العزيز وليد... سلامات وكل عام وانتم بخير... لا أعرف ايمن ولم أحضر له حفل في السابق... ولا المطربة نجاة غرزة... وجدت طريقي للفيديو اعلاه بالصدفة البحتة وسرني جداً تفاعل الربع مع الموسيقى بطريقة عفوية... اما عن الرقص وكده...فكلنا كافارقة لا نقاوم الانغام والايقاعات...
Post: #6 Title: Re: إيمـــــــــــــن الربع :Aymen Al 1/4 Author: محمد الطيب حسن Date: 10-18-2007, 06:20 PM Parent: #5
ياخ والله انا برضو استغربت في الراجل براااااااااااااه بعزف ويطرب نفسو بس ودي احلي صفه في العازف انو يقدر يقنع نفسو عشان يقنع الاخرين والراجل ده زي ماقلت مش اضرب في زيرو اضرب في سالب ش100
Post: #11 Title: Re: إيمـــــــــــــن الربع :Aymen Al 1/4 Author: AnwarKing Date: 12-15-2007, 00:01 AM Parent: #6
العزيز محمد الطيب حسن...
Quote: احلي صفه في العازف انو يقدر يقنع نفسو عشان يقنع الاخرين
كل عام وأنتم بخير أنور
Post: #7 Title: Re: إيمـــــــــــــن الربع :Aymen Al 1/4 Author: الملك Date: 10-18-2007, 10:09 PM Parent: #1
انور
كل سنة وانت طيب والسنة الجاية ...
على مزاجكــ
... حاول تحضر للزول ده حفلة لايف...
حتستغرب!!
Post: #8 Title: Re: إيمـــــــــــــن الربع :Aymen Al 1/4 Author: AnwarKing Date: 12-14-2007, 04:45 AM Parent: #7
الحبيب جداً ناجي الملك... آسف على الرد المتأخر شوية وربع... كل سنة وانت طيب ولك من الاماني الطيبة مقدار هين بركاوي ربنا يحضرنا حفلة للزول ده.. . أنور
Post: #9 Title: Re: إيمـــــــــــــن الربع :Aymen Al 1/4 Author: حيدر حسن ميرغني Date: 12-14-2007, 05:56 AM Parent: #8
أنور
حتى لايكون مجرد ظاهرة سرعان ما تنتهي كما هو الحال مع كثير من المبدعين
يجب أن يطور أيمن نفسه أكثر خاصة وأنه يمتلك موهبة كبيرة فى العزف والتطريب
نتمنى له كل التوفيق
Post: #10 Title: Re: إيمـــــــــــــن الربع :Aymen Al 1/4 Author: فيصل محمد رشوان Date: 12-14-2007, 06:33 AM Parent: #9
الأخ أنور أيمن الربع هو أبن فنان الجاز الشهير كمال كيلا وهذا الشبل من ذك الأسد وله صولات جميلة أصبحت نغمات في الموبايل
Post: #13 Title: Re: إيمـــــــــــــن الربع :Aymen Al 1/4 Author: AnwarKing Date: 12-15-2007, 00:04 AM Parent: #10
العزيز فيصل محمد رشوان... شكراً على المعلومة المهمة...كمال كيلا اسم كبير في عالم موسيقى الجاز... وفعلاً هذا الشبل من ذاك الأسد تجري الموسيقى في دمائهم ، شكراً على المرور وكل عام وانتم بخير أنور
Post: #12 Title: Re: إيمـــــــــــــن الربع :Aymen Al 1/4 Author: AnwarKing Date: 12-15-2007, 00:02 AM Parent: #9
العزيز حيدر حسن ميرغني... سلام وتحايا
Quote: يجب أن يطور أيمن نفسه أكثر خاصة وأنه يمتلك موهبة كبيرة فى العزف والتطريب
كل عام وانتم بخير
أنور
Post: #14 Title: Re: إيمـــــــــــــن الربع :Aymen Al 1/4 Author: ناذر محمد الخليفة Date: 12-15-2007, 00:53 AM Parent: #1
سلامات يا أنور ...
رغم أن كل ما يقوم به أيمن الربع لا ينم عن إبداع حقيقي في العزف ولا يعدو كون انه تهريج ومحاولة الإندماج مع إيقاعات الأورغ المعلبة الجاهزة كما السلطانيات داخل العلب ليحظو بأكبر قدر من لفت الإنتباه وسرقة الاضواء عن المغني الواقف أمامه في حيلة ماكرة ومقصودة (بالضبط كما الإستعراض الذي كان يقوم به عازف الدنب المرحوم عبد الله هندي عندما كان عضوا في فرقة عقد الجلاد) ..
إلا أن ذلك لا يمنع أنه يجيد العزف على عدد من الآلات بمهارة أكبر من المتوسط ، ولكن كما أسلفت فأنه يسرق الأضواء عن الفنان الواقف أمامه ..
وهذا ليس عيبه فإن الساحة الغنائية في السودان هذه الأيام لم تعد تهتم بالسؤال عن إسم المغني الذي سيحيي الحفل مثل كان في السابق ولكن السؤال الرئيس هو : العازف منو ؟!!!
Post: #18 Title: Re: إيمـــــــــــــن الربع :Aymen Al 1/4 Author: AnwarKing Date: 12-15-2007, 01:33 AM Parent: #14
العريس الحبيب ناذر... سلامات وبركة الشفناك ... لو عارفين كده كان شركنا ليك من بدري...
Quote: ليحظو بأكبر قدر من لفت الإنتباه وسرقة الاضواء عن المغني الواقف أمامه في حيلة ماكرة ومقصودة
بالله الموضوع قدر ده؟
Quote: إلا أن ذلك لا يمنع أنه يجيد العزف على عدد من الآلات بمهارة أكبر من المتوسط
المهم عندي ما هو تقييم عزفو...
المهم هو ما بديت بيهو البوست : تفاعلو بطريقة عفوية ،تماماً كتفاعل الاطفال مع الموسيقى والنقزة اللذيذة...
الكلام ده واضح شديد في الفيديو التاني ، خصوصاً بعد الدقيقة الرابعة... لاحظ للناس الحولينو زاتو...كلهم بينقزو نقزة جميلة...
اها انحنا بنحب النقزي ده...
ذكرتني يوم حنة من حنن زواجي، كانت الفرقة الحبشية حاضرة...و كنا حضور فقط... وانطبق علينا بيت الشعر: يا فرقتنا ، لو جئتينا ، لوجدتينا نحن الضيوف وأنتم اصحاب الساحة
مع عميق الودّ
أها العروس كيف؟ تحياتنا ليها
أنور
Post: #15 Title: Re: إيمـــــــــــــن الربع :Aymen Al 1/4 Author: ناذر محمد الخليفة Date: 12-15-2007, 01:02 AM Parent: #1
أتساءل إن كانت فرقة عقد الجلاد إستغنت عن خدمات عازف الدنب لديها المرحوم عبد الله هندي (رغم مهارته) بسبب ميله للإستعراض الكثير لدي عزفه مما يقوم بسرقة الخشبة من بقية المغنيين والعازفيين ..!!
للأمانة أذكر أن الكثيرين من أصدقائي عندما كنا مدمنين لحفلات عقد الجلاد في أوائل التسعينات في نادي الضباط كل خميس لم يكونوا يحبون الذهاب إلا لمشاهدة حركات وبهلوانيات المرحوم عبد الله هندي التي كان يقوم بها بألة الدنب وربما كنت واحدا منهم في تلك الايام .!!
Post: #16 Title: Re: إيمـــــــــــــن الربع :Aymen Al 1/4 Author: ناذر محمد الخليفة Date: 12-15-2007, 01:09 AM Parent: #1
لا حظو للربع عندما يعزف ....
لم يأت بالبدع أو الجديد .. فقط عدة ضغطات على الكيبورد وعندما يريد لفت الانظار يضغط إحدى أزرار الكي بورد فتعمل الموسيقى تلقائيا ثم يبدأ في الرقص الغريب الاطوار !! فقط للفت الانظار ..
المعروف عن عازفي الأورغ من الشباب في حفلات السودان أنهم يمتازون بالهدوء الشديد والرزينة والسكينة (لا أدري السبب ) ؟؟ وأيمن الربع يريد أن يختلق شيئا مخالفاللفت الانظار وخلق شعبية وأظنه نجح في ذلك !!
اما إذا أردنا مقارنة المستوى الحقيقي لعزفه على الاورغ مع أي مبتدئ أخر فلن تكون النتيجة لصالحه بالتأكيد !!
هذا إذا أستبعدنا الرقص من شاكلة القرد والنبق والركشة وما إلى ذلك مما لا يجيده عازفي الاورغ من الشباب ومراكزه الذين يصاحبون المغنيين والمغنيات في ليالي الحفلات والأعراس في الاحياء ..!!
Post: #17 Title: Re: إيمـــــــــــــن الربع :Aymen Al 1/4 Author: ناذر محمد الخليفة Date: 12-15-2007, 01:15 AM Parent: #1
لا حظ معاي للصولة دي يا أنور من صولات وتهريجات الربع ...
فرقها شنو أو تميزا شنو لمن تسمعا بدون فيديو وبدون صورة من الصولة البيعزفا عاطف أيسكريم مع منى القوز في أغنية (راجل المرة حلو حلا) !!
المقارنة العملية والعلمية بكل تاكيد ما من صالح أيمن الربع الذي أراد أن يجلري والده في الإستعراض بإختلاق بدعة جديدة تنطلي بكل تاكيد على الضحايا المستمعين البسطاء والذين تم إفساد ذوقهم تماما بواسطة الاورغنات الحديثة التي دخلت إلى السودان في النصف الاول من عقد التسعينات المنصرم ..
لاحظ لي نهاية الصولة الجبتها في التسجيل بتاعي يا أنور ...
Post: #19 Title: Re: إيمـــــــــــــن الربع :Aymen Al 1/4 Author: AnwarKing Date: 12-15-2007, 02:27 AM Parent: #1
Quote: لاحظ لي نهاية الصولة الجبتها في التسجيل بتاعي يا أنور ...
واضح انها ياها ياها...زاتها...
نقطتك واضحة زي الشمس يا ناذر
فشكراً كتيراً
Post: #20 Title: Re: إيمـــــــــــــن الربع :Aymen Al 1/4 Author: العوض المسلمي Date: 12-15-2007, 08:49 AM Parent: #1
عزيزي انور انه الاتقان والحب فمن حب شئ اتقنه ومن اتقن عمله فقد نجح ليتنا نخلص في ما نحب وسنري الكون بمنظار ثاني
Post: #21 Title: Re: إيمـــــــــــــن الربع :Aymen Al 1/4 Author: خدر Date: 12-15-2007, 09:36 AM Parent: #20
كل سنه وانت طيب يا انور و ضيوفكـ
ده show جميل ياخي و دي حاجة كويسه ياناذر انو يكون في فنان زي ده بقدم موسيقا و show برضو
عجبتني جدا موتيفات او احساس كمال كيلا في موسيقا ولدو ايمن كمال كيلا ده كان محطة مهمة في انتاج اغنية سودانية يا اخوانا انشاء الله ايمن يركز في تطوير القصة دي و برضو يطور الـ show بتاعو ده بدل ما يقيف ورا فنان يعمل show خاص بيهو في النوادي و محطات التلفزيون
كل سنه وانت طيب يا عريس و برد نفسكـ
Post: #22 Title: Re: إيمـــــــــــــن الربع :Aymen Al 1/4 Author: ناذر محمد الخليفة Date: 12-15-2007, 12:26 PM Parent: #21
سلامات خدوري ...
Quote: و دي حاجة كويسه ياناذر انو يكون في فنان زي ده
والله حاجة كويسة وأصلو الناس في السودان بيحبو التجديد .. فلمن عازف أورغ يجيهم بي ستايل جديد وشوية جلكسات وجاكات ليهم حق ينبهرو ..
لكن برضو حا تظل الإشكالية قائمة ...
مساهمة الربع ودورو الأساسي في ترسيخ الغناء الهابط لمن يعزف لهم من مغنيي ومغنيات الاحياء والحواري بالصولات الهابطة المكررة من شاكلة القرد والنبق ..
Quote: كل سنه وانت طيب يا عريس و برد نفسكـ
وإنت طيب يا خدر .... طبعا أنا عريس وأنور عريس وأنا بتكلم بالنيابة عنو برضو
Post: #23 Title: Re: إيمـــــــــــــن الربع :Aymen Al 1/4 Author: ناذر محمد الخليفة Date: 12-16-2007, 07:14 PM Parent: #22
.
