وين الدليل على القسم المغلظ لمحمد هارون ؟

علامات المنافق ثلاث ، اذا حدث كذب ، اما اذا عاهد دغدر فقد وثقناها هنا ، يا اخوانا الرجل ود هارون اقسم وين وصرح وين . لو رفع قضيه وقال الكلام ده انا ما قولتو ؟ بس نحن عاوزين المصدر ؟

فى مقابلته مع اخر لحظة قال السيد محمد هارون ، انه وصل امس الخامسة مساء ، وقال ان الامر نوع من الكيد السياسى ، وذكرت الصحيفة ان الرجل فى غاية الهدوء والاتزان ، وقال انه ابلغ بالامر بعد صوله الى مطار الخرطوم ، وسوف احاول انزال الموضوع المنشور عن صحيفة اخر لحظة . نعم هنالك مشكل كبير فى دارفور حادث ولكن من العيب ظلم الناس ، ويا اهل القانون المتهم برى حتى ... والله شنو الظاهر اخونا نسى القانون الذى درسة ، ام هو الكيد والدس ؟

واضاف هارون الذى كان يتحدث بمنزله بحي المطار شرق الخرطوم (بكل ثقة واطمئنان اقول ان خيارات الحكومة مفتوحة بلا قيد لتتخذ ما تراه فى مصلحة البلاد) واردف هارون قائلاً (عندى قضية ممكن الدفاع عنها ولست قلقاً على كل حال، فالقلق يأتى اذا كنت مذنباً والعدالة لم تطلني .

هارون لـ«الوطن»: لم أجزع عندما علمت أنني على رأس قائمة المطلوبين دولياً..!
سأمارس حياتي بشكل طبيعي... وما تدري نفس بأي أرض تموت

هجو الاقرع

كيف لشخص واحد ان يقتل مائتين الف وكيف يستطيع ان يحرق القري ويرتكب جرائم حرب

وكيف يستطيع ان يموول الجنجويد كما يقولون وهو موظف دولة وليس بيل غيت

حرام ان يذهب الرجل كبش محرقة

الاخ هجو والاخوة المتداخلين
ما تقولونه ببراءة الرجل هذه تحددها المحكمة والراجل لديه ميزانية مفتوحة من حكومة الانقاذ يقتل الارواح التي حرمها الله ويعذب من يشاء
ويعفو عن من يشاء وكل التهم الموجهه اليه اي لمولانا انها ليست من تقارير المدعي العام انما هي تقارير لجنة مولانا دفع الله الحاج يوسف
بالاضافة ان المتهم يتبع تلك المنظومة التي ادت لحريق دارفور .
فقط يثبت امام القضاء براءته . وليمثل كل من ارتكب انتهاكات وحتي
لو كان من الحركات المسلحة للعدالة .
واتقوا الله ولاتنسوا ان هناك عدالة الهيه مافيها المدعي العام ولافيها
المرضي . وشتان بين تحقيق يستمر 120 يوم للوصول لاتهام الجناة
وبين محكمة المرضي التي شكلت خلال 12 ساعة . كونوا محقين حتي ولو علي
انفسكم .

عادل خميس

الاخ عادل تحية ، اخى انا فقط تسالت عن كلام هشام هبانى من وين جابو ، لم اتطرق الى موضوع القضية ، انا اتحدث عن المصداقيه والتأليف من الرأس .

اخى خليل سؤال وجيه ، والما بريدك فى الظلام بحدر ليك . اخى نفسى اعرف هشام هبانى جاب القسم المغلظ ده من وين .

والما بريدك فى الظلام بحدر ليك . اخى نفسى اعرف هشام هبانى جاب القسم المغلظ ده من وين


اخي هجو .. من السهولة ان يكذب الانسان ويتحرى الكذب ويكتب بعدها عند الله كذابا .


الرجل له خط واحد في كتاباته واعتقد كلها تصب في خدمة تعرية معارضي الكيبورد التى لا تقدم ولا تؤخر

لا تأبه لذلك كثيرا واتركه وشأنه والجمل بما حمل ...



ود الباوقة

الأخ هجو

انت منتظر دليل من واحدين زي دليل
ديل بس عليهم رمي الاتهامات الجزاف وانتظار ان الناسر ترد عليهم

يعني القصة فشوش في فشوش

صلاح غريبة - الرياض

اخى صلاح شكرا على المرور ، ان ترك هؤلاء يسرحون ويمرحون ، جعلهم يعتقدون انهم يملكون ناصية الحقيقة ، نحن قاعدين هنا لفضح امثال هؤلاء ، ونذكرهم بقول المصطفى عليه افضل الصلاة والتسليم والذى يذكرنا بعدم اكل لحم الناس ، دلالة على بقح المسلك .

اخى عمر ود الباوقة ، للاسف بعض الناس لايهمهم ما يقولون ، وينسون انهم على رب العباد معرضون ، ويتغافلون عن ام هناك جرد دقيق ، وحساب عسير، وقد نهى الشارع بان لا نقول الناس ما لا يقولون .

Quote: يا اخوانا الرجل ود هارون اقسم وين وصرح وين . لو رفع قضيه وقال الكلام ده انا ما قولتو ؟ بس نحن عاوزين المصدر ؟

والله يا هجو تحير .. هو الرئيس اقسم خلي هارونا داااا
___


بعدبن الزول ده يرفع قضية تاني في ياتو محكمة ؟

خلي يقدر تاني يمشي تشاد القريبة دي ؟!!


ما قالو نوبه

اخى منعم سلام واحترام ، اخى تصالح مع ضميرك مرة واحدة ، هشام هبانى كعادته يؤلف ويفترى على الناس ، اخى الكريم انا لم اتحدث عن ود هارون ظالما او مظلوما فقط اردت ان اعرف من اين اتى هشام بهذا الكلام ، والله المصداقية ما مهمة عندك ؟ وشوفت بعينك رد هشام هذا هنا بعد ان عريناه . سؤال واحد يا منعم لو ود هارون رفع قضيه على هشام على هذا الكذب البواح رايك شنو ؟

يا هجو
خليك من هباني ,عامل فيها لقيت لك موضوع
زولكم ده عملتوه كبش محرقه ليه؟؟؟عشان اغبش برضوا ولا شنو؟؟؟
وبوستك ده معناه شنو؟؟؟يعني حتسلموا الزول
وتغشوه برضوا وتقول له باقي الامور هي الحور العين منتظراك؟؟؟؟

ياتروا حتقولوا له امش لاهاي وسلم نفسك فداء للمشروع الحضاري؟؟؟

هباني الجسور سلام
مافي زول فاعق مرارة الناس ديل هنا قدرك التحيه لك.

تراجي.

الشيخة تراجى ، سلام وين ايامك ، انا اقول لك لو ان شخصا به عيوب الدنيا كلها ، هل ترضى ان نقول الكوم زيدوه ردوم ، الحق اولى ان يتبع ، بس هشام جاب الكلام من وين والله كذب وافتراء على خلق الله، عشان تعرفى ان الموضوع كيد سياسى وتحت تحت ، تم اختيار زول اغبش ، عارفه ليه ظنا منهم ان تتعامل معهم الحكومة بمعنى استدراج بطى ، تصدقى يا تراجى وانتى حرة هذا الرجل من انزه الناس ، وهو الذى لملم موضوع الاثنين الاسود بكل حكمة.

أخ هشام هباني

أطلب منك أن تسحب هذه الصوره القبيحه فوراً والإلتزام بالحوار الموضوعي ونحنا السفاهه دي مابتغلبنا وأعلم أني من أبناء أمدرمان وأقدر منك على التعامل بهذه الأساليب لكن مثل هذه الأساليب لاتخدم قضية أحد بل تنقص قدرك وأنت بهذا العمر ..........

اخى محمد فرح دى اسمها ( ان قلبك دليلو انظر سفاتو) يا ود فرح عليك الله ما تنزل الى مستواه