الله أكبر ياهو دي: البشير يستمع لعازفة النأي البلغارية بالقرب منه

الله أكبر ياهو دي البشير يستمع لعازفة النأي البلغارية بالقرب منه
يا سلام على الرومانسية و كمان بيتهوفن وموزارت والله اول مرة اعرف ان رئيسنا الهمام رومانسي واتمنى ان ينعكس ذلك على شعوره السياسي ويعلن تنازله عن السلطة لحكومة انتقالية وان يتكفل الشعب السوداني بشراء قصر له في المغرب وبتزويجه زوجة ثالثة وحتى نملأ وقت رئيسنا وحتى لا يشعر باي فراغ جراء ترك السلطة وتكون المشكلة حلت ونزل المطر وبرد الجو وفرح اهل البلد
الله يكون في عون اهلنا

الرئيس السوداني يلتقي الملك محمد السادس اليوم
الصخيرات: حاتم البطيوي
علمت «الشرق الأوسط» أن الرئيس السوداني عمر حسن البشير، الذي يوجد حاليا في زيارة خاصة للمغرب، سيلتقي العاهل المغربي الملك محمد السادس اليوم في فاس.
وقالت مصادر عربية متطابقة انه لم يكن معروفا حتى يوم امس في أي مدينة سيتم اللقاء، واصفة إياه بأنه لقاء ود ومجاملة، ومن المنتظر ان يتناول تدعيم العلاقات الثنائية بين البلدين، ويطلع خلاله الرئيس البشير ملك المغرب على آخر تطورات الوضع في السودان.
الى ذلك، تناول الرئيس البشير الغذاء أمس في فندق «امفتريت بالاس» المجاور للقصر الملكي في الصخيرات (ضواحي الرباط).
وكان الرئيس السوداني مرافقا بعدد من افراد اسرته، ضمنهم زوجته وأخوه، والسفير السوداني عبد الجليل محمود، وسكرتيره الخاص، ومسؤول البرتوكول في الرئاسة، وعدد من حراسه الشخصيين.
وجلس الرئيس السوداني، الذي كان يرتدي لباسا اوروبيا خفيفا بدون ربطة عنق، طويلا قبالة بحر الصخيرات، متأملا تارة امواجه العاتية، وتارة متحدثا الى السفير السوداني، وباقي مرافقيه، بينما كانت عازفة ناي بلغارية تعزف بالقرب منه انغاما موسيقية لرواد الموسيقى الكلاسيكية من امثال موزار وشوبان، متلائمة مع اجواء المكان الهادئة والحالمة.
وكان في استقبال الرئيس السوداني لدى وصوله الى الفندق الشهير مديره العام، جواد الديش، ومسؤولون في التشريفات (المراسيم) والحلويات التقليدية المغربية. وتعتبر الزيارة الخاصة للرئيس السوداني الى المغرب الاولى من نوعها له منذ ارتقائه سدة الحكم في السودان عام 1989.

العزيز ابو هريرة

ما خلاص....البلد فاضية وما في زول وجيع وانعدم الاحساس عند الكثيرين
بسبب الخوف والنفاق ومن حقه ان يبرطع هذا الاهبل المافون اسمع ناي اسافر واق الواق!
ودي وتقديري

هاك الخيط ده يا عزيزي:
اليس بينكم ناصح امين شجاع تقي يقول: حرام يا سيادة الرئيس!

ICC investigates atrocities committed in Central Africa.



It might issue indictments against those the criminal who is having fun at Sukhirat

ما قالوا في عجز في الميزانية.... طيب الرئيس و اه... في المغرب لكن...؟

شكرا للأخوان الأعزاء هشام وأحمد وحامد
ربما يقول قائل ان الرئيس يتأمل في مشاكل البلد عند ذاك الساحل الملائكي الرائع وربما يجد بعض الحلول على صوت النأي. وطبعا النأي عربي الاصل والثقافة وربما يحاول ان يتذكر امجاد العرب عند الساحل الآخر حيث قرطبة واخشى عليه ان تاخذه الهاشمية ويحلف بالطلاق ان يأحذ النأي بنفسه ويغني وطبعا الفرق كبير بين صوت النأي وصوت قيقم الذي يطرب له رئيسنا . ورئيسنا ورد البحر ..... الله أكبر ياهو دي رئيسنا ياهو دي . البلد في امان وهو على الساحل ولا يهموا شيء ولينفجر المعارضين ولو قادرين يعملوا حاجة ديك الخرطوم والله عفيت منك يا ود البشير تحدي عديل كدا

والله الزول دا تحدى الكل زمان نميري مشى زيارة لامريكا رجع لقى البلد بتغني السفاح شرد وينو واسع هو قاعد مطمئن والخرطوم في امان و لا مظاهرة واحدة مافي وكمان الصحف والصحافيين العمالين يعكننو على الرئيس اجازته ادخلوهم غيهب السجن الحلوك عشان ما يلعبوا بامن البلد القومي ويخربوا مزاج رئيسنا في ساحله الارخبيلي

المحيرني انو سايق اخوه ليه يا ترى عايز يعلموا شئون الحكم او ربما دخلتو الروح الثورية وعايز يعمل زي كاسترو خلف راؤول اخوه كمان البشير عايز يخلف اخوه وناس المؤتمر الوطني الضحك حايشرطهم وبذلك سوف يصبح كاسترو افريقيا

Quote: وجلس الرئيس السوداني، الذي كان يرتدي لباسا اوروبيا خفيفا بدون ربطة عنق، طويلا قبالة بحر الصخيرات، متأملا تارة امواجه العاتية، وتارة متحدثا الى السفير السوداني، وباقي مرافقيه، بينما كانت عازفة ناي بلغارية تعزف بالقرب منه انغاما موسيقية لرواد الموسيقى الكلاسيكية من امثال موزار وشوبان، متلائمة مع اجواء المكان الهادئة والحالمة

تكبير
الله اكبر
عفيت منك يا ريس
هي لله هي لله يا ناس المعارضة لا للسلطة ولا للجاه

والله يا جماعة انا بطلت شغلي وقاعد اتأمل حكاية رئيسنا والعازفة والبحر
حلوة دي وتصلح عنوان رواية اهديها للمعارضة
رئيسنا والعازفة والبحر

ترى هل مرت دارفور بخاطره او اخبره النسيم العليل بطيفها ولا بلاش حكاية دارفور لا نريد ان نعكنن مزاج رئيسنا اصلو في اجازة

في بوست اخر كان تحليلي انه مريض ولكنه مرض من نوع آخر ونستاهل انحنا

Quote: وكان في استقبال الرئيس السوداني لدى وصوله الى الفندق الشهير مديره العام، جواد الديش، ومسؤولون في التشريفات (المراسيم) والحلويات التقليدية المغربية. وتعتبر الزيارة الخاصة للرئيس السوداني الى المغرب الاولى من نوعها له منذ ارتقائه سدة الحكم في السودان عام 1989.

ومسؤولون في التشريفات (المراسيم) والحلويات التقليدية المغربية

يعني رئيسنا مشى يأكل حلويات ونحن ما عارفين دحنا جاهلين بشكل

انا بكتب في الكلام وما تقولوا الزول حاقد على الريس في النعمة الهو فيها لا والله انا مبسوط جدا منو الليلة ولكن زعلان من ناس المعارضة وخاصة معارضة الخمسة نجوم وتاري الحكومة خمسة نجوم ونحن ما عارفين من زمان

الله الله يا بحر الصخيرات
شعار يردده اهل المعارضة الحاقدين

يعني الريس ينظر للبحر ويقول له بكل رومانسية
يا بحر هل انا منك
كما قال ابو ماضي
ام يخاطبه ب
هبت ثورة الإنقاذ
واخشى ان يخاطب البحر الريس ويقول له
كما قلت لي يا بحر
اخاطبك يا بشير
كن مثلي
احرك امواجي بعدل
اقذف اسماكي بعدل
يجلس الجميع على شاطيء بعدل
من قصيدتي البشير والبحر

ترى هل يتعلم الريس من البحر شيئا ام يتعلم البحر من البشير وينقلب على شاطئيه وتبقى دي مصيبة وبالغ الشاعر القال ملعون ابوكي بلد

والله انا فرحان من الزعل
ربنا يرحم المهدي وخليفته ودينار وودحبوبة
والعشرة القاعدين في الخرطوم ينظروا لنا كيف نعارض النظام
وهبي يا رياح بحر الصخيرات وخلي الريس يرتاح
وهبي يا رياح الجنة فالجهاد اصبح على البحر
وفوق فوق التوجه الحضاري فوق وريسنا فوق في عليين بحر الصخيرات
وناس دارفور وين في اي بحر
انهم في بحر الهم
وملعون ابوكي بلد او كما قال الشاعر

أحمد مطر >> حب الوطن .!


حب الوطن .!

ما عندنا خبز ولا وقود.

ما عندنا ماء.. ولا سدود

ما عندنا لحم.. ولا جلود

ما عندنا نقود

كيف تعيشون إذن؟!

نعيش في حب الوطن!

الوطن الماضي الذي يحتله اليهود

والوطن الباقي الذي

يحتله اليهود!

أين تعيشون إذن؟

نعيش خارج الزمن!

الزمن الماضي الذي راح

ولن يعود

والزمن الآتي الذي

ليس له وجود!

فيم بقاؤكم إذن؟

بقاؤنا من أجل أن نعطي التصدي حقنة،

وننعش الصمود لكي يظلا شوكة

في مقلة الحسود

الآن الريس مع احدى زوجاته في المغرب العربي ونطالبه بأن يأخذ زوجته الأخرى للمشرق العربي وعلى البحر ايضا وحتى لا تهمش وبهذا سوف تحل كل قضايا المهمشين اذا حلت قضية المهمشة الاولى اقصد السيدة الاولى
وسودانا فوق
وريسنا فوق
ويحي العدل
ورئيسنا وين
في بحر الصخيرات
واهل دارفور وين
في المعسكرات
بالله دا كلام دا يا جماعة
شيخ على اجازة في تركيا
والريس في المغرب

from ustaz mattar
to the leader of the corrupt ingaz mafia gang
Mr al basheer
al aweer

and the first lady the widow of his friend the killer shames


أحمد مطر >> المفترى عليه ..!!


المفترى عليه ..!!




قال مِحقان بن بلا ّع ا ل.. عصير:

قيل إني لي عقارات ولي مال وفير

إنه وهم كبير

كل ما أملكه خمسون قصراً

أتّقي القيظ بها والزمهرير

أين أمضي

من سياط الحر والبرد؟

أطير؟!

ورصيدي كله

ليس سوى عشرين مليارا

فهل هذا كثير؟!

آه لو يدري الذي يحسدني

كيف أحير.

منه مأكولي ومشروبي

وملبوسي و مر كوبي

وبترول الفوانيس .. وأقساط السرير.

وعليه الشاي والقهوة والتبغ

وفاتورة ترقيع الحصير.

لا.. وهذا غير(حـفّا ظا ت(

مِحقان الصغير!

ما الذي يـبغـو نه مني؟

أأستجدي.. لكي يقتنعوا أني فقير؟

**

وأشاعوا أنني أنظر للشعب

كما أنظر للدود الحقير!

فووووو وو!!

إلهي.. أنت جاهي بك منهم أستجير.

قسماً باسمك إني عندما أرنو لشعبي

لا أرى إلا الحمير!

**

ويقولون ضميري ميت!

كيف يصير؟!

هل أتاهم خبر عما بنفسي

أم هم الله الخبير؟!

كذبوا.. فالله يدري أنني من بدء عمري لم يكن عندي ضمير

شكرا د. مصطفى
وشكرا لهذا الصحافي الذي اورد الخبر واكيد تدرب على يد اخونا طلحة جبريل والشطارة دي بتشبهو وشكلواالصحافي دا من اعداء التوجه الحضاري كيف يورد اخبار امير مؤمنين السودان على البحر وكمان عازفة بلغارية والله حكاية

لكن الرئيس في الخرطوم منو
حسب الدستور مفروض يكون سيلفا كير
طيب ما يصدر لينا بيان رقم واحد ويخلي الريس يرتاح في المغرب بقية عمره اصلوا مشاكل البلد تعبته ومحتاج لراحة

الشى الزول ده كل يوم ناطى فى بلد !!!!!
ما خايف طيارتو تقع ؟؟؟؟؟؟
لكن يا ابو هريرة الجديد فى الموضوع انو فيو اسكندرية و فاس الما وراها ناس !!!!
( كان ما قالو لينا الريس زاير ملك المغرب ؟ ) الشغل شهر عسل ! راسو عديل كدى !!! الما بخجل !!!!
عبدالماجد

شكرا الأخ عبد الماجد
والله قصة ما زلت اتأمل فيها كل يومي، ويبدو اننا حصلت علينا خلجنة من الخليج والبترول اصبح عندنا ومافيش حد احسن من حد مثل الملك عبد الله زار المغرب وكمان رئيسنا يزور المغرب وكلو بترول مافيش بترول احسن من بترول والدنيا صيف.
صيف والله صيف يا ريس
بترول والله بترول يا ريس
نأي والله نأي يا ريس
رومانسية رومانسية يا ريس
ودارفور وين ما يهمنا
معسكرات وين ما يهمنا
معارصة وين ما يهمنا
صخيرات وين يا هو دي
رئيسنا وين ياهو دي
في البحر ياهو دي
يحر وين ياهو دي
بحر الصخيرات
ياهو دي
اغنية هابطة ظهرت في الخرطوم بعد زيارة الريس للاسنكندرية والمغرب حيث جلس على بحر الصخيرات.
اللهم ارحم الشعب السوداني . آمين

النأي والبلغارية الفاتنة امسكا تلابيب بعضهما البعض لا تعرف الاصابع من النأي ولا تعرف النأي من الاصابع ، اصلو اصابعها نأي، حيث جلس رئيسنا يتأمل ويتأمل في مشاكل الشعب السوداني وربما يفكر في ان يستورد لنا عازفات نأي بلغاريات وحتى يتفرج الشعب السوداني كله على عزف النأي ونترك الهم والغم وبذلك سوف تحل مشاكل السودان.

طيب ميزانية التذاكر له واسرته واخوه كمان والحواريون ولا مشو بطيارة خاصة ولو كنت في محل نواب التجمع كنت رفعت مسالة مستعجلة لكي نعرف كم صرف الريس في هذه الرحلة
وطبعا سفر الريس مقارنة بمصطفى خارجية الاسم الحركي له يعتبر متواضع جدا ويقال ان مصطفى خارجية غنى من البرديم وهو مستشار ولكن يعمل بهذا الاسم الحركي عشان ما يزعلوا الجماعة
يا اخوانا بلدنا دي ما عندها وجيع ولا شنو ولو عندنا معارضة صاحية كانت قامت ثورة حنكوشية يعني زي جهاد مدني بدون عنف وبنادق وتجمع وكدا ونطلق عليها ثورة النأي ويكون الشعب السوداني اول من يقوم بثورة لان رئيسه استمتع بالرأي والبحر وترك الشعب بلا رأي اوبحر او عازفة بلغارية

يا ترى تكون صورة صاحبة النأي زي دي

اعطني النأي وغني فالغناء سر الوجود
واقول
اعطني ناي الحرية فالحرية سر الوجود
انا متأكد الريس لما يرجع سوف ياخذ قرارات رومانسية هامة تأثرا بالبحر والناي والعازفة البلغارية فلننتظر هذا البيان الرومانسي الهام رقم 2
لانه بعد البيان رقم 1 لم نسمع ببيان رقم 2

لقد عاد الريس من رحلته الرومانسية وفي انتظار قرارات ما بعد بحر الصخيرات وليست كقرارات ما بعد رمضان ولنرى اذا كان للبحر والنأي اي مفعول في الريس فاذا رفد المرضي فمعناه ان البحر اشتغل فيه واذا رقى المرضى فعلى الشعب ان يجهز له رحلة اخرى وفي بحر مزابل التاريخ هذه المرة

يقال أن اهل المؤتمر الشعبي كانوا متوقعين ان البشير سوف لن يرجع وسوف يكون الموضوع تصييف نهائي او تصفية نهائية ولكنه خيب املهم ورجع واجتمع بنائبيه ونورهم ولكن لم افهم نورهم عن اي شيء ربما حكى لهم عن بحر الصخيرات وعازفة النأي وكيف البحر جميل والصيف على البحر افضل من الصيف والتصييف في القصر الجمهوري

The Party: a Sudanese torture story the Ghost House ]