Post: #1
Title: اجازة جميلة...بورداب الخرتوم..الرهد ابو دكنة..واشياء اخرى..فى المنبر (الحر)
Author: AnwarKing
Date: 09-10-2004, 03:45 AM
Parent: #0
السلام عليكم...
أولاً التحايا للجميع....
ثانياً الاشواق للجميع وخصوصاً ناس الخرتوم الرائعين حقاً(المهندس-عاصم الحزين-أحلام"دريمز"- ملكة سبأ-ناجى الزبير الملك-سامى-HAMZA SULIMAN-تمبس سيستر-زولة123-بنت المطر وسمرية العزيزة)
...
ثالثاً يا ناس برّه (المغتربين) أمشوا جوه بالله عشان نقفل الباب دا...
رابعاً دارفور والجنوب ديل محلهم وين فى السودان؟؟؟....
خامساً احنا عليكم الله ما ناس هبل؟ المتهم والبذئ والقمئ وال.... دايماً فى المقدمة(الحكومة) ؟؟؟
سادساً للذين لا يعجبهم كلامى.... قولوا بوووووووووووووووووووووووووووع............
سابعاً وليس أخيراً....يا سودانيين حيرتونا معاكم...قولوا انتو دايرين شنو؟؟؟
ثامناً لسع ناس حليمة فى عوايدم وزكاتم القديمة البايخة وحزينة... لعن الله المنقة لمّا تعفن...
تاسعا لماذا يغطس بوست مأمون الطفل المعجزة الذى نشهد جميعا بنبوغه ونعرف انه يحتاج مساعدة كل منا...ويرتفع ويظل بوستات...هناى وهنايه........... فى الصفحة الاولى؟؟؟؟؟؟؟؟؟؟؟؟؟؟؟؟؟؟؟؟؟؟؟؟
عاشراً سلام الى صديقى الهكر هوبفل...ود.بيان...ود.أمانى السنى...
مرحباً بالقادمين الجدد والقادمات...الاحياء منهم والاموات... ولو فى طريقة لعضوية جديدة من غير واسطة ادونا واحد زى بتاع البال توك...عشان عندى زول بيحب الشغب داير اجيبوا يتعلم معانا الديموقراطية هنا...فى المنبر (الحر)...سودانيز (أون لاين)...
معاً من اجل الديموقراطية والشفافية.....والمهازل فى بلد المليون موبايل...وبايل ايضاً...
ليكون السودان للجميع... سودان فور أول وكدا....
أنور....كوريا
ملحوظة...عجبتنى 
المميز دى...قلتا استعمله هنا...
دايرين مبدع برضو بالله...
|
Post: #2
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: معتز تروتسكى
Date: 09-10-2004, 03:54 AM
Parent: #1
AnwarKing..
احلى اجازه لاحلى ناس..
وكمان
اسمع مشيت عدت الذكريات فى الترده  ..
وانت اسه وين اخبارك مقطوعه ياباشا..
معذور لقى اصحابو نسى احبابو..
ومخلينى مقطوع براى هنا فى اخر الدنيا  ...
لك حبى..
معتز تروتسكى ..
|
Post: #95
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: المكاشفي الخضر الطاهر
Date: 09-14-2004, 11:40 PM
Parent: #2
ما معقول يا أنور
دا كلام شنو دا 
تنساني كيف ؟
|
Post: #105
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: AnwarKing
Date: 09-15-2004, 03:33 AM
Parent: #95
الحبيب المكاشفي...
هو انت برضو بتتنسى؟
ابداً والله ومازال البوست يافعاً وفيه المزيد...
بس الصبر اليبل الآبرى...
لعل عدم حضورك لقعدة البورداب كان لها الاثر الكبير فى صدأ الرأس...
لك الحب والعتبى حتى ترضى يا حنين...
أنور
|
Post: #3
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: AnwarKing
Date: 09-10-2004, 04:13 AM
Parent: #1
الحبيب معتز...
والله مشتاقين يا حبيب.... انا رجعت قريب منك لبلدى الثانى الاول....
الرهد أبو دكنة... ذات الغابات الداكنة السواد...
والرهد أبو دكنة, المسكين ما سكنه...من الدكاكين الكثيرة...وهذه الرواية غير مرجحة لأن المدينة نفسها جديدة... تقع بين كوستى والابيض... 6 ساعات سفر من الخرطوم....
الطريق مسفلت ...نصو عملوه الامريكان...والنصف الآخر عملوهو الكورييين ولا الايطاليين ما عارف...المهم ما عملتو الشركات الوطنية (زى شركة المتعافى صاحب النجمة الانجازية)....
بلد جميلة فى الخريف.... التردة فى الخريف بطول 17 كلم وعرض 1 كلم... يشرب منها الناس...والحيوانات أيضاً...
وتنحسر صيفاً لتصبح 5 أو 6 كلم طولا و 500 متر عرضاً...وايضاً يشرب منها الناس والحيوانات...
لذلك فالصحة كما التعليم كما الكهرباء فى الرهد يا معتز لا أول لحكاياتها ولا آخر...
الموية تفتح من الساعة 5 الى 6:30 صباحاً...والموية جات فملوا الباقات...
أمأ رضى الله عنها الكهرباء...بتجى من الساعة 7:30 مساء الى الساعة 12:30 فى الليل يومياً...لذلك فكل الناس لديها ساتلايت رقمى,,, يلقط كل الدنيا...الا دارفور القريبة (3 ايام من الرهد)
مصدر كبير جداً للكركدى والصمغ العربى والثروة الحيوانية...
المراة فى الرهد عاملة...أحسن الف الف مرة ممن فتح الله عليهم بالقلم...
المجتمع فى الرهد مترابط....
سياسياً سكان الرهد اتحاديين... وفيها ضريح العارف بالله الشريف محمد الامين الهندى...الذى لاقى الامام المهدى بعد معركة غدير...
وبالقرب منها جبال المعارضة...قطن فيها كل من عارض الحكومة فى زمن السياسة...والمعارضين الذين يحتمون بالجبال...لا الفنادق...
هوايات الناس فى الرهد..الصيد...ولديهم معلومات كثيرة عن الحيوانات.... والموبايلات ايضاً رغم ان الشبكة لم تصلهم بعد...
غايتو.... الصور تحكى....
أنور
|
Post: #94
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: أمير تاج السر
Date: 09-14-2004, 11:19 PM
Parent: #3
أنور
حمد الله على السلامة ..
أراك وصلت إلى ( سيئولك ) وبدأت إبداعك المييز ..
ولي عنك صور ( طائرة ) ..أريد رؤيتها
تحياتي
|
Post: #4
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: نصار
Date: 09-10-2004, 04:17 AM
Parent: #1
العزيز انور
جيتنا بأسئلة انت الاجدر بتقديم اجابات عنها و اخفيت النصف الجميل من الاجازة السعيدة،،،طلع المدكن باقي نحنا ناس محرومين،،،كنت متابع لحركاتك و سكناتك في السودان (جواسيس و كدا) لكن الكلام حلو في خشم سيده,,
حمدا لله بسلامة العودة
|
Post: #6
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: AnwarKing
Date: 09-10-2004, 05:13 AM
Parent: #4
الحبيب جداً نصار...
يا اخوى انا عارفك قاعد على الهبشة وداير زول يقول ليك ارجع...
والله دى نصيحة من أخو.... لو عندك أى سياسه ولا حاجة كدا ما ياها...خليك فى حتتك قاعد... اما لو داير تجوط مع الجايطين وما تهفم حاجة...ابقا راجع ساكت والجرى هناك ورا قفة الخضار والجرى من بواليس الحركة برضو...
غايتو البلد البعرفه انا...بقيت ما بعرفه... والله.... تخيل يا نصار..دايرين نعمل ندوة عن موضوع البحث العلمي بتاعى...ما قدرنا!!! ياخى زمان الندوات دى كان بنعمله ونستضيف كمان...
بعدين الله يعلم الجواسيس فى السودان حالهم واقف وممكونيين بالحيل...الله يكون فى عونهم يا رب...
شايلين التقيلة جوة وبرة....
الحمد لله على كل حال...
الانصاص الجميلة... وقل الكل الجميل... تعرفت على الرائعة احلام... دريمز...وياما تحت الاسماء الحركية عظماء وعظيمات... ياخى والله الزول ليهو زمن ما لاقى ناس جميلة كدا يا نصار...
نص آخر...عثمان المهندس.... ونص الكل عاصم الحزين...
اما ناجى الزبير الملك... فوالله مشتاقين يا...
وناس تانين... استميحهم عذراً فى عدم ذكر الاسماء...
وكلهم شافوها............
خطيبتى يا نصار... ربنا فتحها علينا بخطيبة... وشريكة حياة... وزى ما وعدناكم قبل كدا...
والله بحبها جنس حب... وربنا يتم مشوارنا للآخر...
الف مبروك يا نصار...بوست العرس وتعديل المواصفات غطس...
أنور
|
Post: #5
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: ود حماد
Date: 09-10-2004, 04:24 AM
Parent: #1
أهلييييييييييييييييين أنور وحمد لله علي السلامة مشتاقين ياراجل
شنو يازول جاي مسخن كدا وفاتح النيران في كل ألأتجاهات؛ شكلك خرمان وداير ليك زول يطالعك الخلا .
|
Post: #7
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: محمد عبدالرحمن
Date: 09-10-2004, 05:15 AM
Parent: #5
انو الملك ...( زي مابتقول رجاء )
الف حمد الله علي السلامة ، وشنو طولت الغيبة اخر حديثك انك ستكون في كوريا يوم 31 والليله يوم 10 ، شفقنا عليك قلنا ( الجماعة) مسكوا فيك وحلفوا ماترجع ....
واصل حكيك عن السودان الذي ذهبت اليه ولم تجد فيه من يتحدث عن دارفور ، تعجبني سخريتك في تناولك لواقعنا المرير ...
عميق محبتي لك ....وبينا (ماسنجر)
|
Post: #9
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: AnwarKing
Date: 09-10-2004, 05:25 AM
Parent: #7
محمد عبدالرحمن الوجيه النضيف زى ما بقول انا...
أولاً يا سيدى خلينى أعترف ليك بصداقتى ليك غصباً عنك... والف الف شكر على تلفون العزاء الذى أكد وجودكم أون لاين...
بالنسبة للجماعة(سماح)... مسكته فيهم انا والله...ولحدى خشم باب بيتهم وصلتهم... ولو دقسوا وحلفوا كان قعدت... اصلوا احنا البسفرنا البلاد البعيدة دى مش هم زاتهم...
يبقا لما نلقاهم نخليهم!!!
صحيح والله...عيييييييييينا للجنجويد... ونقول الامبرياليه الصهيونية المتأمركة....
بينا كل الود يا محمد...تعظيم سلام...
أنور
|
Post: #8
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: AnwarKing
Date: 09-10-2004, 05:20 AM
Parent: #5
ود حماد...
والله مشتاقين...
والله مافى سخانة أكتر من بتاعة الساعة 3 فى مطار الخرطوم وانتا جاى من السفر... والمظلة يتيمة وفيها الناس زى المسامير الملمومة فى المغناطيس...
يا زول ها... وين مطالعة الخلا مع القوانين البوردية العجيبة دى...
الله غالب...
لك الحب...
أنور
|
Post: #10
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: AnwarKing
Date: 09-10-2004, 06:08 AM
Parent: #1
ما بين كوستى شمالاً والابيض جنوباً تقع الرهد...
استضافنا المحامى الشاب عبد الرحمن عبد القادر من ابناء الرهد فى صالونه العامر وحدثنا عن الرهد...
الرهد ابو دكنة... والدكنة المقصودة (داكنة السواد) هى غابات السنط التى عسكر فيها الامام المهدى قبل معركة شيكان...
قبائل جنوب السودان كلها موجودة... والشمال ايضاً... الغالبية جوامعة... ونوبة... زغاوة.. هوسا.. وتوجد احياء كاملة تسمى باسم القبيلة... حفيرة منوفلى تنسب للنوبة.... جبل سدرة الذى يأوى المعارضين من زمن الاستعمار...
حمدان ابو عنجة حارب معارضى المهدية فى هذا الجبل العجيب...
سكان الرهد أقل من 100 الف نسمة...
|
Post: #11
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: AnwarKing
Date: 09-10-2004, 06:11 AM
Parent: #1
مدخل المدينة...
|
Post: #12
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: AnwarKing
Date: 09-10-2004, 06:19 AM
Parent: #1
الخضرة فى كل مكان....
الايجار فى الرهد غالى جداً....
ويزرع الكركدى حول الرهد... واسمه زهرة الرهد...معروف عالمياً..الاسرة بكاملها تشارك فى زراعة الكركدى.. وايضاً نضافته...من الشرا (اشواك صغيرة اقل حجماً من الشعر) ((اب شرا..ان شاء الله راجل مرا))...
يزرع الصمغ العربى... ايضاً وسمسم ابيض... والذرة بانواعه المختلفة....
بالله اليشيل الصور دى يدينى خبر....عشان ما بتدقس ساكت...
|
Post: #13
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: koki
Date: 09-10-2004, 06:24 AM
Parent: #1
العزيز انور
حمد لله على سلامتك ياصديقى
يبدو اونك قد قضيت اجازة مدهشه فى ربوع الوطن الجميل
احسدك يا عزيزى على كل هذه الخضرة وكل هذا الجمال
لك الود
|
Post: #14
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: سجيمان
Date: 09-10-2004, 08:03 AM
Parent: #13
انور
حمد الله على السلامة
مالقيت عروس؟
|
Post: #16
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: AnwarKing
Date: 09-10-2004, 08:39 AM
Parent: #14
سجيمان...
نزّل النضارة دى و اقرا الكلام الفوق دا كويس...
والله لقيت العروس...وكمان العرس السنة الجاية ان شاء الله...
ما تنسى..عليك تذاكر السفر من... والى الدوحة وبالعكس....
أنور
|
Post: #15
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: AnwarKing
Date: 09-10-2004, 08:26 AM
Parent: #13
العزيز كوكى ...
الله يسلمك...
لماذا الحسد يا كوكى.... ما تمشى ليك اجازة بس...وشيل معاك كاميرا رقمية...وتعال اتحفنا بالابداع والجمال فى السودان...
لك الودّ...
أنور
|
Post: #17
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: AnwarKing
Date: 09-10-2004, 08:57 AM
Parent: #1
التردة...وهى بحيرة مائية... ثبتت بعد آخر زلزال ضرب المنطقة... واصبح تجمع مياه الامطار وعصب الحياة فى الرهد...
|
Post: #18
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: ناجى الزبير الملك
Date: 09-10-2004, 01:09 PM
Parent: #17
انور ......
اولا والله مشتاقين ...
تانيا ..... الجماعة الدايرة تجيبهم ديل ....منو :
تالتا ...كلمة (الجنجويد) وكعادة الشعب السودانى الفضل اصبحت متداولة فى أوساط عدة لا يمر يوم واحد حتى تسمعها فى اكثر من موضع ,,مكان ,,,زمان ....بالمناسبة اصبحت تطلق ايضا على ناس المرور
D:
D:
D:...
لكن أعجبنى حديثك ....ربما لانه صاحب بعض التوثيق بالصور ...
او لاننى لم المح اى شخص عاد ....وكتب عن فترة حضوره هنا فى السودان ....الا من بعض المواضيع
على العموم واصل ....وانا بوراك ...
|
Post: #24
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: AnwarKing
Date: 09-10-2004, 06:54 PM
Parent: #18
ناجى الزبير الكينغ....
والله مشتاقين يا...
الجماعة يا ناجى... ناس النوباوية...
فى مطار الخرتوم... فى واحد قاعد فى البوابة بتاعة الصالة... لقبو..جنجويد... والله لما قالوا ليهو يا جنجويد...انا قربت اقع فى الارض من الضحك....
لانو هنا الواحد بيفتش للزواغة من الآتو دا... والآتو هارت... وأسود و شيرية يا ناجى...
لو اتاخرت شوية فى السودان يا ناجى...كان حضرت موضة التوب الجنجويد... وكمان رقصة الجنجويد برضو....
يا خى أرجع واقول... السودانيين ديل دايرين شنو بالضبط؟؟؟؟؟
أنور
|
Post: #71
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: mo
Date: 09-13-2004, 04:47 PM
Parent: #17
الأخ انور كنج الصور دي حقو تختها بعنوان (الوجه الأخر للسودان ) انها رائعة ومخضرة وجالبة للأمل والفأل .. زي القلت لي مرة انك من بورتسودان كمان ... مشيت بورتسودان ولا لا
|
Post: #19
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: محمد الامين احمد
Date: 09-10-2004, 01:49 PM
Parent: #1
ما أروع الخضرة . . .
و حمدالله على السلامة
|
Post: #25
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: AnwarKing
Date: 09-10-2004, 06:55 PM
Parent: #19
العزيز محمد الامين احمد...
انا اتحيرت فى الخضرة والله... لانو الزول ما بيشوف الجمال الفى بيتو....
ربنا يوعدك...
الله يسلمك...
أنور
|
Post: #20
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: abdalla BABIKER
Date: 09-10-2004, 01:58 PM
Parent: #1
الاخ انور
حمد لله على سلامتك
والله بلدكم جميلة جدا
وسودانا جميل جدا
بس يخلهو في حالهو
|
Post: #26
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: AnwarKing
Date: 09-10-2004, 07:00 PM
Parent: #20
العزيز abdalla BABIKER...
الله يسلمك يا حبيب...
Quote: والله بلدكم جميلة جدا
|
بكل عنصرية أقول ليك بلدنا جميلة... وجميلة جداً كمان... أجمل مما تتصور...
الغريب انو ناس الرهد قالوا انهم ما من غرب السودان... كانما غرب السودان لعنة أو شئ مخجل...
غايتو الله لا يكسب الجلابة... محل ما مشوا أقنعوا الناس أنو لو ما جعلى ما تحمد الله!!!
وسودانكم ما جميل...
بس ما تخلوه فى حالو...
لك الودّ يا عبد الله...
أنور
|
Post: #21
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: AnwarKing
Date: 09-10-2004, 06:37 PM
Parent: #1
هذه الشجرة تقع فى نهاية التردة...
التى التقى فيها الامام المهدى مع الشريف الهندى...وللموضوع حكاية مثيرة تدل على صوفية السودانيين وحبهم للصالحين....
وهذا هو ضريح الهندى...الذى غسله المهدى ودفن فى الرهد...
لا أعلم لماذا لم يذكر ذلك فى التاريخ... ووييييييييييين الاتحاديين ديل من ضريح الهندى... وويييييييييين السياحة....و ووووويييين الثقافة...و وويييين التوثيق والخ..........
توقعت ان يكون هناك بعض الملصقات أو المنشورات أو المعلومات عن هذه الاماكن...الا ان (علماء) بلادى وكعادتهم يفضلون الشفاهه وخصوصاً فى ال(قعدات)....
|
Post: #22
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: AnwarKing
Date: 09-10-2004, 06:43 PM
Parent: #1
سليمان حامد... زوج بنت عمى...و ابن عمى...خريج علوم سياسية...ناس المغرب...لديه الكثير من الكلام المفيد...
قال لى فى مرة من المرات... الحمار... مؤشر أقتصادى مهم...!!!
ان كان الحمار فى مكان ما... وسيلة انتاجية وتجده فى كل مكان...يساعد فى المواصلات أو الحرث أو الزراعة...فاعلم ان هذا المكان متخلف...
وان كان الحمار وسيلة رفاهية... تجده فى حديقة الحيوان..أو فى افلام الكرتون كما فى شيرك تو..فأعلم انك فى دولة متقدمة...
الجدير بالذكر ان الحمار هو وسيلة المواصلات الاساسية فى الرهد... كما فى كثير من مدن السودان...
|
Post: #23
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: AnwarKing
Date: 09-10-2004, 06:47 PM
Parent: #1
الناس فى الرهد عندهم المشاوير الطويلة والبعيدة بالنسبة لى ناس المدن.... بسيطة...
الزريبة بتاعة الشيخ البرعى... 3 ساعات من الرهد... (تسير العربة بسرعة 120 كلم فى الساعة)
الأبيض 45 دقيقة.... مشينا الابيض لمدة ساعتين... وعرفنا مشكلة المياة فى الابيض...وانا كنت قايل المشكلة دى فى بورتسودان بس...صحيح مافيش حد أحسن من حد....
على العموم... كلنا جنجويد... وسياسينا كلهم كيزان....
أنور
|
Post: #27
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: Amani Alsunni
Date: 09-10-2004, 07:06 PM
Parent: #23
أنور حمدالله علي السلامة.........إنشاءالله لقيتم وخليتم طيبين.......مع التمنيات بعام دراسي موفق
|
Post: #29
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: AnwarKing
Date: 09-10-2004, 07:35 PM
Parent: #27
دكتورة أمانى السنى...
لك الشكر والله... والله يسلمك...
الاهل كلهم بخير ونحمدو... وحكيت لى قريبتى الهكر نجوى عن حكاوينا وسجالنا هنا...
تسلمى يا دكتورة وربنا يوفقنا فى آخر سنة دراسية ...
أنور
|
Post: #28
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: AnwarKing
Date: 09-10-2004, 07:20 PM
Parent: #1
هواية الناس فى الرهد هى الصيد كما اسلفت...كل زول عندو بندقية خرطوش...
يصطادوا الطيور زى جداد الوادى والوزين والحبار...المنطقة ذاخرة بالحيوانات الوحشية....
الارانب البرية...
ويوجد فى جبال سدرة تنوع حيوانى عجيب... يوجد فيه البقر الوحشي "الجضلت" (المها)... وسمى بالبقر الوحشى فى الرهد لعدم معرفة السكان بالمها... لذلك لجئوا لتسميته بأقرب حيوان يعرفونه وهو البقر...
البقر الموجود فى المنطقة من النوع الكنانة....عند قبائل النوبة والبقارة ....
وتربى قبائل الشنابلة الابل والماعز....
وما لفت نظرى حقيقة هو هذا الشوك الذى قلع من ضهر أبو شوك...فى صالون بيته العامر
ويقول الاستاذ عبدالرحمن ان لحمه من أشهى والذ ما أكل من لحوم حتى الآن....
يوجد مورد آخر مهم فى اطار الثروة الحيوانية...وهى الاسماك... يوجد سمك موسمى اسمه ام كورو...يدفن نفسه فى الطين فى حالة عدم وجود ماء... وكانت هناك محاولات(فاشلة) لاستزراع الاسماك....
فاشلة لان المحاولات غاب عنها المتخصصون!!!
فالمتخصصون ما شاء الله...ملئوا الامارات العربية زراعة و تركوا للامطار المسئولية فى السودان!!!
|
Post: #30
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: Agab Alfaya
Date: 09-10-2004, 08:06 PM
Parent: #1
التحية لك الاخ العزيز انور
والتحية لكل اهلنا في الرهد ابو دكنة ،
وانشاءالله الخريف السنة عندهم سمح ،
والتردة اتملت ،
والكركدي والسمسم والدخن والفول تكون كلها شالت النوار والشرا
اكيد بتكون قضيت اجازة ممتعة،
|
Post: #31
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: بدرالدين شنا
Date: 09-10-2004, 08:41 PM
Parent: #1
الجميل أنور كنج
السلام عليكم ورحمة الله تعالى وبركاته
أنا دخلت البوست دا لي سببين الأول قولة حمدأ لله على سلامتك وعودتك لينا والسبب الثاني عندي زول رايح مني ليهو قرابة العشرين سنة من الرهد أبو دكنة إسمو (عبدالرحيم عيسى الأمير) كان زمان عقيد في البحرية وآخر معلوماتي أنه في الأمارات ولكني أحتاج وسلة إتصال به فأرجو إن كان بإمكانك ذلك
ومرة تانية بقول ليك مرحب بي عودتك يا شفيف
|
Post: #33
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: AnwarKing
Date: 09-10-2004, 08:54 PM
Parent: #31
الحبيب بدرالدين شنا...
الله يسلمك ...
عبدالرحيم عيسى الأمير... كان زمان عقيد في البحرية ... اكيد ناس الامارات ممكن يلقوهو بسهولة شديدة... بس خلى البريد الالكترونى بتاعك قريب هنا عشان لو فى زول لقاهو ولا بيعرفوا ما يكسل من مراسلتك...
الله يخليك يا استاذ بدرالدين... وشكلها المرة دى العودة ما حا تتطول... عندنا مشروع صفحة انترنت جديدة... سنستفيد من ماضى وغلطات المواقع السودانية الموجودة حالياً وعلى رأسها سودانيز (أون لاين)...
وأريد أختبار الديموقراطية ووحدة الاهداف ما بينى وبين أمناء المواقع السودانية  ...
أنور...
|
Post: #39
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: بدرالدين شنا
Date: 09-10-2004, 11:13 PM
Parent: #33
الغالي أنور
سلامي وفرحتي ببصيص الأمل الذي أعطيتني
ممكن تديني طريقة أخلي بيها بريدي الإلكتروني في وسط الحوش من غير ما تصب فيهو (الهكرة) أقصد المطرة أنا التكنلوجيا ما بفهم فيها كتير
أما عبدالرحيم هو فعلاً كان عقيداً بالبحرية في بورتسودان
لك شكري
|
Post: #40
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: AnwarKing
Date: 09-10-2004, 11:20 PM
Parent: #39
الحبيب بدرالدين شنا...
خلى البريد بتاعك واااااااااااااااااضح زى الشمس وما بتجيك عوجة....
ممكن تعملوا على هذه الشاكلة>> anwar_king @ hotmail.com>>>
الفراغ دا عشان الاسبام ما يشيلوا لشركات التسويق...
وبعدين الكاتبة الله فى الحجر بتظهر... ولا شنو؟؟؟؟
ما تدوا الموضوع اكبر من حجمو يا اخوانا...
ربنايجمعك مع زولك دا....
أنور
|
Post: #49
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: بدرالدين شنا
Date: 09-11-2004, 01:16 AM
Parent: #40
>> badr_md7 @ hotmail.com>>>
|
Post: #32
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: AnwarKing
Date: 09-10-2004, 08:46 PM
Parent: #1
الأخ العزيز عبد المنعم....
لك الشكر على المرور... والبركة فينا وفيكم فى فقيدنا الاستاذ على ابو سن...
الاجازة كانت ممتعة وكلها سفر فى سفر...
من الخرطوم الى الرهد-الابيض-الخرطوم
ثم الخرطوم-القاهرة-الاسكندرية-القاهرة-الخرطوم
ثم الخرطوم-الدوحة وعودة الى بلدى الثانى الاول كوريا....
لاقيت الكثير ممن كنت انشد لقائهم... الدكتور حيدر ابراهيم على وحظيت بكتابه الجديد ( سقوط المشروع الحضارى- الجزء الأول عن السياسة والاقتصاد)...
لاقيت الدكتور جعفر ميرغنى فى الطيارة وهو متوجه الى كوريا لمؤتمر الثقافات المفتوحة 2004- World culture open 2004...
غايتو انا متعود على الزنقة... ومبسوط الحمد لله...
الرهد عندى فيها الدكتور البيطرى الأمير جعفر سعد وزوجته خالتى أمانى مأمون... سمو ابنتهم الصغيرة على اسم والدتى المرحومة إقبال...
الزيارة كانت 3 ايام بسفرها...لكن 3 ايام يحسبوا فى العمر والله...
التردة مليييييييييانة... والكركدى سعرو فى الارض الايام دى....
تحياتى لك وللاسرة الكريمة...
أنور
|
Post: #34
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: أحمد الشايقي
Date: 09-10-2004, 09:26 PM
Parent: #1
ألاخ أنور (الملك)
ألف مبروك الإجازة الناجحة.
أمتعتنا حقاً بالصورة عن الرهد أبو دكنة جميلة بحق
عش هانئاً واسعد
مع حبي
|
Post: #35
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: osly2
Date: 09-10-2004, 09:43 PM
Parent: #34
كينق
حمد الله على السلامة
صور بديعه
|
Post: #38
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: AnwarKing
Date: 09-10-2004, 10:52 PM
Parent: #35
أوسلى... والله مشتاقين...
ويييييييينك وييين صاحبى معاذ؟؟؟
الله يسلمك... ومازال فى الذاكرة الكثير من الصور....
الله يعرس للسع لافين صينية... وصحن....
أنور
|
Post: #37
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: AnwarKing
Date: 09-10-2004, 10:48 PM
Parent: #34
العزيز أحمد الشايقي...
ان شاء الله دائما مستمتع يا اخى... والله انا بفرح شديد لما القى زول مستمتع بى حاجة...
ولسع فى صور تانية من المدن الريفية...ناس الخرتوم... والقاهرة والدوحة...
أنور
|
Post: #36
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: أحمد الشايقي
Date: 09-10-2004, 10:32 PM
Parent: #1
ألاخ أنور (الملك)
ألف مبروك الإجازة الناجحة.
أمتعتنا حقاً بالصورة عن الرهد أبو دكنة جميلة بحق
عش هانئاً واسعد
مع حبي
|
Post: #41
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: AnwarKing
Date: 09-10-2004, 11:35 PM
Parent: #1
ننتقل الى المحطة التالية وناس الخرتوم...
البورداب.............................................................
ونسة الضكير للضكير ...النوم منها أخير.....
داير أقلب الصفحة عشان الصور ما تتقل البوست وكدا...
أنور
|
Post: #42
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: AnwarKing
Date: 09-10-2004, 11:35 PM
Parent: #1
|
Post: #43
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: AnwarKing
Date: 09-10-2004, 11:36 PM
Parent: #1
8
ننتقل الى المحطة التالية وناس الخرتوم...
البورداب.............................................................
ونسة الضكير للضكير ...النوم منها أخير.....
داير أقلب الصفحة عشان الصور ما تتقل البوست وكدا...
أنور
|
Post: #44
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: AnwarKing
Date: 09-10-2004, 11:37 PM
Parent: #1
ننتقل الى المحطة التالية وناس الخرتوم...
البورداب.............................................................
ونسة الضكير للضكير ...النوم منها أخير.....
داير أقلب الصفحة عشان الصور ما تتقل البوست وكدا...
أنور
|
Post: #45
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: شرووم
Date: 09-10-2004, 11:51 PM
Parent: #1
أخي انور كينغ
ألف حمدا لله علي سلامة وصولك الي مكان دراستك بالسلامة
واهنيك علي هذه الاجازة السعيدة ،،
واشكرك علي كل هذه الخضرة التي جلبتها للبورد وهذا الجمال واسالك لو في مزيد من الصور عليك بانزالها فورا والا تم فصلك من البورد لمدة اسبوع ،،،،
مرة تانية حمدا لله علي السلامة وانشاء الله تكون عملت رفرش كويس ومبروك الخطوبة
وتحياتي
اخوك
شرووم
|
Post: #47
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: AnwarKing
Date: 09-11-2004, 00:06 AM
Parent: #45
شرووم العزيز جداً...
أزيك يا حبيب...والله ليك وحشة يا خى...
واحد لاقانى فى الخرطوم...وقال لى انا كنت متابع موضوع الهكر زى شرووم...هاهاهاهها...
وزعلان منى قال لانو الموضوع انتهى نهاية بايخة...
هىههىهىههىىهى.... لعن الله الكوارع لما تبور...
قلت ليه...النهايات السعيدة دى تلقاها فى الابداع السودانى...وده رقيص ما عندى ليهو رقبة....
يا شرووم عليك الله السودانيين ديل دايرين شنو بالضبط؟؟؟؟
انا ما فاهم غايتو...
الله يبارك فيك...الخطوبة كانت جميلة... وأروع ما يكون.... كما المخطوبة....
الصور راااااااااااااااااقدة والله يا شرووم...
بس فى بعض منها...
حسادة ساكت ما بنزلها.... الا القى لى زول يحنسنى غايتو.... أصلو دا البقا فاضل قبل الوقوف اسبوع... أو سبعة أيام...
والله الواحد البيقيف أسبوع دا.... بيعرف تماماً ما معنى ( من لا يملك قوته...لا يملك قراره)...
أنور
|
Post: #46
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: AnwarKing
Date: 09-10-2004, 11:59 PM
Parent: #1
|
Post: #54
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: تولوس
Date: 09-11-2004, 07:39 PM
Parent: #46
انور سلام ياملك وحمد الله علي السلامة...
|
Post: #57
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: AnwarKing
Date: 09-13-2004, 02:41 AM
Parent: #54
العزيز تولوس...
لك الشكر على المرور...
وسلمك الله...
أنور
|
Post: #48
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: راشد يحى مدلل
Date: 09-11-2004, 00:31 AM
Parent: #1
انور كنغ
علك طيب ... ولك الخليتم وراك فى الرهد ابودكنة
مالفتنى فى بوستك هو جمال الصور ... يعنى انتة خليت الصور تتكلم عديل كدة ... تخيلت الرهد ابودكنة والدنيا خريف والرزاز والخضرة سيدة المشهد بلامنازع
هذة الايام انا موعود بى كاميرا ديجتال على ان دفع ثمنها بى رواقة
ارجو ان تفيدنى عن اجود الماركات للكاميرا الديجتال مع مراعاة جيوبنا ...
|
Post: #50
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: Mohamed Yousif Hamad
Date: 09-11-2004, 01:29 AM
Parent: #48
اخي انور الف حمدالله على السلامه,
وتمنياتي لك بعام دراسي موفق بعد هذه الاجازه
الجميله,,,
اخوك
محمد يوسف
ابن عم محمد صديق جيســــو
|
Post: #51
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: degna
Date: 09-11-2004, 07:51 AM
Parent: #50
انا زعلان منك وكفي ؟
علي
|
Post: #52
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: Ishraga Mustafa
Date: 09-11-2004, 08:11 AM
Parent: #51
أنور حمد الله على السلامة والبركة فيكم
تعرف عبدالرحمن عبدالقادر ده كان من اقرب الناس لى فى الجامعة، شخصية مرحة وواعية وكان شرسا فى نضاله ايام الجامعة الاسلامية، كانت ايام من اجمل ايام العمر، رافقنا فيها حينها طارق الجزولى، عزالعرب وعبدالرحمن حمدالنيل قوى، طارق منوفلى وبرضو من الرهد، منال وهويدا وايمان ونبوية،عفاف وابتسام وثويبة ياأأأأأه زمن صعب ان يتكرر مثله.
من الطرائف كان زملائى من شباب الرهد لزم يقضوا يوم معانا فى كوستى حتى لو انا ماكنت موجودة، فيهم من خلق علاقات طيبة مع والدى الذى كان يحبهم جدا ولكن يزعجه بانهم بكملوا ليهو الصعود بتاعهو وكان دائما يقول لى { اصحابك يابتى على العين والرأس لكن تمباكى ده مايهبشوه.
شكرا للسرد الجميل رغم انو ازعجنى جدا مسألة هواية الصيد دى، ناس الجمعية السودانية لحماية البيئة ماسمعوا بيهم، دكتور معتصم نمر الله يطراه بالخير بيموت لو عرف عدد ونوعية الطيور التى يصطادونها
على العموم تبقى محبتنا لناس الرهد ولوعندك تلفون عبدالرحمن رسلوا لى على العنوان التالى { ولا خوف من الهكر}
[email protected]
ولك الود وسنه موفقه
اشراقه
|
Post: #61
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: AnwarKing
Date: 09-13-2004, 02:59 AM
Parent: #52
العزيزة أشراقة...
الله يسلمك والبركة فى الجميع ان شاء الله...
أستاذ عبد الرحمن من الشخصيات صاحبة النفوذ فى الرهد...وسعدت جداً بالتعرف عليه هناك... وان شاء الله لو فى العمر بقية الزول برجع يزورهم تانى...
| Quote: ناس الجمعية السودانية لحماية البيئة ماسمعوا بيهم، دكتور معتصم نمر الله يطراه بالخير بيموت لو عرف عدد ونوعية الطيور التى يصطادونها |
كان كدا اليموت قبل ما يعرف نوعية الطيور ... يا أشراقة لو جنبك ورقة وقلم... حررى شهادة وفاة لمنظمات المجتمع المدنى وعلى رأسها الاحزاب فى السودان...
الناس دى ما شوفناها هناك ابداً... وما سمعنا ليها خبر والله.... عشان كدا لما سألتا الاخ الطاهر عن القومييون العرب ديل..هو قايلنى بستهتر بيهم...
الناس بقت بتعرف زول وااااااااااحد بس...أسمو الحكومة... وكل يلف فى هذا الفلك...الما عندو ضهر.. يعمل ضهر...
والله يهون....
وين ناس البيئة... وين ناس العادات الضارة... وين الوين...
مشيت باركت لناس اهلنا... طهورة بتهم يا اشراقة... واتأكدت... انو لسسسسسسسسسسسع فى مكانك سرّ...
ما ننسى.. ولا نتناسى... يا ناس...
أنور
|
Post: #60
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: AnwarKing
Date: 09-13-2004, 02:50 AM
Parent: #51
دقنة الحبيب...
انا كفى وبس...
يا زول الله لا جاب الزعل...مالك علينا... افصح وقول المزعلك شنو؟ قبل ما ناخد لينا اسبوع ولا حاجة كمان تزعل جد جد...
خير يا دقنة؟!؟
أخوك أنور
|
Post: #59
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: AnwarKing
Date: 09-13-2004, 02:48 AM
Parent: #50
محمد يوسف الحبيب...ابن عم محمد صديق الحبيب...
والله لى عظيم الشرف بمعرفتك ياخى...
لك الشكر على المرور والكلمات...
أنور
|
Post: #58
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: AnwarKing
Date: 09-13-2004, 02:46 AM
Parent: #48
العزيز راشد يحى مدلل...
لك الشكر على الكلمات الطيبة... والحقيقة ان الصور تقول بما لا استطيع كتابته...
ان شاء الله كاميرتك تقول برضو...
أنور
|
Post: #53
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: Deng
Date: 09-11-2004, 05:30 PM
Parent: #1
العزيز/ أنور .
أنا سعيد جداً بعودتكم للمنبر.
دينق.
|
Post: #62
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: AnwarKing
Date: 09-13-2004, 03:01 AM
Parent: #53
أخى الحبيب دينق...
وانا أسعد بوجودك والله...
وآسف على كل القبح الذى تلاقيه من ابناء جلدتك الموهومين ديل... والموهومات...
يدينا يا دينق فى عيونهم...
أنور
|
Post: #55
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: AnwarKing
Date: 09-12-2004, 07:48 AM
Parent: #1
Dear All...
Thanks for stopping by...
will be back later insha'allah...
AnwarKing
|
Post: #56
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: almohndis
Date: 09-12-2004, 09:35 AM
Parent: #1
انا
حزين
على فراقك لينا
والجماعــــــــــــــة
|
Post: #63
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: AnwarKing
Date: 09-13-2004, 03:07 AM
Parent: #56
الحبيب جداً عثمان المهندس...
الف الف مبروك على عقد وليد...وعقبالى انا كمان على بت جيرانكم
والله انتوا لا تفوتوا...لا تموتوا...شايلين التقيلة فى ريسينكم.... تستقبلوا فى البورداب..دا ماشى ودا جاى... وتعملوا حفلات تكريم... و...,...و....,و....
وبعد دا كلو عليكم كل التكاليف من مرضى الى وفيات الخ............
وكانما هذا البورد هو بيتكم! ولا بيوت لكم... ولا أهل لكم... ولا ولا... أخخخخخخخخخخ يا عثمان..
لو كان البورد رجلاً لقتلته... حتى يوفيكم حقكم كاملاً...
ولو كنت قاطناً اماكن السياسة لعينتكم... والتجارة لاعطيتكم... والعلم لزودتكم...
لكن ما فات شئ... ساخرطمكم.... أون لاين...
لكم الف الف شكر على انكم انتم...
أنور
|
Post: #64
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: AnwarKing
Date: 09-13-2004, 07:56 AM
Parent: #1
والآن الى الخرتوم...
حيث كان اللقاء مع الجميل ناجى الزبير الملك فى مكتب أدوبى لخدمات الكمبيوتر...
من اليمين..عمنا الحبوب...أنور...ناجى الزبير الملك...مأمون (الطفل المعجزة)....
|
Post: #65
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: AnwarKing
Date: 09-13-2004, 08:08 AM
Parent: #64
ثم لقاء بورداب الخرطوم الجميل فى حديقة "الشهيد" المواجهة للقصر الجمهورى....
البيتزا جات بعد ساعة ضوئية... نطينا فيها جوز عجيب... والحشاش يملاء خشمو ...
كم انا ممنون لبورداب الخرطوم...
ناس قمة فى الجمال والروعة والمسئولية.... يبسّطوا ليك أى حاجة والله... وعلى فكرة... كل البورداب فى كل العالم كوووم... وبورداب الخرطوم كوم آخر...
الله يديهم العافية ان شاء الله ويقدرنا على مجازاتهم... والله مشتاقين يا...
ناس جميلة وجميلة....
وكدا....
وكداك....
سامى...والله شكلك شرامى يا مان....
أنور
|
Post: #66
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: AnwarKing
Date: 09-13-2004, 08:22 AM
Parent: #65
قبل هذا اللقاء الجميل...
دعانا الأخ عثمان المهندس لحضور جلسة استماع للفنان حمزة سليمان.... وذلك فى ديوان أشراقة بمنزل الكتيابى العامر بمدينة أمدرمان...
مشينا...وحمزة ما جا...بغض النظر عن الملابسات أو مواعيد السودانييين....
أنقلبت الجلسة الى نقاش عن دارفور... ما يحيرنى فعلاً...هل قضية دارفور ثانوية لهذا الحد الذى يجعل منها موضوعاً ساخنا لأى برنامج مطرشق...
العتبى لى حتى أرضى..مع الاعتذار لاصحاب الاغانى المطرشقة....
أنور
|
Post: #67
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: ناجى الزبير الملك
Date: 09-13-2004, 11:38 AM
Parent: #64
انور (الملك بالانجليزى)
والله مشتاقين انا راجى الصور فى الايميل تجيبها فى البوست ....
أخوك زائغ كم يوم او كم أسبوع رسل لى باقى الصور على الايميل وخاصة الصور التانية ديك ما تكشحنى انا عمرى كلو بصور ......| Quote: الجميل ناجى الزبير الملك |
ستين مرة قلتا ليك ....نـــــــــاجى الشين
لكن والله مشتاقين يا ....
|
Post: #68
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: omer almahi
Date: 09-13-2004, 12:17 PM
Parent: #67
من أروع البوستات يا أنور
ثلاثة يذهبن الحزن والعكننة
الملك وبورداب الخرطوم وخضرة أبدكنة
ألف مرحب بعودتك
وعليك مقاضاة الكي بورد وقطع خيوطه من خلاف لسرقة الصور الرائعة وأنا برا
ولي عودة .....
|
Post: #70
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: AnwarKing
Date: 09-13-2004, 04:24 PM
Parent: #68
يا هلا ويا مراحب بعمر الماحي...
شرفت ونورت... ومازال فى الذاكرة بقية صور لبورداب الطيارة....
ماشاء الله..البورداب...براً وبحراً وجواً....
فى كل مكان...
الصور لكم... وانا زاتى...مافى مقاضاة ولا حاجة...
لك الحب يا صديقي...
أنور
|
Post: #83
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: Raja
Date: 09-14-2004, 05:50 AM
Parent: #70
الغالي أنًو..
سلاااماااات كتيراااات..
وألف حمد لله على سلامة رجوعك من البلد.. والبركة فينا وفيكم في العم الجليل..
مشيت الرهد.. الرهد..؟ الجنب الأبيض..؟
أبهجتنا بصور الأحباب بورداب الخرطوم.. ليهم التحية من هنا.. العصير ما حصل.. نشًفتو ريقنا..
تخريمة كبيرة أوي أوي: ما لقيت عروس لسة  ..؟
|
Post: #85
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: AnwarKing
Date: 09-14-2004, 06:04 AM
Parent: #83
الغالية ونبع الحنان رجه ...
البركة فى الجميع ان شاء الله...
والله كان شفتى ونسة الجعانيين يوم اللمة بتاعة البورداب...تموتى بالضحك...الله يجازى البيتزا...
انا لو كنت مدير القعدة غايتو...كان عملتها بووووووووووووووش وكدا...
التخريمة الواجبة...
يوريكا... وجدت النصف الآخر يا رجاء...بل الكل فى الكل...
وبحبها حب....ما معقول....
ان شاء الله دايماً مبتهجة يا رجاء...
أنور
|
Post: #88
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: أحمد أمين
Date: 09-14-2004, 11:38 AM
Parent: #70
يا أنور
ده بوست دمه خفيف جدا، و أتمنى كل من يذهب زيارة الى السودان يعمل مثل توثيقك الجميل
بعدين ياخى بورداب الخرطوم ديل الواحد بقى يحن عليهم الناس ديل عديل بعد ده عايزين ليهم لجان لجنة استقبال وأخرى وداع، ولجنة برامج وحفلات ومجاملات ومصوراتى وفنان.........الخ وميزانية خاصة تدعمها بهم سودانيز أونلاين.
|
Post: #96
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: AnwarKing
Date: 09-15-2004, 02:05 AM
Parent: #88
العزيز أحمد أمين...
شكراً جزيلاً على التوقف ومعك اتمنى ان يوثق كل من يذهب للسودان...
مازلنا نحتاج مليون بنك معلومات لنستعد للمستقبل القريب جداً... عام 2005 سيشهد انقلاباً معلوماتياً كبيراً...
صرفت الدولة الكثير من الموارد فى مسميات فضفاضة...وفى كل مرة يفتح موضوع المعلومات بصورة جادة.. تصرف الانظار عن الموضوع الاساسي ويبداً الكلام عن مخصصات المسئولين...
أدعوكم لزيارة الاماكن التالية للوقوف على المعلومات :-
1- المركز القومى للمعلومات ( أخبرنى شخص يعمل هناك ان المركز محارب من الحكومة التى انشائته!!!)
2- مركز معلومات ولاية البحر الاحمر (شاهدت بأم عينى غياب المعلومات فى مركزها!!!)...
بالنسبة لبورداب الخرطوم... أعمامنا وعماتنا الشايلين همّنا كلنا...
أرى ان التعامل معهم يتم بصورة سخيفة جداً... متعودين على الرسائل السودانية البايخة...
وتعرّف كالاتى:
واحد أو واحدة يرسل ليك رسالة...أوله سلام..وأوسطها تعريف بنفسه وبورده.. وآخرها ودا المهم...طلب عاجل ويجب ان اعمله..
تعامل بورداب الخارج مع بورداب الداخل تماماً كتعامل السياسيين السودانيين مع اتباعهم...
لا اهتمام بالاتباع...فقط الاهتمام بالخصوم... ودايماً ضامننهم معانا...
وكنت أتمنى ان يتم موضوع المهرجان بتاع سودانيز أون لاين..عشان تشوفوا بعيونكم انا قاصد شنو...
العتبى لبورداب الداخل حتى يرضوا...واتمنى انو الناس تعرف انواع الهدايا البيفضلوها...عشان ما نمشى أيدينا فاضية تانى...
أنور
|
Post: #89
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: 3azza
Date: 09-14-2004, 12:13 PM
Parent: #70
الاخ انور
حمد الله الف على السلامة وعلى زيارة بلدنا الجميلة الرهد اب دكنه مسكين ما سكنها
ابدعت في صور كانت ابلغ من اي وصف
ورجعتنا سنين طويلة لي بلد عشنا فيها صبا جميل ولعبنا في رمالها ومزارع الفاكهه فيها ما مشيت ليها ولا شنو الحقينه الجميلة .... والترده مع المغيب اياااااااااااااااااااااااام
واسمح لي احتفظ بي بعض الصور الجميلة دي
وعودة سالمة انشاء الله
عزه
|
Post: #97
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: AnwarKing
Date: 09-15-2004, 02:09 AM
Parent: #89
عزه...
الله يسلمك ويبارك فييك...
الصور لك يا عزيزتى... والرهد...كما باقى السودان بلدنا كلنا...
لك الحب يا عزه...
أنور
|
Post: #69
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: AnwarKing
Date: 09-13-2004, 04:21 PM
Parent: #67
ناجي العسل... موش الجميل ساكت...
يا زول انت ما داير زول يرفع ليك معنوياتك ولا شنو؟
الزمن دا لما يقولوا ليك الجميل ناجي...تقوم تتواضع وتقول...الصورة دى شينة... ..
والله الشوق من هنا...ل عندك...
هل تذكر أيام صفانا؟
أين البقية؟
والله مشتاقين يا ....
أنور
|
Post: #72
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: AnwarKing
Date: 09-13-2004, 04:52 PM
Parent: #1
بعد ذلك الوهج الجميل فى الخرطوم...
أتجهت بنا الطائرة الى القاهرة حيث أمضيت فيها ثلاث ليال, 2 منها فى الاسكندرية حيث المأمورية العاجلة... وليلة فى القاهرة فى رحاب مظفر حيدر (كابروس) ود.حيدر إبراهيم على...
حظيت بكتاب سقوط المشروع الحضارى...الجزء الأول منه(السياسة والاقتصاد)... وانصح الذين لم يحصلوا على نسخة منه بالتعجيل اليه... فمثل هذه الكتب التى توثق جزء هام جداً من مسيرة الاسلام السياسي فى بلادنا محكوم عليها بالمصادرة والمنع والخ... من أشكال الوصاية الدينية المعروفة لدينا...
الكتاب من ثمانية فصول هى:
الفصل الأول: معيار المصداقية
الفصل الثانى: تحدى الدولة والديموقراطية والمجتمع المدنى
الفصل الثالث: حقوق الانسان
الفصل الرابع: مؤشر الاخلاق ,مجتمع الفضيلة أم الانفلات الأخلاقى
الفصل الخامس: حكايات تديين الفساد
الفصل السادس: المعجزة الاقتصادية والجن المسلم
الفصل السابع: مؤشر أدب الخلاف والاختلاف
الفصل الثامن: التقييم الذاتى لمستقبل الحركة.
كتاب من الحكومة والى الحكومة... ولنا...
|
Post: #73
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: AnwarKing
Date: 09-13-2004, 05:07 PM
Parent: #1
عودة الى الخرطوم مرة اخرى...
وفى آخر يوم لنا هناك أودع البورداب فى شخص الكريمة أحلام وكدا... وعاتب على كل من لم القاهم..علاء الدين شاموق... مكى الاحمدى... الكاملابى... خالد ابو القاسم وآخرون...
فى مطار الخرطوم... وبالشبه بس... لميت فى العريس البربراوى.... عماد بلاكة..الصحفى الوجية...
ورصدته الكاميرا وهو فى طائرة الخطوط القطرية...
الف مبروك يا عريس وبيت مال وعيال ان شاء الله...
وايضاً كان لنا عظيم الشرف بلقاء البوردابى الدكتور الروائى أمير تاج السر... فى نفس الطائرة...
وطبعاً لابد من مناقشة بوست الهكر واشياء أخرى تخص البورد وكدا...
شكراً لنسمة أرضكم...كم بلغت عنى التحية....لا غرو ان حفظت أحاديث الهوى...فى الزكية...
نفس الطائرة الكان فيها شيخكم القرضاوى....
كتب له الاستاذ محجوب فى الايام.... قضية دارفور... دوّلت... فرجاء لا تدينوها يا القرضاوى...
دولت... وتدينت... وامست واصبحت...ومايزال السكوت هو سيد الموقف... وكدا...
وتجار الحرب يبيعوا ويشتروا....
فى كل يوم تقام الالاف المذابح بأسم الفريى دم....أما الذبيحة فهى الفري دم.. (سرور)
أنور
|
Post: #75
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: degna
Date: 09-13-2004, 05:49 PM
Parent: #73
العزيز انور الكينج دبايوا
عندي كذا زعلات صغيره وكبيره
اولا الكبيره
ارسلت ليك ايميل ولم اجد اي ردا لرسالتي التي ارسلتها لك
كنت اتوقع ان تراسلني وهذا من باب العشم ليس الا
وبعدين سفرييتك دي للسودان ماكلمتني بيها يعني الناس يمكن تكون عايز ترسلك او ترسل معك حاجه كده ولا كده للناس الحلوين هناك
الزعله الاخيرة
كيف ماتمشي بورتسودان ولا تزور ناس الحلوين ؟
يعني قررت تهميش بورتسودان زي ناس الخرطوم مابيعملوا ؟؟؟؟؟؟؟
يلا يازول الله مايجيب زعل
علي
|
Post: #78
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: AnwarKing
Date: 09-13-2004, 07:48 PM
Parent: #75
العزيز على...
الله لا يجيب الزعل يا أخى...
أولاً يا ريت لو كان لدى القرار بأن أهمش أو أهتم ببورتسودان يا راجل... التهميش الفى بورتسودان دا ليس سؤال أو أجابة أختيارية لأهل المدينة الميتة...وانما غياب الارادة السياسية ومن قبلها الشعبية بأن يكون للمدينة شأن فى يوم من الايام...
فسياسي بورتسودان من كل صنوف البشر السودانيين لم يفتح الله عليهم بعد...
السفرية جات فجاءة...أسبوع من ما قلت داير أسافر لحد ما كنت فى أحضان الخرطوم... وجميع الاهل متواجدين بامدرمان فى الصيف..خصوصاً بعد عملية جدى مأمون الاخيرة...
حظينا بزيارات كل البورتسودانين لجدى فى أمدرمان... أولاد عمنا كباشى عيسي فى المقدمة....
بالنسبة للرسالة يا على... ان شاء الله الجايات أكتر يا حبيب...
بورتسودان : جوز الموية بالف وخمسمئة جنية يا على...
الكهرباء أحسن حالا مع دخول الجمرة الخبيثة وقالوا تفتح الفريزر...تلقى زول نايم جوه من السخانة ...
سمعت بشركة اسبانية قالوا حا تعمل تحلية للمياة بسعر دولار للمتر المكعب...ولكن الموضوع واقف فى أروقة الحكومة!
يلا نشوف شطارة الساسة البورتسودانيين فى تحريك الموضوع دا...
لك العتبى حتى ترضى...
أنور
|
Post: #74
Title: Please add the remaining photos
Author: elhilayla
Date: 09-13-2004, 05:45 PM
Parent: #1
Salam Anwar King
Happy Vacation and happy days of Abu Dakana
Really very nice Photos
I have a lot of good memories about el Rahad Abu Dakana Miskeen ma Sakana
Also I have a lot of good friends and colleagues
Really I was impressed with the photos, so if I get the chance when going to Sudan - may B the end of this year- I will go there and take my camera ISA . I visited our friends and relatives so many times but did not go to Abu Dakana
Please add the remaining photos
|
Post: #76
Title: Re: Please add the remaining photos
Author: Ehab Eltayeb
Date: 09-13-2004, 06:43 PM
Parent: #74
ا لعزيز أنور كنج:
حمدا لله علي السلامه ..وإنشاء الله الأهل كلهم بالف خير ..والبركه فيكم في وفاة عمك نسأل الله له الرحمه..
إنشاء الله في الإجازه لميت في بت الحلال.. لمن شفناك إختفيت قلنا الزول دا دخل القفص الذهبي..
لك يا حبيب خالص الود.. مع أجل تحياتي...
|
Post: #79
Title: Re: Please add the remaining photos
Author: AnwarKing
Date: 09-13-2004, 07:51 PM
Parent: #76
العزيز إيهاب الطيب...
أزيك يا راجل يا رائع... الله يسلمك ويبارك فيك ان شاء الله...
والله الحمد لله لمينا فى بنت الحلال... وودتنا القسمة بس...
انا لسع فى القفص الفضي...أن شاء الله ندخل الذهبى العام القادم...
لك جزيل الشكر...
أنور
|
Post: #77
Title: Re: Please add the remaining photos
Author: AnwarKing
Date: 09-13-2004, 07:38 PM
Parent: #74
فليبشر الاستاذ بدرالدين شنا .........
العزيز الحلايلة...
طيب ما تشركنا معاك فى ذكرياتك الجميلة عن الرهد أبو دكنة... المسكين (ما) سكنه...
انا قلت ليهم (ما) دى عاملة زى (ما) بتاعة "السمح ما آكّال"... يجوز فيها ما التأكيدية وما النافية... مع تغليب الاولى على الثانية على قول العلامة عبد الله الطيب...
المرّة الجاية ممكن نبرمج مع بعض ونمشى كوستى لناس أشراقة...نسف الحقة كلها ومن هناك على الرهد ابو دكنة... نشترى عسل من عمنا دا:
عسل أصلى...ولا التقليد...أخدتا منو معلقة فى الليل...والتانية على الريق...بطنى جرت جرى النيل... ونضفت نضافة مطابخ كلتوم بدارفور..........
ولا اللبن...
الجركن راجعة الابيض بعد ان شربها أهل الرهد...
ممكن تعيش ب1000 فى اليوم فى الرهد... يعنى 13 دولار أمريكي ممكن تعيشك فى الرهد أبو دكنة على حسب الأهالى هناك...
وان تعثرت المعيشة...فحتما سنجد من يساعد هناك... الأستاذ عبد الرحمن...رفض ان أخرج من ديوان بيتهم العامر ويدى فاضية...
أهدانى طبق... جميل...
عبد الرحمن عبد القادر الحاج...
فنان ورائع...
أنور
|
Post: #80
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: AnwarKing
Date: 09-13-2004, 08:08 PM
Parent: #1
نسيت ان أقول ان الباص يتحرك من السوق الشعبي الخرطوم الى مدينة الرهد مروراً بالمحطات الاتية:
1- جبل أولياء
2- القطينة
3- ود الزاكى
4- النعيمة
5- الدويم
6- الكوة
7- الشوال
8- ربك ( من هنا تذهب الجرارات النهرية الى جنوب السودان)
9- كوستى ( وفيها أستراحة الرضا) 5 نجوم...وفيها سوبر ماركت فيه كل مظاهر العولمة ...
10- الوساع
11- أم كويكة
12- سليمة
13- تندلتى
14- ود عشانا
15- القبشة
16- أم روابة
17- الله كريم ( بالله شوفوا الاسم دا)
18- السميح
19- الرهد أبو دكنة..
20- الابيض
|
Post: #81
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: dreams
Date: 09-13-2004, 09:41 PM
Parent: #80
ازيك يا كنج
بالله ديل كلهم كانوا فى الطيارة
كفارة
اها تانى كان فى منو
تسلم
|
Post: #82
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: Giwey
Date: 09-14-2004, 05:36 AM
Parent: #81
أنور كنج
تحياتى ...نديات
عبد الرحمن عبد القادر (ديكو) ..والرهد
أبودكنة...يا أخى مالك على...
هل تعلم أن هذا الرجل صديقى بل (فردة جناحى)
الأولى منذايام الجامعة وحتى تاريخه...وصلت الى الخرطوم
ليلة البارحة وهاتفت عبد الرحمن قبل قليل وطالعت المنبر بعد
غيبة طويلة ووجدت هذا البوست الذى أثار الشجون
حديث اشراقة مصطفى عن تلك المرحلة (بسطنى) ولكن عبد الرحمن
ديكو يحتاج لأكثر من وقفة ...هى فرصة أقول الكلام الذى لم
أقله فى وجهه...هى فرصة اسجل فيها شهادتى...ولكن بعد حين..
مشاعرى شتات بعد غياب خمسة أعوام عن السودان واليوم هو يومى
الأول...سأعود لا محالة...
لكم الود
عبد الرحمن قوى...
|
Post: #86
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: AnwarKing
Date: 09-14-2004, 06:07 AM
Parent: #82
عبد الرحمن قوى...
تحياتى القلبية الحارة جداً للحبيب عبدالرحمن عبد القادر...
قول ليهو على حسب الوعد...الرهد حا تكون أون لاين... وبرجع ليهم تانى ان شاء الله...
سأنتظر شهادتك فى هذا البوست يا قوى...
لك الحب...
أنور
|
Post: #84
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: AnwarKing
Date: 09-14-2004, 06:01 AM
Parent: #81
dreams مرة واحدة..............
وجع....قدمنى ورجع...
ووجع تانى....قدمنى وما رجع...
الطيارة كان فيها الكابتن برضو...
يديك العافية يا أحلام...
أنور
|
Post: #87
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: jini
Date: 09-14-2004, 10:07 AM
Parent: #1
أنور كنج
الله الله ما أجمل الطبيعة في الرهد
الرهد أبدكنة مسكين ما سكنة
الرهد مراتع وملعب الطفولة الغضة الباكرة
مدرسة ذات الراسين الجنوبية البدايات الأولى
دكان عم عبد العظيم رحمة
التردة
فريق السوق ,السكة الحديد,فريق الكوز
الأنجل
الشبيبة والأهلي
أبو زيد البلك
المصارعة والكمبلا
الأقاشي والهالوك البنسيك أمك وأبوك
وحليب الرهد الصافي ولحومه الشهيةالتي لا يضاهيها حليب ولحوم مراعي هولندا و الدنمارك.
سيظل الرهد منحوتا في الذاكرة ماحييت
جني
|
Post: #98
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: AnwarKing
Date: 09-15-2004, 02:12 AM
Parent: #87
الحبيب جنى...
شكراً على المرور وياريت تكمل باقى الذكريات فى البوست دا..عن الرهد وذكريات الطفولة...
أملى ان نعمل صفحة مليئة بالمعلومات عن الرهد..المدينة...المركز التجارى المهم...
يلا يدينكم معانا...
أنور
|
Post: #90
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: Nada Amin
Date: 09-14-2004, 12:58 PM
Parent: #1
أنور ألف حمد لله على السلامة
و باين الاجاوة كانت ممتعة جدا وسط خضرة حقول الرهد و روعة و أصالة بورداب الخرطوم
وأحي ياربي بتين أشوف الخرتوم
قدر حبة الصبر الكانت عندي حسه بعد شفت الصور دي خلاص راح، ما أقسى الغربة و البعد عن الأهل و الأوطان!
دي تخريمة سريعة كده بعد أن هدأت أحوال العمل مع نهاية اليوم.
واصل في كتابة انطباعاتك الذكية حتى يهون ربنا لي مخرج من زنقة الأعاصير و الفيضانات الأمريكية، و حتى ذلك الحين سوف أكتفى بالقراءة، ان كان لها سبيلا.
|
Post: #100
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: AnwarKing
Date: 09-15-2004, 02:27 AM
Parent: #90
العزيزة الحبيبة ندى أمين...
الاجازة فعلاً كانت جميلة وممتعة... والحمد لله ما حرمت نفسى من التمتع ببلادنا الجميلة...
الكسل بيكون سيّد الموقف فى كتير من الاحيان يا ندى... ولولا انو الزمن كان ضيق جد..عندى مشية لنقعا والبجراوية والمصورات... مع ود عمنا...
بس الجايات أكتر من الرايحات... وربنا يدينا الصحة والعافية...
يا ندى ما تستعجلى على شوفت الخرتوم... لسع الشوارع ما اتصلحت كويس...قولى لى لييييييييه؟
قلتى لى ليييه: يا ستى فى عطائات بتاعة تصليح لشوراع الخرطوم... وقعت كلها لشركة واحدة...وعندها أمكانيات طيبة بفضل الله سبحانه وتعالى..الشركة تابعة لوالى المدينة المكرمة (الخرتوم) وحتى تفرغ الاليات من الشارع الاول... يقع على الشركة عطاء الشارع الرابع..
ويقع على الوالى وسام الانجاز بنجمة...!.
على أية حال..خلى الغبار ينزل الارض وبعدها يمكنك معرفة معالم الحضارة الجديدة...كمبنى بنك السودان... وبرج الفاتح و مشروع زايد المجابه لملتقى النيلين...
غرباء فى بلدنا يا ندى....
ربنا يستركم من الاعاصير والفيضانات يا ندى... بس الواحد مطمئن برضو... انو وسائل الاعلام معاكم..وفى صفكم... وستفضح الانتحابات الامريكية من المقصر فى حادثة الكلب الذى خمه الفيضان..
أما فى الخرتوم.... فلم أجد أجابة حتى الآن على هذا السؤال الكان قدام عينى:
لماذا تقع عربية سكودا المانية موديل 2004 فى حفرة موديل 1956... وقعت أمام ناظرنا فى شارع كونت مخلص فى قلب العاصمة صاحبة النجمة الانجازية...
يقل سعر العربة فى هذه الحالة...ليس كثيراً..وانما بضعة ملايين!
لك الحب يا ندى...
أنور
|
Post: #91
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: Anwar Ahmed
Date: 09-14-2004, 04:21 PM
Parent: #1
الصديق العزيز ابو النور كيف الاجازه قضيتها في السودان تمام طبعا!!!!
و كويس الشفناك طيب و ألف حمد لله على سلامة رجوعك من البلد .
اها اخبار العروسه شنو ??
|
Post: #101
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: AnwarKing
Date: 09-15-2004, 02:35 AM
Parent: #91
الحبيب أنور أحمد...
يا زول والله مشتاقين...ومشتاقين...
مشتاقين الاولى بتاعة البورد... والتانية بتاعة العزوبية وكدا... ..
ودتنا القسمة والله... طبعاً مازلت مصر على سودانيز (أون لاين)...
وعقبالك...
أنور
|
Post: #92
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: Roada
Date: 09-14-2004, 06:19 PM
Parent: #1
الأخ العزيز أنور،
لا ادرى ايهما أصح أن أقول حمدا لله على السلامه ، أو اقول أعاد الله غربتك؟
شكرا لهذا البوست الرائع، وحقيقه أنه يعرفنا بمن انت. شكرا للصور التى تعيد للمرء ذكريات الطفواه، واكاد اشم رائحة العشب الندى بين الصور ...
لك الود
|
Post: #102
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: AnwarKing
Date: 09-15-2004, 02:40 AM
Parent: #92
الاخت الحبيبة والعزيزة جداً رودا....
| Quote: حمدا لله على السلامه ، أو اقول أعاد الله غربتك؟ |
ال2 جايزين يا رودا...ولو سألتينى انا... بأقول ليك أطال الله غربتنا التى نتعلم فيها...
مازلت أذكر نصيحتك الذهبية لى بان اتعلم ما استطعت...فالسودان يحتاج الى علم...
أهديكى البوست يا رودا... بما فيه من صور... واتمنى ان تكتبوا عن الرهد وكل أماكن السودان...عشان يكون عندنا معلومة...
لك الحب يا رودا...
أنور
|
Post: #93
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: بدرالدين شنا
Date: 09-14-2004, 07:55 PM
Parent: #1
| Quote: فليبشر الاستاذ بدرالدين شنا ......... |
الله يبشركما بالجنة إنت والحليلة
شايل الحليلة على الجمال
شكري وتقديري لكما
|
Post: #104
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: AnwarKing
Date: 09-15-2004, 02:45 AM
Parent: #93
الشكر لله يا أستاذنا وود أخوى بدرالدين...
وربنا يجعلنا سند لبعض دوماً...
أنور
|
Post: #99
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: لؤى
Date: 09-15-2004, 02:17 AM
Parent: #1
الأخ الفاضل أنور
حمدالله على السلامة وبركة الشُفت أهلك طيبين ومبروك الخطوبة .. بلدكم جميلة جدّاً والصور زاهية وباين عليك قضيت إجازة ممتعة وسط الأهل .
كل الوُد
ـــــــــــــــــــــــــــــــــــ
[email protected]
|
Post: #103
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: AnwarKing
Date: 09-15-2004, 02:44 AM
Parent: #99
الحبيب لؤى...
الله يسلمك ويبارك فيك يا حبيب... وفعلاً بلدنا جميلة جداً...خصوصاًً فى ايام الخريف...حيث الخضرة تكسو كل مكان,,,
وعقبال أجازاتكم ان شاء الله...
أنور
|
Post: #106
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: Raja
Date: 09-15-2004, 03:44 AM
Parent: #103
لا لا لا لا لا..
تجي القاهرة وتقعد فيها الوقت ده كلو.. ولا حتى سؤال بالتلفون..؟
مظفر ود. حيدر يعرفون تلفوناتي..
أنا زعلااااااااانة بجد..
|
Post: #107
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: محمد عبدالرحمن
Date: 09-15-2004, 04:45 AM
Parent: #106
العزيز انور
تحياتي
انت عارف جابني راجع كلام رجاء ده ، لانو انا قريت اسم الدوحة وارد في المحطات التي مررت بها ، لكن قلت اصبر لما اتأكد من الحاصل شنو ، وقلت طالما رجاء فتحت الباب ده احسن ادخل منو انا برضو، وحارسك انا لنهاية البوست حتي اتأكد من المعلومة ، وبرضو بستقصي بطريقتي الخاصة ، اذا تاكد انك مكثت في الدوحة ساعة واحدة ، شيل شيلتك بس غايتو ....
اها قاعد حارس البوست ده ماعندي موضوع غيرو شد حيلك بس ...
مودتي ....
|
Post: #110
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: AnwarKing
Date: 09-16-2004, 09:53 PM
Parent: #107
العزيزة رجاء والعزيز محمد...
والله جيتى للقاهرة كانت مأمورية سريعة جداً أستطعت بحمد الله انجازها فى يوم الاحد ورجعت فجر الاثنين...
مظفر ودكنور حيدر لقيتهم فى اليالى المظلمة شديد....
بالنسبة لترانزيت الدوحة يا محمد... فقدتا الاتصال بالناس كلها فجاءة كدا...بس الله يخلى جزيرة النخيل الجميلة دى...
وان شاء الله موعودين بجية تانية... وركّز فى موضوع السيرة دا كويس...
لكم العتبى والجايات أكتر...صدقونى...
أنور
|
Post: #115
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: Raja
Date: 09-18-2004, 05:59 AM
Parent: #107
العزيز محمد عبدالرحمن..
سلامات.. ولك وحشة..
قلت لي الراجل عبر الدوحة وما قال ليكم عووك..؟!!
السؤال: الجماعة كانو في الدوحة ولا لسة في الخرطوم..؟
أنًو العريس.. ســــــــــــــــلام
|
Post: #108
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: أحمد الشايقي
Date: 09-15-2004, 08:05 AM
Parent: #1
الأخ الملك أنوركينج
أولاً ألف ألف مبروك فقد زفوا لنا أخباركم السعيدة
فابشر بخير ويتمم عليكم بألف هناء
هذه رسالة من زميلي المهندس بدر الدين بانقا ادريس (ابن البان) من عشاق الرهذ أبو دكنة ومحبي السيد الشريف الهندي
النص كالتالي:-
الكينــج
أتحفتنا بالصور الجميلة من البومك بتاع الرهد وأبرزت أشياء جميلة قد تكون قد اندثرت منها قبة الشريف محمد الأمين الهندي، عاوزين نعرف القصة كاملة لمقابلة الشريف والمهدي وبعدين عندي جزء منها إذا تطابقت فبها والا سأسردها لانه جزء من تاريخ مهم.... ناس الرهد حلوين وطيبين ومرة من المرات فاتني القطار فنزلت ضيفا على ثلاثة اسر ولما جاء مواعيد السفر جاء الرابع وقال يا زول ما اديتنا حق الضيافة وأخرني إلى القطار الآخر .. شكرا على ذوقك العالي الرفيع .....وسلامي لأهل الرهد.
أبن البان
|
Post: #109
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: ناجى الزبير الملك
Date: 09-15-2004, 02:32 PM
Parent: #108
....والله الليلة فاتك يوم فى الخرتوم ...لا بتوصف لابتصور .........والله شنطتك المعلقا ديك ...كان الا يفرشوها ليك فى الواطة ....حتة حتة .....ناس الحركة خلونا ...بقينا فى بطاقتك ...بطاقتك ...بطاقتك...انور انا عازمك حلة فى بوست تعال شوفها بهناك .....
لكن والله مشتاقين عارفنك مشتاق بغادى ما تعملها ظاهرة
وجع قدمنى ورجع
|
Post: #112
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: AnwarKing
Date: 09-16-2004, 09:59 PM
Parent: #109
مافى شئ ما بيوصف يا ناجى...
وكل شئ ممكن يتصور...
بس أركز وركز كويس...وطلع بطاقة الخدمة (الوطنية) بره ... ...
أمانة ما اتزنقوا رجال...
هههههههههههههههههههه....
والله مشتاقين يا...
أنور
|
Post: #111
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: AnwarKing
Date: 09-16-2004, 09:56 PM
Parent: #108
الحبيب أحمد الشايقي...عذراً للتاخر فى الرد...
ياخى طوالى يبدا يحكى فى الحكاية...أكيد بيكون ملم بتفاصيل أكثر منى...
انا الرهد قعدتا فيها 3 ايام بلياليها...
ولو عندى أضافة لما سمعته اكيد بضيفة...
لك وله الود ومزيد من التواصل والتوثيق...
أنور
|
Post: #113
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: ناجى الزبير الملك
Date: 09-17-2004, 02:42 PM
Parent: #111
انور...
اول زول مسكوا فى الاعتقالات بتاعت الاسلحة(الخليلة) اسمو انور عبد الرحمن ...
على بالقسم لما نطيت فوق الكرسى ....الله ستر عليك سااااااااى
تطابق اسماء...
|
Post: #114
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: AnwarKing
Date: 09-17-2004, 07:46 PM
Parent: #113
والله يا ناجى...تطابق اسماء دى يحلك منها الشديد القوى... وربنا ستر...
ياخى مشيت وزارة الخارجية عشان أوثق شهادة ميلادى...قال لى الشهادة دى قديمة...امشى بورتسودان وطلع واحدة جديدة فيها ختمين...
قلت للزول..يعنى هسع انا ما مولود ولا شنو؟؟؟
قال لى مولود...لكن ما مختوم... بى ختمين...
قادر الله...أنور عبد الرحمن قلبى معاهو وربنا يفك حيرتو... تطابق اسماء دا يا ناجى زى الزول القال لى ناس الكمبيوتر فى السودان ( انعن ابوكم)...
أو مافى كمبيوتر فى السودان...
غايتو كان فى شئ مطمنى... هو الكندشة الملازمة للكمبيوترات هناك دى... نبقا بيوض على قول اخوى الصغير...
لك الود..
أنور
|
Post: #116
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: محمد عبدالرحمن
Date: 09-18-2004, 10:27 AM
Parent: #114
رجاء
تحياتي ومشتاقين جدا جدا وحمد الله علي سلامة العودة ، وانت كما عهدناك لن تستطيعي كسر خاطر كل هؤلاء الذين يحبونك .....
والله يادوب جيت ماري بهنا ولقيت كلامك ده ، وفي الحقيقة انا مابغيب كتير من بوستات صاحبنا ده لاني شمتان فيهو ....من ماجا من السودان شغال ردود ، كلما يغيب ليهو ساعة اجي يلقي ليهو بوست جديد قام ، لكن بيني وبينك خلي يدفع ضريبة ( السماح ) ، هو ا لسماح قالوا بالساهل ...
طبعا اكيد الجماعة كانوا في الخرطوم لو في الدوحة ماظنيتوا يجي ماري مرور الكرام ده ، لكن زي مابقولوا اهلنا( كراع البقر جيابة )
ونحن عندنا اوراق الضغط الممكن نجيبوا بيها الليلة قبل بكرة ، لكن الكلام انت ...الله يعينك بس ...
رجاء خلاص انا ماشي الزول ده عملت ليهو (وجع وش) ،
اها بنتلاقي وكده
خالص مودتي ....
|
Post: #117
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: elhilayla
Date: 09-21-2004, 02:15 PM
Parent: #1
up
|
Post: #118
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: AnwarKing
Date: 09-22-2004, 01:00 AM
Parent: #117
الحبيب الحلايلة...
تتعلى ما تتدلى يا راجل...
مازلنا تواقين لسماع القصة من صديق أحمد الشايقى :المهندس بدر الدين بانقا ادريس (ابن البان)
وشهادة الاخ عبد الرحمن قوى على الحبيب عبدالرحمن عبد القادر...
لك الودّ...
أنور
|
Post: #119
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: zola123
Date: 09-24-2004, 09:09 AM
Parent: #1
أنور يا ملك حمد الله على السلامة
ومشتاقييييييييين
ومبروك عليك سماح ومبروك عليها انت
اسعدني الحظ في السودان بمعرفة هذا الشباب الهميم بوطنه
الذكي حدا يبعثك على الاطمئنان ان مستقبل السودان بخير
الطيب, الخدوم, المبتسم دوما, الوناس, الظريف,
الشايل شنطة وراء ظهره طوال الوقت و الذي البيدخن بكثرة
شكرا لكل هذا الفهم الذي تحمل والتقدير لبورداب الخرطوم الرائعين
ساظلل عباراتك لانها اهم ما قيل بشانهم
Quote: انتوا لا تفوتوا...لا تموتوا...شايلين التقيلة فى ريسينكم.... تستقبلوا فى البورداب..دا ماشى ودا جاى... وتعملوا حفلات تكريم... و...,...و....,و....
وبعد دا كلو عليكم كل التكاليف من مرضى الى وفيات الخ............
وكانما هذا البورد هو بيتكم! ولا بيوت لكم... ولا أهل لكم... ولا ولا... أخخخخخخخخخخ يا عثمان..
لو كان البورد رجلاً لقتلته... حتى يوفيكم حقكم كاملاً...
ولو كنت قاطناً اماكن السياسة لعينتكم... والتجارة لاعطيتكم... والعلم لزودتكم...
لكن ما فات شئ... ساخرطمكم.... أون لاين...
لكم الف الف شكر على انكم انتم |
تحياتي
زولة123
|
Post: #120
Title: Re: اجازة جميلة...بورداب الخرتوم..الرهد ابو دكنة..واشياء اخرى..فى المنبر (ا
Author: AnwarKing
Date: 09-24-2004, 10:58 AM
Parent: #119
العزيزة الدكتورة الجميلة والرشيقة والأنيقة زولا123
والله كان لى شرف كبييييييييييير جداً بلقائك ولقاء الوالد عثمان...
وان شاء الله اللقاء دا يكون سنوى... ومن هسع دى...انا اللقاء الجاى ومناسبتو على... العرسسسسسسسسسسسسسسسسسس...ومافى أى اعذار للمغيب يا د. أيناس...
بالنسبة لبورداب الخرطوم... والله ناس اناناس .. وربنا يقدرنا ونرد ليهم بعض اللحظات الرائعة التى منحونا اياها...
تعلمى كم يصارع الناس الزمن فى السودان يا ايناس...وبورداب الخرطوم...يصارعوا فى زمنهم وزمن بورداب الاجازات أيضاً...من تنسيق ...الى استقبال الضيوف فى اثناء ساعات الدوام ( وهذه صعبة جداً لو الواحد زارك فى الغربة)...
لذلك المفروض شكرهم يكون ضعفين ...
الله يخليهم لينا وما يجى يوم شكرهم...
ما قلتى حاجة عن مأمون؟؟؟ ان شاء الله خير!
منتظر رجعتك...
أنور
|
|