Post: #2 Title: Re: لقطات من لحظة دخول حركة العدل و المساواة لي ام درمانVideo Author: يسرى معتصم Date: 05-17-2008, 03:09 PM Parent: #1
Post: #3 Title: Re: لقطات من لحظة دخول حركة العدل و المساواة لي ام درمانVideo Author: خالد الطيب أحمد Date: 05-17-2008, 03:25 PM Parent: #2
الخالة حواء..
لك ألف شكر ..
وهذا الفيديو هو الأهم والذي أنتظرناه كل الإسبوع..
وأهميته تنبع من تأييد مواطنين امدرمان الأوفياء للثوار.. وأن الثوار قوبلوا بالترحيب من قبل السكان..
الصورة دي بي مليون:
Post: #4 Title: Re: لقطات من لحظة دخول حركة العدل و المساواة لي ام درمانVideo Author: خالد الطيب أحمد Date: 05-17-2008, 03:38 PM Parent: #3
ودي كمان:
Post: #5 Title: Re: لقطات من لحظة دخول حركة العدل و المساواة لي ام درمانVideo Author: على محمد على بشير Date: 05-17-2008, 04:27 PM Parent: #4
اقطع دراعى من هنا
لو شوية الناس الماشين فى الشارع دبل عارفين انو السيارات المسرعه دى للعدل والمساواه الناس دى فاكره انو القوات دى تبع الجيش او كما قال الاخ بريمه محمد ادم العربات دى لمن دخلت الخرطوم كانت رافعه اعلام الحركه الشعبيه .. يعنى الناس دى فاكرين انو ديل جماعة جون قرنق جايين من الدروه او فتاشه لانو نفس الناس ديل هم الذين بلغوا عنهم حينما بدأ قلع الهدوم والهروب الكبير
بعدين تعالوا هنا شنو البيؤكد انو العربات دى هى عربات العدل والمساواه موش ممكن يكون الجيش او مليشيات الانقاذ او الامن .. كيف عرفتوها انتوا ؟
وبعدين هم لامن مسرعين كدا السبب شنو بى سرعتهم دى المنعهم يصلوا القياده العامه وقاعدة وادى سيدنا الجويه ومنطقة امدرمان العسكريه والاذاعه والا بس فالحين فى قبة المهدى ومياضن مسجد الخليفه والبنوك والكهرباء ؟
Post: #6 Title: Re: لقطات من لحظة دخول حركة العدل و المساواة لي ام درمانVideo Author: تاج الدين عبدالله آدم Date: 05-17-2008, 04:31 PM Parent: #1
كل القوة الخرطوم جوه
Post: #7 Title: Re: لقطات من لحظة دخول حركة العدل و المساواة لي ام درمانVideo Author: Nasr Date: 05-17-2008, 04:45 PM Parent: #1
يا علي محمد علي عارفين ما عارفين المواطنين ديل ما ظاهر عليهم أنهم مروعين (محور التاكتيك الإعلامي للإنقاذ خلال هذه العملية محاولة إقناعنا إنو المتمردين روعوا المواطنين الآمنين) رد فعل المواطن دا كان حيكون ردي فعلي أنا شخصيا وملايين تانية زي، في حاجة جاية تخلصوا من الإنقاذ ولذلك فرح. وفي ناس دايرين يتخلصوا من الإنقاذ لكن ما بالطريقة دي... كيف ما عارف (مثلا ناس الإنقاذ يسلموهم السلطة في إنتخابات حرة نزيهة؟؟؟؟؟؟) وفي ناس بيؤيدوا الإنقاذ لكن خجلانين والمعركة الأخيرة دي كشفتهم علي حقيقتهم.
المهم معركتنا مع الإنقاذ طويلة. بس زي ما قدرنا علي النميري، بنقدر علي رئيس حرسه السابق (البشير)
Post: #8 Title: Re: لقطات من لحظة دخول حركة العدل و المساواة لي ام درمانVideo Author: عاصم ابوبكر حامد Date: 05-17-2008, 04:52 PM Parent: #1
سير... سير يا خليل ....
وكب القوة خرطوم جوة ....
لن نحارب فى دارفور مرة اخرى ...
وانشاء الله سوف نعرض لكم هنا غنائمنا من الجيش قريبا ..
Post: #9 Title: Re: لقطات من لحظة دخول حركة العدل و المساواة لي ام درمانVideo Author: Abdlaziz Eisa Date: 05-17-2008, 04:56 PM Parent: #8
Quote: سير... سير يا خليل ....
وكب القوة خرطوم جوة ....
لن نحارب فى دارفور مرة اخرى ...
وانشاء الله سوف نعرض لكم هنا غنائمنا من الجيش قريبا ..
فوق
Post: #10 Title: Re: لقطات من لحظة دخول حركة العدل و المساواة لي ام درمانVideo Author: على محمد على بشير Date: 05-17-2008, 04:56 PM Parent: #8
Quote: وانشاء الله سوف نعرض لكم هنا غنائمنا من الجيش قريبا ..
وراس محمد حامد جمعه يا عاصم بعد ما تكتلوهو ح تعرضوهو لينا هنا برضو ؟
Post: #20 Title: Re: لقطات من لحظة دخول حركة العدل و المساواة لي ام درمانVideo Author: عاصم ابوبكر حامد Date: 05-17-2008, 06:59 PM Parent: #10
Quote: وراس محمد حامد جمعه يا عاصم بعد ما تكتلوهو ح تعرضوهو لينا هنا برضو ؟
هذا الرجل غير ماخذ سوف نجعله دمية متحركة فقط ...
لاننا دائما لا نشهر او نعرضهم فى التلفزيون .. بل نترحم عليهم ....
ولكن ود جمعة سوف يشنق امام الجميع
Post: #36 Title: Re: لقطات من لحظة دخول حركة العدل و المساواة لي ام درمانVideo Author: بدر الدين اسحاق احمد Date: 05-17-2008, 10:16 PM Parent: #20
ولكن ود جمعة سوف يشنق امام الجميع
بسم الله الرحمن الرحيم هذه دعوة للقتل ما معقول
Post: #11 Title: Re: لقطات من لحظة دخول حركة العدل و المساواة لي ام درمانVideo Author: خضر الطيب Date: 05-17-2008, 05:23 PM Parent: #1
الاخت الكريمه حواء ابراهيم
لك التحيه والتقدير
هذا الفيديو والمصور بواسطه كاميرا الموبايل لهو اكبر دليل على ان هذه
الحركه لم يكن هدفها الجمهور والشاهد بان الذي قام بالتصوير شخص من المواطنين
وهو في وضع نفسي جيد وهذا دليل على ان الحركه لم تقم بارهاب المواطنين ناهيك
عن قتلهم الذي ادعاه بوق الطغمه الحاكمه , فالى متى تستمر هذه العصابه في كذبها
وتلفيقها ؟ .
شكرا حواء
good job
well done
Post: #47 Title: Re: لقطات من لحظة دخول حركة العدل و المساواة لي ام درمانVideo Author: Sara Mahgoub Date: 06-22-2008, 01:16 PM Parent: #11
الاخ خضر الطيب لااتكلم هنا حسب أنتمائى القبلى ولابتوجه سياسى لكن اكتب بروح الاخوة الصادقة التى نشأنا عليها من غير تميييز
أؤومن بقضيتنا وان قلت قضيتكم جعلتكم حزء منفصل منا ونحن جسدا واحد لايقبل الانفصال هل الحل لهذه
القضية تلك الفوضى الضاربة فى كل المناحى هل يعقل ان قضية دارفور تتبناها اكثر من ثلاثة جهات من
نفس الاقليم مختلفة وهذا اول مؤشر على ضياع الحق لان كلن ينادى من وجهت نظره اخى خضر لماذا لا تتوحد
تلك المجموعات وتنادى باجندة وحقوق واحدة فالقوة فى الاتحاد وليس فى كسب فردى .
عموما انا حاتجاوز النقطه دي لانها الظاهر اتعبتك شويه ,.
كونك تقولي عندنا اولادنا في امدرمان قالوا كيت وكيت , انا بفتكر دا كلام مابسندوا منطق , يعني اولادكم ديل كم واحد ؟ اثنين,, ثلاثه مثلا , يساوو كم لعدد الناس الشافوا القوات دي , بعدين المناسبه شنو البتخليهم يهللوا للقوات المسلحه؟
يعني انا قصدت بكلمه بالليل دي انو الكلام الانتي بتقولي فيهو دا حصل بالليل والواطه ضلام والعين
مابتميز ولا بالنهار ؟ مع العلم انو القوات دي دخلت بالنهار وكانوا قريبين جدا يعني الواحد
ممكن يشوف بوضوح , والشئ الثاني الناس ديل مسافرين ليهم اربعه يوم يعني واضح انو السيارات
دي جايه من بعيد فكلامك عن انو اولادكم قالوا دي قوليها لي واحد ماعندو حديده ...
كت اووت :
معقوله يالاسمك سناء حركات النسوان دي كعبه للدرجه دي ؟؟ لحدي مايشتمو بيهاالواحد ؟؟
Post: #22 Title: Re: لقطات من لحظة دخول حركة العدل و المساواة لي ام درمانVideo Author: سناء عبد السيد Date: 05-17-2008, 07:07 PM Parent: #19
كان ممكن تقول كلامك دى من الأول بدل ما تكتب الكلمة الانت كنتبتهالأني بصراحة ما بحب الايحاءات
و الكلام الما في محلو , عموما انا اسفة
الشي التاني ما عارفة الغريب في الامر شنو , الولدين القالوا الكلام دى كانوا في ام درمان
و هم طلبة جامعة و واحد فيهم قال انا عاينت ليهم و افتكرتهم الجيش السوداني و قال ما اهتميت
بالأمر و ما اتلفت عليهم اصلاً و التاني قال ما جا في اعتقادوا نهائي انهم ناس العدل و المساواة
دى الكلام القالوهو و قالوا غيرم كتار و ما في شي بخليهم يكذبوا
الشي التالت ايه الحيخلي الناس تميز انه ديل ناس العدل و المساوة يعني جوا خاشين شايلين
لافتات مكتوب عليها العدل و المساواة , بس ما تقول لي عشان جوا مغبرين
Post: #37 Title: Re: لقطات من لحظة دخول حركة العدل و المساواة لي ام درمانVideo Author: بدر الدين اسحاق احمد Date: 05-17-2008, 10:23 PM Parent: #22
بسم الله الرحمن الرحيم السلام عليكم ورحمة الله وبركاته اشيد بهذا الاعتذار التحية للمتداخل الموضح والمبين لما ابهم
Post: #21 Title: Re: لقطات من لحظة دخول حركة العدل و المساواة لي ام درمانVideo Author: nabielo Date: 05-17-2008, 07:00 PM Parent: #1
Quote: اولادنا كانوا في امدرمان و قالوا لمن شافوا القوات دي داخلة قعدوا يهتفوا ليهم
و قالوا كنا فاكرينهم قوات الحكومة
الاخت سناء اولادنا ديل منو ؟ و (اولادنا) ديل متعودين يهتفوا للقوات الحكومية ؟ لو الاجابة نعم ليييه ؟
و ما تنسي انو الفيديو ده في بداية الهجوم يعني الناس (اولادنا) ما كانوا عرفوا بالحيحصل
انا عند رايي بعدم رفع السلاح لأنو ما في صالح المواطنيين
كلامي ما عجبك عشان قلت الحقيقة !! فعلا الحقيقة مرة , النوبيين حدودهم مع مصر
و مصر مل حتمد ليهم يد العون لأنها زي حكومة السودان عايزة تبيد النوبيين
خلينا واقعيين شوية
اما عن بقية اسألتك, الاولاد من اهلنا
اما عن انهم يهتفوا للجيش ليه دى سؤال مكن توجهو ليهم
Post: #23 Title: Re: لقطات من لحظة دخول حركة العدل و المساواة لي ام درمانVideo Author: nabielo Date: 05-17-2008, 07:15 PM Parent: #1
Quote: و القوة ديو اثناء مرورهم بسوق ليبيا اتوقفت احد العربات و طلبت من صاحب محل لبيع
الفول - طلبت منو احضار ماء فاجابهم الرجل انا ما فاضي ليكم فما كان منهم الا ان اطلقوا عليه
وابل من الرصاص فأمروا بعض الشباب الحاضرين احضار الماء ففعلوا و هم في قمة الذهول لأنهم
ايضاً كانوا يعتقدون انهم من القوات الحكومية
الاخت سناء انتي كيف بتفكي الاتهامات بالبساطة دي ممكن تورينا مصدر الكلام الفوق ده و لا برضوا قالوهو ليكي (اولادنا)
انتبهي الناس دي ممكن تفتكر انك نوبية مستعربة و يظلموكي
Post: #25 Title: Re: لقطات من لحظة دخول حركة العدل و المساواة لي ام درمانVideo Author: على محمد على بشير Date: 05-17-2008, 07:31 PM Parent: #23
الكلام مافى انهم دخلوا كيف والا الناس عرفوهم والا لا الكلام بعد داك طلعوا كييف
Quote: خليل ابراهيم يقود الطابور الذي يدخل من الفتيحاب.. و سليمان فضيل يقود المحور الذي يداهم وادي سيدنا..
وجمالي يقود طابور الإذاعة..
Quote: والقوة الثانية التي يقودها خليل تجد اللواء »أبوتيه« في انتظارها وعربة خليل كانت واحدة من اثنتي عشرة عربة تحترق في اللطمة الأولى وخليل يقفز.. وحرسه ينتزعون عربة من المواطن »آدم بوش« دبل كابينة يلقون به على الرصيف وينطلقون بها.
والهروب يبدأ..
قبلها بقليل كان خليل يصرخ في الهاتف يحدث قائده الذي يتجه الى الإذاعة يسأله.. ولكن الإذاعة كانت تطلق النيران من وراء لواء كامل.
والجري يبدأ من هناك أيضاً..
غايتو يا خليل مبروك عليك البوكس الدبل كابينه حق المواطن ادم بوش يعنى قنعت من الغنيمه وكرسى الرئاسه فى القصر بى بوكس دبل كابينه قرقرقرقرقرقرقرقرقرققرقرقرقرقر
Post: #29 Title: Re: لقطات من لحظة دخول حركة العدل و المساواة لي ام درمانVideo Author: سناء عبد السيد Date: 05-17-2008, 08:06 PM Parent: #23
Quote: الاخت سناء انتي كيف بتفكي الاتهامات بالبساطة دي ممكن تورينا مصدر الكلام الفوق ده و لا برضوا قالوهو ليكي (اولادنا)
انتبهي الناس دي ممكن تفتكر انك نوبية مستعربة و يظلموكي
اتهام شنو يا نبيل
الكلام دى في اتصالاتي مع بعض الاهل و الجيران سمعتو منهم و ديل اولاد صغار
ما في شي بخليهم يكذبوا
و عشان ما نخش في كلام كتير الاولاد ديل ما بمثلوا النوبة و لا ليهم في السياسة
و بعدين شنو حكاية نوبية مستعربة ؟؟؟؟؟ من متين الانتماء للعروبة جريمة و للا مصيبة
انتو بتدينو في العنصرية و بتمارسوا العنصرية بعينها
النوبيين كجنس احسن من العرب في شنو ؟؟!!! ممكن نفخر بالحضارة النوبية العملاقة و اسبقيتنا
في خلق هذة الحصارة لكن ابدا دى ما بدينا الحق انه نشوف نفسنا احسن من العرب و لا من غيرم
انا نوبية بعتز بنوبيتي و عندي النوبة زيهم و زي الجعليين و زي الجنوبيين ما في اي فرق
و مافي واحد فيهم احسن من التاني
و انا ممكن تاني ما اخش ليك في اي بوست طالما مداخلاتي بقت ما بتعجبك
و مستعدة انه اسحب مداخلاتي الفي بوستيك مع اني ما مصدقة انه مداخلاتي ما عاجباك بس لمجرد
اني ما عايزة اهلي يدخلوا في حروب لا فبل لهم بها
Post: #26 Title: Re: لقطات من لحظة دخول حركة العدل و المساواة لي ام درمانVideo Author: nabielo Date: 05-17-2008, 07:34 PM Parent: #1
Post: #28 Title: Re: لقطات من لحظة دخول حركة العدل و المساواة لي ام درمانVideo Author: mohmed khalail Date: 05-17-2008, 07:58 PM Parent: #26
Quote: معقوله يالاسمك سناء حركات النسوان دي كعبه للدرجه دي ؟؟ لحدي مايشتمو بيهاالواحد ؟؟
الحبيب خضر الطيب
حقيقة اندهشت جدا لرد فعل الاخت سناء الما مبرر..
بس يا حبيب الايام دي كهربة البورد عالية تقول عدل اتموها ليك مساواة..
تقول خليل اتموها ليك ابراهيم..
تقول بالليل اقولو ليك قاصد شنو ؟؟
Post: #27 Title: Re: لقطات من لحظة دخول حركة العدل و المساواة لي ام درمانVideo Author: nabielo Date: 05-17-2008, 07:52 PM Parent: #1
كلمة عايزين دي لو موجهه لي انا وين قلت عايزين نشيل سلاح ؟؟؟؟ شايفك متسرعة في ردودك في البوستات حاولي اقري و افهمي الكلام البتكتب قبل ما تردي
و اكرر من وين جبتي الكلام القلتي حصل في سوق ليبيا ؟ و كيف عرفتي انها نفس القوات الظهرت في الفيديو ؟؟
الظاهر (اولادنا) ديل كانوا منتشرين في كل ركن في امدرمان و بيجيبوا ليكي الاخبار أول بأول
الناس حتفتكر انك نوبية مستعربة و حيظلموكي
Post: #31 Title: Re: لقطات من لحظة دخول حركة العدل و المساواة لي ام درمانVideo Author: سناء عبد السيد Date: 05-17-2008, 08:14 PM Parent: #27
Quote: حاولوا اقري و افهمي الكلام البتكتب قبل ما تردي
الأخ نبيل رديت عليك فوق ما تستعجل
و لحدي هنا و كفاية ما في داعي للاهانة و للغلط , لو شايف اني ما بفهم يبقى ما تتداخل معاي
شايفة انه كتاباتنا ما حتفيد القراء في شي , لكن يا ريت توريني الما عجبك في كلامي شنو
و بقول ليك تاني النوبة ما احسن من اي فبيلة في السودان , و للأسف بعضهم شايف نفسه
احسن من العرب و الجنوبيين و الغرباويين و غيرم , الناس واحد
Post: #30 Title: Re: لقطات من لحظة دخول حركة العدل و المساواة لي ام درمانVideo Author: ياسر مكاوي Date: 05-17-2008, 08:09 PM Parent: #1
لا أرى ثوار ولا أرى مواطنين
والأدهى والأمرأني لا أرى ترحيب
يا ناس ما تخلو الجعير والخيال الواسع دا ؟؟!
Post: #32 Title: Re: لقطات من لحظة دخول حركة العدل و المساواة لي ام درمانVideo Author: nabielo Date: 05-17-2008, 08:21 PM Parent: #1
Quote: الكلام دى في اتصالاتي مع بعض الاهل و الجيران سمعتو منهم و ديل اولاد صغار
يعني مصدر كلامك ده كلو شفع صغار؟؟؟؟؟؟؟؟ يا اختي انت عربي ما بتعرفي مالك و مال الناس ديل ؟؟؟
لا حول و لا قوة الا بالله
وا أسفاي
Post: #33 Title: Re: لقطات من لحظة دخول حركة العدل و المساواة لي ام درمانVideo Author: Nagi Ahmed Date: 05-17-2008, 08:52 PM Parent: #32
وده دليل مدعم بالفديو يوضح انه هذه القوات لم تستهدف المواطنين لانه كان بامكانها قتل كل اولئك الذين يصطفون علي الشارع اي كلام يقول انه هذه القوات استهدفت المواطنين هو بروباجندا حكومية تهدف الي تخويف المواطن العادي لكي يناصر الحكومة
Post: #34 Title: Re: لقطات من لحظة دخول حركة العدل و المساواة لي ام درمانVideo Author: سناء عبد السيد Date: 05-17-2008, 09:26 PM Parent: #32
Quote: يا اختي انت عربي ما بتعرفي مالك و مال الناس ديل ؟؟؟
العربي مالك و مالو اسه بقى ليك مفخرة ماشايفاك معتبر العرب اقل منك
الظاهر انت الما بتعرف تقرى انت قايل الحرف دى (ى) ي و قريتا( دي)
و بعدين الصغار ما بكذبوا بكذبوا الرجال الهطلات الزيك
للأسف انه النوبين يعينوا واحد جاهل زييك و يعتبروه المتحدث باسم النوبيين
ما شايفاك الا منافق عنصري و جاهل جايي تتاجر بقضايا النوبة على حساب ذم القبايل الغير نوبية
و ناس الغرب ما كبري عشان تستعملوهم في تحقيق غاياتكم الغير كريمة النوبيين فيهم الكثير-
ما كلهم -البكرهو ناس الغرب و بكرهوا الجنوبيين و بكرهوا باقي القبايل العربية و هم الوحيدين
اللحدي الليلة بشتموا غيرم بكلمة يا عبد و يا عريبي
معليش الواحد ما كان عايز يوصل للحد دى لكن أمثال هذا الجاهل بخلوا الواحد يفقد عقله
اتداخلت معاهو بكل ادب جايي مطلعني كذابة و جايي يستعمل معاي كلمات جارحة
زي ما بتفهمي و المداخلات امامكم
Post: #39 Title: Re: لقطات من لحظة دخول حركة العدل و المساواة لي ام درمانVideo Author: nabielo Date: 05-17-2008, 10:57 PM Parent: #34
Quote: للأسف انه النوبين يعينوا واحد جاهل زييك و يعتبروه المتحدث باسم النوبيين
و الله دي معلومة جديدة اني متحدث باسم النوبيين ؟
Quote: ما شايفاك الا منافق عنصري و جاهل جايي تتاجر بقضايا النوبة على حساب ذم القبايل الغير نوبية
الله يسامحك يا مستعربة
Quote: و ناس الغرب ما كبري عشان تستعملوهم في تحقيق غاياتكم الغير كريمة النوبيين فيهم الكثير-
ما كلهم -البكرهو ناس الغرب و بكرهوا الجنوبيين و بكرهوا باقي القبايل العربية و هم الوحيدين
اللحدي الليلة بشتموا غيرم بكلمة يا عبد و يا عريبي
تقولي (اولادنا) و تقولي انا العنصري يا النوبية المستعربة؟؟ يعني ناس الشرق و الغرب و الجنوب ديل ما (اولادنا) ؟؟
قلتي شنو ؟ النوبيين فيهم الكثير البكرهو ناس الغرب و الجنوبيين ؟ ديل الزيك من النوبيين الاستعربوا الممكن يضحوا بارضهم و حضارتهم و ثقافتهم من اجل العرب
الحرامي في راسو ريشة
Post: #40 Title: Re: لقطات من لحظة دخول حركة العدل و المساواة لي ام درمانVideo Author: سناء عبد السيد Date: 05-17-2008, 11:06 PM Parent: #39
تقولي (اولادنا)
انا لمن قلت اولادنا قصدت اولاد من اهلي مش من اهلك
لسة بتقول مستعرباتية , و مصر ععلى وصف العروبة بانها مسبة
لعلمك انتوا بتقولوا انكم ما اختلطوا بالعرب طبعا دى كلام خالي من اي مستند
لكن على العموم انا جدي لوالدتي عربي من الحجاز و هو النشر الاسلام في شمال السودان
و عنده قبة في منطقة كويكة و اسمه الشيخ ادريس علي المرضي
و انا بعتز بي نوبيتي و بعتز بعروبتي لكن الما بعتزا بيهو انو النوبة فيها واحد زييك
Post: #35 Title: Re: لقطات من لحظة دخول حركة العدل و المساواة لي ام درمانVideo Author: احمد التجانى احمد Date: 05-17-2008, 09:58 PM Parent: #1
Quote: كل القوة الخرطوم جوه
ياالاخو ادم تاج الدين شايفك شايل الكلمتين ديل وحايم بيهم البوستات رائك شنو الخرطوم دى نطلع ليكم اهلها منها ونتنازل ليكم منها بعد مااتجيهت ولقيتوها جاهزة اصلكم بتاعين جاهزة ونحن ح نمشى سنار ولا الدمازين نعملها خرطوم تانية بس مانشوفكم بهناك لكن نصيحتى ليكم اتعلموا السباحة اول وماتخاف الموز راقد لو قصر ح نورد ليكم من كسلا بس بالله ادوا الاولوية للمهمشين الكانوا اصلا فى الخرطوم ادوهم العمارات والرياض وهكذا
Post: #38 Title: Re: لقطات من لحظة دخول حركة العدل و المساواة لي ام درمانVideo Author: سناء عبد السيد Date: 05-17-2008, 10:32 PM Parent: #1
الجماهير النوبية : سنرفع السلاح اذا اصرت الحكومة علي اقامة السدود ((فيديو))
عنوان يدعو للسخرية و الضحك
Post: #41 Title: Re: لقطات من لحظة دخول حركة العدل و المساواة لي ام درمانVideo Author: nabielo Date: 05-17-2008, 11:23 PM Parent: #1
Quote: لكن على العموم انا جدي لوالدتي عربي من الحجاز و هو النشر الاسلام في شمال السودان
و عنده قبة في منطقة كويكة و اسمه الشيخ ادريس علي المرضي
ما كان تقولي الكلام ده من قبيل و تريحينا؟
و انتي طلعتي اراب و ما نوبية الحمد لله
بعد ده ما عندي كلام معاكي
انتهي
Post: #42 Title: Re: لقطات من لحظة دخول حركة العدل و المساواة لي ام درمانVideo Author: سناء عبد السيد Date: 05-17-2008, 11:32 PM Parent: #41
نوبية غصبا عنك
ودي اخر مداخلة لي معاك بس لأنه في ناس بحترمن طلبوا مني ما ارد عليك
كنت عايزة امسح مداخلاتي من بوستيك لكن ما حعمل كدى عشان بكرة ما تجي تبهتني بكلام انا ماقلتو
يلا يا ابو جهل باي
Post: #43 Title: Re: لقطات من لحظة دخول حركة العدل و المساواة لي ام درمانVideo Author: القلب النابض Date: 05-18-2008, 02:03 AM Parent: #42
الأخت سناء
سلام
لا تهتمي لهذا الذي يقال
Quote: الناس حتفتكر انك نوبية مستعربة و حيظلموكي
هذا يسمى إرهاب البورد ..
لا تستجيبوا لأي إرهاب يجعلك تحجم عن قول رأيك أو شئ تشهد به
Post: #44 Title: Re: لقطات من لحظة دخول حركة العدل و المساواة لي ام درمانVideo Author: Tragie Mustafa Date: 05-18-2008, 02:07 AM
شكرا يا حواء للبوست المهم وشكرا يا خالد الطيب على الصور .
وخلوا المنافقين يواصلون في اكاذيبهم.
Post: #45 Title: Re: لقطات من لحظة دخول حركة العدل و المساواة لي ام درمانVideo Author: خضر الطيب Date: 05-18-2008, 04:25 AM Parent: #1
الحبيب محمد خليل
كيف حالك
Quote: الحبيب خضر الطيب
حقيقة اندهشت جدا لرد فعل الاخت سناء الما مبرر..
بس يا حبيب الايام دي كهربة البورد عالية تقول عدل اتموها ليك مساواة..
تقول خليل اتموها ليك ابراهيم..
تقول بالليل اقولو ليك قاصد شنو ؟؟
الاخت سناء وضح من خلال مداخلاتا مع الاخ نبيل انها مابتميل لانو الناس تحمل
السلاح وتحل مشاكلا عن طريق السلاح , ودا راي كل الناس في كل العالم , ودي حاجه
تحسب ليها , لكن عصابة الخرطوم استنت السنه دي واعتدت على الناس في كل انحاء السودان
وهذا اصبح هو الطريق الوحيد لاخذ الحقوق ورد المظالم وماحديث البشكير ببعيد وظل يردده
دوما بانهم اخذوها بالقوه ومن ارادها فعليه ان يلجأ للقوه , ولا اعتقد بان عاقل يحكم
دوله بهذا التعدد يكون هذا منطقه لادارة هذه الدوله .
عليه يجب ان تستعد هذه العصابه لمذيد من العنف وهذا ماستحمله لنا الايام القادمه وهو ليس
ببعيد .
الاحتقان المستشري في البورد هذه الايام دليل قوي على ان الناس تعلم تماما بان السودان
ونسبة لتعنت هذه الطغمه في طريقه للصومله , وهذا مايجعل الناس منفعلين , ونسال الله ان يجنبنا
الفتن ماظهر منها ومابطن حتى ينعم الجميع بسودان واحد يسوده الامن والطمأنينه .
Post: #46 Title: Re: لقطات من لحظة دخول حركة العدل و المساواة لي ام درمانVideo Author: د. بشار صقر Date: 06-21-2008, 00:03 AM Parent: #1
فوق
Post: #48 Title: Re: لقطات من لحظة دخول حركة العدل و المساواة لي ام درمانVideo Author: Hani Arabi Mohamed Date: 06-22-2008, 01:45 PM Parent: #1
الشارع السوداني كان متباين الآراء ذلك اليوم.
لا ينكر أحد أن هناك من استقبل قوات العدل والمساواة بالترحيب والهتاف والطعام وهم يعرفون تماما أنها قوات خليل وهم مؤيدون لها تماما ومباركون لما قامت به.
لا ينكر أحد أن آخرين استقبلوها أيضا بالهتاف لكن "تقية" ونفاقا لها حتى "يتقوا شرها" كما قال احدهم حين قال لضابط يحمل رتبة "رائد" في حركة العدل والمساواة "أين أنتم من زمان كان جيتوا خلصتونا من الناس ديل"
لا ينكر أحد أن مجموعة أخرى من أبناء دارفور كانت تقف في الشارع وحين شاهدت قوات خليل تدخل الفتيحاب "دا انتحار ... أهلنا ديل جايين يسووا شنو هنا، ما دايرين حرب"
لا ينكر أحد أن مجموعة أخرى رفضت دخولهم تماما.
لا ينكر أحد أن مجموعة أخيرة قاتلتهم حتى أخرجتهم من أم درمان في نفس الليلة.
ويبقى لكل شخص الحرية في اتخاذ رأيه وقراره لكن في النهاية رأي أنا الشخصي
أن الحروب لا تفيد وأن العنف لا يفيد
وأن الفقد واحد في دارفور أو في الخرطوم أو في الجنوب أو في الشمال
