يا بدر الدين شنا الامضاء شنو؟؟؟

من فتره افكر واجرب واقراء واتابع اجمل ما يزيل الناس به
مواضيعهم او مداخلاتهم
ومن خلالها تجد نفسك تدخل منافذ خاصه تعطيك الى حد ما
انطباع عن هذا الشخص او ذاك
خصوصا ان كنت لا تعرف عنه شيئا من قبل
وكذلك نتعلم منها ما لم نكن نعلم ونعرف؟
منذ ايام مضت سافرت سفريه داخل الجغرافيا التى اتواجد فيها المسافه زادت على الالف كيلو غالبنى النعاس نمت؟
اها جيتك وقلبت السيره لى ونسه؟
حلمت والنقاش كان فى بيت بانت بتاع العزابه بيت الاصدقاء قبل ان يرحلوا ويسكنه الحبيب مصطفى احمد الخليفه
لميت فينى يا بدر الدين جنس غلات. ()غلاط؟
ياخى الامضاء بتاعك ده فى سودانيز اون لاين غيرو؟
قلت ليك الامضاء ده حقنا وانا من الورثه؟
كان حول بتريد اللطام واسد الخشش هزام هزيت
البلد من اليمن لى الشام
وسيفك لى الفقر قلام
وتداخل بيننا نفر من الاخوه حول فلسفة الامضاء
واهميته وضرورته
وهل ممكن اكون دورى؟ بمعنى مرحلى؟
ظرفى؟ حالى ؟
ام هو دائم وبالتالى يعبر عن الافكار وما انت مؤمن به
كانت خلاصة كلامك انو ممكن يكون مودى؟
هنا صحوت من غفوه السير بالعربه ووجدت نفسى والسائق الذى يقودنا
فى احدى الانفاق القديمه وهى مليئه بالتاريخ والشواهد
واسررتها فى نفسى وقلت عند عودتى فلتنكن تحيتى لك هذا
السؤال كيف تعتقد يكون الامضاء
هل من جميل الشعر والقول
ام من الماثور من الاقوال الخالده
ام من ماذا
لك الود والمحبه
ولاهل البورد كل الود
انور عبد الرحمن

بسم الله الرحمن الرحيم

المرهف الشفيف الكثيف/ أنور ود المهل
ود بتول الغناي
سلام وإحترام وشوق وشكر

أخي سعدت كثيراً بهدهد حروفك وسعدت أكثر وأنت تذكرني في منامك وفي رحلك وترحالك يا راقي

طبعاً مضمون الأمضاء هو عبارة عن الفكرة التي تؤرقك وتشرفك وتزين لوحك وترسم شئ تقريبي لقناعاتك وهمومك

أما توقيعي أنا الخاص في سودانيز أون لاين فهو

صاح البندق .. سكت الفندق
وهو مأخوذ من قصيدة كتبتها وأعتز بها كثيراً أتمنى أن تجد الوقت لقراتها يا جميل وكل الجميلين لهم التحية

سكت الفندك
****
صاح البندق سكت الفندك
وحاجة السارة شن تفرك؟
عيال سلمان ياكلوا شنو؟
تعال ليهو يا الدودو ؟
الدودو ما بخوف طفل جيعان
ولا النو نا.. بتسكت مصارينو
وحاج سلمان صبح ضايق
متمنطق حزام دينو
يتنفس عبق بارود
يلعن في الأيام السود
وفي الماكلين لحم وشه
وما خلولو حتى خدود
وحالة الضيق00
جبالاً قاعدة فوق راسو
ينوم ويفيق00
وتبكي السارة تتخنق
صغيرها يصيح بدور ينشق
وكم من يوم ينوم بالدق
وبالصرخات يفك الريق
ويوم السوق
شد حماره حاج سلمان
وحاجة السارة واقفه معا
تجيهم شوق بنية الزين
فوق ايديها شايلة جواب
من الناظر 00 إلى سلمان
تحية وشوق00
الوليد مطرود
مصاريف .. أقلام.. أوراق
00أدراج.. أزيار.. تشجير
00ماهية غفير.. وعييييييييك
وبغلةً نائمة في الإبريق
تأكل في كلمة الحق
وبغلةً نائمة في الإبريق
تأكل في كلمة الحق


لك حبي يا جميل