.. حجبات السلاح ما تفيد مع امدرمان ...

تعلاتك ..
وشغلاتك ..
وحاجاتك.. تخلين ؟
يا أبوالخل .
__
لاندكروزرك يازول بيتقطع مناجل حش
دى حجبات السلاح ما تفيد مع امدرمان .. وشوف الرش
دى امدرمان
دى امدرمان
دى امدرمان وكت تزعل تكسرك كش ..
عليك المولى ما بتخجل ؟
نعلاتك .

لاندكروزرك يازول مع الحداد
وبيت المال عيالو شداد
خليل الليلة تاكل نيم
حرام لاتضلل الاولاد ..

دى ما انجمينا يا خلو .. ولا تلعب
نهر النيل ده عاصى عليك ما بتشرب
وسوق الناقة ديك يا الشية يا خلو ولا تتعب
خليل فرتك
وكر بين الشقوق الضب
وحجبات السلاح ما تفيد مع امدرمان

امدرمان
يا الما بتطيشى مع الطايشين
ولا بيهز لنخيلك سعفو تشاديين
للجهوية
الناس واقفين
وكل الكضب باسم الدين
عارفين
عارفين
ودى امدرمان
ما بنقبل فيها شمال ويمين ....

يا جاهل
تركز كيف على الحجبات ؟
حجبات الكضب يازول دى ما بتحل
وحر الرملة فوق عجلات حديدك حار وعلا تفل
فرتك تانى لا تضهب
فدق امدر قرص عقرب
كان وصفولك أرض الوادى لاتركب
تانى افهم
ده كان مقلب
تصدق يوم تجى امدرمان عشان يا خلو تتعذب ؟

يا لطيف

حرام لاتضلل الاولاد
كيف لى دبى ده بتنقاد ؟
هو مو عارفك شقى وشراد ؟
الانقاذ دى ما عاجبانه تب يازول .
الا عقابنه ما بنسيبو تشوى جداد

دى امدرمان ولحس الكوع
ترارى
ترارى زى درع الدهب مدروع
صبرت فوق سنة 6 زمان الجوع
وانشرت
وانفرت
شجرة كبيرة ليها اصل
وليها فصل
وليها فروع
دى امدرمان صعيبة عليك ...

مليون جناح
مليون فصيل
ده فلم طويل
جناح يمد
وجناح يشد
وجناح يكيل
كده مستحيل كده مستحيل

كنا بنرهف الأسماع
لمان تحكى
لما تقول
ونحترمك كلامك كان كلام معقول
وكنته حقيقى تتمدد
وكنته طبيعى تتجدد
عملتها كيف ؟
ده بنقو تشاد شديد يازول
مرق لابس الحجاب مقلوب وكان مسطول
ديار المهدى تانى تزازى يا جهلول ؟
كمان كيزان تشاد جايين ؟
ما كفاية انعدام الزيت وصحن الفول ؟؟؟

..

و فعلاً دي ام درمان عاصمة الصمود و صانعة الأبطال


موش انجمينا صانعة العملاء و الجبناء

هو فى محارب
بيلبس عمه الف ضراع ؟
تحارب كيف؟
ولافى ليك عمه شراع
حصل يا مان دخلته الكورة فى امدرمان ؟
حصل لفيت شوارع أبوروف ؟
تعرف الوادى والخيران ؟
بس كلو السبب فى ده هم الكيزان ....

أخت سناء عبدالسيد
سلام
وربنا يحفظ السودان
من الفتن والاطماع .
الف شكر

خليل ناقش
محجب تب حجابو تقيل
تجلى الطلقة من جمبو وتنيش الفيل
ولاندكروزرو الحرقان يدور تانى
يمشى عديل
أبو الخل مافى ليه مثيل ..

تحارب كيف؟
ببرميل جاز
وقفة دقيق
ورابط ليك فى العربية كم أبريق
هى ما بتتحل يأخ بحريق
عشان الحل ؟
عشان الحل فى ألف طريق
بس الامخاخ وكت تحلج بعم الضيق ... يا ستار

ناس خايفيين
وناس دايشيين
وناس من الزعل نامت
وفوق عين التجول ديك فى ناس حامت
وناس بلت
وناس حلقت
وتانيين مستحميين جاز
وفاكريين الهبوب طلقت
كلام خلى الجداد يضحك بعد ضبحو بعدما لحمتو انسلقت ...
معارضيين طيين وحاكم خطتو انفلقت
دموم دلقت
دموم دلقت
دموم دلقت

البيعجن
كل زول ياكل عجينو
والبهين للناس كرامة
باكر الأيام تهينو
دنيا فانية فيها ايه ؟
ادخلو النيل استحمو عشان تلينو

يا حليلو
قلب افريقيا الرحيب
الطولو فارع
دمو دفق فى الشوارع
المجند مات فطيسه
والبليد لسع يصارع
مافى عاقل
يهدى طبشير للمداس من بدل هادى المدافع ؟؟؟؟؟؟؟؟؟

بلد مجروح
وحارسو بنوم على مخمل
وعاد الفاس
وقع فى الراس
وصبر الناس فضل يكمل
ده رصاص
جوه امدرمان
وزارة ايه ؟ دفاع اخبل

هي لاتفيد اذا جاء امر الله


هذا لامفر منه

ولكن الاتخجل قوة من حركة صغيرة وواحدة فقط من دارفور تفعل كل هذا

ياسناء وياموسى ان بدارفور رجال نعم رجال وليس اصناف رجال امثال المدعو موسى هذا


اذا اردتمان تعيشو بسلام في امدرمانكم فكفو عن العبث بحقوق شعب دارفور والا الويل لكم


هذه مجرد بداية وقد تتغير الاستراتيجية المرة القادمة اخشى ان يلتحف امثال موسى هذا الثياب المرة القادمة


ولكن تكون العدل والمساوة لوحدها


فكفوا اللعب بالنار

مثلما يقتل اهاليكم اهلنا في دارفور بينما تتغنون وترقصون طربا

في الخرطوم ونحن في الصحاري والفيافي نعاني الامرين

والله لن يدوم هذا الامر طالما هناك رجال مستعدون لاقتحام عرين الاسد وليس امدرمان فقط


وفي المرة القادمة استعدو


رجال دارفور قادمون وهم من اشجع رجال السودان كله

اسف يا أخوى
اريت تفهم
اريت نعقل عشان نجبر
اريت نصدق جميع نصبر
اقول انشاءالله ما نفتر ولا نفتر