الهمبريب

يفتح شبابيك الحبيب

والحال يطيب يا محمد احمد تستجم




سافر زمان

قُبال سنين

لا جاب جواب لا جاب خبر

أمُّو تسأل كل طاير

وكل عائد من سفر

خيالو ما فارق عيونها

وطيفو ما غاب

ليهو

*

وما زال هناك..

فى الركن داك

صوتو وغناهو وضحكتو

وصور المعلّقه فى الجدار

وجرايدو

والكتب الزمان

الليله كاسيهم غبار

مصباحو فى الركن الحزين

ومكانو ما زال فى انتظار

اصحابو انداد الطريق

قدّام عيونها مشو اخضرار

*

يا ماشى لى بلداً بعيد

قول للمخاصم أُسرتو

قول للطالت هجرتو

أمك هناك مادقّ باب

ماعاد قطار

ووصل جواب

اسمك تهزّها ذكرتو

والبيت وراك لو شفتو كيف

ضاعت مواسمو وخضرتو

*

يا حليلو لّمن كان صغير

تلميذ بيمشى المدرسه

تشفق عليهو من الطريق

وتخاف عليهو من المسا

كيف ينسى عِيديّه وحنان

وكفاح سنين كيفن نسا؟

*

سافر زمان

قبال سنين

لا جاب جواب

لا جاب خبر



الحبيب محجوب شريف لك كل الحب
ولنا عوده

لقدام

ابو ساندرا ان شاء الله يوم شكرك ما يجي

اصدق الدعاوت بعاجل الشفاء

لمبدعنا ومصدر الهامنا الرائع محجوب شريف

الذي يكفيه فخرا انه الوحيد الذي رأيت حوله هذا الاجماع

فقد تدافع الجميع بمختلف مشاربهم لدعمه

فهو فعلا رمزا وطنيا شامخا.

ومعكم حتى نجاح الحمله بتوفير المطلوب.

سننسق مع الوطني عادل الوسيله(ابمدويات) والهاشمي الفاضل.

تراجي.

up

هاتفته في السابعة من مساء السبت
إبتدرني ما أن سمع صوتي ببيت شعر على أيقاع النوبة
{ ياود بركات
بطل الحركات }

كلمات واثقه كخطاه في درب الحرية
تتخلها ضحكات صافية نابعة من القلب
يقاطعها سعال
ثم يسترسل

{ يا عبدالرحمن بلغ كل الأخوة بتقديري وإعتزازي ، وصلتني مشاعرهم الجياشة الحلوة
وكذلك تلمست قلقهم وأحب أقول ليهم أن قلقكم زائد حبتين ، بلغهم تحياتي
وكم كنت أتمنى لقياهم في ساحة عامة وفي ظروف افضل }

- حا أدخل أنترنت وأطالع مشاعركم وحا أرد عليهم جميعآ
،، يازول انت ماعندك وقت ومافي داعي تسميهم
فكل الأسماء تشتهيهم

إنتبه للقافية وشاكسني : أنت عايز تبقى شاعر معانا
قلت له يا خال والله انا لوقعدت في ا########## دي ممكن أكتب معلقة
ضحك ، سعل
وواصل
أها لازم نتقابل قبل ما أسافر ، تعال الخرطوم
حاضر يا أستاذ

-بلاهي ما ترهقوا الناس
-يا إستاذ ده ما شغلك ، والناس جاتها الفرصة لترد لك بعض الدين
إنهم يبادلونك الحب بطريقتهم
- وأنا معتز بذلك والإنسان مهما كان مابيكون براهو ، لازم يكون مع الناس
انا ما مستغني عن حد ، لكن ماتقلقوا
- وين معاوية الطيب ؟
- قاعد وقد أقبلوا اليوم في عزاء والدة عبدالجليل
- ياسلام ياخ ماتنسى تبلغ عبدالجليل تعزيتي
- حاضر يا إستاذ
- طيب مع السلامة
- اوكي حا أتصل فيك قبل السفر وبحاول أجي الخرطوم قبله

تقريبآ ده ملخص المحادثة
لم أغفل سوى تركيزه وإلحاحه بأن لانثقل على الناس
وكان ردي الثابت عليه
مشاركة الناس حق من حقوقهم ولن تحرمهم هذا الحق

كان في معنويات عالية جدآ