ملخص لترابلة البوستات لخالى وعقيد !

ترابلة البوستات.. (عبوات ناشِفة)..!!

ناشفة.. بالِشين
وليست ناسفة.. بالسين

هذا التعيبر أطلقه احمد الشايقي (الحقوق محفوظة).

ترابلة البوستات..

الترابلة جمع تربال
والتربال: هو العامل المتسأجر الذي يستدعيه (الأسطى) ليساعده في العمل.

من مهام التربال الحفر والردم والنقِل والمناولة ومباراة بقر الحِراتة والسقاية
والعتالة والمراسيل.. إلخ.



عبوات ناشِفة
(دا حقي براي ما حق احمد الشايقي)..

العبوات الناشِفة، هي عبوات (كلامية) يضعها الترابلة في البوستات
خدمة للأسطى (لزوم) المناولة والعتالة وسد اللبقة (وما إلى ذلك).

وقد شهد منبرنا (حفظه الله) دخول مجموعة من الترابلة الذين
جلبهم (الأسطوات) للقيام بالمهام المذكورة أعلاه لبوستاتهم
وللتصدي لمنتقديهم وتشتيت جهودهم..



قبل ما نجي للأمثلة

طبعا في ترابلة (ما شاء الله) لديهم طاقة متوفرة من الخدمات
لذلك فهم جاهزون للعمل لدى عدد من الأسطوات.. في وقت واحد.
وبعضهم يخدمون لدى أسطى معين.. فإذا غاب هذا الأسطى
يقدمون خدماتهم للأسطوات الآخرين..


في ترابلة بيجيهم إحساس إنهم ممكن يبقو أسطوات
أها يقوموا يلخبطوا هنا ويسوطوا هنا ويجوطوا هنا
لحدي ما الأسطوات يزهجو منهم..

بعضهم يكاد يصبح أسطى.. إلا أن (لعنة المثل) تلاحقه
فتتضح ضعف إمكاناته الأسطواتية بعد فترة قصيرة
ليتحقق المثل (التربال عمرو ما بيبقى أسطى)..


طبعا الأسطوات لمن يجيبو الترابلة ما بقولو يا اخواننا ديل ترابلة..
بيقدموهم بطريقة (لائقة).. نقدم لكم المناضل فلان الفلاني الذي فعل
وترك ولديه من الشهادات كذا وكذا وسيفعل ويترك.. وهلمجرا

بعدين الاسطوات ليسوا بالضرورة اسطوات بمعنى الكلمة..
المهم ناس عندهم حاجة بيطرحوها وفكرة بناقشوها وهذا ما يجعلهم
يختلفون عن (الترابلة) وإن لم يبلغوا درجة الاسطوات.

وفي هذا المقام قال الشاعر أبو الدقيق:
لاك تربال لاك أسطى
حالتك حالة وسطى
زي الماشي الشعبي ونزلوك البُسطة

Quote: بعد قعدة متواصلة فى البورد لمعرفة عمق العلاقات بين الناس فى البورد دا خرجنا بالاتى: 1- اذا فى اى زول دور معاك شكلة بدون سبب وبقى كلامو كلام شكل وغبن ولف ودوران طوالى تراحع بو ستاتك وتشوف انت هبشتا منو من كومو و العكس بالعكس الحب بالكوم و الكره بالكوم 2- اذا نويت يوم تعارض زول ولا تنتقدو لازم تشوف موقع الزول دا من كومو وين لو كان الرأس خلاص الله معاك لانه حتلقى نفسك فى مواجهة كوم بحالو 3- وجود اكوام مصاحبةبعض تهبش زول واحد تلقى نفسك فى مواجهة كومين او اكثر 4 تقسيم ادوار افراد الكوم الواحد لازم يكون فى واحد شاكال و احد عامل موضوعى و الباقين نص نص ومن ثم الما عندو كوم الله معاه فى كل الترشيحات يلقى نفسو فى ذيل اللست ولا ما يذكر خالص كيفية معرفة مين يكون كوم مين1- لما تلقى زول كتب كلام خارم بارم والردود وصلت لمية فى خلال ساعة كل الناس ديل كوم واحد 2اذا اعترضتا على كلام زول قام طوالى لقيت زول مباريك زى الكديسة ام خيط من بوست لبوست لو قلتا الله واحد وهو يصر انه الكلام دا ما صاح 3- بعدين اذا غلطتا فى زول من كوم ما طوالى يجيبوا زول يدعى انه بيعرفك وانك ما كيت و وماكيت ينفى كل المحاسن و ينجر قصص سيئة عنك ويقول انت كيت وانت وكيت 4-اذا فجأة لقيت اى بوست فى البورد بيعرض بيك وفيه مطاعانات تعرف طوالى انك هبشتا صنم كوم كبير وتطاولت حيث لا ينفع التطاول ويحلك الحلا بلة مش قلتا ليك علاقات مترابطة ومتشابكة دايرة ليها وداعية لسبر اغوراها لوووووووووووووووووووووول مطلوب وداعية لكوم قيد الانشاء

وينكم لي.. وينكم يا ديلا
يا اهل الفزعة الليلة الليلة
اجتمعو وخلو البهديلة
والتمساح احموهو الشيلة


حاج الماحي

Quote: الاخ ود عقيد حقيقة ترابلة البوستات أمسوا في إزدياد في الآون الاخيرة مثلها مثل اي مساق أكاديمي،وكلما تخرجت دفعة ترابلة نلمح تجمعا لمجموعة جديدة يرغبون في التسجيل وفي إنتظار دورهم.لكن هناك من لا يرغب في التخرج ويظل متمسكا بعتبات ذاك الحرم ولا ندري ما السبب.. ماهي المواد التي يصعب عليهم فهمها ..؟؟؟ كيف تقول الحق ...الحقيقة كيف تكون حصيفا ..الحصافة كيف تكون منصفا..الإنصاف

الترابلة حركتهم خفّت
يمكن محبرتم جفّت
والبيجي فيهم تلقا يتلفّت
زي الزول الخايف يتكفّت


قيل لأبي الدقيق ما هي أنواع الترابلة؟
فقال:

في أنواع في الترابلة سمِح حديثه
وانواع بي ام غمُتي تجيك.. غميسة
واحدين يهذو زي شارب المريسة
وواحدين ختّلُن "طوبة نفيسة"..

لك المحبّة

Quote: يا ودعقيـد حـكـمـة اليـــوووووم: ( إذا تـغـيّـب التـربـال, حـتـلـت البـوسـتـات في الحـال ),

ود اختي الفحل هجو الأقرع
لك التحية

Quote: هناماهي الدورات المهنيه التى تؤهل التربال الى لعب دور الدوبلير بجداره؟
والسوال الثاني هل مؤهلات التربال تسعفه للابتكار وحسن الاختيار؟
ثالثا لماذا لا ندعو لاجتماع للترابله لترقية الاداء؟
وهل ما زالت قناعتك التربال تربال وان طار؟



والله الأسئلة دي من البارح بحاول اجد ليها إجابات وما قادِر
دحين يا اخوي كدي خلينا نشوف ليها طريقة يوم السبت
إن شاء الله..

الاخوة الكرام ، حتى لا يقول شخص ان تربال اساءة لفئة من الناس ، المقصود هنا واضح ، اننى هنا اطالب (خالى) شيخ العرب ود عقيد بالعودة لان الغيبة طالت .

!!!!!!!!!!!!!!!

اخى الفاضل ونحن نستغرب ونستفهم عن كثرة الترابلة.

الاخ هجو
تحيه طيبه

الاخ عبدالله عقيد
رجع من امس
امس قرات له مداخله مع السنجك
وعقبال بقية الاسلاميين ودالطالب وبيان والبقيه ممن لا اعرفهم..




تعرف بعد قعده ما بسيطه في البورد دا لقيت (ان الاشياء ليست هي الاشياء) او كما تبدو
من السطح وابلغ وصف لاعماق البورد ... كلام د.بيان دا

Quote: بعد قعدة متواصلة فى البورد لمعرفة عمق العلاقات بين الناس فى البورد دا خرجنا بالاتى: 1- اذا فى اى زول دور معاك شكلة بدون سبب وبقى كلامو كلام شكل وغبن ولف ودوران طوالى تراحع بو ستاتك وتشوف انت هبشتا منو من كومو و العكس بالعكس الحب بالكوم و الكره بالكوم 2- اذا نويت يوم تعارض زول ولا تنتقدو لازم تشوف موقع الزول دا من كومو وين لو كان الرأس خلاص الله معاك لانه حتلقى نفسك فى مواجهة كوم بحالو 3- وجود اكوام مصاحبةبعض تهبش زول واحد تلقى نفسك فى مواجهة كومين او اكثر 4 تقسيم ادوار افراد الكوم الواحد لازم يكون فى واحد شاكال و احد عامل موضوعى و الباقين نص نص ومن ثم الما عندو كوم الله معاه فى كل الترشيحات يلقى نفسو فى ذيل اللست ولا ما يذكر خالص كيفية معرفة مين يكون كوم مين1- لما تلقى زول كتب كلام خارم بارم والردود وصلت لمية فى خلال ساعة كل الناس ديل كوم واحد 2اذا اعترضتا على كلام زول قام طوالى لقيت زول مباريك زى الكديسة ام خيط من بوست لبوست لو قلتا الله واحد وهو يصر انه الكلام دا ما صاح 3- بعدين اذا غلطتا فى زول من كوم ما طوالى يجيبوا زول يدعى انه بيعرفك وانك ما كيت و وماكيت ينفى كل المحاسن و ينجر قصص سيئة عنك ويقول انت كيت وانت وكيت 4-اذا فجأة لقيت اى بوست فى البورد بيعرض بيك وفيه مطاعانات تعرف طوالى انك هبشتا صنم كوم كبير وتطاولت حيث لا ينفع التطاول ويحلك الحلا بلة مش قلتا ليك علاقات مترابطة ومتشابكة دايرة ليها وداعية لسبر اغوراها لوووووووووووووووووووووول مطلوب وداعية لكوم قيد الانشاء

اخ عبد المطلب لك الشكر وانا ارجو تلك العوده .

أبن عمي الأصم هجو الأقرع
لك التحية والاحترام
مثل ما قال لك الأخوة عدت منذ الأمس.
لك تقديري على افتقادك لي
ولك محبتي

وخلي الجعجاع ود هباني وجماعتو يشيلو شيلتم
جاهم السِّم القدُر غداهم..

اهلا مقنع الكاشفات ، الجعجاع ما عليك منو انا السم القدر غداهو .الخبيزه والفطيره لا تخيف احد.