Post: #1
Title: .......... الاحزاب السودانية...بلا استثناء...
Author: AnwarKing
Date: 09-24-2004, 05:21 AM
Parent: #0
السلام عليكم...
يا اهل السياسة...
ما لاقين ليكم مواقع فى الانترنت... وزحمة المواصلات والاتصالات وغلاء كروت الشحن (الاسكراتش) تحول دوماً من معرفة اين انتم؟؟؟
سألت قبل كده عن عنواين الاحزاب السودانية فى السودان...ولم يرد علينا أحد... على قول سجيمان مافى زول هببو لينا!!!
عنواين المنظمات الطوعية والاحزاب فى السودان؟؟؟؟
انا داير اعرف... فى غير أحوال الانتحابات ...يعنى الدنيا سلام كدا... كيف ينضم المواطن لتلك الاحزاب؟؟؟
حزب الامة..الاتحادى...الحركة الشعبية..المؤتمر الوطنى...الشعبى... الجمهوريين ...الشيوعيون الخ...
حسع الواحد ما عارف ياتو حزب ممكن يكون قريب من توجهاتو...
مافى ولا حزب غير الحكومة عندها ممثل أو وكيل تجارى هنا فى كوريا... تطلعاتهم يا ربى ما تكون فايته أفريقيا؟؟؟
الاحزاب السودانية دى والله حكايتها حكاية...تديك احساس انو انت محتاج ليها...ماهى!!!
وطبعاً مقدما كدا...لو مافى زول هببوا لينا...
النقاط الفى عنوان البوست دى عارفينها مكانها شنو؟؟؟
صاح ولا أقول تانى؟؟؟؟
|
Post: #2
Title: Re: .......... الاحزاب السودانية...بلا استثناء...
Author: Abdel Aati
Date: 09-24-2004, 05:45 AM
Parent: #1
http://liberalsudan.org
موقع الحزب الليبرالي السوداني
محتاجين ليك وللجميع وللمساعدة
|
Post: #4
Title: Re: .......... الاحزاب السودانية...بلا استثناء...
Author: AnwarKing
Date: 09-24-2004, 06:45 AM
Parent: #2
شكراً العزيز عادل عبد العاطي...
الرابط لا يعمل... هل هو شئ لحظى؟
لك الشكر...
أنور
|
Post: #14
Title: Re: .......... الاحزاب السودانية...بلا استثناء...
Author: Abdel Aati
Date: 09-24-2004, 08:50 AM
Parent: #4
انور الخطا في الكتابة
العنوان السليم
http://liberalsudan.org
|
Post: #3
Title: Re: .......... الاحزاب السودانية...بلا استثناء...
Author: lana mahdi
Date: 09-24-2004, 06:17 AM
Parent: #1
http://www.umma.org/
موقع حزب الامة القومي
|
Post: #5
Title: Re: .......... الاحزاب السودانية...بلا استثناء...
Author: AnwarKing
Date: 09-24-2004, 06:46 AM
Parent: #3
العزيزة لنا مهدى..
لك الشكر...
أنور
|
Post: #6
Title: Re: .......... الاحزاب السودانية...بلا استثناء...
Author: Amin Elsayed
Date: 09-24-2004, 07:00 AM
Parent: #1
حزب البعث السوداني
www.sudanbaath.20m.com
|
Post: #7
Title: Re: .......... الاحزاب السودانية...بلا استثناء...
Author: AnwarKing
Date: 09-24-2004, 07:07 AM
Parent: #6
العزيز أمين السيّد...
لك الشكر... وتصحيحاً للرابط أضعه مرة أخرى...
http://www.sudanbaath.20m.com
أنور
|
Post: #8
Title: Re: .......... الاحزاب السودانية...بلا استثناء...
Author: Abdalla mohamed
Date: 09-24-2004, 08:03 AM
Parent: #1
www.sudani.net
موقع الجريدة الإلكترونية للحزب الإتحادى
الديمقراطى - واشنطون
وهنالك مواقع عديدة تخص الحزب سوف ارسلها
لك فى بريدك
مع تحياتى
|
Post: #9
Title: Re: .......... الاحزاب السودانية...بلا استثناء...
Author: AnwarKing
Date: 09-24-2004, 08:15 AM
Parent: #8
الحبيب عبد الله محمد...
لك الشكر...
واصحح الرابط مرة أخرى... http://www.sudani.net
الرجاء إيراد الروابط هنا...للفائدة العامة...
والف مرحب بمراسلاتك...
أنور
|
Post: #10
Title: Re: .......... الاحزاب السودانية...بلا استثناء...
Author: Raja
Date: 09-24-2004, 08:35 AM
Parent: #9
أنور الملك..
ازيك..
http://www.ndasudan.org
|
Post: #11
Title: Re: .......... الاحزاب السودانية...بلا استثناء...
Author: AnwarKing
Date: 09-24-2004, 08:45 AM
Parent: #10
رجوية العسل...
شكراً ليك...
انتى جبتى السمينة كلها... وربنا يدينا  ...
لكن حسع الزول يعرفك تبع ياتوم كيف؟؟؟
أنور
|
Post: #12
Title: Re: .......... الاحزاب السودانية...بلا استثناء...
Author: مريم بنت الحسين
Date: 09-24-2004, 08:46 AM
Parent: #1
أنور إزيك
الجمهوريين ما حزب سياسي.. حزب ديني.. ما عندنا عمل سياسي إحنا.. وفكرتنا دينية بحته.. موقعها
www.alfikra.org
بنت الحسين
|
Post: #13
Title: Re: .......... الاحزاب السودانية...بلا استثناء...
Author: AnwarKing
Date: 09-24-2004, 08:49 AM
Parent: #12
العزيزة جداً مريومة...
شكراً ليك...وكمان شكراً تانى للشرح...عشان ما يقوم زول شليق زى كدا يتشالق
ومرة أخرى نضع الرابط
http://www.alfikra.org
أنور
|
Post: #15
Title: Re: .......... الاحزاب السودانية...بلا استثناء...
Author: تاج السر حسن
Date: 09-24-2004, 08:52 AM
Parent: #12
أخوى الأصغر أنور
أنت بعد العودة بقيت (بوليس سرى)؟؟
أخوك دقه قديمه زمان ماكان عندنا حاجه أسمها أمن دوله وامن عام وأمن خارجى وبيوت اشباح، دى حاجات جات فى زمن ناس الفنان (محمود عبد العزيز).
ملحوظه:- مجرد هظار ما تسوى منه موضوع ذى الموضوع العارفو.
|
Post: #16
Title: Re: .......... الاحزاب السودانية...بلا استثناء...
Author: AnwarKing
Date: 09-24-2004, 09:06 AM
Parent: #15
الحبيب تاج السر...
ياخى والله مشتاقين...
يا زول احنا أخوان والله...ومافى ما يسئ الفهم بينا...ومرحب بيك فى كل الاحوال...
الواحد يغيب ويجى يلقا نفسو كوز-جبهجى...
الكلام دا جابتو لينا الصورة دى يا تاج السر:
الواحد لما يمشى بيوت اهلنا...يلقى صورة الميرغنى ولا المهدى ولا مبارك زروق ولا الازهرى قدر الكتلة...
وبرااااااااااهو متصور...
لكن بينى وبينك كدا يا تاج السر...لازم الواحد يعمل فيها أمنجى ولا صاقعبجى ولا أ.س عشان الناس دى تهتم شوية...
زيتنا خلاص طلع..احنا الشعب...
انا مصمم المرة دى أقرا كل الكلام عن كل الاحزاب السودانية دى... وطبعاً البتقراهو عنهم..بتقارنوا بالعضوية بتاعة الاحزاب دى وتشوف النظرية والتطبيق فى احزابنا السودانية...
وأمكن تكون محاكمة علنية ليهم هنا... العندو عنوان...
أما الما عندو عنوان دا...فمعناها دا واحد من أسباب بلاوينا زاتا...
ومرحب بيك زائر مقيم هنا...البوست دا...أمكن يطوّل وياخد مدة...
لك الودّ
أنور
|
Post: #17
Title: Re: .......... الاحزاب السودانية...بلا استثناء...
Author: محمد عبدالرحمن
Date: 09-24-2004, 09:56 AM
صديقي انور
تحياتي ...
صورة مع مصطفي عثمان عديييييل كده ، الليلة شد حيلك بس وارجا الراجيك ...، انت دخلت الحتة الخطرة .....(تخريمة اصحاب وكده)
لا ادري ان كنت تبحث عن مواقع للاحزاب او تبحث عن من يقدم لك برامجها وخططها المستقبلية ، ان كنت تبحث عن الاولي فأظن وصلتك مجموعة لابأس منها ، وان كنت تبحث عن الثانية فصدقني بحثك سيطول ويطول ، لانك تبحث عن العنقاء ، فأحزابنا السودانية تعاني من ازمة حادة في كل مناحيها بالطبع معاناتها درجات ، فكثير من احزابنا السوادنية تسير بلابرامج وتمارس السياسة (رزق اليوم باليوم )، وتعاني معظمها من ازمات تنظيمة وازمات مالية حادة ، بعض هذه الاحزاب لافتات فقط يقف خلفها افراد ، لافكر ولارؤية واضحة ولاجماهير ، فقط مجرد لافتات ،وتجمعات صفوة بعيدة كل البعد عن نبض الجماهير ومعاناتها .....
هذا مدخل فقط حتي اتاكد ان هذا هو المقصود حينها سأتيك مرة اخري بتفصيل اكثر .....
عميق مودتي لك ، وبالمناسبة حاول مرة اظهر في الماسنجر (الياهو)
|
Post: #18
Title: Re: .......... الاحزاب السودانية...بلا استثناء...
Author: AnwarKing
Date: 09-24-2004, 10:44 AM
Parent: #17
Quote:
لا ادري ان كنت تبحث عن مواقع للاحزاب او تبحث عن من يقدم لك برامجها وخططها المستقبلية ، ان كنت تبحث عن الاولي فأظن وصلتك مجموعة لابأس منها ، وان كنت تبحث عن الثانية فصدقني بحثك سيطول ويطول ، لانك تبحث عن العنقاء ، فأحزابنا السودانية تعاني من ازمة حادة في كل مناحيها بالطبع معاناتها درجات ، فكثير من احزابنا السوادنية تسير بلابرامج وتمارس السياسة (رزق اليوم باليوم )، وتعاني معظمها من ازمات تنظيمة وازمات مالية حادة ، بعض هذه الاحزاب لافتات فقط يقف خلفها افراد ، لافكر ولارؤية واضحة ولاجماهير ، فقط مجرد لافتات ،وتجمعات صفوة بعيدة كل البعد عن نبض الجماهير ومعاناتها .....
هذا مدخل فقط حتي اتاكد ان هذا هو المقصود حينها سأتيك مرة اخري بتفصيل اكثر ..... |
This is Exactly what I meant ya Mohamed....
الحبيب جداً محمد عبد الرحمن... والله انت قلت الكلام المطلوب بالضبط...
وهذا هو المقصود...لذلك حضورك مرة أخرى مطلوب بمرسوم ملكى...ممهور بختم الديوان الأميرى...
لك الحب...
أنور
|
Post: #19
Title: Re: .......... الاحزاب السودانية...بلا استثناء...
Author: AnwarKing
Date: 09-24-2004, 10:46 AM
Parent: #1
يا محمد...الا اسألك والله...
أنت عمر عبد الشكور عمر عطية قريبك؟؟؟ ياخى الشبه مبالغة لكن؟؟؟
أنور
|
Post: #20
Title: Re: .......... الاحزاب السودانية...بلا استثناء...
Author: Abdalla mohamed
Date: 09-24-2004, 11:07 AM
Parent: #1
اخوى أنور
إما أخاف الكضب أظنو الزول المضارياهو اللمبة دا
يكون صلاح قوش عدييييييييييييييييييل وربك يستر.
|
Post: #21
Title: Re: .......... الاحزاب السودانية...بلا استثناء...
Author: AnwarKing
Date: 09-24-2004, 11:30 AM
Parent: #20
الحبيب عبد الله...
لا وانت الصادق..دا بكرى حسن صالح...
ما تخاف الكذب...شوووووت ساااااااااااكت...
لك الودّ
أنور
|
Post: #22
Title: Re: .......... الاحزاب السودانية...بلا استثناء...
Author: Raja
Date: 09-24-2004, 11:41 AM
Parent: #21
أنًو الملك..
اها جينا للسؤال المحيرني انا زاااتي..
عموما يا سيدي انا مع اي حزب ديموقراطي ليبرال.. حقيقة وليس شعار..
لو لقيتو تعال قول لي  ..
|
Post: #23
Title: Re: .......... الاحزاب السودانية...بلا استثناء...
Author: AnwarKing
Date: 09-24-2004, 11:49 AM
Parent: #22
لى رجاء يا رجوية...
أرجوكى ما تمشى من البوست دا...أنت ومحمد عبد الرحمن...
لانكم أدرى منى بدهاليز السياسة وكدا...
وخلينا نحوم فى المواقع دى كويس ونشوف ونقارن...
تمام... ولسع مستنين البقية لتدلى بدلوها ومواقعها...
أنور
|
Post: #24
Title: Re: .......... الاحزاب السودانية...بلا استثناء...
Author: محمد عبدالرحمن
Date: 09-24-2004, 01:19 PM
Parent: #23
العزيز انور
كل الود ....
طالما اتفقنا في المحاور التي تخص هذا البوست سوف اتي لاضيف ، فقط اتمني ان يكون الحوار هادئا وموضوعيا ، حتي يصل البوست لغاياته ، اقول هذا لان البعض يتحسس عندما يوجه النقد لاحزابهم ، ويقيني ان ممارسة فضيلة النقد وخاصة النقد الذاتي ، هو السبيل لبناء احزاب فعالة ومؤثرة وجاذبة للاخرين للانضمام اليها ، وهو بالطبع يقودنا الي ديمقراطية كاملة الصحة والعافية ....
انور ياخوي الزول السالتني منو ده والله مابعرفو ، وزي مابقولوا (يخلق من الشبه اربعين) .
سأعود مرة اخري ياصديقي ....
|
Post: #25
Title: Re: .......... الاحزاب السودانية...بلا استثناء...
Author: محمد حسن العمدة
Date: 09-25-2004, 01:38 AM
Parent: #24
الاخ الكريم انور
سلام يا حبيب
والله خطوة جميلة وممكن تكون خطاب دورة او غربلة او تصفية او اي اسم بس الغاية تكون الوصول لمنظمات مجتمع مدني اكثر قوة وتماسك وليس الهدف النيل وتصفية الحسابات لانو في ناس عندها حساسية تجاه النقد الموجه ليهم وعلى طول يبدو (( يخرمجو )) غايتو نحنا في حزب الامة جاهزين ومستعدين لاي استفسارات فكرية وسياسية ومستعدين لتحمل كل كفاة اخطاءنا السابقة
بس عليك الله خليني نسعل بت الحسين دي عن كلامها الفوق دا
Quote: أنور إزيك
الجمهوريين ما حزب سياسي.. حزب ديني.. ما عندنا عمل سياسي إحنا.. وفكرتنا دينية بحته.. موقعها
www.alfikra.org
بنت الحسين |
الكلام دا يا دكتورة محتاج شوية توضيح لو سمح وقتكم ومعليش برضو ح امشي بيهو لاستاذ تاج السر لانو (( مشتبك )) الان مع الحبيب وراق حول الفكرة والانصارية
وما احلاه من اشتباك اشتباك الكلمة والفكرة في رحلة البحث عن الحقيقة
ولكم خالص التحايا وكل الود
|
Post: #31
Title: Re: .......... الاحزاب السودانية...بلا استثناء...
Author: AnwarKing
Date: 09-25-2004, 09:00 AM
Parent: #25
العمدة...
سلام يا حبيب ...
Quote: غايتو نحنا في حزب الامة جاهزين ومستعدين لاي استفسارات فكرية وسياسية ومستعدين لتحمل كل كفاة اخطاءنا السابقة
|
Realy????
لك الشكر...
أنور
|
Post: #30
Title: Re: .......... الاحزاب السودانية...بلا استثناء...
Author: AnwarKing
Date: 09-25-2004, 08:58 AM
Parent: #24
Salamat ya Mohamed...
Omer Abd-Alshakor is carbon copy of You...
يخلق من الشبه اربعين
حضورك مرة أخرى مطلوب ...
AnwarKing
|
Post: #26
Title: Re: .......... الاحزاب السودانية...بلا استثناء...
Author: Hadia Mohamed
Date: 09-25-2004, 06:34 AM
Parent: #1
انور فاهماك
لا تثق فى كل الاحذاب السودانيه انتمى لفكرتك بعيدا عن تنظيمات اهترت من كثرت الزيف
|
Post: #27
Title: Re: .......... الاحزاب السودانية...بلا استثناء...
Author: Ishraga Mustafa
Date: 09-25-2004, 06:38 AM
Parent: #26
انور
بينى وبينك الصوره دى مش بتجيب هواء دى بتجيب كتاحة يوم القيامه
ضحتكتك فيها تشرح الصدر الذى سرعان ماينقبض حين اشوف يمينك
اقول ليك فكره شيل اللى جنبك وخلى لينا ضحكتك ، اها كلامى دى بجيب براه الهواء ولاشنو
|
Post: #33
Title: Re: .......... الاحزاب السودانية...بلا استثناء...
Author: AnwarKing
Date: 09-25-2004, 09:06 AM
Parent: #27
Dear Ishraga...
Thanks for your comment...
There is no one On my right handside 
| Quote: اها كلامى دى بجيب براه الهواء ولاشنو |
Never ya Ishraga...
We are the citizin's...the top, and the Governements is
(Dull Da7a sakit
Thanks again...
AnwarKing
|
Post: #28
Title: Re: .......... الاحزاب السودانية...بلا استثناء...
Author: Esameldin Abdelrahman
Date: 09-25-2004, 06:44 AM
Parent: #26
الاخ انور
وما تنسى تمر على هذا العنوان حيث السودان الجديد
http://www.splmtoday.com
|
Post: #29
Title: Re: .......... الاحزاب السودانية...بلا استثناء...
Author: معتز تروتسكى
Date: 09-25-2004, 08:52 AM
Parent: #28
انور الصديق والجار...
انا بجيك شايل فكرتى براى..
وعليك دينك لو ما شفته لى معاكم شغله..
اولا انا بحب شغل المنظمات..
وما دايرين ليك تمرجى...
اما موضع الصوره..
الواحد يقول ..
لوووووووووووووووووووووووووول..
كان رجعتنا السودان بحاول اتصور مع الرئيس البلقاهو غايتو ..
كان بقى معانا كا مع غانا..
عشان اكاوييك..
وتانى لوووووووووووووووووووووووووووول..
ربنا يدك العافيه ياملك..
ويلمنا بيك ..
ياقريب ومنى بعيد..
وطولنا من شونا من شوفتك..
لك عميق الحب رغم العتاب..
|
Post: #35
Title: Re: .......... الاحزاب السودانية...بلا استثناء...
Author: AnwarKing
Date: 09-25-2004, 09:09 AM
Parent: #29
Quote:
انور الصديق والجار...
انا بجيك شايل فكرتى براى..
وعليك دينك لو ما شفته لى معاكم شغله..
اولا انا بحب شغل المنظمات..
وما دايرين ليك تمرجى...
اما موضع الصوره..
الواحد يقول ..
لوووووووووووووووووووووووووول..
كان رجعتنا السودان بحاول اتصور مع الرئيس البلقاهو غايتو ..
كان بقى معانا كا مع غانا..
عشان اكاوييك..
وتانى لوووووووووووووووووووووووووووول..
ربنا يدك العافيه ياملك..
ويلمنا بيك ..
ياقريب ومنى بعيد..
وطولنا من شونا من شوفتك..
لك عميق الحب رغم العتاب.. |
Mutaz...
will be back to You dear...
Anwar
|
Post: #34
Title: Re: .......... الاحزاب السودانية...بلا استثناء...
Author: AnwarKing
Date: 09-25-2004, 09:07 AM
Parent: #28
Dear Esameldin Abdelrahman
Too many thank dear...
AnwarKing
|
Post: #32
Title: Re: .......... الاحزاب السودانية...بلا استثناء...
Author: AnwarKing
Date: 09-25-2004, 09:02 AM
Parent: #26
Dearest Hadia...
Thanks For your words...
Let's mine in their Agenda's...
AnwarKing
|
Post: #36
Title: Re: .......... الاحزاب السودانية...بلا استثناء...
Author: saif massad ali
Date: 09-25-2004, 01:56 PM
Parent: #32
ده احلي بوست يا انور انا مستمتع بالعناوين كل دقيقة انا في موقع , اتلفت واعاين ذي سيد الرايحة , نامل بالمزيد من العناوين.
|
Post: #37
Title: Re: .......... الاحزاب السودانية...بلا استثناء...
Author: AnwarKing
Date: 10-01-2004, 03:37 AM
Parent: #36
الحبيب سيف مساعد...
البوست دا حلو...ومحرج كمان...
لانو زمان كان مابين النظرية والواقع دى...بنسمعها من المثقفين بس...
الآن بأمكاننا رؤيتها لايف....
لك الود ولقيت عناوين زيادة جيبها هنا...أصلهم بيهتموا بالكم...
ولا كييييف؟؟؟
أنور
|
Post: #38
Title: Re: .......... الاحزاب السودانية...بلا استثناء...
Author: مريم بنت الحسين
Date: 10-01-2004, 04:09 AM
Parent: #1
Quote: الكلام دا يا دكتورة محتاج شوية توضيح لو سمح وقتكم ومعليش برضو ح امشي بيهو لاستاذ تاج السر لانو (( مشتبك )) الان مع الحبيب وراق حول الفكرة والانصارية
وما احلاه من اشتباك اشتباك الكلمة والفكرة في رحلة البحث عن الحقيقة |
الأستاذ محمد الحسن العمدة.. التحية... عبارتي التي قلتها بأن الحزب الجمهوري ليس حزباً سياسياً نابعة من قراءة للتاريخ .. الفكرة الجمهورية في تفاصيلها فكر ديني يدعو إلى إعادة إحياء الدين الإسلامي في كل مناحي الحياة... والسياسية هي جزء من واقع الحياة.. لكن الاختلاف أننا ليس لدينا مخططات للترشيح (ولم يكن)... الحزب الجمهوري عبارة عن عائلة واحدة كبيرة... الأستاذ محمود مؤسس الفكرة.. وصاحبها.. وموجهها... الفكرة دعوة لإصلاح النفس من الداخل قبل أن نتولى أمور الناس من في الخارج... وهي دعوة لاتباع منهج النبي عليه الصلاة والسلام.. وعمله في خاصة نفسه.. العمل السياسي يتضمن تفاصيل لا تجدها في مجتمعنا .. وأفضّل كلمة مجتمعنا على كلمة حزبنا...
برجع تاني..
واعتذر على الرد المتأخر
بنت الحسين
|
Post: #39
Title: Re: .......... الاحزاب السودانية...بلا استثناء...
Author: AnwarKing
Date: 10-01-2004, 04:16 AM
Parent: #38
العزيزة مريم...
بعد وفاة الأستاذ محمود محمد طه... من الذى خلفه فى أدارة شئون الحزب وتطوير الافكار والاليات؟؟؟
أم جفت الافكار بوفاة المعلم؟؟؟
لك الشكر الجزيل...
أنور
|
Post: #40
Title: Re: .......... الاحزاب السودانية...بلا استثناء...
Author: مريم بنت الحسين
Date: 10-01-2004, 05:46 AM
Parent: #1
بجي راجعة يا أنور.. ناس البيت دايرني ...
بنت الحسين
|
Post: #41
Title: Re: .......... الاحزاب السودانية...بلا استثناء...
Author: Raja
Date: 10-02-2004, 04:50 AM
Parent: #40
أنور وضيوفو..
ســـلام..
ما زلت اتعشم في ان يناقش هذا البوست الأحزاب السودانية وبرامجها..
|
Post: #44
Title: Re: .......... الاحزاب السودانية...بلا استثناء...
Author: AnwarKing
Date: 10-07-2004, 09:16 AM
Parent: #41
وانا معاك يا رجاء...
ياريت نقدر نناقش موضوع الاحزاب وبرامجها ...
دعوة للجميع للحوار
أنور
|
Post: #42
Title: Re: .......... الاحزاب السودانية...بلا استثناء...
Author: Hadia Mohamed
Date: 10-02-2004, 05:35 AM
Parent: #1
العزيزه رجاء
هى المشكله ما فى البرنامج ولاهى مافى احسن من السودانيين فى وضع البرامج بس مين يطبق وكيف يعنى الخمج الحاصل ده كله ما من ناس البرامج نناقشه ما مشكله بس كيف نطبقه ده
|
Post: #45
Title: Re: .......... الاحزاب السودانية...بلا استثناء...
Author: AnwarKing
Date: 10-07-2004, 09:19 AM
Parent: #42
العزيزة هادية...
شكراً على المرور ونعشم فى ان تشاركي باستفاضة اكثر فى هذا البوست
لك الودّ
أنور
|
Post: #49
Title: Re: .......... الاحزاب السودانية...بلا استثناء...
Author: Raja
Date: 10-07-2004, 02:00 PM
Parent: #42
الأعزاء هادية وأنور..
ســـلام.. معليش لم أر ردكما إلا الآن..
نعم يا هادية ان البرامج بتاعت الأحزاب دي كلها نموذجية. ولكن المشكلة في التطبيق..
طيب يبقى السؤال: ما هو الدافع البيخلي الشباب ينضموا لحزب دون الآخر..؟
وهل الشخص الذي تربى وسط أسرة انصارية "يجب" ان ينضم لحزب الأمة..؟ أو اولاد الخلفاء لازم يبقوا اتحاديين؟ واولاد الشيوعيين لازم يواصلو مسيرة آبائهم..؟ وكذلك الحال لأبناء الجمهوريين والناصريين.... الخ.
كلها أسئلة للوصول للدافع للانضمام لحزب. طالما ان البرامج جميعها كويسة.
دمتم..
برجع تاني..
|
Post: #43
Title: Re: .......... الاحزاب السودانية...بلا استثناء...
Author: مريم بنت الحسين
Date: 10-02-2004, 06:26 AM
Parent: #1
سلامات وتحية طيبة وبعد...
أنور.. لأحد على سؤالك.. والذي أظن أنك تنوي به سيلاً أتمنى أن أتمكن من الرد عليهم جميعا بصورة جيده... ولكني أريد أن أنوه أن ما أكتبه الآن عن الجمهوريين يمثل تحليلي الخاص... والذي قد يختلف معي فيه بعض الأخوان والأخوات الجمهوريين... فأرجو ألا ينسحب ما أكتبه على الجمهوريين.. فأنا مريم.. ولا أتحدث باسمهم...
الفكرة الجمهورية كما أسلفت فكرة دينيه... تدعو إلى العودة إلى الأصول.. بعد أن ظهرت الحوجة إلى ذلك.. وفي ذلك تفصيل كثير جداً.. الفكرة الدينية صاحبها الأستاذ محمود محمد طه الذي حٌكم عليه بالإعدام وتم تنفيذه في 18/1/1985... الأستاذ كان ولايزال صاحب هذه الفكرة.. الامر الذي يجهله الناس خارج المجتمع الجمهوري، هو مكانة الأستاذ لدي تلاميذه... الأٍستاذ محمود لم يكن فقط محبوباً لدى تلاميذه.. بل كان منهم مقاما كبيراً.. أكبر ضربة كانت للجمهوريين، هو أنه قد نُفّذ عليه حكم الإعدام.. هذه الضربه كانت صدمة بالنسبة إليهم.. أتحدث عنهم لأني وقتها كنت صغيره.. الصدمة أدت إلى ابتعادهم عن بعضهم لفترة.. نطلق على أنفسنااسم الاخوان.. وهم أخوان عند الحارة بجد... لا أمدحنا .. لكنها الحقيقة.. رغم أنها سمة السودانيين.. لكنها في الجمهوريين جزء من التزامهم للفكرة... وهذا لا ينسحب على مساعدتهم لإخوانهم فقط.. بل إلى كل ما يمكن مساعدته من جماد أو حيوان... انصرف الأخوان بعد أن أفاقوا من الصدمة إلى مسار جديد.. وهو اتباع نهج الفكرة.. بالصورة السليمة.. وإن لم يكن هناك خيار.. هذا الاتباع يتمثل في توصيل الخير للناس.. والبحث عن أفضل سبل إلى تطوير النفس... وترويضها... وحين كان الفكر دوما لصاحبه.. وحين كان الفكر دينياً.. فإن التطوير فيها.. ومن ثم إعلان هذا التطوير كأنه الفكرة الجمهورية كان غير ممكن.. خاصة وأن الفكرة في حد ذاتها تمنحك أمرين.. القدرة على وزن الأمور.. وعدم انكار اي شي على أي أحد.. بمعنى.. أن الفكرة تدعو إلى ان لكل انسان وجه حق فيما يقول وما يفعل إن كان صادقاً...
| Quote: من الذى خلفه فى أدارة شئون الحزب وتطوير الافكار والاليات؟؟؟ |
الدعوة والتنوير للفكر الجمهوري بصورتها المنظمة التي كانت سائدة قبل 18/1/1985 توقفت تماما ... هناك من انضم إلى الفكرة بعد ذلك.. وانا منهم بطبيعة الحال.. لكن النشاطات السابقة توقفت تماما...
الفكر الحر لا يموت... لأن الجمهوريون يؤمنون أن الفكرة صحيحة.. وانها الحق..
بنت الحسين
|
Post: #46
Title: Re: .......... الاحزاب السودانية...بلا استثناء...
Author: AnwarKing
Date: 10-07-2004, 09:30 AM
Parent: #43
العزيزة مريم...
شكراً ليك على سعة صدرك والاستعداد للرد على الاسئلة...
قلت :
| Quote: ولكني أريد أن أنوه أن ما أكتبه الآن عن الجمهوريين يمثل تحليلي الخاص... |
طبعاً دا فى حد ذاتو مشكلة يا مريم... لانو كدا الواحد ما بيعرف هل هذا الرأى اصيل فى ادبيات الحزب أم هو أجتهاد شخصي!
لاحظت ان معظم ما جئت به يا مريم يحوم فى ال Abstract level وهى نفس المبادئ التى يقوم عليها الدين الإسلامي, بمعنى انني لم المس ظاهرياً نتاج مناهج الحزب...
وصراحة يا مريم, انا مثلاً ممكن أقرا واحاول الفهم عبر الموقع بتاعكم, لكن ليس كل القراء لديهم نفس الاهتمام والصبر, لذلك نعوّل على ان تاتينا بشرح وافي عن الفكرة الجمهورية بعد وفاة مؤسسها.
وأعيد السؤال مرة أخرى:
من الذى خلف مؤسس الحزب فى أدارة شئون الحزب وتطوير الافكار والاليات؟؟؟
لا أظن ان هناك حزب فى السودان ليس لديه قيادة كارزمية والنموذج اسوقه لكى من كلامك ذاتو:
| Quote: الفكرة الدينية صاحبها الأستاذ محمود محمد طه الذي حٌكم عليه بالإعدام وتم تنفيذه في 18/1/1985... الأستاذ كان ولايزال صاحب هذه الفكرة.. الامر الذي يجهله الناس خارج المجتمع الجمهوري، هو مكانة الأستاذ لدي تلاميذه... الأٍستاذ محمود لم يكن فقط محبوباً لدى تلاميذه.. بل كان منهم مقاما كبيراً.. أكبر ضربة كانت للجمهوريين، هو أنه قد نُفّذ عليه حكم الإعدام.. هذه الضربه كانت صدمة بالنسبة إليهم.. |
هل مازلتم فى الصدمة؟؟؟
لك الودّ والشكر مرة أخرى....
أنور
|
Post: #47
Title: Re: .......... الاحزاب السودانية...بلا استثناء...
Author: Bashasha
Date: 10-07-2004, 11:08 AM
Parent: #1
ياملك،
او ذي ماقال ابن البادية، عايزنك ديمة تكون ملك!
بعدين قلت لي حزاب "سودانية"؟
يازول هم السودانيين زاتم وينم؟
people without identity, is a pobulation.
الاناعارفو، الناس بتقول علي روحها عرب!
والدولة الحالية دولة جهوية بالتحديد شمالية، والاحزاب الفي الساحة، وكالات "بلح" اصلها في مصر او العراق او سوريا روسيا، او حتي ليبيا المكشكش القذافي، او فروعها عندنا!
انا بس بستغرب واحد ذي صدام ولا الاسد ولا قذافي ولا حتي عبد الناصر ولا البنا ولا بن باز، ميزتو شنو عشان مابعضنا يخر ساجدا لهذه الاصنام، لو ما امخاخ "الاخوال" ذي ماقال السعودي!
فعلا "طيبين" او سذج، ذي ما بقرقوا علينا المصريين!
|
Post: #48
Title: Re: .......... الاحزاب السودانية...بلا استثناء...
Author: AnwarKing
Date: 10-07-2004, 11:13 AM
Parent: #1
الحبيب بشاشة...
والله الف مراحب برجوعك وبقوتك الفكرية المعهودة...
غيابك طال يا بشاشة...
ياخى ياريت تلقى لينا الضوء على أصول الاحزاب السودانية اذا تكرمت...أعتقد انها يمكن ان تشرح الكثير من أشكالتنا القائمة الآن...
لك كثيف الودّ...
أنور
|
Post: #50
Title: Re: .......... الاحزاب السودانية...بلا استثناء...
Author: طلال عفيفي
Date: 10-07-2004, 04:22 PM
Parent: #48
الأخ العزيز أنور .. سلامات .. أراني استفدت كثيراً من البوست ومن
المداخلات اليه ..
أسفله سأنقل لك كلاما كنت قد كتبته عن "حزب بلاطه " والذي يعبر عن
حاله ممكن الواحد يستمتع بتأملها .
ولك كل الود والاحترام ..
...
طلال
.............................................................في الاسكندريه قبل سنوات كنا قاعدين ملطوشين بهواء البحر وبضعة
أفكار يساريه وفوضويه , أحمد عبد الجبار مثلا كان وجودي , أيهاب
كان طالب عدم المؤاخذه في كلية الطب , نبيل يعوض سنوات إعتقاله
الطويله بتدخين أكبر كميه من الحشيش وكتابة المسرحيات وقصص
الأطفال , خالد سارح وراء نسوان الساحل , وماهر عاكف على متابعة
ما استجد أوإستشكل من أمور الخط واللون , انا كنت مهتم بتكوين
تنظيم سري يقوم بتقويض نظام الحكم في السودان والدول المجاوره .
( إنتهى هذا الطموح حين قال لي نبيل : بص يا حبيبي , لازم تعمل
علاقه عاطفيه الأول عشان تعرف تحل مشاكل الناس التانيه .. ) ..
المهم , أننا قررنا تكوين حزب عريض وقوي يجمعنا ويحمي شبابنا, وقد كان ..
فسمينا الحزب ( حزب بلاطه ) بعد تأسيسه على ساحل الشاطبي ,
وفرض نبيل نفسه زعيماُ علينا وعلى الحزب مدى الحياه بنص الدستور
وتم تعيين خالد وزيرا للنسوان والرياضه , وايهاب ( الذي له علاقه بالطب ) وزيرا للصحه تحت شعار إصلاح ما أتلفه الهوى..الشاعر جرجس شكري تقلد حقيبة الأوقاف والشؤون الدينيه وكان شعاره ( الدين لله يا محسنين ) .
تمويل الحزب مسأله أربكتنا طويلا , غير أن الزعيم نبيل أنهى اللغط
بأن قال ( الحزب يا جدعان مش محتاج تمويل خارجي .. الحزب حيقوم
بتمويل نفسه ! الحزب حيبيع القضايا التي يتبناها بشكل دوري ) ..
وتمت الموافقه بالاجماع ومن ثم تكريم الزعيم بقطعة حشيش ماركة " أنت عمري " ..
........................
كانت إجتماعاتنا الحزبيه السريه تعقد على ساحل البحر , قبالة مقام سيدي الشاطبي قدس الله ضريحه , وكانت يتم الاعلان عن هذه الاجتماعات في مقهى البوابين الذي كنا زبائنه المسيطرين : يهيب الأستاذ بلبل (اسم الزعيم نبيل الحركي ) بجماهير الاسكندريه لحضورإجتماع الحزب السري على شاطيء البحر الأبيض المتلوث لمناقشة ما إستجد من أجنده ..
بعد المغرب يتحرك الموكب من المقهى بشارع النبي دانيال صوب البحرعندمحطةالرمل,من هناك نسير بمحاذاة الشاطيء حتى نصل المكان الأجمل فيه .. تكون الدنيا قد أظلمت وتلألأت في سماء البحر نجومه المليون ..
نفترش الرمل البارد ..
أعضاء الحزب ماهر ( محامي نوبي وقاص ) , إيهاب ( طبيب مفترض ) , خالد ( زير نساء وشاعر في أوقات الفراغ ) , أحمد ( ناقد ومثقف بنيوي ) , أسامه ( فلسطيني يعزف العود ),جرجس شكري ( يعايره الزعيم بأنه مسيحي ابن كلب , وحين نثني كلام الزعيم يصفنا الزعيم بأننا مسلمين ولاد ستين كلب . ) , وهناك محمد البرعي شاعر العاميه العظيم بحق وسميرعبد الغني الذي أصبح اليوم أجمل رسام كاركتير في عموم بر مصر .. ومحمد صالح الفتي الشايقي الوسيم والعاشق الحريف.. وأنا ..
خالد يخرج زجاجات الخمره من حقيبته وعينه تنز شقاوه,الزعيم بلبل يفتتح الاجتماع السري ,
يسأل : في حاجه جيده يا ولاد ؟؟
فنرد في صوت واحد تقريباً : لأ يا زعيم ..
فيسأل : متأكدين يا ولاد ؟؟
فنرد بصوت واحد تقريباً : طبعاً يا زعيم ...
وبذلك يرفع الزعيم الجلسه وينهي الإجتماع ..
وتكون زجاجة الخمر ركت بين يدي .
أسامه يدوز العود ..
ماهر وإيهاب يبدأن في رفع أصواتهم بأغنية " البحر بيضحك ليه " :
البحر بيضحك ليه
وانا نازله أتدلى أملا القلل ؟؟
....................................
أيامها كنت أشرب المخدرات , وقد تعلمون أثر هواء البحر على رأس مليان دخان أخضر .
أسرح قليلا ثم أميل على الزعيم و أسأله : إلا قل لي يا بلبل , هو البحر بيضحك ليه ؟
فينظر إالى الزعيم شذرا ويقول لي وهو يواصل غناء ( عشان رجليها بتزغزغه يا روح أمك ) فيكركر ماهر يبتسم خالد ويغمز لي ويقوم نبيل باحتضاني ويضحك السمك .
...................................
في يوم كنا ماشيين في جوله تفقديه في شوارع الاسكندريه .. وقفنا عند تمثال للأستاذ سعد زغلول وقام الزعيم بلبل بالترحم عليه وإقترح تكريمه .. يللا يا ولاد عايزين نكرم الراجل ! , نعمل إيه ؟
صرخ الزميل حمدي زيدان : نخلع عنه الباشويه يا زعيم !!
صفقنا وهللنا وصفرنا لكلام حمدي , فوافق الزعيم وخلعنا عن سعد زغلول الباشويه ومنحناه عضويه شرفيه في الحزب تجدد كل عام .
بعد قليل إستأذن بلبل في أنه محتاج أن يتبول ... وغاب في الظلام ( على رأي ماجده الرومي ) ..
وبينما نحن في حبور وفرح ونتقافز زي القرود تحت تمثال سعد باشا زغلول ونعد الحشيش والخمراللذان بحوزتنا وخالد يساوم على كتاب مع ماهر ليقرأه , فإذا بحمدي يبدأ أول مؤامره في تاريخ الحزب
صرخ بصوت عالي : إلحقوا يا ولاد ..
- إيه يا حمدي ؟!
- الزعيم بلبل مات ياولاد , راح في الضلمه طرطر ( أي بال ) على سلك كهربا عريان , بلبل فلسع يا جدعان ...
ورشح حمدي نفسه لرئاسه الحزب وسط الفوضى العارمه وبدأ في تعديل الدستور , سوى أن الزعيم الراحل لقضاء حاجته ظهر فجأه , وحكى له الناس على اللي جرى , فأعلنها داويه : أنا ما اتكهربتش أنا بينكم أهه ..
وعشان نلحق الموقف بسرعه هتفنا : فيفا بلاطه ... فيفا بلاطه , يعيش الزعيم يعيش الزعيم .
وأعلن الزعيم العفو العام , وانتهت أول محوله إنقلابيه في تاريخ بلاطه ..
بعدها بساعات أعلن الزعيم عن قرار إستحداث حقيبه وزاريه جديده , تم بموجبه تعيين أحمد عبد الجبار وزيرا للسياحه والإرشاد ومهمته كانت رصد الانقلابيين والارشاد عنهم ..
...............................
...............................
*** بالمناسبه عضوية الحزب مفتوحه لكل من يعتقد أنه راشد , ويحق
للعضو الايمان بأي قضيه يراها مناسبه والتصرف فيها بالتطوير أو البيع .
باب العضويه مغلق أمام العسكريين ورجال الدين من كل الملل لأسباب
تتعلق بالاداره ..
|
Post: #51
Title: Re: .......... الاحزاب السودانية...بلا استثناء...
Author: راشد يحى مدلل
Date: 10-07-2004, 10:12 PM
Parent: #50
بالمناسبه عضوية الحزب مفتوحه لكل من يعتقد أنه راشد , ويحق
بمااننى راشد عديل كدة,, لاأعتقد ولايحزنون .. اتقدم بطلب لرئاسة الحزب
وشكراً
|
Post: #54
Title: Re: .......... الاحزاب السودانية...بلا استثناء...
Author: AnwarKing
Date: 10-08-2004, 09:22 AM
Parent: #51
ايامك يا راشد...
صحيت من نومك لقيت رئاسة حزبك طوالي...
ماشة معاك طحنية
لك الودّ
أنور
|
Post: #53
Title: Re: .......... الاحزاب السودانية...بلا استثناء...
Author: AnwarKing
Date: 10-08-2004, 09:20 AM
Parent: #50
الحبيب طلال عفيفي..
لك الف شكر على المرور والمشاركة الخفيفة اللطيفة...
حزبكم ساخر من الحياة -بعد فهمه لها-...ومديها بالجزمة...
وانا ابحث عن حزب فاهم للحياة... لكن ما مديها بالجزمة...
تزامنا فى مصر ولم تسنح لنا الفرصة بملاقاة بعضنا البعض ... رغم أنو انا كنت فى الاسكندرية برضو 98-2003
وصلتنى هذه الرسالة من أحد أصدقائك...شكلو مشتاق ليك شديد...
Quote: Hi Mr. Anwar,
I don't have an access to participate on the Sudaneseonline, please do me a favor; pass my greetings to 6alal 3afifi, and give him my email address [email protected]
طلال عفيفي..والله زمان
|
طلال اعتقد انك شيوعي؟ لو صحيح يا ريت توضح لينا أكثر عن الحزب وخططه والخ من ما تريد إيصاله عبر هذا البوست الذى يهدف الى تمحيص برامج الاحزاب السودانية...
لك الودّ واتطلع لعودتك أكثر واكثر...
أنور
|
Post: #55
Title: Re: .......... الاحزاب السودانية...بلا استثناء...
Author: AnwarKing
Date: 10-08-2004, 09:23 AM
Parent: #52
العزيزة مريم..شكراً على الرابط وساتابع معك...
تشون شوني... (براحة براحة بالكوري )
لك الودّ
أنور
|
|