مجلس الجالية الجديد بالدوحة ومسلسل السقوط !!

مجلس الجالية الجديد بالدوحة ومسلسل السقوط !!


02-23-2007, 06:23 PM


  » http://sudaneseonline.com/cgi-bin/sdb/2bb.cgi?seq=msg&board=364&msg=1190195970&rn=12


Post: #1
Title: مجلس الجالية الجديد بالدوحة ومسلسل السقوط !!
Author: هجو الأقرع
Date: 02-23-2007, 06:23 PM
Parent: #0

مازال مسلسل السقوط مستمر فقد اجتمع مساء اليوم بدار السفارة بالدوحة مجلس الجالية المنتخب لاجراء التصويت لبعض اصحاب الاعزار ، من المسافريين وغيرهم ، الا ان البعض ومحبى تكون اللجان والدستورية رفضوا الامر ، ولابد من المجلس الخمسينى ان يقرر ، ولابد من حل الجزئية الفلانية والعلانية ، استحوا يا سادة يا كرام ، لقد مرت قرابة الثلاث اشهر وانتم فى من يحكمنا ، كم كنت احترمكم لو انكم وبربطة المعلم ذهبتم للغرفة 367 بمستشفى حمد ورايتم ما اصاب احد اخوانك وتفقدتموه ، الا ان سعيكم المحموم المبطن بالكيد السياسى اعمامكم واضيف بعض من العنصرى ، وسعى كل طرف فيكم لنيل الرئاسة افقدكم حس العمل الاجتماعى الذى كلفتم به . لقد فات على ان اقول لكم الجماعة اليوم فى المقابر كل اتخذ ناصية حتى يراه الناس ، الم اقل لكم ان الهرشة تعلم البعض الواجب ، خسارة لهذه الجالية التى قادها ابراهيم الصلحى وعبد المنعم المكى ، ويوسف بشير واخوة كرام ان تصل الى هذا المستوى ، حسبى الله ونعم الوكيل، والله ان جاليتنا هى الخاسرة ، تحت قيادة اى من زعامة الطرفين . لانريد ضياع الوقت وارحموا انفسكم من التشرزم وارضو بتقاسم الرئاسة ( التناوب ) والله فيه خير كثير . واسكات لفتنة شاهدناها يوم لم يفز ابوتفة فحدث غمز هنا وهناك .

Post: #2
Title: Re: مجلس الجالية الجديد بالدوحة ومسلسل السقوط !!
Author: بدر الدين الأمير
Date: 02-23-2007, 07:17 PM
Parent: #1

هجو لك التقدير
ممكن توضح اكتر او تحكى تفاصيل ماحدث
شخصيا مش فاهم انت داير تقول شنو او خايف من شنو

Post: #3
Title: Re: مجلس الجالية الجديد بالدوحة ومسلسل السقوط !!
Author: Faisal Al Zubeir
Date: 02-23-2007, 07:38 PM
Parent: #2

الزميل : هجو :

Quote: وسعى كل طرف فيكم لنيل الرئاسة


هنا العقدة !
وحلها في نظام اساسي بديل اقترحناه بان يتم انتخاب الرئيس مباشرة من القاعدة وبصورة حرة ومباشرة
النظام الاساسي الحالي معيب ، فكيف يتولى الرئاسة من يعينه السفير ولا يكون منتخبا ؟

المنافسة مطلوبة بين الطرفين لكن المحك البرنامج !

طرح (المناصفة) حل بلغة الكورة يعني (التعادل) ، وهنا تكون (القرعة) ، يعني ذي (درع الانقاذ) وصاحب الحظ من يفوز بالسنة الاولى كم فاز (المريخ) ، وعلينا ان نتعامل مع مجلس يقوده رئيسان !

Post: #5
Title: Re: مجلس الجالية الجديد بالدوحة ومسلسل السقوط !!
Author: khaleel
Date: 02-23-2007, 07:44 PM
Parent: #3

استاذ هجو والشباب

ليس المهم الرئيس انشاء الله اكون فيدل كاسترو

المهم العمل سارعو ببناء مدرسة لطلاب الجالية

الزمن يضيع ولسع نحن في الفانوس حرق القطية

Post: #7
Title: Re: مجلس الجالية الجديد بالدوحة ومسلسل السقوط !!
Author: هجو الأقرع
Date: 02-23-2007, 07:53 PM
Parent: #3

اخى فيصل ، هنالك موافقة تامة من الطرفين على اختيار السفير ، وايضا ان اى من الاعضاء المختارين من قبل السفارة هو بمثابة عضو كامل، ولهم حق الترشح للرئاسة ، ولقد عدل السفر واختار لكل طرف ما يرضيه ، وحسب علمى فان المشكلة ليست فى تعيين السفير. المشكلة فى السعى المحموم للرئاسة ، لقد ارحت نفسك عن هذا الامر، اخى ان الحل فى التراضى .

Post: #4
Title: Re: مجلس الجالية الجديد بالدوحة ومسلسل السقوط !!
Author: هجو الأقرع
Date: 02-23-2007, 07:42 PM
Parent: #2

ود الامير سلام ، الكلام واضح فى اخوة على سفر ولديهم اعزار تجعلهم خارج البلاد ، كان ممكن ان يسمح لهم بالتصويت لمن يرونه مناسبا وان لا تعلن نتائج اليوم ، حتى اكتمال التصويت ، او الرضاء بالتناوب واراحت الناس ، بدر هناك سعى مضر للحصول على رئاسة الجالية، وهذا الامر يقود لمزيد من اضاعة الوقت ، وهناك الكثير من القضايا المؤجلة . لقد اتضح للجميع ان الرئاسة هى الغاية ، وهذا فيه اضرار بالعمل الاجتماعى وهو الامر الذى تقوم عليه اية جالية.

Post: #6
Title: Re: مجلس الجالية الجديد بالدوحة ومسلسل السقوط !!
Author: عبدالكريم الامين احمد
Date: 02-23-2007, 07:47 PM
Parent: #1

Quote: فقد اجتمع مساء اليوم بدار السفارة بالدوحة مجلس الجالية المنتخب لاجراء التصويت لبعض اصحاب الاعزار ، من المسافريين وغيرهم ،

سلام يا هجو..
واراك قد جلست القرفصاء امام(مقبرة) ابوهامور متصيدا اعضاء مجلس الجالية وكانه مجلس للموتي
والقبور..لهم الرحمة جميعا فقداء الدوحة يا هجو..ونحن قوما نذهب الي دفنهم قبل ان نعرف ماهو
الموت..لذا يا اخي اتنمني ان لايكون معييارك للهجوم يمر عبر جثث موتانا الذين نسال الله لهم المغفرة
والرحمة...عيب الكلام ده ياهجو..عيب..!!!
...
ثانيا ليس هنالك اجتماع رسمي لمجلس الجالية المنتخب اليوم..وحديثك اعلاه غير صحيح وعفوا ان قلت انه
كذب صراااااح...
كل ما في الامر هو موضوع تصويت الاخوة المسافرين في اجازتهم السنوية.وقد اتصل الباشمهندس حكمدار رئيس لجنة الانتخابات علي الاخ عبدالمنعم مرشح الرئاسة وطرح عليه هذا الامر وامكانية تصويت الاخوة
المسافرين...فوافق الاخ عبدالمنعم.كصاحب مصلحة علي هذا الاجراء الموقت الذي لم تنص عليه اللائحة
ويجب قانونيا ان يمر عبر المجلس الخمسيني ليصوت عليه...وقد التزم عبدالمنعم بالتصويت لصالح هذا الاجراء...
1- حرصا علي حق كل شخص منتخب للتصويت
2- المساهمة في اسراع حسم هذا الامر وشفافية العمليةالانتخابية..
ذهب الي الاجتماع عدد22 عضوا لم توجه لهم اي دعوة رسمية وهم يحاولون اصدار هذا الامر كامر نهائي في اجتماع غير رسمي مخصص فقط لاجراء التصويت من قبل 4 فقط من الاخوة المسافرين
وبحضور فقط المرشحين ال2 ورئيس لجنة الانتخابات وهم فقط من وجه لهم هذه الدعوة لجلسة
الاجراءت تلك................
فياهجو اللوائح لوائح والقانون قانون والقفز من فوقه هو من نحاربه واتينا من اجله
فعليك الله اولا اتمني ان تفهم بانه ليس هنالك اجتماع رسمي اليوم لمجلس الجالية المنتخب وليس هنالك
الا الحرص علي سلامة العملية واعطاءها البعد القانوني المقنع وحماية الشفافية فالقصة ليس
كلفتة (واخنقك فطسسسك)..و(يا تشرب يا تكسر قرنك..)...

Post: #8
Title: Re: مجلس الجالية الجديد بالدوحة ومسلسل السقوط !!
Author: Faisal Al Zubeir
Date: 02-23-2007, 07:55 PM
Parent: #6

الزميل هجو :
Quote: بدر هناك سعى مضر للحصول على رئاسة الجالية،


السؤال : من اي طرف ؟

Post: #9
Title: Re: مجلس الجالية الجديد بالدوحة ومسلسل السقوط !!
Author: عبدالرحمن عبدالله أبوشيبة
Date: 02-23-2007, 08:01 PM
Parent: #6

الاخوة الكرام

لكم التحية

أنا شخصياً كنت متواجاً بقاعة الجالية في السفارة من الساعة الرابعة عصراً لحضور اجتماع اللجنة التنفيذية لإعمار دارفور وبمشاركة عضوي مجلس الجالية الأستاذ عبدالمنعم أبوتفة والخليفة أحمد محجوب وبتمام الساعة السادسة والنصف استأذن الأستاذ عبدالممنعم للذهاب إلى داخل السفارة معلناً للحضور أن بعض أعضاء مجلس الجالية قادمون للتصويت وهم من أصحاب الأعذار.
وبعد أن إنفض اجتماعنا غادرنا مبنى السفارة ولم يدعونا أي طرف للتصويت وعلمت فيما بعد أن إعادة التصويت لاختيار رئيس الجالية سيكون الجمعة القادمة الثاني من مارس بإذن الله تعالى.

هذا مالزم توضيحه وللجميع مني خالص التحية والتقدير.

تعديل أخطاء في الكتابة

Post: #11
Title: Re: مجلس الجالية الجديد بالدوحة ومسلسل السقوط !!
Author: هجو الأقرع
Date: 02-23-2007, 08:08 PM
Parent: #6

الاخ عبد الكريم عليكم الله خلو اللف والدوران وخلصوا الناس ، وبلاش اللجنة والخمسينى ، طيب فشلتو ليهو ، وليهو الناس المسافرين ما صوتوا، واذا ما همكم الرئاسة اقبلوا بالتراضى ، ويا دار ما دخلك شر ، يعنى لو ناس سافرت تنتظروا لما يرجعوا ، وبعدين الصيف قرب واحد سافر وواحد مافى ... الحل شنو . وبعدين من اساسو لو مافى حاجة رسمية الوداكم السفارة شنو؟ وبما انك احد اعضاء اللجنة التنفذية مروا على الغرفة367 بمستشفى حمد وغيرها من الغرف ، واعملوا الواجب ، وانا جالس ليكم القرفصاء فى اى مكان تقصروا فيه يا طلاب الكراسى ، وبلاش صراع كراسى .

Post: #10
Title: Re: مجلس الجالية الجديد بالدوحة ومسلسل السقوط !!
Author: عبد المنعم سليمان
Date: 02-23-2007, 08:06 PM
Parent: #1

والله يا جماعة حيرتونا ظاتووو



هجو عاوز يحاكم مجلس الجالية بعدد جيات المقابر والفواتح

يعني بعد انتهاء دورة مجلس الجالية مفروض مجلس الجالية يقدم

انجازاتو بالشكل ده :


عدد 7 فاتحة مقابر ابوهامور


5 حضور للدفن


2 حفر ود الاحد وكاتن ذلك يوم الاحد غرة رمضان

5 زيارة مريض بمستشفي حمد العام


13 ابعاد الاذي عن الطريق


ونعتذر للاخوة عن تقصيرنا في فاتحة محمد ود ام فاطمة وعلي ود علوية


كما لا ننسي الديات وختم القران والاعتكاف بمسجد سارة


والله من وراء القصد

التوقيع

مجلس الجالية المنتخب




_______

ربنا يستجيب للفكي يا رب .. امين




محبتي

منعم

Post: #12
Title: Re: مجلس الجالية الجديد بالدوحة ومسلسل السقوط !!
Author: عبد المنعم سليمان
Date: 02-23-2007, 08:19 PM
Parent: #1

[B]اقتراح يا جالية الدوحـــة


ارجو تغيير اسم مجلس الجالية لحانوتي الجالية بقطر التي تشهد تطورا ملموسا في كافة المجالات

خاصة مجال الموت ( وشششششششششششششششش ضاحك)



____

مجرد اقتراح



منعم

Post: #13
Title: Re: مجلس الجالية الجديد بالدوحة ومسلسل السقوط !!
Author: هجو الأقرع
Date: 02-23-2007, 08:35 PM

منعم سلام ، انت سيد العارفين الحضور للمقابر يتبعه واجب اخر ، فى مثل هذه الظروف ، انا لا احاسب العامة ، بل اتفقد (ناس ابوالعايلة) المتكالبين على الكراسى ، وهذا اهم واجباتهم لانو فى احايين كثيرة يكون اهل الفقيد فى امس الحاجة للدعم بكل انواعة وهو مطلوب من ناس ابو العايلة، انا شخصيا اعيش خارج الدوحة بما يقارب المائة وعشرون( كلم) وفى بعض الحالات لا اتمكن من الحضور ، اضافة اننى اعمل بنظام الورديات . اما ناس ابو العايلة فقد تفرغوا للعمل العام ، فعليهم ان يشدوا حليهم.

Post: #14
Title: Re: مجلس الجالية الجديد بالدوحة ومسلسل السقوط !!
Author: عبد المنعم سليمان
Date: 02-23-2007, 08:39 PM
Parent: #1

Quote: وهذا اهم واجباتهم لانو فى احايين كثيرة يكون اهل الفقيد فى امس الحاجة للدعم بكل انواعة وهو مطلوب من ناس ابو العايلة، انا شخصيا اعيش خارج الدوحة بما يقارب المائة وعشرون( كلم)



هون عليك يا هجو .. انك لميت وانهم لميتون



كسره :

لكن يا هجو ما ملاحظ ان الدوحة في حركة موت عظيمة تتطلب رجالا عظام ع قدر الموت بمجلس الجالية !!



_____


هجو انت ساكن في الخفجي وللا شنو ؟ الدوحة كلها 90 كيلو متر



مودتي

منعم

Post: #15
Title: Re: مجلس الجالية الجديد بالدوحة ومسلسل السقوط !!
Author: هجو الأقرع
Date: 02-23-2007, 08:46 PM
Parent: #14

منعم انا فى دخان ، ولك ان تحسب ، عشان كدة بنقول لناس كيكى شدو حيلكم.

Post: #16
Title: Re: مجلس الجالية الجديد بالدوحة ومسلسل السقوط !!
Author: عبد المنعم سليمان
Date: 02-23-2007, 08:55 PM
Parent: #1

Quote: منعم انا فى دخان ، ولك ان تحسب ، عشان كدة بنقول لناس كيكى شدو حيلكم.



ونحن بدورنا نشد من آزر اخونا هجو نصير الميتين ونناشد مجلس الجالية المنتخب بترك شؤؤن

الاحياء والالتفات للاموات مواكبة للتقدم الرهيب في حركة الموت لاعضاء الجالية علي ان يكون

شعار مجلس الجالية للدورة القادمة الميت افضل من الحي . كما ننتهز الفرصة لمناشدة اخونا

كيكي عضو المجلس بتوفير المحافير وعدم دسها .


معا من اجل زيادة عدد الاموات بين الجالية السودانية بدولة قــطر


____


هجو الله يحفظك من طريق دخان ما يطلع ليك منو بعير يلحقك آمات طة خاصة ومجلس الجالية ما شايف

شغلوا



منعم

Post: #17
Title: Re: مجلس الجالية الجديد بالدوحة ومسلسل السقوط !!
Author: عبد المنعم سليمان
Date: 02-23-2007, 09:10 PM
Parent: #1

والله لو عارف البوست ده بطلع بالليل اكان جبت معاااي مزه عدييييل كده



_____


والله .. جالية .. جالية .. لا دايما لي لا دايما ليييييك


تصبحوا احسن من هسه


منعم

Post: #19
Title: Re: مجلس الجالية الجديد بالدوحة ومسلسل السقوط !!
Author: عبدالكريم الامين احمد
Date: 02-23-2007, 09:47 PM
Parent: #17

سلام للجميع..
وياهجو ده شي ايجابي وصحي جد انك تراقب الناس الذين تم اختيارهم بالانتخاب فهذهي قمة مبتغانا..
ولكن فليكن (قرفصائك) من اجل سير العملية في اطارها الصحيح الغير (مغتغتت) ومن اجل الحقيقة
وليس لوي عنقها وتفطيسها ......
انا لم اكن متواجدا تماما بالسفارة اليوم وحسب علمي هنالك الكثيرين من اعضاء اللجنة التفيذية لم
يتواجدوا هنالك..
الاستاذ عبدالمنعم موافق تماما علي هذا الاجراء ولكنه طلب تثبيته في المحضر كاجراء (موقت)
حتي تتاح له الشرعية والقانونية من مجلس الجالية..واعطي وعد علي المستوي الشخصي بالتصويت
في الاجتماع المقبل لتمرير هذا الاجراء حتي يكون قانويا ومسنودا بتاييد مجلس الجالية..وهذاما لم توافق عليه المجموعة من الاعضاء الذين حضرورا الي قاعة السفارة.....
القصة يا هجو ليس لف ودوران انما قانون ونظم وخطوات لابد من اعطائها الشرعية من الجميع
وباغلبية..وحسبي ان الجميع مقدرين ظروف الاخوة المسافرين وحريصين علي تذليل تصويتهم ولكن
باللوائح والقانون والشفافية..

Post: #18
Title: Re: مجلس الجالية الجديد بالدوحة ومسلسل السقوط !!
Author: عبد المنعم سليمان
Date: 02-23-2007, 09:33 PM
Parent: #1

نموذج للعمل السياسي المفترض



وش ضاااااحك

Post: #20
Title: Re: مجلس الجالية الجديد بالدوحة ومسلسل السقوط !!
Author: هجو الأقرع
Date: 02-23-2007, 10:11 PM
Parent: #18

منعم خلاص امش نوم ، نحن كلنا بكره اجازه، المزه خليها ليوم تانى يوم يسقطوا الجماعة.

Post: #21
Title: Re: مجلس الجالية الجديد بالدوحة ومسلسل السقوط !!
Author: أيمن الطيب
Date: 02-23-2007, 10:55 PM
Parent: #1

الأخوة هجو وعبد الكريم و عبدالمنعم,

أحييكم ليلا وأنتم تتبادلون المراكز في حماية

الجالية السودانية بدولة قطر العظمى مما يحيق

بها من مخاطر جمة!!!!! ولكن أخى الكريم هجو...

أسمح لي أن اسألك سؤآلا واحدا فقط ,!!! أليست

هنالك وسيلة أخرى للفت النظر إلى تقصير يحدث

فى مكان ما غير وسيلة الموت و مستشفى حمد و

مقابر أبو هامور وإذا كنت تعلم عن نظام العمل

بالورديات و نوعية العمل الضاغط إلى حد ما!!!

فما الجدوى من جعل الحضور للمقابر مقياسا لنوعية

الأداء و دليل على السقوط !!!!!؟؟؟؟؟؟؟.

تقبلوا إحترامى.

Post: #22
Title: Re: مجلس الجالية الجديد بالدوحة ومسلسل السقوط !!
Author: هجو الأقرع
Date: 02-23-2007, 11:19 PM
Parent: #21

اخى ايمن سلام ، لم اطلب من عامة الناس ، بل ما زلت مصرا على ناس ابوالعايلة التواجد فى مثل هذه الظروف ، نحن نقدر ظروف العوام ، ولكن القادة نلاحقهم هنا ان قصروا ، الوسائل الاخرى غير مجدية مجربة وفشلت .

Post: #23
Title: Re: مجلس الجالية الجديد بالدوحة ومسلسل السقوط !!
Author: أيمن الطيب
Date: 02-23-2007, 11:52 PM
Parent: #22

الأخ الأقرع,

نشكر إفادتكم الواضحة .

* هل تمت بصلة القرابة للدكتور أقرع المهندس المعروف ؟.

Post: #26
Title: Re: مجلس الجالية الجديد بالدوحة ومسلسل السقوط !!
Author: هجو الأقرع
Date: 02-24-2007, 05:25 PM
Parent: #23

اخى الكريم نعم

Post: #24
Title: Re: مجلس الجالية الجديد بالدوحة ومسلسل السقوط !!
Author: عبد المنعم سليمان
Date: 02-24-2007, 12:20 PM
Parent: #1

البوست يمثل افضل الامثلة لما يطلبة الناخب السوداني (المغترب) من المرشحين


_____

انتخبوا مرشحكــم هجو الاقرع رمز الكوريك ونصيــر الميتين
( وش ضاحك)

والله يا هجو الليل كلو بضحك


ادام الله الافراح .. وللا انتو في الدوحة مفروض اقول ادام الاموات


منعم

Post: #25
Title: Re: مجلس الجالية الجديد بالدوحة ومسلسل السقوط !!
Author: منتصر الامين
Date: 02-24-2007, 04:05 PM
Parent: #1


الاخ هجو الاقرع
انا من المتابعين لكتاباتك منذ انتخاب مجلس الجاليه
وخصوصا المتعلقه بانتخاب مكتب الجاليه وحسم موضوع الرئاسه
وبالرغم من اننى اثمن اهتمامك بالموضوع الا اننى اعتقد
انك قد جانبت الصواب فى تناولك للموضوع بهذه السطحيه
وترصدك لاعضاء المكتب فى الاماكن الخطا ،،،
وبدلا من تفعل ذلك وينحصر حديثك فى عدم زيارتهم للمستشفى
او تواجدهم بالمقابر اتمنى ان تقدم ما يفيد ويساعد فى حل
الازمه خصوصا موضوع الرئاسه ،،،
وتاكد ان ما تطرحه يشكل راى سالب وسط اعضاء الجمعيه العموميه
تجاه مجلس الجاليه الذى هو احوج ما يكون لدعم جمعيته العموميه
بدلا عن الابتعاد عنه ،،،
اما موضوع التعين فلا تنسى انه جاء من السفير وهو هنا يمثل
الحكومه وان كان الاعضاء الذين يمثلون المعارضه داخل المجلس
غير حريصين على استقرار الجاليه لعارضو القرار الذى ياتى فى صالح
المؤتمر الوطنى الذى انتبه لضعف كوادره داخل المجلس .


Post: #27
Title: Re: مجلس الجالية الجديد بالدوحة ومسلسل السقوط !!
Author: عبد المنعم سليمان
Date: 02-24-2007, 07:47 PM
Parent: #1

Quote: اما موضوع التعين فلا تنسى انه جاء من السفير


يعيش السفير حامي اموات الجالية ووكيل السيد نكير بالدوحة

Post: #28
Title: Re: مجلس الجالية الجديد بالدوحة ومسلسل السقوط !!
Author: بدر الدين الأمير
Date: 02-24-2007, 08:06 PM
Parent: #27

أنت ياعبدالمنعم سليمان
متلح مقابر هجو الاقرع مالك
داير تعمل دعاية لقبرك
تابرنى لومت خلال زيارتك للدوحة
ح نغير اسم مقابر ابو هامور الى
مقابر عبدالمنعم السودانى
ويبقى عندنا فى الدوحة حى السوادن
والدوار الشهير المسمى دوار السودان
ومقابر السودانى

Post: #29
Title: Re: مجلس الجالية الجديد بالدوحة ومسلسل السقوط !!
Author: عبد المنعم سليمان
Date: 02-24-2007, 08:11 PM
Parent: #1

ازييك يا بدر


انا قاعد اعمل من اجل الجالية لزيادة عدد الاموات حتي يتحقق الربط الذي يبحث عنة العضو هجو


وبعدين عشان كيكي يشوف شغلوا موش هجو عاوز مجلس جالية هاموري

Post: #30
Title: Re: مجلس الجالية الجديد بالدوحة ومسلسل السقوط !!
Author: هجو الأقرع
Date: 02-24-2007, 08:59 PM
Parent: #29

اخى منعم اليوم فى دفن الاخ شاكر سيد على ، بالدوحة كان الحضور موسفا ، ولا يرضى احد ، وواحد من ناس ابو العايلة ما حضر ، وعندو خبر . اها رايك شنو .

Post: #31
Title: Re: مجلس الجالية الجديد بالدوحة ومسلسل السقوط !!
Author: عبد المنعم سليمان
Date: 02-24-2007, 09:04 PM
Parent: #1

Quote: اخى منعم اليوم فى دفن الاخ شاكر سيد على ، بالدوحة كان الحضور موسفا ، ولا يرضى احد ، وواحد من ناس ابو العايلة ما حضر ، وعندو خبر . اها رايك شنو .



والله يا هجو الله يرحمو ويحسن اليه


بث ذكرتني نشرة 10 يا هجو


____

لكن ما تزعل يا هجو من مجلس الجالية خليهم للكبيرة الله يديك طولة العمر

Post: #33
Title: Re: مجلس الجالية الجديد بالدوحة ومسلسل السقوط !!
Author: عبدالكريم الامين احمد
Date: 02-24-2007, 09:22 PM
Parent: #31

يبدو ياهجو ان اشكال السودان مربوط تماما بمثل هذه النظرة للامور التي تطل من قرفصائك
واختزال برنامج كامل وشامل وتقيمه من منصة ابوهامور الشهيرة بالدوحة...
فياهجو الموت نظل نردد انه حق ولاجدال وكل سوداني بالفطرة له الفة بالدفن في المقابر ويتساوي
في ذلك الغني والفقير..الجاهل والعلامة ومثل هذه الاشياء ليس في سوق المزايدة او الصراع السياسي
او الاختلاف في وجهات النظر....
كنت اتمني ان توسع منظارك وتنظر الي الامور بمنظار اعمق واشمل ومفيد وايجابي للمساهمة في نجاح
عمل مجلس الجالية الذي يفترض فيه مسئولية مباشرة لكل سوداني موجود علي ارض قطر........
ولك ان تعلم ان في المجلس التنفيذي للجالية سكرتارية اجتماعية تم تصميمها خصيصا لمثل هذه الاشياء
التي تندرج ضمن عملها الذي يجب ان تديره حين بدايةعمل اللجنة التنفيذية التي لم تستلم مهامها حتي الان..
انت عارف مثل هذه الامور ستضعك في ذاكرة الجميع مربوطا بذكري الموت وبالدوحة في التحديد
وما ان يموت احد فيها الا طلت للذاكرة سيرة هجو الاقرع ومساككته لحضور مجلس الجالية الي مراسم

الدفن.....

Post: #35
Title: Re: مجلس الجالية الجديد بالدوحة ومسلسل السقوط !!
Author: هجو الأقرع
Date: 02-24-2007, 09:31 PM
Parent: #33

اخى نحن نريد ان نربى فى الناس الحضور للمقابر ، عشان يعرفوا ان الكراسى زايلة ، وانا اشرف بمطاردة الناس للحضور للمقابر.

Post: #32
Title: Re: مجلس الجالية الجديد بالدوحة ومسلسل السقوط !!
Author: معتصم الطاهر
Date: 02-24-2007, 09:16 PM
Parent: #1

Quote: وواحد من ناس ابو العايلة ما حضر


اها يا هجو
جيتك بى جاى ...


ربنا يرحمه
ويغفر له ..

Post: #34
Title: Re: مجلس الجالية الجديد بالدوحة ومسلسل السقوط !!
Author: عبد المنعم سليمان
Date: 02-24-2007, 09:24 PM
Parent: #1

Quote: وواحد من ناس ابو العايلة ما حضر



قلنا ليك يا هجو ناس الجالية ديل خالينك للكبيرة


بث انت سوق براحة في طريق دخان ومقلبهم