دينق ما ظاهر لعله خير

الاخ دينق مختفى ان شاء المانع خير ، طمئنا عليك.

فيك الخير يا هجو

بتسأل من اخوك....

ونسأل معك عن يدنق وطمأننونا يا ناس واشنطون على دينق.

تراجي.

نتمني أن يكون دينق بكامل صحته
وأن نسمع كل خير عنه


شكرا هجو

Quote: الاخ دينق مختفى ان شاء المانع خير ، طمئنا عليك.

آخر مره شفته كان قاعد بي عباره مع بريمه محمد آدم في الإندايه الفي الزقاق الورا البورد، وأمبارح وأنا جاي على البورد شفت كومر الكشه داخل على الزقاق والناس يتجاروا جاي وجاي، بس ما ني عارف بعد داك الحصل شنو.. بس سمعت تحت تحت أنه ست البيت الكانوا قاعدين فيه كشوها..

عباري وعبار بريمة محمد أدم.

نسأل الله السلامة..
وبالله طمنونا عليه أول ما تلقوه وكان داير ضمانه ولا حاجة جاهزين.


الشايقي

_______________
فاوضني بـلا زعـل

طمأنونا يا ناس واشنطون على دينق.

تراجي.

الاخ هجو.

يسأل عنك الخير.

أنا موجود بس شوية زحمة في الشغل والسفر


دينق.

اشتقنا الى مناوشتك ومناتحتك المهم انت بخير
يامتمرد

Quote: أنا موجود بس شوية زحمة في الشغل والسفر

هجو ما تسمع كلمة شغل دي الزول ضارباه فلسة شديدة حق العبار ما عنده, كدي ياشيخنا الأقرع دخل يدك في طاقيتك و أجدع.

يا دينق مأجز معانا?

انا مستعد ارسل ليه بيس يكون كوز ، مش حق العبار ، المهم يوافق ، وفوق هذا وذاك اطمئننا عليه.

الاعزاء تراجي وعصام.

شكرا لكم كثيرا.

دينق

Quote: آخر مره شفته كان قاعد بي عباره مع بريمه محمد آدم في الإندايه الفي الزقاق الورا البورد، وأمبارح وأنا جاي على البورد شفت كومر الكشه داخل على الزقاق والناس يتجاروا جاي وجاي، بس ما ني عارف بعد داك الحصل شنو.. بس سمعت تحت تحت أنه ست البيت الكانوا قاعدين فيه كشوها..

الاخ الشايقي سلامات.

غايتوا أنا ما عندي مشكلة في كلامك الفوق ده. لكن شيل شيلتك مع أخونا بريمة.
شكرا لسؤالك عني.

دينق.

دينق يفتح لهجو بيبسي باااارد ..ههه اقصد عبار بااارد .. وسعيد بعودتك

!!!!!!!!!!!!!!

Quote: اشتقنا الى مناوشتك ومناتحتك المهم انت بخير

والله يادينق فقدتك وقربت أرفع بوستي بتاع (لحظة لو سمحت) داك .. !!

شنكل :

كنت خايف إنو البوليس قبضك وإنت ساكي بريمة بالعبار داك

ولكن تبيّن أنهم ما أتوا لرأي ولا لحوار ولا لنقاش بل أتوا لأجندات أخرى
from ustaza lana mahdi

1-التجاهل
2- التجاهل
3- التجاهل

for all posts written by ingaz gang
members in this board
if the ingaz supporters here believe in democracy and debate why they did not condemn the way the corrupt ignacz gang police dealt with those who came out in the demonstrations to say what they belive in
?
did the police debate with them or bombed them and arrested their leaders
?
down down with all ingaz corrupt mafia supporters in this board

for all who are supporting the ingaz gang mafia islamaist theives
dr mustafa mahmoud

Quote: اشتقنا الى مناوشتك ومناتحتك المهم انت بخير يامتمرد

الاقرع.

بالمناسبة. الحاكم الفعلي لدويلة قطر منوا؟
الشيخ حمد ال ثاني ولا الشيخة موزة المسند؟

دينق.

دينق الحاكم الفعلى بفيدك بى شنو انت ما قلت العرب لايعنون لك شيئا ، شاطر 4من 10 والله يا دينق انا شهادتى فى قطر مجروحه بحكم ال25 سنه لم ارى فيها الى كل خير فيها ولد ابنائى وتعلموا بها، لاتظن انك تحرجنى بمثل هذا السؤال ، قطر البلد العربى الوحيدالذى لم يطرد معارضا او مساندا لحكومة الانقاذ، امير قطر الشيخ حمد ال ثانى فى احدى زيارته للسودان زار سودانيا كان يعمل معه فى منزله بالكلاكله، وفاء منه لهذا الشخص الذى عمل معه.

Quote: يا دينق مأجز معانا?

الاخ كوستاوي.

لغاية الان ضمنت السبت والاحد, ومازلت بقاتل من أجل الاثنين.
لكن زي ما عارف شغلنا ده ما فيهوا حاجة مضمونة أبدا.

دينق.

Quote: دينق يفتح لهجو بيبسي باااارد ..ههه اقصد عبار بااارد .. وسعيد بعودتك

الاخ محب.

تفتكر الاقرع ده بعرف العبار؟

دينق.

اذا ما متنا شقنا المقابر ، بعدين انا حمت الجنوب ده كله بس ما وقعت فى ايدى، اسف انت كنت مريح فى العمارات.

Quote: كنت خايف إنو البوليس قبضك وإنت ساكي بريمة بالعبار داك

الاخ نازر.

بريمة من سكتي ليهوا في كركتير أخونا مصدق داك ما ظهر تاني. يا ربي يكون في التخشيبة؟

دينق.

أحمحم، نهاية الأسبوع قربت .. دينق عبارك دا ما يحلى
إلا بذكر أسمى .. شوف ليك زول غيرى .. عبارى وعبارك ما بتلموا ..

بريمة

Quote: بعدين انا حمت الجنوب ده كله

أخونا هجو

يازول انا والله الخرطوم دي ما عديتها لليوم لكن شفت كثرة عبابير

معقولة دي عينك ما وقعت ليها في عبار ولو فاضي


عجبني بوستك الظريف ده

تحياتي لك وللاخ دينق

يا شيخنا سلام منو القال ما شاف ليهو عبار اقراء الموضوع تانى ، دينق شكك فى معرفتتى للعبار انا قلت ليه لو ما متنا شقيناالمقابر ، انا كنت قاصد دينق يقع فى يدى مش العبار. لك شكرى

بريمة محمد أدم.
من أبناء الحوازمة بجنوب كردفان
كوز وامنجي ومقيم في الولايات المتحدة بلجوء سياسي
ذو علاقات قوية مع سفارة النظام في واشنطن
له مهمة واحدة كان بعملها من ايام الجامعة والي اليوم
الظهور بشكل معارضي من اجل بذر الفتنة والمساعدة في التدمير
بالعربي كده شغل مخابرات
كان في اليونان مبعوثا من امن نظام الخرطوم
بدا بالمحايدين واليوم بدارفور وكردفان

Quote: دينق الحاكم الفعلى بفيدك بى شنو انت ما قلت العرب لايعنون لك شيئا ، شاطر 4من 10 والله يا دينق انا شهادتى فى قطر مجروحه بحكم ال25 سنه لم ارى فيها الى كل خير فيها ولد ابنائى وتعلموا بها، لاتظن انك تحرجنى بمثل هذا السؤال ، قطر البلد العربى الوحيدالذى لم يطرد معارضا او مساندا لحكومة الانقاذ، امير قطر الشيخ حمد ال ثانى فى احدى زيارته للسودان زار سودانيا كان يعمل معه فى منزله بالكلاكله، وفاء منه لهذا الشخص الذى عمل معه.

الاقرع.

أنا متين قلت العرب لا يعنون لي شيئ؟
بالمناسبة. يمكنك أن تعتبرني أنني من أكثر السودانين الذين لهم علاقات واسعة مع العرب.
دعني أحكي لك هذا القصة البسيطة قد تنفعك في يوم من أيامك وقد تعرف من هو دينق.
في أحدا المهرجانات العربية بواشنطن, أتصلت بي مديرة الاذاعة العربية أنذاك ولقد كانت تبحث عن فنانين سودانين يمكنهم المشاركة في ذلك الاحتفال.
كل الذي فعلته هو نظمت لها لقاء مع ذلك الفنان بواسطة أحد الاذاعين السودانين بنفس المحطة العربية.
هذا قليل من كثير. وخلي الباقي مستور فقط. يجب أن تعلم أن دينق لا مشكلة له مع العرب أو المسلمين ولكن مشكلتي مع الذين يستغلون العروبة والاسلام لقمع الناس وأستعبادهم.

دينق.

دينق

Quote: يمكنك أن تعتبرني أنني من أكثر السودانين الذين لهم علاقات واسعة مع العرب.

نكلم ناس الجزيرة يستضيفوك في برنامج (أصدقاء العرب)..

الاخ ود عقيد ، فكره جيده ، ممكن الاستاذ، نادوس يساعد فى الامر، مرحب بالاخ دينق صديق العرب.

Quote: نكلم ناس الجزيرة يستضيفوك في برنامج (أصدقاء العرب)..

ود عقيد.

تفتكر أنا بوافق علشان أطلع على الجزيرة؟

Quote: الاخ ود عقيد ، فكره جيده ، ممكن الاستاذ، نادوس يساعد فى الامر، مرحب بالاخ دينق صديق العرب.

الاقرع

لا أعتقد أن معرفة العرب أو غيرهم تحتاج للقاء صحفي.

دينق

Quote: يا شيخنا سلام منو القال ما شاف ليهو عبار اقراء الموضوع تانى ، دينق شكك فى معرفتتى للعبار انا قلت ليه لو ما متنا شقيناالمقابر ، انا كنت قاصد دينق يقع فى يدى مش العبار. لك شكرى

الاخ حيدر.

كلام الاقرع ده كلام زول مات عديل كده.

دينق.

Quote: أحمحم، نهاية الأسبوع قربت .. دينق عبارك دا ما يحلى إلا بذكر أسمى .. شوف ليك زول غيرى .. عبارى وعبارك ما بتلموا .. بريمة

بريمة.

كده أمشي راجع الكلام الفوق داك كويس وشوف الجاب سيرتك منوا هنا؟
بس جاري ناطي لدينق ده. على فكرة حتحتفل بوداع أخر أسبوع في الصيف وين؟
خصوصا أن رمضان على الابواب, بعد ده عبابيرك وين؟

دينق.

اخى دينق ، ردالله غربتك من الديار البعيده ، المره دى كلامك معانا كويس ، اتمنى ان نستمر ونختلف وبهذه الطريقه السودانيه السمحه ، بعدين ما تطول الغيبه، شفته الجماعه كلهن شفقو عليك كيف ، قاعدتك الجماهريه مش بطاله.

اخى دينق ، ردالله غربتك من الديار البعيده ، المره دى كلامك معانا كويس ، اتمنى ان نستمر ونختلف وبهذه الطريقه السودانيه السمحه ، بعدين ما تطول الغيبه، شفته الجماعه كلهن شفقو عليك كيف ، قاعدتك الجماهريه مش بطاله.

Quote: اخى دينق ، ردالله غربتك من الديار البعيده ، المره دى كلامك معانا كويس ، اتمنى ان نستمر ونختلف وبهذه الطريقه السودانيه السمحه ، بعدين ما تطول الغيبه، شفته الجماعه كلهن شفقو عليك كيف ، قاعدتك الجماهريه مش بطاله.

الاخ الاقرع.

أنا أتحدث وأرد بنفس نبرة ولغة الشخص الذي يخاطبني. وهذا هو أسلوبي بهذا المنبر.
بعدين في طرق سودانية كتيرة يمكن أستخدامها. سمحة وغير سمحة, ولكل مقام مقال.
أنا لا أسعى الى أرضاء حزب أو مجموعة من الناس. أنا أكتب ما يرضيني ويرضي ضميري فقط.

دينق.

شكرا ياخى.

Quote: يازول انا والله الخرطوم دي ما عديتها لليوم لكن شفت كثرة عبابير

يا زول الكلام ده وين فى الخرطوم?
بعد غلا الاسعار الموضوع ده بق بالشريط
..الا تتمو ونسه....

الاعضاء الشرفاء
فوتوا الفرصة على الامنجية والكيزان بمقاطعة بوستاتهم
لا تعليقات ولا مداخلات ولا تعيروهم اى اهتمام مواصلة
لانتفاضة شعبا المناضل ضد سياسة الكيزان وامنهم
عاش نضال الشعب السودان
السقوط لحكومة الفقر الذل الجوع
معا ضد الامنجية والكيزان
معا من اجل منبر حر ديمقراطى خالى من اى كوز وامنجى

والله جنس عواره ، يا .....نحن نتطمئن على اخ كان غايب ، الانسانيه انعدمت، القلم ما بزيل بلم ،اللهم انى ناوي اصوم.

ولكن تبيّن أنهم ما أتوا لرأي ولا لحوار ولا لنقاش بل أتوا لأجندات أخرى
from ustaza lana mahdi

1-التجاهل
2- التجاهل
3- التجاهل

for all posts written by ingaz gang
members in this board
if the ingaz supporters here believe in democracy and debate why they did not condemn the way the corrupt ignacz gang police dealt with those who came out in the demonstrations to say what they belive in
?
did the police debate with them or bombed them and arrested their leaders
?
down down with all ingaz corrupt mafia supporters in this board

for all who are supporting the ingaz gang mafia islamaist theives
dr mustafa mahmoud

الاخ هجو الاقرع،

سؤالك عن دينق و ربطه ب بريمة كان فى محله.

و دمت جميعا بالصحة و العافية،

مع تحياتى،

طالب تيه.