Post: #1
Title: طارق الأمين ... القفلة جات عندنا ..
Author: sudania2000
Date: 05-21-2007, 11:42 AM
Parent: #0
حر يكتل
وزهج وملل
جرائد مهببة
أخبار الTV السوداني تجيب الغدة
البيت ونسة مكررة
ومواقف معادة
وياهن ناس البيت
غصبن عنك
كان طرت وكان ابيت
ياهن ناس البيت
المكتب
حر برضو
كهرباء مافي
موية حارة
وتكييف مافي
الموظفين
قطائع وسوائط
اخير المشاطات ذاتن
حقد وحفر
وضرب تحت الحزام
والBOSS يا حافظ يا حفيظ
القروش حبة
بجن اول الشهر
ويكملن قبال بت عمهن تسمع بيهن
الاحباط الدائم
العمل في السودان
الواجب فيه ان تكره عملك
تجي تشرب قهوة تقراء جرائد تاكل فول
وتمشي تصلي
وترجع البيت
الشارع
عربات كثيرة
حر يكتل
تكييف العربية
بنزين مافي
ولا قروشوا كثيرة
تجي الجيران يا ساتر
تجي الاصحاب
كلو عامل ساتر
يا ود الامين
انت اكتشفت الذرة
اقصد القفلة
يا ربي
العيد
بتين !!
|
Post: #2
Title: Re: طارق الأمين ... القفلة جات عندنا ..
Author: سلمى الشيخ سلامة
Date: 05-21-2007, 11:56 AM
Parent: #1
انحنا العيد اكان عندنا زماااااااااااااااااانك
هسى العيد زاتو مشى
اكتبى عندك
الحب مشى
اكتبى عندك
الغربة بقت لاحول لله
والسودان بقى لاحولتين
وتمشى وين ما تعرفى
شفتى كيف ؟
قفلة طارق فتحت انحنا القفلة حقتنا
لحقت امات طه
ما بتجيب
ولا بتودى
مبلمة ومتجمة
ومسجمة
اكتبى عندك
الحزن بات مرفى
والصمت متكا
...........
بث خلاث
|
Post: #3
Title: Re: طارق الأمين ... القفلة جات عندنا ..
Author: مرتضى الصادق
Date: 05-21-2007, 12:05 PM
Parent: #1
وفى حاجة نسيتها لمن تجى شاقة السوق العربى
الناس كلها بتشابة... ويجيى ذول طاير عليك تحسى بيهو داير يسالمك
وفجاءة يذوق منك . يدخلك فى اضافريك... دة اسمو الاهتذاز الانسانى
على وزن افرازات الاقتصاد السودانى
|
Post: #4
Title: Re: طارق الأمين ... القفلة جات عندنا ..
Author: القلب النابض
Date: 05-21-2007, 12:10 PM
Parent: #3
ya sudania
shnoooooooooooooooooooooo
we will be with you sooooooon
some change
'
'
'
'
'
'
'
here also
boooooing
|
Post: #5
Title: Re: طارق الأمين ... القفلة جات عندنا ..
Author: sudania2000
Date: 05-21-2007, 12:53 PM
Parent: #4
سلومة سلامات واشتياقات كتارات
وليه بث
والله الحكي كثير بالحيل
أحكي وأحكي
القصة ع قول الشباب منيلة بستين نيلة
ولونها لا لامي رمادي لا كحلي
القصة بقت انك تعاين
تلقي الخطأ وتندقر تاني
تتكلم تبقي بتاع مشاكل
او مشاتر
او منظراتي
او فايق
او لينا كمان
كلام بايرات ساكت
اها هسي كتار حيقولوا
القفلة دي كلام بايرات ساكت
زي ما قالو لاخونا طارق
شاكوش حار
والبلد فيها سطحية مقننة
و الكبار صغروا
والصغار قلو ادبون
و القصة هيصة
و قفلت قفلة عدوك أأأأأبنية
تسلمي يا سلامة
و كوني اكثر حلما
وبكرة قد تكون أحلي
نوت شور يت
|
Post: #7
Title: Re: طارق الأمين ... القفلة جات عندنا ..
Author: sudania2000
Date: 05-21-2007, 01:04 PM
Parent: #4
شكرا يا ستو 2 
اخبارك شنو يا قلب؟؟
والله القصة هايصة
و غلبنا البلد وناسو
لندن دي كيف
دقي تلفون
نلقاك وين نحن؟
العيد بتين يا قلب..؟؟
|
Post: #6
Title: Re: طارق الأمين ... القفلة جات عندنا ..
Author: sudania2000
Date: 05-21-2007, 12:59 PM
Parent: #3
مرتض سلامات
غايتو جنس دا الا تزوغ منو و تلقي كل الفي جيبك طار
غايتو انا كنت ماشة جنب البرندات ديك مرة ومبتسمة
جات مدام شكلها معرفة وزينة ولابسة مغندرة
من وصلتني ادتني ضربة بقيت شايفة خمسة خمسة
لمن بكيت و ضربت الجرسة
وهي فاتت ساكت
وقالوا
عندها سلك ولا فاطة سطرين
دحين يا اخوي
خلي بالك
انا من ديك وحرمت اركب مواصلات
تيك كير
والعيد بتين ؟؟
|
Post: #8
Title: Re: طارق الأمين ... القفلة جات عندنا ..
Author: السمؤال بدرالدين
Date: 05-21-2007, 01:06 PM
Parent: #1
يا دكتورة
القفلة حاجة سايكلوجية
لاتدري من اين اتت
ومتي ذهبت
زي انا
بكون زهجان
بحاول لمعرفة السبب
لا استطيع
يمكن اكون جنيت
لا افقد شيء اطلاقا
لكن بحس
اني فاقدكل شيء
حد فاهم
ياعالم
صدقي دي حاجات بقولا في سري
تسملمي ويسلم قلمك
توقيع عضو كرت كرتونة
|
Post: #13
Title: Re: طارق الأمين ... القفلة جات عندنا ..
Author: sudania2000
Date: 05-21-2007, 01:24 PM
Parent: #8
السمؤال بدرالدين
كرت كرتون سلامات
وانشاء الله ما تجيك قفلة البوداب
دي زي انفلونزا الطيور
ولا الجمرة الخبيثة
بتعادي بمجرد ذكرها
الاسباب الموضوعية والمادية غير معروفة
ولا نفقد سوي المال و العيال وأبو العيال
اما باقي الحال فكلو مستور والحمد لله
اها ما تقول لي قفلة بايرات ساكت
والاسباب الروحية غير موجودة
لا بحب ولا فاقدة زول
ولا كمان ادوني شاكوش
ولا بقطع ولا بجيب سيرة زول
اما الايمانيات فالحال معدول
بصلي وبقرا قران في اول واخر النهار
بس المشكلة السودان
بلد من غير قانون
ومافيها وجيع
وكلو مباح
وكلو ضمن الطقيع
نسوي شنو
انشاء نشاور لاهاي
بس قافلة تمام
العيد بتين يا زول
انا ما بفرحني الا العيد
|
Post: #9
Title: Re: طارق الأمين ... القفلة جات عندنا ..
Author: عبد اللطيف بكري أحمد
Date: 05-21-2007, 01:08 PM
Parent: #1
Quote: الشارع
عربات كثيرة
حر يكتل
تكييف العربية
بنزين مافي
ولا قروشوا كثيرة
تجي الجيران يا ساتر
تجي الاصحاب
كلو عامل ساتر
يا ود الامين
انت اكتشفت الذرة
اقصد القفلة
يا ربي
العيد
بتين !! |
أختي سودانية (إسمك تحتو خط)
كلامك دا معناه عدييل كدا نشوف
لينا مكان للإجازة، إن شاء الله
أريحا،،
القلب النابض أحسن تخليك برة شوية لغاية
سودانية دي تتديك أوكي ،،
|
Post: #10
Title: Re: طارق الأمين ... القفلة جات عندنا ..
Author: Muna Khugali
Date: 05-21-2007, 01:12 PM
Parent: #9
بري..
قبلكم وحدكم..
تراب وحر وكهرباء مافي..
وتلاقي مويتكم اليل وسخاني!
وبعد ده كمان تلقي عندكم بكيات دايرين تمشوها!
|
Post: #12
Title: Re: طارق الأمين ... القفلة جات عندنا ..
Author: sudania2000
Date: 05-21-2007, 01:17 PM
بري..
قبلكم وحدكم..
تراب وحر وكهرباء مافي..
وتلاقي مويتكم اليل وسخاني!
وبعد ده كمان تلقي عندكم بكيات دايرين تمشوها!
عاد يا مليكة برطانيا ما بسالك
قالو ليها خبز مافي قالت ليهم اكلو كيك
الموية وسخانة
هي في موية اصلا
الموتور الا يجيب الغفير في الطرف الاخر
حالة صعبة
يا بتي ما قلنا ليك رسلي لينا
مش اية عرست
العيد بتين يا منو 
|
Post: #11
Title: Re: طارق الأمين ... القفلة جات عندنا ..
Author: sudania2000
Date: 05-21-2007, 01:12 PM
Parent: #9
عبد اللطيف
قوول يا لطيف
وانشاء الله تروح هونولولو بس الا الحفرة
اديك فكرة
رسل لكل من يهمك امرو وسوقوا معاك
ينوبك ثواب
دي بلد حفرة
وساقية جحا
والساقية مدورة
لمن نلحق امات طه
يا سلمي امات طه مالهن ؟؟
ومشو وين
العيد بتين؟؟
|
Post: #14
Title: Re: طارق الأمين ... القفلة جات عندنا ..
Author: السمؤال بدرالدين
Date: 05-21-2007, 01:29 PM
Parent: #1
انشاء الله تفرحي علي طول
وتلقي المأمول
ويجيك عدول
تسلمي
|
Post: #15
Title: Re: طارق الأمين ... القفلة جات عندنا ..
Author: فدوى الشريف
Date: 05-21-2007, 01:47 PM
Parent: #1
ياساتر مالكم قالبين زهج كلكن نقومنتفلت معاكن برضوا محنا
لاتزهجي
لابد من بعد العسر يسرا
فقط لنتفائل بالغد
ربنا يفكو منك
مع اني هسه بالزهج لمن زهجانه
|
Post: #16
Title: Re: طارق الأمين ... القفلة جات عندنا ..
Author: nazar hussien
Date: 05-21-2007, 04:20 PM
Parent: #15
غني ...
ما كت مصدق اني بلقاك يا رهو
احكي ليك عن جور زماني
وكيف رماني
شوف وراك
الزمن
كيفن بسو
ترا رات تت تا را ريرا ريرا را
|
Post: #17
Title: Re: طارق الأمين ... القفلة جات عندنا ..
Author: طارق الأمين
Date: 05-21-2007, 06:36 PM
Parent: #16
سودانيه
جيبي القفله دي
دي كانت بي جاي
الوداها هناك شنو
اوع تشيليها
كتيره
اقبضو معانا
جاييك
اقبض قفله
|
Post: #18
Title: Re: طارق الأمين ... القفلة جات عندنا ..
Author: طارق الأمين
Date: 05-21-2007, 06:53 PM
Parent: #16
سودانيه
جيبي القفله دي
دي كانت بي جاي
الوداها هناك شنو
اوع تشيليها
كتيره
اقبضو معانا
جاييك
اقبض قفله
|
Post: #19
Title: Re: طارق الأمين ... القفلة جات عندنا ..
Author: نهال الطيب
Date: 05-21-2007, 08:03 PM
Parent: #18
الحبيبة سودانية
يازولة قولوا خير أنتي وطارق دايرين تخوفوناولا شنو ما نجي يعني
غايتو بعد ده كله أنتو بالجد في نعمة
والقفلة مصيرها تتفتح
محبتي
|
Post: #20
Title: Re: طارق الأمين ... القفلة جات عندنا ..
Author: عبدالكريم الامين احمد
Date: 05-21-2007, 08:12 PM
Parent: #19
مرحب ب2000
الدكاترة كمان يتقفل معاهم
ولا الناس وسط البلد وجوه الوطن المعذبنا عذاب السنين بتجيهم قفلة..
تعالي يا سودانية نبدل انتي تجي هنا عشان تشوفي القفلة (الكروتها ميتة دبل)..
وانا امشي البلد هناك وافرهد فرهيدة السنين
|
Post: #21
Title: Re: طارق الأمين ... القفلة جات عندنا ..
Author: sudania2000
Date: 05-21-2007, 08:51 PM
Parent: #20
كيكي : انت اسمي ساكت ابيت تبادلو تبادل الفلس بالدراهم والله تكون جنيت وفرهدة هنا الا في العشر اظن تسلم
فدوي : تبري من الزهج لكن زهجنا قابل للتصدير
نهولة : تعالي انتي عشان نزهج سواء .. دي اكيد حسادة مني اظن
سمؤال : شكرا ع الدعوات و العدول
طارق الامين : تفك قفلتك وترسل لينا باقيها الله يسامحك لكن اهي شيلها .. بتقدر..قفلتك اريتها قفلت السرور
شن جابها لقفلتنا كمان ديك ابداع ودي احباط
تحياتي
وسؤالي أقرب عيد بتين ؟؟
|
Post: #22
Title: Re: طارق الأمين ... القفلة جات عندنا ..
Author: بدر الدين الأمير
Date: 05-21-2007, 09:03 PM
Parent: #21
سودانية 2000 لك أجزل التقدير وعظيم الاحترام
سرتنى بل إنى معجب بقفلتك وإحتجاجاتك العلمانية
والعلمية والمقصود بالعلمية هنا هى الكمياء ...
وتفاعلاتها وانفعالاتها وتسلمى من شر كل المعادلات
الغير عادلة التى أوردتيها بشكل علمى
|
Post: #23
Title: Re: طارق الأمين ... القفلة جات عندنا ..
Author: sudania2000
Date: 05-22-2007, 07:31 AM
Parent: #22
الأمير
سلامات
اشكرك علي المرور وتجشم صعاب خيال الي تأمل بعض الأحوال الصعبة عليكم تخيلها
اصحاب البرج العاجي والشعرالغزلي والكمان وBMW ومدراء شركات مالهم ومال القفلات
اسفين لازعاج خيالكم المرمري الابيض الخالي من كل سؤ بعرضحالات ناس الحفرة
تصدق كمان الكلام دا لا فيهو كيمياء ولا علمية دي خطرفات زهجة وحر وكهرباء مقطوعة
يا سيدي الحياة في السودان مهما كنت غنيان بتخلي فيك حالة من التسامي الغبيان
بمعني لا تكون لامي في الارض ولا السماء .. ولا عارف برنامجك انتهي ولا ابتداء
تبداء ليك شغل يجي زول يقول ليك عايز شاي
تمشي البيت تنوم تجيك جارة تبريك بري السنين في قصة اقرب للبيضة والصوصو
تعمل فيها نائم يصحوك ليها
تسوق العربية ينزل استك ولا تقطع بنزين
ياسيدي سوري
رجع خيالك ع الثريا
وانسي التربالة
وقول يا لطيف
تسلم يا ذوق
بس العيد عندكم بتين؟؟
|
Post: #24
Title: Re: طارق الأمين ... القفلة جات عندنا ..
Author: مجدي عبدالرحيم فضل
Date: 05-22-2007, 07:33 AM
Parent: #22
سودانية
الأصيلة... النبيلة
القفلات ... متعدده
والقفله... معاكي
اليفتحه ... لينا
نحن ... قفلت ... كتشينه
صعب ... فتوحه ... وبايظه
السودان ... ومن ساعته
مرقنا ... بره .. اللعبه
البرجعنا ... مافي .. مويه
مافي .. كهرباء ... زحمة
يادنيا... لحمه .. عدويه
تاني ... مابجي ... مابجي
لو برجي ... الجدي ... وحات
الله مابجي ... والأنقاذ ... بقت الحجاز
برضو ... مابجي ... مابجي ... فوق
الحله ... ديك ... وجداد
أخير ... أرعي ... في الخلا
ولا الرفيق ... الفسيخ
الله .. يكون .. في .. عونك يابلد!!
،،،أبوقـ مجدي عبدالرحيم ـصي،،،
|
Post: #25
Title: Re: طارق الأمين ... القفلة جات عندنا ..
Author: معتصم دفع الله
Date: 05-22-2007, 09:30 AM
Parent: #1
أظنك قاصدة عيد (الزهجانين) يا دكتورة موووش ؟
غايتو تحت تحت سمعت إنو قربّ 
أبقي طيبة وبدون زهج ..
|
Post: #26
Title: Re: طارق الأمين ... القفلة جات عندنا ..
Author: SILVER MOON
Date: 05-22-2007, 12:50 PM
Parent: #1
يا دكتورة لو انتي قافله معاك ناس قريعتي راحت ديل يقول شنو
أنا غايتو ماشى محصل الريس فى المغرب سمعنافى الاخبار انو مرطب اخير ترطييب
تسلمى
الرئيس السوداني يلتقي الملك محمد السادس اليوم
الصخيرات: حاتم البطيوي
علمت «الشرق الأوسط» أن الرئيس السوداني عمر حسن البشير، الذي يوجد حاليا في زيارة خاصة للمغرب، سيلتقي العاهل المغربي الملك محمد السادس اليوم في فاس.
وقالت مصادر عربية متطابقة انه لم يكن معروفا حتى يوم امس في أي مدينة سيتم اللقاء، واصفة إياه بأنه لقاء ود ومجاملة، ومن المنتظر ان يتناول تدعيم العلاقات الثنائية بين البلدين، ويطلع خلاله الرئيس البشير ملك المغرب على آخر تطورات الوضع في السودان.
الى ذلك، تناول الرئيس البشير الغذاء أمس في فندق «امفتريت بالاس» المجاور للقصر الملكي في الصخيرات (ضواحي الرباط).
وكان الرئيس السوداني مرافقا بعدد من افراد اسرته، ضمنهم زوجته وأخوه، والسفير السوداني عبد الجليل محمود، وسكرتيره الخاص، ومسؤول البرتوكول في الرئاسة، وعدد من حراسه الشخصيين.
وجلس الرئيس السوداني، الذي كان يرتدي لباسا اوروبيا خفيفا بدون ربطة عنق، طويلا قبالة بحر الصخيرات، متأملا تارة امواجه العاتية، وتارة متحدثا الى السفير السوداني، وباقي مرافقيه، بينما كانت عازفة ناي بلغارية تعزف بالقرب منه انغاما موسيقية لرواد الموسيقى الكلاسيكية من امثال موزار وشوبان، متلائمة مع اجواء المكان الهادئة والحالمة.
وكان في استقبال الرئيس السوداني لدى وصوله الى الفندق الشهير مديره العام، جواد الديش، ومسؤولون في التشريفات (المراسيم) والحلويات التقليدية المغربية. وتعتبر الزيارة الخاصة للرئيس السوداني الى المغرب الاولى من نوعها له منذ ارتقائه سدة الحكم في السودان عام 1989.
|
Post: #27
Title: Re: طارق الأمين ... القفلة جات عندنا ..
Author: wadalzain
Date: 05-22-2007, 05:15 PM
Parent: #26
ايها السودانيه الفين الكريمه لك التحايا تغدو وتروح بها الجياد الصافنات ، متعك الله بالصحه وراحة البال واذهب عنك الاذى والاقفال
لكن ، لماذا لا تحدث القفلات اذا اصلا فى زماننا هذا : -
Our communication - Wireless
Our telephone - Cordless
Our cooking - Fireless
Our youth - Jobless
Our Ladies- Topless
Our food - Fatless
Our labor - Effortless
Our conduct - Worthless
Our relation - Loveless
Our attitude - Careless
Our feelings - Heartless
Our politics - Shameless
Our education - Valueless
Our follies - Countless
Our arguments - Baseless *
**Our boss – Brainless*
Our Job - Thankless
*Our Salary - Very less*
|
Post: #28
Title: Re: طارق الأمين ... القفلة جات عندنا ..
Author: sudania2000
Date: 05-22-2007, 08:34 PM
Parent: #27
ود الزين يا راسي يا زين
القصة كلها ليس وخاصة الثلاثة الاخيرة
هاصت هنا
مافي فرق بين اي شئ
كلو محصل بعضو
بس
دعواتك
كن بخير
|
Post: #29
Title: Re: طارق الأمين ... القفلة جات عندنا ..
Author: sudania2000
Date: 05-23-2007, 12:30 PM
Parent: #26
Silver Moon Salamat
many thanx
I wana to visit that palce
يمكن تفتح معانا حبة القفلة دي
هو العيد جاء هناك؟؟
|
Post: #30
Title: Re: طارق الأمين ... القفلة جات عندنا ..
Author: عماد محمود علي
Date: 05-23-2007, 03:34 PM
Parent: #29
العزيزة النبيلة ســودانيـــة 2000
يا أختي شنو الحكاية ، كل مرة يامفلسة يا غرفانه يا قافله معاك يازهجانة إنت قافله نفسك في علبة ساردين ولا شنو !!!
موو يا صديقي بالله الحكاية دي مش تجنن البنية طول عمرها بتشتكي هسه مش أحسن ليها تعرس وتتفك من النحس ده ولا رأيك شنو!!!
|
Post: #31
Title: Re: طارق الأمين ... القفلة جات عندنا ..
Author: sudania2000
Date: 05-23-2007, 03:54 PM
Parent: #30
العمدة يو ار اوووووت
مش قلنا فوق لا علاقة للامر بالعرس
يعني طلعت القفلة صغيرة خلاص مشكلة بسيطة
انا لا ينقصنا سوي الاستجابة ولا نفقد شئ والحمد لله
انت جيب العريس وكلموا معاك البنية مقرشة و عندها سيارة وبيت مكمل
هسي دا سبب يقفل ما اي زول ممكن بس انا اقول يس
مشاكلك بسيطة شديد
القفلة سودانية
مافي طعم للحياة هنا
اي شئ مقرف ومحصل بعضو
بعدين الفلس دا ما موجود
الا قبل المرتب بعشرة ايام يعني الاسبوع بالضبط
ودا مشكلة بسيطة برضو وبعدي بنظام قديم في السودان
التعاون للمواد التمونية و الطلق للبقية
ونظام شيلني و اشيلك ما رمي لزول في السودان اصلا
سمعت بزول ما لقي لي الف جنيه لموية الفول
اسحب كلامك دا لانو اوووووت عديل
موووو صاحبك دا اديهو راسو
|
Post: #32
Title: Re: طارق الأمين ... القفلة جات عندنا ..
Author: عماد محمود علي
Date: 05-23-2007, 06:05 PM
Parent: #31
العزيزة الكريمة ســودانيــة 2000
مساءك فل وياسمين وعنبر وأريج وأجمل الأزهار ....
| Quote: العمدة يو ار اوووووت |
ليه بس يا ستو ... الظاهر العتبة على النظر ...
| Quote: ولا نفقد شئ والحمد لله |
الحمد لله وإن شاء الله دوماً فأنت تستحقي كل خير ...
| Quote: انت جيب العريس وكلموا معاك البنية مقرشة و عندها سيارة وبيت مكمل |
جايبه وجاي شهر ( 7 ) إن شاء الله . وهو ما عايز لا بيت ولا سيارة بس إنت حضري الذبائح لزوم الضيافة وكده . .. 
| Quote: اي شئ مقرف ومحصل بعضو |
يا ساتر ....
| Quote: اسحب كلامك دا لانو اوووووت عديل |
خلاااااص سحبناه عدييييييل ...
| Quote: موووو صاحبك دا اديهو راسو |
هسه أنا رأسي مالو ، أها هسه هو إتصل علي وأداني رأسي وكمان معاه رأس تاني إحتياطي علشان ما نطلع أوووت ...
خالص إحترامي وكل مودتي لشخصك الظريف . وتسلمي .......
|
Post: #33
Title: Re: طارق الأمين ... القفلة جات عندنا ..
Author: sudania2000
Date: 05-23-2007, 08:32 PM
Parent: #32
قفلت ولما استحكمت حلقاتها قفلت تاني
وان حظي كدقيق فوق شوك نثروه .....
الحر .. الكهرباء .. الموية ..
أساسيات الحياة مافي
تقول لي جاي
انت فائق ورائق
الجايبك شنو بس
غايتو ع 7 يكون في رشاش مطر
لو ما تغير الكون وارتفعت الدرجة القصوي الي 200
يعني هنولولو مالها ولا انشاء اديس الشينة دي امشو اجزوا فيها
غايتو البجي اجازة السودان يكون غلطان
ولا يخم ليهو اردب فلوس
ولا يغسل قروش
يا اخوانا بصراحة اي حتة في الدنيا في راحة
الا هنا
لا قانون ولا خدمات
تبدا من النفايات
وتنتهي بالمنتزهات
كلو دفع
شفتوا ليكم شوبنج سنتر فيهو تيكيت
دا في السودان
المساحات الخضراء تحولت الي غابات اسمنت
ولو عاوز تشم هواء الله الا تمشي هاي كلاس ايريا
يا عمدة شوف ليك بلد فسح فيها عيالك مالك ومال المهالك
ما تقول لي الاهل والنقة
الاهل زاتهم ما عندك فكة ما لازمهم
والناس تريدك بقت قدر قروشك
وتقول لي ما تقفل
والله قافلة قفلة عدوك
تسلم يا رائق
|
Post: #34
Title: Re: طارق الأمين ... القفلة جات عندنا ..
Author: عماد محمود علي
Date: 05-24-2007, 06:51 AM
Parent: #33
أختي الفاضلة ســودانيــة 2000
| Quote: يا عمدة شوف ليك بلد فسح فيها عيالك مالك ومال المهالك |
شكراً على النصيحة الغالية ، أها غيرنا رأينا وماشين الامارات لتغضيةالاجازة هناك .. ويابورداب الامارات أها ح تستقبلونا ولا يفتح الله ونقوم نشوف ناس رجاء هناك في القاهرة أرحب .....
إحترامي وتقديري ، ، ،، ،
|
Post: #35
Title: Re: طارق الأمين ... القفلة جات عندنا ..
Author: nazar hussien
Date: 05-24-2007, 09:57 AM
Parent: #34
Quote: ما تقول لي الاهل والنقة
الاهل زاتهم ما عندك فكة ما لازمهم
والناس تريدك بقت قدر قروشك
وتقول لي ما تقفل
|
ما عندنا فكة...وما عندنا برضو فكة من الاهل....وأكون صادق معاك...كتاحة في السودان
ولا جليد في اونتاريو....وقراصة...في السوق الشعبي ولا بيتزا هوت في...كاليفورنيا
جبنة...عند ست الجبنة الفي الاراضي ولا مق في ستاربوكس...كابو ولا المراعي...
شربة موية من جدول ولا فيفيان...او اي اسبرنق Water
الملاريا ولا الحمي المالطية...
والله ما نخليه السودان دا بي كراهتو دي
هسي في ذمتك يا سودانية...ان مشيتي القبل الاربعة...بتلاقي بلد واسعة زي دي
|
Post: #36
Title: Re: طارق الأمين ... القفلة جات عندنا ..
Author: sudania2000
Date: 05-24-2007, 10:55 PM
Parent: #35
| Quote: الملاريا ولا الحمي المالطية... |
تصدق المالطية و التيفويد بقوا اكثر من الملاريا زاتها
وعلاجهم مضروب ... يعني كدا ..ميت ..كدا ميت
انا كنت بقول كلامك دا .. بس رجعت .. وندمت ندامة الكسعي
بيتزا هت في كالفورنيا .. ولا شية في سوق الناقة
يازول الاولويات مافي : رعاية صحية و نظافة و احترام كينونة البشر
ربنا يديك الفي مرادك
ولسة قافلة
تجي تبادل
|
Post: #37
Title: Re: طارق الأمين ... القفلة جات عندنا ..
Author: sudania2000
Date: 06-09-2007, 11:39 AM
Parent: #1
|
|