Post: #1
Title: نور تاور (شهيدة ) الحقيقة
Author: محمد حامد جمعه
Date: 05-14-2008, 04:00 PM
Parent: #0
الزميلة نور تاور ، قلم محترم ، قد تختلف معه لكنه يجبرك على النظر اليه والالتقاء معه على نقطة احترام الاخر وان كان نقيضك
الان اراها شهيدة نيران المنبر ، لسبب بسيط ، انها عزفت على نغمة لا يود كثيرون هنا الرقص عليها ، نغمة المعايشة والمتابعة وتحليل الامور من منظار (الناس القاعدة جوه البلد ) ، واستعدى با بت السلطان لمشنقة عريضة فى واجهة المنبر ، ويا منايا شرفى د.خليل ابراهيم..من الثورة الى الجريمة..
|
Post: #2
Title: Re: نور تاور (شهيدة ) الحقيقة
Author: Ahmed Osman
Date: 05-14-2008, 04:11 PM
Parent: #1
| Quote: ..نور تاور (شهيدة ) الحقيقة |
المعروف عن الحقيقة انها صالحة لكل زمان ومكان
قتل الابرياء
فى كل عمر الانقاذ كانت الحقيقة حاضرة ومدسوسة
|
Post: #3
Title: Re: نور تاور (شهيدة ) الحقيقة
Author: محمد حامد جمعه
Date: 05-14-2008, 04:15 PM
Parent: #2
| Quote: المعروف عن الحقيقة انها صالحة لكل زمان ومكان |
لو كانت كذلك ما شنقت نور فى هذه الظلمة
|
Post: #4
Title: Re: نور تاور (شهيدة ) الحقيقة
Author: BAKTASH
Date: 05-14-2008, 04:24 PM
Parent: #1
| Quote: لو كانت كذلك ما شنقت نور فى هذه الظلمة |
ولما شنق محمود وقتل علي فضل والتاية ومحمد عبدالسلام....... الخ...... قال حقيقة قال!!!!!!
|
Post: #5
Title: Re: نور تاور (شهيدة ) الحقيقة
Author: محمد حامد جمعه
Date: 05-14-2008, 04:32 PM
Parent: #4
قل انت او لتصمت
|
Post: #31
Title: Re: نور تاور (شهيدة ) الحقيقة
Author: kamalabas
Date: 05-15-2008, 03:06 AM
Parent: #4
| Quote: ولما شنق محمود وقتل علي فضل والتاية ومحمد عبدالسلام.. |
|
Post: #6
Title: Re: نور تاور (شهيدة ) الحقيقة
Author: AMNA MUKHTAR
Date: 05-14-2008, 04:35 PM
Parent: #1
لاحول ولاقوة الا بالله..
شهادتك دى يا جنابو لهى الضربة القاضية للزعيمة نور تاور..
وتانى لو قامت ليها قايمة بعد شهادتك دى يبقى الحزب الليبرالى رمى نفسه فى الهاوية..
|
Post: #7
Title: Re: نور تاور (شهيدة ) الحقيقة
Author: HAIDER ALZAIN
Date: 05-14-2008, 04:38 PM
Parent: #6
من متين ؟
|
Post: #9
Title: Re: نور تاور (شهيدة ) الحقيقة
Author: Tragie Mustafa
Date: 05-14-2008, 04:41 PM
وسدد محمد حامد جمعه باحكام ومن بندقية قاتله رصاصة النهاية للقائدة نور تاور!!
لاحلول أأأأأأأأأالمرحومة كانت طيبة بس غبيه و القانون لا يحمي الاغبياء!!
|
Post: #8
Title: Re: نور تاور (شهيدة ) الحقيقة
Author: محمد حامد جمعه
Date: 05-14-2008, 04:40 PM
Parent: #6
| Quote: وتانى لو قامت ليها قايمة بعد شهادتك دى يبقى الحزب الليبرالى رمى نفسه فى الهاوية |
امنة .. بت امى
مالها .. شهادة معرد .. ولا كضاب .. شهادة فى الهوا الطلق دا من ابو مطارق الهوا الطالق للكلكة الماليها ملكة
قلتى كجيت ليك الولية ..
اشرحى للشباب ديل معنى المعرد واديهم مثال (خليل نموذجا )
|
Post: #10
Title: Re: نور تاور (شهيدة ) الحقيقة
Author: Adam Omer
Date: 05-14-2008, 05:38 PM
Parent: #8
| Quote: لكن خليل دا عرد شيقسش |
|
Post: #11
Title: Re: نور تاور (شهيدة ) الحقيقة
Author: AMNA MUKHTAR
Date: 05-14-2008, 05:48 PM
Parent: #1
| Quote: اشرحى للشباب ديل معنى المعرد واديهم مثال (خليل نموذجا ) |
عليك الله كدى هسه خلى الشباب ديل وخلى نور تاور موضوع البوست
وبينى وبينك كده..
دكتور خليل معرد صحى ؟
غايتو كان دكتور خليل معرد أريتو يا يمة عرد الجنيات لى حدهم..
غايتو يا ود الخال خسارتك فى الأمن..
فالأمن ما بشبه العطاوة
من بابنوسة لى دار زغاوة
|
Post: #12
Title: Re: نور تاور (شهيدة ) الحقيقة
Author: Bashasha
Date: 05-14-2008, 05:48 PM
Parent: #1
عوووووووووووووك!
عيييييييييييييك!
عميد عملاء الامن بالمنبر يدافع عن زعيمة الليبرالي!
"انتي فيييييين يا ستي زينب"؟
زي ماقالو المصريين في شيكان، لما اتزنقو!
انت فين يا ثروت؟
انت فين يافاضلابي بتاع الليبرالي الاتحرق!
|
Post: #13
Title: Re: نور تاور (شهيدة ) الحقيقة
Author: mutwakil toum
Date: 05-14-2008, 05:53 PM
Parent: #12
محمد،
انت زول تفتيحة وبتعرف تضرب تحت الحزام،
انتهيت من تاور والليبرالي بي ضربة معلم،
حجرك رمي عصفور ونسر
|
Post: #14
Title: Re: نور تاور (شهيدة ) الحقيقة
Author: Kabar
Date: 05-14-2008, 05:59 PM
Parent: #1
ول ابا..حبابك
ما تشتت ضالتك ساكت.. خلي بالك الضالة المشتتة بتطرد سيدها !!
كبر
|
Post: #15
Title: Re: نور تاور (شهيدة ) الحقيقة
Author: kamalabas
Date: 05-14-2008, 08:32 PM
Parent: #1
.... نور تاور شهيدة دفاع محمد جمعة -عنها!!!
طبعا لايفوت علي محمد حامد جمعة أن دفاعه عنها في ما قيل أنه تناغم وأندغام في الخطاب الأعلامي للحزب الحاكم -لايفوت عليه أن دفاعه عنها هذا في هذاالظرف
الحساس وفي هذه القضية الحرجة سيأتي بمردود سلبي وسيخصم من رصيدها ويؤكد
سيل التهم المنهالة عليها ويضر بموقفها أيما ضرر وذلك غض النظر عن دوافع
الدفاع والانحياز لنور تاور --
هل أراد السيد جمعة مجرد أثبات موقف مبدئي أم أنه قصد خلق بلبلة
وتسديد ضربة للحزب الليبرالي ? أم تراه قصد تصفية حساب قديم مع الاخ
عبد العاطي وجعل الرجل يدفع فاتورة باهظة لمعركته السالفة معه وذلك
من خلال مناصرة تنحاز لنور في موقف يرفضه عادل ويعتبره يماثل خطاب
الانقاذ في تلك الجزيئة ويفارق خطاب الليبرالي كليةفي النقطة المعنية وتصفية
الحساب تأتي بممارسة جمعة لعملية غزل سياسي مكشوف وأنحياز معلن للاخت نور
تاور زعيمة عادل في قضية هزت الحزب الوليد ومست خطه السياسي والفكري .. هل تعمد جمعة الاصطياد في المياه العكرة أم أنه أختار التوقيت الخاطئ بحسن نية ? وطبعا سيقول المنطق أن عادل كان يعرف سلفا تبعات أعلان خلافه مع
نور تاور ويعي حقيقة أنه قد يوظف بصورة خاطئية وقد يستغل ضدهم ولكنه
مع هذا اثر تغليب المبدئي علي التواطئ بالصمت وبالتالي لم يعد يهمه
ردود فعل الاخريين وتكسبهم من الخلاف.. مما قد يجعل نور تاور شهيدة موقفها وشهيدة أكثر كنتيجة لدفاع جمعة عنها!!! ..........
|
Post: #16
Title: Re: نور تاور (شهيدة ) الحقيقة
Author: عزاز شامي
Date: 05-14-2008, 08:46 PM
Parent: #1
| Quote: نور تاور (شهيدة ) الحقيقة |
الأخ محمد،
أخشى ان تكون كلمة (حق) يراد بها باطل!
*** تم التعديل لإضافة الأقواس فقد بات الحق مؤخرا حمّال أوجه!
*** التعديل الثاني لتقويم خطأ في الكودو في كلمة حق
|
Post: #18
Title: Re: نور تاور (شهيدة ) الحقيقة
Author: Tragie Mustafa
Date: 05-14-2008, 08:51 PM
Parent: #16
العزيز متوكل التوم
لا اتفق معك يا اخي ولكن شكل معالجتكم قد يكون هو قاصمة الظهر:
Quote:
محمد،
انت زول تفتيحة وبتعرف تضرب تحت الحزام،
انتهيت من تاور والليبرالي بي ضربة معلم،
حجرك رمي عصفور ونسر |
فالاحزاب افكار وبرامج وليس شخصيات
الشخص البخرمج في الحزب يذهب هو ويبقى الحزب.
|
Post: #19
Title: Re: نور تاور (شهيدة ) الحقيقة
Author: Ishraga Mustafa
Date: 05-14-2008, 08:52 PM
Parent: #16
| Quote: أخشى ان تكون كلمة حق يراد بها باطل! |
هى كذلك ياعزاز!!
-----
موقف الحزب الليبرالى واضحا ومشرفا
|
Post: #17
Title: Re: نور تاور (شهيدة ) الحقيقة
Author: AMNA MUKHTAR
Date: 05-14-2008, 08:51 PM
Parent: #1
غايتو يا كمال عباس لمن تنفض ( غبار الجلبنة ) عنك كلامك بكون موزون وذكى جدا..
بس نفسى أعرف سبب التعديلات الكثيرة فى مداخلاتك ده من شنو
|
Post: #20
Title: Re: نور تاور (شهيدة ) الحقيقة
Author: AMNA MUKHTAR
Date: 05-14-2008, 08:59 PM
Parent: #1
| Quote: أخشى ان تكون كلمة حق يراد بها باطل! |
كلمة ( حق) قال..
اذا هيفاء وهبى البورد ترى أن طرح محمد حامد جمعة فى هذا البوست كلمة حق ( ولكنه ربما أراد بها باطل)
وبالتالى هى ترى ان طرح نور تاور ( حق) أيضا....
!!
|
Post: #24
Title: Re: نور تاور (شهيدة ) الحقيقة
Author: Ishraga Mustafa
Date: 05-14-2008, 09:08 PM
Parent: #20
Quote: كلمة ( حق) قال..
اذا هيفاء وهبى البورد ترى أن طرح محمد حامد جمعة فى هذا البوست كلمة حق ( ولكنه ربما أراد بها باطل)
وبالتالى هى ترى ان طرح نور تاور ( حق) أيضا.... |
مساءك طيب يا آمنة
هى فعلا اريد بها باطل!!
ده الفهمتو من مداخلة اختنا عزاز
محاولة لضرب الحزب الليبرالى اللى رؤيته واضحة فى هذه الاحداث المؤسفه
موقف الاخت نور تاور لايتماشى على الاطلاق مع رؤيه حزبها ودى فيها اشكالية
باعتبارها رئيسة للحزب الليبرالى مفروض تكون كل كلمة محسوبة ودقيقة وتمثل حزبها فعلا
الاستاذ جمعة بفتحه لهذا الخيط يحاول ضرب عصفورين بحجر
الحجر الاول هو ضرب الحزب الليبرالى الذى ترأسه الاخت نور
والثانى ان يخلق هذه البلبلة بين ناس مفترض يكونوا فى خندق واحد
لانو اللى بيربطهم اكثر من اللى بيفرقهم- ده طبعا لو فى حوار قائم على احترام الآخر والايمان بحقه فى التعبير والمشاركة النص بالنص فى كل شىء
-------
| Quote: اذا هيفاء وهبى البورد |
دى منو؟
|
Post: #25
Title: Re: نور تاور (شهيدة ) الحقيقة
Author: الزوول
Date: 05-14-2008, 09:10 PM
Parent: #20
السلام عليكم
...............
كتبت الأخت آمنة مختار ما يلي
| Quote: اذا هيفاء وهبى البورد ترى أن طرح محمد حامد جمعة فى هذا البوست كلمة حق ( ولكنه ربما أراد بها باطل) |
........
عيب !!!!
.............................
وما الناس إلا هالك وأبن هالك *** وذو نسب في الهالكين عريق
|
Post: #21
Title: Re: نور تاور (شهيدة ) الحقيقة
Author: Bashasha
Date: 05-14-2008, 08:59 PM
Parent: #1
Quote: هل أراد السيد جمعة مجرد أثبات موقف مبدئي أم أنه قصد خلق بلبلة
وتسديد ضربة للحزب الليبرالي ? |
كمال عباس سلامي،
ياخي جمعة دخلو شنو؟
مانور المتبنية كلام جمعة.
عايزين جمعة يعمل شنو؟
يخلي اكل عيشو في المنبر ده؟
بالذات لما المحسوبين علي المعرضة يتبنو خطاب قوش؟
|
Post: #22
Title: Re: نور تاور (شهيدة ) الحقيقة
Author: Bashasha
Date: 05-14-2008, 09:04 PM
Parent: #1
| Quote: أخشى ان تكون كلمة (حق) يراد بها باطل! |
الجلابية عزاز بتاعة الليبرالي،
دعاوي النظام الحايما بيها نور، حقيقة، لمن تكون هي شهيدة لو قنا لا؟
فرقك من نور ولاجمعة شنو، يالجلابية الطموحة، تسلقا علي ظهور المهمشين؟
|
Post: #23
Title: Re: نور تاور (شهيدة ) الحقيقة
Author: Abdel Aati
Date: 05-14-2008, 09:05 PM
Parent: #22
الامنجي محمد حامد جمعة
لا تصطاد في الماء العكر
حقيقة شنو البتعرفا انتا ؟؟؟
اما دجال بحق ...
|
Post: #26
Title: Re: نور تاور (شهيدة ) الحقيقة
Author: أبو ساندرا
Date: 05-14-2008, 09:15 PM
Parent: #1
جلابية بيضا ومكوية ؟
هل حصل قبل كده قلت ليك إنت لذيذ يا بشاشا
|
Post: #27
Title: Re: نور تاور (شهيدة ) الحقيقة
Author: عزاز شامي
Date: 05-14-2008, 09:23 PM
Parent: #1
Quote: الجلابية عزاز بتاعة الليبرالي،
دعاوي النظام الحايما بيها نور، حقيقة، لمن تكون هي شهيدة لو قنا لا؟
فرقك من نور ولاجمعة شنو، يالجلابية الطموحة، تسلقا علي ظهور المهمشين؟ |
هم يضحك و هم يبكي!
بشاشا...
انت مهرج متقاعد!
|
Post: #30
Title: Re: نور تاور (شهيدة ) الحقيقة
Author: عمار محمد حامد
Date: 05-14-2008, 09:45 PM
Parent: #27
اولا الاستاذه نور ما قالت كلمة حق ابدا
ثانيا ده كلام الاستاذه نور وليس كلام الحزب اللبرالى لانو موقف الحزب واضح واعلنو اكتر من مره
ثالثا الاستاذه نور سوف تتعرض للنقد داخل الحزب وهى سوف تتفهم هذا النقد.وهذا ما يفرق الحزب اللبرالى من بقية الاحزاب
|
Post: #28
Title: Re: نور تاور (شهيدة ) الحقيقة
Author: عزاز شامي
Date: 05-14-2008, 09:32 PM
Parent: #1
Quote: كلمة ( حق) قال..
اذا هيفاء وهبى البورد ترى أن طرح محمد حامد جمعة فى هذا البوست كلمة حق ( ولكنه ربما أراد بها باطل)
وبالتالى هى ترى ان طرح نور تاور ( حق) أيضا....
!! |
يالله! كم أرثي لحالك!
هل لسقوطك قاع؟
|
Post: #48
Title: Re: نور تاور (شهيدة ) الحقيقة
Author: Hatim Yousif
Date: 05-16-2008, 08:58 AM
Parent: #28
Quote: Quote: كلمة ( حق) قال..
اذا هيفاء وهبى البورد ترى أن طرح محمد حامد جمعة فى هذا البوست كلمة حق ( ولكنه ربما أراد بها باطل)
وبالتالى هى ترى ان طرح نور تاور ( حق) أيضا....
!! |
نقرأ كثيراً في البورد عن محاولات إخراس الأصوات ... وبطرق عديدة جداً ...
ومعظمها تكون من الرجال تجاه النساء ... وهي من أقبح السلكويات في المنبر ...
وتطور الأمر كثيراً....
....
....
الخلاصة .... لايحق لـ أي هيفاء وهبي إبداْء أي رأي فيما يخص السياسة ...
...
...
نسأل الله السلامة ... مقرونةً مع الدعوة لكل هيفاء وهبي بالإلتزام فقط بفارغ الأمور ................فقط
...
|
Post: #29
Title: Re: نور تاور (شهيدة ) الحقيقة
Author: صلاح الفكي
Date: 05-14-2008, 09:39 PM
Parent: #1
التحية للأخت نور تاور..
|
Post: #32
Title: Re: نور تاور (شهيدة ) الحقيقة
Author: Bashasha
Date: 05-15-2008, 03:13 AM
Parent: #1
Quote: هى فعلا اريد بها باطل!!
ده الفهمتو من مداخلة اختنا عزاز |
دكتورة اشراقة،
هل خطاب السفاحين البتسمع فيهو المستلبة نور حق؟
بتتكلمي كيف؟
حسبي الله!
|
Post: #33
Title: Re: نور تاور (شهيدة ) الحقيقة
Author: Bashasha
Date: 05-15-2008, 03:18 AM
Parent: #1
Quote: هم يضحك و هم يبكي!
بشاشا...
انت مهرج متقاعد! |
الفارغة عزاز،
تقدري توريني همك شنو يا بت الاصول بت البلد؟
في زولة شايلة بتعمل فيها ليبرالية؟
المهمومة او ست وجعة، بتشيل سلاحا او تكاتل، مش تعمل فيها ليبرالية زيك. مافاهم كيف في بلد الدم فيها فات الركب الواحد يكون ليبرالي؟ هذا افيون جلابة او جلابيات فارغات عديمات شغلة!
|
Post: #34
Title: Re: نور تاور (شهيدة ) الحقيقة
Author: Bashasha
Date: 05-15-2008, 03:27 AM
Parent: #1
| Quote: ثانيا ده كلام الاستاذه نور وليس كلام الحزب اللبرالى |
عيييك!
عمار سلام،
هل صلاح قوش ممكن يكون زعيم للحزب الكرتوني ده؟
طبعا لا.
ليه لانو توجهو مختلف.
بنفس القدر لمان نور كما الببغاء تردد خطاب قوش، وهي "زعيمة" الحزب، فواحد من اتنين، يا تحلو الحزب ده، يانور تفحط!
ماممكن طرح زعيمة الحزب يكون مناقض لي برنامج حزبها او بعد ده تفضل رئيستو!
this is a joke
|
Post: #35
Title: Re: نور تاور (شهيدة ) الحقيقة
Author: Bashasha
Date: 05-15-2008, 03:33 AM
Parent: #1
Quote: حقيقة شنو البتعرفا انتا ؟؟؟
اما دجال بحق ... |
عيييييييك!
بتاع برد، صاحب الليبرالي كبس من المسكين جمعة!
ياخي جمعة ذنبو شنو اذا زعيمتك الصورية جات لافحة كلام جمعة؟
جمعة ذنبو شنو؟
|
Post: #36
Title: Re: نور تاور (شهيدة ) الحقيقة
Author: محمد حامد جمعه
Date: 05-15-2008, 08:10 AM
Parent: #35
يا شباب بدون زعل ، انا موقفى من موقف نور تاور موقف شخصى ومبدئى ولا علاقة له براى الحزب بتاع عادل عبدالعاطى ( الورقى ) الكل شغلتو بيانات .. اسمو شنو هو حزبو دا ؟
|
Post: #37
Title: Re: نور تاور (شهيدة ) الحقيقة
Author: Ishraga Mustafa
Date: 05-15-2008, 08:20 AM
Parent: #36
Quote:
دكتورة اشراقة،
هل خطاب السفاحين البتسمع فيهو المستلبة نور حق؟
بتتكلمي كيف؟
حسبي الله! |
سلامات يابشاشا
لو كنت قريت ردى للاخت آمنة لكنت عرفت موقفى الواضح مما قالت به الاخت نور تاور
انا ركزت على استغلال جمعة لموقف نور واللى بتعارض تماما مع موقف حزبها وفقا لما طرح هنا
ماكتبته نور لا اتفق معه ولن على الاطلاق وموقفى واضح جدا يابشاشا ولا احتاج ان ادافع عنه
اعرف دوافعى وكيفية صياغة رؤيتى وفى اهداب روحى ينام يصحو البلد.....
ارجو ان تقتبس لى كلمة واحدة اشرت فيها الى خطاب نور وموافقتى عليه؟
--------
سياسة الاعلام الحربى اصبحت كيف يا استاذ جمعة؟
|
Post: #39
Title: Re: نور تاور (شهيدة ) الحقيقة
Author: محمد حامد جمعه
Date: 05-15-2008, 08:24 AM
Parent: #37
تعرفى يا اشراقة مصطفى ما حصل فى ازمة كنا مرتاحين اعلاميا زى الحاصل لينا مع اخونا خليل ، ما لاقونى كوادر شترا زى الناس البتتعاطف مع الزول دا ما خلو لينا حوجة لخطة زاتو ، براهم بدخلو الكورة فى قونهم
رايك شنو فى الشفافية دى
|
Post: #40
Title: Re: نور تاور (شهيدة ) الحقيقة
Author: Ishraga Mustafa
Date: 05-15-2008, 08:51 AM
Parent: #39
Quote: تعرفى يا اشراقة مصطفى ما حصل فى ازمة كنا مرتاحين اعلاميا زى الحاصل لينا مع اخونا خليل ، ما لاقونى كوادر شترا زى الناس البتتعاطف مع الزول دا ما خلو لينا حوجة لخطة زاتو ، براهم بدخلو الكورة فى قونهم
رايك شنو فى الشفافية دى |
كدى فى الاول نبدأ بالسلام
لكن بدايتك {تعرفى يا اشراقة مصطفى} دى وحافية كدى بتقول لى ارعى بقيدك يازولة!!!
سؤال اول:
انتو منو يا استاذ جمعة - بتقصد منو بقولك - كنا مرتاحيين؟
وياتو كوارد بتقصد؟
بعدين ليه انت عاوز تلوى عنق الحقيقة بانك ماعاوز تقرأ ماوراء الحدث؟
الحصل مرفوض جملة وتفصيلا- كل مايستهدف الناس البسيطة اللى بيدفعوا تمن السياسات الهوجاء الخلت البلد فى كف عفريت اعلامى مرفوضة جملة وتفصيلا - الشفافية التى اعرف يا جمعة- انا سلاحى قلمى ورؤيتى المابداهن فيها- الشفافية تكمن فى التروى والمعالجة الاعلامية التى تؤسس لثقافة السلام وتنبذ النعرات العنصرية
بدء من عنصرية {الدولة} السودانية عبر تاريخها وانتهاء بحزبك الحاكم...
الشفافية بتقول عنها عدد البوستات التى تفتحها - كان بيكون افضل كمقارئة ثم كاعلامية متخصصة ان تركز لينا فى خيط محددة- ام انها سياسة الاعلام الحربى؟
قريت كل ماكتبت- لسبب يهمنى اكاديميا حول { سياسة الاعلام الحربى} - ووجدت فيه ماده خصبة للتحليل
تحليل الشفافية التى تقول بها- وبينا الحوار- حوار موضوعى وعقلانى التزم به من جانبى دون استخدام اى نوع من انواع { الوروره فى العين التى تحاول انتهارى عشان ارعى بقيدى!!
كيف يمكن ان يقوم الاعلام والاعلاميون والاعلاميات بدور ايجابى فى رأب الصدع والشروخ الاجتماعية التى حصلت فى نسيجنا الانسانى؟
هذا مع احترامى
|
Post: #41
Title: Re: نور تاور (شهيدة ) الحقيقة
Author: محمد حامد جمعه
Date: 05-15-2008, 09:10 AM
Parent: #40
Quote: لكن بدايتك {تعرفى يا اشراقة مصطفى} دى وحافية كدى بتقول لى ارعى بقيدك يازولة!!!
|
وليه تكون من تمام التقدير والود فرفع الكلفة من مؤشرات التقدير وعلى كل يا دكتورة ان اسف وصدقينى انا من انصار فتح المسارات فى الاراء والمواقف ولا اضيق باحد
Quote: انتو منو يا استاذ جمعة - بتقصد منو بقولك - كنا مرتاحيين؟
|
نحنا نحنا
| Quote: وياتو كوارد بتقصد؟ |
حركة خليل واللابسين الان لكدمول الحركة من القوى النصيرة
| Quote: بعدين ليه انت عاوز تلوى عنق الحقيقة بانك ماعاوز تقرأ ماوراء الحدث؟ |
انا اكتر زول قارى الحقيقة وهى ظاهرة فى الكيس الاخير دا لكنكم بتكابرو ساى واما ما وراء الحدث بل وكواليسه فما اعمله عنها يجعلنى اؤكد لك ان كثيرين هنا فى الموقف الخطأ وان الحكومة بكل بشاعاتها المفترضة ربما تكون اول مرة فى الموقف الصح او قريبا من ذلك
| Quote: الشفافية بتقول عنها عدد البوستات التى تفتحها - كان بيكون افضل كمقارئة ثم كاعلامية متخصصة ان تركز لينا فى خيط محددة- ام انها سياسة الاعلام الحربى؟ |
ما سياسة بس فهم منى
Quote: تحليل الشفافية التى تقول بها- وبينا الحوار- حوار موضوعى وعقلانى التزم به من جانبى دون استخدام اى نوع من انواع { الوروره فى العين التى تحاول انتهارى عشان ارعى بقيدى!!
|
اتفقنا وافترعى بوستك وابتدرى النقاش وحاكون معاك زى عين الشمس بس اضمنى لى العقلانية من الاخرين وعدم التهاتر والبذاءة فتلك منغصات تشتت التركيز وتفسد اجواء المتابعة والفائدة
اليك ..
|
Post: #45
Title: Re: نور تاور (شهيدة ) الحقيقة
Author: Ishraga Mustafa
Date: 05-15-2008, 10:32 AM
Parent: #41
| Quote: وليه تكون من تمام التقدير والود فرفع الكلفة من مؤشرات التقدير وعلى كل يا دكتورة ان اسف وصدقينى انا من انصار فتح المسارات فى الاراء والمواقف ولا اضيق باحد |
الاخ محمد
فى الاجواء المشحونة بالغضب بتكون الرؤية مغبشة- غباش بيشبه الواقع الآن- ربما تعنى فعلا التقدير
ربما اوحت لى اللغة التى استخدمتها فى بعض بوستاتك ذات الصلة بالاحداث المؤسفة فى امدرمان وتداعياتها على نسيجنا الاجتماعى - اوحت لى {بالورورة من شاكلة اعرفى يا اشراقه مصطفى التى بدأت بها ردك لما كتبت}- اللغة ليها مشارطها ومدلولاتها- اللغة كائن سياسى - فعزرا ان فهمتك خطأ- النية الطيبة لازمة سيدها زى مابتقول حبوبتى الله يرحمها
جيد انك لاتضيق باحد رغم انتمائك الى حزب وحكومة ضاقت بالاخرين ايما ضيق وده بنتحاور فيهو بذات الشفافية المطلوبة
انتو انتو منو؟ عن اى انتماء تتحدث؟ اها من هنا بتبدأ الشفافية التى تقول بها
| Quote: حركة خليل واللابسين الان لكدمول الحركة من القوى النصيرة |
حركة دكتور خليل دى مش طلعت من جوفكم- من جوف الحركة الاسلامية؟
مش هى نتاج طبيعى لسياسة حزبكم؟
القصة مامناصرة يا اخى بقدر ماهى قراية للواقع بكل معطياته
لحركة العدل والمساواة قضية اتفقنا او اختلفنا مع رؤيتها وآليات تنفيذها
ماحدث فى دارفور كارثة انسانية يندى لها العمر كلو بهزيمة انسانيتنا
سياسة القوة عمود اساسى من اعمدة نظامكم يامحمد- وبالتالى يسود نظام ما اخذ بالقوة لايسترد بالقوة وفى النص بتموت ناس كلها ذنبها ان اتولدت فى الزمان الغلط والمكان الغلط- اعنى بالزمان والمكان الحيز السياسى والضيق بالآخر وحقه فى الحياة الكريمة
| Quote: انا اكتر زول قارى الحقيقة وهى ظاهرة فى الكيس الاخير دا لكنكم بتكابرو ساى واما ما وراء الحدث بل وكواليسه فما اعمله عنها يجعلنى اؤكد لك ان كثيرين هنا فى الموقف الخطأ وان الحكومة بكل بشاعاتها المفترضة ربما تكون اول مرة فى الموقف الصح او قريبا من ذلك |
اكثر زول قارىء الحقيقة؟
مافى حقيقة مطلقة على الاطلاق
دائما فى حتة مغطية بنخاف نكشف عوارتها
بنخاف ذباب التاريخ المسكوت عنه يلمسها وتتقيح على العليها
الحقيقة بتكون معقولة وموضوعية وبرضو غير مطلقة لمن تتقرى من عيون بتمثل اركان السودان الاربعة
لمن نستمع وبدون تشنج للآخر- ده تدريب صعب؟ تدريب بيحتاج لقوة روح وصمود رؤية
| Quote: اتفقنا وافترعى بوستك وابتدرى النقاش وحاكون معاك زى عين الشمس بس اضمنى لى العقلانية من الاخرين وعدم التهاتر والبذاءة فتلك منغصات تشتت التركيز وتفسد اجواء المتابعة والفائدة |
سافترع البوست فى الوقت المناسب- الذى يتناسب مع واجباتى المهنية الاّ انى التزم بافتراعه والتزم بالشفافية فى الحوار معك فقط بنحتاج لوضع ضوابط للحوار- ولطولة بال والتنازل لو عشرة سنتمترات من فكرة الحقيقة المطلقة
الآخرين؟
الآخر ده ماهو ذاتو موضوعنا
ولحين ليبقى الآخر مرآتنا الصادقة التى نخاف مواجهتها الاّ انى سافعل على الاقل من جانبى
ولك السلام والاحترام
|
Post: #46
Title: Re: نور تاور (شهيدة ) الحقيقة
Author: محمد حامد جمعه
Date: 05-15-2008, 10:38 AM
Parent: #45
| Quote: ولك السلام والاحترام |
ولك اضعافهما .. الى حين العودة
|
Post: #38
Title: Re: نور تاور (شهيدة ) الحقيقة
Author: وليد محمد المبارك
Date: 05-15-2008, 08:22 AM
Parent: #36
Quote: الجلابية عزاز بتاعة الليبرالي،
دعاوي النظام الحايما بيها نور، حقيقة، لمن تكون هي شهيدة لو قنا لا؟
فرقك من نور ولاجمعة شنو، يالجلابية الطموحة، تسلقا علي ظهور المهمشين؟ |
ووقعت عزاز شامي بين مطرقة امنه مختار وسندان بشاشة
محمد جمعة
يا معلم
موش كلمتكم قلت ليكم الكوز محمد جمعة ده افهم منكم كلكم
هاهاهاهاهاهاهاهاهاهاها
عالم بيض
|
Post: #42
Title: Re: نور تاور (شهيدة ) الحقيقة
Author: هشام آدم
Date: 05-15-2008, 09:49 AM
Parent: #38
___________________
| Quote: نور تاور (شهيدة) الحقيقة |
ربما تغريني كلمة "شهيدة" التي وضعتَها بين قوسين بذكاء، أكثر من كلمة (الحقيقة) التي جرّدتَها من ذات الأقواس بذكاء أقل. لا توجد هنالك حقيقة معيارية أو قياسية في هذا العالم أخي محمد حامد. دون أن أسأل عن معنى "الحقيقة" التي تقصدها، فهي قد تكون حقيقة خاصة بك ولقراءتك الخاصة للأحداث الأخيرة باعتبارك رجل أمن موالٍ للحكومة، وقد تكون حقيقة تخص الأخت نور تاور تعبّر عنها وحدها، لأنها حرّة في الاعتقاد بما تشاء وقراءة الأحداث كما تشاء كإنسانة في المقام الأول قبل أن تكون ليبرالية في المقام الثانية أو قبل أن تكون رئيساً للحزب الليبرالي في المقام الثالث؛ ولكن قد نختلف حول كلمة "شهيدة" هذه لأنها تعبير يخصك باعتبارك ممثلاً لجناح الحكومة الأمني، ولا يخص الأخت نور تاور باعتبارها ممثلة للحزب الليبرالي فحقيقة "الشهادة" ليست قياسية أبداً ولا حتى إن تم استخدامه كمجازٍ لغوي لأن الأقواس تفضح هذا المجاز اللغوي بكل "ذكاء"
|
Post: #44
Title: Re: نور تاور (شهيدة ) الحقيقة
Author: هشام آدم
Date: 05-15-2008, 09:57 AM
Parent: #42
_____________________
الأخ : بشاشا
سؤال لو تفضّلت : برأيك هل نعت (جلابي) هو نعت أم مصطلح؟
وإذا كان مصطلحاً فهل هو مصطلح عنصري أم تاريخي؟
تحياتي لك
|
Post: #43
Title: Re: نور تاور (شهيدة ) الحقيقة
Author: ابوبكر يوسف إبراهيم
Date: 05-15-2008, 09:52 AM
Parent: #38
الأخت نور
لك التحية
وأنت محقة
نقول للآخرين :
فلنتوخى الموضوعية .. ونراعي أدبيات الحوار .. المشكة تمس سلامة الوطن وليس النظام .. الأنظمة إلى زوال ويبقى الوطن .. كفانا مزايدات !!
|
Post: #47
Title: Re: نور تاور (شهيدة ) الحقيقة
Author: هشام آدم
Date: 05-15-2008, 11:28 AM
Parent: #43
* قد يهون ما فعله خليل إبراهيم أمام ما قاله غازي سليمان في البرلمان
|
Post: #49
Title: Re: نور تاور (شهيدة ) الحقيقة
Author: AMNA MUKHTAR
Date: 05-17-2008, 07:01 AM
Parent: #1
Quote: يالله! كم أرثي لحالك!
هل لسقوطك قاع؟ |
( واذا رآنى ذو الغباوة دونه
فكما يرى فى الماء ظل الكوكب)
غايتو مهما ( سقطت) ..فأنا أكيدة من انك حا تتلقينى تحت ..
وأكيد حا أسقط ( على رأسك).. 
......
هيفاء وهبى ..
بطلى سفسطة متثيقفة أسافير فارغة..فهناك ( أرواح ناس ) فى الموضوع ..
واذا ما عندك كلام مفيد تقوليهو ..أجرى أفتحى التلفزيون على روتانا
ولا الال بى سى يمكن تلقى برنامج (انتى أحلى مع جويل) بدا..
______
بالمناسبة دى: ( البيريه) الانتى قاشرة بيهو فى الصورة موضته انتهت زمااااان..
وكمان موضة ( المكياج الثقيل) انتهت منذ السبعينات..رغم أنف ( جويل) والغنايات اللبنانيات
|
Post: #50
Title: Re: نور تاور (شهيدة ) الحقيقة
Author: حيدر حسن ميرغني
Date: 05-17-2008, 07:29 AM
Parent: #49
العزيزات أمنة وعزاز
اسألكن بالله ألا تدعن للشيطان أن يحفر بينكن
الإختلاف مافيهو عوجة ... بس كعب الفجور فيه
إستهدن
|
Post: #51
Title: Re: نور تاور (شهيدة ) الحقيقة
Author: AMNA MUKHTAR
Date: 05-17-2008, 07:53 AM
Parent: #1
| Quote: الإختلاف مافيهو عوجة ... بس كعب الفجور فيه |
العزيز حيدر..
ما لكن ما معقول واحدة تجى تنصحنا بالترشح لبرنامج ( انت أحلى مع جويل )..
وكمان جاية تدخل قدومها فى السياسة البتمس اللحم الحى ..
بصراحة كل زول احسن يدخل قدومو فى الحاجة التى ( يدعى ) انه بفهم فيها..
|
Post: #52
Title: Re: نور تاور (شهيدة ) الحقيقة
Author: A.Razek Althalib
Date: 05-17-2008, 08:35 AM
Parent: #51
| Quote: اشرحى للشباب ديل معنى المعرد واديهم مثال (خليل نموذجا ) |
ول أبا..
البنية آمنة مختار براآآحة عليها..
(الكلكة) أم الديار هنتنا دي..
فوقها الوز والرز..
والورل الما بفز..
والنقارة البتقول دززززززززززززززززززز....
الخلاصة..
خليل الكان وزير (دقس)..
وعبدالرحيم محمد حسين وزير الدفاع يبدو عليه خلاص (إتلحس) بعد ما نكر شهادتو..
وما بين دقسة خليل ولحسة الوزير..
إلتفت سيقان بسيقان..
وأصبح للخليفة عبدالله التعايشي الآن ميدان بأم درمان..
والألحان صارت كلها أنا لسان حالكـ أريتكـ تدري بحالي..
وحبكـ من بدري أوحى لي..
أقوم بأعظم الأدوار..
وأكون الساحة للثوار..
مخرج:
عرباتكو المحرقات ديل ديل أمرقوهن من حوش الخليفة..
حقناً لدماء أهلنا في كل فيافي السودان..
الحماقة داء أعيا من يدوايها..
|
|