عمر البشير في ماجستيك!

عمر البشير في ماجستيك!


10-17-2009, 08:44 AM


  » http://sudaneseonline.com/cgi-bin/sdb/2bb.cgi?seq=msg&board=368&msg=1274336047&rn=0


Post: #1
Title: عمر البشير في ماجستيك!
Author: AnwarKing
Date: 10-17-2009, 08:44 AM


Post: #2
Title: Re: عمر البشير في ماجستيك!
Author: AnwarKing
Date: 10-17-2009, 08:45 AM
Parent: #1

ولمن لا يعرف ماجستيك...حقو يسأل حسين ملاسي!

Post: #3
Title: Re: عمر البشير في ماجستيك!
Author: tmbis
Date: 10-17-2009, 09:04 AM
Parent: #2

عمر البشير دا صاحبك ..؟
الك رافع الكلفة خالص كدا .. ؟
قول الرئيس عمر البشير .. أو الفريق اركانحرب عمر البشير ..
الواحد فيكم لما يعمل ليهو شغل ينجضو ..
إنت ما شايف اخوانك كتاباتم كلها متقنة ..؟
السفاح عمر البشير ..
اب شلاضيم عمر البشير ..
اب فقره عمر البشير ..
إنت الليلة جايب ليها صورة .. اديها معاك صوت كمان .. شان البوست بتاعك دا طاعم ..


اتفضل يا مصطفى كوبي .. وجيب معاك صاحبك .. أبوحروف كبيرة .. وكلمو معاكم واصل والباقر جــكس .. استيف اليومين دي ما فاضي خلوهو ما تعملو ليهو ازعاج ..

Post: #4
Title: Re: عمر البشير في ماجستيك!
Author: Faisal Elrasheed
Date: 10-17-2009, 09:12 AM
Parent: #3

Quote: عمر البشير في ماجستيك!



ماجستك ده مش استديو في الخرطوم 2 ؟

ولنفرض يعني شنو كان اتصور هناك والا صورتو ختوها هناك ؟ ما انت كنته شايل صورته وحايم بيها هنا ده ؟


بوست زي بوستات محمد عادل طيب الله ثراه

Post: #6
Title: Re: عمر البشير في ماجستيك!
Author: AnwarKing
Date: 10-17-2009, 02:09 PM
Parent: #4

Quote:
ماجستك ده مش استديو في الخرطوم 2 ؟

وهو كذلك...تدخل عمر البشير...تطلع عمر البشير بالصورة الفوق ديك...!

Quote: ما انت كنته شايل صورته وحايم بيها هنا ده ؟

ديك ما كانت في ماجستيك...وكدة

Post: #5
Title: Re: عمر البشير في ماجستيك!
Author: AnwarKing
Date: 10-17-2009, 02:07 PM
Parent: #3


تمبس تحياتي والبركة في شوفتك...

في بوست كتبتو سابقاً عن حكم أبونا الشيخ فرح ود تكتوك...فيهو حكاية تنفع رداً على على أول سطرين في مداخلتك
وكدة...

بعدين أفرز كيمان البيض يا عمك...وأعمل حسابك عليهو كويس!

أنور

Post: #7
Title: Re: عمر البشير في ماجستيك!
Author: mayada kamal
Date: 10-17-2009, 02:46 PM
Parent: #5

شنو يا انور اكنج
في حاجة اسمها حقوق الملكية الفكرية وكدا
مووووش المفروض تستأذني في الصورة وكدا
الفيك اتعرفت
طييييييييييييييييييب

Post: #8
Title: Re: عمر البشير في ماجستيك!
Author: HAIDER ALZAIN
Date: 10-17-2009, 02:50 PM
Parent: #7

علم الفوتوشوب اتطور خالص ..

Post: #10
Title: Re: عمر البشير في ماجستيك!
Author: AnwarKing
Date: 10-17-2009, 02:58 PM
Parent: #8

الأخت هدير الزين شكراً على المرور...

لووووووووووووولز

Post: #11
Title: Re: عمر البشير في ماجستيك!
Author: HAIDER ALZAIN
Date: 10-17-2009, 03:01 PM
Parent: #10

Quote: الأخت هدير الزين




شكلو البوست الوصيتني بيهو وجب ...



** يىخي اخوك يضبحو في خرفانه ساي ولا نسمع منك مؤازرة هههههه

Post: #14
Title: Re: عمر البشير في ماجستيك!
Author: AnwarKing
Date: 10-17-2009, 03:05 PM
Parent: #11

Quote: ** يىخي اخوك يضبحو في خرفانه ساي ولا نسمع منك مؤازرة هههههه


أتضامن معاك قبل أن أعرف الموضوع شنو زاتو...


_____
لكن بالجد الحاصل شنو؟
لينك أي حاجة لله

Post: #16
Title: Re: عمر البشير في ماجستيك!
Author: HAIDER ALZAIN
Date: 10-17-2009, 03:07 PM
Parent: #14

لا حولا يا انور .. يآخ خمسة خرفان انضبحن بمافيهن البوست العن الارهابية بتاعت القاعدة الاسمة بيان لادن..

ومن امس الجزار شايل ساطورو وواقع ضبح ..


** هسع انا لو بقيت سجيمان كان صاحبك تبارك المسحلب جاء اتضامن معاي ..



المهم ..

Post: #18
Title: Re: عمر البشير في ماجستيك!
Author: AnwarKing
Date: 10-17-2009, 03:16 PM
Parent: #16


سجمي!!! أنتا لسه حيّ؟

على قول الراحل د.عوض دكّام...

عارف يا حيدر الزين =HAIDER ALZAIN

لا آسفاً على الماضي...ياخي يجب أن نُحسن الهتاف...وأن نكتب ولو على الحجر...فهو أحفظ للنقوش من البشر!

من مقولات الكيزان الخالدة والعاجباني: من لا يملك قوته...لا يملك قراره


Post: #9
Title: Re: عمر البشير في ماجستيك!
Author: AnwarKing
Date: 10-17-2009, 02:57 PM
Parent: #7

ميادة تحياتي وشكراً على المرور....

أخيراً الصورة ظهر ليها صاحب؟

غايتو أكيد العمل العملية دي...ما سمع بمصير المستشار الصحفي لعمر البشير سابقاً!

Post: #12
Title: Re: عمر البشير في ماجستيك!
Author: حيدر حسن ميرغني
Date: 10-17-2009, 03:04 PM
Parent: #9

كنغ ياحاسد
صحيح الفرق كبير
عليك الله الريس ما فايت الكوري حقكم ده وجاهة
سير سير يا وجيه

Post: #17
Title: Re: عمر البشير في ماجستيك!
Author: AnwarKing
Date: 10-17-2009, 03:11 PM
Parent: #12


حيدر يا حبيب...زارتنا البركة...
عليك الله ما تنسى تمر على البوست ده أنتا وحيدر الزين وميادة وتمبس وفيصل وكل من مرّ\ سيمرّ بهذا البوست:
الى متى يستمر هذا الظلم الأمريكي البائن؟ يا ناس ما ضاع ...مطالب، هيا الى العمل

بعدين قلتا لي:
Quote: كنغ ياحاسد
صحيح الفرق كبير
عليك الله الريس ما فايت الكوري حقكم ده وجاهة
سير سير يا وجيه


حضرتا لي محاضرة قريبات دي عن التوقعات الخاطئة...فيها الكثير من المعلومات المثيرة حول نفسية البشر...
نحن نميل الى المقارنة بالماضي، ولا نحسن تقييم "الأشياء"...

وبالطبع اذا ما قارنا عمر البشير بالياباني حقكم ده وجاهة، نلقى الفرق شاسع، ولا تسئل عن التفاصيل...
لو حابب سهرة لطيفة جداً مع هذه المحاضرة...ها هي هنا:
أضغط وكدة

تحياتي ومودتي
أنور

Post: #13
Title: Re: عمر البشير في ماجستيك!
Author: mayada kamal
Date: 10-17-2009, 03:04 PM
Parent: #9

Quote: غايتو أكيد العمل العملية دي...ما سمع بمصير المستشار الصحفي لعمر البشير سابقاً!

ماله عمل شنو !!!!!!!!!
نحن القاعدين في البلد دي ما عارفين وما سمعن هو عمل شنو
يقع فيكم العدو ان شاء الله
تجوا انتو اللي في اخر الدنيا يكون عندكم الخبر

Post: #19
Title: Re: عمر البشير في ماجستيك!
Author: AnwarKing
Date: 10-17-2009, 03:19 PM
Parent: #13

Quote: نحن القاعدين في البلد دي ما عارفين وما سمعن هو عمل شنو


من المقولات العاجباني برضو للكيزان...هي التفريق -عند الإمضاء- ما بين:
1- وجزاكم الله خيرا...
2- وجزاكم الله كلّ الخير...

لو أتعينتي بواسطة يا ميادة حا تفهمي الكلام أعلاه...أمّا لو أتعينتي بماجستيرك بتاع قريب للمجموع الكامل داك...
فأعتبريهو لاوندي...على قول صلاح الشيخ!

المسألة تشبيك يا ميادة...Networking وليست قاعد وين وما أدراكا!

المهم...

Post: #15
Title: Re: عمر البشير في ماجستيك!
Author: محمد ابو القاسم
Date: 10-17-2009, 03:06 PM
Parent: #9

انور
تحياتي
صورة الرئيس دي
قديمة خالص من زمن اوكامبوا طبعت ووزعت في الشوارع والعربات
وناس سوداني طلعوها وكدا

ممكن اكون اي استديو تاني لانوا
بقا موضة في الاستيوهات

مع ودي وسلامي

Post: #20
Title: Re: عمر البشير في ماجستيك!
Author: AnwarKing
Date: 10-17-2009, 03:22 PM
Parent: #15


الحبيب محمد أبو القاسم...
سلامات وتحايا وأشواق شديدة...
بركة في الشوفة شديد ياخي...

قلت:
Quote: انور
تحياتي
صورة الرئيس دي
قديمة خالص من زمن اوكامبوا طبعت ووزعت في الشوارع والعربات
وناس سوداني طلعوها وكدا

ممكن اكون اي استديو تاني لانوا
بقا موضة في الاستيوهات


أسع عليك أمان الله، أوكامبو ده عمل في الناس خير؟

ولا ناس سوداني ديل، ما بيصلوا في جامع أنصار سُنة أصلو؟

تسلم يا حبيب وأبقى طيب
أنور

Post: #21
Title: Re: عمر البشير في ماجستيك!
Author: حيدر حسن ميرغني
Date: 10-17-2009, 03:28 PM
Parent: #20

ARV_08_HATOYAMA_3392a_4865f.jpg Hosting at Sudaneseonline.com

ياكنغ زولنا فايتهم الاثنين
بعدين في الامم المتحدة طقطق ليك الطرازانات بالانجليزي
مشكلتو بعلتو المعاهو دي ..
شوفها قالت شنو
زوجة رئيس وزراء اليابان تدعي أنها تأكل الشمس
http://www.yasater.com/news.php?newsid=10257

حرم دي لو زولتنا كان تشرب ماتروى

Post: #22
Title: Re: عمر البشير في ماجستيك!
Author: AnwarKing
Date: 10-18-2009, 06:12 AM
Parent: #21

Quote: بعدين في الامم المتحدة طقطق ليك الطرازانات بالانجليزي


حيرتني يا حيدر!!!
أنا قريت حاجة غريبة عن رئيس وزراء ياباني لغتو الإنجليزي ضعيفة للغاية وكان ماشي يلاقي أوباما...
فقالوا ليهو تقول ليهو Hi, How are you?
وحا يرد عليك:
I'm fine, and You?
تقول ليهو:
Me too

وبعد كدة المتجرم حا يتولى الموضوع...
قريت أنو صاحبك أتلخبت ولمن بقا وش لي وش مع أوباما...قال ليهو:
Hi, Who Are?
أوباما بضحكة كدة قال ليهو:
I'm Micheal's husband
صاحبك الياباني بضحكة خفيفة رد عليهو:
Me too
___
دحين ده ما زولك ده زاتو؟
لوولز

Post: #23
Title: Re: عمر البشير في ماجستيك!
Author: tmbis
Date: 10-21-2009, 07:08 AM
Parent: #5

الله يبارك فيك .. الغريبة انا قاعد هنا دا .. اصلوو ما قاعد أمشي بعيد .. بس إنت الظاهر لي نضارتك دي عايزه تغيير ..
بوستات البلوغ السجلتها ديك بتكون ضعفت ليك نظرك ..
Quote: فيهو حكاية تنفع رداً على على أول سطرين في مداخلتك
وكدة...
.. فرح دا بيكتب معانا يعني واللا شنــو ..؟ جيب الرابط شان نشوف حنكو شنو ..
Quote: بعدين أفرز كيمان البيض يا عمك ... وأعمل حسابك عليهو كويس!
.. والله اكان بفرز .. كان زمااان اتكومته إنت .. لكن من حظك الجيد إنو البيض ما (بيكوموهو) .. البيض (بيسلقوهو)

أغرب حاجة اي واحد عامل معارض .. يجيب ليهو كتابات (مبييضة) جدا ..
- واحد يجيك يقوليك الليلة لاقيت ليكم البشير في أمواج .. وهو يكون عندو جنسية أمريكية وساكن جار ناس صبري هوس .. يا بشاشا جلكسات ..
- واحد يجيك يشبكك .. والله الليلة البشير فطر بي حبة مندي مع الرز ..
والله مرات كدا بصدق إنو الناس ديل جادين ..

يا انور ما عندك صورة ليهو من استديو (بـابا) .. الصورة دي ما عجبتني
كان ما ناقش استديو بابا دا .. مالك بتهبش في ثوابت الاستديوهات .. دي حركات جديدة واللا شنـو..؟

Post: #24
Title: Re: عمر البشير في ماجستيك!
Author: ibrahim alnimma
Date: 10-21-2009, 08:00 AM
Parent: #23

انور تحياتي:
أشاركك الاعجاب بهذه العبارة صنيعة الكيزان هم الان يطبقونها بحزافيرها في الداخل وكمان يطبقون
عدم الانعتاق زااااااااااتو
Quote:
من مقولات الكيزان الخالدة والعاجباني: من لا يملك قوته...لا يملك قراره


وتعتبر مصادرة القوت للشعب مصادرة لقرار هم .....كما ان توفر قوت القلة، ضمان للدفاع عن هذا
القوت......

Post: #25
Title: Re: عمر البشير في ماجستيك!
Author: omer osman
Date: 10-21-2009, 08:11 AM
Parent: #24

Quote: يا انور ما عندك صورة ليهو من استديو (بـابا) ..



تمبس ياقديم ........ ستديو بابا لا ستديو كوش

Post: #26
Title: Re: عمر البشير في ماجستيك!
Author: tmbis
Date: 10-21-2009, 08:18 AM
Parent: #25

Quote: تمبس ياقديم ........ ستديو بابا لا ستديو كوش
. تخيل يا بوليص بعدما كتبت استديو كوش تاني مسحتها .. قلت الجماعة ديل يفتكروني سودان جديد ..
شان كدا جبت ليهم استديو بابا شان نعمل ربط اجيال .. وشان الناس ما تنسى الناس

Post: #27
Title: Re: عمر البشير في ماجستيك!
Author: omer osman
Date: 10-21-2009, 08:27 AM
Parent: #26

Quote: . تخيل يا بوليص بعدما كتبت استديو كوش تاني مسحتها .. قلت الجماعة ديل يفتكروني سودان جديد ..



طبعاً هم ما عارفين انو استديو كوش ده اقدم من الحركة الشعبية زاته .......

تخريمة :

بتاع الليمون الفي الناصية داك اسمو منو (بعمل الليمون في حلل كبيرة)

Post: #28
Title: Re: عمر البشير في ماجستيك!
Author: tmbis
Date: 10-21-2009, 08:39 AM
Parent: #27

Quote: بتاع الليمون الفي الناصية داك اسمو منو (بعمل الليمون في حلل كبيرة)
.. الفي الركن حق المحطة البفتح على الخور بتاع المطابخ .. اسمو (الدنقلاوي) من ما قمنا كدا دا ..
لكن لو بتقصد الجواني الجمب جامع قليج .. الفي الناصية برضو .. داك اسمو (الضيعوك)
دا عندو اخطر ليمون في الدنيا .. ما بالخلاطـة .. بي المفرمة .. عندو مفرمة بتطلع القشر بي جهة .. والعصير بي جهة .. من شدة الليمون ما مركز .. لمن لونو (بيجي) عليهو تلج وسكر بس ..
تعرف لو (الجغمة) ما عملت ليها كنترول وكانت كبيرة .. بجيك وجع راس لمدة دقايق .. وطنين في الاضنين ..

إنت كنت قاعد تجي تضهب بي هناك واللا شنـو..؟

Post: #29
Title: Re: عمر البشير في ماجستيك!
Author: AnwarKing
Date: 10-21-2009, 08:41 AM
Parent: #28

علاء تمبس وجنابو عمر...
الليلة الوردية عليكم ولا شنو؟

Post: #30
Title: Re: عمر البشير في ماجستيك!
Author: omer osman
Date: 10-21-2009, 08:44 AM
Parent: #29

Quote: إنت كنت قاعد تجي تضهب بي هناك واللا شنـو..؟



هو ضهب ساي .... حبكانة عديل لمن بقت عرس .......

في شارع ناس كافي بتاع الزبادي .............

Post: #33
Title: Re: عمر البشير في ماجستيك!
Author: tmbis
Date: 10-21-2009, 08:49 AM
Parent: #30

Quote: في شارع ناس كافي بتاع الزبادي .............

والله لكن بتبالغ..
تعرف الشارع دا كان من ضمن (النقاط الثابتة) حقتي وقت المسلسلة طبعا ..

Post: #34
Title: Re: عمر البشير في ماجستيك!
Author: omer osman
Date: 10-21-2009, 08:56 AM
Parent: #33

Quote: والله لكن بتبالغ..
تعرف الشارع دا كان من ضمن (النقاط الثابتة) حقتي وقت المسلسلة طبعا ..



لا نحن وكت المسلسل ده بنكون في البيت شربنا اللبن وعاوزين نحضر المسلسل وننوم


تعرف على ذكر المحل الاسمو ضيعوك مرة مشينا محل الكوتش ياخي ده عندوا تحلية معانا واحد قال ليهو ده اعمل ليهو اتنين في واحد

يمين بالله ضربت ليك التحلية دي لمن راسي لفه .......... ياخي الموردة دي فيها حاجات عجيبة خلاص

Post: #38
Title: Re: عمر البشير في ماجستيك!
Author: tmbis
Date: 10-21-2009, 09:24 AM
Parent: #34

Quote: لا نحن وكت المسلسل ده بنكون في البيت شربنا اللبن وعاوزين نحضر المسلسل وننوم
. والله يا عمر تلقاك إنت بتخلط الليمون من زمن جنة الاطفال .. وبالليل تخلطو تاني ايام مسلسل البرادعي تقول لي نشرب اللبن وننوم ..؟
Quote: محل الكوتش ياخي ده عندوا تحلية معانا واحد قال ليهو ده اعمل ليهو اتنين في واحد
يمين بالله ضربت ليك التحلية دي لمن راسي لفه .......... ياخي الموردة دي فيها حاجات عجيبة خلاص
.. والله إنت بس محظوظ يا عمر .. حسع عمر الفارووق لو كان قاعد ... كان الاكلتو دا طلعو منك .. تمشي الفاتح الكوتش من ورانـايا عمر ما حرام عليك ..؟

Post: #31
Title: Re: عمر البشير في ماجستيك!
Author: omer osman
Date: 10-21-2009, 08:47 AM
Parent: #29

Quote: علاء تمبس وجنابو عمر...
الليلة الوردية عليكم ولا شنو؟



ازيك يا انور ....... الدرب جابنا ولقينا اخونا في الله علاءالدين الشهير بي تمبس قلنا ناخد لينا خشم خشمين معاهو

Post: #32
Title: Re: عمر البشير في ماجستيك!
Author: tmbis
Date: 10-21-2009, 08:47 AM
Parent: #29

Quote: علاء تمبس وجنابو عمر...
الليلة الوردية عليكم ولا شنو؟
.. يعني حسع فاكر بوستينك دا عايز ليهو ورديـة ..؟
والله راسي عمل زنننن عديل كدا ..
إنتو الزول دا جادي ..؟

Post: #35
Title: Re: عمر البشير في ماجستيك!
Author: عمران حسن صالح
Date: 10-21-2009, 09:00 AM
Parent: #32

Quote: تعرف لو (الجغمة) ما عملت ليها كنترول وكانت كبيرة .. بجيك وجع راس لمدة دقايق .. وطنين في الاضنين ..


.
.
.
.
__________________________________________________________________________________
عندي صاحبي دنقلاوي يا تمبس ( ساكن ) هنا ليهو عشرين سنة وقام نزل إجازة ، حسَ ليكـ بي أبوهو يعاين ليهو عشرة عشرة
مستنيهو يتكلم يشوف لهجتو بقت كيف ..
الشفت صاحبي ده شعر ليكـ بالشركـ .. قام قال لأمو وابوهو حاضر ..
يمه أديني القفة أمشي الطابونة أجيب الرغيف !!
الأبو قال ليهو يا ولدي انت كنت مغترب في مرزوق
دحين ( الجغمة ) دي ذكرتني صاحبي ده

Post: #39
Title: Re: عمر البشير في ماجستيك!
Author: tmbis
Date: 10-21-2009, 09:40 AM
Parent: #35

Quote: دحين ( الجغمة ) دي ذكرتني صاحبي ده

Quote: مستنيهو يتكلم يشوف لهجتو بقت كيف ..
.. والله تعرف يا عمران .. انا لو حاولت بي اي طريقة اعووج لساني .. غايتو اليوم داك غلا اشوف لي لسان تاني .. ما مديني ليك فرصـة اتسعود واتخلجن خاالص .. تفتح خشمك تلقى ابوك حاد ليك .. تزوغ من اخوك تحاول تتجدع في اخوانك .. يدخلوك في علبك .. تعمل مجنون على حبيبتك وتحاول تدهشة بي انك خبير اجنبي .. تقوليك هووي كلامك دا قولو لي زولة ما عندها حديدة غايتو لو ما شوية الطنقعة القاعد اتطنقعه عليك دي والله الواحد سنين غربتو دي كان تضيع سااااكت كدا دا .. لا عقال .. لا ريال

Post: #36
Title: Re: عمر البشير في ماجستيك!
Author: داليا الكباشى
Date: 10-21-2009, 09:05 AM
Parent: #32

لا لا لا لا ... بوست عيييييييييييييييينه ...
والله الواحد غلبو عديييييييييل ما يعلق .. انتو (ليلتكو فل بأأأه يا قدعان ) .. (وش مدردق من الضحك) ..
Quote:
الفي الركن حق المحطة البفتح على الخور بتاع المطابخ .. اسمو (الدنقلاوي) من ما قمنا كدا دا ..

هووووي يا تامبا يا اخوي , كلامك دا كلام زول كان (حاتل ) بهناك (طبيعي) وعامل (فل اتندانس) بهناك .. لووول ..
بعدين انت شكلك النوع الكان بيدفع بالشهر داك , كل اول شهر تجي تدفع قروش (الليمون) مع بعض , يعني نظام
الود متوفر طبيعي بيغادي وكده , لوووول ..
Quote: عندو مفرمة بتطلع القشر بي جهة .. والعصير بي جهة

اسمع يا تامبا يا اخوي , زولك دا ما بيسلفنا (المفرمه ) دي في البورد دا ؟؟؟ والله مرات في ناس هنا (بيتعصرو)
بدون (مفرمه) .. وطبعا انت عارف حسب خبراتك (الليمونيه ) القديمه .. انو (العصر) بدون (مفرمه) بيخلي الزول
المعصور (مطفج) و (معفص ) ... يديني وجعوني من الاقواس ..دا شنو دا ؟؟؟ لوووووووول ..

Quote: لونو (بيجي)

والله اسي (الريس) (بكري طبعا موش اللي في الصوره عشان ما يتلخبت الاختساس) اسي يسمع كلمه (بيجي) دي
يتذكر (الخرفان) ويجي شايل سكينو (يضبح) ليكم (البوست) (جخخخخخخخ) ... لووول هوي اوعكم تقولوا كلمتو انا من اسي ...!!!

Quote: هو ضهب ساي .... حبكانة عديل لمن بقت عرس .......

عمر عثمان ..انا احيي الضهب الزي دا ... الضهب البيجيب العرس سريع سريع دا ميه ميه ... موش زي صاحبك تامبا
اللي كمل (الليمون) كلو بلا فايده .. اسي بكره يقول يا جماعه رسلو لي شريط عرس اعزل منو ...!!! لووووووول


تحياتي صاحب البوست انور والزعل مرفوع هنا دي ونسه ساااااااااي .... تحياتي ...

Post: #37
Title: Re: عمر البشير في ماجستيك!
Author: omer osman
Date: 10-21-2009, 09:18 AM
Parent: #36

Quote: عمر عثمان ..انا احيي الضهب الزي دا ... الضهب البيجيب العرس سريع سريع دا ميه ميه ... موش زي صاحبك تامبا
اللي كمل (الليمون) كلو بلا فايده .. اسي بكره يقول يا جماعه رسلو لي شريط عرس اعزل منو ...!!! لووووووول





ياداليا ..... ناس تامبا ديل مابشربوا في الليمون ده من صغار عشان كده اخدوا مناعة

اهاااا شراب الليمون ده على كبر هو البلف الراس وبجيب العرس سريع سريع ...



اقول ليك حاجة ياتمبس .... اقلب جوافة بس من محل اب عصاة سيف في السوق الشعبي الخرطوم ..... بتعرس طوالي ....

Post: #40
Title: Re: عمر البشير في ماجستيك!
Author: داليا الكباشى
Date: 10-21-2009, 09:48 AM
Parent: #37

عمر عثمان يا اخوي ...

Quote: اهاااا شراب الليمون ده على كبر هو البلف الراس وبجيب العرس سريع سريع


انت وزاره الداخليه ما بتقعد جمبك وانت بتكتب الكلام دا ولا شنو ؟؟؟ اسي تقول ليك انت قصدك شنو ..؟؟
يعني عرسنا كان نتيجه (ليمونيه ) بحته ؟؟؟ لوووووول ..

اما تامبا اخوي دا .. خليهو ساي , دا خلاس تاني لا جوافه ولا ليمون ولا تمر (هندي) زاتو ما يحلو ...
البقت عليو بقت خلاس .. قلت ليك تاني الا شريط (حفله) كده نرسلو ليهو .. يأشر يقول انا داير دي
نقول ليهو سجمي يا تامبا انت عميت ؟؟ البت ياها دي معرسه بي حنتها ... يقوم يزهج ويضرب
كرعينو في الواطه .. يقول لينا : ليمون ليمون ليمون ... اقصد ما داير ماداير ماداير ...
ويجي راجع الراض يزرع ليمون في الباك يارد بتاع الشقه ... لووووووووول ..

تحياتي عمر وتحياتي للمدام ...

Post: #41
Title: Re: عمر البشير في ماجستيك!
Author: سارة كرودى
Date: 10-21-2009, 09:55 AM
Parent: #37

Quote: اهاااا شراب الليمون ده على كبر هو البلف الراس وبجيب العرس سريع سريع ... ....



يعنى يا جنابو كان انا شربته ليمون اسى ده بعرس

نشكرك على الوصفة المجربه بس ضيف عليها اسكريم وحيد

Post: #42
Title: Re: عمر البشير في ماجستيك!
Author: omer osman
Date: 10-21-2009, 10:02 AM
Parent: #41

Quote: انت وزاره الداخليه ما بتقعد جمبك وانت بتكتب الكلام دا ولا شنو ؟؟؟


اهااااا يا داليا جبتي السيرة جات بالدرب

Quote: يعنى يا جنابو كان انا شربته ليمون اسى ده بعرس

نشكرك على الوصفة المجربه بس ضيف عليها اسكريم وحيد



واللبيب بي الاشارة يفهم .....

Post: #43
Title: Re: عمر البشير في ماجستيك!
Author: داليا الكباشى
Date: 10-21-2009, 10:10 AM
Parent: #42



Quote: اهااااا يا داليا جبتي السيرة جات بالدرب


خلاس قمنا على شغل الكلام المغتت ..؟؟؟ لا لا لا يا اخوي كده ما بينفع معانا
يا تورونا الحاصل معاكم يا ما دايرين نطلع نخلي ليكم البوست دا ...لووول
ولا شنو يا سروور ...
ياخ اسمعي ايسكريم وحيد دا حاجه سمحه خلاس .. ياخ انتي زوله
راقيه .. سيبك من ناس تمبس وعمر ديل ليمون سااااااااااي ..لووول

اسمع يا عمر . انت صاحبك تمبس دا بيصهين كده مالو ؟؟؟ كلامنا
ما نفع معاهو ؟؟؟ ولا حبيبتو هرشتو قالت ليهو ما تتكلم مع البنات
لا بالسعودي ولا بالسنغالي ؟؟؟ (حلوه السنغالي دي عجبتني) ؟؟؟
عليك الله يا عمر افقدو لينا ما يكون (هرشوهو) شديد وبعدين
البت حبيبه تمبس دي لو بتعرفها قول ليها ياخ دا كلام بورد ساااي
البنات ديل ما قاصدين حاقه ... لووووووووول ...

Post: #46
Title: Re: عمر البشير في ماجستيك!
Author: omer osman
Date: 10-21-2009, 10:20 AM
Parent: #43

Quote: لاس قمنا على شغل الكلام المغتت ..؟؟؟ لا لا لا يا اخوي كده ما بينفع معانا
يا تورونا الحاصل معاكم يا ما دايرين نطلع نخلي ليكم البوست دا ...لووول
ولا شنو يا سروور ...



ياداليا مغتغت شنو ؟ والله بعد كده إلا نعمل ليكم (Scanning) لي كرت العقد والا (download) لشريط العرس


Post: #44
Title: Re: عمر البشير في ماجستيك!
Author: سارة كرودى
Date: 10-21-2009, 10:12 AM
Parent: #42

Quote: اهااااا يا داليا جبتي السيرة جات بالدرب


ليه يا داليا جبتى السيرة بالغتى !!!!!

عقبال جيت الطاره هههه

Post: #45
Title: Re: عمر البشير في ماجستيك!
Author: سارة كرودى
Date: 10-21-2009, 10:18 AM
Parent: #44

Quote: خلاس قمنا على شغل الكلام المغتت ..؟؟؟ لا لا لا يا اخوي كده ما بينفع معانا
يا تورونا الحاصل معاكم يا ما دايرين نطلع نخلي ليكم البوست دا ...لووول
ولا شنو يا سروور ...


داليا ....

ما تشتغلى بى كلام جنابو كتير انا ما وزارة الداخليه لكن فى وزارة تانى هههههه

تسلمى ومن المعجبين بى كتاباتك انا وبتاع الليمون ..

كونى بخير ...

Post: #47
Title: Re: عمر البشير في ماجستيك!
Author: وليد محمد المبارك
Date: 10-21-2009, 10:41 AM
Parent: #45

Quote: من لا يملك قوته...لا يملك قراره


تصحيح
دي ما من مقولات الانقاذ
دي من مقولات الكتاب الاخضر للزعيم الليبي معمر القزافي وهي احدى الشعارات التي ترددها اللجان الشعبية الليبية


مقولات الكيزان زي

الزارعنا غير الله اللجي يقلعنا

Post: #50
Title: Re: عمر البشير في ماجستيك!
Author: داليا الكباشى
Date: 10-21-2009, 11:03 AM
Parent: #47

وللي يا صاحبي ...


لقيت (مسغف) يا يابا .... قلت لي الغزافي وكده ؟؟؟

اسمع بتاع الليمون دا بتعرفو ؟؟؟ انت مش من ام درمان ؟؟؟ اها ما عملت (اتندانس)
هناك ...؟؟؟

-------
الواحد بس يجي طاير ...!!! لوووول

Post: #48
Title: Re: عمر البشير في ماجستيك!
Author: داليا الكباشى
Date: 10-21-2009, 10:43 AM
Parent: #45

هوووووووووي يا ساره ويا عمر عثمان ..

انتو شلتو الود تمبس وديتوهو وين ..؟؟؟ عاملين علي انفراد وكده ؟؟؟
لكن اصبروا اسسسسسسي يجيكم كاسح ... بس انشالله (حبيبتو) ما
تهرشو تقول ليهو اوووووعك تمشي تدافع علي عن البت (القصيرونه)
دي ...لوووووووول ..

-----------------------
المعلومه وصلت ... يديكم العافيه ...

Post: #49
Title: Re: عمر البشير في ماجستيك!
Author: omer osman
Date: 10-21-2009, 10:55 AM
Parent: #48

Quote: بس انشالله (حبيبتو) ما
تهرشو تقول ليهو اوووووعك تمشي تدافع علي عن البت (القصيرونه)



ياداليا الزول ده شكلو ادوهو جزاء مايخش النت لمدة اسبوع .......

Post: #51
Title: Re: عمر البشير في ماجستيك!
Author: سارة كرودى
Date: 10-21-2009, 11:08 AM
Parent: #49




لا لتحريف البوست عن مساره .. ..

Post: #52
Title: Re: عمر البشير في ماجستيك!
Author: داليا الكباشى
Date: 10-21-2009, 11:14 AM
Parent: #51

عمر عثمان .. قلت لي اسبوع مش ....؟؟؟

ياخ دا كلام صعب خلاس ... البنيه شكلها صعبه .. ربنا يوفغ يا تامبا
لكن بس اعمل حسابك , شيل الشوك والسكاكين والصواطير كلها
من البيت , لانو البيطبق عقوبات (اسفيريه) من اسي , ممكن
يطبق عقوبات (اعداميه ) اذا احس بالخطر .. لووووول

سروووووووره ... شنو ياخ ما عقدتينا .. اسي انور دا يكون زعلان مننا
والله يا انور انا ما قصدي لكن الناس ديل حلوين عديييييييل ...

تحياتي انور ولك العتبى ...

Post: #53
Title: Re: عمر البشير في ماجستيك!
Author: tmbis
Date: 10-21-2009, 11:26 AM
Parent: #36

Quote: هووووي يا تامبا يا اخوي , كلامك دا كلام زول كان (حاتل ) بهناك (طبيعي) وعامل (فل اتندانس) بهناك .. لووول .. بعدين انت شكلك النوع الكان بيدفع بالشهر داك , كل اول شهر تجي تدفع قروش (الليمون) مع بعض , يعني نظام الود متوفر طبيعي بيغادي وكده , لوووول ..
.. والله يا دكتورة بالنسبة للدفعيات ما كان عندنا مشكلة ميزانية .. الواحد كان بيجيب معاهو (كوزو) وبيدخل (الحلــة) يصوووط ويغرف براهـو.
بالمناسبة ناس استديو ماجيستيك ديل ما يجو يشبكوني من ما كنت صغير بتموت موووت في (الكيزان) .. ضيعوك دا بالتحديد كان عندو الشراب (بالكيزان) تشرب بالكوز .. انا بالذات كنت بجب كوزي معاي شان ما يجي أنور كنج يشيل كلامي دا ويفتح ليهو بوست بلوغ .. ويقول تمبس يعترف بي إنو كوز من صغير .. كوزنتي دي يا شباب جات على كبر ..
Quote: اسمع يا تامبا يا اخوي , زولك دا ما بيسلفنا (المفرمه ) دي في البورد دا ؟؟؟ والله مرات في ناس هنا (بيتعصرو) بدون (مفرمه) .. وطبعا انت عارف حسب خبراتك (الليمونيه ) القديمه .. انو (العصر) بدون (مفرمه) بيخلي الزول المعصور (مطفج) و (معفص ) ... يديني وجعوني من الاقواس ..دا شنو دا ؟؟؟ لوووووووول ..
والله ابشرك يا داليـا .. كان بقىتي عايزه المفرمـة دي لي ناس الاستديو ديل، هم من يوم عاصرين نفسم .. كل اتنين (بتخاتتو) ليهم مفرمه .. يجوك داخلين البوست .. كل واحد يفرم ويدي التاني .. بيصوة أوض كل فرمـة علي زول لحدت ما يدخلو (الفورمـه) يللا تجي تجيب مفرمتك لتساهم معاهم .. يقولو ليك عبي لينـا (فورم) بتاع (فرم)..
Quote: والله اسي (الريس) (بكري طبعا موش اللي في الصوره عشان ما يتلخبت الاختساس) اسي يسمع كلمه (بيجي) دي
يتذكر (الخرفان) ويجي شايل سكينو (يضبح) ليكم (البوست) (جخخخخخخخ) ... لووول هوي اوعكم تقولوا كلمتو انا من اسي ...!!!
.. يا دكتورة .. البوستات البتتضبح ليها الكديسة والبتتضبح خرفانه ما زي البوستات دي .. دي بوستات الاكشن اسمها .. ولو اتضبحت خرفانه بيضبحوهـا تالت يوم .. تجي داخله هنا ريحـة الشية ما تديك الدرب ..
Quote: موش زي صاحبك تامبا اللي كمل (الليمون) كلو بلا فايده .. اسي بكره يقول يا جماعه رسلو لي شريط عرس اعزل منو
.. عليك الله يا داليا من زمن الشريط .. إنتو قدام وتقليديين .. واحد بيحب من زمن دكان كافي بتاع اللبن .. وأخرى تقول ليك يرسلو ليك شريط العرس ..
لو كان قلتي لي الـ DVD أو الفلاش ميموري .. والله كان عزلته من طرف..



Post: #54
Title: Re: عمر البشير في ماجستيك!
Author: حيدر حسن ميرغني
Date: 10-21-2009, 11:37 AM
Parent: #53

تامبا يا كمندان
البوست ده اتملى خرفان كده متين
العيد بعيد

Post: #55
Title: Re: عمر البشير في ماجستيك!
Author: داليا الكباشى
Date: 10-21-2009, 11:44 AM
Parent: #54

الاخ حيدر ... معليش سوء فهم بس ...

الصوره حقتي دي زاااتها بغيرها ....دايره تجيب لي الهوا .... لووول

معليش يا حيدر ما بين الاخوان عتاب ... تحياتي ...

Post: #56
Title: Re: عمر البشير في ماجستيك!
Author: حيدر حسن ميرغني
Date: 10-21-2009, 11:52 AM
Parent: #55

Quote: البوستات البتتضبح ليها الكديسة والبتتضبح خرفانه ما زي البوستات دي .. دي بوستات الاكشن اسمها .. ولو اتضبحت خرفانه بيضبحوهـا تالت يوم .. تجي داخله هنا ريحـة الشية ما تديك الدرب ..

؟؟؟؟؟؟؟؟؟؟؟؟؟

Post: #57
Title: Re: عمر البشير في ماجستيك!
Author: داليا الكباشى
Date: 10-21-2009, 12:09 PM
Parent: #56

نأسف لهذا العطل الفني ...
ونعود لمواصله ما انغطع من حديس ...

Post: #58
Title: Re: عمر البشير في ماجستيك!
Author: حيدر حسن ميرغني
Date: 10-21-2009, 12:14 PM
Parent: #57

Quote: الاخ حيدر ... معليش سوء فهم بس ...


لا عليك اختنا داليا
رديت بالاقتباس لان مابداخله شارح لنفسه
ولا يهمك
واصلي بالسلامة

Post: #59
Title: Re: عمر البشير في ماجستيك!
Author: AnwarKing
Date: 10-21-2009, 12:35 PM
Parent: #58

Quote: ونعود لمواصله ما انغطع من حديس ...


أها هاكم من جنس ده:
Quote: المشتروات الخضراء هي..شراء المتطلبات الضرورية جداً والأقل إضراراً بالبيئة...
بينما السلع الخضراء هي المنتجات التي تستخدم القليل من الموارد والطاقة.

بس خليكم أصدقاء للبيئة بالله...


سلامات للجميع وأرجو أن نركز على أي موضوع...موش مهم...

Post: #60
Title: Re: عمر البشير في ماجستيك!
Author: AnwarKing
Date: 10-21-2009, 03:06 PM
Parent: #59


غايتو يا ود البشير...الزول العمل الصورة دي...صراحة جضمّك جنس تجضم!
الجضوم والجفون...(موش الجفون دي ياها التحت العيون طوالي؟)...





سبحان مغير الأحوال...من حال الى حال...
المهم...



Post: #61
Title: Re: عمر البشير في ماجستيك!
Author: HAIDER ALZAIN
Date: 10-21-2009, 03:21 PM
Parent: #60

عاوز اخت وش اخضر كدة للبوست دا ما ظابط معاي الرايت كليك ..

فأخدوا من الايقونة يا معلم ..



ـــــــــــــــ
الكتررررابة ..

Post: #62
Title: Re: عمر البشير في ماجستيك!
Author: AnwarKing
Date: 10-22-2009, 04:47 AM
Parent: #61

المؤتمر شغال حالياً، وأخوك قال الروب عديل يا حيدر من الوجع!
شوف القصة دي بالله

بجيك راجع لقصة الوشوش دي

Post: #63
Title: Re: عمر البشير في ماجستيك!
Author: Wasil Ali
Date: 10-22-2009, 04:54 AM
Parent: #62


Post: #64
Title: Re: عمر البشير في ماجستيك!
Author: AnwarKing
Date: 10-22-2009, 04:58 AM
Parent: #63


Post: #65
Title: Re: عمر البشير في ماجستيك!
Author: Wasil Ali
Date: 10-22-2009, 05:03 AM
Parent: #64


Post: #66
Title: Re: عمر البشير في ماجستيك!
Author: AnwarKing
Date: 10-22-2009, 08:49 AM
Parent: #65


Post: #67
Title: Re: عمر البشير في ماجستيك!
Author: AnwarKing
Date: 10-22-2009, 09:01 AM
Parent: #60


Post: #68
Title: Re: عمر البشير في ماجستيك!
Author: أنور أدم
Date: 10-22-2009, 10:47 AM
Parent: #67





البشير يتذكر ايام طفولته


انور ازيك ..

Post: #69
Title: Re: عمر البشير في ماجستيك!
Author: أنور أدم
Date: 10-22-2009, 10:50 AM
Parent: #68



عمر البشير .... لحظة زهو

Post: #70
Title: Re: عمر البشير في ماجستيك!
Author: أنور أدم
Date: 10-22-2009, 10:52 AM
Parent: #69



عمر البشير في لحظة أسي

Post: #71
Title: Re: عمر البشير في ماجستيك!
Author: أنور أدم
Date: 10-22-2009, 10:57 AM
Parent: #70



عمر البشير و قد غلبته الحيلة




البشير متمحن