Post: #1 Title: عمر حسين - ود الحاكم Author: طارق الكوتش Date: 02-09-2009, 07:45 PM Parent: #0
خليكم قراااااااب
Post: #2 Title: Re: عمر حسين - ود الحاكم Author: صلاح ليون Date: 02-10-2009, 05:47 AM Parent: #1
جنبك ومعاك وعارفك صحبك ده حتجيهو على رواقة
تحياتنا يا ود الحاكم أينما كنت
Post: #3 Title: Re: عمر حسين - ود الحاكم Author: ابراهيم محمد الحسن Date: 02-10-2009, 06:41 AM Parent: #2
إعلانات مسلسلات رمضان ،، نزلت يا جماعة ،،
Post: #4 Title: Re: عمر حسين - ود الحاكم Author: ELFATIH ABDELLA Date: 02-10-2009, 03:27 PM Parent: #3
في انتظارك يا حبيبي !!!
معقول ود الحاكم .. يتجول حيث التكنولوجيا والسايبر .. ما اظن
ما اظنك تقصد .. عمر حسين .. الا يكون حاكم تاني
بكل الود
Post: #5 Title: Re: عمر حسين - ود الحاكم Author: khaleel Date: 02-10-2009, 09:17 PM Parent: #4
عمر حسين
من انبل الناس
عمر حسين من اجمل الناس
عمر حسين من احلي الناس
انعل ابو الدنيا ام قدود البتفرقنا من ناس زي ديل
كلنا احتشاد يا كوتش في انتظار سيد الناس عمر حسين
Post: #6 Title: Re: عمر حسين - ود الحاكم Author: صلاح ليون Date: 02-10-2009, 11:00 PM Parent: #5
ود الحاكم رجل بقامة مدينة الصحافة وأركويت عمر حسين رجل بطعم الهلال ولون الصفاء ورائحة الأريج ينشر البسمة والفرح غير عابي لا بي سمستر ولا تخريج
تحياتي يا رجل يا روعة ... وينك
Post: #7 Title: Re: عمر حسين - ود الحاكم Author: ELFATIH ABDELLA Date: 02-11-2009, 06:37 AM Parent: #3
في انتظارك يا حبيبي !!!
معقول ود الحاكم .. يتجول حيث التكنولوجيا والسايبر .. ما اظن
ما اظنك تقصد .. عمر حسين .. الا يكون حاكم تاني
بكل الود
Post: #8 Title: Re: عمر حسين - ود الحاكم Author: طارق الكوتش Date: 02-11-2009, 03:18 PM Parent: #7
Post: #9 Title: Re: عمر حسين - ود الحاكم Author: صلاح ليون Date: 02-12-2009, 07:11 AM Parent: #8
الكوتش وشتاءه الطويل ياخي نحنا كرهنا الامبيسي بسبب كثرة الإعلانات
Post: #10 Title: Re: عمر حسين - ود الحاكم Author: طارق الكوتش Date: 02-28-2009, 01:26 PM Parent: #9
عمر حسين الشهير بود الحاكم - ود الصحافه دفعة 87 ميكانيكا - الهلالابى الاصيل له ذكريات و نكات و قصص مع دفعته و الدفع التى عاشرها فى الهندسه صاحب نكته و لسان ضاحك ... تشرفت بالسكن معه فى الداخليه لفترة سنتين وكان صديقا لى و صاحبا طول فترة الجامعه افتقدته كثيرا بعد التخرج
له منى كل التقدير و الامتنان
Post: #11 Title: Re: عمر حسين - ود الحاكم Author: طارق الكوتش Date: 02-28-2009, 03:03 PM Parent: #10
متزوج و اب لثلاثه اطفال مقيم بالمملكه العربيه السعوديه يعمل باحدى شركات عبداللطيف جميل التقيته فى اواخر 2007 بالسودان هو هو بس لفة اليد اليسرى زادت وحبه للهلال ايضا زاد
طبعا اصدقاء عمر حسين ايام الجامعه كثيرين منهم :- ياسر المر - مدثر الرشيد - النور جابر - فوزى عبد الفتاح خالد شفيق - عثمان صديق - حمد خوجلى - احمد هاشم - عزالدين عبيد صلاح مختار - شبو - محجوب الفكى - خالد احمد - وووووووووووووووو ممكن نقول كل 87
وخارج 87 : القرود و ايريا و الحبر و عمر عايز وجلى و الفذ ومرتضى حسن و هشام مجذوب ولوئ نمر و اشرف اوشى ووووووووووووو
احتاج لصفحات لاكتب اصدقائه
انه فعلا شخص قوى و له ذاكره حلوه وطيب القلب و مسامح وووو وده الهدوء الذى يسبق العاصفه
Post: #12 Title: Re: عمر حسين - ود الحاكم Author: طارق الكوتش Date: 03-20-2009, 09:11 PM Parent: #11
يحكى و الحكى هنا لود الحاكم : عندما استلم كاريكا الكره من تنقا فى منتصف الملعب و بدأ شغل اللف مع مدافعين المريخ وفى الختام وضع تذكار عزيز فى صفحات العملاق بريمه لحظتها كنت بفوق فى طارق الكوتش فاذا بها الجماهير تصيح صاحبك مات فاقتربت من الكوتش لاسمع دقات قلبه و لكن صوت قوى ياتينى من الجماهير صاحبك التانى ما ده وعندها درت فى الاتجاه الآخر لاجد ياسر المر يشخر وهو مرتمى على الارض يلفظ انفاسه قبل الاخيره
راجعين
Post: #13 Title: Re: عمر حسين - ود الحاكم Author: ابراهيم محمد الحسن Date: 03-21-2009, 07:23 AM Parent: #12
Quote: و بدأ شغل اللف مع مدافعين المريخ وفى الختام وضع تذكار عزيز فى صفحات العملاق بريمه لحظتها كنت بفوق فى طارق الكوتش فاذا بها الجماهير تصيح صاحبك مات
حالتكم سعبة شديد ،،
أعملوا حسابكم الخلعة بتجيب السكته القلبية ...
Post: #14 Title: Re: عمر حسين - ود الحاكم Author: طارق الكوتش Date: 04-06-2009, 11:01 AM Parent: #13
ماذا كتب اعضاء اليوم الحار عن عمر حسين
عمر الحبر فى احدى جلساته المباشره مع ود الحاكم :
Quote: الان المايكرفون مع ودالحاكم الكلام الان لعمر حسين من النصايح التى تلقيتها فى البرليم من احد السناير المخضرمين(السيد حسن مدنى82) عن مفهوم الصب ان لا انظر للصب على انه فشل بل انظر اليه من ناحية انسانية لان هناك كمية كبيرة من الموظفين والعاملين على طباعة الامتحانات والمراقبين ومساعدى التدريس وكذلك الذين يقدمون الماء للممتحنين وايضا العاملين بالكافتريا و.......... و.......... وكل هؤلاء يحصلون على اجر اضافى وحوافز تساعدهم على الانفاق على اسرهم وهناك جانب اخر وهو ان قيام امتحانات الصب يساعد على الحفاظ على الكاليندر الموضوع من قبل ادارة الجامعة ويحافظ على استقرار العام الدراسى وعليك ان تتخيل حجم الخسائر التى ستحدث فى حالة عدم وجود امتحان صب كما ان الصب حق من حقوقك يجب ان تحافظ عليه
Post: #15 Title: Re: عمر حسين - ود الحاكم Author: طارق الكوتش Date: 04-06-2009, 11:30 AM Parent: #14
ماذا قال صلاح مختار بلسان عمر حسين على صفحات اليوم الحار
Quote: عمر حسين قال اول ما ناس 87 مدنيه دخلو الجامعه في دعوه من جامعه خارج السودان وصلت للعميد بغرض التعارف مع الطلبه الجدد,العميد احتار يختار منو من طلبه مابيعرفهم قام اخيرا قرر يختار بالاسم جابو ليهو القائمه بدأ من تحت.فلان..فلان..........وضاح محمد عبد الحي قام قال ايوه ولد تمام وماااشى..................اشرف منير..و قال خير من يمثلنا مع وضاح,بعد كده عمل اعلان في البورد لي وضاح و اشرف عشان يقابلوهو .لما جو داخلين المكتب العميد مشي علي وضاح..اهلا يا وضاح(طبعا عرفو من شبه الدكتور)بعد داك قبل علي اشرف و قال ليهو انا ما فاضي يا ولد امشي سريع نادي اشرف منير عشان عندنا اجتماع مهم.
Post: #16 Title: Re: عمر حسين - ود الحاكم Author: ابراهيم محمد الحسن Date: 04-06-2009, 11:40 AM Parent: #15
إبراهيم قال :
Quote: عمر الحبر في واحدة من حجاته ،، قابل عدد من الشباب في مكة ..
وهو بيتكلم مع عمر حسين في التلفون ، قال ليه قابلت : يوسف جيرمان ،، وهشام سيفل ،، وحمد خوجلي ،، و ... في الحج ..
عمر حسين قال للحبر : أرجع مكة .. أكيد بتلاقي ورقة معلقة في الكعبة ، مكتوب فيها : The Followings are recommended to repeat tha HAJ
Post: #17 Title: Re: عمر حسين - ود الحاكم Author: طارق الكوتش Date: 04-06-2009, 12:05 PM Parent: #16
شكرا ابراهيم وانت مواصل الحضور على صفحات اليوم الحار من اجل التوثيق و الذكريات و المتعة ...
نواصل > ماذا كتب فوزى عبد الفتاح الغائب دون مبرر >
Quote: بدا الناس يتجمعون يوم النتيجة لا اتذكر السنة ولكن المهم انها كانت نتيجة السمستر التانى يعني حياة او موت وتاخرت النتيجة وامتلات الكافتريا والونسه شغاله وبدات الكافتيريا تهدا كلما زاد التاخير جات الساعة 2 ثم 3 والناس بتراقب مكان الاجتماع وكان مجلس الكلية مجتمع في معمار والوقت يمر ودخلو ليهم الغداء اثناء الاجتماع وهدات الكافتريا تماما وباظت الاعصاب وبدا كل زول يفكر ويحسب وايقن الجميع ان هنالك مشكلة في النتيجة بعد تاخير الي ما بعد الساعة الخامسة واصبح الخوف واضحا في وجه الجميع بدون فرز وعندها سال احدهم - لا اتذكر من هو - في صوت خافت هم الجماعة ديل اتاخروا مالم وسمعه عمر حسين فرد بسرعة لم يتخيلها احد في هذا الموقف رد قائلا وبصوت مرتفع قال له الدكاترة مختلفين جزء كبير منهم بقول لازم يحولو الكوتش مركز التدريب المهني بعد تكراره احراز GPA متواضع وعندها ضحك الجميع بصوت عال وعاد للكافتريا هرجها ومرجها
التحيه لعمر حسين الذي ظل يضحك الناس حتى في اصعب الاوقات التحية للكوتش الذي اكمل تعليمه بكليه الهندسه والمعمار وصار من كبار المهندسين بدوله الامارات التحية له وهو ظل يتقبل شغل عمر حسين بروح رياضية
Post: #18 Title: Re: عمر حسين - ود الحاكم Author: طارق الكوتش Date: 04-06-2009, 12:11 PM
لقيمات عبد الفتاح ( على فكرة افتقدتك كثيرا فى هذا البوست )
Quote: التحية للمساح الكبير هشام احمد عبد العال وهو يتجول بين ولايات السودان مشاركا في انشاء اكبر المشاريع بالسودان
وبمناسبة هشام دا ذكرتني مرة عمر حسين سال هشام قال ليهو ياهشام انت ابلد زول في الكلية منو هشام قال ليهو دي عليك الله دايرة ليها سوال قام عمر قال ليهو اي والله ما دايره ليها سوال وضحكنا الثلاثة وذهبنا دون ان يسال احد منا الاخر
Post: #19 Title: Re: عمر حسين - ود الحاكم Author: sara Eltayeb suliman Date: 04-06-2009, 07:49 PM Parent: #18
والله بوست لذيييييييييييذ شديد...
بضحك بالجد لما أقراهو....
شكر ليكم كتير...
Post: #20 Title: Re: عمر حسين - ود الحاكم Author: Amna Mohamed Arh Date: 04-08-2009, 06:18 PM Parent: #19
Quote
Quote: : الان المايكرفون مع ودالحاكم الكلام الان لعمر حسين من النصايح التى تلقيتها فى البرليم من احد السناير المخضرمين(السيد حسن مدنى82) عن مفهوم الصب ان لا انظر للصب على انه فشل بل انظر اليه من ناحية انسانية لان هناك كمية كبيرة من الموظفين والعاملين على طباعة الامتحانات والمراقبين ومساعدى التدريس وكذلك الذين يقدمون الماء للممتحنين وايضا العاملين بالكافتريا و.......... و.......... وكل هؤلاء يحصلون على اجر اضافى وحوافز تساعدهم على الانفاق على اسرهم وهناك جانب اخر وهو ان قيام امتحانات الصب يساعد على الحفاظ على الكاليندر الموضوع من قبل ادارة الجامعة ويحافظ على استقرار العام الدراسى وعليك ان تتخيل حجم الخسائر التى ستحدث فى حالة عدم وجود امتحان صب كما ان الصب حق من حقوقك يجب ان تحافظ عليه
والله لما قريت الكلام دا ضحكت ضحك.... واتزكرت حكاية حكوها ناس 93 عن واحد ربت في تانية هندسة مشى لابوه وقال ليه طبعا يا ابوي تانية دي حفرة واغلب الناس بتعيدها اها الابو بلعها ليهو ... ووصل رابعة وربت تاني وجا عاد لي ابوه نفس الحكاية بتاعت الحفرة وكل الناس بتربت وكدا... الابو زعل شديد المرة دي وقال ليه انت يا ولدي بتقرا هندسة ولا أم الحفر....
Post: #21 Title: Re: عمر حسين - ود الحاكم Author: طارق الكوتش Date: 04-09-2009, 05:13 PM Parent: #20
ساره و آمنه > القادم احلى فشخصية عمر حسين من الصعب تكرارها فهو ان صح التعبير رجل نكته تمشى على قدمين
بس انتو خليكم قراب و راجعيييييين
Post: #22 Title: Re: عمر حسين - ود الحاكم Author: sara Eltayeb suliman Date: 04-09-2009, 08:11 PM Parent: #21
نحن راجيييييين,,,
Quote: ساره و آمنه > القادم احلى فشخصية عمر حسين من الصعب تكرارها فهو ان صح التعبير رجل نكته تمشى على قدمين
بس انتو خليكم قراب و راجعيييييين
عمر حسين ظاهر عليهوراجل نكتة...
Post: #23 Title: Re: عمر حسين - ود الحاكم Author: عايدة عبدالله حجار Date: 07-26-2009, 08:07 AM Parent: #1
عمر حسين إنسان جد روعة لك التحية والتجلة لك كل الاحترامات والأشواق . عمر حسين صديق عزيز أحترمه بشدة واتمني له التوفيق والسعادة تحياتي وسلامي للمهندسة ندى طبعا ندي دي دفعتي بس هي مكانيكا عمر حسين صديق كل الدفعات أتمني ان نتواصل عبر البريد الألكتروني.
Post: #24 Title: Re: عمر حسين - ود الحاكم Author: طارق الكوتش Date: 11-14-2009, 11:00 AM Parent: #23
حادثنى قبل فتره الاخ عمر حسين فهو ببلغ تحياته للجميع واعدكم قريبا بتسجيل صوتى به بعض القصص النادره على لسان سيد الشئ ذاتو > ود الحاكم الشهير بعمر حسين
وبعد قليل صور نادره ...
خليكم بجوار اجهزة الكومبيوتر وعلى صفحات اليوم الحار والقادم احلى
Post: #25 Title: Re: عمر حسين - ود الحاكم Author: طارق الكوتش Date: 11-14-2009, 12:02 PM Parent: #24
من اليمين : عمر حسين - احمد صلاح رسمى 87 ميكانيكا - طارق فصمه 87 مساحه تاريخ الصوره يعود الى منتصف سنة 1990 و المناسبه زواج احدى اخوات طارق الكوتش
Post: #26 Title: Re: عمر حسين - ود الحاكم Author: Amna Mohamed Arh Date: 11-14-2009, 12:18 PM Parent: #25
كوشت،،
سلامات
ومرحب بالجديد الجميل
Post: #27 Title: Re: عمر حسين - ود الحاكم Author: ابوهريره احمد ابراهيم Date: 11-14-2009, 03:28 PM Parent: #26
