Post: #1
Title: رودا مرضة و عبــد الله بـــول...
Author: AnwarKing
Date: 10-01-2004, 10:38 AM
Parent: #0
تحياتى...
حينما سألت الاخت رودا الأخت رباح الصادق عما اذا كان تم أغتصابها فى دارفور أم لا...قامت الدنيا ولم تقعد...
وكسبنا لقب المطبلاتية بجدارة...وكم انا فخور به... أختفت الأخت رباح الصادق من المنبر بعدها...
وحينما كتب الأخ هشام أمين عنوة اسم الاخت رودا مرده بهذه الطريقة ( رودا مرضة) لم تقم الدنيا ولم تقعد...
وكتب الأخ سجيمان أسم العم عبد الله بولا بهذه الطريقة ( عبد الله بول) أحسب ان الدنيا بدأت بالفعل بالقيام ولن تقعد قريباً وان شاء الله الموضوع يتحل بسرعة...
الشاهد فى الموضوع أنو يا شمالييييييييييييييييييييين ( ليس كلكم بالطبع وانما العقلية السائدة )... ليكن دفاعكم عن الحق مبدئياً... وليس وراء الاسماء فقط...
أسجل أدانة لما يحصل بدء من الهجوم على رودا متمثلاً فى كتابة أسم والدها بطريقة مخلة. مروراً بكتابة لقب عمى بولا بطريقة مخلة..وانتهاء باسمى الذى هو AnwarKing
وليس أنور كنغ أو كنق أو كينج...
لأن أسمى مرتبط بموقعى...
ولك الف شكر يا رودا أينما كنت...
أنور
|
Post: #4
Title: Re: رودا مرضة و عبــد الله بـــول...
Author: AnwarKing
Date: 10-01-2004, 10:51 AM
Parent: #1
هل ستتخذ لجنة التحكيم نفس القرار الذى اتخذته من قبل وهو:
انتقدت اللجنة الطريقة التي كتب بها العضو هشام أمين اسم العضو رودا، حيث كتب "مرضة" بدلاً من "مردا"، مما ينافي آداب المخاطبة والتعامل. وتطالبه يتقديم اعتذار عن هذا المسلك.
قرارت لجنة التحكيم في الشكاوى المعروضة عليها
ان أعتذر...أو لم يعتذر...فكلو واحد؟؟؟
|
Post: #5
Title: Re: رودا مرضة و عبــد الله بـــول...
Author: ahmed haneen
Date: 10-01-2004, 10:51 AM
Parent: #1
الأخ انور لك التحية
نعم
تدنت لغة الحوار اخيرا
وصارت كلمات مثل طز فيك تجد طريقها
ولا احد يتكلم
والأدارة تنوم حينما تجد في النوم مخرجا
وتصحا حسب مزاجها
اليك بعض الألفاظ التي نشرت هنا ولم تفعل الأدارة شئيا
فقط ترجت صاحب البوست ان يسحبه
اقرأ معي الأتي
دينكاوي... وعلي العليهو شاعر
زولكم دا يطهروهو بالطول...ولاّ بالعرض؟
الجلد انا كنت دايرو لي تريزا عشان تضبب بيهو عكازا
نوع طهارتك دي وحات الله قاعد يشيل فيها الجلد والراس....دحين وقت اتفنجر وخلا لك الراس ماقصر معاك والله....
ويصادرو الجلد..... الغبيانين قايلنو جلد اصلة
بعد يومين..... اشوف عم حسن الطهار ومعاهو ماجوك وتريزا.... بيشاورو فيهو عشان يطهر تريزا برضو..... لكن ماجوك...شايفو ينهر في عم حسن وقالو اوئئئئك... تشيلي جلد.............. )
وبرضو تقول ادارة
|
Post: #6
Title: Re: رودا مرضة و عبــد الله بـــول...
Author: خالد
Date: 10-01-2004, 11:04 AM
Parent: #5
والله انا كنت جد بدعو ربنا يعالج كل مريض كل مريض كل مريض في هذا المنبر
لكن الان بس بدعو ربنا يعالج كل اعضاء المنبر مع حذف البسيط جداً منهم وفعلا بسيط بسيط بسيط لانهم زي الدناقلة في بلد الشوايقة بتعدوا باصابع اليد
ربنا يشفي
ربنا يشفي
ربنا يشفي
ده طرفي
|
Post: #7
Title: Re: رودا مرضة و عبــد الله بـــول...
Author: AnwarKing
Date: 10-01-2004, 11:10 AM
Parent: #6
الحبيب خالد..
لك الشكر على المرور وتسجيل موقفك مما يجرى...
ربنا يشفى... دى عرفناها...
لكن طرفك دا تبع الدناقلة ولا الشوايقة هسع؟؟؟
لك الودّ
أنور
|
Post: #8
Title: Re: رودا مرضة و عبــد الله بـــول...
Author: Ahmad Sanad
Date: 10-01-2004, 11:36 AM
الاستاذة البدعة تماضر،
انا بتاع البوست العجيب عنوانو و
(تتاتر تيت التين) برضو انت، ودا كان مجر البوروفايل بتاعي.
انت في إعتقادي شخصية عامة (انت ما حقتك انت، انت حقة السودان)، وانا سوداني عندي قطعة فيك، لما شلت قطعة منك ما قدرت اكتب اسمك كلو صاح (انا كتبت قطعتي بس).
وانا بحبكم كلكم وانت كتير خلاس (بس ما عارفة ساي، وانا لو انت ما عارفة متحكر في كومك، وما بزح حتى لو دفرتيني او حاولتي تلفتي نظري منو.
احمد سند
|
Post: #9
Title: Re: رودا مرضة و عبــد الله بـــول...
Author: مريم بنت الحسين
Date: 10-01-2004, 12:28 PM
Parent: #1
أنور كينج.. كلمة حق .. معاك مية المية...
| Quote: أسجل أدانة لما يحصل بدء من الهجوم على رودا متمثلاً فى كتابة أسم والدها بطريقة مخلة. مروراً بكتابة لقب عمى بولا بطريقة مخلة.. |
بنت الحسين
|
|