Post: #1
Title: شماتيـات هومـي وابن عجبــان في مهزلة أبو الهـل التعبــان ،،
Author: ابراهيم محمد الحسن
Date: 10-16-2011, 09:52 AM
Parent: #0
هي مداخلات منقولة من صفحة (دفعة 87) في الفيس بوك ..
منذ وصول أبو الهل التعبان لدور المجموعات ..
اللي خلاهم يفتكرو إنه خلاص .. (الكاس في الزريبة) ..
كانت مستمرة بيننا نحن الصفوة (ممثلين في هومي وحامد عجبـان) وأخواننا الصفراب (وديل كتاااار .. بقيادة الكوشت ومحمد خير ومحمد البلال ..)
وصلاح مختار كان يلعب دور (الحكم) ..
بس حاول ينحاز للجماعة (الظاهر دفعو ليه كويس ،،)
الكويس نحن ما من النوع البيضرب بنية ،،
وإلا كنت هسع راقد في رويال كير يا صلاح ،،
جمعناها في معلقة طويلة .. تحكي الحال ،،،
|
Post: #2
Title: Re: شماتيـات هومـي وابن عجبــان في مهزلة أبو الهـل التعبــان ،،
Author: ابراهيم محمد الحسن
Date: 10-16-2011, 09:54 AM
Parent: #1
قبل مباراة الرجاء البيضاوي:
كتب أحدهــم :
اخونا محمد خير
التحايا لك وانت فى الدار البيضاء ماخدة من لون الهلال
التحايا وكلنا يحيط الامل بنا من اجل العبور
فهلالنا عظيم ماحصل ليهو خسوف او عدم ظهور
والناس بتعرف الموقف صعب بالحيل... عشان سمى عبور
ومهما يكون راضين عنو هلالنا الجسور
باسم السودان بيلعب ما بيعرف الغرور
كم شلت ( شلووووت ) فرق وجاب لينا الشرور
خليك من الصهاينة يرضو قدامهم ان طرنا حسع والله اكبر على الطابور
احسن يراجعو تصنيف الفيفا ويغشو معاهم محل الكجور
يمكن يشوف ليهم موقع جنب هلال العبور
___________________________
لاسمعنا بي زولا قبر روحه ..
ولا شفنا ناس قامت من القبور ..
هلال غاب في الشرق وفي المغرب بينشد عبور ..
عاينا فوق السما ..
ما شفنا الهلال بس ديمة شفنا طيور ..
في كل الهزائم كان ليهن حضور ..
هلال السجم حالك دوام في ضمور ..
جمهورك مضلل ما ضاقلو أي سرور ..
واخر الزمان (الكوتش) سوي كجور ..
كجورك كان ضربلو وداد او قمتلو ترجي ..
فلاتة انيمبا ترجعك مقبور ..
__________________________
الحضري قام ضحك متل السر قدور
وجلي قعد يستنشق بهناك في البخور
ينتصر الهلال وفي الدوحة بات محسور
ينجبر الكسر والفي جدة زادو كسور ،،،،
أبشر يا بلال نصرا في الجبين مسطور ،،،
شكرا يا صلاح بدعاك نلقى النور
أجهز للسفر يا كوتش الضرب بالدور
خالد يا حبيب بالعافية كن مستور ،،،
في بلد الضباب أرجاهو الفرح وسرور
___________________________
الليلة الهلال متجلي في بلاد فاس وضاوي بدور ..
حسم ام المعارك وانيمبا شتت قطنو لم الدور ..
الترجي انسحب من شاف هلال رزق الله مات مذعور ..
واتلمت ضبوب نيجيريا رقدة جحور ..
الكاس اتحمل جوا وطاع معذور ..
شكيتك الله يازلوط :: هلالابية ناوية عبور ..
___________________________
صلاح مختار للدفعة جاب المحظور
وابراهيم يتلفت عاطل وكمان شحرور
__________________________
ناس إستاداتها حولوها قبورر ...
ليهم زمن لافين .. قال أيه ..
عاوزين يجيبو كاس ..
ويقطعوبو بحور ...
والكوشت نايم يهضرب .ولعولو بخور ..
وأحمد شبو لابد يرجف .. ما شفنالو ظهور ..
_________________________
يا ابراهيم الشماته عليها ما مجبور.....
خوفي بكره تفتش كهوف و جحور ....
(ده واحد محايد إسمه اللماح ،،)
________________________
عشان الناس ما تشكك في (وطنية) إبن عجبـان وهومي الجسور ....
وما تفهمونا غلط .. يا ناس الكجور ....
كنا عاوزين أبو الهل يخرج (بشرف) يوم العبور ..
أحسن من مقابلة الترجي البيزعمط الشعور ..
ويذكركم مأساة مازيمبي في مقبرة الطيور ...
انتصرتو على مازيمبي في أرضه بعد معركة أم القبور ...
طبعا كنتو طرتو طرتو عشان كده هم راعو للشعور ..
________________________
رغم الهزيمة رغم الكجور.... عاشقنو الهلال ...قطاع البحور
للكورة اجتهد رغم المشاكل وما غدر بسندو عاريىى الضهور
امر الكورة اتحسم من الصباح دغش قبل الفطور
اشتروهو الحكم .. براكم شفتو .. رجل الراية كيف زعلان وكمان مقهور
اشمتو يا عجبــان وابراهيم .. ما عارفنو جبار الكسور ؟
كم رجفكم... وخلاكم ... ما عارفين النهار من السحور
الولد ان صلح بينفع اهلو وان فشل ما بشنفوهو صفراب الطابور
ما خليتو فكى او دجال ... شغلكم الطيرة والبخور
ياها حركاتكم ...الحسد والبغضاء ... ومناطحة النمور
شدو الهمم شوية اّ زروه الوطن وتمو نص الدور
فى شخص الهلال ارتقى الوطن .. واصبح للظلام نور
بيهو اتعرف سيد البلد و طيبة الوطن و خضرة العتمور
خليكم عارفين ...برضو ارضنا مخضرة احسن من اليباب والبور
لو وصلتو تصنيفنا الفيفاوى ..دقو ... شديد وحنقول احم دستور
عشمنا فى الله حظنا يكون احسن ... بدون جمهور
ونلعب نهائى لو بالاسم أو رنة الطمبور
واعلمو جميعا الجرس بنضرب للحصص وبر ضو الفطور
واخدو الحكم من ناس زمان .. شخصى.. ومحمد خير.. و الكوتش .. وكدمبور
___________________________
هييييييي يكة ..
قالوا ناس (القبور) وقفوا طابور ....
عشان يقلبوا الحقائق ويخدعوا الجمهور ...
حنسوا الحكم عشان ما يكشف المستور ....
قلت لي إشتروه الحكم؟!! ...
لا وإنت الصادق ..
الحكم دقوه .. وبين الشوطين صبــح مقهور ..
وكملوا التمثيلية بنقل البطل كلاي لرويال كير ..
ياخي دي مرة واحدة الحكم يطلع نزيه ..
والحظ خذلكم ، وما لعـب الــدور ..
يقوم سيد اللبن يتشلع ويسكنوه قبور؟؟
مسكين الصربي مستر ميشــو ..
جاهو ضغط وطلع مطرود مقهور ..
حتى طارق آدم ركبتوه (التونسية)
وقلتو ليه باي باي .. مشكور ..
بس ،،،
عاوزنكم ما تيأسوا .. فما زال هناك (أمل) منظـور ..
أيوه في عطبرة .. زي رادس الضبح حيكون بالدور ..
إحياءا لذكرى (مازيمبي) والراحل المقيم إيداهور ..
ويا ثقالة الصفر الدولي ده المكنكش وما عاوز يغور ..
نزيدك بيت يا غالي .. واللا نخلي الطابق مستور ؟.
_____________________________
وبعد أن وقع المحظور في رادس:
مش قلنا ليكم ماتفهمونا غلط نحن أولاد شاخور.....
أهو الترجي قام بالواجب .. وعمل المحظور ...
بهدل (سيد اللبن) .. والحالة من غير جمهور ...
ذي ما ساكواها قبيل سواها في أول دور ...
أهو المسيكني كمان سواها وركبكم البابور ..
رشَّاكم في المقبرة .. وفي رادس أعاد الدور ..
ود النقر حاول يخندقها .. لكن عماها ..
وعينك ما تشوف إلا النورررررررر .....
الجماعة عاد ليهم (الأمل) يوم لقاء النسور ..
عاوزنو يعطل الزعيم .. عسى ولعل يحصلوا الدور ..
لكن بلة كروز باغتهم .. صاروخه كان منظور ..
أدهش الجميع .. حطم الآمال .. وبهدل الشعور ..
ثم ..
أخوان سيدا مرقوها في مدني .. سعيا وراء العبور ..
عيونهم مع الأفيال .. وقلوبهم مع نتيجة الزعيم الجسور ..
لكن ناس أدكو عملوها في قلعة السرور ..
حسموا الأمر من (بدري) .. وهيصوا مع الجمهور ..
الصفراب راجعين بخفي سادومبا .. راكبين البابور ..
_________
التعديل لإضافة أبيات بعد تتويج الزعيم بالدوري ..
|
Post: #3
Title: Re: شماتيـات هومـي وابن عجبــان في مهزلة أبو الهـل التعبــان ،،
Author: طارق الكوتش
Date: 10-19-2011, 12:36 PM
Parent: #2
بوست غير موفق
|
Post: #4
Title: Re: شماتيـات هومـي وابن عجبــان في مهزلة أبو الهـل التعبــان ،،
Author: ابراهيم محمد الحسن
Date: 10-19-2011, 01:32 PM
Parent: #3
ولا تبخسوا الناس أشيائهم ،،
|
Post: #5
Title: Re: شماتيـات هومـي وابن عجبــان في مهزلة أبو الهـل التعبــان ،،
Author: صلاح ليون
Date: 10-27-2011, 02:42 PM
Parent: #4
ما بتخجل .. وكمان تقول
| Quote: منذ وصول أبو الهل التعبان لدور المجموعات |
ياخي دي بقت موضة قديمة
السنة الجاية إن شاء الله ابدو بي جملة
((منذ صعود ابو الهل إلى المربع الذهبي)) البتشمو قدحة ده
|
Post: #6
Title: Re: شماتيـات هومـي وابن عجبــان في مهزلة أبو الهـل التعبــان ،،
Author: ابراهيم محمد الحسن
Date: 10-29-2011, 12:24 PM
Parent: #5
ليون ،،
ولا تزعل ،،،
| Quote: منذ صعود ابو الهل (التعبان) إلى المربع الذهبي ،، |
غايتو وصولكم للمربع ده كلفكم دم قلبكم ،،
جنس دفع ،،
خليكم في الدفع المحلي ،،
لناس الحمل عطبرة وكده ....
كااااااااااااااااااااااااك ،،
|
Post: #7
Title: Re: شماتيـات هومـي وابن عجبــان في مهزلة أبو الهـل التعبــان ،،
Author: ابراهيم محمد الحسن
Date: 11-21-2011, 08:28 AM
Parent: #6
توجد مباركات للصفوة بمناسبة الدوري الإتحسم من (بدري) ،،
|
Post: #8
Title: Re: شماتيـات هومـي وابن عجبــان في مهزلة أبو الهـل التعبــان ،،
Author: Amna Mohamed Arh
Date: 11-21-2011, 10:51 AM
Parent: #7
السلاااااام عليكم
هومي انت بقيت تجيب البحر زاااااااااتو في المنبر
|
Post: #9
Title: Re: شماتيـات هومـي وابن عجبــان في مهزلة أبو الهـل التعبــان ،،
Author: Amna Mohamed Arh
Date: 11-21-2011, 10:51 AM
Parent: #7
السلاااااام عليكم
هومي انت بقيت تجيب البحر زاااااااااتو في المنبر
|
Post: #10
Title: Re: شماتيـات هومـي وابن عجبــان في مهزلة أبو الهـل التعبــان ،،
Author: ابراهيم محمد الحسن
Date: 11-21-2011, 11:02 AM
Parent: #9
آمنة ،،
حمدا لله على السلامة ياخ ،،
يعني الموضوع لو كان متوقف على إيميل لبكري أبوبكر بخصوص الباسويرد ،،
كان رسلتي ليه من زمااااااان ،،
|
Post: #11
Title: Re: شماتيـات هومـي وابن عجبــان في مهزلة أبو الهـل التعبــان ،،
Author: ابراهيم محمد الحسن
Date: 11-21-2011, 11:06 AM
Parent: #10
| Quote: هومي انت بقيت تجيب البحر زاااااااااتو في المنبر |
بلدا ما فيها (الورل) يقدل فيها (التمساح) ،،
هييييييييييييع ،،
ما دام الورل بقى ما بيجي ،،
التمساح قال أخير يقدل في البحر ،،
|
Post: #12
Title: Re: شماتيـات هومـي وابن عجبــان في مهزلة أبو الهـل التعبــان ،،
Author: Amna Mohamed Arh
Date: 11-21-2011, 01:52 PM
Parent: #11
هومي الفتان،،
| Quote: يعني الموضوع لو كان متوقف على إيميل لبكري أبوبكر بخصوص الباسويرد ،، |
ما قلنا ما كان عندنا تن ... وايميلنا قفل وحلف ما يرجع... وبالتالي فقدنا
كل العناوين بما فيها عنوانك انت وبكري زااتو... واسال الناس الكانت بتتصل كم
مرة طلبت منهم ايميل بكري انت الوحيد السارعت بالرد ودي فرصة عشان الواحد
يشكرك على الاهتمام
|
Post: #13
Title: Re: شماتيـات هومـي وابن عجبــان في مهزلة أبو الهـل التعبــان ،،
Author: ابراهيم محمد الحسن
Date: 11-22-2011, 12:38 PM
Parent: #12
| Quote: انت الوحيد السارعت بالرد ودي فرصة عشان الواحديشكرك على الاهتمام |
(وش خجلان وخدودو محمرة ،،)
|
|