Post: #1
Title: للنقاش...!!!
Author: Amna Mohamed Arh
Date: 05-16-2010, 09:12 AM
Parent: #0
لاقني في احدي الجرائد الاعلانية.....
رأيكم ....
!!!
!!
!
|
Post: #2
Title: Re: للنقاش...!!!
Author: ابوهريره احمد ابراهيم
Date: 05-16-2010, 02:56 PM
Parent: #1
معليش مطلوب مناقشه شنو؟
-عمل المهندسات المعماريات في مجال ايجار العده
-الخرط الجاهزه وحسب الطلب؟
-الاعلان في حد ذاتو ودلالاته:عدم وجود فرص عمل!!
راي الشخصي:اعلان جيد:اذا كانت خريجه ولم تجد فرصه عمل جيده...وبعد دراستها للسوق والشخصيه السودانيه
التي تري ان الخرطه الهندسيه يجب ان تكون مجانا او باقل سعر...او نقل مسطره من خرطه منفذه
اوضتين خلف خلاف والصالون فيما بعد...واهم اجه الدكان!!!!!
فلاباس ان تبدا هكذا...حتي علي الاقل تنتهي من مرحله توفير المصاريف الاساسيه...سيد نفسك مين اسيادها..
ثم بعد ذلك يمكن ان تتطور لمرحله اخري!!
|
Post: #3
Title: Re: للنقاش...!!!
Author: Amna Mohamed Arh
Date: 05-17-2010, 09:13 AM
Parent: #2
ابوهريرة،،،
المطلوب مناقشة فكرة الخرط الجاهزة ... وحسب الطلب...
هل الخرط سلعة جاهزة قابلة للتداول والبيع لأكثر من مستهلك...!!!؟؟؟
هل تصميم الخرط كانتاج اي منتج اخر خاضع لمواصفات عامة...!!؟؟؟
حسب دراستي وخبرتي (المتواضعة) الخرطة المعمارية يتم تصميمها حسب
متطلبات صاحبها واحتياجته وموقع ومساحةالقطعة التي يتم عليها التشييد
واول خطوة في التصميم هي دراسة الموقع وتحليله...
فكيف ممكن التصميم على موقع في خيال المصمم...!!؟؟
والسؤال التاني الخطر في بالي هل الخرطة تباع لمرة واحدة أم لمرات متعددة..!!!؟؟
|
Post: #4
Title: Re: للنقاش...!!!
Author: ابوهريره احمد ابراهيم
Date: 05-17-2010, 11:05 AM
Parent: #3
عزيزتي المعماريه امنه:
كما توقعت كانت النقطه التي وقفتي عندها-كمعماريه-هي الخرط الجاهزه!!!اليك هذه:
صاحبي مهندس مدني طلب من زميله بعض الخرط وقام باختيار واحده تناسب منزل قريبو
وبعد موافقه صاحب المنزل شرع في التنفيذ!!!
الحكومه:قوالب السكن الشعبي...وغيرها وغيرها
المشكله في رائي المتواضع اننا شعب نحب المحاكاه...لذلك تجدي منازلنا متشابه
-عدا القله-حتي الوان الطلاء متشابه
كففي فتره كا ابني والاخضر هي الالوان السائده...ثم سيطر اللون البيجي او الكريمي
ثم هذه الايام البصلي والحرجلي..الخ
دعك من البناء حتي فيما يتعلق بالصحه:كثيرين يكتفو باخذ الدواء من الصيدليه مباشره
بعض نصيحه من مريض له نفس الاعراض!!!!
عموما:اعتقد ان المشكله الحقيقيه هي مشكله اقتصاديه بحته!!!!واري ان الحل الذي وصلت اليه الخريجه
حل عملي ولا غضاضه فيه
بعد ان تحل المشكله للاغلبيه سوف نصل لمرحله الافراد الذين يختاروا التفاصيل...وتفاصيل التفاصيل
اما الان فلا بس: وبصدق اكتر انا مثلا_اذا صلت مرحله البناء,بعد عمر طويل_اول بند لتخفيف تكلفه البناء
هو الخرطه...فاما اجدها شبه مجان....او ارسمها_بالبلدي_وحدي....او اتصلت بصاحبه الاعلان اعلاه لاستلم
خرطه جاهزه بسعر كيس اسمنت.....وبدون زعل!!!!!
|
Post: #5
Title: Re: للنقاش...!!!
Author: ابراهيم محمد الحسن
Date: 05-17-2010, 11:28 AM
Parent: #4
آمنة ،،
Quote: حسب دراستي وخبرتي (المتواضعة) الخرطة المعمارية يتم تصميمها حسب
متطلبات صاحبها واحتياجته |
فعلا كلام أبي هريرة صاح ،،
وتصميم الخرط (في الغالب) ،،
وحتى لو تم بعد الطلب ..
بتكون تكرار بنسبة كبيرة لخرطة اتعملت قبل كدة ..
مع شوية رتوش ...
|
Post: #6
Title: Re: للنقاش...!!!
Author: صلاح ليون
Date: 05-18-2010, 09:49 AM
Parent: #5
انتو قاعد تناقشو شنو بي جاي
ومالكم انزويتو وخليتو منبر اليوم الحار
وعشان النقاش يكون مفيد ومثمر أُطالب بإنزال الإعلان بالكامل
|
Post: #7
Title: Re: للنقاش...!!!
Author: صلاح ليون
Date: 05-19-2010, 08:11 AM
Parent: #6
شنو ما في زول هببو لي
اناقش نفسي وللا شنو يا ست البوست
|
Post: #8
Title: Re: للنقاش...!!!
Author: صلاح مختار
Date: 06-29-2010, 11:00 AM
Parent: #7
شكرا يا آمنه
و ارجو ان يتم تعميم فكرة البوست لمناقشة كثير
من القضايا التي تخص المهنه حتي تتم الفائده
و علي سبيل المثال يمكن مناقشة
السكن الاقتصادي
مشاكل فنيه محدده تطرح للنقاش
تغول الآخرين علي مهنة الهندسه
اسعار الاراضي بالخرطوم الاسباب و الحلول
اخلاقيات المهنه
الدراسه الاقتصاديه لعمل المسكن المناسب
هموم المغتربين
التوسع في التعليم الجامعي و اثره علي المهنه
و الكثير الكثير
ارجو ان ينافس هذا البوست "الجاد" بوست اليوم الحار
|
Post: #9
Title: Re: للنقاش...!!!
Author: طارق الكوتش
Date: 06-29-2010, 03:05 PM
كنت دائر اناقش
لكن اشك انو ح القى لى زول لافى بهنا حتى ست البوست زاتها
والدليل > صلاح اليون
|
Post: #10
Title: Re: للنقاش...!!!
Author: Amna Mohamed Arh
Date: 06-30-2010, 07:04 AM
Parent: #9
الليون،،،
Quote: شنو ما في زول هببو لي
اناقش نفسي وللا شنو يا ست البوست |
الكوشت،،
Quote: كنت دائر اناقش
لكن اشك انو ح القى لى زول لافى بهنا حتى ست البوست زاتها
والدليل > صلاح اليون |
لكم العتبى...
معليش انشغلت شوية في الفترة الفاتت ... لكن ما فات شئ
الموضوع لازال مطروح للنقاش
وكمان اللماح وسع محتوي البوست للنقاش في مواضيع كتيرة ومهمة
يلا أنا موجودة
|
|
