كيف تقود سيارتك في السودان

كيف تقود سيارتك في السودان؟

القاعدة الذهبية في القيادة في السودان:ـ
ـ'عامل جميع السيارات الأخرى كخصوم وأعداء لك'!!!ـ

اشارات الإنعطاف:ـ
لا تستعمل أي إشاراة انعطاف ضوئية أو يدوية.ـ
لأن في ذلك كشف لنواياك وإتجاهاتك للأعداء.ـ
وإذا تطلب الأمر، إعط إشارة لليمين ثم إستدر يسارًا أو العكس.ـ

المشاة:ـ
المشاة قوة معرقلة لك، لا تأبه لهم ولا تنظر اليهم.ـ
مع ذلك تجنب أن 'تطقش' أحدهم ما لم تكن مهيئاً للفرار دون أن يدركك أحد أو ان تكون مهيئاً ماليًا لتحمل تبعات ذلك. ونحن هنا نفضل الخيار الاول.ـ

سيارتك (قديمة أو جديدة)ـ

إذا كانت سيارتك قديمة ...ـ
إعتمد على مبدأ: 'اللي خايف على سيارته يزح '.ـ

أما إذا كانت سيارتك جديدة ...ـ
فإبتعد عن السيارات المعفنة والمهكعة.ـ
لأنها عدو لا يرحم وأصحابها يتلذذون في خدش سيارتك.ـ

الدخول للصينية:ـ
حين تدخل الى الصينية ، لا تنظر الى السيارات القادمة من اليسار.ـ
لان من ينظر اليهم يعني أنه منتبه لهم، لذا يجب أن يعطيهم الطريق، فيفقد بذلك حق من حقوقه المكتسبة.ـ

الإزدحامات المرورية:ـ
إعتمد على قاعدة: 'اللي يدخل سيارته أولاً يربح'،مع الاستمرار بالضغط على البوري 'بييب بيييييب'.ـ
ولكن إحذر أن تستخدم هذه القاعدة مع سائقي "الهايسات و الروزات " خوفاً على سيارتك وحياتك!ـ

عند السير البطئ:ـ
لا تترك مسافة بينك وبين السيارة التي أمامك أبدًا.ـ

لان ترك مثل هذا الفراغ يعني دخول سيارة أمامك، وهذا يكون على حساب كرامتك ومكانتك الشوارعية وفق المفاهيم السائدة حاليًا.ـ

خطوط المسار الطولية:ـ
حاول دائما ان يكون خط المسار بمنتصف سيارتك.ـ
هذه طريقة مثالية لحجز مسارين، في حال خسارتك لمسار لأحد الأعداء، يبقى لك المسار الآخر، مع فرصة لإسترجاع المسار المفقود من الخصم.ـ

إشارات المرور:ـ
عند الوقوف لاشارة المرور الضوئية، يجب البدء بالبوري 'بيييب بييييييييب' عندما تتوقع اقتراب اللون الاخضر.ـ
مع توقع ارتطام ميكرو من الخلف ، ولكنه معذور، فالزبون ينتظر في الشارع يا حرام.ـ

الطريق السريع (الهاي وي)ـ
إحرص على أن تلز او تلزق سيارتك بالسيارة التي أمامك، وحين يراك سائقها و انت ملاصق له بإصرار يكون هناك ثلاث إحتمالات:ـ

إذا كان ذلك السائق جباناً
فلا بد أن يفسح لك المجال لتجتازه، وبذلك تكون قد حققت نصراً معنوياً عليه، ولك أن تنظر له نظرة إستصغار واحتقار وأنت تجتازه.ـ

إذا كان مؤدب 'شوية'ـ
سيفسح لك المجال لإجتيازه، ولكن آنذاك قد تسمع بضعة كلمات قد يكون فيها أسماء حيوانات أو أهالي أو أشياء أخرى. فلابد أن تتوقع ذلك. وما عليك في هذه الحالة الا الاشارة بيدك 'وانت مبتسم'. ـ!!!!!

أما إذا لم يكن مؤدباً (وهم الأغلبية السائدة في الشوارع حاليًا)ـ
فسوف يبدأ بالتباطؤ، والانعطاف ناحيتك 'يحدك' على صبات الطريق او شبك , او شجرة ، ففي هذه الحالة يجب أن يكون حزام الامان غير مربوط حتى تنزل بسرعة من السيارة وتبدأ معركة صغيرة بالأسلحة البيضاء. وكن على اتم الاستعداد لمثل هذه الحالات بعصا، شاكوش، مفك. مع تكرار نفس اسماء الحيوانات والأهل مع بعض التعديلات (انت وحظك).ـ


وفي الأخير

يجب أن تعرف أن القيادة فن و ذوق وأخلاق

عمر،،،
ازيك ياخي وعاش من شاف خطك....

Quote: وفي الأخير يجب أن تعرف أن القيادة فن و ذوق وأخلاق

بعد الكلام داك كلو وبرضو فن وذوق واخلاق




ـــــــــــــــــــــــــــــــــ
تخريمة: واحدة صحبتي متأزم ليها يومين عشان
خبطت ليها كلب في الشارع...

صباح الخير أخي عمر و مرحب بيك في اليوم الحار


و الله لقد أصبت الوتر الحساس يا عمر


أنا قايلة أنا علشان جديدة في الشغلانة بيعملوا معاي كده


أتاري الحكاية عاااااااااامة و معروووووفة و مقصوووووودة


يا خسارة !!!!!!!!!

امنه,,,,,,
وانتي تعلمين ما اعانيه من رهق وانا في مسار (القطر), ياتيني هدير صوته اين ما كنت وكيفما
ولا مهرب منه , حتى وانا بعيدا عنه في اماكن لم تصل اليها حتى شبكات الهاتف السيار, ياتيني صوته
فكيف لكي ان تري خطي هنا , انا فقط امارس قليل من القراءه لابقى علي قيد الحياه


ولك عميق ودي

تهاني ,,
صباح الخير
والبوست نور
عارفه المشكله ما في السواقه وبس
المشكله بقت في الثقافه السائده وسط المجتمع
الانتهازيه , الانانيه , والحقد الاعمى و الحسد وووو
المهم انا عندي كلام كتير في تحولات شخصيتنا السودانيه
وربنا يقدرني انزلها ليكم هنا لمزيد من النقاش
,
,
,
ودمتي
عمر

عمر ،،،

Quote: انا فقط امارس قليل من القراءه لابقى علي قيد الحياه

والكتابة تجعل الحياة أسهل ،،،
حاول الابتعاد ولو لوقت قصييييير
عن مسار (القطار) قبل ما ياخدك في سكته

صدقني ما جايب همه....

Quote: صدقني ما جايب همه....

كله ما جايب همه!

كده هو



دور بينا البلد داك احرق الجازولين يا البابور جاز
حماده دور به دور به حماده دور به دور به حماده

الكوتش سلامات

وجاييييييييك بالتقيل بس اصبر لي شويه
وحماده دا اناخايف عليه

موضوع السواقة دا خليهو سااااااااااي بس...

بالذات البنات بحقروا بيهم حقارة عيني عينك كدة..

أنا الأيام الفاتت دي حادثين ...

بالإضافةلي كمية من أحداث الرعب العجيبة...

لكن مجبر أخاك لا بطل يا عمر...




عارف يا عمر يسرا الزين صاحبتي أول ما طلعت

الرخصة بعد ما مشت أمريكا قالت لي أهم حاجة

هنا إنو ما في بتاع حافلة بجيك طاير بي هنا

ولا بتاع هايس بجيك بي هناك...

ساره سلامات

Quote: هنا إنو ما في بتاع حافلة بجيك طاير بي هنا ولا بتاع هايس بجيك بي هناك...

ديل انا بخلي ليهم الشارع طوالي....هم اولى مني بالشارع

سلام عمر...

Quote: ديل انا بخلي ليهم الشارع طوالي....هم اولى مني بالشارع

بالجد ديل وارثينوا من جدهم الحافلة/الهايس الكبير...

بعدين هم كبار وسمان نحنا شن قدرتنا بيهم كمان...

عمر ،،

حمودي عمل بالنصائح أعلاه ،،
وقرر يتعامل بيها :






_________________________
تخريمة:
يا كوشت ،،
شايف لبسة حمودي مع لون العربية عاملين شغل كيف ؟

ابراهيم

سلامات

Quote: إنت حكايتك شنو مع العربات

؟
والايام دي بفتش في عربيه فستو بس تكون بيضاء!

دة بس عشان عمر وسارة يطلعو فوق

شكرا علاء على رفع هذا البوست

_________

عمر + ساره
الف مبروك وربنا يتم ليكم على خير
ويسعدكم

Salam ya bashmohandissen/aat
I was in Sudan recently and drving a care in the roads of Khartoum is a big challenge, I wasn't driving but my heart nearly stopped hundred times a day while in the car, people are crazy there and no rules at all every body is doing what they want,,, sometimes it was realy frightnening and other times it was very funny,, sob7an allah

,,

فعلا سبحان الله
نقول شنو نحنا الاربعة وعشرين ساعة في الشارع
الواحد قلبو اتعود خلاص
تفترض انو الناس السايقين ديل كلهم ما بعرفو حاجة وتسوق على كدة
دايما خلي بالك واتوقع الخطأ في اي لحظة
حتى لو الاشارة خضراء ما تدخل طوالي لحدي ما تتأكد انو الناس وقفو
لانو ممكن ينط ليك واحد واشارتو حمراء يطلع روحك جد جد