Post: #1 Title: خطوات عملية-من يعرف احدا من دارفور سحل اعتقل او قتل لم يشارك في احداث امدرمان- للتوثيق Author: وليد محمد المبارك Date: 05-15-2008, 08:49 AM Parent: #0
عشان ما نبقى في كلام ونسة ساكت الحكومة سوت لا الحكومة ما سوت
من يعرف احدا من دارفور لم يشارك في الاحداث ضد امدرمان وتعرض لمضايقة او اعتقال او اهانة او قتل
يرفع لينا بياناته التفصيلية ويحكي قصته بصورة اخبارية بدون انشاء ووهمات
مع مراعات ان يحدد الجهة التي اعتدت عليه هل هي حكومية شعبية ناس ساكت وفي الجهات الحكومية يحدد بصورة دقيقة لو امكن شرطة امن جيش الخ
عشان ما يبقى كل تاريخنا سماعي وقصصة اقرب للاشاعة منها للحقيقة وثقوا وفقكم الله
Post: #2 Title: Re: خطوات عملية-من يعرف احدا من دارفور سحل اعتقل او قتل لم يشارك في احداث امدرمان- للتوثيق Author: وليد محمد المبارك Date: 05-15-2008, 08:58 AM Parent: #1
فوق
Post: #3 Title: Re: خطوات عملية-من يعرف احدا من دارفور سحل اعتقل او قتل لم يشارك في احداث امدرمان- للتوثيق Author: وليد محمد المبارك Date: 05-15-2008, 09:10 AM Parent: #2
حتى الان لا احد
Post: #4 Title: Re: خطوات عملية-من يعرف احدا من دارفور سحل اعتقل او قتل لم يشارك في احداث امدرمان- للتوثيق Author: doma Date: 05-15-2008, 09:17 AM Parent: #3
فووق اي زول شاف شئ بعينه وعنده ا دله مسئول امام الناس والله ان يقلها
Post: #6 Title: Re: خطوات عملية-من يعرف احدا من دارفور سحل اعتقل او قتل لم يشارك في احداث امدرمان- للتوثيق Author: وليد محمد المبارك Date: 05-15-2008, 09:49 AM Parent: #4
تسلمي يا خالة
Post: #5 Title: Re: خطوات عملية-من يعرف احدا من دارفور سحل اعتقل او قتل لم يشارك في احداث امدرمان- للتوثيق Author: ebrahim_ali Date: 05-15-2008, 09:18 AM Parent: #3
الشفت تحياتي وسلامي تأكيد ياصديقي العزيز انه لم ولن تجد من يدلي بمعلومة مؤثقة مائة بالمائة سوى إشاعات وفبركات وقوالات
Post: #7 Title: Re: خطوات عملية-من يعرف احدا من دارفور سحل اعتقل او قتل لم يشارك في احداث امدرمان- للتوثيق Author: وليد محمد المبارك Date: 05-15-2008, 09:56 AM Parent: #5
ابراهيم يا صديقي ان يهاجم افراد بسبب ما حدث في امدرمان على الشكل والسحنة امر محتمل ومتوقع
المهم فتحت البوست ده لمن يعرف شيئا كهذا حدث لشارك الجميع فيه وحتى يوثق
في الانتظار
Post: #8 Title: Re: خطوات عملية-من يعرف احدا من دارفور سحل اعتقل او قتل لم يشارك في احداث امدرمان- للتوثيق Author: ياسر احمد محمود Date: 05-15-2008, 11:31 AM Parent: #7
Quote: تعرض مواطنو دارفور في امدرمان منذ يوم السبت 10\5\2008 لشتي ضروب التعذيب البشعة و الانتهاك والاذي الجسيم حيث اطلق سراح الشباب الاتية اسمائهم اليوم بعد ضغط من اسرهم حيث كانوا في السجن طوال الايام الفائته وحيث اتهموا انهم طابور خامس داخل المدينة الاسماء هي : 1. احمد صالح محمد 2. عباس ابراهيم اسحق 3. عثمان ابراهيم عثمان
كان اعتقالهم يوم السبت الساعة الرابعة مساء من امدرمان السوق الشعبي – حيث كانو متجهين الي نيالا ومعهم الشنط ومصاريف الرحلة , تم تعذيبهم بواسطة ضابط في جهاز الامن واخذت منهم الشنط والمال الذي معهم وموبايلاتهم وعرضوا في التلفزيون علي انهم الاسري وادلوا باعتراف انهم حرضوا من قبل تشاد وضربوا بعد ذلك وذهب بهم الي المستشفي بعد تدخل اهلهم الذين بعض منهم ينتمي الي الحركة الشعبية . تم اطلاق سراحهم الاثنين الموافق 12\5\2008 حيث زكرو ان هنالك اكثر من ثلاثة الف معتقل في بيوت الاشباح وكلهم من دارفور يتلقون اشكالا من انواع التعذيب البشعة
Quote: غادر الشاب نصر محمد اسحق – السبت الموافق 10\5\2008 من مدينة نيالا متوجها الي الخرطوم للقاء اهله في الخرطوم – امبده السبيل . فور وصوله الخرطوم صباحا وتوجهه الي امدرمان امبده السبيل حدثت معركة امدرمان فما كان من اجهزة الامن ممثلة في (قوات العاصمة) قوات صلاح قوش الا ان بمداهمة المنزل واعتقاله وضربه ضربا مبرحا وذلك فقط لانه قال انه زغاوي .
Quote: تم اعتقال مجموعة من الشباب يوم السبت الموافق 11\5\2008 في امام منزلهم بامدرمان امبده الحارة 24 وهم يسكنون عزابة(يسكنون لوحدهم) واسماءهم هم : 1. ادم عبدالرحمن فضل 2. مبارك احمد بخت 3. احمد اورشي
ان اختفاء هؤلاء الشباب انما يؤكد ان الحكومة السودانية تقوم باعتقال واعدام ابناء دارفور دون محاكمة وهم مدنيين . يزكر ان اثناء اعتقالهم سئل جيرانهم (من الشماليين ) عنهم فقالوا انهم غرباء وزغاوة ولا يعرفون عنهم شئ بناء علي ذلك تم مداهمة المنزل واطلاق الرصاص عليهم وقبض عليهم ولولا وجود وتجمع كتير من المواطنيين من دارفور لتم اعدامهم رميا بالرصاص امام المواطنيين , ولكن تم سياقهم الي اماكن في بحري موقف شندي حيث بيوت التعذيب والاشباح.
Quote: اليوم الثلاثاء 13 \5\2008 حوالي الساعة الواحدة ظهرا وامام المواطنيين في امدرمان السبيل تم اعدام الطالب في جامعة امدرمان الاسلامية \ محمد احمد ابراهيم 24 سنة من مدينة نيالا .
اذ نعزي اسرته واهل دارفور عامة لفقدانه اثر اطلاق الرصاص عليه من قبل ما يسمي (قوات العاصمة ) قوات الخاصة لصلاح قوش والزبير بشير طه وهما ارهابيين وياتي العزر اقبح حيث قالت الشرطة – شرطة امدرمان ان الشاب ابدي مقاومة وان الدولة في حالة حرب وان شعره يوحي انه مع المجموعة التي ضربت امدرمان يوم السبت وانه مختفي وملاحق منذ ذلك اليوم.
حيث رفضت الشرطة تصويره وعرضه للشعب السوداني ليظهر بشاعة النظام في التعامل مع مواطني دارفور حيث ضرب باكثر من رصاصة في جميع اجزاء جسمه .
Post: #13 Title: Re: خطوات عملية-من يعرف احدا من دارفور سحل اعتقل او قتل لم يشارك في احداث امدرمان- للتوثيق Author: waleed dawash Date: 05-15-2008, 05:14 PM Parent: #8
Quote: تعرض مواطنو دارفور في امدرمان منذ يوم السبت 10\5\2008 لشتي ضروب التعذيب البشعة و الانتهاك والاذي الجسيم حيث اطلق سراح الشباب الاتية اسمائهم اليوم بعد ضغط من اسرهم حيث كانوا في السجن طوال الايام الفائته وحيث اتهموا انهم طابور خامس داخل المدينة الاسماء هي : 1. احمد صالح محمد 2. عباس ابراهيم اسحق 3. عثمان ابراهيم عثمان
كان اعتقالهم يوم السبت الساعة الرابعة مساء من امدرمان السوق الشعبي – حيث كانو متجهين الي نيالا ومعهم الشنط ومصاريف الرحلة , تم تعذيبهم بواسطة ضابط في جهاز الامن واخذت منهم الشنط والمال الذي معهم وموبايلاتهم وعرضوا في التلفزيون علي انهم الاسري وادلوا باعتراف انهم حرضوا من قبل تشاد وضربوا بعد ذلك وذهب بهم الي المستشفي بعد تدخل اهلهم الذين بعض منهم ينتمي الي الحركة الشعبية . تم اطلاق سراحهم الاثنين الموافق 12\5\2008 حيث زكرو ان هنالك اكثر من ثلاثة الف معتقل في بيوت الاشباح وكلهم من دارفور يتلقون اشكالا من انواع التعذيب البشعة
ياخ معقول؟
وده شافهم كيف وهم بعذبو فيه؟
عداهم ؟ وهو في زول في وقت زي ده بشوف قدامو؟
هاهاهاها كضابين كضوبيه.
Post: #18 Title: Re: خطوات عملية-من يعرف احدا من دارفور سحل اعتقل او قتل لم يشارك في احداث امدرمان- للتوثيق Author: وليد محمد المبارك Date: 05-16-2008, 02:38 PM Parent: #13
وليد دواش اسعدنا مرورك
Post: #17 Title: Re: خطوات عملية-من يعرف احدا من دارفور سحل اعتقل او قتل لم يشارك في احداث امدرمان- للتوثيق Author: وليد محمد المبارك Date: 05-16-2008, 02:30 PM Parent: #8
شكرا ياسر احمد محمود
كل الشكر
Post: #9 Title: Re: خطوات عملية-من يعرف احدا من دارفور سحل اعتقل او قتل لم يشارك في احداث امدرمان- للتوثيق Author: عبدالمجيد صالح Date: 05-15-2008, 03:55 PM Parent: #1
.
Post: #14 Title: Re: خطوات عملية-من يعرف احدا من دارفور سحل اعتقل او قتل لم يشارك في احداث امدرمان- للتوثيق Author: Abdel Aati Date: 05-15-2008, 05:25 PM Parent: #9
عبدالشكور هاشم ضرار كيدانة
محامي وناشط في حقوق الانسان
عضو هيئة محامي دارفور - منطقة الفاشر
يسكن امدرمان مدينة النيل - الواحة
اعتقل \ مجهول مكان الاحتجاز
Post: #20 Title: Re: خطوات عملية-من يعرف احدا من دارفور سحل اعتقل او قتل لم يشارك في احداث امدرمان- للتوثيق Author: وليد محمد المبارك Date: 05-16-2008, 02:55 PM Parent: #14
شكرا كتير عادل عبد العاطى
دايما مداخلاتك تصلح كنماذج
Post: #19 Title: Re: خطوات عملية-من يعرف احدا من دارفور سحل اعتقل او قتل لم يشارك في احداث امدرمان- للتوثيق Author: وليد محمد المبارك Date: 05-16-2008, 02:49 PM Parent: #9
الغريبة انو خليل و جماعتو يصرحو انو عندنا طابور خامس داخل المدينة خليك من تحريات ناس الامن تصريح ذى دة ممكن زول عاقل يقولوا ؟ الا اذا كان فعلا قاصد انو الحكومة تنكل بقبيلة معينة
Post: #11 Title: Re: ٌRE Author: على محمد على بشير Date: 05-15-2008, 04:28 PM Parent: #10
Quote: حوالي الساعة الواحدة ظهرا وامام المواطنيين في امدرمان السبيل تم اعدام الطالب في جامعة امدرمان الاسلامية \ محمد احمد ابراهيم 24 سنة من مدينة نيالا .
له الرحمه والمغفره مثل هذه الحاله يجب ان يتم حولها تحرى اكبر من ذلك وان لا تهمل واذا ثبت فعلا انه قتل بلا زنب فيجب محاسبه من قام بقتله
وانا ماقادر افهم كيف طالب اعزل يقاوم الاعتقال ؟ يعنى القوه التى قامت بقتله بتكون مكونه من عدة افراد فكيف يقاومهم طالب ؟ الم يكن من الممكن القبض عليه بالقوه والزهاب به الى القسم والتحرى معه ومحاكمته ان ثبت تورطه او اطلاق سراحه ان برئت ساحته , يعنى قاوم الاعتقال وهو اعزل طوالى يضربوهو بالرصاص ؟
خليل يا وائل قاصد ولا يهمه ما سيحدث لاهل دارفور في امدرمان
لو كان صحي قاصد عدالة كان تحرك تجاه من يسميهم بالجنجويد الخالعنو وقاطعين قلبه لمن فطاهم ووصل لي امدرمان
Post: #12 Title: Re: خطوات عملية-من يعرف احدا من دارفور سحل اعتقل او قتل لم يشارك في احداث امدرمان- للتوثيق Author: خليل عيسى خليل Date: 05-15-2008, 05:04 PM Parent: #1
Quote: له الرحمه والمغفره مثل هذه الحاله يجب ان يتم حولها تحرى اكبر من ذلك وان لا تهمل واذا ثبت فعلا انه قتل بلا زنب فيجب محاسبه من قام بقتله
وانا ماقادر افهم كيف طالب اعزل يقاوم الاعتقال ؟ يعنى القوه التى قامت بقتله بتكون مكونه من عدة افراد فكيف يقاومهم طالب ؟ الم يكن من الممكن القبض عليه بالقوه والزهاب به الى القسم والتحرى معه ومحاكمته ان ثبت تورطه او اطلاق سراحه ان برئت ساحته , يعنى قاوم الاعتقال وهو اعزل طوالى يضربوهو بالرصاص ؟
الحكايه دى ماقادر استوعبا اصلو!!!
البوست مفتوح لتوثيق التجاوزات التى تمت على ارض الواقع وتوثيقها لتبيان الحقائق كما لاتستوعب اخى على بشير امر الطالب الذى قتل من حق الجميع عدم استيعاب ما كتبه قبل الوقوف على حقيقه ما حدث .....!!! البوست لتجميع المعلومات صحيحها والمشكوك فيها ومن ثم توثيق ما يصل من افادات والانتقال الى الخطوه التاليه وهى متابعه كل حاله على حده ولا ادرى ماهى الطريقه التى سيتبعها صاحب البوست الذى لم يوضح كيفيه المتابعه وهل سيتم رفع هذه البيانات الى اطراف محايده هل يوجد فى السودانمن يمكن الوثوق فيه للتحرى فى مثل هذه الحالات هل يتوفر للمنظمات المدنيه مناخ للعمل بحريه فى التقصى والبحث هل من فتح البوست نصب نفسه قاضيا يحكم بمزاجيته على الافادات التى ترد
Quote: حتى الان لا احد
هل غايتك استاذى وليد من هذا البوست هى( حتى الان لا احد) انت تتناول امرا يتصل بمصائر اهل السودان يجب ان تلتزم بالجديه وتتباعد عن اسلوب التهكم وان كان مقصدك غير نبيل ومبتغاك هو التشفى واضاعه الوقت انت محاسب على هذا الفعل ان لم يكن من العباد فمن رب العباد
اذا الغرض من هذا البوست هو التشكيك فقط فى افادات الاخرين واصدار الاحكام المسبقه من قبل المشاركين ارى ان لاداعى لهذا البوست طالما لن يلتزم بالحياديه والموضوعيه اللهم الهمنا رشدنا وقنا شرور انفسنا ولكم مودتى
Post: #16 Title: Re: خطوات عملية-من يعرف احدا من دارفور سحل اعتقل او قتل لم يشارك في احداث امدرمان- للتوثيق Author: وليد محمد المبارك Date: 05-16-2008, 02:21 PM Parent: #12
السيد خليل عيسى خليل اولا انا ما استاذك ولا حاجة تانيا لا اسمح لك او لغيرك ان يحدد مستويات جديتي من هزلي .. ثم كيف استطعت ان تحكم على عبارة جافة وحملتها معنى الهزل تكون فكي يا الله وعرفت الفي سريرتي ؟؟؟!!!
عندما كتبت (حتى الان لا احد) كان هذا تعبير عن واقع حال لم يدخل احدا حتى تلك اللحظة البوست ليرفع معلومة اخد المعلومة كده ناشفة بدون ما تحاول تسقط عليها شي من نفسياتك
انا ما ملزم بتحويرك لكتاباتي حسب ما تعتقد وتمليه عليه حالتك النفسية هذا اولا
ثانيا
Quote: اذا الغرض من هذا البوست هو التشكيك فقط فى افادات الاخرين واصدار الاحكام المسبقه من قبل المشاركين ارى ان لاداعى لهذا البوست طالما لن يلتزم بالحياديه والموضوعيه
العبارة عالية والتي كتبتها انت تنطبق عليك تماما ان لم تكون حيادي وموضوعي فلا تدخل هذا البوست لتخربه هذا البوست لجمع معلومات عن التجاوزات بسبب محنة امدرمان الاخيرة
اما مسالة التشكيك في افادات الاخرين مع اني لسع ما وصلت المرحلة دي فده حق مشروع لي ولغيري ما اظنك عاوز تسلبو مني ولا عاوزني اقتنع بهرطقات اون لاين دون تمحيص
ثالثا
Quote: وهل سيتم رفع هذه البيانات الى اطراف محايده هل يوجد فى السودانمن يمكن الوثوق فيه للتحرى فى مثل هذه الحالات هل يتوفر للمنظمات المدنيه مناخ للعمل بحريه فى التقصى والبحث
لم يدر بخلدي ان افعل ايا من استفساراتك عالية كل ما فعلته واستطيع فعله هو اني دعوت لتجميع الافادات التي تتحدث عن الانتهاكات بكافة انواعها في ماعون واحد حتى يتثنى لمن يستطيع ان يخضعها لجهات محايدة ان يجدها كلها في مكان واحد
Quote: هل من فتح البوست نصب نفسه قاضيا يحكم بمزاجيته على الافادات التى ترد
الظاهر عليك فهمك طاشي شوية اقراء العنوان كويس بتعرف انو الحكاية ما فيها حكم ولا قضاء خطوات عملية-من يعرف احدا من دارفور سحل اعتقل او قتل لم يشارك في احداث امدرمان- للتوثيق
كلمة للتوثيق الاخيرة بتوريك ان الموضوع ما اكتر من دعوه لجمع معلومات لتمكن الجميع منها في مكان واحد انت النصبت نفسك قاضي وحكمت على وعلى الموضوع بدون ادنى مسوغات
اخيرا لو عندك غبينة مع شمالي او امدرماني فما تسقطها فوقي انا انا ابحث عن معلومات عن الاعتداء على اهل دارفور بسبب احداث امدرمان الاخيرة بسبب السحنة والشكلة ونطق المفردات محاولة مني لتمكين الجميع منها لاحتوايها وتحجيمها قدر الامكان فلو انت ما قادر على ده او ما عندك معلومة تفيد بيها الناس عن الموضوع فارجوك ما تصرف البوست عن مبتغاه وحكاية التلويح بالعنصرة والكوزنة وخلافة دي مرحلة فطيناها زمان لاننا والحمدلله لا عنصريين ولا كيزان شوف ليك زول تاني
اللهم الهمنا رشدنا وقنا شرور انفسنا مع الود
Post: #15 Title: Re: خطوات عملية-من يعرف احدا من دارفور سحل اعتقل او قتل لم يشارك في احداث امدرمان- للتوثيق Author: حمور زيادة Date: 05-15-2008, 05:27 PM Parent: #1
لم اشاهد اعتقالات او سحل او تعذيب كما يطلب الاخ صاحب البوست .. لكن اروي بعض ما رأيت و ضايقني جدا يوم الاحد 11 مايو حوالي الخامسه عصرا كنت في تفتيش سوبا قادما من مدينة ود مدني و توقفت الباصات في التفتيش لساعات .. تحرش بي فتى جيش رغم اني شمالي لاني ابديت ضيقي من التعامل الاستعلائي .. لكن ما ضايقني فعلا هو عندما ارتقى مسلح عسكري البص و اخذ يشير لعدد من سود البشره الذين توحي سحتنهم انهم من الغرب بان يبرزوا بطاقاتهم .. كالعاده كان الاسلوب عسكريا صارما جافا .. و الحمد لله كان لدى جميع الغرابة بطاقات هويه فلم يعتقل منهم احد .. لكن نظرة اعينهم بعد ان تحرك البص و هم يحسون باحراج المتهم كانت قاتلة .. اظنه غباء عسكري . فلو طلب العسكري من اثنين او ثلاثة من ابناء الشمال بطاقاتهم لما ترك تصرفه هذا الاثر العنصري القبيح
للتوضيح اضطر ان اقول : لم يعتقل احد من البص الذي كنت به .. و اكتفى الجندي برؤية البطاقات بل اعفى احدهم ممن لا يحمل بطاقة لان اخوه كان معه و قد قبل شهادته انه اخوه .. لكن المحزن ان التصرف حمال اوجه فكان الاولى ان لا يبدو الامر كأن كل غرباوي مشتبه فيه حتى يثبت العكس اخيرا كان واضحا من طلب بطاقات الهوية ان البحث محدد عن من هم غرابة قادمون من اطراف لا تسيطر عليها الحكومة لذا ليس لديهم بطاقات او عن اجانب ( تشاديون ) تشبه ملامحهم السودانيين هذا التوضيح حتى لا يحمل احد الطرفين حكايتي فوق ما لها .. فقط هذا مشهد من ايام الجنون
Post: #21 Title: Re: خطوات عملية-من يعرف احدا من دارفور سحل اعتقل او قتل لم يشارك في احداث امدرمان- للتوثيق Author: عصام دهب Date: 05-16-2008, 02:59 PM Parent: #15
أكتب عندك .. و سجل يا مان .. 1 ) حسن فضل المولي بريمة 2 ) اسحق الضو محمدين 3 ) صالح عبد الله أبو 4 ) جودة مكي الزين 5 ) محمد يوسف داؤد 6 ) النعيم التوم من الله 7 ) عبد الكافي الشيخ هجام 8 ) خليل محمود الدابي 9 ) النور حماد الوسيلة 10 )برشم دليل خاطر
ديل عشرة أنفار أنا نجرت إسماءهم من راسي دا .. و لو أي واحد عايز يستخدمهم في بيان بتاع حقوق إنسان لزوم توثيق و فلسفة و قلة أدب قشة ما تعتر ليهو ؟؟
Post: #24 Title: Re: خطوات عملية-من يعرف احدا من دارفور سحل اعتقل او قتل لم يشارك في احداث امدرمان- للتوثيق Author: آدم صيام Date: 05-16-2008, 03:43 PM Parent: #21
العزيز وليد محمد مبارك تحياتي القلبية
تشكر على الموقف الوطني وكريم بس عشان تطلع بنتائج ثرة ، أجمع ساكت بدون تعليق ثم أخضع حصيلتك لعلم التدقيق ثــــــــــــــم الإحصاء كلامك صحيح، بوستات الإشاعات المغروضة ما خلت للعقل فرقة دم بخير
Post: #27 Title: Re: خطوات عملية-من يعرف احدا من دارفور سحل اعتقل او قتل لم يشارك في احداث امدرمان- للتوثيق Author: وليد محمد المبارك Date: 05-16-2008, 03:54 PM Parent: #24
العزيز ادم صيام
حقيقي ما كنت عاوز ارد على المداخلات
الا تحايلا ان وجدت البوست ذهب الى الصفحة الثانية كنت حا ارد على مادخلة عشان ارفعه لي فوق ويكون في الصفحة الاولى
لكن السيد خليل عيسى خليل مرقني من طوري وخرب خطتي بي حكمه على ساااااااااااكت لله في لله كده
اضطريت ارد عليه ولقيت اني لو رديت عليه وطنشت الباقين بكون فيها حبة عنصرة
يا زول شكرا على النصيح وحسن الظن ومن هنا ما حا ارد اعلق الا تحايلا زي ما كنت مخطط
عصام دهب يا صديق اها الكلام ده بشملك خليني اسلم عليك هنا مع اخونا ادم صيام ده
فتكم عافية
Post: #25 Title: Re: خطوات عملية-من يعرف احدا من دارفور سحل اعتقل او قتل لم يشارك في احداث امدرمان- للتوثيق Author: وليد محمد المبارك Date: 05-16-2008, 03:45 PM Parent: #15
حمر زيادة
ما كتبته هو المطلوب تحديدا روية عيان بحيادية تامه
شكرا كتير
Post: #29 Title: Re: خطوات عملية-من يعرف احدا من دارفور سحل اعتقل او قتل لم يشارك في احداث امدرمان- للتوثيق Author: حمور زيادة Date: 05-16-2008, 04:52 PM Parent: #25
الاخ وليد لك الشكر على محاولة التوثيق الجادة .. فقط كما اشار الاخوه الشائعات ربما اكثر من الحقائق .. و بعض التصرفات حمالة اوجه .. كما لا ننسى التصرفات التي يحلو للدولة ان تسميها تصرفات فردية معزوله .. رغم ان الكلمة ممسوخه مستهلكة لكن ربما كان فيها شئ من صواب
المعضله لا تكمن في الجهة التي يتوجه اليها الاتهام و بالتالي التنكيل .. سواء كانت الجهة ابناء الغرب او الجنوب او الشرق او الشمال العقلية العسكرية عموما ( حتى لو لم تكن حاكمه ) عقلية استعلائية .. حتى في فترة الديموقراطية يعتقد ضباط الجيش انهم افضل من وطء الثرى و اندى العالمين بطون راح .. و من حق كل صاحب مهنة ان يسعد بمهنته .. من منا لا يعرف استعلاء الاطباء و غرورهم ( معليش يا دكاتره لكن الشارع بيقول كده ) و غيرهم من المهن .. لكن الكارثه ان القوات النظاميه تمتلك قوة السلاح و غطاء القانون لتمارس استعلائها .. بعيدا عن الشارع و القتال و الجيش كيف يتعامل ضابط مباحث مع متهم ؟ ضرب و تعذيب و اعتداء حتى تعترف .. لابد ان تعترف .. و ان اثبت الحظ برائتك فلا اعتذار .. فقط تذهب تصحبك السلامه و التهديد
في احداث ام درمان حدثت اشياء قبيحه بلا شك .. العقل يؤكد ذلك .. لا احتاج ان اراها .. جيشان يحملان السلاح في الشارع .. لا منطق يقول ان كل فرد من الجانبين هو ابن ناس و على خلق و هادئ و وديع و لا يفقد اعصابه .. لابد من الانفلات .. العصبيه .. الهمجيه .. ثم انفض سامر القتال و بقي احد الفريقين يبحث عن مشتبه فيهم تهزه نشوة النصر .. ماذا اتوقع منه ؟ لو قال لي قائل انهم يبتسمون في وجوه المواطنين و يطلبون البطاقات بادب و يعتذرون لهم عن تأخيرهم لاتهمته بالكذب دون ان انزل الشارع
انتهت معركة ام درمان و لا اظنها ستتكرر .. قال الصادق المهدي و الشريف الهندي في السبعينيات ان العمل المسلح سيستمر.. لكنه لم يتكرر .. و بعد احداث مصرع قرنق قيل ان كل جنوبي هو جندي ينتظر لحظه الصفر و لم تأتي .. ما حدث سيصبح ذكرى تروى .. لكن سيبقى لنا ابناء من هذا الشعب يلبسون الكاكي ( باي درجه من درجاته ) و يحملون السلاح ( بكل انواعه ) و يستعلون و يتصرفون باحساس اسياد البلد ايا كان جنسهم او جنس من امامهم .. السؤال الذي يؤرقني هو كيف نعلم اخوتنا في القوات النظاميه انهم مواطنون و موظفون و ليسو خير البشر ؟ الموضوع ده داير ليو بوست برااااو
Post: #26 Title: Re: خطوات عملية-من يعرف احدا من دارفور سحل اعتقل او قتل لم يشارك في احداث امدرمان- للتوثيق Author: Osama Mohammed Date: 05-16-2008, 03:53 PM Parent: #1
يا عصام دهب
Quote: 8 ) خليل محمود الدابي 9 ) النور حماد الوسيلة
ديل جنجويد......
- ندين كل أشكال العنف والعنف المضاد-
Post: #28 Title: Re: خطوات عملية-من يعرف احدا من دارفور سحل اعتقل او قتل لم يشارك في احداث امدرمان- للتوثيق Author: Nasr Date: 05-16-2008, 04:27 PM Parent: #1
يا ebrahim_ali لحدي هسع حنتعامل معاك بأنو الشك (في صحة الأخبار) في صالحك، لكن إذا إتضحت صحة الأخبار (وعندنا أصدقاء وأهل في الشرطة والجيش) فحيكون موقفك صعيب (أنا بتكلم عن صدقيتك، عشان عقلك ما يودي وتفهم دي علي أساسا انه تهديد)
Post: #30 Title: Re: خطوات عملية-من يعرف احدا من دارفور سحل اعتقل او قتل لم يشارك في احداث امدرمان- للتوثيق Author: وليد محمد المبارك Date: 05-16-2008, 05:05 PM Parent: #28
Quote: لكن سيبقى لنا ابناء من هذا الشعب يلبسون الكاكي ( باي درجه من درجاته ) و يحملون السلاح ( بكل انواعه ) و يستعلون و يتصرفون باحساس اسياد البلد ايا كان جنسهم او جنس من امامهم .. السؤال الذي يؤرقني هو كيف نعلم اخوتنا في القوات النظاميه انهم مواطنون و موظفون و ليسو خير البشر ؟
دين امك !!!!!!!!!!!!!!
تتصور قنعت من موضوعية وبعد نظر كل اهل البورد
اول مرة اشوف لي زول يكتب بالموضوعية والسماحة وبعد النظر ده
يا حمور
اهل البورد من المثقفاتيه ( انصاف المثقفين ) كل يوم طالعين علينا بمليون نبذة للقوات النظامية حتى انهم احيانا يحملونها اوزار اكثر من اوزار السياسيين
او مرة القى زول ينظر الى الامنجي على اساس انه انسان عادي
Quote: السؤال الذي يؤرقني هو كيف نعلم اخوتنا في القوات النظاميه انهم مواطنون و موظفون و ليسو خير البشر
اخوتنا في القواة النظامية ما مفتكرين انفسهم بشر عاديين.. صحيح
لانو الشعب بعاملهم على الاساس ده حتى العاملين فيها مثقفين منهم .. صحيح ما بعاملواهم على اساس انهم خيار البشر لكن كمان بعاملوهم على اساس انهم ارازل البشر واعتدادهم بانفسهم لدرجة التعالي ردت فعل متوقعة ومحاولة اثبات ذات
القواة النظامية قوات بليده زي ما قال هتلر العسكرية مبنية على البلاده - ما عارفو قالو ولا نسبوه ليه - تسير في الخط المرسوم لياه من الساسة
نفس القوة النظامية دي بنفس افرادها لو تغير النظام وكان نظام عادل ستكون هي الحماية الاولى للعدالة والمساواة
ما اظن المثقفاتية ديل عاوزين يتكلموا عن دولة ايا كان شكلها وبدون ما يتكون فيها قواة نظامية جيش شرطة وامن
واظن ده السوه في اخر دمقراطية اضعفوا القوات النظامية وسهلوها عشان يركبها عسكري
بل في جميع فترات الدمقراطية عملوا الكلام ده
شكرا كتير وحقيقي كلامك عاوز بوست براه بس ما يجونا الطفاشة والمدعين ناس جعفر وعمر على ورهطهم الميميون
Post: #31 Title: Re: خطوات عملية-من يعرف احدا من دارفور سحل اعتقل او قتل لم يشارك في احداث امدرمان- للتوثيق Author: ياسر احمد محمود Date: 05-16-2008, 07:15 PM Parent: #30
تجمع ابناء دارفور بالبحرين بيان رقم4 حول الابادة الجماعية والتطهير العرقي لابناء دارفور بالعاصمة والاقاليم.
هؤلاء تم اعتقالهم من داخلية امبرو امبدة السبيل, امدرمان: 1. حامد ادريس عبد الرسول. الجامعة الاهلية. 2. ابراهيم محمد سليمان 3. فخر الدين هرون محمد. جامعة النيلين. 4. معتصم خاطر بخت 5. علي عبدالله حيبالله. جامعة كردفان. هؤلاء تم نهب منازلهم اثناء اعتقالهم: 6. كمال داوود يوسف. 7. عبد الشكور هاشم ضرار. محامي وعضو حركة تحرير السودان ابوجا هؤلاء مفقودين منذ 11\5\2008: 8. هلال سليمان 9. عثمان محمود 10. ازهري محمد ادريس حسن فاشر 11. عبدالرحيم ادم 12. اسماعيل ادم محمد 13. احمد سليمان علي. الحتانة
محمد احمد معاذ عن اللجنة التنفيذية للتجمع
Post: #32 Title: Re: خطوات عملية-من يعرف احدا من دارفور سحل اعتقل او قتل لم يشارك في احداث امدرمان- للتوثيق Author: Abdulgadir Dongos Date: 05-16-2008, 07:22 PM Parent: #31
+
هذه المشاهد زادت حنقا علي حنقي.
دنقس.
Post: #33 Title: Re: خطوات عملية-من يعرف احدا من دارفور سحل اعتقل او قتل لم يشارك في احداث امدرمان- للتوثيق Author: Mohamed Suleiman Date: 05-16-2008, 07:25 PM Parent: #32
Post: #34 Title: Re: خطوات عملية-من يعرف احدا من دارفور سحل اعتقل او قتل لم يشارك في احداث امدرمان- للتوثيق Author: ياسر احمد محمود Date: 05-16-2008, 09:43 PM Parent: #33
أصبح معيار الإعتقال بأن تكون سحناتك دارفورية ، وفى هذا لا فرق بين مهندس وطبيب وبرلمانى ومن يشغل اى منصب ، او تاجر خضار ، موقع اتفاق غير موقع غير مهم المهم انك تكون دارفورى انت مستباح فى نفسك فى عرضك فى مالك ، تقتل،تعتقل ، تضرب ، تذل تنتهك حرماتك .
فى ظل إطار حملات الأمن التعسفية والمداهمات العشوائية وفى خطوة ربما تعتبر خطيرة قامت قوات الامن بإعتقال القيادى البارز فى حركة تحرير السودان الموقعة على إتفاقية السلام بأبوجا ، بقيادة كبير مساعدى الرئيس ورئيس السلطة الانتقالية لدارفور منى اركو مناوى ، الاستاذ / جابر إسحاق موسى دون ذنب إقترفه سوى أنه دارفورى و فقد تم إعتقال المذكور من منزله وفى تصرف مشين لقوات الأمن فقد تم نهبت هذه القوات منزله أثناء هذه المداهمة العشوائية .
لذلك نحذر من إتساع رقعة هذه العمليات التى أصبحت ذريعة لتصفية حسابات شخصية ، حيث يمكن لاى فرد له حسابات شخصية مع اى من أبناء دافور ان يوشى به ، عليه أننا نرى بأن هناك تطورات خطيرة ربما يزيد من الأزمة الحالية والتى تعمدت فيها الحكومة وقواتها ملاحقة الأبرياء من أبناء دافور وقتلهم وإعتقالهم ، اذا إستمر هذا النهج الانتقائي فى إذلال أبناء دارفور فأن تطورات الأزمة سوف يدخل أطراف أخرى أكثر تاثيراً وقوة.
رابطة أبناء دارفور بدولة قطر – الدوحة
14/05/2008م
Post: #35 Title: Re: خطوات عملية-من يعرف احدا من دارفور سحل اعتقل او قتل لم يشارك في احداث امدرمان- للتوثيق Author: وليد محمد المبارك Date: 05-17-2008, 07:14 AM Parent: #34
ياسر دنقس محمد سليمان
تحياتي وتشكروا
فوق
Post: #36 Title: Re: خطوات عملية-من يعرف احدا من دارفور سحل اعتقل او قتل لم يشارك في احداث امدرمان- للتوثيق Author: وليد محمد المبارك Date: 05-17-2008, 08:36 AM Parent: #35
فوق
Post: #37 Title: Re: خطوات عملية-من يعرف احدا من دارفور سحل اعتقل او قتل لم يشارك في احداث امدرمان- للتوثيق Author: فيصل محمد خليل Date: 05-17-2008, 10:12 AM Parent: #36
كتب وليد ردآ لخليل عيسى
Quote: لو عندك غبينة مع شمالي
خليل عيسى حلفاوي
شوفت خليل و عيسى صنفت الراجل.
ركز شوية
..................
بره الموضوع عوافي
Post: #38 Title: Re: خطوات عملية-من يعرف احدا من دارفور سحل اعتقل او قتل لم يشارك في احداث امدرمان- للتوثيق Author: وليد محمد المبارك Date: 05-17-2008, 09:24 PM Parent: #37
حقيقة افتكرته من دارفور يمكن للسبب ويمكن عشان هاجمني بدون سبب
لكن مافي شي بمنع شمالي يحنق على الشماليين
وقدامك
______________ بره الموضوع الحمد لله انت كيف ؟
Post: #39 Title: Re: خطوات عملية-من يعرف احدا من دارفور سحل اعتقل او قتل لم يشارك في احداث امدرمان- للتوثيق Author: وليد محمد المبارك Date: 05-19-2008, 09:32 AM Parent: #38
