غاده نورى اكلت عصيده بى نعيميه والله ؟؟

غاده نورى اكلت عصيده بى نعيميه والله ؟؟


09-17-2007, 10:26 AM


  » http://sudaneseonline.com/cgi-bin/sdb/2bb.cgi?seq=msg&board=365&msg=1192708678&rn=4

Post: #1
Title: غاده نورى اكلت عصيده بى نعيميه والله ؟؟
Author: anwar abu gaidaa
Date: 09-17-2007, 10:26 AM
Parent: #0

وانا اهم بالخروج من المنزل لاداء اولى عروض
الجلاد الرمضانيه رن جرس الهاتف
كانت المتكلمه غاده نورى وصوتها الما بغبانى
هيا بت الناس انشاء الله طيبه
شفقتينا خمسه يوم فى الانعاش الحكايه شنو؟؟
قالت وهى شايله طولت البال من الله؟؟
انها بخير وعافيه ومركبه كبده رجاليه عالية الدسامه؟؟
وهى ما شاء الله تبغرك فى المعنويات ؟؟ وقالت الحاجه عملت ليهم نعيميه وعصيده وهى اكلت تمام
وتبلغ تحياتها لكل من سال عنها ومن لم يسال عنها
وهى تتابع مع الطبيب الاجراء الروتينى وقريبا تعود
اللهم اسبق عليها نعماء شفائك
ولك الحمد فى الاولى والاخره
انور ابو غيداء
Post: #2
Title: Re: غاده نورى اكلت عصيده بى نعيميه والله ؟؟
Author: ملكة سبأ
Date: 09-17-2007, 10:31 AM
Parent: #1

بالهنا والشفا يارب
Post: #3
Title: Re: غاده نورى اكلت عصيده بى نعيميه والله ؟؟
Author: anwar abu gaidaa
Date: 09-17-2007, 10:35 AM
Parent: #2

اميين يا رب
ويا ملكة سبا سلام ورمضان كريم
Post: #4
Title: Re: غاده نورى اكلت عصيده بى نعيميه والله ؟؟
Author: انعام عبد الحفيظ
Date: 09-17-2007, 10:41 AM
Parent: #1

يا سلاااااااااام على الأخبارالحلوة يا أبو غيداء

غادة نوري أو فتاة الأمل ربنا يتمم عافيتها وشفاؤها

ويرجعها سالمة لينا يا رب
Post: #5
Title: Re: غاده نورى اكلت عصيده بى نعيميه والله ؟؟
Author: anwar abu gaidaa
Date: 09-17-2007, 11:32 AM

ازيك يا انعام زمضان كريم
والله ما تتخيلى انا كنت فرحان كيف وحمدت الله كثيرا
وانها فعلا فتاة الامل
واول كرامه عندى فى البيت بعد ما ترجع
وليك الود
Post: #6
Title: Re: غاده نورى اكلت عصيده بى نعيميه والله ؟؟
Author: الفاتح خليل الفكي
Date: 09-17-2007, 11:36 AM
Parent: #5

الأخ / انور ( أبو غيداء )
سلام واحترام ،،،
رمضان كريم عليك وعلى أختنا غادة
نسأل الله ان يكمل لها الشفاء
وان تعود لارض الوطن سالمة
مع تمنياتنا لها بدوام الصحة والعافية
شكراً أخي انور على هذا الخبر الجميل
وتحياتي للإخوة بفرقة عقد الجلاد

أبو كريم
Post: #7
Title: Re: غاده نورى اكلت عصيده بى نعيميه والله ؟؟
Author: أبو عبيدة البصاص
Date: 09-17-2007, 11:40 AM
Parent: #1

Quote: بالهنا والشفا يارب
Post: #8
Title: Re: غاده نورى اكلت عصيده بى نعيميه والله ؟؟
Author: سمرية
Date: 09-17-2007, 11:40 AM
Parent: #1

انور ازيك وكل سنة وانت طيب ، وليك وحشة والله لو بتصدقني !!

Quote: واول كرامه عندى فى البيت بعد ما ترجع


وانا بعزم الناس ... وغايتو الا تعمل صيوان في الشارع !!

ربنا يرجعها لينا بالسلامة !!
Post: #9
Title: Re: غاده نورى اكلت عصيده بى نعيميه والله ؟؟
Author: انعام عبد الحفيظ
Date: 09-17-2007, 11:45 AM
Parent: #8

Quote: Quote: واول كرامه عندى فى البيت بعد ما ترجع



وانا بعزم الناس ... وغايتو الا تعمل صيوان في الشارع !!


اها يا أنور أول عزومة وعندك

اها الناس البعزمهم منو سمرية ولا انا ؟؟؟

غايتو اليوم داك الا تغني

في الحالتين انا الضائع

ياخي غادة دي بت ما حصلت يا رب تجيبها سالمة
Post: #10
Title: Re: غاده نورى اكلت عصيده بى نعيميه والله ؟؟
Author: انعام حيمورة
Date: 09-17-2007, 11:49 AM
Parent: #1

انور كل سنة وانت طيب يارب .. رمضان كريم .. اهة المرة دي عزومتي وينها ..

الف حمد لله على سلامة غادة وبركة السمعت صوتها .. يا سلام عليها هي ملكة بس والله ..

الكرامة عايزنها حفل في نادي الضباط وانا تذكرجية رايك شنو بس خدر مافي حا نرسل ليه يجي ..

تحياتي للكل خاصة نصر الدين ..
Post: #11
Title: Re: غاده نورى اكلت عصيده بى نعيميه والله ؟؟
Author: ناهد علي
Date: 09-17-2007, 12:10 PM
Parent: #1

ابو غيداء
رمضان كريم
مرحبا بالخبر الطيب في هذا الشهر الطيب
حقيقي ياتي رمضان بالخيرات
وبالهناءماتذوقتي من يد والدتك
Post: #12
Title: Re: غاده نورى اكلت عصيده بى نعيميه والله ؟؟
Author: anwar abu gaidaa
Date: 09-17-2007, 12:47 PM
Parent: #11

الاحباب الفاتح خليل وابوعبيده البصاص
لكم الود والله يكتب لكم فى ميزان حسناتكم
هذا الود وهذا الاهتمام
اها جيتكن يا حريم ناهد على وانعام حيموره وبت عبد الحقيظ وسمريه
وسمريه دى طبعا اسمها السر دوليب
عارفيين ليه لانه كتب ما بصدقكم؟والله كم انا سعيد بكم وبغاده
هذه الجميله
انا صاح اول كرامه عندى لكن شايفكن اتبنيتن الموضوع شديد
اها اول حاجه اذا فيكن واحده ما بتعرف كمونيه تتخارج لينا من هسى
وبعدين فى ناس عاوزيين كرامه بى تذاكر؟؟ والله ناس الصحافه دييييل؟
ربنا يرجعا لينا بالسلامه وقسما على شرفها انتم ومن تحبون ضيوفا على واسرتى وغيدا ء
ولكم كثيف المحبه
انور عبد الرحمن
Post: #13
Title: Re: غاده نورى اكلت عصيده بى نعيميه والله ؟؟
Author: حمزاوي
Date: 09-17-2007, 12:50 PM
Parent: #1


بالهنا والشفا
ومحل ما تسري تمري
Post: #14
Title: Re: غاده نورى اكلت عصيده بى نعيميه والله ؟؟
Author: adel alsaed
Date: 09-17-2007, 01:02 PM
Parent: #1

الصديق الحبيب ابوغيداء انور عبدالرحمن المهل

رمضان كريم والف حمد لله على تماثل غادة نورى للشفاء 0

وينك ياراجل والله مشتاقين 0

عادل السعيد
Post: #15
Title: Re: غاده نورى اكلت عصيده بى نعيميه والله ؟؟
Author: عبدالكريم الامين احمد
Date: 09-17-2007, 01:08 PM
Parent: #14

شكرا للرب مالك السماوات والارض
فهو الشافي وواهب الحياة..
شكرا لهذا الخبر الحميم الذي يسرب رعشة في الوجدان فرحا علي صحة اختنا الغالية غادة نوري
التي حملناها في قلوبنا ولا تزال
الف شكر علي هذا الخبر المفرح حقا
Post: #16
Title: Re: غاده نورى اكلت عصيده بى نعيميه والله ؟؟
Author: anwar abu gaidaa
Date: 09-17-2007, 03:06 PM
Parent: #15

الاحباب الكرام حمزاوى وعبد الكريم الامين يقبل دعاكم الله لى حبيبتنا غاده
وليكم الود
ولو ما كنت من ناس ديل وااسفاى
ويا عادل ود السعيد مبرووك الهجره التانيه؟؟؟
والله ده كلام غريب يعنى نشوفك تانى متين ؟؟ظ
ان شاء الله امورك تمشى كويس ونسمع منك وعنك ما يفرحنا
وليك الود
انور عبدالرحمن على المهل
Post: #17
Title: Re: غاده نورى اكلت عصيده بى نعيميه والله ؟؟
Author: Raja
Date: 09-17-2007, 03:34 PM
Parent: #16

بالهنا والشفا يا غادة..

أنور يا عزيز..
سلامات ورمضانك كريم..

طبعا أول يوم لما زرتها في البيت هي الجابت لي العصير، وكانت واقفة مع أمها في رمي اللقيمات وغرف البليلة..

بركة الغادة بقت شديدة..
Post: #18
Title: Re: غاده نورى اكلت عصيده بى نعيميه والله ؟؟
Author: سمندلاوى
Date: 09-17-2007, 05:09 PM
Parent: #1

Salaam Anwar
Ramadan Kareem
That was happy news

greetings from me to all of U
My greetings to Othman El-nou and al3ris
Shammat

see you!
Post: #19
Title: Re: غاده نورى اكلت عصيده بى نعيميه والله ؟؟
Author: Azhari Nurelhuda
Date: 09-17-2007, 05:46 PM
Parent: #1

ود البتول الظريف
إت آآ خوي خشمك ده.... دايما بزرع الفرح
و الله جيدا الطابت البنية دي
و الله عليها جنس طيبة.... إنشاء الله تسلمه من كل أذى و بلاء
و الله شفقنا عليها شديد خلاص....
علا الحمد و الشكر لله
وكت نفيسته دخلت في النعيمية دي
المعنى يعني البنية طابت و إتعافت خلاس آآ زول
و إنشاء الله مسرح ما تسري تمري
و صحة و عافية تب
Post: #20
Title: Re: غاده نورى اكلت عصيده بى نعيميه والله ؟؟
Author: jini
Date: 09-17-2007, 07:23 PM
Parent: #19

Quote: وهى تتابع مع الطبيب الاجراء الروتينى وقريبا تعود
اللهم اسبق عليها نعماء شفائك
ولك الحمد فى الاولى والاخره

خشمك فوقو العسل يا انور
مديد العمر وموفور الصحة لغادة باذن واحد أحد
جنى
Post: #21
Title: Re: غاده نورى اكلت عصيده بى نعيميه والله ؟؟
Author: doma
Date: 09-18-2007, 00:52 AM
Parent: #20

حمدا لله علي سلامتها
وربنا يتم نعمه عليها .
Post: #22
Title: Re: غاده نورى اكلت عصيده بى نعيميه والله ؟؟
Author: خطاب حسن احمد
Date: 09-18-2007, 01:26 AM
Parent: #21

..
..
. اولا حمدا لله على السللامه
. للاخت غاده
. تانى رمضان كريم
. تالت ورابع و.. مشتاقييين
. اخر حاجه
. بالله ابو غيداء دا... انت!!
..
..
Post: #23
Title: Re: غاده نورى اكلت عصيده بى نعيميه والله ؟؟
Author: سلمى الشيخ سلامة
Date: 09-18-2007, 01:40 AM
Parent: #22

الفنان المشتهر انور
كل لحظة وغادة بكل خير
كل ثانية وهى متعافية وفى اكمل صحة
وترجع سالمة
وتفرح الناس برجوعا
بلغها تحايانا وحبنا وامنياتنا
Post: #24
Title: Re: غاده نورى اكلت عصيده بى نعيميه والله ؟؟
Author: غادة عبدالعزيز خالد
Date: 09-18-2007, 02:24 AM
Parent: #23

الأخ العزيز
أنور

كم لهو جميل هذا الخبر
شفا الله غادة وعافاها
وأسمعنا عنها كل خير
تحياتي لك يا أنور ولعقد الجلاد كذلك موصولة

ودي
غادة
Post: #25
Title: Re: غاده نورى اكلت عصيده بى نعيميه والله ؟؟
Author: Abd Alla Elhabib
Date: 09-18-2007, 02:59 AM
Parent: #24

Quote: غادة نوري أو فتاة الأمل ربنا يتمم عافيتها
ويرجعها سالمة يا رب
Post: #26
Title: Re: غاده نورى اكلت عصيده بى نعيميه والله ؟؟
Author: walid taha
Date: 09-18-2007, 08:33 AM
Parent: #1

الحمد والشكر لك يا الله
Post: #27
Title: Re: غاده نورى اكلت عصيده بى نعيميه والله ؟؟
Author: سمرية
Date: 09-18-2007, 09:09 AM
Parent: #1


السر دوليب ؟؟

سمح لمن القاك يوم الكرامة ، بوريك انت منو ؟؟


Quote: اها اول حاجه اذا فيكن واحده ما بتعرف كمونيه تتخارج لينا من هسى



انا لو ما كان عندي حساسية وكدا كنت بقول ليك الكمونية علي ، انا غايتو حاجزة (الشطة) !!


وحقيقة الكرامة العندك في البيت دي تستحق التبني يا انور ، لانها حتكون كرامة ما حصلت في تاريخ الكرامات مش المحتفى بها ذاتها زي ما قالت انعام ما حصلت !

سؤال يا انور ... الكرامة دي حتجيب لينا فيها فنان ؟؟
Post: #28
Title: Re: غاده نورى اكلت عصيده بى نعيميه والله ؟؟
Author: نهال الطيب
Date: 09-18-2007, 10:29 AM
Parent: #27

ياسلام على الوردة غادة
وهي بتهدى همبريب الأمل

أنور حمدلله على سلامتها
مودتي
Post: #29
Title: Re: غاده نورى اكلت عصيده بى نعيميه والله ؟؟
Author: anwar abu gaidaa
Date: 09-18-2007, 12:44 PM
Parent: #28

احمدك يا الله الجبتنى سودانى
نهال الطيب كتر خيرك ودى المحريه فيك
سمريه والله لو ما الدنيا رمضان كان الواحد قال كلاما كتر؟؟
انا جايب غنايه؟؟ اها شن قولك مع الكرامه ومداح؟؟ كمان
وليد طه هى اختنا لم تكلفنا سوى الدعاء لها وانها بين تمران افئدتنا تجول
عبد الله الحبيب ليك الود
غاده بت عبد العزيز كيفنك وكيفن عقابك
نفتقدك ولكن عزانا ما تكتبين
توصل تحياتك لافراد الجلاد وكل سنه وانتى طيبه ما جايه تعيدى معانا؟؟
سلمى الشيخ وراما هوى؟؟ ده كلام شنو خمسين وكلامات زى دى
نحن فى عز الشباب وغاده جماعة قلوبنا ليك المحبه
والله يا خطاب اكان شفته على اب راس عامل كيف؟؟
مشتاقيين وانتوا متين تجونا
غاده دى دايره ليها اوبريت ابن كلب؟؟؟؟؟؟؟
دوما ليكم الود يا اصيليين
ازهرى الله افرحك بركة سيدى ومولاى بى بنياتك
عمنك طيب والله مشتهنك ياخى والله بنفكر جاديين انو نجيكم مطلع العام القادم
بت العباسى حليل ايامك وكيف ناس بيتكم ومنو معاكم ومنو ما معاكم
بالله ما شاء الله شفتى البت دى صنديده كيف؟
سمندلاوى يا بكور وين مشتاقيين
تصل تحياتك لى النو والعريس شمت
انور عبد الرحمن على
Post: #30
Title: Re: غاده نورى اكلت عصيده بى نعيميه والله ؟؟
Author: سمرية
Date: 09-18-2007, 01:05 PM
Parent: #29

Quote: سمريه والله لو ما الدنيا رمضان كان الواحد قال كلاما كتر؟؟

انا جايب غنايه؟؟ اها شن قولك مع الكرامه ومداح؟؟ كمان


غناية.. ودي عز الطلب ..!!

حتى اسأل انعام حيمورة زاتها !

ومداح ؟؟

خلاص الغناية لينا ..

والمداح ليكم ... موافقين ؟؟

بمناسبة رمضان انت يا انور صايم ولا زي السنة الفاتت ؟؟
Post: #31
Title: Re: غاده نورى اكلت عصيده بى نعيميه والله ؟؟
Author: anwar abu gaidaa
Date: 09-18-2007, 01:17 PM
Parent: #30

الله ابهتك ؟؟ اكان بدورى تسوى لى سمععه؟؟؟
اها احمدك يا الله اسالك تقدرنى كل سنه اصوم اميين
وتبلغنى التالى اميين
وبعدين معاك والله اجى اشيل لى طياره صغيره افرطقها ليك فى راسك المقودس ده؟؟
وليك الود
Post: #32
Title: Re: غاده نورى اكلت عصيده بى نعيميه والله ؟؟
Author: انعام عبد الحفيظ
Date: 09-18-2007, 01:59 PM
Parent: #30

Quote: خلاص الغناية لينا ..

والمداح ليكم ... موافقين ؟؟


موافقين

غايتو يا أنور جنس ورطة هي !!!!