انور كنج - عـشـان خاطـرنـا تـرجـع

عزيزي انور
نفتقدك في البورد
المهاترين في هترهم
المشاكسين في مشاكستهم
اللوايق في لياقتهم
والجميلين المفرحين المبدعين في كامل جمالهم فارجع عشان تتوزن

اخـر الكـــلام
السمح سمح لو قايم من النوم
والشين شين لو يدلكوا كل يوم
واوزن على كدة


كل الود
ودالعـجـب

أنًو الملك..

كفاية حرد.. خلاص السبب زال المشيت عشانو..

وجونا ناس جديدين وعندنا اليومين دي حركة ما طبيعية.. وبقينا نروح من بعض..

لوووووووووووووول


في انتظارك..



شكرا وليد..

العزيز أنور
أنا قايتو في إنتظار عودتك الوشيكة، كما أتمنى
بالجد يا أنور وجودك في البورد مهم
لأنك ما بتخشى في الحق لومة لائم
و لأنك إقتحامي
و كتاب
و مواضيعك مفيدة و دمها خفيف
و لو ما ظهرت بعد شويه كده حنرسل ليك ناس بتعزهم كده عشان ترجع، عرفتهم

الحبيب انور
اضم صوتي للاصوات التي سبقتني
مع الود

وهو الشاكل أنور ده منو؟

اوعى يكونوا قايلنك (هامل) و الله حكايه....(ده انت وراك وأمامك وعلى يمينك وشمالك نساء)

فى انتظارك يا أنور، وان كنت مزنوق امتحانت ...خلصها وتعال،
لك الود

Quote: ....(ده انت وراك وأمامك وعلى يمينك وشمالك نساء)

أها يا أنور بعد كلام رودا ده حترجع و لا لا؟
إحنا وراك وأمامك وعلى يمينك وشمالك كمان
يلا أظهر و بان عليك الأمان

ورجال

( وانا بفتش في المسنجر الداخلي والخارجي وانت عارف كدة )

سلام

العزيز الملك انور

عاطر التحايا
اضم صوتى للمتداخلين
حقيقى افتفدت بوستاتك الجميلة
المتفردة المتميزة فى اثارتها
لمواضيع غاية فى الجرأة .

لك نكهة خاصة ... ووجودك ضرورى
فى البورد .

ادعوك للعودة ايها الكينغ

لك ودى

احمد داود NZ

الاخ انور

سلام

اضم صوتي لاصوات الاخوة الاعزاء.


و في انتظار عودتك.

الاعزاء المتداحلين
لكم كل الشكر

انور وكل الغـائـبـين
البرالمة مهججين البورد الـحـقـــــــوا المولد

كل الود
ودالعجب

يا أنووووووووووووووور
وحياة سماح ترجع!!!!!!

الاعزاء الكرام من دون فرز...
الف شكر ليكم على الاهتمام والسؤال ...انا جد سعيد الشي ده...العجب..الله يخليك يا وجيه وما نعدمك وما نشوف ليك زعلة أو حردة أو اعتصام هنا ابداً...
أنور

رجاء العزيزة...
والله نفسي أعرف أقرا أسمي بالطريقة البتكتبيهو بيها دي؟!؟
ليك وحشة يا عزيزة ويخسسسسسسسسسسسسسسسسيييي...طلعت مريخابية...انا طبعاً ما عندي قضية بالكورة..لكن لو شجعتا...بشجع اللعبة السمحة بس...
مستحيل زول يعيش فى مصر وما يشجع موش؟

العزيزة جداً ندى أمين...
الف شكر ليك على المساندة دي...ووالله لو ما الكلام هنا على الهواء مباشرة وبيقروه الناس كلها...كان قلت ليك والله انا بريدك عديييييييييييييييييييل كدا دى...

تسلمي

الحبيب عصام الدين...لك الف شكر على المساندة تسلم كتير يا حبيب والله

الحبيبة رودا...
سلامات وأشواق ...
شكراً ليك على المساندة وباين انت كنت بعيدة من المحل ده فى الفترة الفاتت...
والله جنس نبذ....الله لا يدخلنا فى جنس ده ابداً...
الله ينعل أبو السياسة ....
ان شاء الله قرايتك ماشة تمام وربنا يوفقك...


الحبيب أبو آمنة...
شكراً لتأكيدك انو ورانا وامامنا وخلفنا وشمالنا رجال يا حبيب...وان كان المثل بتاع صاحبنا داك لسع شغال:
ونسة الضكير للضكير..النوم منها أخير...
الله يخليك يا رب...


الحبيب أحمد داوؤد...
يا أخي الف شكر على باليمين انا قعدت مع نفسي كده أقول يا ربي ياتو كلام كتبتوا قبل كده عجب أبو أحميد ده...
ولو عرفتو...ياكا تعبتا تب...وراك بيهو لما تقول الروب..زي ما انا قايله من النبذ الحصل هنا ده...

الحبيب عمر54...تسلم يا حبيب يا عزيز..يا جميل...
عارف انا زولن ما قمتا ولقيت ديموقراطيه قدامي...
لكن اليوم داك لمن كتبت ما اجمل الديموقراطية...قعدت أفكر...وأشوف فى الصورة مرة ومرتين وثلاثة...
لكن متين جنس ده يحصل عندنا يا عمر؟
ما أظنو...وانا زاتو ما دايرو يحصل...
بتكون فى حاجة غلط والله...


الحبيب عجب...اهدي ليك أغنيتين...
واحدة العجب حبيبي...بصوت زولا123
والتانية ما تهتموا بالايام...ظروف بتعدي...بصوتي انا...أختار
ياتو واحدة....؟

العزيزةو (دي ما واو..دي قلدة المبتدأ)..ان شاء الله دي ما دايرة تفسير...
عليك الله أسع لو قام أبوي قرا الكلام ده...انا أقع وين...يقولوا ليك وحياة سماح!!! وجع ...قدمني وما رجع...
تسلمي كثير..بس صدفة غير سعيدة انو لقيت متسع بعد مداخلتك طوالي...


والله مشتـــــــــــــــــــــــــاقين....

أهديكم/ن الصورة دي...
بتاريخ 26-11-2004
المناسبة:أحتفال فى الجامعة
الجكس: كلو أسمو كيم

وبأخد لي غيبة...الزنقة جد حاصلة مع نهاية الفصل الدراسي....
عام سعيد مقدماً للجميع...

أنور

يا انور
وينو الجكس ؟

سلامات يا عصام...
ياخي الجكس دا كلو ما عاجبك!!!
أصبر لي ان ما كلمتا ليك كيم...ركّز يا راجل...
لك الود
أنور

الرائع انور كينج ..
والله برالمة(جداد) لنج ودي بي ضم الجيم ما الكسرة.. واول ما دخلنا نقوم نلقاك مافيش؟؟؟
يازوووول بننتظرك وراجينك
عارف صورتك مع ال كيم يونغ سونغ دي زكرتني النكتة بتاعت العربي الاشتغل تكاسي في الصين اي واحد يوق ليهو تااااااااااكسي يقبض فرملة ويقول ليهو " دحين يا جنا انا ما نزلتك هسسسسسسسسسة " اها انت اظنك بتقول ليهم دحين يا هناية انا ما خلطتك اسسسسسسة

العزيز عمر الفاروق...
تحية طيبة وأشكرك كثيراً على كلماتك الحميمة يا أخي...
والله ما الصورة والتكّاسي بس...
انا هنا لما العب كورة مع الناس ديل...دايماً ما بكون عارف التبعي منو والضدي منو... وهم برضو بشوفنا نفس الشئ...
غايتو ربك غالب...
أشكرك بعمق يا عزيزي...

أنور

أنور ود كينغ رجع
يا مرحباااا

و شكرا ليك يا أنور على مشاعرك النبيلة نحوي و التي أقدرها و أسعد بها

بس عندي ليك سؤال
إنت جامعتك دي ما فيها اولاد و لا شنو؟
عندي ود خالتي كان حالف و قاسم زمان إنو لازم يقرأ الجامعة في الأحفاد
وهو طبعا ما قدر يعملها لكن باين إنك قدرت

نويره ازيك

ومرحب برجعتك

ليك وحشه ادي كدا

العزيزة الوجيهه راوية (جنس وجاهة عليكي)
الف مليون شكر يا عزيزتي...
وبرضو مشتاقين...

تحياتي وودي...

أنور

العزيزة ندى...
الف شكر ليك يا جميلة... ومشاعري زادت كمان زيادة...على اليمين (الحليفة ما جندرية )
بالنسبة لسؤالك دا:

Quote: إنت جامعتك دي ما فيها اولاد و لا شنو؟

طبعا بيرجعنا لبوستك الخالد: المرأة السودانية وأوهام الرومانسية...
قدر ما احكي ليك عن الحياة فى كوريا ودور المرأة فيها ما بخلص... تشوفي النشاط والمشاركة الإيجابية فى كل مناحي الحياة هنا...تقولي البلد دى ما فيها راجلن دق كفر هنا...
وبعد دا كلو تمسك بالتقاليد والعادات بتلقائية (جد جد)...

اللغة هنا لغتين يا ندى...الاكبر منك انت مطالب بمخاطبته بلغة أكثر أحتراماً ولا فرز فى النوع..

والله ياريت لو كان فى دراسات عن ثقافات الشعب الكوري دا...ناسنا ما بعرفو غير منتجات الشعب دا ال90% منها من يد المرأة هنا...

الجامعة فيها أولاد كتار يا ندى...لكن واحد قال لي نظرية قبل كده...وبعدها مات طوالي: النظرية هي:
لو ما وروك ليها هنّ...ما أظن يوروك ليها همّ...

لك الورود يا عزيزتي...

أنور

أنور

Quote: بس صدفة غير سعيدة انو لقيت متسع بعد مداخلتك طوالي

حرام عليك, كان تخلي البنية تفرح شوية
انا قلت انور اول ما حلفته بسماح جا البورد جاري تقول لي صدفة؟

تخريمة بمناسبة الصورة الجميلة
البت البالبنفسجي على شمالك مالا مكنكشة فيك كدة

أنا حسي عرفت انت ليه مستعجل على العرس \
قال اقل كيم

العزيزة زولا123...الدكتورة الفاهمة الناعمة الجميلةو (برضو دي ضمّة)

لكن لقيتك صعبة فى "الكشف"..كان تجي تشتغلي مع ناس الجمارك فى بورتسودان نفسي نتلاقا فى حفلة غباره فى السماء يا زولا...
ونقوم نعمل الحركة ديك...بتاعة تجي محلي...واجي محلك...وهكذا نتبادل المراكز...الى ان يحن علينا الفنان بغنية تانية...
والله شاكر ليكم الوقفة الجميلة دي وان شاء الله ما أعدمكم...

أنور

عيني باردة
علي أبو الأنوار والحاشية

Quote: رجاء العزيزة... والله نفسي أعرف أقرا أسمي بالطريقة البتكتبيهو بيها دي؟!؟

انور العزيز

نحنا في عائلتنا في انور واحد هو
الباشمهندس انور سيد احمد التني

واخته الصغيره ماكانت بتعرف تنطق الاسم

فكانت بتقول ليهو (انو)على وزن (حنو) دلع حنان

احنا بنقول ليهو نويره

وانت في معزته عشان كدا تستحق الاسماء المحببه البنناديهو بيها

Quote: نحنا في عائلتنا في انور واحد هو الباشمهندس انور سيد احمد التني واخته الصغيره ماكانت بتعرف تنطق الاسم فكانت بتقول ليهو (انو)على وزن (حنو) دلع حنان احنا بنقول ليهو نويره وانت في معزته عشان كدا تستحق الاسماء المحببه البنناديهو بيها

العزيزتان راوية ورجاء ...ورجاء وراوية...

ياخي الله يعزكم ...
والله تعليقي أول ما قريت الكلام ده...
يا ســــــــــــــــــــــــــــــــــــــــــلام...
تسلموا ..

أنور

العزيزة خالتي نجاة...
تسلم عيونك يا جميلة...
ومبسوط انو الصورة عجبتك...
انا بحب التوثيق شديد...الكاميرا ما بتفارق شنطتي ابداً...وكل مرة برجع للصور...بشوف فيها حاجات جميلة...

لك ولعمي بولا وللاسرة الكريمة كل الود...

أبنكم أنور...

انوركنج

انشالله الكوريات يضو ليك.

ضروري رسل رقم موبيايل
او اتصل علي نحدد موعد للمسنجر
او اتصرف ياخي
معقول تلفونك السوداني ماموجود
والكوري ده انجليزي ما بتكلموهو اتفاهم معاهم كيف

ضروري يا انور
اي عنوان بتلقاهو في البروفايل

سلامات يا أبو آمنة...
يا حبيب انا بحاول أضرب ليك لي سنة...
لكن التلفون بتاعك ده فيه حاجة؟؟؟
على العموم أضفتك للمسنجر MSN واتمنى الاقيك قريباً...
دا العنوان :anwar_king
أنور

My phone is:- +82-11-9681-5349

تحية طيبة للجميع

Quote: اوعى يكونوا قايلنك (هامل) و الله حكايه....(ده انت وراك وأمامك وعلى يمينك وشمالك نساء)

مغنطيــس بس

بالمناسبة الكم حق الجلابية زى الكم حق اللبسة الكورية دى

اسمها شنو اذا الواحد اشترك مره فى من سيربح المليون ولا كده

تحياتى

الحبيب محمد الأمين...
والله سؤال كويس...
أسمها جلبكيم (قاطعها ليك من راسي)...
لو أشتركتا فى من سيربح المليون..اسأل المقدم...عن أبو النوم...
أنور

أنور ازيك..
حمدالله علي السلامة..بالله ما تنقطع كتير ..

Quote: الجكس: كلو أسمو كيم

آخر ما قرأته علي الانترنت قبل أطلع من البيت..أول محل دخلته..لقيت كورية وش..بعد حاسبتها قلت ليها اسمك منو..رصرصت سنيناتها و بي بسمتهم المعهودة(اسمي كيم)
البت اتعقدت من ضحكي..اعتذرت ليها لكن ما شرحت عشان الموضوع ما يبقي زعل صحي..
خالد

والله يا أبو النور عريس بس فى الصورة ماشاء الله. موفق انشاء الله . قلت الجكس كلو اسمو كيم والله ريحوك عديل عشان ما تقعد تذكر فى الأسامى.
بالمناسبة نظرية "لو ما وروك ليها هنّ...ما أظن يوروك ليها همّ..." دى نظرية صحيحة هنا برضو. الظاهر صاحبك دا زول ما ساهل.


مع التحية

أحمد الشريف يا وجيه و يا معلّم...
ربنا يوفقك محل ما تقبل يا أحمد كان جد مريّح أخوك ورافع راسو فى السماء دايماً...
ربنا يديك العافية...وبنت الحلال التسعدك (عارفك بتسعدا تب)...
عارف صاحبي بتاع النظرية دا... لما يمشي أي مصلحة حكومية ولا بنك...لو كان المدير أبوه ما بمشي ليهو...بس يشوف وين "هنّ" ...وأمورو تمشي زي الطحنية...

هو والله زولن لذيذ بالحيل...
وانت برضو...

أنور

الحبيب خالد...
والله رسمت الابتسامة فى وجه أخيك يا حبيب...
فعلاً هناك الكثير من الامور تكون عالقة فى الذهن وتتطابق المناظر
الكوريين عندهم زي 5 أسر مشهورة...
كيم, باغ (بين الخاء والغين), بارك, لي وريو وفي واحدة تاني ما متذكرة الآن...
وبينادوا باسم الجد أحتراماً...

والابتسامة الخجولة ما بتفارقهم ابداً...

شكراً لك يا حبيب وان شاء الله دايماً ضاحك...ومتونس...

أنور

حبيبنا ابو النور

معليش للانقطاع لكن اخوك سافر لاس فيـغاس لمؤتمر وهناك نسيت آى حاجة "دى العالم حتقطع بعضيها ياأبوحميــــد"

حمدالله على السلامةوبختك ياعم معاك 7 كـيم انشالله سـمـاح ما شافت الكـــيــم ديـــل

لو خيرتني أنا حاختار آي اغنية بصوت زولا123 حتى لو كانت دجاجى يلقط الحبة

كل الزوار
شرفتونا والله وحبابكم عشرة مقامكم زين وقنبوا طولا

جعفر
وين يا مان والله اشتقنالا عيونك

أحمد عون
لو عارفين البوست ده بيجيبك كان خلينا أنور يحرد زمـــــــــــان


كل الود
ودالعـجب

الحبيب العجب...
الله يديك العافية يا حبيب وان شاء الله ايامك كلها تمشي أحلى من طحنية سعد...
إتصالك كان أكثر من روعة...وربنا يخليك يا رب ويديم المودّة والمحبة بين الاخوان والاخوات...
يخليك لينا رب العباد...

أنور

...
انور ...الملك بالانجليزى ....

....
او أنور السماحى ....
....

مشتاقيييييييييييييين

...يا ....

والله الشمار داير يكتلونى .....ياخوى
نحنا اتلاقينا فى مطب ....والمصيبة الاتنين واقعين .....فى الحفرة

لوووووووووووول

راجييك فى الماسنجر بس انتهى من الإمتحانات

الله يوفقك ....

قول امين ....

ناجي الملك يا حنين...
قلت لي واقع فى مطب.... الحمد لله انو ما واقع فى بير بس...
ان شاء الله أخلص من الامتحانات دي وتوووووووووف على الماسنجر...
لك الودّ

أنور

ابوالنور
مرحبابك وراجين الصورة

ناجي الملك بالعربى
نورت المكان

كل الود
ودالعجب

مرحب بأبو الأنوار - هلت الأنوار وانشاء الله ما نعدمك!
ود العجب والله تسلم يا حبيب وانشاء الله نسمع منك كل خير . بوستك منور بيك وبأنور وببقية الشباب
ربنا يديك العافية. و لك التحية والمودة

الكيبورد العربى

الباشمهندس الوجيه العجب ...
أعمل copy shortcut من العنوان ده ونزلو فى الملف بس...ومرحب بيك لعالم الصور
http://anwarking.com/1/3jb.jpg


أنور

الوجيه أنور السماحى
حلوة وملعوبة ياودالملك
شكرا علي المساعدة الامية ما صعبة

العزيز أحمد عون
وين أبداعاتك يا سيدى خالي ودالريح يمرح فينا

الغالى ناجى الملك بالعربي
إنشالله اسبوعين ونكون معاكم جهزوا الضبايح


كل الود
ودالعجب

سلامات يا حبايب...
على فكرة انا كتبت كلام قبيلك لكن ما عارفو طشة وين...
كانت ملاحظة انو معظم الشباب الهنا مهندسين!

أمسك من الوجية العجب...مروراً بأحمد الشريف...وأبو آمنة ان لم أكن مخطئ...وناجي الزبير الوهم-أقصد الملك- والعبد لله وآخرون/يات (بالله ما خطر فى آخرون/يات دي )
أها يا شباب الكلام دا ما بيخلي الناس تفكر ليها فى حاجة كدا كمهندسين يعني؟
المانيا دي موش عملوها المهندسين؟

السودان يا شباب بيقا يضوقنا فى الاجازات بس!
(نمشي مغتربين...نقعد فى المغتربين ونرجع نحكي زي الحبوبات)....
شئ فعلاً عجين وداير نــــــــــــــار عشان يستوي....

ولا كلامكم شنو؟
المن الشمال...الشمال خلا... والمن الجنوب...والمن الغرب...والمن بلدنا....
ولا شنو يا شباب؟

مستني منكم...
أنور

بعدين أنتو أحمد الريّح دا موش مهندس برضو؟
والله شايفو شغال هندسة هلال مريخ وكدا
بالله يا عجب وأحمد الشريف الزول دا أعزموه للبوست دا...
أنور

نـعم نـعم
مـهندسـين نـحبـكـم
ذلك كان أحد الهتافات المحببة في كور هندسة

يا أنور معظم المشاركين مهندسين ونعم أحمد الريح مهندس ومتهم بالظلمنة وقبل ما المنظراتية والمثقفاتية ينطوا في رقبتي دى أساس جيش زى جمع الجيش

حبيبنا انور
زى ما سردت عندنا كثـــــير من العقول المهاجرة في كـافة المجالات ربنا يصلح الحال ويردغربة الجميع


كل الود
ود العجب

Quote: العزيز أحمد عون وين أبداعاتك يا سيدى خالي ودالريح يمرح فينا

ود العجب كبف الحال. والله ود الريح دة ما بتلحق.

Quote: بعدين أنتو أحمد الريّح دا موش مهندس برضو؟ والله شايفو شغال هندسة هلال مريخ وكدا بالله يا عجب وأحمد الشريف الزول دا أعزموه للبوست دا...

أحمد الريح الايام دى شكلو كدة مشغول شغلة شديدة الزول عريس, عرسو بعد اسبوع فى السودان. انشاء الله ننزل بوست بالموضوع. عن موضوع الظلمنة دى من واقع تجربتى مع ود الريح هو من أفاضل الناس بلا مجاملة ومن أحسنهم كلام و زوق وهو زول همتو عالية. ربنا يطراه بالخير. ود الريح حقيقة محتاج بوست براه .

عن موضوع المهندسين البرة السودان دة موضوع كبير يا انور ومحتاج ليه برضو لبوست براه. لكن حقيقة الدفع بتاعة التسعينات فى جامعة الخرطوم هندسة معظمها برة السودان زى 90 % وفى دفع بكاملها فى الخارج. لكن السبب فى اعتقادى اقتصادى فى المقام الاول ومعنوى ثانياَ برضو ما بنكر أنو فى عدم صبر على الشدائد الفى السودان من ناحية الحوجة المادية بالذات للاخوة المتزوجين خصوصا انو الماهية فى السودان كانت ما بتكفى حق المواصلات (حسى ما عارف كيف) . و كلها منافع والسودان برضو ممكن يستفيد من غربة عقولو زى ما الهند استفادت. وممكن للناس الاشتغلت برة فتح قنوات مع الشركات الاجنبية ودفعها للعمل و الاستثمار فى السودان زى ماحصل فى كتير من البلاد زى الصين والهند و اندونيسيا وغيرها بس انشاء الله الحال ينصلح من ناحية استقرار وامكانية اعالة اسرة بصورة كريمة من غير شحتفة.

الكيبورد العربى

بالمناسبة وين الباشمهندســـــات
أنا عارف إنو Smart مننا واظن Sudania2000

وينكم الطـال غيابكم

ودالعـجـب

da post handasi tamaman

ya 3agab.. 3ala zikr alkoura.. mutzakir laman rashinakoum fi saalat Hashim DaifAllah fi ramadan.. wtani gito fi computerman wbardo rashinakoum? w3abadi kan dayer ydaribna fi kulyitna :-) ayam laha iga3
wba3dain al snow laik shino.. ma golna laikoum florida 7aneena ma dayreen tasma3o.. al ayam di ni7na benfarrish fi al7oush lol.. snow da illa fi al weather channel


Anwar

tawalna min sudadev.. lakin inshaAllah will get back to that and try to give things another jump start.. let me know when you're done with your exams

Ahmed 3oun

7ekayat al dispersed intellectual capital di mu7taga shoghoul shadeed. i was hoping we can start something in sudadev- i still think we can- but maybe we need to physically meet and discuss things, or at least for the ones who can do that. although it doesn't sound like a very practical thing now.. but what about a mini conference where people can get together and talk about all the topics of concern in the engineering and technology fields? may be a couple of sessions during a NASBE meeting or something since that seems to be the largest gathering of sudanese people with common professional background?? just a thought that crossed my mind.. but lets talk abut it sometime

wassalam

Khalid

Khalid kaif al7al, long time no see!

Sure we can start a discussion in Sudadev about brain drainage in Sudan (if I may say) . I think the matter have been discussed by many people in this board before not for solutions but to discuss the problem itself. You know the problem is: most of the engineers abroad lost contact with the situation back there technically wise so it's hard to immagine the situation unless somebody from there participates in this discussion either from the private companies or the goverment, otherwise you can't heal what you can't see or feel. I think there are steps towards a solution that can be summarized in the anwers to these questions:

1- What drives engineers to leave (we know some and we can find many other new factors)
2- What drives people to stay where they are.
3- What factors can play a role in getting people back.
4- How can these factors be enforced.
5- What's required of each part to get us to a place where there is a migration to the inside.
6- How can people benefit from their experiences abroad when they get back home (connections and that stuff)
7- Can we create channels between Sudan and where engineers work abroad just like India.
8- What are the steps to create those channels.

There are many other questions that need to be answered if we can arrange a meeting or a conference or any thing like that.

وين يا بـلــــــــو
إمكن الجـليد وكدة لكن رشكم لينا ده ما إتذكرتوا

وبعدين عارف أخوك خرخـــــــــار وما برضي في هندسة

الجو عندكم في السلك كنت هناك قبل إسبوعين ولو لقيت لناشغل بنجيكم بالكواسر

كل الود
ودالعجب