Post: #1
Title: عقد الجلاد فى رمضان؟؟؟
Author: anwar abu gaidaa
Date: 09-21-2006, 01:55 AM
بسم الله الرحمن الرحيم
كل عام وانتم بخبر
وكل عام ونحن بخير
وكل عام وانتو طيبين
وتصوموا وتفطروا على خير
درجت عقد الجلاد على اقامة برنامج سنوى صار تقليدا
حميدا بدا فى العام 1990بفندق الهيلتون الخرطوم
وكان صفويا؟وبمرور الزمن قيمت مجموعة التجارب الرمضانيه
الفندقيه كانت ام التى تقام فى الحدائق والساحات
فراينا ان نكون متاحين لعامة الشعب ودرجنا ان نقيم حفلات اسبوعيه
بحداق عبود ببحرى
هذا العام سوف تغنى الجلاد كل يوم خميس واحد من الاسبوع
ان شاء الله
نتمنى ان نقضى سويا سهرات رمضانيه ممتعه وكل عام وانتم بخير
مع كثير من المفاجااااات؟؟؟؟؟؟؟
انور عبد الرحمن
ابو غيدا
|
Post: #2
Title: Re: عقد الجلاد فى رمضان؟؟؟
Author: Alsa7afa_30
Date: 09-21-2006, 02:18 AM
Parent: #1
|
Post: #3
Title: Re: عقد الجلاد فى رمضان؟؟؟
Author: anwar abu gaidaa
Date: 09-21-2006, 02:44 AM
Parent: #2
تسلم يا صحافه وكل عام وانت بخير
انور عبد الرحمن
|
Post: #4
Title: Re: عقد الجلاد فى رمضان؟؟؟
Author: انعام حيمورة
Date: 09-21-2006, 02:58 AM
Parent: #1
ابو النور
كل عام وانتم بخير تصوموا وتفطروا على خير
كل خميس معاكم
انعام حيمورة
|
Post: #5
Title: Re: عقد الجلاد فى رمضان؟؟؟
Author: خالد عبد الله محمود
Date: 09-21-2006, 03:00 AM
Parent: #4
يا سلام عليكم يا أنور
رائعين من يومكم يا عقد الجلاد
كل عام و أنتو كلكم بخير
خالد
|
Post: #6
Title: Re: عقد الجلاد فى رمضان؟؟؟
Author: anwar abu gaidaa
Date: 09-21-2006, 03:26 AM
Parent: #5
العزيزه انعام كل رمضان وانتى طيبه والله اقدرك عليهو؟؟
وعندك عزوومه ملح منى؟؟
تحباتى لناس البيت وبقالة تانا؟؟
الحبيب خالد لك الود وكل عام وانت بخير
وتبقى لينا وقود وزاداميين
انور عبد الرحمن
|
Post: #7
Title: Re: عقد الجلاد فى رمضان؟؟؟
Author: nazar hussien
Date: 09-21-2006, 04:05 AM
Parent: #6
يا انور ود بتول
ما عندكم حلقة في رمضان في النيل الازرق؟
ياخي عليك الله...كان عندكم...
أولا توروني ليها متين؟
وتانيا تحاولوا بي أي طريقة
تجيبوا سيرة ابراهيم عوض
وتغنوا لينا
ليه بنهرب من مصيرنا...
ويخلو ليك....مقطع
نحن في ماضينا قوة....قوة تتحدي الصعااأاأاأاأآآآآآآب.
مش دي بلاي أحلام مشروعة
وتحياتي لعقد الجلاد فردا فردا بدءا بشمت وانتهاءا بأحدث عضو فيها..
وان غلبك تقول ليهم خلو لي مقطع نحن في ماضينا قوة
أطبع طلبي دا زي طلبات ما يطلبه المندهشون لروعة عقد الجلاد وسلموا النو أمانة
في ذمة جيتارو....السمح داك...
|
Post: #8
Title: Re: عقد الجلاد فى رمضان؟؟؟
Author: anwar abu gaidaa
Date: 09-21-2006, 04:05 AM
Parent: #6
up up up
up
up
up
up
up
|
Post: #9
Title: Re: عقد الجلاد فى رمضان؟؟؟
Author: nazar hussien
Date: 09-21-2006, 05:24 AM
Parent: #8
دا تمرين للصعا Up up Up
Up
يا انور
والله شنو؟
|
Post: #10
Title: Re: عقد الجلاد فى رمضان؟؟؟
Author: ابوبكر الامين يوسف
Date: 09-21-2006, 11:11 AM
Parent: #9
:
:
قالو العلم ممحوق ....
منتظرين...
سيلكم يامطر...
لكم التحية،،،
|
Post: #11
Title: Re: عقد الجلاد فى رمضان؟؟؟
Author: خالد خليل محمد بحر
Date: 09-21-2006, 11:36 AM
Parent: #1
الجميل /انور
نحن من هسى اساسيييييييييين.دايرين لينا حفله فى مسرح امبده
|
Post: #12
Title: Re: عقد الجلاد فى رمضان؟؟؟
Author: ahmed khidir
Date: 09-21-2006, 05:32 PM
Parent: #11
العزيز ابوغيدا والعقد الفريد
كل عام وانتم بخير ومزيدا من الابداع والتواصل ودمتم ذخرا لنا.
احمــد خضــر
|
Post: #13
Title: Re: عقد الجلاد فى رمضان؟؟؟
Author: ابوبكر الامين يوسف
Date: 09-23-2006, 08:40 AM
Parent: #12
|
Post: #14
Title: Re: عقد الجلاد فى رمضان؟؟؟
Author: anwar abu gaidaa
Date: 09-24-2006, 08:14 AM
Parent: #13
الاخوه المتداخلون سوف احضر لكم واحدا واحدا
لكل من مقام موسيقى فيه نرد عليه ونبادله المحبه
اخونا الحبيب نذار حسين سلام اذا مر بالجبال هداها
ايه رايك فى الكلاسيكيه ا لخطابيه؟؟؟سجلنا حلقه للتلفزيون القومى
تبث كل يوم احد اليوم الاستاذ شرحبيل احمد ومن بعد عقد الجلاد والاستاذ حمد الريح والاستاذ محمد وردى
وامانتك لعثمان النو والمصير نحن باقيين عليها عشره
ولك الود
انور عبد الرحمن
|
Post: #15
Title: Re: عقد الجلاد فى رمضان؟؟؟
Author: Elmosley
Date: 09-24-2006, 10:36 AM
Parent: #1
مزيدا من التآلق والنجاح
|
Post: #16
Title: Re: عقد الجلاد فى رمضان؟؟؟
Author: ناذر محمد الخليفة
Date: 09-24-2006, 10:53 AM
Parent: #1
الرائع أنور أبو قايدة
تمنيت لو :
سرعتم في مشروعكم بإقامة مسرح الجلاد
تمنيت لو :
كنت حضورا معكم جميع أيامكم ومهرجاناتكم
تمنيت لو :
نستمع إلى أغاني جديدة في هذا الشهر ..
شنكل :
مذيداً من الإبداع ..
|
Post: #17
Title: Re: عقد الجلاد فى رمضان؟؟؟
Author: anwar abu gaidaa
Date: 10-03-2006, 08:41 AM
Parent: #16
ناذر واستاذ يوسف والحبان بلا فرز كل عام وانتم بخير
لكم الود وانتم خلف الجلاد وقودا ودفعا
وموقفا
انور عبد الرحمن
|
Post: #18
Title: Re: عقد الجلاد فى رمضان؟؟؟
Author: ودالعباسية
Date: 10-03-2006, 02:37 PM
Parent: #17
معاكم من على البعد ،،،،
الصور من اخر حفل كان فى الشهر الفايت فى المسرح القومى ،،
|
Post: #19
Title: Re: عقد الجلاد فى رمضان؟؟؟
Author: anwar abu gaidaa
Date: 10-04-2006, 03:51 AM
Parent: #18
وها نحن يا استاذ يوسف
ويا حبيبنا منذر ويا ود العباسيه
نستشرق بكم افقا اخر ومن بعدها الانسانى تقوم
عقد الجلاد فى خلال عروض رمضان المبارك بالاحتفاء بالمسنين
ويوم المسن العالمى وقد كان هذا الاسبوع المنصرم
وجمعت تبرعات لدعمهم
وهذا الاسبوع لاصحاب الفصائل النادره
وسوف تكون هناك حمله كبرى للتبرع بالدم
وكذلك يوم المشردين وختام هذا البرنامج عافيه دارفور
الذى سوف نرتحل فيه الى اهلنا بدارفور نغنى لهم وبهم ومعهم
ونقضى العيد هنالك والعيد لنا ولسوانا
وسوف تكون معنا فعاليات ثقافيه اخرى مغنيين اخر ومسرح ومسرح طفل
ولكم الود
انور عبد الرحمن
|
Post: #20
Title: Re: عقد الجلاد فى رمضان؟؟؟
Author: anwar abu gaidaa
Date: 10-04-2006, 04:22 AM
Parent: #19
سوف تكون هناك رعايه اعلاميه من جهات عده
وتغطيه صحفيه وسوف نستصحب معنا بجانب الصحفيين والفنيين هناك دعوات قدمت للجمهور للذهاب الى دارفور
|
Post: #21
Title: Re: عقد الجلاد فى رمضان؟؟؟
Author: Abd Alla Elhabib
Date: 10-04-2006, 12:02 PM
Parent: #20
يا سلام عليكم يا أنور...
ربنا يخليكم لى البلد دى ولى ناسا..
مع الأمنيات بالتوفيق.
|
Post: #22
Title: Re: عقد الجلاد فى رمضان؟؟؟
Author: anwar abu gaidaa
Date: 10-04-2006, 12:48 PM
Parent: #21
الحبيب عبد الله الحبيب
لك الود وظللنا نردد مرارا اننا من تيراب الشعب الحر الفعلوا بسر اب لحما مر
ولك الموده وعطر الجلاد
انور ابو غيداء
|
Post: #23
Title: Re: عقد الجلاد فى رمضان؟؟؟
Author: ناذر محمد الخليفة
Date: 10-04-2006, 01:19 PM
Parent: #1
انور سلامات ..
بكرة معاكم في عبود بإذن الله ..
|
Post: #24
Title: Re: عقد الجلاد فى رمضان؟؟؟
Author: anwar abu gaidaa
Date: 10-04-2006, 01:26 PM
Parent: #23
نحن فى رجاك يا ود الخليفه
وان شاء الله حلم مسرح الجلاد اتحقق ببركة رمضان اميين
ليك الود انور ابو غيداء
|
Post: #25
Title: Re: عقد الجلاد فى رمضان؟؟؟
Author: تراث
Date: 10-04-2006, 07:57 PM
Parent: #24
عقد الجلاد وجمهورهااحسن حاجة في السودان.(بعد أهلي)
دمتم لنا.
|
Post: #26
Title: Re: عقد الجلاد فى رمضان؟؟؟
Author: anwar abu gaidaa
Date: 10-05-2006, 08:39 AM
Parent: #25
عثمان تراث
رمضان كريم وكيف حالك
والله ليك وحشه
وانت كمان زوول جمييل عدييل كده
تحياتنا للاسره وامانى والبنيات
ولك الود انور عبد الرحمن ابو غيداء
|
Post: #27
Title: Re: عقد الجلاد فى رمضان؟؟؟
Author: خالد تاج السر
Date: 10-05-2006, 09:00 AM
Parent: #1
عقد الجلاد
هل تصدقون انتم اصبحتم الحقيقة الوحيدة الجميلة قي
بلدي الان
دوما مبدعون
دوما رائعون
|
Post: #28
Title: Re: عقد الجلاد فى رمضان؟؟؟
Author: عصام عبد الحفيظ
Date: 10-05-2006, 11:36 AM
Parent: #27
مســــــــــــــــاء اليوم .. حدائق عبود
|
Post: #29
Title: Re: عقد الجلاد فى رمضان؟؟؟
Author: soma
Date: 10-05-2006, 04:24 PM
Parent: #28
انور.. ود امى بتول الغناى
الشوق محنه يابا..
من اجمل الليالى القضيتها فى اجازتى سهرتكم الرائعه بروعتكم
واجمل هديه كانت شوفتك يابا ..
اتمنيت نلتقى تانى لكن الجرى وانت براك عارف البلدوجريها
الجايات اكتر ان شاء الله
تحياتى للكوكبه الرائعه المعاك ..
وانتو اصلكم مبدعين وحاتفضلوا كده باذن الله
لكم الود جداول
وربنا يوفقكم ويغطيكم
كل عام وانتم بخير ورمضان كريم عليكم
|
Post: #30
Title: Re: عقد الجلاد فى رمضان؟؟؟
Author: عصام عبد الحفيظ
Date: 10-05-2006, 06:59 PM
Parent: #29
ســـــــــــــــــلامتك يا منعم ...
جمهورك يدعو لك بطول سلامة وعافية
|
Post: #31
Title: Re: عقد الجلاد فى رمضان؟؟؟
Author: anwar abu gaidaa
Date: 10-09-2006, 06:07 AM
Parent: #30
تاج السر ليك جميل الموده والحب
عصام جنك تعمل دعايات اها منعم من عدم الاكسجين جره شفاط؟؟
بت الجنيد حمدا لله على سلامتك الوصلتى اهلك طيبه
وانا كنت اسعد النس بك ولكن الله غالب
وان شاء الله انا وام غيداء نزوركم قريبا
وراجع تانى للاحبه
|
Post: #32
Title: Re: عقد الجلاد فى رمضان؟؟؟
Author: سمرية
Date: 10-09-2006, 06:51 AM
Parent: #1
سلامات ابو غيداء !!
والله مشتاقييين ليكم .. ولبقية العقد !!
الخميس الجاي معاكم .. معاكم !!
عاوزة اسمع المسدار .. واهديهو لبت خيري !!
|
Post: #33
Title: Re: عقد الجلاد فى رمضان؟؟؟
Author: anwar abu gaidaa
Date: 10-09-2006, 07:07 AM
Parent: #32
اساسيه ومرحبتين حبابك
اظن غنينا المسدار ده قبل عرضين
لكن لا مانع
واهدى زى ما انتى عاوزه
ولكم الود والمحبه
انور عبد الرحمن ابو غيداء
|
Post: #34
Title: Re: عقد الجلاد فى رمضان؟؟؟
Author: إسماعيل وراق
Date: 10-09-2006, 07:09 AM
Parent: #32
الحبيب أنور
لكم التحية
نحن نعشق عقد الجلاد منذ أن كان فكرة إلى أن رأت النور
.
.
مزيد من التقدم ونحن من على البعد نتابعكم وبالأمس أستمتعنا بسهرتكم الرائعة في التلفزيون (القومي).
|
Post: #35
Title: Re: عقد الجلاد فى رمضان؟؟؟
Author: عصام عبد الحفيظ
Date: 10-09-2006, 08:45 AM
Parent: #34
| Quote: عاوزة اسمع المسدار .. واهديهو لبت خيري !! |
وانا كمــــــــــــــــــان بهديهو لعبير بت خيرى
|
Post: #36
Title: Re: عقد الجلاد فى رمضان؟؟؟
Author: عصام عبد الحفيظ
Date: 10-09-2006, 08:45 AM
Parent: #34
| Quote: عاوزة اسمع المسدار .. واهديهو لبت خيري !! |
وانا كمــــــــــــــــــان بهديهو لعبير بت خيرى
|
Post: #37
Title: Re: عقد الجلاد فى رمضان؟؟؟
Author: anwar abu gaidaa
Date: 10-10-2006, 05:31 AM
Parent: #36
الحبيب اسماعيل وراق
كم انا سعيد بطلتك فى بوستنا المتواضع لك الود وكثيف المحبه
وشكرا ونلتقى
ويا عصام عبد الحفيظ انا برضو بهديها الى اهلى بالجزيره
والى زوجتى وابنى بالمملكه الهولنديه
والى عصام عبد الحفيظ شمال ميدان عبد المنعم
والى خدر وخطاب بامستلفيين
وبراكه وشمت بمناسبة الخطوبه
والله المستعان وهو على كل شىء قدير
|
Post: #38
Title: Re: عقد الجلاد فى رمضان؟؟؟
Author: anwar abu gaidaa
Date: 10-10-2006, 06:49 AM
Parent: #37
عندى كلمه عاوز اقولها
لكن خلونى امشى واجى احكى ليكم
عن طلبات الجمهور للذهاب الى دارفور
|
Post: #58
Title: Re: عقد الجلاد فى رمضان؟؟؟
Author: عبير خيرى
Date: 10-17-2006, 06:27 AM
Parent: #32
.
يا أنور إزيك ، وعقد الجلاد
ودقيقة بالله خليني أرد على الإتنين ديل
سمرية :
| Quote: الخميس الجاي معاكم .. معاكم !! |
يا حاجة آمنة إنتي ياتو يوم ما كنتي معاهم
الله يعين ناس بيتكم
| Quote: عاوزة اسمع المسدار .. واهديهو لبت خيري !! |
وليييييييييييه المسدار بالذاااااااات
يا أنور المفروض تسألها السؤال ده
إنتي كان فالحة ردي يا سمورة
مشتاقين والله .
ـــــــــــــــــــــــــــــــــــــــــــ
Quote: Quote: عاوزة اسمع المسدار .. واهديهو لبت خيري !!
وانا كمــــــــــــــــــان بهديهو لعبير بت خيرى |
عصام ؟
إنت بتهبش مالك
ما قلنا الدنيا صيام
|
Post: #39
Title: Re: عقد الجلاد فى رمضان؟؟؟
Author: سمرية
Date: 10-10-2006, 06:54 AM
Parent: #1
| Quote: وبراكه وشمت بمناسبة الخطوبه !! |
براكة خطب ؟؟
الف مبروك والله
ومبروك لشمت برضو .. وقول ليهو البركة في براكة !!
بالمناسبة يا انور اعجبتني جدا فكرة الاهتمام بالمسنين كشعار لحفلاتكم الخيرية هذا الرمضان وايضا الاطفال مجهولي الهوية واطفال دارفور .. وربنا يجعل كل احلامكم حقيقة !!
تحياتي !!
هبة
|
Post: #40
Title: Re: عقد الجلاد فى رمضان؟؟؟
Author: Tumadir
Date: 10-10-2006, 07:32 AM
Parent: #39
يازول هوى غنوا ساى ..بنحبكم بنحبكم
من زمن الجهل ..وزمن المعهد وعثمان النو والفاتح حسين ومجاهد وشمت ومنال وامال النور وعوض الله وحوار منصورى وانت ماشى ..لحدى شهاب شرحبيل ..
بنحبكم ونتباهى بيكم ونطمئن لى اداءكم وغناكم المدروس الغاتس لى كوعو فى ملاح القبيلة والتراث والمارق بسدرو لى المستقبل الاخضر
غناكم البتتعبوا فيهو وتعبوهو من الماضى وترصوهو فى الحاضر وتباشروا بيه المستقبل ده نحن بنحبو ..وبنحبكم
غنوا ساى يا أنور ود بتول القومة ليكم ..
وحسة سويتو فيها عمل عام ومناصرة للضعاف ابشروا بالخير ..مالينا غيركم ..غنوا ساى !!!
|
Post: #41
Title: Re: عقد الجلاد فى رمضان؟؟؟
Author: anwar abu gaidaa
Date: 10-11-2006, 06:37 AM
Parent: #40
بت القبايل
تماضر بت شيخ الدين يا هو جنس كلامك ده المخلينا مغتسيين راسنا فى حشى الشعب السمح
وجينا نخت ايدينا الخدره فوقك يا ارض
الطيبين
عارفه تذكرت السديم
وسطوح عمارة الدراما فى ش 57
وحاتم محمد صالح
والكفنجيه
وكانت ايام لها قضيه
ده مناخ كان جد صحى
جدير ان نكون نحن على شاكلتكم
فى الفكر والفهم والتقاء القضيه
وحب الانسان
شن طعمنا يا تماضر اكان خيرنا بقى لى غيرنا ؟
وبقينا زى ضل الدليب التحتنا فى شمسو
والبعيد لاحقه الضل؟؟
قلادة لنا هذه الشهاده من من فنان
وقلادة لنا ان تكونى انت واحده من الذين يدعمون فكرة عقد الجلاد
وواحد من معيناتها الفكريه ولكى كثيف الموده
وعارم الحب
انور ودبتول الغناى
ابو غيداء
|
Post: #42
Title: Re: عقد الجلاد فى رمضان؟؟؟
Author: anwar abu gaidaa
Date: 10-12-2006, 06:32 AM
Parent: #41
وانا جاى من البيت
والدنيا غيم وقربنا ننسى انو نحن صايمين قلت كدى افقد البوست ده؟
ونديهو لكزه اكان احبابنا ديل يرضوا مننا
ولكم الود
انور عبد الرحمن
|
Post: #43
Title: Re: عقد الجلاد فى رمضان؟؟؟
Author: saif basheer
Date: 10-12-2006, 07:31 AM
Parent: #42
انور تحياتي:
تمكنت - بالصدفة - من مشاهدة حلقة "ليالي النغم" قبل 3 أو 4 يوم التي بثها التلفزيون السوداني (لا اشاهده لفترة طويلة)... وكنتم قمة في الروعة... "واتاكدت من انو النو ما بغني احسن مني"...
وتحياتي عبرك للاصدقاء عثمان وشريف وشمت، وبقية العقد الفريد
سيف بشير (عاشق ومتابع مُعمِّر لعقد الجلاد)
|
Post: #44
Title: Re: عقد الجلاد فى رمضان؟؟؟
Author: رشا سالم
Date: 10-12-2006, 07:51 AM
Parent: #42
الجميل ابو غيداء..
لسه بتذكر ..نهاية التمانينات..وانا بت صغيرة..
عرس في حلتنا..وابيت امشي لاني نعسانه
فجأة صحيت علي صوت عجيب.. بيغني ( بريدك يا حبيبي بريدك..
بريدك زي مابتريدني بريدك)
انا ماعارفة عشان الدنيا كانت ليل وهاديء..
ولا عشان انا كنت صغيرة ورومانسية...
ولا عشان صوتك ..
لكن ده كان اجمل صوت انا اسمعه في حياتي..
سلامي واحترامي لكل اعضاء فرقة عقدالجلاد القدام والجداد..
|
Post: #45
Title: Re: عقد الجلاد فى رمضان؟؟؟
Author: ناذر محمد الخليفة
Date: 10-12-2006, 08:24 AM
Parent: #1
أنور سلامات ...
بعدين معاكم إنشاء الله ..
|
Post: #46
Title: Re: عقد الجلاد فى رمضان؟؟؟
Author: معتصم دفع الله
Date: 10-13-2006, 07:27 AM
Parent: #1
كيفك يا أنور ..
رمضان كريم وكل سنة وأنت طيب ..
كان اللقاء بينا سريعاً في مسرح النيل أيام ليالي الخرطوم ..
على أمل لقاء ثاني على الوعد القريب ..
عقد الجلاد ..
هذه الفرقة الماسية ..
والتي إستطاعت بجهد أبنائها أن تقف في هذه المكانة الكبيرة في قلوب محبيها ..
شكراً لكل الكوكبة الرائعة التي أهدتنا روائع الفن والطرب الأصيل ..
ويا أنور دي آخر حفلة ليكم في التلفزيون بثت قبل كم يوم ..
حضرتها وإستمتعت بيها وطربت وحفظتها عندي في الجراب ..
|
Post: #47
Title: Re: عقد الجلاد فى رمضان؟؟؟
Author: anwar abu gaidaa
Date: 10-14-2006, 06:23 AM
Parent: #46
الاحباب سيف بشير
يا عاشق ليك من شوقنا كل الشوق
ويا رشا سالم شكيتك على الله كبرتينا
وجبتى لينا الهواء هسى ناس البو رد ديل يقولو انا بتاع عدادات وتسلمى
وليك الموده
يا ناذر انت اساسى
لكن ما بتظهر مالك؟؟
شكرا يا معتصم واذكر ذلك اللقاء
وشكرا على انزال السهره
وان شاء اله قدر ذوقك
هذا مع تحياتى
انور عبد الرحمن
|
Post: #49
Title: Re: عقد الجلاد فى رمضان؟؟؟
Author: nazar hussien
Date: 10-14-2006, 06:41 AM
Parent: #47
سهرة النيل الازرق متين يا انور ؟
لابد ان تكون عندكم سهرة.....ما بين رمضان والعيد...
وانا أنتظر ليه بتهرب من مصيرنا...
|
Post: #48
Title: Re: عقد الجلاد فى رمضان؟؟؟
Author: عاصم ابوبكر حامد
Date: 10-14-2006, 06:37 AM
Parent: #1
الاخ انور
لك التحية
اشكركم جميعا فرقة العقد على الابداع الذى ترسموه على الوجه
وكنت يوم الاحد والخميس ضمن الحضور فكان احتفال فى غاية الروعة والابداع
واغنيتك للمشردين التى ان فردت بها هى البلسم الرائع فى ذلك الحفل
تشكر اخى
|
Post: #50
Title: Re: عقد الجلاد فى رمضان؟؟؟
Author: انعام حيمورة
Date: 10-14-2006, 07:15 AM
Parent: #1
عقد الجلاد ...
منذ ظهورها كنا متابعين لها باهتمام شديد جدا وبحكم العلاقة الاخوية التي تربطنا بكل المجموعة
من (عوض الله انشاء الله تتعلي ما تتدلى ) هذه مقولة الحاجة عندما كانوا طلبة في ذلك الوقت وشبت
نار عالية قدام البيت وهجموا هجمة رجل واحد لطفيها وبالفعل في دقائق كان ذلك (اتذكر هذا
الحادث يأأنور) ..
والحكم الثاني علاقة خالي عاصم الخليفة بعقد الجلاد وتقديهما في التلفزيون لاول مرة وكان في كل مرة نتلاقى يتكلم عنهم ...
وكنا نمشي الحفلة بي حافلة 30 راكب لازم .. ولا شنو ؟؟؟
ما حصل مشيت حفلة لعقد الجلاد الا وكان لها وقع خاص داخل نفسي ...
حتى يوم الخميس ..
كان طعمه جميل جدا جدا خاصة بأغاني زمان ...
كان يوم في قمة الروعة
شكرا عقد الجلاد ..
شكرا انور
|
Post: #51
Title: Re: عقد الجلاد فى رمضان؟؟؟
Author: anwar abu gaidaa
Date: 10-14-2006, 07:50 AM
Parent: #50
تسلم يا نزار وبثت لنا سهره فى التلفزيون القومى الاسبوع المنصرم
لكن لسه مسالة النيل الازرق دى
تسلم يا عاصم وكتر خيرك على حضورك وان شاء الله نبقى قدر ذوقك
ويا انعام حيموره
انه الزمان الاسيف الذى جعلنا نجتر ذكريات الزمن الجميل
لقد كان جوارا
واخوة
واسرة من علاء وعماد
وخالكم الجميل دكتور عاصم الخليفه
لم تكن نحس اننا فى داخلية طلاب
كنا معكم دوما فى المنزل
وكذلك كان يفعلها علاء يقفل مننا الداخليه
وليكم الود
انور ود بتول
|
Post: #52
Title: Re: عقد الجلاد فى رمضان؟؟؟
Author: anwar abu gaidaa
Date: 10-15-2006, 08:15 AM
Parent: #51
فاصل ونواصل
|
Post: #53
Title: Re: عقد الجلاد فى رمضان؟؟؟
Author: جمال سعيد
Date: 10-15-2006, 08:44 AM
Parent: #52
انور تحياتى وودى وكل التقدير للعقد
احيكم على التواصل الفريد والابداع..
وارجو ان لا تحرمنا من اخبار العقد الانيق
استاذ منعم يا ريت لو اديتنا فيديو تانى.
جمال سعيد
|
Post: #54
Title: Re: عقد الجلاد فى رمضان؟؟؟
Author: الطيب بشير
Date: 10-15-2006, 08:59 PM
Parent: #1
.
يا سـلااااااام ياخ
ود بتـول one
تحية من ود بتـول two
و الله حلوة الصدفة البيك جمعتنا
و مسكين أنا ..
و الرجعك يرجعنا يا أنور يا حبيب
تحياتي لمحمد شبكة و كل العقد
.
|
Post: #55
Title: Re: عقد الجلاد فى رمضان؟؟؟
Author: saadeldin abdelrahman
Date: 10-15-2006, 09:36 PM
Parent: #1
الله يديكم العافية
و كل سنة و انتو الطيبة.
|
Post: #56
Title: Re: عقد الجلاد فى رمضان؟؟؟
Author: anwar abu gaidaa
Date: 10-16-2006, 04:13 AM
Parent: #55
جاييكم واحد واحد
بس لو سمحتو ادونى فرقه مع ود امى الطيوبه
حليلك وحليل ايامك
عن رجوعك والله الليله قبل بكره
بس لكل اجل كتاب
لكن تعال شوف ليس من
راى كمن سمع
وبعد داك قرر
كل سنه وانت طيب
الحبيب سعد الدين اسعدن ايامك
وكل عام وانت بخير
انور عبد الرحمن على
|
Post: #57
Title: Re: عقد الجلاد فى رمضان؟؟؟
Author: anwar abu gaidaa
Date: 10-17-2006, 05:17 AM
Parent: #56
الى العلى
الى الامام
لكم الود
|
Post: #59
Title: Re: عقد الجلاد فى رمضان؟؟؟
Author: anwar abu gaidaa
Date: 10-18-2006, 08:51 AM
Parent: #57
عبير خيرى
وين يا انسانه؟؟
حلوة دى ؟؟
حاولى جيبى حاجه؟
وعليك الله لمن تردى
ردى لينا فى النهايه؟؟
غدا الخميس اخر عروض المجموععه بالخرطوم
نلتقى وليكم الود
انور عبد الرحمن ابو غيداء
|
Post: #60
Title: Re: عقد الجلاد فى رمضان؟؟؟
Author: Mutwali Malik
Date: 10-18-2006, 09:09 PM
Parent: #59
اخي انور لك تحياتي
نحن معكم بقلوبنا وعقولنا واخي الصادق مزيكا بنفسه وشحمه ولحمه تحياتي للجميع فردا فردا وخاصة الاستاذ شمت محمد نور
والي مزيدا من الابداع
|
Post: #61
Title: Re: عقد الجلاد فى رمضان؟؟؟
Author: anwar abu gaidaa
Date: 10-22-2006, 04:16 AM
Parent: #60
تسلم يا متوكل
وكل سنه وانت طيب
وتحياتك تصل شمت
نحن معسدسن فى الفاشر
نيالا
|
Post: #62
Title: Re: عقد الجلاد فى رمضان؟؟؟
Author: عصام عبد الحفيظ
Date: 10-22-2006, 04:58 AM
Parent: #61
الفاشر قلت يا انور ؟؟؟؟؟؟؟؟؟؟؟؟
|
Post: #63
Title: Re: عقد الجلاد فى رمضان؟؟؟
Author: الطاهر ساتي
Date: 10-22-2006, 06:16 PM
Parent: #1
لصناع ( زمن الحب ) .... !!
** نضع اليوم أمامكم فاصلا انسانيا رائعا أبطاله بعض ابناء بلادي الرائعين ،وهم يؤكدون بان دهاليز مجتمعنا لن تخلو بفضل الله من المصلحين المتصالحين مع ربهم ثم أنفسهم حيث يحملون أوجاع الناس و أحزانهم هما يوميا و قضية ...!!
* ولجت مجموعة عقد الجلاد الغنائية إلى قلوب العامة بهدوء قبل عقدين من الزمان بأشعارها الرائعات و ألحانها الوسيمة و الاداء الانيق ، ميلادها كان مدهشا للجميع و تفردت في صباها و نضجت قبل سن نضوج الآخرين بالكثير ، تحلقت حولها الاسر و حدق في طلعتها الزاهية الشباب ، وحين يصطفون على خشبات المسرح كان الحاضرون يجلسون امامهم في صمت و تأدب و انصات عميق ، رغم انهم كانوا يومئذ في بدايات الرحلة يضعون أقدام و الحان الثبات ، و يسيرون بتروي تتبعهم هموم البسطاء لحنا وآمال الضعفاء كلمة وآلام الزمن تصويرا و تجسيدا في الاداء .. وهكذا الرحلة حين يكون الفن قضية ..!!
* أعضاء عقد الجلاد الأوائل- عثمان النو ، شمت محمد نور ، عمر بانقا ، عوض الله بشير ، حمزة سليمان ، منال بدر الدين ، أنور عبد الرحمن و حواء المنصوري ، شريف شرحبيل و آخرون - جاءوا بنبراس الفكرة وشعلة القضية من بيوت الطين وقرى الغبش و ديار البسطاء ، فصاغوا الفكرة لحنا و موسقوا القضية بأوتار الشجن ثم نسجوها بما جادت به قريحة الشعر الرصين ، فامتلكوا ، ولايزالوا - على مر الاجيال - نواصي المشاعر بالغناء للسودان ( شين و دشن ) ، للحرية ( نعمة ) ، للسلام ( الناس في بلدي يصنعون الحب ) ، للصبر ( حاجة آمنة ) ، للصلف المريكي ( مسدار ابو السرة لليانكي ) ، للاطفال ( تبتبا ) و للفقراء و البسطاء و احزانهم ( الاهلية كملت ) و( بطن الحوت )،ولهم في مواساة الألم و ترقب الأمل سيل من الحرف النبيل و اللحن الشجي ..!!
* الرائعون أبت سعة أنفسهم أن تكون رسالتهم مقيدة بين الأوتار والمشاعر ، فخرجوا للناس في هذا الشهر الفضيل بحملة ( ايدينا للبلد ) .. وهبوا ريع حفلاتهم ليتامى التاريخ و مسني الزمن المرهق و نازحى الحرب اللعين وفقراء الخصخصة .. يتخذون منذ بدايات الشهر المبارك (( حدائق عبود ) لا مسرحا للحفل فحسب و لكن شمسا يشع منها شعاع الانسانية و التراحم و التآلف نحو فئات المجتمع الضعيفة و المستضعفة (( اليتيم ، المسن ، النازح ، الفقير ) ، و يتواصل مد عطائهم من الخرطوم الى معسكرات دارفور في العيد السعيد تحت شعار ( العيد لنا .. ولسوانا ) .. ووطن فيه أمثال هؤلاء لن يزرف الدمع حينا طويلا ... أحبابي في العقد الفريد ..( ليتنا كنا ألحانا في أوتاركم ) .
.............
الرائع جدا انور
هذا جهد المقل وانتم تقضون عيدكم بدارفور الحبيبة .. لك و للعقد الف تحية و كل الاماني الطيبة .. وعيد سعيد
|
|