Post: #1
Title: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر
Author: وليد محمد المبارك
Date: 05-14-2008, 08:12 AM
البوست ده للترويح
اي زول ما عنده قابليه للهظار ولا بفهموا ما يقرب علينا هنا
اي زول عاوز يتساخف اخير يفكر اكتر من مره
بنعرف نرد ونتساخف
هذا البوست محاولة للاتفاف على المحنة بالدعابة
هذا لعلم الجميع
|
Post: #2
Title: Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر
Author: وليد محمد المبارك
Date: 05-14-2008, 08:14 AM
Parent: #1
الجري اتضح انه حقنا كلنا
وجميعنا بنحاف من المشنقة والمدفع اب سكي
|
Post: #3
Title: Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر
Author: وليد محمد المبارك
Date: 05-14-2008, 08:16 AM
Parent: #2
اقترح ان يسمى الشارع الممتد غربا والفاصل بين الثورات والامبدات
بشارع د. خليل
على قرار شارع المك نمر
|
Post: #4
Title: Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر
Author: وليد محمد المبارك
Date: 05-14-2008, 08:19 AM
Parent: #3
ولاذم تعملوا كبري
ولا يكون في تهميش في حتى الجري
|
Post: #5
Title: Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر
Author: وليد محمد المبارك
Date: 05-14-2008, 08:24 AM
Parent: #4
ولازم يكون مسفلت وفيه وزارة زي حق الخارجية
|
Post: #6
Title: Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر
Author: على محمد على بشير
Date: 05-14-2008, 08:51 AM
Parent: #5
طيب يا ولى
الجرى والهروله وعرفناها
اها نقول شنو فى مسلحى الحركه الذين ضربوا قبة الامام المهدى على انها
برج المراقبه الجويه لمطار الخرطوم
وحاصروا حوش الخليفه وقصفوا مياضن مسجده على انو دى قاعدة وادى سيدنا
الجويه وللان قاعدين يغالطوا بانهم وصلوا وادى سيدنا وقصفوا القاعده
ودا كلو كوم
والقوات التى حاصرت وداهمت اتحاد الفنانين كوم تانى
فقد داهموا اتحاد الفنانين على اساس انو دى اذاعة هنا امدرمان
و داهموا الاتحاد وامنوا الموقع وانتظروا حضور المذيعين فى الصباح الباكر
عشان يهنضبوهم وبعد داك يشغلوا ليهم الاذاعه لاذاعة البيان الاول
وخاتين ليهم كم اكورديون وكم بيزجيتار وكم فلوت على اساس انها اجهزة البث
الاذاعى
قال ليك الصباح ناس محمديه مرقنهم رجليهم من الكمين دا
حتى انا اتساءلت , لو قبضوا على محمديه وختوا ليهو اكورديون وقالوا ليهم
يا تشغل لينا الاذاعه دى يا نملاك نار
ياربى محمديه كان ح يعمل شنو ؟
|
Post: #7
Title: Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر
Author: على محمد على بشير
Date: 05-14-2008, 09:02 AM
Parent: #6
والله يا وليد
الشئ الحصل فى البقعه دا فيهو حاجات كدا الواحد ماعارف
يضحك عليها ام يبكى من اجلها ...
اتخيل قال ليك
انو جزء كبير من لاندكروزرات الجماعه ديل وقفت طابور فى محطة وقود فى امدرمان
ينوون التزود بالوقود .. تخيل .. فى عز العصر والبقعه كلها مدوره نار والارواح
بلغت الحلقون واصوات الرصاص والقصف تلعلع فى السماء والطيران يقصف فى لاندروزراتهم
واصحابنا ديل واقفين صف فى طرمبة بنزين !!
طبعا قال ليك اصطادوهم ليك زى اصطياد العصافير
لاندكروزر وراء لاندكروزر .. تخيل ..
|
Post: #8
Title: Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر
Author: على محمد على بشير
Date: 05-14-2008, 09:09 AM
Parent: #7
جماعه تانين
لا يعرفون مرزوق من حلة حمد
حينما اشتد القتال وحمى الوطيس
حاولوا الفرار الى غرب امدرمان لينتظروا تعليماتهم الاخيره
فاذا بهم ودون قصد منهم ولعدم درايه يجدوا نفسهم فى غابة
السنط بالخرطوم ويكمنوا هناك على اساس انهم بعيدين عن الخطر
وانهم امنين طالموا انهم فى طريقهم الى دارفور
وليلا ناموا ملئ جفونهم واتى عليهم الصباح واذا بهم محاصرين
بالقوات الحكوميه وقبضوا عليهم واحدا تلو الاخر وهم مستغربين
ومندهشين لسرعة وصول القوات اليهم فى خلاء امدرمان وعلى مرمى حجر من دارفور
|
Post: #9
Title: Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر
Author: على محمد على بشير
Date: 05-14-2008, 09:16 AM
Parent: #8
بعض قوات المسانده الخلفيه يا وليد
والتى لم تدخل امدرمان اصلا وعبر اجهزة الثريا علموا ان العمليه
فشلت قبل ان تولد فولوا الابدار راجعين الى اقليمهم
وحتى يتفادوا الطائرات التى ستاتى حتما للبحث عنهم من انتنوف وميج ومروحيات
اثروا ان يسلكوا طرقا غير معروفه وفعلا فعلوا ذلك ليتوهوا فى صحراء شاسعه
بعضهم الى الان تائه وبعضهم دخل دنقلا على اساس انها الجنينه
وبعضهم وصل الى عطبره على اساس انها حمرة الشيخ ...
تخيل ..
|
Post: #13
Title: Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر
Author: وليد محمد المبارك
Date: 05-14-2008, 10:04 AM
Parent: #9
عارف يا محمد على بشير
اظرف نكته مدورة في امدرمان اليومين ديل
قالوا المسلحين دخلوا عبر شمال امدرمان
اول ما قابلتهم قرية الفتح الشهيرة بي الجخيس
يا زول درشوا ليك القرية ودهجوها ليك في الواطة
بعد ما درشوها
قاموا قلعوا الميري حقهم
استحموا ولبسوا وقالوا لسكان القرية الفضلوا
المطار بي وين ؟
نحن ماشين فرنسا
|
Post: #14
Title: Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر
Author: على محمد على بشير
Date: 05-14-2008, 10:09 AM
Parent: #13
Quote: اظرف نكته مدورة في امدرمان اليومين ديل
قالوا المسلحين دخلوا عبر شمال امدرمان
اول ما قابلتهم قرية الفتح الشهيرة بي الجخيس
يا زول درشوا ليك القرية ودهجوها ليك في الواطة
بعد ما درشوها
قاموا قلعوا الميري حقهم
استحموا ولبسوا وقالوا لسكان القرية الفضلوا
المطار بي وين ؟
نحن ماشين فرنسا |
قرقرقرقرقرقرقرقرقرقرقرقرقر
قطعت مصارينى بالضحك
الله يجازيك 
|
Post: #10
Title: Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر
Author: محمد عبد الماجد الصايم
Date: 05-14-2008, 09:37 AM
Parent: #1
| Quote: مرقنهم رجليهم من الكمين دا |
قلت لي الحكاية كلها كانت كمين
لكن بي تفكيرهم دا
قــطــع شـــكـ (مريخاب)
____________________
هوي يا وهم .. الحكاية قالو جمجرة
|
Post: #15
Title: Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر
Author: وليد محمد المبارك
Date: 05-14-2008, 10:13 AM
Parent: #10
مرخاب يا وهم
ما شفت كورة المريخ الجمهور كله جلابة
هاهاهاهاهاهاهاهاهاه
هسع لو كورة الهلال الكانت اليوم داك ما كان جاكم ولا زول
_____________
قلنا جمجرة
|
Post: #19
Title: Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر
Author: على محمد على بشير
Date: 05-14-2008, 11:01 AM
Parent: #10
| Quote: قلت لي الحكاية كلها كانت كمين |
نعم يا ود الصايم
واتخيل انتا بس
كمين وموقعه ود الجخيس
Quote: لكن بي تفكيرهم دا
قــطــع شـــكـ (مريخاب) |
تحليل خاطئ يا مان
الجماعه هلالاب
والا لما دهموا البقعه يوم مباراة المريخ والهضاب
| Quote: هوي يا وهم .. الحكاية قالو جمجرة |
والبنعمل فيهو دا كيمياء ,, ياوهم انتا
|
Post: #68
Title: Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر
Author: Maawya Hussein
Date: 05-16-2008, 09:09 PM
Parent: #10
كلامك صاح يا ود الصائم .. مدرب المريخ برضو طلع خليل
Quote:
تبدو عودة المدير الفنى للمريخ الالماني كروجر الى السودان مرةاخرى في كف عفريت وذلك حسب افاداته لوكالة الانباء الالمانية وعدد من الصحف الصادرة هناك حيث اكد انه عاش ساعات عصيبة كانت مليئة بصوت الرصاص والقنابل اثر هجوم احدي حركات المعارضة على مدينة أم درمان محل تواجد معسكر الفريق وقال كروجر ان هذا الوضع الذي هدد حياته يجعل عودته مرة اخرى للسودان والاشراف على المريخ ضرب من ضروب المستحي |
|
Post: #11
Title: Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر
Author: عمر التاج
Date: 05-14-2008, 09:42 AM
Parent: #1
جري من جري يفرق يا وليد
والخوف واحد
المك نمر حرق ... وجرى قبال ما يحرقوه
والجماعة لما اتحرقوا ... قاموا جروا
وبعدين المك نمر قطع كم بحر لمن وصل الحبشة
عشان كدة سموا عليه الكبري الجديد
اها خليل ده ماقدر يقطع ولا كبري واحد
غايتو إلا يسمو عليه الطريق الصحراوي .
|
Post: #16
Title: Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر
Author: وليد محمد المبارك
Date: 05-14-2008, 10:21 AM
Parent: #11
والله يا عمر التاج كلامك صحي
المك نمر على الاقل حر اسماعيل باشا
لكن خليل حرق لاندكروراتو بس
|
Post: #20
Title: Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر
Author: JOK BIONG
Date: 05-14-2008, 11:46 AM
Parent: #16
| Quote: المك نمر على الاقل حر اسماعيل باشا |
عندي لك سواااااال:
دا المك نمر اللي هرب الي الحبشة وترك نسوانه وبناته للدفتردار؟
بكره لو جاء زغاوي او فوراوي الي السلطة كلهم بيهربوا الي وين تاني؟
|
Post: #21
Title: Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر
Author: وليد محمد المبارك
Date: 05-14-2008, 12:05 PM
Parent: #20
يا جون بوك
نعم ياهو زاتو
Quote: بكره لو جاء زغاوي او فوراوي الي السلطة كلهم بيهربوا الي وين تاني؟
|
ما يجي يحكم السودان ما بلده
ونحن بنكون شعبو
لكن حا يجي بي ياتو طريقة
بي طريقة خليل دي ما اظن
جون قرنق بتاعك غلبوا يجي بالطريقة دي خليك من خليل
|
Post: #26
Title: Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر
Author: JOK BIONG
Date: 05-14-2008, 12:28 PM
Parent: #21
Quote: يجي يحكم السودان ما بلده
ونحن بنكون شعبو
لكن حا يجي بي ياتو طريقة
بي طريقة خليل دي ما اظن
جون قرنق بتاعك غلبوا يجي بالطريقة دي خليك من خليل |
يا زول انت قايل دا زمان ايام سلاح في
يد زول واحد!!!
هسي الزول دا اسمو خليل قال لكم بضرب الخرتوم وقال دا
اشارة وانذار والجد لسع في الطريق..كوراك في انذار وفي وقت
الجد تكون حالة كيف؟
جون قرنق ما فشل في تحرير الخرطوم بل هو كمل واجبه وغسل
اوساخ من مخ الناس في السودان حتى تحول أمير المجاهدين
دكتور خليل الي محارب لاجل قضية شعبه وموش تابع ياكل من فتات
بتاع موائد الاقلية الحاكمة في الخرتوم.الدنيا دوار زي ما دار
على الاقلية البيضاء في جنوب افريقيا كمان نفس الشئ بيحصل
على الاقلية التى تعذبنا بقتل وتشريد في السودان باسم العروبة
والاسلام.نحن متاكدين انو نهايات بتاع الاقلية قريبة جدا من النهاية.
الاقلية الان في جنون هستيرية تطلق النار في الخرطوم على النساء
واطفال في شوارع الخرطوم بصورة عشوائية لانها لم تبق لها ادنى
انسانية الانسان ولا احترام حرمة النساء واطفال.تصور اطلاق النار
على النساء واطفال عمل وطني وحماية الامن؟!!
|
Post: #29
Title: Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر
Author: وليد محمد المبارك
Date: 05-14-2008, 12:51 PM
Parent: #26
تمام
Quote: جون قرنق ما فشل في تحرير الخرطوم بل هو كمل واجبه وغسل
اوساخ من مخ الناس في السودان حتى تحول أمير المجاهدين
دكتور خليل الي محارب لاجل قضية شعبه وموش تابع ياكل من فتات
بتاع موائد الاقلية الحاكمة في الخرتوم |
كمان لو ينحى خليل منحى جون وقرنق ويغسل بقيت الامخاخ
اما الاقلية البيضا كما تزعم
لا انت ولا خليل ولا غيركم يستطيع ان ينتهي منها
انتو اللون الابيض ده ما عامل ليكم عقد
اقول ليك حاجة انت لو متعقد من لونك اضرب روحك جير
بالمناسبة انا زاتي لوني اسمر
وعاجبني وما معقد منو
|
Post: #45
Title: Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر
Author: الطيب عبدالرازق النقر
Date: 05-16-2008, 03:22 PM
Parent: #20
عندي لك سواااااال:
دا المك نمر اللي هرب الي الحبشة وترك نسوانه وبناته للدفتردار؟
بكره لو جاء زغاوي او فوراوي الي السلطة كلهم بيهربوا الي وين تاني؟
هوى يا جوك احسن ترعى بقيدك
دحين السواها المك نمر فى واحد من اجدادك عملا
قاعدين مبطحين وعبارات المريسة شغالا قرف والعوين ازرعوا البلدات
واخدموا فيهم
هلا هلا انا اخوك يا الزينة يا الماجبتى شينة
بلعن الموج يا جوك عفيفات وشريفات
|
Post: #12
Title: Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر
Author: osman abdala
Date: 05-14-2008, 09:51 AM
Parent: #1
خلاص يا وليد اول بت لي خليل ...
يسميها
ثريا
لو ما الثريا ما كان ام الحسين واتنفخت
|
Post: #17
Title: Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر
Author: وليد محمد المبارك
Date: 05-14-2008, 10:25 AM
Parent: #12
يا اسامه
ثريا ثريا اكلوها الكلاب
كلبه عطية وكلبة دياب
دي موش كانو زمان بلعبوها البنات ؟
كمان اول ولد مفروض يسمسه لاندكروزر
|
Post: #27
Title: Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر
Author: osman abdala
Date: 05-14-2008, 12:32 PM
Parent: #17
وليد اسامة دة منو...
كتر الف خيرك الفيك اتعرفت يا جنجويد...
يا جلابي بتاع التعليم العالي...
ويا مستنير بتاع الـ PHP..
|
Post: #28
Title: Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر
Author: وليد محمد المبارك
Date: 05-14-2008, 12:37 PM
Parent: #27
يا عثمان معليش ياخ
اخوك قادي انقلي>ي
بعدين الايام دي شغال ضوت نت سااااااااااااااااااااكت
|
Post: #30
Title: Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر
Author: osman abdala
Date: 05-14-2008, 01:29 PM
Parent: #28
ضوت نت بتاع قلبك...
انا بعرفك جنك وزيرد...
يا بتاع الجاهز...
تخريمة:
اها مرتك رجعت ليك الموبايل ولا لسة
|
Post: #31
Title: Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر
Author: وليد محمد المبارك
Date: 05-15-2008, 07:51 AM
Parent: #30
| Quote: اها مرتك رجعت ليك الموبايل ولا لسة |
ساعتين في اليوم
موش كويس ؟
|
Post: #18
Title: Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر
Author: ebrahim_ali
Date: 05-14-2008, 10:49 AM
Parent: #12
ياولي تحياتي تعرف دي محنة في شكل منحة كما قال ابن القيم
وفسر على هواك
تعرف ما دام خليل لحدي حسي ما لاقين ليه اثر اتمنى ان تعيد اللجنة الاولمبية السودانية لألعاب القوى النظر في مشاركة كاكي بعد اصابته بشد عضلي واستبداله في اولمبياد بكين 2008 بالعداء السوبر الجديد لنج خيلو تعرف اول ميدالية ذهبية للعرب والافارقة والزغاوة حيجيبها لينا خيلو ياخيلو واتخيل مذيع الجزيرة يسرد في سيرته الذاتية وهي كالتالي:
المتسابق السوداني في الوراق العاشر خليل ابراهيم
وزير سابق
دباب سابق
مجاهد من الطراز الأول في جنوب السودان
تشادي سوداني سوداني تشادي (أنا ذاتي اتلخبطت) دي المذيع دا مش يلخبط بلد دي يلخبط عالم بحاله
قائد تجريدة البقعة العاشر من مايو السبت الأخضر واعقبه الاحد الاسود
بينه وبين القصر الجمهوري عشر دقائق فقط للجلوس في القصر
بينه وبين الاذاعة نصف كيلو متر ويعلن بيانه الأول
بينه وسلاح المهندسين مائة متر وبعدها يستولى على اهم الاسلحة في امدرمان
بينه وبين كبري الجعلييييييين المك نمر دقائق ولكنها رأها ساعات وايام وشهور وسنوات
اسرع عداء في الحروب الحديثة والقديمة
تم استدعاه بديلا لكاكي حتى يسعد شعب دارفور وشعب الزغاوة ومن شايعهم بحلم ما زال يعشعش في ادمغتهم بالسلطة والاستولى على الخرطوووووووووووووووم محل الطيارة بتقوم والريس بنوم
والان انطلق العدو
خليل في المقدمة خليل في المقدمة
وما زال خليل يقود المتسابقين
يالله ماذا حدث ماذا حدث ماذا اري
ياللفضيحة ياللعار ماذا احدث خليل حتى جعل كل من في الاستاد يخرج ويهرول صوب الابواب ياخسارة ياشعب دار فور ياخسارة ياشعب الزغاوة ياخسارة ياشعب تشاد ياخسارة مناضلي الكيبورد بسودانيزاولاين وكل المنابر على الشبكة المعلوماتية ياخسارة تقد ياخسارة احمد حسين
لقد تمخض الجبل وولد فاراً أحدث هراراً ازكم الأنوف من بكين الفي الصين لعند امبدة حمد النيل يادي شافع ولدهو اليوم ما بعملها قدام كل العالم وكميراته
نعتذر لكم نيابة عن شعب السودان الأصيل عما اقدم إليه خيلو في هذا السابق ومازلنا في انتظار كاكي حتى يعيد للسودان ريادته ومجده وسؤودته
عشت حراً كريماً ياشعب السودان
ولا عزاء للخونة والمارقين والدجالين والمنافقين والكذابين وبايعي الوهم والعائشين على أحلام الخرطوووووووووووووووووووووووووووووووم
|
Post: #22
Title: Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر
Author: وليد محمد المبارك
Date: 05-14-2008, 12:13 PM
Parent: #18
اجمل ما عجبني في عزوة امدرمان من الغزاة
قيل انهم كانو يقتلون كل من يلبس اللباس العسكري فقط ( دي ما الحاجة العاجباني )
اها قالوا قاموا لقوا ليك دورية حقت شرطة مرور
قاموا ما قتلوهم
نزلوهم من العربية ودقوهم وكفتوهم
وقلعوها منهم
وقالوا ليهم انتو بوليس عربات ما حانكتلكم
يلا قوموا جارين
فقامو جاي وشالوا منهم عربيتهم
عجبني في بوليس المرور
فلاحتهم فينا نحن
كرهونا الشارع وشالوا قروشنا كلها
|
Post: #23
Title: Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر
Author: Mohamad Shamseldin
Date: 05-14-2008, 12:21 PM
Parent: #22
يا وليد "قلة الودك" على الجعليين شنو
نسوانهم وقعوا البحر .....
ما فكو البيرق و فاتوهم وراهم....
"ده الشين البيخلى الزول يعض إيديهو"
|
Post: #25
Title: Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر
Author: وليد محمد المبارك
Date: 05-14-2008, 12:28 PM
Parent: #23
محمد شمس الدين
Quote: يا وليد "قلة الودك" على الجعليين شنو
نسوانهم وقعوا البحر .....
ما فكو البيرق و فاتوهم وراهم....
"ده الشين البيخلى الزول يعض إيديهو" |
نفس الشي بنطبق على خليل يا محمد
فطى من اخبر العالم كله بانهم اغتصبوا النساء في دارفور ( الجنجويد )
وفاتهم بهناك وجا على امدرمان
بس الغلبها راجلها جات تادب حماها
هسع لو وجه الـ 1000 عربية دي تجاه الجنجويد ما اكن اخير بدل ما يضرب بيها قبة الامام المهدي ومستشفى امبده
__________________
شفت الكبكبة يا شمس الدين
قايلك محمد سليمان
|
Post: #24
Title: Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر
Author: وليد محمد المبارك
Date: 05-14-2008, 12:23 PM
Parent: #18
اخونا ابراهيم علي
اراك تبشرنا بميدالية اولمبية
نحول الموضوع لجهات الاختصاص للنظر فيه
|
Post: #32
Title: Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر
Author: وليد محمد المبارك
Date: 05-15-2008, 08:09 AM
Parent: #24
| Quote: شوف عيني جريتو جرى السواد وكسرتو قصب البلاد وقايلنو شجر الكداد |
|
Post: #33
Title: Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر
Author: وليد محمد المبارك
Date: 05-15-2008, 08:30 AM
Parent: #32
قالوا الجماعة كانو بفتشوا عن الازاعة وما خلو برج حايم ما دخلوه
ويقال انو ده السبب لدخولهم السوق الشعبي امدرمان
لانهم كانو يعتقدون ان برج الارسال الموجود جنوب شرق السوق الشعبي هي الازاعة
|
Post: #34
Title: Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر
Author: adil amin
Date: 05-15-2008, 09:26 AM
Parent: #33
طبعا سفلتو طريق القضارف دوكا القلابات
لليوم الاسود...وليس دعاية انتخابية واشيف افورقي كمان سمن على عسل
والشردة المرة دي بي بصات سياحية
الجماعة ديل قالو جايين تاني؟؟؟!!!!
|
Post: #35
Title: Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر
Author: وليد محمد المبارك
Date: 05-15-2008, 09:50 AM
Parent: #34
يا عادل ان شاء الله يتموا طريق مصر
لو جو تاني
بحري الجيلي شندي عطبرة هيا بورسودان حلايب- المصرية - القاهرة توششششششششششششششششك
|
Post: #36
Title: Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر
Author: وليد محمد المبارك
Date: 05-16-2008, 02:34 PM
Parent: #35
امير جابر يا فرده
انا فاتح البوست ده مخصوص عشانك ومتوقعك تدخل معاي
تجادني الون والتو
حتى نتخارج من حالة الاحتقان الحاصلة دي بالفكاهة
لكن يظهر انك كنت مافي
او الموضوع حرررررررررررقك شديييييييييييييييييييييييد
|
Post: #37
Title: Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر
Author: علاء الدين يوسف علي محمد
Date: 05-16-2008, 02:41 PM
Parent: #36
Quote: بشارع د. خليل
على قرار شارع المك نمر |
ضحكة شمشرة علي هذا و ذاك مع جضوم (مشلّخة)
|
Post: #38
Title: Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر
Author: amir jabir
Date: 05-16-2008, 02:45 PM
Parent: #37
يا فردة كيف يا الشفت يا زول انا لسع جارى تقول لى البوست بتاع يازول ..
والله مشغول بس شغل لكن اليلة اجازة جايك بى مزاج
تحياتى ليك وللاسرة الكريمة
|
Post: #39
Title: Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر
Author: amir jabir
Date: 05-16-2008, 02:47 PM
Parent: #38
خلينا نوصل تشاد الاول نشرب موية ونلبس جزمة ونستحمى وناكل لينا عصيدة ونجيك ...
|
Post: #42
Title: Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر
Author: وليد محمد المبارك
Date: 05-16-2008, 03:03 PM
Parent: #38
امير يا صديق
انا زاتي قلت الزول ده بكون مبرطع في الصحراء ديك لي هسع
لكن والله يا خليل ناسكم طلعوا اكضب من الصحاف
|
Post: #40
Title: Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر
Author: وليد محمد المبارك
Date: 05-16-2008, 02:52 PM
Parent: #37
علاء الدين
انت جيت
هاهاهاهاهاهاهاهاهاهاهاها
والله المرقت دي ما هينه
شايف الجمجرة عجبتك في الاتنين
هاهاهاهاهاهاهاهاهاهاهاها
اخبارك واخبار المعاك
|
Post: #41
Title: Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر
Author: Tragie Mustafa
Date: 05-16-2008, 02:54 PM
Parent: #36
يا وليد
شتان بين المك نمر وبين خليل.
المك نمر اولا تخطيه كان وليد اللحظة لانه غضب شديد
وما كان قدامه خيار,,اعتقد نفس الشيئ لم يتخيل
الاتراك بذلك السؤ وانهم سيعتدون على اسرهم ونسائهم.
خليل يختلف يا بابا
اولا يعرف نساه هؤلاء جيدا زي جوع بطنه
وويعرفهم كلاب يخافوا ما بيختشوا.
لا اعقد توقع مكاسب فوق ما حققه.
هنالك اخطاء كثيرة استغربت لها من قبل خليل قد اتناولها لاحقا.
ويبقى الحق بانهم شجعان جدا
فلم اتقوع رجال يدخلوا لمدينة لا يعرفونها الا هؤلاء.
يازول ديل فعلا من يقال عنهم يحبون الموت كما نحب الحياة,
سبحان الله.
على فكرة من مصادري ان خليل خسائره ليست كثيرة.
العربات المتروكة بالخرطوم لانهم استبدلوها باخرى احدث وممتلئه بالوقود!!
وبرجع لك لو امير جابر جاء بجاي سلم لي عليه شايفاك مربط ليه.
|
Post: #43
Title: Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر
Author: علاء الدين يوسف علي محمد
Date: 05-16-2008, 03:09 PM
Parent: #41
| Quote: لانهم استبدلوها باخرى احدث وممتلئه بالوقود!! |
إبداااااااااااع يا تراجي
أهة رجعو بي شنو؟
أتوسات و نوبيرات و جياد و آكسنات و فيستو؟
بتوصلهم تشاد تب
وليد
يا حبّة إنتة لسة في البلد دي؟
والله هسي نفك الشمار تلقاهم راجنك في المطار 
الأمور تمام و شكلنا في الموضوع الجيتك فيهو حنمشي نجيبو من إدارة الخاص ما الحكومي
|
Post: #47
Title: Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر
Author: amir jabir
Date: 05-16-2008, 03:25 PM
Parent: #43
وطبعا يا الشفت اخوك فى ورطة ما يعلم به الا الله قول كيف .. يازول معانا فى المكتب موظف بلجيكى من جمهورية بلجيكا الديمقرطية الشقيقة الزول دة ماعارف الحبة من السودان وشوف موظف فى لامم المتحدة الزول دة مفتكر انو السودان دة كلوا فى دارفور يعنى الفاشر هى الخرطوم والجنية هى جوبا ونيالا امدرمان . وطبعا فردك اخوك موت .. وانا الشلاقة ما تخلينى اديى ليك حصة فى جغرافية السودان مصحوبة بالخريطة .. وكتاب عن السودان وريتو ليك سودانيز وان الان ووريتو ا ليك الخرطوم وقلت لية يازول دى امدرمان ودة بيت ناس وليد الشفت ووليد دة مريخابى والمريخ بطل افريقيا ودى الحاج يوسف ود بيت ناس ود الصائم وود الصائم دة رشاشة لسانو طويل ساى وديك حلمية شايلة الجردل والموية قاطعة .. اها يازول المشكة هسى الزول دة انا اقنعوا كيف انو ناس حركة العدل والمساوة صلوا لى ناس ليد الشفت ومافى زول شافم زاتوا .. اقول ليه وزير الدفاع عامل كجامة((كماشة )) للناس ديل فى الخرطوم ولا الخريطة غيروا.. ولا الناس ديل جاوا البلد بى طيارت ولا عندهم كواديك.. غايتو الزول دة فى اجازة وجاى الاسبواع الجاى ...نعمل شنو هسى
|
Post: #49
Title: Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر
Author: وليد محمد المبارك
Date: 05-16-2008, 03:40 PM
Parent: #47
يا مير
قول ليه الجماعة ديل كانو ملبسين لساتك العربات كبابكه - جمع كبك-
زي ما بتقول النكته
قالت النكته:
مساطيل بتسطلوا جم المقابر
وهم في عز جر السجارة
سمعوا صوت وراهم طوالي
قبلوا لقوا حصان السواري في وشهم
قام العسكري قال ليهم:
اثبت مكانك قبضناكم بالثابته
واحد من المساطيل
قال ليه يا زول ما اختلفنا
اي قبضتنا بالثابته
وكمان اقول ليك باقي البنقو داسنو تحت الشاهد بتاع القبر داك
بس عاوز منك توريني حاجة
وصلتنا لحدي هنا كيف بدون ما نسمع صوت كرعين الحصانكيف ؟!
حصانك ده كنت ملبسو كبك*
___________________
والكبك لمن لا يعلم حذاء قديم من انتاج شركة باتا مصنوع من القماش وارضيته بلاستيكية لا يصدر اصوات عند السير به
|
Post: #48
Title: Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر
Author: وليد محمد المبارك
Date: 05-16-2008, 03:29 PM
Parent: #43
علاء الدين 100%
كان كده الموضوع ماشي معاك كويس
بعدين اقسم لينا معاك
بخصوص تكلم الناس الهنا
افو
انا الشفت الممسح بي زفت
اموري لسع معكسة بديك تلفون اوريك الحاصل شنو ؟
|
Post: #44
Title: Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر
Author: وليد محمد المبارك
Date: 05-16-2008, 03:20 PM
Parent: #41
حقيقي يا تراجي شتان ما بين المك نمر وخليل
عارفة ليه
عشان المك نمر حرق الزول الضربوا الكدوس توشك
وخليل خلى الجنجويد هناك في دارفور يفعلون ما يفعلون وجانا نحن في امدرمان
بس الغلبها راجلها جات تادب حماها
بالنسبة لشجاعة الجنود الجو معاه لي امدرمان
ده كلام حقيقي وصحيح
ومعروف عن مقاتلين غرب السودان الشجاعة وما غريبة عليهم
لكن الحصل في امدرمان وقلت الكلام ده في بوست الطاهر ساتي
هو شجاعة جنود.... وغباء قواد
حاجة كده زي معركة كرري زمان
برضو كانت شجاعة جنود وغباء قواد
لكن الفرق انو القائد في كرري شجاعته كانت من شجاعة جنوده فشفعت ليه عن شعبه
انتظر موتو في تبروكته وما جرا
وخليل جرا يا تراجي
جرى عديييييييييييييييييييل كده
|
Post: #46
Title: Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر
Author: وليد محمد المبارك
Date: 05-16-2008, 03:25 PM
Parent: #41
Quote: على فكرة من مصادري ان خليل خسائره ليست كثيرة.
العربات المتروكة بالخرطوم لانهم استبدلوها باخرى احدث وممتلئه بالوقود!! |
يا تراجي ده حنك بيش ساكت يا تراجي
عربات موديل 2008 تاتشر
دي هنا في السودان مافي اغلى منها الا الهمر
والهمر هنا كلهم خمسة عربات الا يكون سالوهم وشتتو
وباقي العربات الاغلى وافضل منها
كلها عربات سحسوحة من عينة بولو وجاي
حرم المرخيات دي ما تحصلها بيهم
يا تراجي نحن حلتنا كانت في نص الضرب
شوفنا العربات فقعها فقيع البيض
وشفنا الناس جروا منها وقلعوا ملابسهم
ده ما حكو لينا يا تراجي
حضرنا جزء منو
والباقي حكو لين اولاد حلة ما سمعناه في الاخبار
وسمعناه طازة
| Quote: وبرجع لك لو امير جابر جاء بجاي سلم لي عليه شايفاك مربط ليه. |
حبابك الف
امير جا قبيل
قال هو لسع جاري وما وصل تشاد
|
Post: #50
Title: Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر
Author: amir jabir
Date: 05-16-2008, 03:42 PM
Parent: #46
Quote: امير جا قبيل
قال هو لسع جاري وما وصل تشاد |
طيب ما تسلم وتدينا المشورة فى زولنا البلجيكى دة
________________________
تراجى وليد دة زول بتاع مكاوة ساى لا مع ديل ولا ديل
وزول رطانى زينا واحد والناس الجرو ديل ياهم رطانة زيو
|
Post: #51
Title: Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر
Author: وليد محمد المبارك
Date: 05-16-2008, 03:48 PM
Parent: #50
يا امير
ياخ انت عاوز تتوسط لي عند تراجي
ياخ انا وتراجي دي رغم كل الظاهر للناس
الا نحن فرد عديل كده
خليها تجي تنكر الكلام ده
بخصوص البلجيكي بتاعك
يا معلم رديت ليك قبيل
لكن يظهر انك ضارب ليك شريط من الحبوب الجابوها في التلفزيون ومزهلل يا مان
هاهاهاهاهاهاهاهاهاهاااااااااااااااااااااااااااااااااي
|
Post: #53
Title: Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر
Author: khaleel
Date: 05-16-2008, 03:53 PM
Parent: #51
هووي يا عرب احسن تراعوا ادابكم
فت جعلي ان ركب حالا بخربوا عقابكم
بعدين الجري في الحرب تكتيك وقد اجاده امير الشرق عثمان دقنة
|
Post: #54
Title: Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر
Author: وليد محمد المبارك
Date: 05-16-2008, 03:57 PM
Parent: #53
يعني يا خليل ( الما جراي )
جيت تكحلها عميتها
نحن قلنا الجري يكون عند الشماليين جعليين تحديدا وعند اهلنا في الغرب زغاوة تحديدا
انت كمان مرقت لينا بي الشرق
هاهاهاهاهاهاهاهاهاهاهاها
يعني بي كلامك ده
كلنا جراااااااااااااااااين ساااااااااااكت
وانا اقول الميداليات الاولمبية في العاب القوى دي جايانا من وين
تاريها الكرومسومات
|
Post: #52
Title: Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر
Author: حسن الجيلى سعيد
Date: 05-16-2008, 03:50 PM
Parent: #1
Quote: على فكرة من مصادري ان خليل خسائره ليست كثيرة.
العربات المتروكة بالخرطوم لانهم استبدلوها باخرى احدث وممتلئه بالوقود!! |
|
Post: #55
Title: Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر
Author: amir jabir
Date: 05-16-2008, 04:04 PM
Parent: #52
انته يازول نقول ليك الساهلة تعقدة انا لو بعرف معنى كلمة كبك بالانجليزى ما كان هسى مكان كوفى عنان .. طيب نزل صورة الكبك هنا علشان يكون كلامى موثق ...
__________
دى ايام عايزة حبوب هلوسه هلوسة اكتر من كدة كيف
|
Post: #56
Title: Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر
Author: وليد محمد المبارك
Date: 05-16-2008, 04:09 PM
Parent: #55
انت قايلني ما بجيبو ليك
اخوك جلابي نجيض
|
Post: #58
Title: Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر
Author: khaleel
Date: 05-16-2008, 04:16 PM
Parent: #56
لكن تعرف يا وليد
التولي يوم الزحف من الكبائر
لكن في ضربة امدرمان ممكن نستعمل فقه الضرورة والاعمال بالنيات
|
Post: #59
Title: Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر
Author: وليد محمد المبارك
Date: 05-16-2008, 04:23 PM
Parent: #58
قلت الاعمال بالنيات
ونية خليل كانت شنو التدريب لاولمبيات الصين ؟
|
Post: #63
Title: Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر
Author: khaleel
Date: 05-16-2008, 06:06 PM
Parent: #59
| Quote: ونية خليل كانت شنو التدريب لاولمبيات الصين |
لا لا يا وليد
انا بحب القناصة البصادوا الامريكان زي البط في محافظة الانبار
عشان كدة دائما بتلقي قميصي قد من قبل وليس من دبر
|
Post: #64
Title: Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر
Author: وليد محمد المبارك
Date: 05-16-2008, 06:09 PM
Parent: #63
الكترابة
ما عارف بقيتي لي د. خليل زاتو
؟!
|
Post: #57
Title: Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر
Author: وليد محمد المبارك
Date: 05-16-2008, 04:13 PM
Parent: #52
مستمتع بي تراجي يا حسن
|
Post: #60
Title: Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر
Author: الطاهر ساتي
Date: 05-16-2008, 04:24 PM
Parent: #1
لو جبت لى الكتاب كنت انتهيت منو ايام حظر التجول
ولحد ماتجيبو اعتبر البوست ده...
بيستهتر بازمة البلد
|
Post: #61
Title: Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر
Author: وليد محمد المبارك
Date: 05-16-2008, 04:29 PM
Parent: #60
والله اجيبوا ليك
بخصوص البوست
لو كنت بتدخل دار الرياضة امدرمان
كان عرفت وفهمت معنى البوست ده
لكنك يا الطاهر اخوي
مسجون في دهالز الصحافة الناشفة
وما بتعرف حكمة معالجة الكوارث بنكته
عاين هنا المجتمعين وبتجمجروا في بعض منو ؟
عتاولة البورد
تراجي وعلاء الدين
والاتنين ما خرجوا من روح الفكاهة
لو كان في حكومتنا وحركاتنا كلها زول بعرف ينكت ويتخارج من الموقف بطرفة
كان كتير من امورنا اتحلحلت
وكان اتفاقية ابوجا نجحت
ما شفت جون قرنق عشان بعرف ينكت عرف يجيب سلام كيف
بعدين يالطاهر
ازمة البلد انا لا سويتها ولا شاركت فيها
انا زاتي مازوم معها البلد دي
تقدر تقول لي حابسني في بيتنا يومين ليه
_______________--
تحت تحت
بجيب ليك البكتاب خلاص
ما تخرب البوست
عارفك بتهظر
لكن قلت اهرش بيك اي زول تسوله نفسه
|
Post: #62
Title: Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر
Author: وليد محمد المبارك
Date: 05-16-2008, 06:01 PM
Parent: #61
اجمب جمجرة في الاحداث دي داخل البورد
من امنه مختار ضد عزاز شامي
| Quote: اذا هيفاء وهبى البورد ترى أن طرح محمد حامد جمعة فى هذا البوست كلمة حق ( ولكنه ربما أراد بها باطل) |
|
Post: #65
Title: Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر
Author: علاء الدين يوسف علي محمد
Date: 05-16-2008, 06:18 PM
Parent: #62
هو الحقيقة يا وليد و حسب راي (المشلّخين)
الإتنين جروا
لكن بصراحة بصراحة يا تراجي جرية خليل الفيفا عندها فيها راي
دي حبوب مُنشِّطة و داك يكون بالكتير ضارب قراصة دبل قبين بملاح أم رقيقة لكن ما في صحن زي صحن جِدو بشاشا داك
و يظهر إنو أبو خليل لما شاف الحكاية سخّنت قال لابد مما ليس منه بُدُّو و لبع ليهو شريط و هاك يا معطي و انطلق متخارج
والله يا ريت لو كان شارك لينا في الأولمبياد و جاب لينا ميدالية
كان سِتونة جاتو مخسوس من القاهرة و غنّت ليهو:
خِليل الجري دا ما حقي
|
Post: #66
Title: Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر
Author: وليد محمد المبارك
Date: 05-16-2008, 06:33 PM
Parent: #65
يا معلم ده قام بي نمرة 4 توشك
لكن تراجي قالت شالوا عربات احسن
كدي باقي ليك كده تمن العربية التاتشر 2008 في الدلالة بي كم
|
Post: #67
Title: Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر
Author: علاء الدين يوسف علي محمد
Date: 05-16-2008, 07:04 PM
Parent: #66
يكونوا سمعو إنو الفيزتو ملكة السوق هِنا ؟
و الدقسة كان رجعوا باسكودا وبولو و قطعت بيهم في الخلا داك
إلا يرسلو ليهم سحّاب من الصفوة للسيارات
يا ربي يكون عندهم فرع ليها في أبشي ؟
|
Post: #70
Title: Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر
Author: وليد محمد المبارك
Date: 05-17-2008, 07:30 AM
Parent: #67
سحاب الصفوة يمشي وين ؟
انت يا علاء الدين بي جدك
ناس الصفوة قالوا اي عربية تابعة ليهم تقطع المرخيات متبرين منها
|
Post: #69
Title: Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر
Author: Maawya Hussein
Date: 05-16-2008, 09:14 PM
Parent: #1
يا وليد قالوا سالوا ليك الجماعه (قوات الفتح المبين) ليه اخترتوا شارع العرضه بالذات من دون شوارع ام درمان ... قالوا عشان يشوفوا بنات الاحفاد 
|
Post: #71
Title: Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر
Author: وليد محمد المبارك
Date: 05-17-2008, 08:35 AM
Parent: #69
هاهاهاهاهاهاهاهاهاههاهاهاهاهاها
| Quote: يا وليد قالوا سالوا ليك الجماعه (قوات الفتح المبين) ليه اخترتوا شارع العرضه بالذات من دون شوارع ام درمان ... قالوا عشان يشوفوا بنات الاحفاد |
هاهاهاهاهاهاهاهاها
دي جديده لنج
|
Post: #72
Title: Re: مستخلصات جمجرة .. آن للجعلين ان يمدوا ارجلهم فلن يعايروا بعد الان بجري المك نمر
Author: وليد محمد المبارك
Date: 05-19-2008, 09:37 AM
Parent: #71
اها يا جماعة خليل وصل تشاد ولا لسع ؟
|
|