Post: #1
Title: الواطه اتأخرت
Author: طارق الأمين
Date: 06-16-2007, 11:06 PM
Parent: #0
ولي ما اتأخرت؟؟؟
|
Post: #2
Title: Re: الواطه اتأخرت
Author: Emad Abdulla
Date: 06-16-2007, 11:32 PM
Parent: #1
هي شنو ؟؟؟
|
Post: #3
Title: Re: الواطه اتأخرت
Author: طارق الأمين
Date: 06-16-2007, 11:51 PM
Parent: #2
الوطا
|
Post: #4
Title: Re: الواطه اتأخرت
Author: طارق الأمين
Date: 06-17-2007, 00:17 AM
Parent: #3
ما هو واحد من اتنين
يا اما الواطه البتتأخر
او نخن البنتأخر
عندكم اي اختمال تالت؟؟؟؟؟؟
|
Post: #5
Title: Re: الواطه اتأخرت
Author: ودالعباسية
Date: 06-17-2007, 00:20 AM
Parent: #4
ا
جاطت ،،،
|
Post: #6
Title: Re: الواطه اتأخرت
Author: Emad Abdulla
Date: 06-17-2007, 00:26 AM
Parent: #4
Quote: او نخن البنتأخر
عندكم اي اختمال تالت؟؟؟؟؟؟ |
بالنخنخة دي ..
بنكون نخنا البنتأخر يا طارخ .
مش برضو إختمال !!!
|
Post: #7
Title: Re: الواطه اتأخرت
Author: طارق الأمين
Date: 06-17-2007, 00:35 AM
Parent: #4
كيف ناس عاقلين محترمين
زينا كده
بتنصلو من المسئوليه
ويختوها في الواطه
ويقولو ليك بكل بساطه
الواطه
ا ت ا خ رت
يعني
من الله خلقكم
شفتو ليكم واطا
بتتاخر؟؟؟؟
ولي نحن
المستهبلين~؟؟؟؟؟؟؟؟؟؟؟؟
|
Post: #8
Title: Re: الواطه اتأخرت
Author: Emad Abdulla
Date: 06-17-2007, 00:44 AM
Parent: #7
واطة أبدا ما مسؤولة يا طارق و الله .
|
Post: #9
Title: Re: الواطه اتأخرت
Author: طارق الأمين
Date: 06-17-2007, 00:44 AM
Parent: #7
عماد
بي نخنختي دي
وريني
شنو يعني
الواطه اتأخرت؟؟؟؟
قال اتاخرت قال
والله الليله يومكم مش فايت
|
Post: #10
Title: Re: الواطه اتأخرت
Author: طارق الأمين
Date: 06-17-2007, 00:53 AM
Parent: #9
ولي واحدين تانبن
يقوليك
اليوم بقي قصببر
قصيير؟؟؟؟؟؟
حصل شنو يعني
ما ياها ال 24 ساعه ياعماد
في شنو؟؟؟؟؟؟؟؟؟؟؟؟؟؟؟؟؟؟
التعدبل ساي
|
Post: #11
Title: Re: الواطه اتأخرت
Author: طارق الأمين
Date: 06-17-2007, 01:00 AM
Parent: #10
نحن بقيناخارج الزمن
ولي الزمن بقي خارج مننا
وين العصر؟؟؟؟؟؟؟؟؟؟؟؟؟
وين المغربيه؟؟؟؟؟؟؟؟؟
وين بعد الغدا؟؟؟؟؟؟؟
وين عالم الري ايا ايا ايا ااضه
وين؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
|
Post: #12
Title: Re: الواطه اتأخرت
Author: Emad Abdulla
Date: 06-17-2007, 01:02 AM
Parent: #9
دقيقة بالله يا طارق ..
ما تجوطنا ساكت ..
شنو البيخلي كلمة حقتك دي تجي ظبط .. ؟؟
و أنا تزوغ مني حروفا و ما يمرق منها في مصفاة بكري دي إلا حرف واحد بس ؟؟؟؟؟؟؟؟؟؟؟ ..
نظام حقارة يعني وللا كيف ؟؟
كمبيوتري مقدود مثلا و الحروف بتتدفق ؟؟
وللا كمبيوترك فاكيها ساكت و بيقول الداير يقولو ؟؟
و للا سيستم بكري عندو ناساتو مثلا , و يدردق ليهم اللعب برااااحه ؟؟؟
في شنو يا طارق ياخ ؟
الليلة دي يا انا يا حكاية خيار و فقوس دي !!
|
Post: #13
Title: Re: الواطه اتأخرت
Author: Azhari Nurelhuda
Date: 06-17-2007, 01:02 AM
Parent: #9
الحكمة قال ليك عتر ليها أخونا ده...
و على كده قامت ا
إتأخرت
|
Post: #14
Title: Re: الواطه اتأخرت
Author: طارق الأمين
Date: 06-17-2007, 01:13 AM
Parent: #13
الواطه اتاخرت
مادابر اسمع الكلمه دي تاني
ممكن؟؟؟؟؟؟؟؟؟؟
نحن الاتاخرنا
ماتظلمو واطات الناس ساي
بلاش حركات استهبال معانا
نودي وشنا وين من انشتاين؟؟؟؟
فضحتونا
|
Post: #16
Title: Re: الواطه اتأخرت
Author: ودالعباسية
Date: 06-17-2007, 01:16 AM
Parent: #14
انتو ما عاجبكم الخيار دا ولا شنو ،،
|
Post: #15
Title: Re: الواطه اتأخرت
Author: Emad Abdulla
Date: 06-17-2007, 01:15 AM
Parent: #13
الواطه اتأخرت
و عايزين ننخمد و كده .
هم بقو يعيدو نشرة أخبار تلاتة ؟ ..
|
Post: #17
Title: Re: الواطه اتأخرت
Author: طارق الأمين
Date: 06-17-2007, 01:20 AM
Parent: #15
وقال شنو
رمضان فاجأنا
اشالله رمضان ال
عماد نوم انت بعد دا
|
Post: #18
Title: Re: الواطه اتأخرت
Author: Azhari Nurelhuda
Date: 06-17-2007, 01:25 AM
Parent: #15
ماهي ماشة كويس و السرعة زادت
في إحتمال تحصل في المواعيد
بس أدوها دفرة
|
Post: #19
Title: Re: الواطه اتأخرت
Author: Emad Abdulla
Date: 06-17-2007, 01:40 AM
Parent: #18
ياخ أبيت ..
ما نايم ولا حاجة .
رمضان منو ؟؟
|
Post: #20
Title: Re: الواطه اتأخرت
Author: طارق الأمين
Date: 06-17-2007, 02:00 AM
Parent: #19
انتو اعترفو
الانكار مش ح يفيدكم
شنو حكايه الزول مايجي
ويقول ليك بكل بساطه
لقيت الواطاه اتاخرت
داما طلم؟؟؟؟؟؟؟
كلنا بنقول كده
ح نمشي وبن من الواطاه يوم القيامه
يعني ما كسلانين ساي قصدكم
ماتظلمو الواطا ياناس
عيب كده
|
Post: #21
Title: Re: الواطه اتأخرت
Author: طارق الأمين
Date: 06-17-2007, 02:13 AM
Parent: #20
تمشو وبن من ذنب الواطا؟؟؟؟
نحن اتاخرنا في اي حاجه
حتي القرار 1706
في السباسه
الرياضه
الفنون
الاقتصاد
السمعه
دا كلو من الواطا؟؟؟؟؟؟؟؟؟؟
اووووفففففففففففف
|
Post: #22
Title: Re: الواطه اتأخرت
Author: Eng. Mohammed al sayed
Date: 06-17-2007, 03:51 AM
Parent: #1
الواطه اتأخرت !!!
الواطه وسعت ,الواطه دلجة ,الواطه مفروض تكون مكان
لكيييين
الواطه تتأخر!!!!
سويتوها مسعولة من الوكت كمان
ليك حق تدرشم ,و الواطه فللت عليهم
الواطه كيفن تفلل؟
هي زمان ولا مكان
ولا ياقولهم كلمة سحرية تعبر عن الزمكان
حوللللللا
دي قوية دي ,
ياخي لماااان تكون نظيفة بقولوا عليها الواطه دلجة عليك الله دي ما حقارة دي.
هسع دلجة دي كان اتمعنت فيها لغويا مابتوحي ليك بي كارثة ولا شنو شنو مابعرف .
بعدين ( الواطه ) دي عامية ولا فصحى؟
ولا اقول ليك
ساهرت بينا
امش أسال محسن خالد يمكن يطلعا لينا اسم سري لي الأرض.ونحنا ناشرنو في السهلة.
مع السلامة أنا واطـ ـاتي صبحت
......................................................
تحياتي
|
Post: #23
Title: Re: الواطه اتأخرت
Author: ريهان الريح الشاذلي
Date: 06-17-2007, 07:21 AM
Parent: #22
علي وزن الزمن جري
|
Post: #24
Title: Re: الواطه اتأخرت
Author: شادية الطيب
Date: 06-17-2007, 07:33 AM
Parent: #1
يمكن ا
اتأخرت عشان النهار روّح (بتشديد الواو)
|
Post: #25
Title: Re: الواطه اتأخرت
Author: عصام عبد الحفيظ
Date: 06-17-2007, 07:50 AM
Parent: #24
و
طارق بوست الجرى والفروحان
ده مقلب ولا مقلوب
ولا العيد ثبتوا
|
Post: #26
Title: Re: الواطه اتأخرت
Author: طارق الأمين
Date: 06-17-2007, 07:56 AM
Parent: #24
يجب محاسبه كل من يعلق المسؤليه في رقيه الواطاه
او
ماهي علاقتنا بالزمن؟؟؟
او
ماهي قصه مواعيد سودانيه؟؟؟
او
لماذا دفر عوض الجاز الباب ودخل؟؟/B]
|
Post: #31
Title: Re: الواطه اتأخرت
Author: طارق الأمين
Date: 06-17-2007, 08:16 AM
Parent: #26
بعدين
داك قالي
هو قاعد في لندن
عشرين سنه
لما يقيف بي عربيتو في الاستوب الصباح
قال بلقي العربيه القدامو
والعربيه الوراهو
هم نفسهم بتاعين امبارح واول امبارح
واول اول اول امبارح
مالن؟؟؟؟؟
ماعندهم واطاه؟؟؟؟؟
|
Post: #27
Title: Re: الواطه اتأخرت
Author: شادية الطيب
Date: 06-17-2007, 08:03 AM
Parent: #1
قصة المواعيد السودانية زي قصة الكسل السوداني الاتنين ماركة مسجلة للسودانيين
ومعاهم حق القالو الكلام ده
|
Post: #28
Title: Re: الواطه اتأخرت
Author: محمد راسخ
Date: 06-17-2007, 08:03 AM
Parent: #1
هو يا أبو صلعة
ا
إتأخرت (الوطةدي منو ؟؟؟؟؟؟؟؟؟؟؟)
اليوم مشي .... ( مشي كيف يعني ؟؟؟؟؟؟؟)
مناسبة سعيدة في بيت البكاء، يا طارق الأمين
غايتو واطاطتك أصبحت لو منتظر يزول يحمل وزر (ا
إتأخرت)
لك ودي
|
Post: #29
Title: Re: الواطه اتأخرت
Author: almulaomar
Date: 06-17-2007, 08:07 AM
Parent: #1
يقول الحسن ود عباس ود التوم بعد أن إنعدل في قعدته مشنقاً طاقيته أو ما يعرف بوضع الحدى كرس "أى الحدأة إستعدت للطيران والإنقضاض" وزرق رقيه كمالثعبان في غابات الأمازون وتنحنح وتصلح وخط عدة خطوط بعصاه في الرمله الدقاقه حيث يتفرجخ أو يجلس القرفصاء لا فرق وبدأ في شرح عبارة الواطه إتأخرت ، فقال فض فوه أن الليل لف المكان في جريدة وبالتالي فإن الوقت تأخر حقيقة والواطه بالضرورة تأخرت مجازاً وبي مزاجها مع ضرورة إنقطاع التيار الكهربائي ومراعاة الجمرة الخبيثة أو الجمار الخبيثات حالة كون الجمع جمع تأنيث سالم أو مدشدش.
هناك الكثير من العبارات التي نرددها ونعرف أو نعلم أنها يقصد بها شئ معين أو وضع معين بالسليقة والتكرار لكنها تبقي غير مفهومة لنا ، فالكثير من كلماتنا وعباراتنا عبارة عن شفرات سرية تحاكي دافنشي كود ، فمن أين جاءت مثلا عبارة ماشي أتسير أو أقطع الجمار بالرغم من أنك في أحسن الأحوال تكون تحمل أبريقاً وليس فأساً أو منشاراً أو سكيناً حتى.
إن عبارة الواطه تأخرت هي عبارة بليغة جداً فيها كل محسنات علم البديع ، وغالباً ما تتأخر الواطه ليلاً بأن تفلل كما ذكر أحد المتداخلين ، وكون الشي فلل أى أصبح في الليل وبالليل ده ماشي وين ، وهي تحاكي الواطه بالمغرب فتكون مغربت أو أصبحت إذا إنجلى الليل ودخلت حصين السواري إلى ثكناتها، عليه فإن الأمر لا يعدو أكثر من أن الليل قد لف المكان.
أنا أحتج دائماً على عبارات على شاكلة "رأس البيت" فأين كرعين ويدين البيت وهو في أحسن الأحوال شكل هندسي مربع أو مستطيل ، وأيضاً عندما يقول لك شخص أقطع الظلط أو أقطع الشارع فالمفهوم أنك سوف تعبر الشارع لكين القطع ده حا يكون كيف وهل سوف تمهلني العربات والركشات من قطع الشارع حتى لو كنت أحمل منشاراً كهربائياً ماركة بلاك أند ديكر ، وهناك قطع مسافة السباق في دقيقة وثلاثة ثواني وأربعة أعشار جزء من الثانية ، أما قطع الطريق فهو في أحسن الأحوال عملية الرباطيه أي قطاع الطرق فهم يقطعون الطريق بعمل بلوك لكل سائر مرتحل ويلحسون ممتلكاته ويفكونه عكس الهوا وإذا ما قاوم أو حاول أن يقاوم حا يتلحس وهو ما يعرف بالفول المصلح.
|
Post: #30
Title: Re: الواطه اتأخرت
Author: Salwa Seyam
Date: 06-17-2007, 08:13 AM
Parent: #1
ياطارق ياخى ما نحن برانا البنكضب كضب زى ده ..
عليك الله اسمع اى اذاعة ولا قناة عربية.. وشوف اى برنامج يكون مستضيفين فيهو زول.. فى النهاية يقولو ليك نصل الى ختام برنامجنا ونشكر ضيفنا العزيز لأن الوقت قد داهمنا ..
اها فى وكت بداهم ليهو ناس .. لو ما كضب ..
|
Post: #32
Title: Re: الواطه اتأخرت
Author: طارق الأمين
Date: 06-17-2007, 08:32 AM
Parent: #30
عليكم نووووووووووووووور
كلكم
طيب يعني الواحد لو داير بشتري ليهو
قطعه واطاه
لازم يجرب سرعتا اول حاجه
يشوفا واطاه بت ناس
ولي بتتأخر ساي
ولازم يتأكد من الحجر بتاعا
عشان يظبط ليها الزمن
ولازم يكون مكتوب في شهاده البحث
ناصبه سرعه كده
|
Post: #33
Title: Re: الواطه اتأخرت
Author: طارق الأمين
Date: 06-17-2007, 08:37 AM
Parent: #32
طيب
اذا واحد برئ
اشتري ليهو قطعه واطا
من النوع البتأخر
وقام جا بدري
يبيت وين يعني؟؟؟؟؟؟؟؟
|
Post: #34
Title: Re: الواطه اتأخرت
Author: انعام حيمورة
Date: 06-17-2007, 08:49 AM
Parent: #1
من ما شفت العنوان اتذكرت لي قصة طوالي اقيف احكيها ليك لكن قبل ما احكيها ليك الزول التعبان يصغر ليك في الصورة دا عبرو شوية شيل الصورة الظابطة المقصوصة ومنهدمة دي اقيف فيها بزر الماوس الايمن ومن خصائص شيل العنوان حق الصورة وختها محل الصورة الفي البروفايل ... دروس مجانية ..
نرجع لموضوع الـواطة ...
لماكنا انا وعماد اخوي بندرس في سوريا وعماد قام حبة لي بت سورية كانت بتجي تتونس معانا كل يوم بعد داك نمشي انا وعماد نوصلها لحدي بيتهم انا اليوم داك كنت نعسانة قمت قلت ليهم ياخ نمشي الـواطة اتاخرت بس يلا تعال شوف هي طبعا مافهمت اي حاجة وزعت زعل شديد جدا ويعني شنو الـواطة اتاخرت ولما بكت في الـواطة اتاخرت دي .. شيل دق شيل دق قعدنا نشرح ليها الموضوع وبالعافية الـواطة اتاخرت ومشينا وديناها ...
هسي تقول ليك النبي انبطحي ...
______________________________
تخريمة : يا عماد جر اللام شوية
|
Post: #43
Title: Re: الواطه اتأخرت
Author: Azhari Nurelhuda
Date: 06-17-2007, 02:23 PM
Parent: #34
الأخت إنعام حيمورة
أشكرك شديد جدا جدا
و الله كونو يعني التعبير يجي من ناس حيمورة زاتهم..... دي براها شهادة تعتز بها الركبان...
و طارق الأمين معذور لأنه
إتأخرت و مشى نام بعد ما
إتأخرت.......و أساسا
كانت متأخرة جدا.... عشان كده ما عبرني!
إنتوا ا
دي مشت وين
الواطا و الواطه الحكاية شنو.......
الواكا الدساها منو؟
|
Post: #44
Title: Re: الواطه اتأخرت
Author: طارق الأمين
Date: 06-17-2007, 06:32 PM
Parent: #43
ابدا يانور الهدي
كنت عاوز اعمل بي كلامك
لكن لقيت البوست اتاخر
تحياتي
|
Post: #35
Title: Re: الواطه اتأخرت
Author: ahmed haneen
Date: 06-17-2007, 08:52 AM
Parent: #1
شوف يا ابو صلعة
نحنا ا
البتتأخر دي حرم ما تخش بيتنا ..
وما عندنا واطة بتتاخر بره .. لي عند الوقت دا ...
وكان الله لا قدر .. اتأخرت شوية ..
تكون واطاتا صبحت ...
وتاني كراعه ما بتعتب برة البيت
|
Post: #36
Title: Re: الواطه اتأخرت
Author: omer osman
Date: 06-17-2007, 09:06 AM
Parent: #1
يا طارق انت ما درست بلاغة ما ببتذكر استاذ امين نوري بتاع العربي في الجديدة
يا اخي ا
اتاخرت دي اكيد بتكون بلاغة مش في كلام في البلاغة بقول ليك ذكر شنو واراد شنو
بس الحكاية بتكون كده ذكر ا
واراد الما واطة او هكذا قال
|
Post: #38
Title: Re: الواطه اتأخرت
Author: طارق الأمين
Date: 06-17-2007, 11:30 AM
Parent: #36
ود العياسبه
اوافق
|
Post: #39
Title: Re: الواطه اتأخرت
Author: طارق الأمين
Date: 06-17-2007, 12:13 PM
Parent: #38
Quote:
ولا العيد ثبتوا
عصام
العيد ثبتو؟
العيد ابدا ماكان ملولح
عشان يثبتوهو |
|
Post: #37
Title: Re: الواطه اتأخرت
Author: Salwa Seyam
Date: 06-17-2007, 11:28 AM
Parent: #1
يعنى يا طارق انت مستغرب فى الواطه البتتأخر دى ..
طيب ايه رايك انو فى ناس بقولو انها بتفلل كمان .. اها (الواطه فللت) دى ما سمعت بيها كمان ..
|
Post: #40
Title: Re: الواطه اتأخرت
Author: سلمى الشيخ سلامة
Date: 06-17-2007, 12:20 PM
Parent: #1
طارق المجنون جدا ولذيذ خالس
اها الكورة واطة كيف ؟ لمن ا
تتاخر الكورة تمشى وين ؟
وبعدين لمن زول يقول لى زول جيت ولقيتك مافى كيف دى ؟
امكن تكون ا
اتاخرت ؟
وهى بتمشى وين لمن تتاخر ؟ يخس واطة قليلة الادب وعديمة وليان
امكن تكون (مجكسة) السما ونحنا ما عارفين ؟
عشان كده بتتاخر لمن تجى نازلة بتكون اتاخرت للسبب دا امكن
ولا امكن لمن تكون جات نازلة عترت ليها الشمس وقاااااااااامت اتاخرت
او ناس القمر عندهم حفلة (صباحى ) اخت ( معتز صباحى ) وقال ليها (طلاق كان تمشى )
و (ناس المريخ محتفلين بكاس الدورى ) وقالو لازم تجضر
دى كلها اسباب موضوعية لتاخر السيدة ا
او انها خافت لمن ترجع يقولو ليها ( الختيتيها رقدت واطة )
او انها مادايرة تتساوى مع اليد المختوتة ( واطة )
والظروف ما معروفة (امكن الناقل الوطنى ما جا فى ميعادو ؟)
او لمن جات قالت (اغالط نفسى فى اصرار واقول امكن انا الماجيت )
وبعدين ا
دى مسكينة مرة واحدة بتتاخر لكننا بنتاخر طواااااااالى ونخت اللوم عليها
شخصيا (بخت اللوم على نفسى ) او كما قال الجابرى
|
Post: #41
Title: Re: الواطه اتأخرت
Author: طارق الأمين
Date: 06-17-2007, 12:50 PM
Parent: #40
عماد عبدالله
ازهري نور الهدي
محمد السبد
ريهان الشاذلي
شاديه
عصام
محمدراشح
الملا عمر
سلوي صبام
انعام حيموره
احمد حنين
عمر عثمان
سلمي الشيخ سلامه
عماد عبدالله
ود العباسبه
دي احلوت اوي بيكم
معا من اجل معرفه الحقيقه
ولا نامت اعين الوااطا
برجع ليكم
لو ما اتاخرت
|
Post: #42
Title: Re: الواطه اتأخرت
Author: almulaomar
Date: 06-17-2007, 02:22 PM
Parent: #41
الحقيقة يا مان لازم يسبقها حرف جر ، هوهوهوهوهو ، لكين أعمل حسابك من كلابك حلتنا ديل لو قلت ليهم جر بزدادوا شراسه وبتمضمضوا بي عراقيبك مراكيبك ، أها بي كده تصبح الجملة بعد التصويب في الحقيقة ما عليك وما علينا برضو.
قطعة أرض أو قطعة واطه يعني شنو قطعه وقطعوها من وين بعدين لقيت ليك مكتوب في لوري أهل عوضي "الفكي شن بقي حبل واطه ما تاطا" وأنا قايلها بالياباني قام صاحبي وهو أهل عوضي قح قال لي يعني لو الفكي بقي حبل مجدوع في الواطه ما تعفصو ، بعدين وزارة أو مصلحة الأراضي ليه ما يقولو مصلحة الواطه و زارة الواطه وقبل كل شئ جمع واطه شنو ، أوعك تعمل فيها تفتيحه وتقول لي كيلو واط أنا قدرت أعرف مصدر تسمية واطه جايينا من وين ، أن تطأ الشئ أى شئ هو أن تدوس عليه ومن ثم يكون الإنسان واطئ أى وضيع وليس متواضع لأنه معفوص أو مدهوس بالأرجل لذلك كل إرتفاع يقل عن السكه حديد بفرسخ أو دون ذلك تصبح واطه.
أما الكورة واطه كما ذكرت الأستاذة سلمي الشيخ فهذا ضرب من ضروب كرة القدم الحديثة وهي تعتمد بالدرجة الأولى على طريقة 3 - 5 - 2 بتكثيف منطقة الوسط والشوت ضفاري من عند دائرة السنتر أو قوس منطقة الثمانية عشر.
الواطه المسكينة ما بتتأخر لكين الزمن
الواطه ما بتفلل لكين الشمس ومغيبها
الواطه ما بتصبح لكين الشروق وقوم يا اخي روق
الواطه ما بتمغرب ولا بت تونس ولا بت جزائر لكين غروب الشمس
السؤال الذي يطرح نفسه واطه هو هل نقصت ساعات اليوم أو قلت دقائق الساعة أو ثواني الدقيقة فأصبحنا نجلي يوم يومين من كل أسبوع ، يا أخي قوم الواطه صبحت دار ننوم*
===
* الحق الأدبي محفوظ للشاعر الحلمنتيشي حيث ورد المقطع أعلاه في قصيدة شهيرة لأحد شعراء حلمنتيش الأفذاذ بعنوان عبدو
|
Post: #45
Title: Re: الواطه اتأخرت
Author: HAYDER GASIM
Date: 06-18-2007, 00:53 AM
Parent: #42
ولمن تتأخر أكتر من كده
... تبقى ... فللت
|
Post: #46
Title: Re: الواطه اتأخرت
Author: Walid Safwat
Date: 06-18-2007, 05:40 AM
Parent: #1
| Quote: وبعدين لمن زول يقول لى زول جيت ولقيتك مافى كيف دى ؟ |
دي زي الجايوم العيد وكتب "وجدناكم ولم نحضر"
|
Post: #47
Title: Re: الواطه اتأخرت
Author: طارق الأمين
Date: 06-18-2007, 09:48 AM
Parent: #46
حيدرنا الؤاقي
وليد صفوت
شكرا للطله
من امبارح داير اكمل الموضوع
مالاقي وكت
الحاصل شنو
عرفنا السوله دسوها
الوكت الداسيهو منو
زول عندو يسلفنا حبه
اقبض وكت
وكت مهرب
وكت مضروب
وكت مسروق مغشوش
المهم وكت
وكت لله يامحسنين
|
Post: #49
Title: Re: الواطه اتأخرت
Author: علاء الدين حيموره
Date: 06-18-2007, 10:04 AM
Parent: #47
المهم
انت تكتب بدري
قبل الواطا ما تتأخر ..
تخريمة :
سأل
عندك قلم
رد
ابدا
قال ليه كلو كلو ؟
فسر لينا دي ...
|
Post: #48
Title: Re: الواطه اتأخرت
Author: انعام عبد الحفيظ
Date: 06-18-2007, 09:54 AM
Parent: #1
الواطه اتأخرت
بس ما تتأخر علينا بعدين زي ا
|
Post: #52
Title: Re: الواطه اتأخرت
Author: Abd Alla Elhabib
Date: 06-18-2007, 10:24 AM
Parent: #48
Quote: شنو حكايه الزول مايجي
ويقول ليك بكل بساطه
لقيت الواطاه اتاخرت
داما طلم؟؟؟؟؟؟؟ |
لووولز يا طارق...
شكلك كده ..اليوم داك أكلت نسيم.
و......وعدوك وضيّعوا خلطتك
الجماعة وطاتم إتأخرت..بس إنت
وطاتك أصبحت !!!
|
Post: #79
Title: Re: الواطه اتأخرت
Author: طارق الأمين
Date: 06-19-2007, 05:08 PM
Parent: #52
عبدالله الحبيب
يامروج اشاعاتنجي
اسحن ليك تشطب الاشاعه دي
اها
جات
كان ماعجبك
هي منو
وشنو
|
Post: #50
Title: Re: الواطه اتأخرت
Author: عبد الدائم سيد أحمد
Date: 06-18-2007, 10:09 AM
Parent: #1
عندنا حبوبتنا يا طارق
ما حافظة اى سورة من القرأن
لما تجى تصلى بتقول
السـمـا سماتك
وا
واطاطك
كفرن احد .
سلام يا ود حلتنا
|
Post: #51
Title: Re: الواطه اتأخرت
Author: محمد راسخ
Date: 06-18-2007, 10:17 AM
Parent: #1
يا طارق
الواطه دي اظنها مشتقة من الوطواط عشان كده بتتأخر
أو من الوطئ عشان كده بكون متأخر
أو من الوطر عشان كده بيقضوه متأخر
أو من الوطن عشان كده الوطن متأخر
|
Post: #53
Title: Re: الواطه اتأخرت
Author: الصادق خليفة
Date: 06-18-2007, 12:13 PM
Parent: #51
نعمل ليها شنو؟
|
Post: #54
Title: Re: الواطه اتأخرت
Author: محمد أبوالعزائم أبوالريش
Date: 06-18-2007, 01:39 PM
Parent: #1
الأخ طارق ...
قريت البوست ... وإتذكرت بوست كنت عملته قبل فترة بعنوان (أخطاء في لهجتنا العامية) كان فيهو آراء جميلة من المشاركين. بس فتشت ليهو في (سقط لقط) عشان أعمل لينك ما لقيتو ... أو زي ما بنقول ((لقيتو مافي)).
طيب إنت هسة ليه بتقول (القميص بقى ضيق)؟ حلاتك والله .... يعني زايغ وما عايز تقول إنك سمنت؟ ... طيب ما تتأخر ا
ما دام (البحر بيقوم) و(الدنيا بتتقلب).
يا خوي إنت تقعد تساهر بينا كدة لامن واطاتنا تصبح
|
Post: #55
Title: Re: الواطه اتأخرت
Author: محمد أبوالعزائم أبوالريش
Date: 06-18-2007, 01:43 PM
Parent: #1
لقيت ليك اللينك
أعفص هنا:
أخطاء في لهجتنا العامية
|
Post: #56
Title: Re: الواطه اتأخرت
Author: osama dahab
Date: 06-18-2007, 03:21 PM
Parent: #1
يا طارق الواطه تغطت بالتعب
والبحار شربت وما روت
ونحن يانا نحن يانا نحن
لاكين الحل شنو
اسامه دهب
|
Post: #57
Title: Re: الواطه اتأخرت
Author: طارق الأمين
Date: 06-18-2007, 04:00 PM
Parent: #56
ياسلام ياسلام
علاء الدين حيموره
انعام عبد الحفيظ
عبدالله الحبيب
عبد الدايم سيد احمد
محمد راسخ
الصادق خليفه
محمد ابوالعزايم
اسامه دهب
شباب حلوين منورين والله
رايكم شنو في اقتراح استيراد وكت
اشالله مستعمل
|
Post: #58
Title: Re: الواطه اتأخرت
Author: nazar hussien
Date: 06-18-2007, 05:04 PM
Parent: #57
اديني رقم شميستك...أحول ليك رصيد وقت...أكان شمسنا دي تغيب سريع سريع
نهارنا كلو شغل...وراجين الليل بي فارغ الصبر
|
Post: #59
Title: Re: الواطه اتأخرت
Author: Muna Khugali
Date: 06-18-2007, 05:12 PM
Parent: #58
قوتلك..
هي الواطا دي هولك؟ ولا هيلا منو؟
واناخرت من منو؟
وهو اصلها كانت وين؟
الرسول ما تشاكلها وقت تصل..يبقي في سببن ماهو هين اخرهافي دربها..
سمح؟
|
Post: #61
Title: Re: الواطه اتأخرت
Author: عبدالأله زمراوي
Date: 06-18-2007, 05:24 PM
Parent: #59
Quote:
رمضان فاجأنا
اشالله رمضان ال
|
جبت لينا كاروشة يا صاح...
أوع يكون جايينا بكرة واللة كدة. أم أنه قد جاء فعلا وتأخرت بسبب ا
المتأخرة أم انني فعلا فقدت عقلي أم الزهايمر ظاطو.. يمكن يا رب؟؟؟
ا
أتأخرت على وزن الحلة بصل... أوكما قال...!
|
Post: #60
Title: Re: الواطه اتأخرت
Author: soma
Date: 06-18-2007, 05:17 PM
Parent: #57
طارق سلامات
اطرشنا ما سمعنا با
اتأخرت دى الا عندك انت الليلة
انا غايتو ما سمعت .. ما عارفة الناس التانية ..
انا زولة غبشة من اهل العوض بعرف حاجة واحده بس
اسمها (ا
فللت)..
ما تقعد( بضم القاف والعين )
تقعد (بكسر العين) لينا فى الكلام ساى على قول حبوبه
ونحن اهل العوض بنقول الوقت فات .. طبعا الوقت بنقولا( وكت ) ما بالقاف
طبعا مش قصدنا وقت الصلاة .. الوقت عموما
شفت نحن بنهجر الحروف كيف فى ا
حقتنا الفللت دى؟
نجى لى اصل موضوعك ليه الوقت يفوت على قولك .. ليه نحن ما ننكرب ونفوتو
ولا على الاقل نحصلو؟؟ هنا بس بتفق معاك يا الحنين
اسماء الجنيد / مسقط
|
Post: #62
Title: Re: الواطه اتأخرت
Author: طارق الأمين
Date: 06-18-2007, 06:09 PM
Parent: #60
الله الله
الفنان نزار
مني خوجلي اللتنا
عبد الله زمراوي حقنا
سوماالسمسومه
اها باقيلكم مابلقولنا حل
قالولكم رسلولنا وكت وكييييت
الساعه بي هني اتمحقت جت
|
Post: #63
Title: Re: الواطه اتأخرت
Author: طارق الأمين
Date: 06-19-2007, 00:10 AM
Parent: #62
ميزانيه تقدبريه نموزجيه لعدد الساعات المطلوبه في اليوم
نوع اليوم عادي
الزول النموزج عزابي
العمر كم وتلتين
صحيي الزول من النوم 3 دقايق
دعك عيون عادي 2 دقايق
فتيش سفنجه 4 دقايق
رجيان فضي حمام 12 دقيقه
تمصير معجون اب صفقه 4 دقايق
غرفان بلاعه 13 دقيقه
نفيض النعلين من الغرفان 3,5 دقيقه
نخنيخ ماسوره ْ+ نقيط ساي 5,7 دقيقه
جيبان مويه من جيران عندهم خزان 11 دقيقه
دش عادي + عدم حلاقه 30 ثانيه
فتيش شراب + شم 7 دقايق
مليس جضوم متوسط 4 دقايق
جرجير عناقريب فوق بلاط 5,45 دقيق
مرقان + قفيل ابواب 6 دقايق
زوغان من سيد بقاله 18 دقيقه
نهير كماسره + اوسطوبات 229 دقيقه
نهزير موظفين + وجبات 457 دقيسه
صرصير اجتماعات + بري 567 دقيقه
فواتح + سمايات 876 دقيقه
عنقيد دفع رسوم حكوميه 9845 دقيقه
بشير عزومات عرس 7 دقايق
حنيس حردانين 24 دقيقه
تصرفات غير منظوره 5648 دقيقه
احتياطي ميزانيه 15 دقيقه
المجموع 36 ساعه
اليوم 24 ساعه
العجز الكلي 12 ساعه
|
Post: #64
Title: Re: الواطه اتأخرت
Author: Ehab Eltayeb
Date: 06-19-2007, 00:39 AM
Parent: #1
الحبيب طارق:
لكن الوكت دا( زي ما قلت سوما)
ما مصرته مصر السواد.. ما خليت فيه باقي كلو كلو..
كدي عيد توزيع الميزانيه (الدقائق ) حسب الاحياتجات الاساسيه..
يعني باصر يومك ..بالعدم اتسلف زمن من اليوم البعده...
وورينا الحاصل شنو
تحياتي,,,,,,,,,
|
Post: #65
Title: Re: الواطه اتأخرت
Author: هاشم نوريت
Date: 06-19-2007, 02:49 AM
Parent: #64
كيفن ما تتاخر مع السبعة ارواح دى
|
Post: #66
Title: Re: الواطه اتأخرت
Author: soma
Date: 06-19-2007, 06:20 AM
Parent: #65
طارق سلامات
طبعا ضحكت كما لم اضحك من قبل
ومن قبيل بحاول فى تلفون .بدر الدين شنا
عشان اضحكوا معاى فى جدولة الوكت العملتها فوق دى
مباااااالغه
يديك العافيه يا رب
***
مشاققة
بدر الدين ياخ شوف ليك طريقة لى شبكتكم الفى الخلاء ده
ولا القطر بفوتك
****
متاوقة
ايهاب الطيب الزول الحنين
والله الشوق غيمه ومطرتين
بركة الليلة الشفناك تحت نيمة طارق البااااااارده دى
يا ربى انت الغائب ولا انا كعادتى جرى عدوك يابا
لك التحية وسلام لكل العقاب
|
Post: #67
Title: Re: الواطه اتأخرت
Author: nazar hussien
Date: 06-19-2007, 06:34 AM
Parent: #66
Quote: صحيي الزول من النوم 3 دقايق
دعك عيون عادي 2 دقايق
فتيش سفنجه 4 دقايق
رجيان فضي حمام 12 دقيقه
تمصير معجون اب صفقه 4 دقايق
غرفان بلاعه 13 دقيقه
نفيض النعلين من الغرفان 3,5 دقيقه
نخنيخ ماسوره ْ+ نقيط ساي 5,7 دقيقه
جيبان مويه من جيران عندهم خزان 11 دقيقه
دش عادي + عدم حلاقه 30 ثانيه
فتيش شراب + شم 7 دقايق
مليس جضوم متوسط 4 دقايق
جرجير عناقريب فوق بلاط 5,45 دقيق
مرقان + قفيل ابواب 6 دقايق
زوغان من سيد بقاله 18 دقيقه
نهير كماسره + اوسطوبات 229 دقيقه
نهزير موظفين + وجبات 457 دقيسه
صرصير اجتماعات + بري 567 دقيقه
فواتح + سمايات 876 دقيقه
عنقيد دفع رسوم حكوميه 9845 دقيقه
بشير عزومات عرس 7 دقايق
حنيس حردانين 24 دقيقه
تصرفات غير منظوره 5648 دقيقه
احتياطي ميزانيه 15 دقيقه
المجموع 36 ساعه
اليوم 24 ساعه
|
غايتو الضحك شرطني: وحالو دا لسه في حاجات نسيتها يا طارق...(بول وشراب شاي,,,وفتيش كيس صعوط ودرديم سفة او وليع سيجارة ودفرة عربية جار او عربيتك زاتها...وسلام علي ناس في ضل نيمة...
وفتيش الموبايل او شحنو...وتفتيش المفاتيح...وكوية لياقة قميص...وسرقة بخة ريحة من دولاب...
غايتو بالميت كده عايز ليك اربعة ايام قمرية ...امش طالب بيهن ناس الضرائب..
|
Post: #68
Title: Re: الواطه اتأخرت
Author: طارق الأمين
Date: 06-19-2007, 08:21 AM
Parent: #67
يا نزار
درديم سفه
وبخبيخ قميص مكرفس
ورشريش واطات برنده
وحكحيك فلايت ضهر
وطنيش برامج تلفزيونيه
وقشير قصب
دي كلها مذكوره في بند
تصرفات غير منظوره
راجع كشف الميزانيه
|
Post: #69
Title: Re: الواطه اتأخرت
Author: omer osman
Date: 06-19-2007, 08:34 AM
Parent: #1
يا طارق حساباتك دي قبل البكور وإلا بعده.
وبالجنيه القديم وإلا بالدينار وإلا بالجنيه الجديد لانها بتفرق.
وإلا ياخي يمكن دي من معجزات ثورة الانقاذ وكده.
وإلا اقول ليك العجز بتاع ال 12 ساعة ده اسال منو المراجع العام امكن في زول اختلسو.
|
Post: #70
Title: Re: الواطه اتأخرت
Author: طارق الأمين
Date: 06-19-2007, 09:16 AM
Parent: #69
هاشم نوريت
سوما
عمرعثمان
سلامات
يلي كونو لينا وفد
يمشي الصين
يشوف حل لي العجز في ميزانيه الوكت
ويشحدو لينا 150 مليون ساعه
نلحق بيها الزمن
ومافيش حد احسن من حد
|
Post: #71
Title: Re: الواطه اتأخرت
Author: Ahmed Yousif Abu Harira
Date: 06-19-2007, 09:53 AM
Parent: #70
Quote: صحيي الزول من النوم 3 دقايق
دعك عيون عادي 2 دقايق
فتيش سفنجه 4 دقايق
رجيان فضي حمام 12 دقيقه
تمصير معجون اب صفقه 4 دقايق
غرفان بلاعه 13 دقيقه
نفيض النعلين من الغرفان 3,5 دقيقه
نخنيخ ماسوره ْ+ نقيط ساي 5,7 دقيقه
جيبان مويه من جيران عندهم خزان 11 دقيقه
دش عادي + عدم حلاقه 30 ثانيه
فتيش شراب + شم 7 دقايق
مليس جضوم متوسط 4 دقايق
جرجير عناقريب فوق بلاط 5,45 دقيق
مرقان + قفيل ابواب 6 دقايق
زوغان من سيد بقاله 18 دقيقه
نهير كماسره + اوسطوبات 229 دقيقه
نهزير موظفين + وجبات 457 دقيسه
صرصير اجتماعات + بري 567 دقيقه
فواتح + سمايات 876 دقيقه
عنقيد دفع رسوم حكوميه 9845 دقيقه
بشير عزومات عرس 7 دقايق
حنيس حردانين 24 دقيقه
تصرفات غير منظوره 5648 دقيقه |
هههههههههههههههههههههههههههههههه
يعني يا طارق يومك ده مُقضاة غرض مافيهو ؟ زولك يومو كلو يروح في الحواس الخمسة (حكحكه وجرجره ومُصير وشمشمة ومليس جضوم)?
ياخي اضحك الله سنك وينصر دينك بالمرة كده
|
Post: #72
Title: Re: الواطه اتأخرت
Author: شادية الطيب
Date: 06-19-2007, 09:53 AM
Parent: #1
والله يا طارق ميزانية الوقت الفيها عجز دي إلا تتمها بإنك تمشي لبنان أو الشام وتدخل صيوان عزاء وتسال الحاصل ليكم شنو ويقومو يقولو ليك (فلان اعطاك عمره ) وتجيب عمره ده وتضيفه لرصيدك وكان ما كفى تمشي اقرب بنك وقت تطلب سلفية خصما على العمر
|
Post: #73
Title: Re: الواطه اتأخرت
Author: طارق الأمين
Date: 06-19-2007, 10:47 AM
Parent: #72
الاخ ابوحريره
بركه الضحكت
مالم تجده يقع تحت بند
احتياطي ميزانيه
راجع الكشف
مودتي
|
Post: #74
Title: Re: الواطه اتأخرت
Author: طارق الأمين
Date: 06-19-2007, 10:53 AM
Parent: #73
الاخت شاديه
تحياتي
الاعمار بالعملات اللبنانيه
لاتصلح للاضافه حسب فتوي جنبلاط
مودتي
|
Post: #75
Title: Re: الواطه اتأخرت
Author: فاروق حامد محمد
Date: 06-19-2007, 12:32 PM
Parent: #74
هيّ بالله برضه قالت ليك كده ؟؟
تصدق ؟ مش اكتشفت ليك إنها كانت
"بايتة" مع ناس وائل (وكده) !!!!!!!!
بالمناسبة وايل ما قفل الوبايل !!!
هيّّ القفلتو !!!!!!!!!!!!!!!!!!!!
|
Post: #76
Title: Re: الواطه اتأخرت
Author: Amira Elsheikh
Date: 06-19-2007, 01:25 PM
Parent: #75
طارق اللميين
بتتاخر على كيفة ساكنة عذابية ولا شنو..؟؟
وانت امبارح فى الاحتفال ... اتاخرت انت ولا واطتكم....؟
|
Post: #77
Title: Re: الواطه اتأخرت
Author: طارق الأمين
Date: 06-19-2007, 03:13 PM
Parent: #76
اميره الشيخ
سلام والله
بقينا نتاخر انا والواطا
يعني انا بقيت زي الواطا دي
اها كويس كده
|
Post: #78
Title: Re: الواطه اتأخرت
Author: gamal
Date: 06-19-2007, 04:48 PM
Parent: #1
ياطارق
الواطه سخنت
بعدين حررررت
وبردت
انت ماشي وين
ما تبرد الواطه
|
Post: #80
Title: Re: الواطه اتأخرت
Author: طارق الأمين
Date: 06-19-2007, 05:15 PM
Parent: #78
فاروق
وابل قفل موبايل الواطا؟؟؟
مبالغه
وبرضو ياسلمي الشبخ
تقولي علي
شقي ومجنون
|
Post: #81
Title: Re: الواطه اتأخرت
Author: ناصر جبريل
Date: 06-19-2007, 05:16 PM
Parent: #1
الاستاذ طارق
ا
اتأخرت
دي زي .... شديدة شدة الحرامي
علاقة الحرامي بالجمال شنو عليك الله!!!!!!!!
|
Post: #82
Title: Re: الواطه اتأخرت
Author: طارق الأمين
Date: 06-19-2007, 05:19 PM
Parent: #81
ابرد الواطا وين؟؟
كم لوح؟؟
تلاجه ناس منو؟؟
كم قدم؟؟
|
Post: #83
Title: Re: الواطه اتأخرت
Author: طارق الأمين
Date: 06-19-2007, 05:34 PM
Parent: #82
ياناصر
هو الحرامي بلقي وكت وين
ميزانيه تقدبريه نموزجيه لعدد الساعات المطلوبه في اليوم
نوع اليوم عادي
الزول النموزج عزابي
العمر كم وتلتين
صحيي الزول من النوم 3 دقايق
دعك عيون عادي 2 دقايق
فتيش سفنجه 4 دقايق
رجيان فضي حمام 12 دقيقه
تمصير معجون اب صفقه 4 دقايق
غرفان بلاعه 13 دقيقه
نفيض النعلين من الغرفان 3,5 دقيقه
نخنيخ ماسوره ْ+ نقيط ساي 5,7 دقيقه
جيبان مويه من جيران عندهم خزان 11 دقيقه
دش عادي + عدم حلاقه 30 ثانيه
فتيش شراب + شم 7 دقايق
مليس جضوم متوسط 4 دقايق
جرجير عناقريب فوق بلاط 5,45 دقيق
مرقان + قفيل ابواب 6 دقايق
زوغان من سيد بقاله 18 دقيقه
نهير كماسره + اوسطوبات 229 دقيقه
نهزير موظفين + وجبات 457 دقيسه
صرصير اجتماعات + بري 567 دقيقه
فواتح + سمايات 876 دقيقه
عنقيد دفع رسوم حكوميه 9845 دقيقه
بشير عزومات عرس 7 دقايق
حنيس حردانين 24 دقيقه
تصرفات غير منظوره 5648 دقيقه
احتياطي ميزانيه 15 دقيقه
المجموع 36 ساعه
اليوم 24 ساعه
العجز الكلي 12 ساعه
|
Post: #84
Title: Re: الواطه اتأخرت
Author: somia gassim
Date: 06-19-2007, 07:24 PM
Parent: #83
الدنيا مولعه ??
والواطه مقلوبه كده مالها??
والله انا العيوني زايغه??
وراسي جايط ومشقلبه حالي
هي حالي دي بكون شكلها كيف ??
وبعدين تعال هنا ما وصفت حالك وزمن فتيش الجيوب
لقروش المواصلات وغالبا مافي
وزمن الزوقانات من الكمسارى وكده
|
Post: #85
Title: Re: الواطه اتأخرت
Author: طارق الأمين
Date: 06-20-2007, 01:32 AM
Parent: #84
سميه قسمنا السمحه
ياحليل ايامنا السمحه
العماره الحزينه
شمبات الحنينه
تهاني عبد الله
تماضر حبيب الله
وبص معهدنا
والزمن ارهقنا
|
Post: #86
Title: Re: الواطه اتأخرت
Author: somia gassim
Date: 06-20-2007, 04:08 AM
Parent: #85
العماره الحزينه في الزمن السمح داك كانت حزينه
يا ربي بقى حالها كيف
سلام عبرك لكل هؤلاء وجلود وكديس وكل زول تلقاه اخبارهم مقطوعه من عشر ه سنين
|
Post: #87
Title: Re: الواطه اتأخرت
Author: شادية الطيب
Date: 06-20-2007, 05:36 AM
Parent: #1
طارق
واطاتك صبحت
|
Post: #88
Title: Re: الواطه اتأخرت
Author: طارق الأمين
Date: 06-20-2007, 10:01 AM
Parent: #87
شاديه الهاديه
صباخ السرور
|
Post: #89
Title: Re: الواطه اتأخرت
Author: gamal
Date: 06-20-2007, 10:08 AM
Parent: #1
طروقي
الفرق شنو بين الجابره والواطه
|
Post: #90
Title: Re: الواطه اتأخرت
Author: Abd Alla Elhabib
Date: 06-20-2007, 11:03 AM
Parent: #89
Quote: عبدالله الحبيب
يامروج اشاعاتنجي
اسحن ليك تشطب الاشاعه دي |
ليه بس؟؟..كده بس..كده بس
..طارق يا جميل
ما تنفعل..ده مجرد تحليل
عليك الله... دا زول يشرووهو ؟؟
|
Post: #91
Title: Re: الواطه اتأخرت
Author: almulaomar
Date: 06-20-2007, 05:24 PM
Parent: #1
الواطه حرت لمن يكون موسم الصيف
الواطه بردت لمن يكون موسم الشتاء أو تجيب ليها مطره
الواطه دايره تجغمنا لمن تسخن شديد وخاصة في رمضان الواحد يفتش للنفس ما يلقاهو والشمس تمشي خطوه إتنين مستحيل
الواطه بتلف عشان تعدل أو تخرب المزاج
|
Post: #92
Title: Re: الواطه اتأخرت
Author: طارق الأمين
Date: 06-20-2007, 05:34 PM
Parent: #91
يعني مفروض
الواطا في الصبف تبرد
عشان تخفف السخانه
وفي الشتاء تسخن
عشان تخفف البرد
لكن تقول شنو
معاكسه بس
زي الشاي والحاجه اليارده
تنسي الشاي في الطربيزه يبرد
تنسي البيبسي يسخن
مش عكاس؟؟؟؟؟؟؟؟؟؟؟؟؟؟؟؟؟؟؟؟
|
Post: #93
Title: Re: الواطه اتأخرت
Author: طارق الأمين
Date: 06-21-2007, 09:36 AM
Parent: #92
وحزم الدعم الثقيله
هل المعني
تقيله لمن مافي زول بقدر يرفعا من الواطا؟؟
ولي تقيله يعني ماخفيفه ولقيفه وبتجينا وكت ما تفضي لينا
وتتأخر لينا علي كيفا زيها زي الواطا؟؟
ولي المقصود انها ثقيله جنس ثقاله يعني دمها بارد؟؟
|
Post: #94
Title: Re: الواطه اتأخرت
Author: خالد محمد سليمان
Date: 06-21-2007, 10:04 AM
Parent: #1
و الله يا طارق الحزم الثقيلة دى الا ناس السياسة
يقعدوا ليها فى ا
ساعتها برفعوها
و صدقنى اى حاجه يقعدوا ليها فى ا
بتمشى
ما هو ختينا الكورة واطة مشينا غانا
محبتى
|
Post: #95
Title: Re: الواطه اتأخرت
Author: طارق الأمين
Date: 06-21-2007, 02:29 PM
Parent: #94
اهلا خالد وكل المتداخلين
المداخله دي عشان نجرب بيها الصوره الجديده
وكده
|
Post: #96
Title: Re: الواطه اتأخرت
Author: Muna Khugali
Date: 06-21-2007, 02:59 PM
الوا طه اريتها طايري
واجع قلبك فوق شنو!
انأخرت يبقي طشت..والله بس ريحك منها!
|
Post: #97
Title: Re: الواطه اتأخرت
Author: elsawi
Date: 06-21-2007, 03:07 PM
طارق الشعيرات مبروكات .. اول مرة اشوف شعر بقوم في فد يوم!!!
عندي ليك سؤآل صغيروني كده بمناسبة الواطـه الجننتها جن دي ..
طبعا سمعت العبارة البتقول "شافع ما قام من قعر الواطـه"، اها سؤآلي الواطـة دي قعرها وين؟ وهل ليه اي علاقة بي انها بتتأخر وكده؟
الصاوي
|
Post: #98
Title: Re: الواطه اتأخرت
Author: طارق الأمين
Date: 06-21-2007, 04:11 PM
Parent: #97
[QUOT
E]طارق الشعيرات مبروكات .. اول مرة اشوف شعر بقوم في فد يوم!!! |
الصاوي ازيك ياخي
مشتاقين
انت ماحضرت لمن يوم الناس فجأه
جوالخرطوم شارع النيل الصباح بدري
اها لقو ليك شارع النيل كلوبقي
فيهونخلات طوااااااال
فجأه كده
سألناقالو في واحد اسموحاج بشير
بجيبن جاهزات وطوااال كدي بس ويغزوهن
وانت مستكتر علي الشعيرات الفجأه؟؟
واحد صاحبنا يا الصاوي
علق علي زول قال كيف زوجته صغيره كده
واولادا كبار كده
رد ليهو صاحبوالتاني
قاليهو لالالالا
ديل ما اولادا
ديل اولاد المرا القديمه الاولي
لكن جابوهم كبار كدي وختوهم مع المرا الجديده
زي تمر ناس حاج بشير دا
باقي الاسئله برجعليك فيها
لكن
بعدالفاصل
|