اول سقوط لمرشحي رئاسة الجالية بالدوحة !!!!!

اليوم وفى مقابر ابوهامور حيث وريت الثرى زوجة اخونا المهندس كمال ابراهيم ، لم ارى اى من المرشحين هناك ، احدهم ابلغ بالوفاة والاخر هاتفه مغلق طوال اليوم ، وهذا لم نعهده يوما فى من سبقهم ، أمل ان أكون مخطْْىء لكنى متأكد ، الم اقل من قبل (انا عندى تحفظ عليهم) ، احدهم مغمور واخر مشغول ، وربنا يستر.

سلام يا هجو..
ودعني اختلف معاك في هذا المعييار لتقييم الاخوين عبدالمنعم والسيد محمد بشير
فالموت حق ولاجدال وبالتحديد في الغربة يهرع دوما الاخوة السودانيون الي ابوهامور بكل
عفوية وشهامة...
المقياس لنجاح وفشل هو البرنامج الانتخابي لكل الطرفين
وامكانية تحقيق مكاسب للمقيم السوداني ....
وللناس ظروف يا هجو وبوستك هذا فرصة جيدة لتعريف الاخوة هنا
بالمرشحين وسيرتهم الذاتية ومقدراتهم وظائفهم في هذه الدوحة ..

انت يا عبد الكريم اول من خطر ببالي حينما رأي البوست النور..
وأتوقع ان تقوده من النور الي الخور
تفتكر يكون السبب شنو

الاخ عبد الكريم سلام ، اخى الفاضل دعنى أوضح لك الامر ، ابلغت من شخص ثقة انه ابلغ احدهم وكب الزوغة ، والثانى هاتفه مغلق . متى يتواجد مثل هؤلاء ،الا فى يوم مثل هذا، هل ندعوهم لختان نجل احدنا، اخى الكريم رحم الله اخى ابوبكر القاضى يوم يقول التواجد فى المقابر للدفن منتهى نكران الذات ، وهى بداية بائسة لكليهما ، الم اقل لك ان الامر يحتاج الى انسان يملك الوقت والجهد والاصرار ، ممكن ان اعذر كيكى وود الطاهر ولا يمكن ان اقبل اعذار هؤلاء المتقاعسين من قولت تيت.
ماذا تريد ان يعرف الناس عنهم ، اقول لك احدهم لم يسمع الناس به الا من شهور فقط ، وبدء البعض فى تلميعه، عليك الله ما تشكر الراكوبة فى المطر ( قصدى الرواكيب ). كل رؤساء الجالية السابقين كانوا موجودين اها رايك شنو ، فوقهم اهل السفاره كمان .

الاخ هجو الاقرع

Quote: احدهم مغمور واخر مشغول ، وربنا يستر.

مغمور دي ما عرفنها كيف ممكن تكون مانع من الرئاسه
تراجي.

]
وبالعكس ويبدو انك لاتعرف كيكي جيدا
فهذا البوست هدية قيمة من الاخ هجو الاقرع وساكون حريصا
عليه في تعريف الناس بالمرشحين للرئاسة في الجالية السودانية..
وبعدين يانوبي انا ما بتاع خيران ولو بمشي الخور كان مشيت مع صحبك
وممكن معاك انت علي الاقل انتو خبرة

ام حازم سلام ، انت قاعدة فى التلج ماك جايبه خبر ، رئاسة الجالية فى الخليج اخطر من رئاسة الجمهورية محتاجة لرجل ضوء بيته وقته كله للناس ، بالواضح عمل اجتماعى (مشاركة الناس ) والله مرة مشيت الى ناس بكى لقيت اخونا السفير السابق (احمد يوسف التنى ) مش كوز قاعد فى ا ، وناس غلابة فى حالهم. الشيخة هؤلاء لو ان الميت امس من الفى .اى . بى لكانوا اول الصفوف . الله يرحم زمن ناس ......

الأخ هجو

كما قلت أنت أن هاتف أحدهم ( مغلق)

و الآخر ( لا يرد) لعله فى وضع (صامت)

وتعرف أن الدفن كان ( صلاة الظهر) والكل فى الدوحة يعرف أن العاملين القطاع الخاص

يكونون فى قيلولة - للدوام الثانى

والقطاع العام فى اجازة السبت ..

عليك أن تعذرهم حتى تعرف ( لماذا؟)

( الشفقة تطير )

تعرف قرية اسمها ام دقرسى ؟

الاخ معتصم الطاهر ، انت مع كل ماذكرت كنت متواجدا هناك ، مافى عذر فى ظروف زى ده ، ديل مش ناس قريعتى راحت احدهم سوف يكون ابو( العائلة)، بعدين حا يعملوا شنو ، الله يرحم ايام زمان ، اها ياود الطاهر ما قلت لى رأيك شنو فى فريق الرديف بتاعنا، ام دقرسى تقع بين بجبوج والشويرب .

تبين لي من مصدر موثوق أن الاخ محمد بشير موجود في دبي لمتابعة بعض أعماله وبرفقة رجل أعمال شهير والسؤال هنا أين عذر الطرف الاخر.

Quote: تبين لي من مصدر موثوق أن الاخ محمد بشير موجود في دبي لمتابعة بعض أعماله وبرفقة رجل أعمال شهير والسؤال هنا أين عذر الطرف الاخر.

هجو

تحياتي

والمصدر الموثوق ده طبعاً , مامكن يجيب أخبار واحد (مغمور ) , زي ( أبوتفة) .

الاخ الفاضل المصدر الموثق اكد بل اكدوا ان اخونا ابوتفه عنده علم بالموضوع .

Quote: تبين لي من مصدر موثوق أن الاخ محمد بشير موجود في دبي لمتابعة بعض أعماله وبرفقة رجل أعمال شهير والسؤال هنا أين عذر الطرف الاخر.

تعرف يا هجو

عندما قرأت هذا البوست، منذ أن قرأت أن اللوم موجه للشخصين معاً، كنت على يقين بأنك ستعود لتمنح محمد بشير سكة مخارجة،(سكة غير اللاعب)...
يعني بصراحة كان ممكن تفتح البوست موجها لومك (للطرف الآخر) مباشرةً....


وندعو الله أن يتولى الفقيدة، وحرم الأخ كمال ابراهيم بالرحمة ويسكنها فسيح جناته، ويلزم زوجها وأسرتها الصبر الجميل.

الزميل هجو : تحياتي :
نسأل الله للفقيدة الرحمة والمغفرة ولذويها حسن العزاء ، وهذا هو الاهم اما ساس يسوس لا اعتقد ان هذا مكانها لان الامر جلل وفقدان عزيز ، وان العين لتدمع وان القلب ليحزن ، وإننا محزونون لفراقها، ليتنا نبتعد عن خلافاتنا ومعتقداتنا السياسية ، عن مايستوجب ان نتوحدفيه ونواسي ونضمد الجراح ونكفف دموع الحزن ن ونترحم على من فقدناه .فالامر ليس مجالا للاختلاف .

لها الرحمة والمغفرة وجعل الله قبرها روضه من

رياض الجنة ..احر التعازى للاخ كمال والاسرة ..

انا لله وانا اليه راجعون ..

كامل التعازي للمهندس كمال الطيب في وفاة زوجته وانا لله وانا اليه راجعون..
وجدير بنا يا هجو ونحن علي حافة العزاء وبعد الترحم علي روح الفقيدة ونذكر خاتمة الدنيا
والرب الذي دعانا الي العدل والقسط ما بين الناس دون تجارة او تمرير مخططات قد ترتد سهامها
الي راميها...
وهنا يبرز الحديث عن المرشح عبد المنعم ابوتفة مرشح القوي الوطنية القانوني الضليع
والناشط تماما في كل المحافل الاجتماعية والسياسية والثقافية في فضاء الدوحة السوداني
والشهير وسط الاخوة القانونيين السودانيون بالدوحة بابو الدساتير لريادته ودوره في صياغة
الكثير من دساتير و نظم الاجسام التي تنظم للعمل العام السوداني في الدوحة فقد صاغ النظام
الاساسي لكل من رابطة القانويين السودوانيين بالدوحة التي تعج بافذاذ القانونويين اكاديميا
ومهنيا بالاضافة الي ريادته في تاسيس رابطة ابناء دارفور في دولة قطر وصياغة نظامها الاساسي
ضف الي ذلك منتدي السلام والتنمية تاسيسا وهيكلة قانونية فلعك يا هجو قد اخذت منك مدينة(دخان)
ذات الكيلومترات العديدة اخذت منك امكانية التواجد في ليالي المنتدي الثقافي وليالي تابين
الدكتور الراحل جون قرنق وساعتها كنت لعلمت من هو الاستاذ عبد المنعم ابوتفة وتواجده الدائم في
كل انشطة السفارة السودانية وقد اوكل اليه موخرا سعادة السفير ابراهيم فقيري مهمة اللجنة الادارية
في نفير دارفور..وهنالك المزيد سياتيك عن الاستاذ ابوتفة عن سيرته الاكاديمية وتفوقه الذي شهدت
به الصحف السودانية في ذلك الزمان وعلي روؤس الاشهاد ابان دراسته للقانون في دولة المغرب...
ان اختيار مرشح لقيادة جالية بهذا التنوع وهذه الغزارة المعرفية لهي مسوولية كبري وامانة
في اعناق الجميع لعكس الوجود السوداني الغني بالجدية والمعرفة والاصل السوداني
وليس الامر نزهة علي باحة السفارة السودانية الانيقة في شاطي الدفنة الارستقراطي
ولنا عودة للمزيد واتمني ان تسعفنا بالحديث عن السيد محمد البشير حتي تعم الفائدة
ونسلط الضوء علي اثنين من الاخوة الذين اوجدتهم معركة الانتخابات الاخيرة اماما تكليف
صعب المراس ويحتاج الي جدية عالية ونكران ذات كبير...

اتمنى ان لاتستغل مناسبه حزينه مثل هذه لاستخدامها سياسيا ...هذا لايليق !!!!!












السنجك

يعني المغمور طلع (ابو تفه)

Quote: والمصدر الموثوق ده طبعاً , مامكن يجيب أخبار واحد (مغمور ) , زي ( أبوتفة) .

لانه مصادر هجو صفويه وجهويه ففعلا لا تعرف اخبار ناس الهامش والبسطاء.

غايتو يا هجو البوست ده ما بيشبهك
من حيث هو صيد في الماء العكر
وفي ظرف مؤلم جدا.
كما قال السنجك:

Quote: اتمنى ان لاتستغل مناسبه حزينه مثل هذه لاستخدامها سياسيا ...هذا لايليق !!!!!

مؤاستنا مرة آخرى لاسرة الفقيده الحزينه ولاحول ولاقوة الا بالله
واعوذ بالله من السياسه.

تراجي.

الاخت الكريمة تراجى كيفك انتى والولدات ، لو اخونا ابوتفه سقط المرة الجاية فى الاعادة يكون مقالك السابق احد اسباب سقوطة ، ما شفتى الجماعة كلهم قالو خلو زولنا يفوز وبعدين نناقش الموضوع. ( شيلى شيلتك) .

اتمنى ان تضع اسمك الحقيقى عشان ارد عليك ، انت نسيت والله شنو ؟

اخوى كيكى الجالية كبيرة عليه ، اها بصراحة الجماعة قالوا ادوه خبر ، مالو ما جى ، طيب لو مش عارفين حضروه مهم ما كان كلموه والله شنو ؟ يا اخى هذا الرجل حتى من باب الدعاية لنفسة لم يحضر ، طيب هل ذهب لبيت العزاء ؟ عليك الله خلينا اضرب لى انا برضو اليوم فى المنطقة الصناعية ، رايك شنو فى شيك بنك HSBC مش احسن .

الاخ نادوس تحية طيبة ، اولا (هاك السكة دى) انا ضد اختيار محمد البشير واكررها ، لانه لا وقت له للجالية ، اما ان يكون من ضمن الشخصيات العامة المختارة فهذا حقه واعماله وفعائله وانقاذه لكثير من المواقف للجاليات السابقة تعطيه ذلك . اما اخونا ابوتفه ليس بينى وبينه شيْء غير ان الرجل حديث عهد بقطر ولم يسبق له العمل فى الجاليات ، اضافة لانه غير معروف ، وقد سقط فى اول جولة وسقط معة ود البشير بتواجده خارج قطر .

للفقيدة الرحمه وللاخ كمال الصبر وحسن العزاء

الاخ هجو لا تستغل المناسبات لافراغ رايك السياسي هنا وخاصةلو كان عزاء

طيب اذا تبين ان هذا الملام كان له عذر ماانت قائل

واتمني ان ينال هذا العمل الطوعي الرضا من الجميع واذا لم الانتخابات ليس ببعيدة


انتو لقيتو وطن كامل ماذا فعلتوا به اذا اللوم ينفع الشعب كلوا لايم الجبهة الشيطانية

وتعبنا منكم الا تستحوا

المكان مكان عزاء وليس للنيل منك او من الشخص الذي غاب عن العذاء واتمني

ان يكون بخير وليس عليلا

رحم الله زوجة المهندس كمال ابراهيم

وانا لله وانا اليه راجعون

نحن حينما انختبنا هولاء ليس للذهاب للمقابر

ولكن لهموم اكبر

هل تعلم ان بعض السودانيين يعملون براتب خمسمائة ريال

هل تعلم ان بعض السودانيين يعلمون ( عتالة ) بميناء قطر

هذه لم تحدث فلابد من التصدي لمثل تلك الظواهر وغيرها

اما الذهاب للمقابر فهذا عمل من اعمال الجنة ينال المرء ثوابه من الله

وليس للمظاهر

الأخ الكريم هجو
رحمة الله على الفقيدة زوجة المهندس كمال إبرهيم
هو فقد جلل خاصة فى الغربة،
نسأل الله الصبر والسلوان لزوجها وأهلها
والسودانيين ما بقصروا فى الغربة وقطعاً
وقفوا بجانب الأسرة المكلومه وكانوا نعم الأهل لها

العمل العام الإجتماعى خاصة فى الغربة
هو تكليف كبير وليس تشريف
نتمنى أن تتوفق الجالية فى الدوحة
من أن تولى خير عناصرها لقيادتها
مع تمنياتى لها بالتوفيق والنجاح

نادر الفضلى

الاخ نادر الفضلى شكرا ،هذا الكلام عين العقل تحياتى .

الاخوة الكرام ، لست من يختار مناسبة حزينة لتصفية حسابات ، اقسم بالله ان بعض من يكتب هنا اكد لى عدم رضاؤه على ما حصل ، يا اخوان انا فقط هنا انبه النوم لكى يشيلوا شيلتهم من قولت تيت . الان الجالية لها اكثر من ثلاثة اشهر وامورها معطلة ، انا اقول لهؤلاء ان هنالك سودانى يعمل فى القطاع الخاص سقط فجاءة بالفشكل الكلوى ، وسوف تجرى له عملية اليوم والله لايملك حق تامين الغسيل الكلوى هل تفقده احد ، علما بان هذا الرجل ظل وفيا لجاليته مشاركا فى كل ما طلب منه ، والجماعه شابكنا ابو تفه والجعلى ، يا هؤلاء انصرفوا لما ينفع الناس ، واعلموا ان ابوتفه او غيرة، سقط او فاز لايحرك قيد انملة فيما يجرى داخل السودان . التواجد على المقابر لا يتعلمه الرجال على كبر والمطلوب من ابو العائلة التواجد طالما انه وضع نفسه فى هذا المكان .

الاخ / الاقرع

ياخي بدل ان يكون هذا البوست مخصصا للتعزية
و المواساة في فقد زوجة عزيز لديكم و الترحم عليها
أبت نفسكم الا و أن تستثمروا حتى في الموت لتصغير الاخر

أللهم ارحم الفقيدة وأسكنها الفردوس الاعلي
وانا لله وانا اليه راجعون

اخى الكريم ، لقد عملت بوستا لتقبل العزاء وانزلت خبر الوفاة ، وانهال الناس بالعزاء ، الشفقه شينه ، يا اخى عندما يتقاقس من يدعون انهم كبار لابد من ان يعلموا ان القيادة لها واجبات

ألهم ارحمها وأجعل قبرها روضة من رياض الجنة

وأجبر كسر أهلها وأصدقائها ولأخينا الباشمهندس

كمال إبراهيم حسن العزاء و المواساه.


*للموت حرمات و ليس من اللائق ما يجرى هناوليس

لهذه الدرجة يمكن عدم الإكتراث لأحزان الآخرين

ومصائبهم.

اللهم إنا لا نسألك رد القضاء لكن نسألك اللطف فيه.

اخى الكريم حرمات الموت نحن احسن الناس للقيام بها ، الكبار الذين صفقوا لهم لم يحضروا حتى للعزاء ، بعدين انا عملت بوست خاص للعزاء هذا البوست لفضح المتقاعسين .

الاخ هجو
تحياتي

رحم الله زوجه المهندس كمال
واسكنها الجته والهم اهلها
الصبر وحسن العزاء

غايتو الما دايرك فى الضلام يحدر ليك

Quote: يا اخى هذا الرجل حتى من باب الدعاية لنفسة لم يحضر ،

لا يا هجو

لا نذهب للمقابر من أجل هذا ...

وهناك جملة أخرى سأبلغك بها هاتفيا نرجو سحبها ..

Quote: رايك شنو فى شيك بنك HSBC مش احسن

يا هجو حبابك وحباب الشيك والكاش ذاتتو بس انا عندي شروط مع الشيك ده اني احلف الكتاب
حليفة ليها ضل عشان الشيك ما يلحقني ويعمل لي (سنكيت) اصلوا في الحالتين (السنكيت حاصل)
وكمان ياريت جلسة ضحوية كده بها خروف ومجهز بما لذ وطاب ومن طيبات ما رزقناكم وبعد داك
عاوز لي(كروة) خضراء تسر الناظرين (والكروة هي المواصلات العامة في دولة قطر) .وكمان لو
جدعتوا لي كيس كيسين تمباك من ميرغني تكونوا ما قصرتوا تب..

اخى عبدالكريم التمباك قالوا حرام ... الشيك مضمون واكروة تلقها تحت البيت ، والخروف سورى ، طبعا الكاميرا سرية .

الكبير لازم يكون قدااااااااااام

كان فرح ولا ترح

ولو ما كان قدااااااااااااااام

ببقى ورا

والبجي ورا ما بحدق الضرا

واللوم في العزا ماهو عيب

العيب الواجب البكون في الرجلين

وبعد داك ببقى في الوش

رئيس الجالية المرتقب لو عارف وما جاء

إتلوم لوم الجمال ما بشيلنوا

ما بهمنا البتلوم كان جعلي ولا فوراوي

اللوم ياهو اللوم

ويا هجو ماك غلطان

العزاء ليه مكان

واللوم ليه مكان تاني

وأهلنا قالوا

(المادارك ما لومك)

للفقيدة الرحمه وللاخ كمال الصبر وحسن العزاء ، وطمنا عن أخبار أمل