خطة البروفيسور سامي محمد شريف لتطوير و تحديث كلية الهندسة

في إطار خطة البروفيسور سامي محمد شريف العميد الجديد

لتطوير و تحديث كلية الهندسة للأربع سنوات المقبلة بإذن الله

تم وضع العديد من الخطط و المعايير لتحسين بيئة الكلية

وصحة و سلامة و أمن الكلية و البيئة الملائمة للتحصيل الدراسي

ووضع معايير للجودة و الشفافية في وضع هذه الخطط ...إلخ

ما يهمنا نحن هو البند الذي سُمي ببند الشركاء و الخريجين و اتفاقيات التعاون:


حيث بادر البروفيسور سامي بإنشاء حاضنة لخلق الصلات مع القطاع الصناعي و الخريجين

وأشار إلى الاهتمام بإنشاء كيان (أو رابطة) للخريجين

كما ركز على قيام منتدى دوري للشركاء و الخريجين

ووضع خطة لعقد اتفاقيات للتعاون بين المؤسسات المحلية و الإقليمية و العالمية

كل هذه المواضيع تهمنا نحن و هي متروكة للمشاركة و النقاش

بكل شفافية و موضوعية من أجل النهوض بكليتنا الحبيبة

و المجال مفتوح لكل خريج أو مشارك للإدلاء برأيه

في كيفية و آلية التنفيذ ووضع خطة محكمة لذلك.

فكلنا غيور علي هذه الكلية الحبيبة و هذه الجامعة العريقة

يا بير ،،
صباح الخير ،،،

ده الموضوع الفتحو معاي بروف سامي في التلفون ،،
وكنت منتظر عودتك لمزيد من التفاصيل ،،

Quote: حيث بادر البروفيسور سامي بإنشاء حاضنة لخلق الصلات مع القطاع الصناعي و الخريجين وأشار إلى الاهتمام بإنشاء كيان (أو رابطة) للخريجين كما ركز على قيام منتدى دوري للشركاء و الخريجين

فعلا ،،
من المهم جدا خلق صلات منظمة مع الخريجين ،،
ولا نكتفي بالمبادرات الشخصية ،،
والمجموعات التطوعية من الخريجين ،،

Quote: فكلنا غيور علي هذه الكلية الحبيبة و هذه الجامعة العريقة

شكـرا يا تهانى، وبالله بلغى بروف سامى شريف تحياتى وتهنئة ضخمـة بالعمادة.
وثقتى فى سامى غير محدودة نسبـة لمعرفتى به.
والله دا نفس الكلام الكنت بقولو.. إنو الكلية تنفتح على المجتمع والمؤسسات الصناعية بصورة
مؤسسيـة وممنهجـة.. وإقتراحى لجسـم شبه محايد ومستقل جاء نتيجة معرفتى بمؤسسات مشابهة فى
أمريكا بالذات، فالدكاترة مشغولون بأبحاثهم وطلبتهم، والشركات لا تعرف ما تقدمه الكلية لهم،
لذلك خلق جسـم وسيـط مهم جداً.
مهمة هـذا الجسـم هى خلق شركات جديدة، قائمة على مبادرات وإبتكارات الأفراد أو مجموعات باحيثن،
ثم السعى لتمويل الأبحاث، وأخيرا الإتصال بالحكومة لتحتضن هـذه الشركة الوليدة لفترة زمنية معينة
حتى تستقل بإيراداتها.. والحضانة تشمل المقر المجانى لسنتين أو تلاتة، الإعفاء من الضرائب والإعفاء
من الجمارك لمدخلاتها. هـذه البرامج معمول يها فى امريكا وكذلك فى الصين، وربما فى دول اوروبا.

بذلك تكون الأبحاث موجهة وغير عشوائية، وكل بحث تكون خلفه شركـة، فيكون تمويل مشاريع الكلية من
الشركات.

====

رايكم شسنو نقلب إنجليزى بعد دا.. رطانة بتا أرب دا أظن ما حيمشى معانا كتير.

شكر إبراهيم البير

شكرا أبو الريش

ده كلام طيب جدا و مداخلات مثمرة

عايزين التفاكر حول آلية التنفيذ

و كلنا يعلم أن كلية الهندسة في زمنٍ مضى كانت لها

روابط (Links ) مع العديد من الجامعات الإنجليزية مثل برادفورد وغيرها

و قد سعى العميد السابق د. عبد الله خوجلي لإنشاء رابط مع نوتننجهام

و ذلك لوجود عدد كبير من خريجي الكلية فيها

و الذين تميزوا في دراساتهم العليا

علشان تشوفوا الجدية بجد:


فقد تقرر إنشاء لجنة الخريجين و العلاقات الصناعية

و تمت تسمية الأعضاء من داخل وخارج الكلية.

و ستجتمع أول مرة الإثنين المقبل بإذن الله

و ستكون نفرة الخريج بتاريخ 5 مارس 2010 بإذن الله


يلا بسرعة عايزين آراء و مقترحات عرضها علي اللجنة

لمن لديه مداخلة و لا يستطيع الدخول للمنبر

يمكننا التواصل عبر الإيميل بتاعي:

[email protected]

بس ياريت تكون الرسالة لها عنوان قريب من الموضوع علشان أقدر أتصفحها

Quote: فقد تقرر إنشاء لجنة الخريجين و العلاقات الصناعية و تمت تسمية الأعضاء من داخل وخارج الكلية. و ستجتمع أول مرة الإثنين المقبل بإذن الله و ستكون نفرة الخريج بتاريخ 5 مارس 2010 بإذن الله

سلام يا دكتورة ومبروك ونتمنى ليكم التوفيق.

بعدين كباية ليمونى القالوا فى مكتبكم دى عمرى ما حأنساها (مع الإعتذار لعبدالقادر سالم)، ولو الله مد فى العمر، أول ما أجى السودان حأخد
البرينسـة للكلية على طول، أصلو محتفظ بطرادة من زمان وما حأحتاج لفكة للبرينسـة.

بعدين زعلة على الماشى كدا..
ياخى حكاية نفرة وإنتفاضة وثورة دى خلوها للسياسيين فى المجلس الوطنى، إنتو علماء ومهندسين، ما بتنفروا، إنتو بتدرسوا وتخططوا بروية
وصبر وإتقان وتجويد ومواظبة. معليش بس كلمة "نفرة" دى خفيفـة شوية عليكم، إنتو ناس تقال وعندكم منهج علمى ومهنى.

النفرة حسب العرف هى تجميع شغيلة ليقوموا بعمل كبير فى وقت محدد، مثل الحصـاد أو بناء مدرسـة...الخ.

الأخوة الإقترحوا الإسم دا حقو ينزلوا نفسهم شويـة، ويفكروا فى إسـم تانى يتناسب مع العمل الممنهج والطويل الذى هم مقبلون عليه.

Quote: تمت تسمية الأعضاء من داخل وخارج الكلية. و ستجتمع أول مرة الإثنين المقبل بإذن الله و ستكون نفرة الخريج بتاريخ 5 مارس 2010 بإذن الله يلا بسرعة عايزين آراء و مقترحات عرضها علي اللجنة

العلاقة بين الخريج والكلية مهمة لكليهما
والعلاقة بين الكلية والكليات في انحاء العالم ايضا مهمة
كما تقدم الاخوة الافاضل الكلية لازم تطلع من الحتة بتاعت الكادميات فقط
انا شايف عندنا في مدنية قاعدين نعمل تستات للسوق ( خرصانة . سيخ . اسمنت )
وهناك تحليل لطبقات التربة
هذه الاختبارات تتم في الاجهزة التي قرانا فيهاقبل عشرين سنة
وقرا فيها من قبلنا ( لا يوجد تحديث )
اقترح قيام قسم حديث لمواجهة طلب السوق واجراء الاختبارات الميدانية والمعملية
مع العلم ان الشارع يثق في جامعة الخرطوم
لذلك ادارة خاصة واجهزة ومعدات حديثة ومتفرغة ( مع علاقات عامة )
سيكون دعم كبير للكلية
تحياتي يا دكتورة

Quote: اقترح قيام قسم حديث لمواجهة طلب السوق واجراء الاختبارات الميدانية والمعملية مع العلم ان الشارع يثق في جامعة الخرطوم لذلك ادارة خاصة واجهزة ومعدات حديثة ومتفرغة ( مع علاقات عامة ) سيكون دعم كبير للكلية تحياتي يا دكتورة

الأخ الفاضل حمـد،

أسمح لى بالتعليق قبل د. تهانى ما تجى...

أعتقد لو الكلية أبعدت نفسها من السوق يكون كويس.. قبل كل شئ دا ما مجالها.
مجالها الأبحاث العلمية والهندسية فقط ولا تتعداها للإنتاج.. وإلا فستكون مسؤليات قانونية و مشاكل لا يعلمها إلا الله
والكلية فى غنى عنها.

Quote: أعتقد لو الكلية أبعدت نفسها من السوق يكون كويس.. قبل كل شئ دا ما مجالها.

السلام عليكم اخي ابو ريش
الكلية حاليا علاقتها مع السوق متواصلة
ونحن اذا اردنا عمل اي اختبار للخرسانة او الحديد او الاسمنت بيعملوهو لينا
نظير رسوم تتقاضاها الكلية
يعني الفكرة اساسا موجودة ومطبقة
بس عاوزة قسم خاص بها وعلاقات عامة لجلب العمل
المنشات القائمة في الخرطوم ليست بالقليلة
تبدأ بفحص التربة
وفحص المواد على مدى استمرار المشروع
يكون قسم استشارات هندسية واختبارات ميدانية ومعملية
ومن ضمنها تكون البحوث
المواد المستخدمة في الانشاءات اصبحت كثيرة جدا
والمفاضلة تحتاج لجهة متخصصة ( خاصة في المشاريع الكبيرة )
..
ونحن اذا خفنا من المسؤليات القانونية يبقى فايدة علمنا شنو ؟؟
البشتغل صاح ما بخاف
مع مودتي وتقديري

Quote: بعدين زعلة على الماشى كدا.. ياخى حكاية نفرة وإنتفاضة وثورة دى خلوها للسياسيين فى المجلس الوطنى، إنتو علماء ومهندسين، ما بتنفروا، إنتو بتدرسوا وتخططوا بروية وصبر وإتقان وتجويد ومواظبة. معليش بس كلمة "نفرة" دى خفيفـة شوية عليكم، إنتو ناس تقال وعندكم منهج علمى ومهنى. النفرة حسب العرف هى تجميع شغيلة ليقوموا بعمل كبير فى وقت محدد، مثل الحصـاد أو بناء مدرسـة...الخ. الأخوة الإقترحوا الإسم دا حقو ينزلوا نفسهم شويـة، ويفكروا فى إسـم تانى يتناسب مع العمل الممنهج والطويل الذى هم مقبلون عليه.

و لا تزعل و لا حاجة يا أبو الريش

نفرة ، نفير ، استنفار ، يوم الخريج ، يوم الصناعة ،... الخ

ما مهم الاسم الاقترحوا منو و جاء من وين

المهم البيحصل فيه شنو؟ و المطلوب منو شنو؟

ما المطلوب من الكلية تجاه الخريج و من الخريج تجاه الكلية

و نحن في عُرفنا مافي أي مشكلة، زي ما الوالدين بيربوا أولادهم

ممكن كمان يسمعوا نصائح أولادهم لما يكبروا

لأنو الأجيال في تسارع و المواكبة شئ مهم

و مهما كنت مطّلِع ما ح تقدر تشوف كل شئ

فمافي مانع أن تستمع الكلية لنصائح أبنائها

و البتأكيد قلبهم عليها

السلام عليكم

Quote: نفرة ، نفير ، استنفار ، يوم الخريج ، يوم الصناعة ،... الخ ما مهم الاسم الاقترحوا منو و جاء من وين المهم البيحصل فيه شنو؟ و المطلوب منو شنو؟

ايوة يا دكتورة كلامك 100%
نحنا ما سياسيين
نحنا كل قلبنا على الكلية
التسميات دي ما مهمة
وكلنا جاهزين ومنتظرين الاشارة بس
واي دور تدونا ليهو بننجضو

ودايما هندسة فوق

Quote: اقترح قيام قسم حديث لمواجهة طلب السوق واجراء الاختبارات الميدانية والمعملية مع العلم ان الشارع يثق في جامعة الخرطوم لذلك ادارة خاصة واجهزة ومعدات حديثة ومتفرغة ( مع علاقات عامة ) سيكون دعم كبير للكلية تحياتي يا دكتورة

تحياتي أبو مهاد

في مشاريع كثيرة " يبدو إنها استثمارية " سترى النور قريباً بإذن الله

هنالك لجنة بدأت عملها في إطار الهيكلة و الأقسام

مهمتها وضع خطط لإنشاء وحدات جديدة

أحدها يتعلق بالعلاقات الصناعية و التدريب

مع إعداد ورش عمل لإعداد رؤية جديدة و بشفافية عالية جدا

كما أن الجامعة و الكلية بالتحديد تحترم ثقة الشارع فيها

و تسعى لما يرسخ دعائم هذه الثقة المتبادلة

و نتمنى أن تستطيع الإيفاء و لو بالقليل تجاه الشارع و المجتمع

و أن ترى هذه المشاريع النور بهدف النهوض بالكلية

Quote: الكلية حاليا علاقتها مع السوق متواصلة ونحن اذا اردنا عمل اي اختبار للخرسانة او الحديد او الاسمنت بيعملوهو لينا نظير رسوم تتقاضاها الكلية يعني الفكرة اساسا موجودة ومطبقة بس عاوزة قسم خاص بها وعلاقات عامة لجلب العمل المنشات القائمة في الخرطوم ليست بالقليلة تبدأ بفحص التربة وفحص المواد على مدى استمرار المشروع يكون قسم استشارات هندسية واختبارات ميدانية ومعملية ومن ضمنها تكون البحوث المواد المستخدمة في الانشاءات اصبحت كثيرة جدا والمفاضلة تحتاج لجهة متخصصة ( خاصة في المشاريع الكبيرة )

دي حقيقة يا أبو مهاد

بس عايزين المزيد من الرؤى المستقبلية

لتطوير هذه العلاقة و اشراك عدد أكبر من المهندسين المدنيين فيها

و بالثقة المتبادلة بين الطرفين

و بجودة الأداء بداخل الكلية

يمكن تشكيل علاقات كثيرة بين الكلية و سوق العمل

و في جميع التخصصات

الكلية الآن تمد يديها إليكم للمساهمة في نهضتها

تريد أن تستفيد من خبرات أبنائها

تريد المساهمة و لو بالأفكار البناءة

أو بالشراكة التي تعود بالفائدة للطرفين

كمان علشان غيرتنا عليها

لابد و أن نعمل أي حاجة تخلينا نفتخر بيها بين الجامعات

و نقول نحن اتخرجنا من هذه الجامعة العريقة

Quote: ايوة يا دكتورة كلامك 100% نحنا ما سياسيين نحنا كل قلبنا على الكلية التسميات دي ما مهمة وكلنا جاهزين ومنتظرين الاشارة بس واي دور تدونا ليهو بننجضو ودايما هندسة فوق

طبعا نحن ما سياسيين و لا عندنا علاقة بالسياسة

لامن قريب و لا بعيد

زمان اتفقنا علي الكلام ده

نحن ناس بنغير علي كليتنا

و نقدنا ليها من باب لفت الانتباه و تصحيح الأخطاء

و هي الآن عايزة تصحح و تصوب و محتاجة لينا

النصح ثم النصح و الآراء الجيدة و الجديدة و المبتكرة

و نعتبرها أضعف الايمان


و عايزين هندسة دائما فوق

د. تهاني،،،

اول حاجة صباح الخير ومشتاقين كميات

بالجد سعيدين للاخبار دي جداً
ومعاً لاعادة جامعة الخرطوم كما كانت

ونتمني تكون هندسة التجربة الرائدة والقدوة لبقية الكليات

شكرا آمنة

و شوقنا بالأكثر

و طالباك زيارة


و مزيد من الآراء و الاقتراحات

د. تهاني ،،

تجدونا دائما على أتم إستعداد ،،
لتقديم ما في وسعنا من أجل كليتنا الحبيبية ،،
لتظل دوما في موقع الريادة ،،
وفي مختلف المجالات ..

أكاديمية ،،
ثقافية ،،
إجتماعية ،،
رياضية ،،



___________________
مقترح (يوم الخريج) ده يرجع الفضل فيه لليوم الحار

د.تهاني
السلام عليكم
و الشكر لكم و لكل القائمين (بالإنابة عنا) بهذا الأمر
و اتمني ان نسهم جميعا في مرحلة تنفيذ الخطط التي سيتم الإتفاق عليها.
و طالما ان الموضوع مطروح للتفاكر
اعتقد انه لايمكن الفصل بين دور الكليه تجاه الخريج و دور الخريج تجاه الكليه
الموضوع عباره عن حلقه
ممكن ان نأخذ اي نقطه منها و نبدأ
مثلا قيام الكليه بدورها تجاه الطلبه علي اكمل وجه من تدريس و تطوير و تدريب
ثم تخريج اجيال مؤهله
ثم تدريب هولاء الخريجين في مجالات التخصص(مسؤولية الجهة المنظمه للمهنه بالتنسيق مع الجهات المختصه).
انخراط هذه الاجيال في العمل سواء ان كان هذا العمل شركات,مؤسسات,مراكز بحث او ...
ثم خلق علاقه في مجال البحث و التطوير بين هذه المؤسسات و الكليه حسب رغبة الطرفين
تستفيد الكليه من عائد ما تقدمه من خدمه في التطوير و التأهيل حسب ما ورد في بداية هذه الحلقه.

اري ان اي دعم يقدم للكليه يدخل في هذه الحلقه من باب رد الدين
و كإنطلاقه لهذا المشروع اقترح
-فتح باب المساهمة الماديه للجهات ذات الصله-افراد و مؤسسات- في اليوم المحدد للتدشين وذلك لتوفير
المال اللازم لعمل الإحتياجات الضروريه.
-اقترح ان تتبني الكليه طباعة حصيلة جهد و خبرة هولاء العلماء في كتب تمتلك الكليه حقوق طبعها و توزيعها.
-لا اعرف ان كان للكليه مجله دوريه متخصصه و لكن ذلك من شأنه ان يعرف بالكليه و نشاطاتها و يحقق
عائد بالتوزيع و الإعلان للشركات و المنتجات ذات الصله.
-كما ذكر الإخوه فإن فكرة تبني مشاريع التخرج معمول بها و تساعد الكليه كثيرا.
-السمعه الطيبه للكليه تتطلب منها ان تقوم بتحديث المعامل ذات الصله
بالسوق في مجال القياس و الرصد و المعايره.
-دعوة جهات هندسيه مقتدره لتبني تطوير و تحديث المعامل و تهيئة البيئه الدراسيه
و فتح باب التنافس في ذلك.
-فتح الباب لجهات لتقديم جوائز سنويه للمتميزين و تقديم منح دراسيه و دعم سنوي للكليه,
مثلا (جائزة اليوم الحار للتميز الاكاديمي).


غير إني لا احبذ ابدا دخول الكليه في مجال تجاري يكون له هدف تحقيق العائد المادي فقط
و إن كان ذلك بغرض الدعم.

و نواصل

تهانى،
كيفك؟؟

الكلام الفوق دة هام جدا،
لكن يحتاج (منى) لمزيد من القراءة المتانية و (التمحيص)،
لمعرفة دورنا بالتحديد،،،



لكن مبدئيا كدة،،
أكيد موافقين لكل خطط التطوير و الرقى بالكلية،
و إحنا جاهزين إنشاء الله،،،



و راجعة ليكم soooooon!!

شكرا ابراهيم

شكرا هالة

و في انتظار المزيد من المداخلات



صلاح مختار:

شكرا علي المداخلة القيمة

و كأنك قريت ما بداخلنا بالضبط

و لكن مازلنا نحتاج إلى آلية لتنفيذ كل هذه الخطط على أرض الواقع

ممكن بعد اجتماع بكرة تتضح بعض الرؤى شوية

الله المستعان

Quote: لابد و أن نعمل أي حاجة تخلينا نفتخر بيها بين الجامعات و نقول نحن اتخرجنا من هذه الجامعة العريقة

أعرف الأخ رأفت، خريج قسـم الكهرباء منذ أن كان طالبا بالكلية،
المهم الأخ رأفت هاجر الى أمريكا، وكان فى نفس الولاية التى نسكن فيها، نيوجيرسى، والتحق بمعهد نيوجيرسى للتكنولجيا
NJIT للتحضيـر للماجستير، فلم يجد مشرفـاً ولكنه لم ييأس، وصار يتصل بدكتور أخر كل يوم، حتى وجد دكتور فى نفس
تخصصه الإتصالات، وبعد تردد كثير، وفحص الترانسكربت، قال له إن جامعة الخرطوم غير معروفـة لدينا، ولكنه سيعطيـه الفرصة
على أى حال، ويتمنى له التوفيق.. والنتيجـة:
بعد شهرين تقريبا قال له الدكتور: خلفيتك جيدة جداً..you have a very good background وهـذه عادة دكاترة البلد الغتيتين
ديلك ما بقولوها لأى زول..
ثم التقاه بعد شهـر او نحوه، فقال له: الا تعرف زميل لك من جامعـة الخرطوم يمكن أن تدعوه للتحضيـر هنا؟!


بالنسبـة للموضوع!!
طبعا ربما كان تعليقى خارج الشبكـة، وكنت فهمت أن الكلية ستقوم بعمل تجارى بحت.

ارائى فى النقاش المطلوب موجودة وكتيرة، ولكن خاتيها على جنب لحد ما الز ليكم الكاوية دى.. عشان يكون البيان بالعمل..
عندى علاقة غير رسمية بإحدى أكبر الجامعات هنا فى الصين، وقد زرت معمل التحكم الالى، وهو كان محظور الدخول اليه حتى عام
1995 إلا للباحثين من الجامعـة أو من ترسله الحكومـة.. المهم وجدت فريق من الطلبة النهائيين عندهم مشروع تخرج عبارة
عن روبوتات تلعب الكورة فى ميدان صغيـر.. المشـروع دا ما بداه الفريق دا، وإنما فريقان قبلهم، وكل فريق مشـروع تخرجه
عبارة عن الإستمرار فى هـذا المشروع، حتى يتوجه خريجى عام 2020 حيث يتمكن فريق الروبوتات هـذا من اللعب مع فريق بنى ادمين.
يعنى أى تيم تخرج يطور المشروع للمرحلة المطلوبة منهم، ويضيفوا الريبورت بتاعهم على الريبورت السابق.
شفتو الصبر دا والتخطيط الطويل المدى لتطوير تقنية عالية؟!! هـذه الجامعة تكاد تكون مستقلة ماليا الأن، لكثرة الإستشارات
العلمية والهندسيـة التى توفرها للصناعة الصينية.. فهى من أغنى الجامعات فى الصين.

يا جماعة فى كلام كتير ممكن وضعه فى المنبر يكون too much information عشـان كدا أقترح عمل منتدى خاص ومغلق لمناقشـة أمور عملية
وربما خاصـة وغيـر عامة، لأنو الحكاية بقت تتشعب وتتخصص أكتر كل يوم.

شكرا أخي ابو الريش

Quote: شفتو الصبر دا والتخطيط الطويل المدى لتطوير تقنية عالية؟!! هـذه الجامعة تكاد تكون مستقلة ماليا الأن، لكثرة الإستشارات العلمية والهندسيـة التى توفرها للصناعة الصينية.. فهى من أغنى الجامعات فى الصين.

نحن عايزين منك بخبرتك مع الصينيين ديل و الشئ الوصلوا ليه ده

تحاول تنقل لينا تجربة عملية حقيقية تكون مفيدة للجامعة

و نصل بيها للاستقلال المالي ده علي الأقل

و تصبح الكلية كمان جهة استشارية لكل البلد

و نحاول منها نصل لمرحلة التطوير التقني و الفني المطلوب

و نحن ما مستعجلين طالما الخطط موجودة و بشفافية ووضوح

لأنه في النهاية لابد نصل لو الهدف واحد

و لو ماقدرنا ، يجوا غيرنا يواصلوا من حيث وقفنا

و ألا رأيك شنو؟

و بعد الاجتماع المثمر جدا من وجهة نظري

تطرق الجميع إلى ضرورة الربط مع الخريجين

و استقطاب الدعم المادي و العيني منهم

و تدشين يو الخريج في بداية مارس المقبل

و تحديد احتياجات الكلية للمرحلة المقبلة

و انشاء مكتب اتصال و اعلام خاص بالخريجين

ربط الخريجين عبر صفحة خاصة في الشبكة العنكبوتية

انشاء دليل الخريج

عمل نشرة دورية للكلية

...الخ

د. تهاني ،،
ده كلام جميل ،،



بس ،،

Quote: تدشين يو الخريج في بداية مارس المقبل

كان تخلوه أول أبريل ،،


ولا حا يكون شهري؟

Quote: نحن عايزين منك بخبرتك مع الصينيين ديل و الشئ الوصلوا ليه ده تحاول تنقل لينا تجربة عملية حقيقية تكون مفيدة للجامعة و نصل بيها للاستقلال المالي ده علي الأقل و تصبح الكلية كمان جهة استشارية لكل البلد

الأخت د. تهانى،

كويس جداً!

حكاية أنا أقدر أنقل ليكم تجربة عملية عن تنظيم الجامعة الصينية دى، أولاً أشكرك على الثقـة.
تانيا، المسألة دى زى كأنها ضخمة شوية، وتحتاج لزول يفهم البقولوه ليه، ويكون أدوه دروس فى
الإدارة، وهندسـة إقتصاد التكاليف، والإتصالات الفنية، وتصنيعيـة الإنتاج المشترك!!! يا زولة ما تخلينى
أطبز هسى طارق يجى يقول لى بالغت.. سمى الحاجات دى براكى.

المهم، أنا أتشـرف جدا أن يكون دورى facilitator بين الكلية والجامعـة الصينية، وممكن المساعـدة والمساهمة فى
تحديد الأهداف المشتركـة بيناتكم التى يخدمها تعاونكم Affiliation.. ومعنى هـذا لازم يجى مندوب من الكلية
وسأقابل به أصـح زول.. يعنى زول ما يودى لزول.. وستكون النتيجـة جيدة إن شاء الله.
الجامعات هنا تفتح يوم 22 فبراير الجارى، وأنا سأغادر الصين يوم 8 مارس.. (أعود بعد شهر إن شاء الله)،
فلو ممكن واحد يحضر الأن فى زيارة سريعـة بين يوم 22 وحتى أخر الشهـر، فهـذا أنسب وقت، ستكون هناك
مقابلة ونقاش brainstorm للتعارف وطرح رؤوس المواضيـع، ثم تكون زيارة أخرى بوفد كامل من الكلية ومعهم خطة
لتصـور العلاقة بنيت على المعلومات التى قدمها لهم الزول الجاى هسى دا.
لو وجد هـذا الإقتراح قبول، فسيحتاج الزول (أو زولين) الى التذاكر للصين فقط، ويشرفنى إستضافتهم هنا.. فى
عناقريب كفاية فى البيت. وحـررررررررم ما يختو يدهم فى جيبهم إلا لشراء هدايا.

مسألة الإستشارات التى يقدمونها والإختراعات التى يرخصونها للشركات والأبحاث التى يقوم بهم طلبة الدراسات العليا
عندهم لصالح الشركات والمصانـع، كل هـذه عبارة عن سيستــم كامل تحكمه قواعد، ومن الصعب، إن لم يكن مستحيلا، نقله عن
طريق الملاحظـة.. لازم تكون فى علاقة بين المؤسستين التعليميتبن اولاً ثم نحصل على نسخـة رسميـة من النظام، ومعها
تدريب أيضاً..

إعتذار واجب،

فقد خلطت بين إسمى الأخوين العزيزين لويس عوض ورأفت ميلاد فى المداخلة السابقة عن NJIT، والمقصـود حقيقـة
كان الأخ رأفت وليس لويس.

وقد تم التصحيح فى مكانه.

Quote: كان تخلوه أول أبريل ،، ولا حا يكون شهري؟

يا إبراهيم يوم الخريج ده ما يوم واحد

لكل كلية يوم محدد

كما لكلية الهندسة يوم محدد غالباً يكون يوم 10 مارس

Quote: فلو ممكن واحد يحضر الأن فى زيارة سريعـة بين يوم 22 وحتى أخر الشهـر، فهـذا أنسب وقت، ستكون هناك مقابلة ونقاش brainstorm للتعارف وطرح رؤوس المواضيـع، ثم تكون زيارة أخرى بوفد كامل من الكلية ومعهم خطة لتصـور العلاقة بنيت على المعلومات التى قدمها لهم الزول الجاى هسى دا. لو وجد هـذا الإقتراح قبول، فسيحتاج الزول (أو زولين) الى التذاكر للصين فقط، ويشرفنى إستضافتهم هنا.. فى عناقريب كفاية فى البيت. وحـررررررررم ما يختو يدهم فى جيبهم إلا لشراء هدايا.

يا أبو الريش أنا سعيدة جدا أسمع منك الكلام ده

بس الفترة قصيرة جدا جدا أرجو نأجل الموضوع ده لوقت لاحق

و مشكووووووور شدييييييييد علي المبادرة الطيبة دي


خلق العلاقات بين الجامعات الأجنبية

دي من أولى أولويات المرحلة المقبلة بإذن الله

مناشدة لكل أعضاء اليوم الحار

المطلوب حصر خريجي كلية الهندسة المشاركين في يوم الخريج


فكل من يعرف عدداً من الخريجين القدامى و أماكن عملهم


يمكنه ارسالها لنا حتى يتسنى لنا الإتصال بهم قبل وقتٍ كافٍ

Quote: بس الفترة قصيرة جدا جدا أرجو نأجل الموضوع ده لوقت لاحق

خير إن شـاء الله

وأنا فاهم يا دكتورة..
السفـر داير تزاكر، والتزاكر دايرة فلوس، والفلوس عن العميد، والعميد داير دولار، والدولار عن بنك
السـودان، وبنك الســودان داير صديق، والتصديق عند الوزير، والوزير مشى الرئيس
والرئيس قال الـااااااااه
لا إله الا الله

والســـودان نـام




برضو الدعوة مفتوحة فى أى وقت وبيناتنا التلفون

د. تهاني ،،

Quote: يا إبراهيم يوم الخريج ده ما يوم واحد لكل كلية يوم محدد كما لكلية الهندسة يوم محدد غالباً يكون يوم 10 مارس

يعني التحركات والإجتماعات المشار إليها أعلاه
كانت تخص كل الجامعة؟
أم تتعلق بكلية الهندسة فقط؟


الرجاء مزيد من التوضيح ،،

Quote: مناشدة لكل أعضاء اليوم الحار المطلوب حصر خريجي كلية الهندسة المشاركين في يوم الخريج فكل من يعرف عدداً من الخريجين القدامى و أماكن عملهم يمكنه ارسالها لنا حتى يتسنى لنا الإتصال بهم قبل وقتٍ كافٍ

هناك أكتر من آلية لتوصيل المعلومة ،،

1) الإتصال المباشر بالخريجين المتواجدين في السودان ومعلوم عناوينهم ،،

2) الإعلان عن البرنامج خلال وسائل الإعلام الرسمية ،،
الباشمهندس محمد خير فتح الرحمن - دفعة 87 - مدير قناة الشروق بالخرطوم - ممكن يفيد ..

3) الإعلان خلال منابر وتجمعات المهندسين في الشبكة العنكبوتية ،،
اليوم الحار - الفيس بوك - قروب هندسة في الياهو .. الخ ..

تهاني ،،

بالنسبة لدفعة 87 ،،

يمكن الإتصال بالأخ طلال خليل ..
وهو مسئول الإعلام والإتصالات المفوض من الدفعة ،،

وهو حا يقوم ،،
برسالة واحدة ..
بعمل اللازم ..


حا أرسل ليك تلفون طلال ..

Quote: يعني التحركات والإجتماعات المشار إليها أعلاه كانت تخص كل الجامعة؟ أم تتعلق بكلية الهندسة فقط؟

لا طبعا يا بير
الكلام الفوق و التحركات دي كلها تخص الهندسة فقط
بس الظاهر الفكرة عجبت الباقين و الله أعلم

Quote: 1) الإتصال المباشر بالخريجين المتواجدين في السودان ومعلوم عناوينهم ،، 2) الإعلان عن البرنامج خلال وسائل الإعلام الرسمية ،، الباشمهندس محمد خير فتح الرحمن - دفعة 87 - مدير قناة الشروق بالخرطوم - ممكن يفيد .. 3) الإعلان خلال منابر وتجمعات المهندسين في الشبكة العنكبوتية ،، اليوم الحار - الفيس بوك - قروب هندسة في الياهو .. الخ

ده كلام مظبوط
و تم تكليف أعضاء من اللجنة بالاتصالات و الإعلان عبر وسائل الإعلام
المرئية و المسموعة و المقروءة و عبر النت


و تلبية لاقتراح صلاح مختار سيصدر أول عدد للمجلة بإذن الله مع يوم الخريج

و في الحتة دي بالذات عايزين أحد أعضاء المنبر يكتب كلمة فاااااهمة كدة و يرسلها
لي في ايميلي و معاها صورتو و عنوانو علشان تنزل في أول عدد و ياريت الكلام ده يكون قبل
الإثنين بإذن الله


يا بير أكتب لي عناوين تجمعات الهندسة في الشبكة العنكبوتية إذا أمكن

Quote: و في الحتة دي بالذات عايزين أحد أعضاء المنبر يكتب كلمة فاااااهمة كدة و يرسلها لي في ايميلي و معاها صورتو و عنوانو علشان تنزل في أول عدد و ياريت الكلام ده يكون قبل الإثنين بإذن الله

نرشح علاء الدين للخطوة دي ،،

Quote: يا بير أكتب لي عناوين تجمعات الهندسة في الشبكة العنكبوتية إذا أمكن

ده واحد من التجمعات ،،
[email protected]

وفي الفيس بوك أكيد في أكتر من تجمع ،،
أسألي ناس طاخ وآمنة وسحر ،،،



...

Quote: نرشح علاء الدين للخطوة دي ،،

مافي مشكلة يا بير بس هو يوافق

Quote: مقترح (يوم الخريج) ده يرجع الفضل فيه لليوم الحار

يوم الخريج دة اسم ما واقع لي..واتصلت بالدكتورة وقلت ليها ما
تدخلو ورشة سريع وتنجرو لينا اسم يكون استايل..
انا جادي..
يلا رايكم شنو؟
الكلية بتعاين للطالب هو وطالع عشان كدة بتسميهو (خريج)..يعني بتعاين ليهو من ضهرو،
وهو وفايت مخليها..

اليوم دة معمول للناس الهنااااك العاوزنهم يقبلو جاي ويجو راجعين عشان يقيفو معاهافي ضعفها زي ما وقفت معاهم في ضعفهم..

هم وجايين عليها وفاتحيين ايديهم ليها ما ممكن تسميهم (خريجين)


ولا شنو؟؟؟

Quote: اليوم دة معمول للناس الهنااااك العاوزنهم يقبلو جاي ويجو راجعين عشان يقيفو معاهافي ضعفها زي ما وقفت معاهم في ضعفهم.. هم وجايين عليها وفاتحيين ايديهم ليها ما ممكن تسميهم (خريجين)

ده كلام صاح يا بندق

أحسن نسميه يوم العودة إلى الأحضان

أو زي ما قال الأخوان

يوم رد الدين

أو

يوم الحنين

أو

...

أو نداء كلية الهندسة

عايزين نختار واحدة منهم لو أمكن

أو غيرهم لو في طريقة

يوم الوفاء




او



إجابة النداء

____

يوم الوفاء
لنبع العطاء ،،

بقترح (ملتقى المهندس)

عشان يكون في ربط بين اليوم دا والموقع القترح
يكون الملتقي الدائم على النت هو الموقع .... والملتقي الدوري هو يوم الخريج

Quote: بقترح (ملتقى المهندس) عشان يكون في ربط بين اليوم دا والموقع القترح يكون الملتقي الدائم على النت هو الموقع .... والملتقي الدوري هو يوم الخريج

امونة:

الناس اقترحت ما يكون اليوم فيه اسم الهندسة

علشان لو في واحد مامهندس عايز يساهم ما نحرموا


يوم الوفاء اسم رائع في تصوري

ما عايزة أحرق الفيلم

بس حاج علاء الدين كتب كلمة تماااااااام لمجلة الكلية

واختار لها اسم:


أمـــــنــــــــا

كده تقريباً 90 بالمئة من مادة المجلة أصبحت جاهزة

و بالنسبة للمشاريع: دي قائمة مبدئية بالمشاريع العاجلة

و التي تحتاج إلى استجابة فورية


مشاريع البنيات الأساسية

و هي في شكل جدول يحوي:

الرقم المسمى الوصف التكلفة (جنيه)


1 مبانى قسم النفط بناء وتشطيب الطابق الثانى، المساحة م.م يشمل على مكاتب للأساتذة وقاعات تدريس، وصالات إطلاع.


2 مباني قسم التعدين بناء وتشطيب الطابق الثاني، المساحة م.م. يشتمل على مكاتب للساتذة وقاعات تدريس وصالات إطلاع.


3 أرضيات الكلية والممرات تبليط كلالمساحات الخارجية بالكلية بإستخدام الانترلوك بمساحة الكلية 3000 م.م. 150000


4 شبكات المياه مراجعة وتغيير شبكات المياه
• تصميم وتنفيذ شبكات جديدة .
• زيادة السعة التخزينية. 100000


5 شبكة الصرف الصحى مراجعة وتغيير شبكة الصرف الصحى 300000


6 تأهيل الطابق الثالث ببرج الهندسة تغير الابواب والشبابيك، عمل قريلات، تغيير الأرضيات، سقف مستعار، صيانة عامة. المساحة ____ م.م. 500000


7 تأهيل القاعات في برج الهندسة تأهيل عدد أربعة قاعات مساحة كل منهم ____ م.م. تغير الابواب والشبابيك، عمل قريلات، تغيير الأرضيات، سقف مستعار، صيانة عامة. تركيب وسائط متعددة وشبكات معلوماتوعارضات بلازما. 500000


8 تاهيل قاعات الهندسة المدنسة تأهيل القاعات A12 و B11. تغير الابواب والشبابيك، عمل قريلات، تغيير الأرضيات، سقف مستعار، صيانة عامة. تركيب وسائط متعددة وشبكات معلوماتوعارضات بلازما.


9 صيانة وتحديث الطابق الاول ببرج الهندسة وبرج الهندسة الشمالي تغير الابواب والشبابيك، عمل قريلات، تغيير الأرضيات، سقف مستعار، صيانة عامة. المساحة ____ م.م. يشتمل على مكاتب ومعامل الهندسة الميكانيكية والهندسة الكهربائية والإلكترونية، والهندسة الكيميائية 700000


10 تأهيل مراسم الرسم الهندسي تأهيل القاعات A21 و B21. تغير الابواب والشبابيك، عمل قريلات، تغيير الأرضيات، سقف مستعار، صيانة عامة. تركيب وسائط متعددة وشبكات معلوماتوعارضات بلازما. 400000


11 حدائق الكلية 50000


12 مركز التدريب قيام مركز التدريب والدراسات الهندسية بمبانى المكتبة القديمة 350000


13 بوابة الهندسة الرئيسية 350000


14 صيانة وتحديث معامل الهندسة الكيميائية 300000


15 تشطيب مبانى الهندسة الزراعية هيكل خرسانى مكون من اربعة طوابق، بمساحة كلية م.م


16 انشاء موقف للعربات بالكلية 150000


17 صيانة وتحديث معامل قسم الهندسة الميكانيكية 450000


18 صيانة وتحديث معامل الهندسة المدنية 450000


19 صيانة وتحديث معامل قسم الهندسة الكهربائية والالكترونية 350000


20 اضاءة الكلية 100000


21 الأمن والسلامة توفير مطلوبات الأمن والسلامة بالكلية من:
• أجهزة اطفاء حريق
• نظام إنذار
• نظم إطفاء مائية 250000
22 معامل الحاسوب بالكلية العمل على توفير 500 منفذ حاسوب بالكلية 750000


23 مركز نشاط الطلاب مبنى مكون من ثلاثة طوابق، يشتمل على مكتبات ودكاكين، ومراكز تصوير وكافتريا وكل الخدمات للطلاب. المساحة الكلية 500 متر مربع. الموقع المقترح شرق معمل الخرسانة وشمال المسبك


24 دار خريجي كلية الهندسة



يلا يا شباب عايزين همة شوية

___

فوق

الأخ أبو الريش:

بالنسبة للبند 7

تأهيل القاعات في برج الهندسة

عايزين نستفيد من خبرتك ووجودك في الصين

فلو أمكن: المطلوب منك عمل تقديرات لأثاث (صيني) للقاعات

و عددها أربعة

سعة 120 طالب للقاعة الواحدة

و تورينا بالتفصيل لو أمكن (أو تقريبي):

تكلفة الشراء و الشحن و الجمارك و خلافه




و لو ممكن ترسل رسالة في إيميلي علشان عايزة عنوانك الإلكتروني

و بما أن التجهيزات لم تكتمل بعد

فقد تقرر تأجيل يوم نداء كلية الهندسة ليصبح

الأربعاء 24 مارس 2010م

الساعة الثامنة مساءً

الميدان الغربي

جامعة الخرطوم

و الدعوة موجهة لكل من له الرغبة في المساهمة

في تطوير كلية الهندسة جامعة الخرطوم

و لو بإبداء النصح و المشورة و الرأي

ينصر دينكم يا دكتورة
دة الكلام المطلوب والمنتظر
نحن نفسنا انو الكلية تبقى في نظر كل الناس زي ما هي في نظرنا
فخر وعز
وكل المشاريع البتودي في الاتجاه دة نحن معاها قلبا وقالبا وفكرا ودعما

ممكن ما كونت لسة حاجة واضحة ممكن اشارك بيها كرأي مثمر
زي ما قالت هالة الموضوع عاوز شوية قعدة وتمحيص
لكن عندي ملاحظات صغيرة
اولاً:انو اللجنة او المجموعة الممثلة للجامعة تعمل على انها تلف حولها الناس المستهدفة للمشاركة والتفعيل
وهم غالبا الخريجين.. عشان كدة ممكن تشوف الية اضافية لجمعهم وبث روح المشاركة والانتماء اكثر
زي مثلا توفير كتيب الخريجين من ارشيف الجامعة وجعله متاح لكل واحد .. او الاشارة لاكبر عدد من الخريجين المتميزين في المجلة الدورية وهكذا
ثانياً: التواصل مع الجامعات العالمية مطلوب جداً وممكن يكون من اهم الاتجاهات .. لكن انا شايف انوالخطوة دي تكون بعد شوية
لانو زي ما قال ابو الريش انو قالو لزميله جامعة الخرطوم ما معترف بيها .. فعشان تكون العلاقة بينا وبينهم تحكمها الندية لازم نعرف ليهم الكلية بصورتها في الفترة الجاية باحسن تعريف
ثالثا : مشاريع البنية التحتية عايزة مبالغ كبيرة .. اذن لابد من العمل على تنمية مصادر الدخل الممكن تدر دخل مادي يتناسب مع حجم المشاريع المقترحة .. ودي زي القال عليها حمد (معامل الهندسة المدنية - الكيميائية) والاستشارات الهندسية في المشاريع الكبيرة باسم الكلية
رابعاً: البحث والتشاورفي كيفية الاستفادة من الجهات الهندسية الاخرى زي المجلس الهندسي - الجمعية الهندسية - دار المهندس حول الية ريادة الكلية سواء عن طريق محاضرات دورية - معرض- تكريم سنوي بحيث انها تكون رائدة في كل المجالات ومنتهى امال الطلاب والاسر

دي بعض الملحظات الممكن ما ترقى لدرجة اراء فاعلة .. لكنها اقرار منى بحتمية المشاركة
كدي انا بقعد وبحاول اطلع ليكم باراء او اناقش بقية الاراء الاخرى

Quote: اولاً:انو اللجنة او المجموعة الممثلة للجامعة تعمل على انها تلف حولها الناس المستهدفة للمشاركة والتفعيل وهم غالبا الخريجين.. عشان كدة ممكن تشوف الية اضافية لجمعهم وبث روح المشاركة والانتماء اكثر زي مثلا توفير كتيب الخريجين من ارشيف الجامعة وجعله متاح لكل واحد .. او الاشارة لاكبر عدد من الخريجين المتميزين في المجلة الدورية وهكذا

يا سلام يا خطاب أنا كنت متأكدة آراءك ح تكون مفيدة جداً

و كتوضيح: يتم الآن طباعة دليل الخريج علي أجزاء من سنة 1942 و حتى 2009

و تقريبا كل 5-10 سنة كده حتكون في جزء

يعني ذكريات و تواصل مع اقي الأجزاء

و ح يتباع بسعر رمزي يعني كل خريج و مساهمته في دعم الدليل


ثم هنالك قاعدة بيانات ضخمة تضم كل الخريجين أون لاين

بس لسه ما خلصت بعد تنتهي حتترفع علي طول

Quote: رابعاً: البحث والتشاورفي كيفية الاستفادة من الجهات الهندسية الاخرى زي المجلس الهندسي - الجمعية الهندسية - دار المهندس حول الية ريادة الكلية سواء عن طريق محاضرات دورية - معرض- تكريم سنوي بحيث انها تكون رائدة في كل المجالات ومنتهى امال الطلاب والاسر

طبعاً يا خطاب ده البحصل بصورة طبيعية و دورية

بس بيظهر كنشاط للجمعية الهندسية و ليس لكلية الهندسة جامعة الخرطوم

و أنت عارف قدر إيه أساتذة الكلية و طلابها زاهدين في قول نحن هنا أو نحن العملنا الشئ الفلاني

بس لازم تتغير المفاهيم

و مش نقول يعترفوا بينا لأنو غصباً عنهم نحن في القمة

بس لازم نقدر نعبر عن أنفسنا صاح

و نقول ها نحن ذا

هذا البوست الآن فقط شاهدته ( وش زعلان و خجلان )

عموما شكرا د تهانى
وتحياتنا من خلالك لبروف سامى شريف

______________

وياريت يا د تهانى نضع فى الاعتبار تدريب الطلاب من خلال خبرات الخريج فى برامج سنوية ،
وباشراف وتنسيق من ادارة الكلية مع الخرجين

+

قاعدة البيانات للخريج تشمل ( للذى يرغب ) بعد عمليات الاتصال > الخبرات العملية و العنوان الدائم وذلك
لانجاح برامج التدريب فى النقطة اعلاه



عموما ده مساهمه على الماشى
واكيد راجعين تانى



تحياتى

انتو تهاني وين؟؟؟

و الله يا حاج علاء لو شفتني تحن علي

الموضوع عايز مجهود متضافر

المواعيد قربت و لسه الحكاية ما جاهزة مية المية

بس الجاهز مية المية المجلة و قائمة المشاريع بعد التنقيح



شكراً يا كوتش و برجع ليك بالتفصيل بإذن الله

يا كوتش التدريب ده من أولى الأولويات

و تم الاتفاق مبدئيا في بعض الأقسام للتعاون مع بعض مراكز التدريب

لإنشاء فروع بداخل الكلية

و العائد للطرفين


قاعدة البيانات جاري العمل فيها بشدة

و لازم اعضاء المنبر يبادروا بالمشاركات و ملء البيانات

يا بير ،،

Quote: و لازم اعضاء المنبر يبادروا بالمشاركات و ملء البيانات

جاهزين ،،

مع عدم استقرار البلد في الأيام المقبلة

تم تأجيل يوم الخريج لموعد آخر يحدد فيما بعد


و لكن إلى ذلك الحين نرجو من الجميع المشاركة و إبداء الرأي

يا بير ،،

Quote: مع عدم استقرار البلد في الأيام المقبلة تم تأجيل يوم الخريج لموعد آخر يحدد فيما بعد

كدة تمام ،،
وإنشاء الله يكون شهر 6

إلى كل مهندس سوداني غيور على بلده


نعلن عن بداية حملة التبرعات لدعم


كلية الهندسة (جامعة الخرطوم) الحبيبة.

حساب كلية الهندسة

بنك فيصل الإسلامي

فرع جامعة الخرطوم

5991

إلى كل عشاق البوست

نسخكم من العدد الأول من المجلة محجوزة

بس كيف الوصول إليكم؟؟

د.تهاني
مبروك الانجاز
وشكرا علي المجهود
اود ان اشاركك هذاالايميل من الاخ طارق علي

ربما نستفيد من الفكرة ونعمل Electronic Version of the engineering Magazine

ونحل مشكلة التوزيع


hope you are doing great …

For the last three months I have been working with a group of students and professionals from Sudan to produce this new technology magazine and it is out now.

The name in 21TechMag and the web site is http://www.21techmag.com/.
Personally it has been a fantastic journey and I am amazed by amount of talented students in Sudan and if you provide the wright vision, direction, and leadership the results are marvellous.

This effort is completely on voluntary basis; no money was paid to anyone. I have only provided the domain/hosting and my support in passing my knowledge and experience to those students and I am very proud of them. It is really a reflection of our beloved country Sudan and it is a real proof that with good planning and dedicated people we can reach our goals, nothing is impossible.

So how can help us to publish our second edition in July 2010.

>Send me any feedback or you can use the site itself and register with us, so you can receive updates.

>In your field If you have any article related to technology (how you use technology in your field) that you want to publish please feel free to send it to me or you can use the web site to do so

> If you have any new ideas in how to make this adventure better please feel free to send me your comments or you can use the web site to do so

Remember one thing guys this is our first edition and we need the help of everybody and it is our best chance to help the new generation grow and have better chances than us.

Wa Suddannaa Fooogggg

Tarig Al

Quote: ربما نستفيد من الفكرة ونعمل Electronic Version of the engineering Magazine

شكرا د. عبد القادر و الله نبهتني لحتة مهمة

و أنا باعتباري رئيس هيئة تحرير المجلة ممكن أحصل من الناشر

علي نسخة PDF

و أرفعها في صفحة الكلية بإذن الله

د.تهاني...

Quote: إلى كل مهندس سوداني غيور على بلده نعلن عن بداية حملة التبرعات لدعم كلية الهندسة (جامعة الخرطوم) الحبيبة.

هذه المداخله من يوم 8 ابريل
و لم تجد التجاوب المستحق.

كمقترح لتسهيل و تسريع امر المشاركه اقترح
ان يساهم كل مهندس بمبلغ 100 جنيه.

في حال التثنيه من الاعضاء ارجو اعتماد سداد سهمي.

أثني ،،،









بس،،


الموضوع ده مفروض يطرح على نطاق أوسع ،،
وما يقتصر على اليوم الحار ،،

اثلث،،

سلام علي الكل
حقا ان تقرا هذا البوست يجعلك تفتخر انك درست في هذه الكليه
والتي تخرج منها كل هؤلاء الافذاذ...انتم من شاركتم...ومن قراتم
اوافق(اربع) علي مقترح المساهمه المحدده

قدامكم
..
صلاح
اجزل الشكر للاهتمام والتنبيه

بنخمس

يا كوشت ،،

Quote: بنخمس

متعودة ،،






دائما ،،

إلى كل عشاق المنبر الهندسي الرائع

التحايا و الأشواق

و لكم العتبى حتى ترضوا

أحييييك يا صلاح مختار و أحي فيك قصك للشريط الذي طال انتظاري لقصه

و مافي مانع يكون على نطاق واسع و دي العايزنها

بس ما اظن في عضو في المنبر لا يستطيع دفع 100 جنيه

يعني اعتمد حتى الآن:


صلاح مختار

يا بير ،،،

Quote: يعني اعتمد حتى الآن: صلاح مختار

ما شايفة
أثني
وأثلت
وقدامكم

والكوشت البيخمس ؟

عندي مشكلة عاجلة جدا جدا جدا

و محتاجة لنسبة عالية من التبرعات

و الزمن عامل أساسي

أفووووووووووووووووووو ،،



أبشري يا بير ...

يا دكتوره:حددي الكيفيه ونحن ملتزمين

Quote: يا دكتوره:حددي الكيفيه ونحن ملتزمين

أنا مستعدة استلم تبرعاتكم واوصلها للدكتورة

مكتبي قريييييب من الجامعة

آمنه
دائما سباقه للخير
يللا امسكي الكشف و سجلي
و الموضوع يحتاج الي تعاون من الجميع و إعلام مكثف
للوصول لكل الخريجين داخليا و خارجيا.

طالما إتورطتي يا آمنه كسكرتير مالي (افو.....عارفك ما بتنطي)
عليك تعيين مندوبين بالخارج
زي ابراهيم للسعوديه و الكوشت للإمارات.


طبعا سيتم تحديث الكشف من حين لآخر كما كان يفعل استاذ هاشم.



اتمني التوفيق


و ليكن الهدف كمرحله اولي
1000 خريج

اللماح،،،

Quote: و ليكن الهدف كمرحله اولي 1000 خريج

اتفقنا على الهدف

ويلا همتكم يا شباب

أنا كنت واااااااثقة إنكم ماممكن تخذلوني

و كتر خيرك يا آمنة يا رائعة


و كل الرائعين في منبري العزيز


من بيري المريخابي و حتى الكوتش الهلالابي

بس،،

الدكتورة قالت :

Quote: عندي مشكلة عاجلة جدا جدا جدا و محتاجة لنسبة عالية من التبرعات و الزمن عامل أساسي

هل دي حاجة عاجلة منبثقة من المشروع الأساسي؟!

ولا هو نفس الفكرة ..



علشان الوضع يتضح ،،


وعموما ،،


الناس اللي وافقوا على المبدأ ..
يبدأوا تسليم تبرعاتهم ..

حاضرين
..
.

Quote: الناس اللي وافقوا على المبدأ .. يبدأوا تسليم تبرعاتهم ..

OK

طبعا انا من اعضاء المنبر الفاعلين قابلت شخصين فقط
الرائع:حمد...وابن الدفعه هشام
تلفونك يا امنه لتسليم المساهمه
اقتراح عملي:يمكن تحويل المساهمه في شكل رصيد
ود بيعه ليس صعبا بخصم 10%

أبو هريرة ،،

Quote: اقتراح عملي:يمكن تحويل المساهمه في شكل رصيد ود بيعه ليس صعبا بخصم 10%

شكلك فاتح ليك محل (إسكراتشات) ،،



بالمناسبة ،،
مساهمتي تم التسيق مع صلاح مختار لتسليمها ،،

صباح الخير،،،

المساهمات المستلمة:-

1- ابوهريرة أحمد ابراهيم
2-
3-
.
.
.
.


يلا يا شباب همتكم

جابوق... جابوق

وتتواصل مسهمات دعم الكلية

المساهمات المستلمة:-

1- ابوهريرة أحمد ابراهيم
2-ابراهيم محمد الحسن
3- صلاح مختار
4- آمنة محمد
5-
6-

.
.
.
.


يلا يا شباب همتكم

Congratulations to all and Specially Dr. Tahani

تدشن مشروع تطوير هندسة الخرطوم بتمويل (20) مليون دولار

الخرطوم : (الرأي العام)

دشنت جامعة الخرطوم أمس مشروع تطويركلية الهندسة بتمويل (20) مليون دولار من البنك الاسلامى للتنمية بجدة بنحو (16) مليون دولاربجانب (4) ملايين دولار مكون محلى مناصفة بين الجامعة ووزارة المالية الاتحادية.
وقال بروفيسور سامي شريف عميد كلية الهندسة بجامعة الخرطوم ان المشروع يهدف الى تطوير الكلية من أجل تحسين مخرجاتها التعليمية ومواكبة التطورالذى يشهده العالم والكليات المماثلة عبرمحاورعديدة تشمل تطويرالعملية التعليمية وجودتها، والمعدات والمعامل، واعضاء هيئة التدريس،وتحسين البيئة الجامعية
واضاف : المشروع يجسد فهم جديد (القطب التقنى ) عبرخلق علاقة بين الجامعة والقطاع الصناعى تنتقل الى ما بعد التخرج لتلبية احتياجات سوق العمل مبيناً فى هذا الصدد ان خريجى كلية الهندسة منذ تاسيسها فى العام 1939 وحتى الآن فاق الـ(6) الآف خريج وخريجة فى مجالات الكهرباء والنفط والتعدين والمياه والمساحة والطرق والجسور والرى والسكة الحديد والموانىء البحرية وغيرها من المجالات الهندسية.
واشاد بروفيسور سامي بدور البنك الاسلامى للتنمية بجدة ووزارة المالية الاتحادية فى توفيرالتمويل لتطويركلية الهندسية بجانب دورالجامعة فى المساهمة فى توفير المكون المحلى.
وتوقع بروفيسور سامي ان يحدث مشروع التطويرنقلة نوعية فى كلية الهندسة فى كافة المجالات خاصة تطويرالعملية التعليمية وجودتها،والمعدات والمعامل، واعضاء هيئة التدريس،وتحسين البيئة الجامعية بجانب مواكبة التطورالعالمى فى مجال الهندسة.
وأشارالى أن تدشين المشروع أمس جاء من خلال ورشة عمل بحضور ممثلين للبنك الاسلامى للتنمية بجدة ووزارة المالية الاتحادية ومديرجامعة الخرطوم وقيادات الجامعة العديد من المهتمين والمختصين لمناقشة اجراءات تنفيذ المشروع على مدى يومين لوضع الخطط التنفيذية وتحديد المستشاربعد ان تم تكوين الوحدة التنفيذية للمشروع .
من جانبه قال د.كمال الطيب منسق مشروع تطويركلية الهندسة ان مكونات المشروع تشمل ترقية البيئة المرفقية والبنية التحتية لكلية الهندسة وتحسين جودة التعليم،وتأسيس القطب التقنى بجانب تسييرالمشروع من خلال الاشراف والتسييرلضمان التنفيذ السلس للمشروع ضمن الاطارين الفنى والزمنى المحددين لانجازه،مبيناً فى هذا الصدد ان المشرو سيتم تنفيذه خلال ثلاث سنوات.

إلى الأمام ،،

سلام للجميع


شكراً د. عبد القادر

سبقتني في الحديث عن تدشين مشروع قرض بنك التنمية الإسلامي بجدة

و بحمد الله و توفيقه تم تدشين المشروع في فندق السلام روتانا يوم 11 مايو الحالي

و سيبدأ بإذن الله التنفيذ الفعلي للمشروع في الفترة المقبلة



بس القرض موجّه لأغراض محددة لا تشمل أعمال صيانة البنيات التحتية الحالية

الأمر الذي يتطلب المزيد من الدعم لصيانتها و تأهيلها لتستقبل الأجهزة

و المعدات الجديدة والحديثة.

بعد طول انتظار


تشرفت اليوم بمقابلة الغالية العزيزة آمنة

و سعدت بمعرفتها عن قرب

و قضينا وقتاً ممتعاً

و استلمت منها أول دفعة من التبرعات

مبلغ 400 جنيه

و في ميزان حسنات الجميع



على فكرة:

لو في واحد عايز يكتب أي مقال في العدد الثاني

من إصدارة الكلية

حبابه عشرة

بس يستعجل شوية

Dr. Tahani
What is the dead line for the articles
Is it acceptable in English

د. عبد القادر:

نقول الخميس 27 مايو 2010

مناسب كآخر يوم لاستلام المشاركة

بالعربي طبعا ولو مافي طريقة ممكن نترجم

و ياريت يكون معاها صورة زي بتاعة علاء الدين دي

حتى دي ،،




منتظراني أطويها،،،

المساهمات المستلمةحتى الآن:

1- ابوهريرة أحمد ابراهيم
2- ابراهيم محمد الحسن
3- صلاح مختار
4- آمنة محمد
5- تهاني عبد الله
6-

.
.
.

و بدأ العام الدراسي الجديد اليوم

نشاط همة قوة عزيمة


الكل يعمل باجتهاد بعد اللجان الكتييييييييرة التي أثقلت كاهل أساتذة الكلية

في سبيل تطوير كليتنا كلية الهندسة جامعة الخرطوم

لتكون في مصاف الجامعات الكبيرة

و هي كذلك

فهلا بدأنا بعام جديد ملئ بالفرح و السعادة و النشاط ونكران الذات

يا دكتورة ،،

تمنياتنا لكم بعام جديد مثمر وحافل بالإنجازات ،،
وربنا يعينكم ،،
ويوفقكم ،،
في سبيل تطوير كليتنا الحبيبة ،،

لمن أراد التعرف على أخبار الكلية

حتى الآن في ثلاثة أعداد من مجلة الكلية الإخبارية

ورفعناها كمان في صفحة الجامعة ممكن تلقاها على الموقع التالي:


http://engen.uofk.edu/engg/fileadmin/images/pdf/krtoom_1.pdf

والباقين تغير الرقم فقط