Post: #1
Title: مهندسيننا.. ناس السوق.. إيه اخر أخبار البناء؟؟
Author: Hala Hassan
Date: 11-16-2008, 09:08 AM
Parent: #0
يا فوزى عبد الفتاح،
هشام مجذوب،
حمد محمد أحمد،
الحبر،،
و كل ناس الـcivil المواكبين،،،
هذا البوست مخصص لمعرفة أخر أخبار السوق فى السودان؟
طبعا الشى دة، بما أنه راكبه عفريت،
يبقى لازم نتواصل هنا بطريقة يومية أو ما شابه،
أنا متأكدة المستفيدين ح يكونا كتار..
|
Post: #2
Title: Re: مهندسيننا.. ناس السوق.. إيه اخر أخبار البناء؟؟
Author: Hala Hassan
Date: 11-16-2008, 09:12 AM
Parent: #1
دايرين نعرف:
أسعار المواد،
المناطق الجاذبة،
المفاضلة بين الشقق و البيت التقليدى (من حيث الفائدة الانية و المستقبلية)،
أى معلومات أخرى،
و طبعا ما ننسى الرؤية الهندسية حول موضوع البناء قليل التكلفة،،،
_______________________________
طبعا دة كلو يا شباب،
بدون إعلانات واضحة،
تقيدا بلا ئحة المنبر،،
|
Post: #3
Title: Re: مهندسيننا.. ناس السوق.. إيه اخر أخبار البناء؟؟
Author: Hala Hassan
Date: 11-16-2008, 09:20 AM
Parent: #1
يعنى زى ما قلنا قبل كدة،
عاوزين (لو أمكن):
أحسن بناء، بأفضل مواد،
و أقل تكلفة،،،،
و أتصرفوا،،،،
|
Post: #4
Title: Re: مهندسيننا.. ناس السوق.. إيه اخر أخبار البناء؟؟
Author: ابراهيم محمد الحسن
Date: 11-16-2008, 09:25 AM
Parent: #3
هالة ،،،
الفكرة حلوة ..
وهامة ...
أهو نستفيد حاجة من ناس هشام مجذوب ديل .. 
طبعا ذي ما قالت هالة ..
عشان الواحد عنده مجرد فكرة يبني ..
بس وين ..
ومتين ..
خلوها في سركم ...
|
Post: #5
Title: Re: مهندسيننا.. ناس السوق.. إيه اخر أخبار البناء؟؟
Author: Hala Hassan
Date: 11-16-2008, 09:28 AM
Parent: #1
Quote: الفكرة حلوة ..
وهامة ... |
إبراهيم،
إذن ايدكم معانا،
أمسك الفة البوست دة برضو،
أى زول يزوغ كدة ولا كدة،
على طول، أتبع الإجراء،،،،
|
Post: #6
Title: Re: مهندسيننا.. ناس السوق.. إيه اخر أخبار البناء؟؟
Author: ابراهيم محمد الحسن
Date: 11-16-2008, 10:20 AM
Parent: #5
هالة ،،،
Quote: براهيم،
إذن ايدكم معانا،
أمسك الفة البوست دة برضو، |
سجلي عندك ...
هشام مجذوب ،،
مشاغب ..
وبهرجل كتير ....
|
Post: #7
Title: Re: مهندسيننا.. ناس السوق.. إيه اخر أخبار البناء؟؟
Author: Hala Hassan
Date: 11-16-2008, 10:44 AM
Parent: #6
Quote: هشام مجذوب ،،
مشاغب ..
وبهرجل كتير .... |
(معليش) يا إبراهيم،
كان بهرجل و بجيب الفايدة هنا،
بنسامحه،،،
قول ليهو أظهر،،،
|
Post: #8
Title: Re: مهندسيننا.. ناس السوق.. إيه اخر أخبار البناء؟؟
Author: Hala Hassan
Date: 11-16-2008, 10:50 AM
Parent: #1
رابط مهم للإطلاع و الإفادة:
المنتدى العام لسودانيز أون لاين دوت كوممكتبة صالح عبدالرحمن صالح ( تبلدينا)(Tabaldina) حــول ما أُثير عن المباني قليلة التكلفــة ...
حــول ما أُثير عن المباني قليلة التكلفــة ...
|
Post: #9
Title: Re: مهندسيننا.. ناس السوق.. إيه اخر أخبار البناء؟؟
Author: Hisham Magzoub
Date: 11-16-2008, 06:22 PM
Parent: #1
هاله بوست حيكون مفيد جدا" وخاصه للمغتربين
فى اول دخله لى فيه اخبركم بان اسعار طن السيخ بعد نزلت تحت حاجز الالفين (بالجديد) رجعت وواصلت صعودهامن جديد
السعر اليوم وصل للاثنين مليون ونصف
|
Post: #10
Title: Re: مهندسيننا.. ناس السوق.. إيه اخر أخبار البناء؟؟
Author: حمد محمد احمد
Date: 11-16-2008, 07:18 PM
Parent: #1
ياهالة
Quote: أحسن بناء، بأفضل مواد،
و أقل تكلفة،،،،
|
جري وطيران
ما ممكن
الموضوع ده ماساهل
في ناس متخصصين بري فاب بكل انواعه
انا شخصيا متخصص كونكريت
لكن مافي مانع نقابل المهندسين المتخصصين في المباني قليلة التكلفه
عشان يكون الطرح علمي وموضوعي
من الاساسات لحدي السقوفات
بالتفاصيل بس الصبر لانو المشاغل كتيرة
|
Post: #11
Title: Re: مهندسيننا.. ناس السوق.. إيه اخر أخبار البناء؟؟
Author: Hala Hassan
Date: 11-17-2008, 06:49 AM
Parent: #1
| Quote: هاله بوست حيكون مفيد جدا" وخاصه للمغتربين |
قصدك ناس إبراهيم؟؟؟ 
غايتو يا هشام، أنا أفتكر الفايدة ح تعم المغتربين و غير المغتربين،،
بالذات إحنا المهندسين، و بحمدالله بقى عندنا أداة مرئية،
وصوتنا (لحد ما) بقى مسموع،
يبقى المنبر دة لازم نستفيد منه فى نقاشات هادفة خارج نطاق الكلية كمان،
تهم شريحة كبيرة من المجتمع،،،
Quote: فى اول دخله لى فيه اخبركم بان اسعار طن السيخ بعد نزلت تحت حاجز الالفين (بالجديد) رجعت وواصلت صعودهامن جديد
السعر اليوم وصل للاثنين مليون ونصف |
ما عشان ،
حكاية السيخ نزل الاسمنت طلع دى،
صارت المقولة،
إنو الواحد بيبنى للورثة،،
هم ساكت... يقتل!!
السؤال هو:
لازم مسلح؟؟
طيب إيه الخيارات التانية المطروحة؟؟
|
Post: #12
Title: Re: مهندسيننا.. ناس السوق.. إيه اخر أخبار البناء؟؟
Author: Hala Hassan
Date: 11-17-2008, 06:58 AM
Parent: #1
حمد،،
ليييييه ما ممكن،
هو القالو ناس زمان دة،
ما ياهو ذذاتو المكسر مجاديفنا،،
و خلى الناس محصورة فى خيارات بسيطة جدا،،
أنا عارفة، حكاية أفضل بناء بأقل سعر دى،
تعتبر معادلة غير موفقة،
لكن أنا اقصد هنا،
أفضل (خيار) متاح، بأفضل الاسعار،،
Quote:
الموضوع ده ماساهل
في ناس متخصصين بري فاب بكل انواعه
انا شخصيا متخصص كونكريت
لكن مافي مانع نقابل المهندسين المتخصصين في المباني قليلة التكلفه
عشان يكون الطرح علمي وموضوعي
من الاساسات لحدي السقوفات
بالتفاصيل |
يا سلااام عليك يا حمد،
هو دة المطلوب،،،
أنا فكرتى كمان،
إنو ندعم البرى فاب مثلا (الأساسات و السقوفات) بشوية حديد،
شوفوا لينا الحكاية دى تبقى كيف؟؟
| Quote: بس الصبر لانو المشاغل كتيرة |
5 - 7 سنين كدة؟؟
________________________________
بعدين ما تنس برضو،
فى بناء بالطوب الأخضر،،،
يا ريت تدونا رأيكم كمان...
|
Post: #13
Title: Re: مهندسيننا.. ناس السوق.. إيه اخر أخبار البناء؟؟
Author: ابراهيم محمد الحسن
Date: 11-17-2008, 08:31 AM
Parent: #12
معقولة شدييد ..
خصوصا للمغتربين ...
ناس إبراهيم ... وكده ...
|
Post: #14
Title: Re: مهندسيننا.. ناس السوق.. إيه اخر أخبار البناء؟؟
Author: حمد محمد احمد
Date: 11-19-2008, 03:20 PM
Parent: #1
انا عندي مقترح
هشام مجذوب
عمر الحبر
صلاح مختار
نعمل نموذج
( بيت متوسط )
يلا ونعملو مسلح وتشطيب هاي لوكس مع التكلفة
تشطيب عادي مع التكلفة
لودبيرنق بالتكلفة
بري فاب بانواعه
مع التنوع في الاساسات
من الاسترب والبايل
والايسوليتدطبعا ما بنحتاج نخش في الرافت
انواع التقفيل بالالمونيم بالحديدبالبي في سي
كل ده مع ارفاق التصاميم
زي ما قالت هالة الكلام كبير
خلونا نعمل حاجة تنفع ناس كتيرين ما عارفين يعملو شنو
|
Post: #15
Title: Re: مهندسيننا.. ناس السوق.. إيه اخر أخبار البناء؟؟
Author: Hala Hassan
Date: 11-20-2008, 07:15 AM
Parent: #14
حمد،
Quote: انا عندي مقترح
هشام مجذوب
عمر الحبر
صلاح مختار
نعمل نموذج
( بيت متوسط )
يلا ونعملو مسلح وتشطيب هاي لوكس مع التكلفة
تشطيب عادي مع التكلفة
لودبيرنق بالتكلفة
بري فاب بانواعه
مع التنوع في الاساسات
من الاسترب والبايل
والايسوليتدطبعا ما بنحتاج نخش في الرافت
انواع التقفيل بالالمونيم بالحديدبالبي في سي
كل ده مع ارفاق التصاميم
زي ما قالت هالة الكلام كبير
خلونا نعمل حاجة تنفع ناس كتيرين ما عارفين يعملو شنو |
ينصر دينك ياخى،،،
صدقنى الحكاية دى ح تكون مرجع لمئات من السودانيين فى الداخل و الخارج،
و أهى فرصة نقدر نطلع بحاجة مفيدة من تجمعنا هنا،،
و الخيارات دى كلها،
معلوماتها ( و صورها) ممكن تكون محفوظة فى الموقع المفترض،،
دة غير فى البداية ،
ممكن تعرض فى معرض خاص (فى دار المهندس مثلا)،،
و ما بعيد،
بعد كدة نوعية البناء دى ممكن تعتمد للـGenerations الجاية،،،
أحلام كبيرة،
لكنها كلها ممكن تتحقق،
إنت بس ألكز لينا الجماعة،،
|
Post: #16
Title: Re: مهندسيننا.. ناس السوق.. إيه اخر أخبار البناء؟؟
Author: ابراهيم محمد الحسن
Date: 11-20-2008, 07:19 AM
Parent: #15
فعلا يا حمد ،،
المقترح جميل ،،
وحا يكون مفيد ..
للجميع ..
نتمنى نشوفوا على أرض الواقع ...
لو جهزتوه قبل الضحية ،،
يكون 
عشان ناس الكوشت والليون يرجعوا برؤية واضحة ...
|
Post: #17
Title: Re: مهندسيننا.. ناس السوق.. إيه اخر أخبار البناء؟؟
Author: طارق الكوتش
Date: 11-21-2008, 02:55 PM
Parent: #1
مهندسيننا.. ناس السوق.. إيه اخر أخبار البناء؟؟
ده بوست جميل .... ومنتظرين الجديد ياناس الحبر و حمد و فوزى و هشام و البقيه
بالمناسبه تكلفة البناء فى الاراضى الطينيه ( شمبات ) انشاءالله ما تكون كبيره - دايرين تفاصيل قبل ما ندخل و الفاس تقع فى الرأس ... افيدونا وبشكل عاجل
ـــــــــــــــــ
ممكن تكون هنالك عطاءآت على الهواء مباشره وتنافس شريف مش ذى تنافس الجماعه ( وش ايريا )
|
Post: #18
Title: Re: مهندسيننا.. ناس السوق.. إيه اخر أخبار البناء؟؟
Author: حمد محمد احمد
Date: 12-06-2008, 07:06 AM
Parent: #1
| Quote: تكلفة البناء فى الاراضى الطينيه ( شمبات ) انشاءالله ما تكون كبيره |
ياطارق الزيادة بتكون بسيطة
انت بتحتاج لسقف معلق بدل القريد بيم
والفرق ماكبير
وبتضمن العزل من الارض الفوارة
|
Post: #19
Title: Re: مهندسيننا.. ناس السوق.. إيه اخر أخبار البناء؟؟
Author: Hisham Magzoub
Date: 12-06-2008, 10:59 PM
Parent: #1
Quote: ياطارق الزيادة بتكون بسيطة
انت بتحتاج لسقف معلق بدل القريد بيم
والفرق ماكبير
وبتضمن العزل من الارض الفوارة |
غايتو ياحمد نحن بقينا نعمل السقف المعلق فى كل الاحوال
لانو زى ماعارف على المدى الطويل اجدى
بس دائما" المشكله فى الاراضى الطينيه الفواره فى الحوش ولذلك بيتطلب معالجات ناجعه
فى مناطق زى المنشيه كان ما عملت علاج جادى ممكن وقبال ما تسلم الموقع الارضيه بتفور
بتذكر مهندس خريج جديداشتغل معاى فى المنشيه وكان فى مرحلة حوض النجيله
فقال يمشى الجامعه ويستشير الدكتور عمر soil فى الطريقه المثلى لعملها
ف اول حاجه قالها ليه الدكتور (انت البوديك تشتغل فى المنشيه شنو)
|
Post: #20
Title: Re: مهندسيننا.. ناس السوق.. إيه اخر أخبار البناء؟؟
Author: Hala Hassan
Date: 12-30-2008, 10:13 AM
Parent: #1
يا حمد... هشام....،
ناس السيفيل!!!
شنو الحكاية؟؟؟؟
النومة طولت...............
سايببين الجماعة معلقين،
الناس الدايرين يعرفوا الارض فى شمبات كيف،،
موقفين لوارى الأسمنت و الطوب و منتظرين،،،
طيب جهات ناس سوبا و غرب الخرطوم كيف؟؟؟
ح تفيدونا،
ولا ناخدها من قصيرها،
و نمشى نشترى من ناس أخونا عصام الخواض فى دريم؟؟؟؟
و نبقى نشوف لينا شغل هناك،
ولا من منازلهم.....
|
Post: #21
Title: Re: مهندسيننا.. ناس السوق.. إيه اخر أخبار البناء؟؟
Author: ELFATIH ABDELLA
Date: 12-31-2008, 08:15 AM
Parent: #1
هاله:
Quote: ح تفيدونا،
ولا ناخدها من قصيرها،
و نمشى نشترى من ناس أخونا عصام الخواض فى دريم؟؟؟؟
و نبقى نشوف لينا شغل هناك، |
البيعجب فيك يا هاله .. انو برنامجك محدد..
وتعيش البرمجة .. ويبقى التخطيط ..
وسنظل في الانتظار ..
الفاتح
|
Post: #22
Title: Re: مهندسيننا.. ناس السوق.. إيه اخر أخبار البناء؟؟
Author: Hala Hassan
Date: 12-31-2008, 09:04 AM
Parent: #21
الفاتح سلام،
Quote: البيعجب فيك يا هاله .. انو برنامجك محدد..
وتعيش البرمجة .. ويبقى التخطيط .. |
والله بحاول،
لكن إنت عارف يا الفاتح،
التخطيط فى بلدنا دى صعب،
لكن لازم نحاول،،
يعنى ما ممكن الإنسان يعيش فى الدنيا من غير ما يكون محدد ليه هدف داير يوصلو،
طيب تعبان وواصل الليل بالنهار ليه؟؟؟
ما يمشى ينوم،،،،،
خلى بالك،
أنا باقى لى،
السودانيين (معظمهم) ما بوصلوا،
لأنهم مطبقين النظرية دى ....(النوم)،،
أما باقى الكلام الفوق دة،
من باب التهديد،
لكن التنفيذ صعب،،،
لأسباب كتيرة،
و لكن تبقى الخيارات مفتوحة...................
|
Post: #23
Title: Re: مهندسيننا.. ناس السوق.. إيه اخر أخبار البناء؟؟
Author: طارق الكوتش
Date: 01-06-2009, 07:01 PM
Parent: #1
Quote: سايببين الجماعة معلقين،
الناس الدايرين يعرفوا الارض فى شمبات كيف،،
موقفين لوارى الأسمنت و الطوب و منتظرين،،، |
يا مهندسين البناء ,,, دايرين ارقام و الحقوق الادبيه محفوظه
|
Post: #24
Title: Re: مهندسيننا.. ناس السوق.. إيه اخر أخبار البناء؟؟
Author: Hala Hassan
Date: 01-07-2009, 09:02 AM
Parent: #23
الكوتش،
الجماعة ديل دايرين ليهم دفرة جاااامدة،
إيدك معايا،،
|
Post: #25
Title: Re: مهندسيننا.. ناس السوق.. إيه اخر أخبار البناء؟؟
Author: ابراهيم محمد الحسن
Date: 01-07-2009, 09:07 AM
Parent: #24
هالة ،،
الكوشت ،،
الظاهر الجماعة ديل عندهم رأي في مسالة الإستشارات (المجانية) دي ..
خوة مافي ؟
|
Post: #26
Title: Re: مهندسيننا.. ناس السوق.. إيه اخر أخبار البناء؟؟
Author: Hisham Magzoub
Date: 01-07-2009, 10:41 AM
Parent: #1
Quote: هالة ،،
الكوشت ،،
الظاهر الجماعة ديل عندهم رأي في مسالة الإستشارات (المجانية) دي ..
خوة مافي ؟ |
ياشباب الخوه موجوده ومتوفره بكثره
لكن حقو الاسئله تكون محدده
من الصعب نجاوب على حاجه معممه زى تكلفة البيت بتكون بكم
فممكن تقول طابق ارضى بمساحه كذا وتشطيبه يكون عادى يكون الرينج كم وهكذا
|
Post: #27
Title: Re: مهندسيننا.. ناس السوق.. إيه اخر أخبار البناء؟؟
Author: Hala Hassan
Date: 01-08-2009, 01:39 PM
Parent: #26
Quote: من الصعب نجاوب على حاجه معممه زى تكلفة البيت بتكون بكم
فممكن تقول طابق ارضى بمساحه كذا وتشطيبه يكون عادى يكون الرينج كم وهكذا |
جدا يا هشام،
ممكن نسأل اسئلة محددة،
بس كل حالة ح تكون مختلفة،
و يمكن ما أى زول يستفيد منها،،،
أنا قصدت من موضوع البوست دة،
إنو يتعمل دراسة (إذا أمكن) عن أنواع معينة من البناء و مقارنتها،
لإستيعاب الفوائد و المضار....
و طبعا التكلفة التقريبية...
يعنى حكاية كدة زى ما اقترح حمد .... فوق،،،
و عارفة طبعا إنو الموضوع دة مرهق زمنيا،
لكن دايرين نشوف المعالجة ح تكون كيف؟؟؟
|
Post: #28
Title: Re: مهندسيننا.. ناس السوق.. إيه اخر أخبار البناء؟؟
Author: صلاح ليون
Date: 01-12-2009, 07:05 AM
Parent: #27
جينا نتاوق نشوف اخبار البنا يا هالة
لكن لقيت لسه ما في واحد بدا العمل
|
Post: #29
Title: Re: مهندسيننا.. ناس السوق.. إيه اخر أخبار البناء؟؟
Author: Hisham Magzoub
Date: 01-12-2009, 08:01 AM
Parent: #1
ليون
Quote: جينا نتاوق نشوف اخبار البنا يا هالة
لكن لقيت لسه ما في واحد بدا العمل |
نعمل شنو ما فى زول داير يدفع المقدم
|
Post: #30
Title: Re: مهندسيننا.. ناس السوق.. إيه اخر أخبار البناء؟؟
Author: ابراهيم محمد الحسن
Date: 01-12-2009, 08:22 AM
Parent: #29
| Quote: نعمل شنو ما فى زول داير يدفع المقدم |
قلنا ليكم الكلام ده زمان ...
خوة مااااااافي ...
هالة ،
خليك مع ناس نازر وتبلدينا ..
ومشروع المنازل قليلة التكلفة ..
|
Post: #31
Title: Re: مهندسيننا.. ناس السوق.. إيه اخر أخبار البناء؟؟
Author: صلاح ليون
Date: 01-12-2009, 09:18 AM
Parent: #30
اها يا هشام اعمل بنا اونلاين
لكن ياربي اول واحد حيتموسر
ده يكون منو يا جماعة يلا شدو حيلكم
اسمع خليك حريف واعمل لي واحد فينا
كده من غير دفع مقدم ولا يرسل حاجة
وسلمو المفاتيح واكسب في الباقيين
|
Post: #35
Title: Re: مهندسيننا.. ناس السوق.. إيه اخر أخبار البناء؟؟
Author: Hala Hassan
Date: 01-12-2009, 11:34 AM
Parent: #31
Quote: ليون
Quote: جينا نتاوق نشوف اخبار البنا يا هالة
لكن لقيت لسه ما في واحد بدا العمل
نعمل شنو ما فى زول داير يدفع المقدم |
هشام،
الليون الايامات دى،
ما تجيب ليه سيرة دفع،،
خليه فى حالو،،
إحنا نشوف المغتربين،
ناس طارق الكوتش،
نجرب فيهم،
لو عجبنا،
بنشمر،،،،،
|
Post: #32
Title: Re: مهندسيننا.. ناس السوق.. إيه اخر أخبار البناء؟؟
Author: Tahani abdalla Attia
Date: 01-12-2009, 10:58 AM
Parent: #1
أخيرا أخيرا
خلاص أنا فكرت جادة أحارب سكن الإيجار و أسكن ملك
عايزة أشوف ناس السيفيل بيساعدوني بشنو؟؟
يللا همتكم معاي
|
Post: #37
Title: Re: مهندسيننا.. ناس السوق.. إيه اخر أخبار البناء؟؟
Author: Hala Hassan
Date: 01-12-2009, 11:40 AM
Parent: #32
Quote: أخيرا أخيرا
خلاص أنا فكرت جادة أحارب سكن الإيجار و أسكن ملك
عايزة أشوف ناس السيفيل بيساعدوني بشنو؟؟
يللا همتكم معاي |
تهانى،،
WElcome,
Join the club...
|
Post: #33
Title: Re: مهندسيننا.. ناس السوق.. إيه اخر أخبار البناء؟؟
Author: Hisham Magzoub
Date: 01-12-2009, 10:59 AM
Parent: #1
ليون
Quote: اسمع خليك حريف واعمل لي واحد فينا
كده من غير دفع مقدم ولا يرسل حاجة
وسلمو المفاتيح واكسب في الباقيين |
ممكن لكن شوفلى ضمانات
|
Post: #34
Title: Re: مهندسيننا.. ناس السوق.. إيه اخر أخبار البناء؟؟
Author: صلاح ليون
Date: 01-12-2009, 11:28 AM
Parent: #33
اها يا هشام مجذوب بالنسبة للضمانات دي
نحن طبعا حتعاملنا على حسب هوا ناس الخليج
أو زي ما في محل اقامتنا ، أها انحنا الضمان
هنا بيكون على الراتب وزول تاني يضمني !!!
رايك شنو
|
Post: #36
Title: Re: مهندسيننا.. ناس السوق.. إيه اخر أخبار البناء؟؟
Author: Hala Hassan
Date: 01-12-2009, 11:38 AM
Parent: #34
Quote: اها يا هشام مجذوب بالنسبة للضمانات دي
نحن طبعا حتعاملنا على حسب هوا ناس الخليج
أو زي ما في محل اقامتنا ، أها انحنا الضمان
هنا بيكون على الراتب وزول تاني يضمني !!!
رايك شنو |
لكن كمان يا الليون،
ضمان الراتب دة،
ناس هشام ديل يتعاملوا بيه كيف من السودان؟؟
أتصرف أتصرف بسرعة،،
و إلا ح ننط فى الصف قدامك....
_________________________
كمان جابت ليها تهديد ندفع و كدة يعنى....
عجييبة،،
(حقت علاء الدين...)،
|
Post: #38
Title: Re: مهندسيننا.. ناس السوق.. إيه اخر أخبار البناء؟؟
Author: صلاح ليون
Date: 01-12-2009, 11:42 AM
Parent: #36
Quote: أتصرف أتصرف بسرعة،،
و إلا ح ننط فى الصف قدامك.... |
طيب يا هشام نرجع لي حق الزمالة والصداقة والدفعة
طبعا ده مفروض يكون من اولوياتك ، وطبعا الثقة في
اها يازول اقول ليك الارض وين والمساحة كم ولا لسه
|
Post: #39
Title: Re: مهندسيننا.. ناس السوق.. إيه اخر أخبار البناء؟؟
Author: ابراهيم محمد الحسن
Date: 01-12-2009, 11:47 AM
Parent: #38
Quote: طيب يا هشام نرجع لي حق الزمالة والصداقة والدفعة
طبعا ده مفروض يكون من اولوياتك |
مااااا
أظن ،،،،
|
Post: #41
Title: Re: مهندسيننا.. ناس السوق.. إيه اخر أخبار البناء؟؟
Author: صلاح ليون
Date: 01-12-2009, 11:56 AM
Parent: #39
الجملة دي يا ابراهيمQuote: طيب يا هشام نرجع لي حق الزمالة والصداقة والدفعة
طبعا ده مفروض يكون من اولوياتك |
بس عشان الصف وكده وناس هالة ما ياكلوا الود العسل ده كلو
ونحن نطلع اوت يا حسرة ما نلقى الحيبني لينا
|
Post: #43
Title: Re: مهندسيننا.. ناس السوق.. إيه اخر أخبار البناء؟؟
Author: Hala Hassan
Date: 01-12-2009, 12:17 PM
Parent: #41
يا ليون،،
| Quote: اها يازول اقول ليك الارض وين والمساحة كم ولا لسه |
غايتو من رأيى،
قبل ما تقول ليه الارض وين و المساحة كم،
قول ليه معاك كم،
و هو عليه الباقى،،،
و بالنسبة للصف،
ولا يهمك،،
صفكم محفوووظ،،،
|
Post: #40
Title: Re: مهندسيننا.. ناس السوق.. إيه اخر أخبار البناء؟؟
Author: Hala Hassan
Date: 01-12-2009, 11:52 AM
Parent: #38
Quote: طيب يا هشام نرجع لي حق الزمالة والصداقة والدفعة
طبعا ده مفروض يكون من اولوياتك ، وطبعا الثقة في
اها يازول اقول ليك الارض وين والمساحة كم ولا لسه |
دى إسمها،
الهندسة تصرف....
هشام،
ما تقول حاجة ياخ،،،،
|
Post: #42
Title: Re: مهندسيننا.. ناس السوق.. إيه اخر أخبار البناء؟؟
Author: ابراهيم محمد الحسن
Date: 01-12-2009, 11:57 AM
Parent: #40
هالة ،،
Quote: هشام،
ما تقول حاجة ياخ،،،، |
إنتِ ما ملاحظة الناس تلف وتدور ..
وهشام والجماعة ..
عاملين (اضان جلد) ...
قلت ليكم ،،
|
Post: #44
Title: Re: مهندسيننا.. ناس السوق.. إيه اخر أخبار البناء؟؟
Author: Hala Hassan
Date: 01-12-2009, 12:21 PM
Parent: #42
يا إبراهيم،،
Quote: إنتِ ما ملاحظة الناس تلف وتدور ..
وهشام والجماعة ..
عاملين (اضان جلد) ... |
ناس هشام ديل معذورين،
السوق صعب،
و المجاملات الكتيرة ما بتأكل عيش،،
لازم كمان شوية بيزنس،،،
و الموضوع بإذن الله جاررى،،
لكن يا هشام،
كان جاكم زول من البوست دة،
إستشاراتى كلها....
ولا اقول ليكم، بتفاهم معاك بعدين،،،،
_______________________________
إنت يا إبراهيم،
أضان الجلد دة (أطرش) من أضان الحامل؟؟؟
|
Post: #45
Title: Re: مهندسيننا.. ناس السوق.. إيه اخر أخبار البناء؟؟
Author: صلاح ليون
Date: 01-12-2009, 08:07 PM
Parent: #44
طيب يا هشام مجذوب لما تجي الصباح كدي ادرس العرض المتكامل ده ...
نتلم نحنا البورداب وبعض من المتابعين في البوست يعني قول عشرة..
نشوف واحد مننا عندو ارض تكون قريبة (لاحظ قريبة يعني شوية كده )
للخرطوم ، وده يكون الشرينج بتاعو وخلاص على كده يحجز شقة في الدور
الأول (لاحظ يا هشام الدور الأول) ، الدور الأرضي ده ما حقك كامل تعمل فيهو
الدايرو ، تستثمرو زي ما أنت عايز ، أما بقية التسعة فكل واحد فينا
يبيع قطعتو البتكون في سقط لقط ديك ويديك المقدم ، وبعد داك نقعد
نجادعك بي جاي وبي جاي .. شوية من السعودية وشوية من الدوحة وشوية
من الأمارات وكمان عندك النقاطة بتاعتك حتكون في السودان وعلى كده
افتكر تلاتة طوابق كفاية جدا تشيل العشرة ديل ، وأها يا شباب للجادين
فقط ونبتدي اول حاجة نعرض قطعنا هنا ونشوف ياتا البتصلح للموضوع ده
|
Post: #46
Title: Re: مهندسيننا.. ناس السوق.. إيه اخر أخبار البناء؟؟
Author: Hisham Magzoub
Date: 01-12-2009, 09:36 PM
Parent: #1
ليون
فكرتك جيده
طبعا" كان عندنا دراسه كامله لموضوع زى دا
وكانو داخلين فيه شلتنا بتاعة الجامعه ناس نزار فقيرى وعبدالمجيد ومجاهد المهم حوالى عشره اشخاص
وعرضنا عليهم التكلفه والمطلوب دفعه مقدم وكانت التكلفه اقل من الفى السوق
لانو لم يكن هناك ارباح سوى ارباح المقاولات (عادة تكون هناك ارباح اخرى فى حالة الشركات الاستثماريه)
مع ملاحظة اننا اضفنا خدمات كثيره لاتوجد فى الشقق التجاريه (مناطق للعب الاطفال صاله صغيره للمناسبات موقف عربات داخلى واشياء اخرى)
الموضوع بحتاج جديه
والشئ الرائع فى الموضوع هو وجود بيئه جيده وجيران مختارين
|
Post: #47
Title: Re: مهندسيننا.. ناس السوق.. إيه اخر أخبار البناء؟؟
Author: Hala Hassan
Date: 01-13-2009, 06:45 AM
Parent: #1
ليون،
Quote: طيب يا هشام مجذوب لما تجي الصباح كدي ادرس العرض المتكامل ده ...
نتلم نحنا البورداب وبعض من المتابعين في البوست يعني قول عشرة..
نشوف واحد مننا عندو ارض تكون قريبة (لاحظ قريبة يعني شوية كده )
للخرطوم ، وده يكون الشرينج بتاعو وخلاص على كده يحجز شقة في الدور
الأول (لاحظ يا هشام الدور الأول) ، الدور الأرضي ده ما حقك كامل تعمل فيهو
الدايرو ، تستثمرو زي ما أنت عايز ، أما بقية التسعة فكل واحد فينا
يبيع قطعتو البتكون في سقط لقط ديك ويديك المقدم ، وبعد داك نقعد
نجادعك بي جاي وبي جاي .. شوية من السعودية وشوية من الدوحة وشوية
من الأمارات وكمان عندك النقاطة بتاعتك حتكون في السودان وعلى كده
افتكر تلاتة طوابق كفاية جدا تشيل العشرة ديل ، وأها يا شباب للجادين
فقط ونبتدي اول حاجة نعرض قطعنا هنا ونشوف ياتا البتصلح للموضوع ده |
فكرة جميلة،
لكن،
صاحب الارض تعود عليه بشنو؟؟
و هل ممكن تكلفة المشروع تشمل تكلفة شراء الارض؟؟؟
بعدين،
سقط لقط دى،
إنت مشترى ويين بالظبط؟؟؟؟
___________________________
على الهامش:
هشام،
ممكن تدلنى على شركات بتنفذ مشاريع زى دى بكثافة؟؟؟
دى حاجة غير موضوعنا دة...
|
Post: #48
Title: Re: مهندسيننا.. ناس السوق.. إيه اخر أخبار البناء؟؟
Author: صلاح ليون
Date: 01-13-2009, 07:29 AM
Parent: #47
صباح الخيرات هالة وهشام
هشام منتظرين الدراسات والتقييمات المبدئية
للبقية منتظرين الترشيحات ورؤيتكم المبدئية
هالة:Quote: صاحب الارض تعود عليه بشنو؟؟
و هل ممكن تكلفة المشروع تشمل تكلفة شراء الارض؟؟؟ |
صاحب الأرض قلنا عليهو يعاين لي هشام ده بسوي في شنو
ويقعد يتحكر وينظر وما يدفع حاجة يعني هو ما عليهو شي
ولغاية المشروع ما ينتهي يجي ويستلم في الطابق الأول
Quote: بعدين،
سقط لقط دى،
إنت مشترى ويين بالظبط؟؟؟؟ |
وبداية كده عشان نكون جادين أنا قطعتي في مدينة الفاتح
وهي والله مدينة حتكون حاجة تمام وجنبها في مدينة سياحية
من مدن النخيل الحايمة في البلد دي وجنبها حيكون مبنى
الإذاعة والتلفزيون وعلى الخريطة اعلاها في الوادي الاخضر
وبعد الكبري الجديد بتاع المنشية انتعشت هذه المنطقة
ونزيدكم من الشعر بيت كمان قالو في كبري تاني بهناك
|
Post: #49
Title: Re: مهندسيننا.. ناس السوق.. إيه اخر أخبار البناء؟؟
Author: Hala Hassan
Date: 01-13-2009, 07:49 AM
Parent: #48
ليون،
Quote: وبداية كده عشان نكون جادين أنا قطعتي في مدينة الفاتح
وهي والله مدينة حتكون حاجة تمام وجنبها في مدينة سياحية
من مدن النخيل الحايمة في البلد دي وجنبها حيكون مبنى
الإذاعة والتلفزيون وعلى الخريطة اعلاها في الوادي الاخضر
وبعد الكبري الجديد بتاع المنشية انتعشت هذه المنطقة
ونزيدكم من الشعر بيت كمان قالو في كبري تاني بهناك |
فى الحالة دى إذن،،،
ما بعيدة،،،
و لو دايرين فى النخيل ذاتها،،
بنجيبها،،،
و الكوبرى التانى بالمناسبة ح يكون من سوبا،،،
بالمناسبة،
المنطقة دى،
(جنوب الخرطوم)،
كييف؟؟؟
|
Post: #50
Title: Re: مهندسيننا.. ناس السوق.. إيه اخر أخبار البناء؟؟
Author: صلاح ليون
Date: 01-13-2009, 08:04 AM
Parent: #49
طبعا جنوب الخرطوم دي يا هالة حتكون حتة سمحة خالص
وبالذات بعد ما يكتمل مشروع الحلم ، يعني لو واحد
عندو جهة سوبا ولغاية ما تصل ولاية الجزيرة يكون كويس
ودي صورة لمدينة الفاتح وموقعها وكلو عشان نشجع البقية
|
Post: #51
Title: Re: مهندسيننا.. ناس السوق.. إيه اخر أخبار البناء؟؟
Author: Hala Hassan
Date: 01-13-2009, 08:12 AM
Parent: #50
Quote: طبعا جنوب الخرطوم دي يا هالة حتكون حتة سمحة خالص
وبالذات بعد ما يكتمل مشروع الحلم ، يعني لو واحد
عندو جهة سوبا ولغاية ما تصل ولاية الجزيرة يكون كويس |
بعد كوبرى سوبا،
مدينة الفاتح، و المناطق المجاورة كلها بتبقى قريبة برضو و مميزة،،
ياللا تشجيعا (للبقية)،
أنا أدخل بقطعة فى النخيل،
و لمن لا يعلم،
مدينة النخيل السكنية، ببتميز على بقية المناطق،
بالخدمات:
ماء، كهرباء، أسفلت، مساجد، مساحات خضراء، أسواق...الخ،،،
ياللا قولو 1 ،،،
|
Post: #52
Title: Re: مهندسيننا.. ناس السوق.. إيه اخر أخبار البناء؟؟
Author: ابراهيم محمد الحسن
Date: 01-13-2009, 08:17 AM
Parent: #50
هالة ،،
ليون ،،
Quote: طبعا جنوب الخرطوم دي يا هالة حتكون حتة سمحة خالص
وبالذات بعد ما يكتمل مشروع الحلم ، |
طبعا نحن ناس أمدرمان ..
والحكومة (الديمقراطية) من بحري ،،
يعني ،،
ممكن نتنازل ونوافق لغاية بحري ....
بس الخرطوم !!
ما أظن ...
|
Post: #53
Title: Re: مهندسيننا.. ناس السوق.. إيه اخر أخبار البناء؟؟
Author: صلاح ليون
Date: 01-13-2009, 08:40 AM
Parent: #52
إبراهيم طبعا انت خجلان تقول
انك مضغوط على بحري لكن ممكن
تتنازل لغاية امدرمان ،
هالة فعلا مدينة النخيل دي
الكهرباء والموية واصلينها
وحتى جاية ماشة بنص الفاتح
وطبعا مارة بيها مرور الكرام
اها يا البقية ما تورونا
معلومات عن قطعكم ....
|
Post: #54
Title: Re: مهندسيننا.. ناس السوق.. إيه اخر أخبار البناء؟؟
Author: Hala Hassan
Date: 01-13-2009, 08:47 AM
Parent: #1
إبراهيم،
المعارضة،،
Quote: يعني ،،
ممكن نتنازل ونوافق لغاية بحري .... |
يعنى ما مشيت بعيد،
أصلا المنطقة البنتكلم عليها دى،
شرق النيل،،،،
يعنى،
بـحـــرى،
و الناس حاليا عشان يوصلوها،
إلا يفوتوا الخرطوم،
عبر كبرى المنشية،،،
أو،
عن طريق بحرى طوالى،،،،
ألعب غيرها،،،،،،،
|
Post: #55
Title: Re: مهندسيننا.. ناس السوق.. إيه اخر أخبار البناء؟؟
Author: ابراهيم محمد الحسن
Date: 01-13-2009, 08:54 AM
Parent: #54
Quote: يعنى ما مشيت بعيد،
أصلا المنطقة البنتكلم عليها دى،
شرق النيل،،،،
يعنى،
بـحـــرى، |
بس بعيدة عن نسائم أمدر ..
|
Post: #56
Title: Re: مهندسيننا.. ناس السوق.. إيه اخر أخبار البناء؟؟
Author: صلاح ليون
Date: 01-13-2009, 09:00 AM
Parent: #55
| Quote: بس بعيدة عن نسائم أمدر .. |
بس ياهو ده الفضل ليك اكتب عنها انشاء الله شعر
لكن سكن فيها ده ما اظنك تحظى بيهو ياريت
الحكومة تكون بتقرا في البوستات دي عشان
الشعر ذاتو تاني يقلب على بحري
|
Post: #57
Title: Re: مهندسيننا.. ناس السوق.. إيه اخر أخبار البناء؟؟
Author: ابراهيم محمد الحسن
Date: 01-13-2009, 09:10 AM
Parent: #56
ليون ،،
Quote: بس ياهو ده الفضل ليك اكتب عنها انشاء الله شعر
لكن سكن فيها ده ما اظنك تحظى بيهو ياريت
الحكومة تكون بتقرا في البوستات دي عشان
الشعر ذاتو تاني يقلب على بحري |
هيييييييييييييييع
والله نحن أمدر دي ما بنبدلها ...
ومكانتها في القلب محفورة ....
بس،،
ناس بحري بتحبوا
وأهو الواحد يكون سكن في بحري ،،
وكل يوم مع الغروب يعمل ذي سارة ..
يعمل ليه قروب برااااه ..
ويقيف في ضفاف النيل ..
ويسرح مع أمدر ونسماتها ..
يعني لما تسكنونا في الوادي الأخضر ..
اللوحة الشاعرية دي نصورها كيف ،،،
ما تخلوني هسع أقعد أغني ليكم في أمدر ..
|
Post: #58
Title: Re: مهندسيننا.. ناس السوق.. إيه اخر أخبار البناء؟؟
Author: Hala Hassan
Date: 01-13-2009, 09:13 AM
Parent: #1
| Quote: بس بعيدة عن نسائم أمدر .. |
ما حسه كنا بنقول بحرى!!!!
يا إبراهيم،
الموضوع هنا شراكة،،
نسائم أم در دى ما دايرة ليها شريك،،،،
ولا كيف؟؟؟
|
Post: #59
Title: Re: مهندسيننا.. ناس السوق.. إيه اخر أخبار البناء؟؟
Author: ابراهيم محمد الحسن
Date: 01-13-2009, 09:23 AM
Parent: #58
هالة ،،
Quote: يا إبراهيم،
الموضوع هنا شراكة،،
نسائم أم در دى ما دايرة ليها شريك،،،،
ولا كيف؟؟؟ |
أكيد طبعاً ،،
بس الشراكة دي في السكن ...
ولما الواحد يكون عاوز يشم نسائم أمدر ..
يقوم يعمل ليه قروب براه ذي بتاع سارة ..
عشان كده البعد الجغرافي من النيل ..
ما في المصلحة ..
|
Post: #60
Title: Re: مهندسيننا.. ناس السوق.. إيه اخر أخبار البناء؟؟
Author: صلاح ليون
Date: 01-13-2009, 09:35 AM
انت يازول ما تكابر ساي
وكل شوية تدخل لينا اسم سارة والقروب
انت الظاهر عليك موضوع السكن
ده ما عندك يد فيهو ، يكون
محددين ليك مسافة دايرية
يكون اقصاها كيلو من بيت
نسابتك داك يعني حدك المزاد
|
Post: #61
Title: Re: مهندسيننا.. ناس السوق.. إيه اخر أخبار البناء؟؟
Author: ابراهيم محمد الحسن
Date: 01-13-2009, 09:46 AM
Parent: #60
ليون ،،
Quote: يكون محددين ليك مسافة دايرية
يكون اقصاها كيلو من بيت
نسابتك داك يعني حدك المزاد |
والله جائز ،،
المزاد معقولة ..
أهو الواحد يقيف في شارع الزعيم الأزهري ،،
ويستمتع بمشاهدة العربات الجاية من أمدر ...
|
Post: #62
Title: Re: مهندسيننا.. ناس السوق.. إيه اخر أخبار البناء؟؟
Author: Hala Hassan
Date: 01-13-2009, 10:42 AM
Parent: #61
Quote: عشان كده البعد الجغرافي من النيل ..
ما في المصلحة .. |
بعد جغرافى إيه،
اللى إنت جاى تئول عليه؟؟؟
النيل كلو بهناك يا عم،،،
بعدين عشان أم در دى هواها على قدر ناسها،
أحسن ليك تسكن براك و تحيطك الخضرة و الطبيعة،،
إهنا هنا شغلنا شقق و تقفيل،،،
دى المشاركة القلت عليها،،،
___________________________
يا ليون،
الارض و جبناها،
هشام مجذوب دة نط و لا شنو؟؟؟
|
Post: #63
Title: Re: مهندسيننا.. ناس السوق.. إيه اخر أخبار البناء؟؟
Author: صلاح ليون
Date: 01-13-2009, 11:13 AM
Parent: #62
اها يا ودمجذوب
بعيدا عن المتخاذل عشاق امدر
عندنا ليك قطعتين واحدة للبيع
والتانية مقترح للبناء ابدا الدراسة سريع
والبقية البيحبوا السكن في الشقق يديكم معانا
|
Post: #64
Title: Re: مهندسيننا.. ناس السوق.. إيه اخر أخبار البناء؟؟
Author: ابراهيم محمد الحسن
Date: 01-13-2009, 11:30 AM
Parent: #63
ليون ،،
Quote: اها يا ودمجذوب
بعيدا عن المتخاذل عشاق امدر |
عاشق أمدر ....
وبحري ،،،،،،،،،،،،،
بس بحري المقابلة أمدر .......
|
Post: #65
Title: Re: مهندسيننا.. ناس السوق.. إيه اخر أخبار البناء؟؟
Author: Hisham Magzoub
Date: 01-13-2009, 04:25 PM
Parent: #1
يا اخوانا روقو شويه
البشوفكم كدا يقول قروشكم خاتينها فى الدولاب
فى حساباتنا نحن انو الشقق فى بحرى وامدرمان ما عندها قيمه زى فى الخرطوم
والواحد ما بمشى يكب قروشو فى شقه ممكن يوما" ما ياجرها ويستفيد من قروشها
وتكون فى مكان ما مغرى
فما تنفعلوا ساكت الاماكن المقترحه دى كلها اقتصاديا" ما نافعه
الاحسن تختارو ارض فى مكان مناسب رغم ان السعر حيكون غالى لكن 10 اشخاص ممكن تتقسم عليهم
وكل زول يبيع الارض العندو وتبدو بيها المشروع
|
Post: #66
Title: Re: مهندسيننا.. ناس السوق.. إيه اخر أخبار البناء؟؟
Author: صلاح ليون
Date: 01-13-2009, 10:22 PM
Parent: #65
مساء الخير
انتهى اليوم المعرض العقاري السوداني المقام بشيراتون الدوحة
وحضره عدد من الشركات والبنوك العقارية ووزارة الاستثمار وبكرة
إنشاء الله حاجيب ليكم الارقام الفلكية للشقق والفلل المطروحة
ومن اشهر الحاضرين شركة دريم بقيادة الوجيه عصام الخواض...
فعلاً يا هشام مجذوب المكان المناسب هو نقطة الانطلاق عشان كده
انا قبيل قلت ليكي يا هالة عايزين سنتر ، وطبعا هسه هشام
طلع القطعتين بتاعاتنا ديل سقط لقط ...
|
Post: #67
Title: Re: مهندسيننا.. ناس السوق.. إيه اخر أخبار البناء؟؟
Author: صلاح ليون
Date: 01-14-2009, 06:44 AM
Parent: #66
من خلال جولتي بالمعرض حاعرض ليكم أرخص أسعار
وطبعا حابتدي بالشقق (الفل دي كلام كبير) وتفاصيلها كالتالي:
اسم الشركة : شركة الإنشاءات الحديثة المحدودة
اسم المشروع: مجمع الثريا السكني ، أرضي + 3 طوابق
موقع المشروع: ارض سكة حديد الشجرة , شرق العزوزاب
مواصفات الشقة: بمساحة 120م2 ، ثلاثة غرف وصالة وحمامين ومطبخ وبلكونة
السعر بالكاش = 167 مليون جنيه سوداني
السعر بالاقساط = مقدم 50 مليون + اقساط 4 مليون على 3 سنة = 199 مليون
الشقق في المرحلة الاخيرة يعني البياض والتشطيبات والتسليم ممكن يكون خلال السنة الحالية .
طيب يا هشام ادينا رايك في الموضوع كشخص في السودان ، الارقام دي هل فلكية ولا حقيقية ولا ممكنة ولا اقرب للمكنة ، وبعدين لو واحد سوداني عندو ال167 مليون دي كاش في يدو ما بيقدر يبني ولا شنو ، ولو عندو المقدم ال50 مليون دي وكل شهر بيقدر يوفر 4 مليون مالو ما يبني براحتو وعلى عشرة سنين كمان وبالطريقة دي افتكر البنا احسن من حكاية الشقق التمليك دي ...
اين المهندسين المدنيين ناس صلاح مختار وفوزي و البقية ما تجو وتدونا راي
|
Post: #68
Title: Re: مهندسيننا.. ناس السوق.. إيه اخر أخبار البناء؟؟
Author: Hala Hassan
Date: 01-14-2009, 06:49 AM
Parent: #66
Quote: فعلاً يا هشام مجذوب المكان المناسب هو نقطة الانطلاق عشان كده
انا قبيل قلت ليكي يا هالة عايزين سنتر ، وطبعا هسه هشام
طلع القطعتين بتاعاتنا ديل سقط لقط ... |
هو طبعا القطع بعيدة من السنتر،
و أنا أساسا لما فكرت اخد هناك،
الحقيقة ما فكرت أسكن،
المنطقة دى دايرة ليها فى تقديرى 7- 10 سنين عشان تخش فى كردون الخرطوم العاصمة،
لكن يا ليون،
السنتر دة يكون الرياض مثلا؟؟؟؟
Quote: الاحسن تختارو ارض فى مكان مناسب رغم ان السعر حيكون غالى لكن 10 اشخاص ممكن تتقسم عليهم
وكل زول يبيع الارض العندو وتبدو بيها المشروع |
هشام،
ورينا مكان مناسب الفى بالك دى تكون وين،
حدد المناطق المقترحة،،
و نبتدى نجيب عروض،
ولا كيف؟؟؟
|
Post: #69
Title: Re: مهندسيننا.. ناس السوق.. إيه اخر أخبار البناء؟؟
Author: Hala Hassan
Date: 01-14-2009, 07:06 AM
Parent: #1
الليون،
لكن مبالغة،،،
Quote: السعر بالكاش = 167 مليون جنيه سوداني
السعر بالاقساط = مقدم 50 مليون + اقساط 4 مليون على 3 سنة = 199 مليون |
و قلت لى وين؟؟
فى العزوزاب؟؟؟
إنت عارف 167 - 199 مليون دى تبنى ليك فيلا فى أجدعها حتة،،
إنت بس وفر الارض،
تقول لى شقة،
تصدق سقط لقط حقتنا دى،
اخير،،،
و دى أرخص حاجة،
كدة ورينا بالله ناس عصام الخواض ديل عرضوا ليكم شنو؟؟؟
|
Post: #70
Title: Re: مهندسيننا.. ناس السوق.. إيه اخر أخبار البناء؟؟
Author: ابراهيم محمد الحسن
Date: 01-14-2009, 07:16 AM
Parent: #69
يا جماعة فعلا الأرقام فلكية ...
وتخلع ....
Quote: و دى أرخص حاجة،
كدة ورينا بالله ناس عصام الخواض ديل عرضوا ليكم شنو؟؟؟ |
كدي بالله يا ليون ورينا عروض ناس دريم لاند ..
|
Post: #71
Title: Re: مهندسيننا.. ناس السوق.. إيه اخر أخبار البناء؟؟
Author: Hisham Magzoub
Date: 01-14-2009, 07:18 AM
Parent: #1
هاله
| Quote: إنت عارف 167 - 199 مليون دى تبنى ليك فيلا فى أجدعها حتة،، |
!!!!!! ياريت ياريت ياريت !!!!!!!
|
Post: #72
Title: Re: مهندسيننا.. ناس السوق.. إيه اخر أخبار البناء؟؟
Author: صلاح ليون
Date: 01-14-2009, 07:35 AM
Parent: #71
يا هشام وضح لينا !!ياريت ياريت ياريت!!
دي اغنية ترباس ولا لو زول هسه جه وعندو
199 مليون في جيبو ومشى جاب مقاول ومشى
مدينة النخيل بتاعة هالة ونزل سيخ واسمنت
ما بيقدر يبني ولا شنو ؟؟؟؟؟؟؟؟؟؟؟؟؟؟؟
بالنسبة للفلل بتاعة ناس الخواض انا
بديت النقاش حول اقل نوع وكان بداية
الكلام حاجة كده حوالي 500 مليون وما
عارف بعد داك حسيت كده زي الانافي دريم
|
Post: #73
Title: Re: مهندسيننا.. ناس السوق.. إيه اخر أخبار البناء؟؟
Author: sara Eltayeb suliman
Date: 01-14-2009, 08:52 AM
Parent: #1
سلامات لي الناس العايزة تبني...
في رسالة ليكم من دكتورة تهاني ...
بتقول ليكم عندكم لحدي نهاية 2009 إذا ما سكنتوها
في بيت ملك لا بينها لا بينكم... إتصرفوا
وما على الرسول إلا البلاغ..
|
Post: #74
Title: Re: مهندسيننا.. ناس السوق.. إيه اخر أخبار البناء؟؟
Author: ابراهيم محمد الحسن
Date: 01-14-2009, 09:10 AM
Parent: #73
سارة ،،
Quote: سلامات لي الناس العايزة تبني...
في رسالة ليكم من دكتورة تهاني ... |
طبعا الرسالة موجهة للناس اللي بيبنو (البنايين يعني) ..
ونحن زاتنا عاوزين نسكن ....
|
Post: #75
Title: Re: مهندسيننا.. ناس السوق.. إيه اخر أخبار البناء؟؟
Author: صلاح ليون
Date: 01-14-2009, 09:14 AM
Parent: #74
سارة قولي لعمتك دي
التجي وتجدع ارضه هنا
وانشاء الله حنسكنها
|
Post: #76
Title: Re: مهندسيننا.. ناس السوق.. إيه اخر أخبار البناء؟؟
Author: Hala Hassan
Date: 01-14-2009, 02:13 PM
Parent: #1
هشام،،
Quote: هاله
Quote: إنت عارف 167 - 199 مليون دى تبنى ليك فيلا فى أجدعها حتة،،
!!!!!! ياريت ياريت ياريت !!!!!!! |
أنا ما فى السوق،
لكن بنيت كلامى دة على حقائق كالاتى:
واحد زميلنا نوى على البناء،
رسم الخرطة و أستشار الاولاد و ..... كلو،
وصل لمرحلة تصديق الخرطة و أستشار شركة إستشارية (أو مقاولات) فى التكلفة،
الاساسى إنو رسم الخرطة على أرضى و 3 طوابق،
و النية إنو يقفل الارضى فقط و يسكن،
و الباقى على الله،،
أها، الشركة المستشارة قدرت ليه التكلفة بتاعة الاساس + سكليتون أرضى فقط = 100 مليون،
طبعا، لا يخفى على الجميع إنو الشركة زى ما ذكرت قبيل يا هشام بتكون أضافت مارجن بتاع ربح لا يستهان به،
أنا من هنا،
قدرت الاتى:
أساس + تقفيل أرضى = 199 مليون،،
و أفتكر، إحنا دايرين أرخص،،،،
رأيك شنو؟؟؟
|
Post: #77
Title: Re: مهندسيننا.. ناس السوق.. إيه اخر أخبار البناء؟؟
Author: صلاح ليون
Date: 01-14-2009, 03:45 PM
Parent: #76
يا هالة بعد كلامك ده
قدرت افكك واحلل جملة هشام !!ياريت يا ريت يا ريت!!
بس ما حبيت افرد بوست خاص بالتفكيك زي جماعة المنبر
هشام مجذوب قصدو ياريت لو الزول عندو 199 مليون ..
ويا هشام تاني ما تزيدنا حيرة نحنا ما ناقصين..
تعال بالواضح كده واقعد يوم قعدة وورينا تقريبا
القطعة (نقطة الانطلاق) تكون وين والتقدير الباقي
للمقدم وكم سنة كده الموضوع ده بينضج ........
|
Post: #78
Title: Re: مهندسيننا.. ناس السوق.. إيه اخر أخبار البناء؟؟
Author: Hisham Magzoub
Date: 01-14-2009, 08:46 PM
Parent: #1
ليون
Quote: دي اغنية ترباس ولا لو زول هسه جه وعندو
199 مليون في جيبو ومشى جاب مقاول ومشى
مدينة النخيل بتاعة هالة ونزل سيخ واسمنت
ما بيقدر يبني ولا شنو ؟؟؟؟؟؟؟؟؟؟؟؟؟؟؟ |
طبعا" ممكن لكن بمواصفات معينه
يعنى ممكن لود بيرينق مع اساسات من الميانى مع تشطيب بدرجه معينه
ساره وتهانى
Quote: في رسالة ليكم من دكتورة تهاني ...
بتقول ليكم عندكم لحدي نهاية 2009 إذا ما سكنتوها
في بيت ملك لا بينها لا بينكم... إتصرفوا
وما على الرسول إلا البلاغ.. |
تفالو خيرا" تجدوه
من حق اى واحد ان يطمح
لكن الشغلانه دايره انكرابه
هاله
| Quote: أها، الشركة المستشارة قدرت ليه التكلفة بتاعة الاساس + سكليتون أرضى فقط = 100 مليون، |
ما ورتينا المساحه قدر كيف
انا حاديكم تقدير جزافى لى اسكلتون
المتر المربع بتاع اسكيلتون للطابق الارضى ويشمل الاساسات حوالى 550 الى 650 جنيه بالجديد (الرينج يعتمد على حجم الاساسات)
افتكر يا هاله بالمنطق دا ال 100 مليون بتاعتك دى بتعمل مساحه بين 150 م2 الى 180م2
Quote: هشام مجذوب قصدو ياريت لو الزول عندو 199 مليون ..
ويا هشام تاني ما تزيدنا حيرة نحنا ما ناقصين..
تعال بالواضح كده واقعد يوم قعدة وورينا تقريبا
القطعة (نقطة الانطلاق) تكون وين والتقدير الباقي
للمقدم وكم سنة كده الموضوع ده بينضج ........ |
ياريت اقتبستها من الاغنيه الترباسيه للدلاله على استحالة البناء بالخرصانه المسلحه مع التشطيب بهذه القيمه
|
Post: #79
Title: Re: مهندسيننا.. ناس السوق.. إيه اخر أخبار البناء؟؟
Author: Hala Hassan
Date: 01-15-2009, 07:38 AM
Parent: #1
هشام،
شكرا لتقدير التكلفة أدناه،،
Quote: ما ورتينا المساحه قدر كيف
انا حاديكم تقدير جزافى لى اسكلتون
المتر المربع بتاع اسكيلتون للطابق الارضى ويشمل الاساسات حوالى 550 الى 650 جنيه بالجديد (الرينج يعتمد على حجم الاساسات)
افتكر يا هاله بالمنطق دا ال 100 مليون بتاعتك دى بتعمل مساحه بين 150 م2 الى 180م2 |
أنا فعلا ما عندى علم بالمساحة،
لكن ما بتكون أكتر من كدة كتير،،،
لكن إنت ما وريتنا الاساسات دى تشمل كام طابق؟؟
و فى رأيك،
كيف ممكن نقلل التكلفة المهولة دة؟؟
يعنى ما قادرة أفهم،
مافى أى إحتمال لتغيير نظرية،
نوعية البناء التقليدى المعروف فى السودان؟؟؟؟
وبرضو،
لدراسة مشروع الليون الاخير،
نرجو تحديد منطقة معينة لتقدير سعر الارض،
و من ثم تقدير تكلفة البناء ليشمل 10 مشاركين...
أتصور،
البناء ح يكون أرضى + (4 -5) طوابق،
+ سعر الارض،،،،
أدينا المفيد (بالتقريب) يا هشام،،،
|
Post: #80
Title: Re: مهندسيننا.. ناس السوق.. إيه اخر أخبار البناء؟؟
Author: صلاح ليون
Date: 01-15-2009, 08:26 AM
Parent: #79
الاستاذة هالة والباشمهندس هشام تحدثت بالامس إلى كل من محمد كرار
معانا هنا في الدوحة ولوي نمر من عندكم يا هشام ، ومبدئياً ايدو الفكرة
وحتى لوي كلمني عن انو المشروع تم تنفيذه قبل كده بواسطة خالد محجوب
وزمرة من دفعتكم يا هشام وفي مدى زمني قصير، يعني إنشاء الله بنتموا
السوال ياهشام الملح بتاعي المبلغ 199 مليون على اقساط و167 كاش هل
هو مبلغ خيالي ولا ناس الشركة بتاعة الانشاءات حقت عبد الرحيم حمدي
دي احتمال تكون خسرانة أو ربحانة لهيا مبلغ مش ولا بد
لانو 167 مليون كاش × 12 شقة × 4 طوابق (48 شقة) = 8 مليار جنيه سوداني
وال 120 م2 × 12 شقة (المساحة الكلية للبناء ) = 1440 م2 = 1600 بالمنافع
ولو قسمنا 8000000000 (8مليار جنيه) ÷ 1600 م2 = 500000 (500 مليون للمتر المربع)
ولو قلنا عندنا 3 طوابق يعني نقسم ال 500 مليون على 3 يطلع معانا 166 مليون
وهذا يا هشام يعني انو الناس ديل في المتر الواحد بيضربو 66 مليون لوطلعنا مية البنا
طيب ما احسن نبني برانا يازول
|
Post: #81
Title: Re: مهندسيننا.. ناس السوق.. إيه اخر أخبار البناء؟؟
Author: Hala Hassan
Date: 01-15-2009, 08:43 AM
Parent: #80
Quote: وهذا يا هشام يعني انو الناس ديل في المتر الواحد بيضربو 66 مليون لوطلعنا مية البنا
طيب ما احسن نبني برانا يازول |
بالظبط يا ليون،،
دة الكلام،
تسلم المشروع لاى شركة فى السوق،
تربح فيك 50-75%،
عشان كدة،
دايرين نستفيد بخبرة الشباب،
و أهو الواحد منهم يطلع ليه بشقة و لا كدة،
برضو مكسب......
|
Post: #82
Title: Re: مهندسيننا.. ناس السوق.. إيه اخر أخبار البناء؟؟
Author: عمر عثمان
Date: 01-15-2009, 09:03 AM
Parent: #81
i went to sudan before one month
the cost of one meter square for
the load bearing is 600 thousands
old sudanese pounds
and the skelton will cost 1,2 milion
my friends in sudan like eng.Nader Alsir
building thier homes in load bearing walls which
can be built to three floors
|
Post: #83
Title: Re: مهندسيننا.. ناس السوق.. إيه اخر أخبار البناء؟؟
Author: Hala Hassan
Date: 01-15-2009, 09:58 AM
Parent: #82
عمر عثمان،
شكرا كتير للمرور و الإفادة،
و تقريبا دى نفس الاسعار القالها هشام،،
لكن سؤال للمختصين،
اللود بيرنغ دة بنفع فى حالة العمارة تكون سكن جماعى (شقق)؟؟؟
الليون،
إنت وين الليلة؟؟
|
Post: #84
Title: Re: مهندسيننا.. ناس السوق.. إيه اخر أخبار البناء؟؟
Author: صلاح ليون
Date: 01-15-2009, 10:52 AM
Parent: #83
قاااااعد ياهالة ومتابع
وفي انتظار المختص هشام
على امل انو الجمعة يكون
فاضي لينا شوية ويدينا
جايدلاين
|
Post: #85
Title: Re: مهندسيننا.. ناس السوق.. إيه اخر أخبار البناء؟؟
Author: Hisham Magzoub
Date: 01-15-2009, 12:13 PM
Parent: #1
صلاح وبقية الشباب
Quote: قاااااعد ياهالة ومتابع
وفي انتظار المختص هشام
على امل انو الجمعة يكون
فاضي لينا شوية ويدينا
جايدلاين |
انا الان مشغول شويه لكن انشاء الله حنتناقش فى الموضوع دا معاكم
وانشاء الله اقدر اوفرليكم معلومات مفيده
|
Post: #86
Title: Re: مهندسيننا.. ناس السوق.. إيه اخر أخبار البناء؟؟
Author: Hala Hassan
Date: 01-28-2009, 06:30 AM
Parent: #85
هشام مجذوب،
إنت متفق مع الهكر و لا شنو؟؟؟
ليون،
تعال شوف الصفحة التانية مشت ووووين؟؟؟
فى زول حافظ حاجة يا جماعة؟؟؟
|
Post: #87
Title: Re: مهندسيننا.. ناس السوق.. إيه اخر أخبار البناء؟؟
Author: صلاح ليون
Date: 01-28-2009, 07:24 AM
Parent: #86
راحت في حق الله يا هالة
لكن الهكر لعبها معانا
كويس جاب البوست لغاية
مداخلة هشام البيقول
فيها انتظروني بجيكم
ويا هشام منتظريييين
|
Post: #88
Title: Re: مهندسيننا.. ناس السوق.. إيه اخر أخبار البناء؟؟
Author: Hala Hassan
Date: 02-03-2009, 09:03 AM
Parent: #87
الليون،
الظاهر إنتظارنا ح يطول،،،
|
Post: #89
Title: Re: مهندسيننا.. ناس السوق.. إيه اخر أخبار البناء؟؟
Author: ابراهيم محمد الحسن
Date: 02-03-2009, 09:06 AM
Parent: #88
هالة ،،
حا يطول كتييييييير ،،،
هشام ساب البوست كلو كلو ...
|
Post: #90
Title: Re: مهندسيننا.. ناس السوق.. إيه اخر أخبار البناء؟؟
Author: صلاح ليون
Date: 02-05-2009, 12:04 PM
Parent: #89
الدنيا بنا واحلام
|
Post: #91
Title: Re: مهندسيننا.. ناس السوق.. إيه اخر أخبار البناء؟؟
Author: Hala Hassan
Date: 02-09-2009, 06:25 AM
Parent: #90
الليون و إبراهيم،،
أنا ما نسيت الموضوع،
لكن فى إنتظار الفرج،
(و ليس بالضرورة = فلوس)!!!!!!
|
Post: #92
Title: Re: مهندسيننا.. ناس السوق.. إيه اخر أخبار البناء؟؟
Author: صلاح ليون
Date: 02-09-2009, 06:56 AM
Parent: #91
هالة صباح الخير
وشكرا ليكي على انك متذكرة
وما نسيتي الموضوع ، بس اوع
يكون بتكلمي عن موضوع البنا!!
|
Post: #93
Title: Re: مهندسيننا.. ناس السوق.. إيه اخر أخبار البناء؟؟
Author: صلاح ليون
Date: 02-11-2009, 09:35 AM
Parent: #92
نسبة لإنشغال هشام ود المجذوب (مالك الطابق الأرضي- موقتا)
في عمارتنا البمبية في حينا الراقي (الوادي الأخضر- موقتا)
نرجو من الأخوة المهندسين خارج البوست مد يد العون
والاقتراحات والافكار وبالتحديد التي طبقت من قبل
ومشابهه لمشروعنا الحالي ، نرجو منهم تزويدنا بها
على الإيميل:
[email protected]
والكلام ليكم يا لوي نمر وخالد محجوب وعبد المنعم جحا
|
Post: #94
Title: Re: مهندسيننا.. ناس السوق.. إيه اخر أخبار البناء؟؟
Author: ابراهيم محمد الحسن
Date: 02-11-2009, 09:57 AM
Parent: #93
| Quote: في عمارتنا البمبية |
البمبي ما بناباه ،،
لأنه من مشتقات الأحمر ،،،
بس ،،
نحن عاوزين اللون بصلي ،،
|
Post: #95
Title: Re: مهندسيننا.. ناس السوق.. إيه اخر أخبار البناء؟؟
Author: Hala Hassan
Date: 02-11-2009, 11:43 AM
Parent: #92
Quote: وشكرا ليكي على انك متذكرة
وما نسيتي الموضوع ، بس اوع
يكون بتكلمي عن موضوع البنا!! |
ليون،
هو فى تانى؟؟؟
(وش بتلفت)
|
Post: #96
Title: Re: مهندسيننا.. ناس السوق.. إيه اخر أخبار البناء؟؟
Author: صلاح ليون
Date: 02-11-2009, 12:19 PM
Parent: #95
عقبال ما تتلفتي لي فوق وتحت
تكوني بتشوفي في العمارة حقتنا
قولي آميييننن..
|
Post: #97
Title: Re: مهندسيننا.. ناس السوق.. إيه اخر أخبار البناء؟؟
Author: ابراهيم محمد الحسن
Date: 02-11-2009, 12:28 PM
Parent: #96
آميييييين ،،
Quote: عقبال ما تتلفتي لي فوق وتحت
تكوني بتشوفي في العمارة حقتنا |
هي هالة في الطابق الكم ؟؟
|
Post: #99
Title: Re: مهندسيننا.. ناس السوق.. إيه اخر أخبار البناء؟؟
Author: Hala Hassan
Date: 02-11-2009, 01:56 PM
Parent: #97
نرجو من الأخوة المهندسين خارج البوست مد يد العون
والاقتراحات والافكار وبالتحديد التي طبقت من قبل
ومشابهه لمشروعنا الحالي ، نرجو منهم تزويدنا بها
على الإيميل:
[email protected]
والكلام ليكم يا لوي نمر وخالد محجوب وعبد المنعم جحا
|
Post: #100
Title: Re: مهندسيننا.. ناس السوق.. إيه اخر أخبار البناء؟؟
Author: Hala Hassan
Date: 02-11-2009, 01:58 PM
Parent: #97
هي هالة في الطابق الكم ؟؟
أى طابق يا إبراهيم،
أى طابق،،،
إن شالله الاول......
__________________________________
الإقتباسات ما شغالة معاى،،
عندى إحساس الهكر قاصى لى،
أسالو منى بكرة إن شاء الله،،،،،
|
Post: #98
Title: Re: مهندسيننا.. ناس السوق.. إيه اخر أخبار البناء؟؟
Author: Hala Hassan
Date: 02-11-2009, 01:54 PM
Parent: #96
امييييييين يا رب العالمين،،،،
|
Post: #101
Title: Re: مهندسيننا.. ناس السوق.. إيه اخر أخبار البناء؟؟
Author: صلاح ليون
Date: 02-11-2009, 10:23 PM
Parent: #98
أول استجابة لطلب العون من خارج العضوية
كان من المهندسة آمنة القادمة وبقوة إلى
المنبر .. حيث ارسلت إيميل مفاده الآتي::
Quote: مساء الخير
أنا الليلة اول يوم اقرأ البوست بتاع البنا ...والله يا شباب فكرتكم جميلة وأنا مستعدة اساهم معاكم في التصميم وعمل الخرط والتصور العام لشكل المبني(عندي خبرة ما بطالة في تصميم الشقق السكنية)لكن طبعاً بعد ما تحددوا قطعة الأرض ومتطلباتكم في كل شقة...وبالجد لو شديتو حيلكم شوية الموضوع بتم
|
ونحن من هنا نطالب بأن يكون بوست البنا
من اولوياتك ربنا يسهل وحنبنيهو......
وياهشام مجذوب بي كده بقى ليك شريك في
الطابق بتاعك غايتو كان ما شديت حيلك
معانا يمكن نمسكها المشروع كلو !!!!
ويا هالة استبشري خير
ويا ابراهيم كان عملناها بمبية ولا بصلية
ولا حتى احمر مع اصفر انت قلتا من الاول
ما عايز إلا امدرمان وفي بحري حدك شارع
المزاد يعني بس ادينا دعواتك .....
|
Post: #102
Title: Re: مهندسيننا.. ناس السوق.. إيه اخر أخبار البناء؟؟
Author: ابراهيم محمد الحسن
Date: 02-12-2009, 06:27 AM
Parent: #101
يا ليون ،،
| Quote: يعني بس ادينا دعواتك ..... |
أعتبر دي بمثابة أدينا عرض أكتافك ؟؟؟
(وش مستغرب ،، وبتلفت ،، )
يا سيدي دعواتي لكم ،،،
|
Post: #103
Title: Re: مهندسيننا.. ناس السوق.. إيه اخر أخبار البناء؟؟
Author: صلاح ليون
Date: 02-12-2009, 06:58 AM
Parent: #102
تاني الوش البيتلفت جا
برضو بقول ليك إنشاء الله يتلفت فوق وتحت
ويكون بيشوف عمارتنا ..
بعدين انت قاصد عرض كيبوردك صح ...
يازول العفو ياخي ، ونحنا بس كان
بنتمنى انك تكون ساكن معانا لكن
انت من اولها ابيت وقلت أم در ما بفوتها ..
|
Post: #105
Title: Re: مهندسيننا.. ناس السوق.. إيه اخر أخبار البناء؟؟
Author: sara Eltayeb suliman
Date: 02-12-2009, 01:26 PM
Parent: #103
يا جماعة ابراهيم دا اساسي في التشكيلة (رغم اني ما بحب اللون الاصفر)وبتفق معاه في عشق ام در...لكن يا ابراهيم التغيير كويس برضو...(صحبة سارة)
|
Post: #104
Title: Re: مهندسيننا.. ناس السوق.. إيه اخر أخبار البناء؟؟
Author: Hala Hassan
Date: 02-12-2009, 01:24 PM
Parent: #101
الباشمهندس امنة،
Quote: Quote: مساء الخير
أنا الليلة اول يوم اقرأ البوست بتاع البنا ...والله يا شباب فكرتكم جميلة وأنا مستعدة اساهم معاكم في التصميم وعمل الخرط والتصور العام لشكل المبني(عندي خبرة ما بطالة في تصميم الشقق السكنية)لكن طبعاً بعد ما تحددوا قطعة الأرض ومتطلباتكم في كل شقة...وبالجد لو شديتو حيلكم شوية الموضوع بتم
|
ياخى شكرا ليكى لتفهمك الفكرة أولا،،
و لعرضك الكريم ثانيا،،
طبعا مجرد مشاركتك معانا فى المشروع يجعلك شريكة أساسية،،
الأفكار موجودة زى ما شايفة،
لكن ينقصنا(تبلورها)،،،،
ما عندى خبرة فى مجال الخرط و كدة،
لكن طبعا أعلم،
أن الخرط و التصماميم النهائية يفضل أن تكون على مقياسات معروفة،،،
بس،
بحاول أسأل،
إذا كان مجدى ،
(نبتدى) نعمل تصاميم مبدئية كدة ،
لأنواع مختلفة من الشقق،
و ذلك دون الوقوف على المساحات المتاحة،
و لا لازم الدجاجة قبل البيضة؟؟؟؟
__________________________________
إبراهيم،
ما تزعل ياخى،،
عارفاك داير تسكن معانا محل ما نبقى)،،
و موضوع أم در دة كان جس نبض،
عشان تشوف لو ممكن نأسس هنا،،،،،
|
Post: #106
Title: Re: مهندسيننا.. ناس السوق.. إيه اخر أخبار البناء؟؟
Author: sara Eltayeb suliman
Date: 02-12-2009, 01:42 PM
Parent: #104
مساء الخير
Quote: ياخى شكرا ليكى لتفهمك الفكرة أولا،،
و لعرضك الكريم ثانيا،، |
لا شكر على واجب يا هندسة...
Quote: الأفكار موجودة زى ما شايفة،
لكن ينقصنا(تبلورها)،،،،
ما عندى خبرة فى مجال الخرط و كدة،
لكن طبعا أعلم،
أن الخرط و التصماميم النهائية يفضل أن تكون على مقياسات معروفة،،،
بس،
بحاول أسأل،
إذا كان مجدى ،
(نبتدى) نعمل تصاميم مبدئية كدة ،
لأنواع مختلفة من الشقق،
و ذلك دون الوقوف على المساحات المتاحة،
و لا لازم الدجاجة قبل البيضة؟؟؟؟ |
طبعا ممكن وأنا اليومين دي شغالة لي في حاجة قريبة من كدا ... وممكن كمان ارسل ليكم نماذج لخرط وتشوف المناسب منها وعلى ضوءها تقدرو تحددو القطعة البتحقق رغبتكم ممكن يكون شكلها كيف... بس طبعا التصميم النهايئ بجي بعد تحديد المكان ومساحة القطعة وشكلها
|
Post: #107
Title: Re: مهندسيننا.. ناس السوق.. إيه اخر أخبار البناء؟؟
Author: حمد محمد احمد
Date: 02-12-2009, 07:48 PM
Parent: #106
هالة
قريب سيكون هناك اتصال مثمر معك
ما ناسين الموضوع
المشغوليات ( الاسمنت رخص والشغل بقى كتير )
كل امنيانتنا ان نعمل شي مفيد
فرجاء ما تزعلو مننا
انت براك شايفة الحاصل للحبر شنو
|
Post: #108
Title: Re: مهندسيننا.. ناس السوق.. إيه اخر أخبار البناء؟؟
Author: صلاح ليون
Date: 02-13-2009, 08:42 AM
Parent: #107
هالة بعد ده نحنا سالئنك انتي عن الحاجتين ديل:
Quote: وممكن كمان ارسل ليكم نماذج لخرط وتشوف المناسب منها
وعلى ضوءها تقدرو تحددو القطعة البتحقق رغبتكم ممكن يكون شكلها كيف |
Quote: هالة
قريب سيكون هناك اتصال مثمر معك
ما ناسين الموضوع
المشغوليات ( الاسمنت رخص والشغل بقى كتير )
|
|
Post: #109
Title: Re: مهندسيننا.. ناس السوق.. إيه اخر أخبار البناء؟؟
Author: Hala Hassan
Date: 02-15-2009, 06:44 AM
Parent: #108
الإخوة الأعزاء،
امنة،
حمد،
صلاح،
و طبعا ما ننسى واسطة الخير سارة،،
سلام كتير،
أولا،
امنة،
شكرا تناى على الروح الطيبة،
و منتظرين منك (أفكار) حلوة،،،
حمد،
الأسمنت رخص،
السيخ كيف؟؟
طيب ننتظره يغلى تانى؟؟
(وش بضحك)،
غايتو الله معاكم،،
الليون،
كلنا مسئولين من الحاجتين ديل،
كلنا،،،
و أنا معتمدةعليك تدفر لينا البوست دة، طبعا،،،
|
Post: #110
Title: Re: مهندسيننا.. ناس السوق.. إيه اخر أخبار البناء؟؟
Author: صلاح ليون
Date: 02-17-2009, 09:20 AM
Parent: #109
Quote: الليون،
كلنا مسئولين من الحاجتين ديل،
كلنا،،،
و أنا معتمدةعليك تدفر لينا البوست دة، طبعا،،، |
البوست دفرتو هينة ..
اها ما وصلتك رسومات
ولا ضربو ليكي حتى ..
|
Post: #111
Title: Re: مهندسيننا.. ناس السوق.. إيه اخر أخبار البناء؟؟
Author: sara Eltayeb suliman
Date: 02-18-2009, 01:29 PM
Parent: #110
Quote: البوست دفرتو هينة ..
اها ما وصلتك رسومات
ولا ضربو ليكي حتى .. |
صلاح الرسومات بتصل هالة الاسبوع الجاي أن شاءالله...
|
Post: #112
Title: Re: مهندسيننا.. ناس السوق.. إيه اخر أخبار البناء؟؟
Author: صلاح ليون
Date: 02-18-2009, 02:32 PM
Parent: #111
شكرا ليكي وعقبال ما تجيبها
معاكي عدييل كده إنشاء الله
|
Post: #113
Title: Re: مهندسيننا.. ناس السوق.. إيه اخر أخبار البناء؟؟
Author: صلاح ليون
Date: 02-21-2009, 11:06 AM
Parent: #112
هالة .. الجديد شنو
ترقبوا ..
عروض جديدة في منطقة الياسمين
المكان والاسعار والمواصفات بعد
ما ننجض الموضوع ، والعندو فكرة
عن المنطقة دي وهي بعد تفتيش
سوبا ياريت ينورنا ...
|
Post: #114
Title: Re: مهندسيننا.. ناس السوق.. إيه اخر أخبار البناء؟؟
Author: Hala Hassan
Date: 02-24-2009, 07:50 AM
Parent: #113
| Quote: صلاح الرسومات بتصل هالة الاسبوع الجاي أن شاءالله... |
امنة،
شكرا ليكى،
فى الإنتظار،،،،
الليون،
كمان الباشمهندس حمد إتصل على الاسبوع الماضى
وو عد بتنفيذ الدراسة الاتفقنا عليها كاملة،
(أنواع البناء المختلفة على نموذج موحد، و حساب التكلفة)،،،
و نحن برضو فى الإنتظار،،
أما عن موضوع الياسمين،
للأسف أنا ما عندى معلومات،،
لكن العروض على أرض فضاء،
أم بناء جاهز؟؟؟
|
Post: #115
Title: Re: مهندسيننا.. ناس السوق.. إيه اخر أخبار البناء؟؟
Author: Tahani abdalla Attia
Date: 02-26-2009, 09:05 AM
Parent: #114
Quote: اعلنت شركة مينا المصرية للاستثمار العقارى عن انطلاقة عمليات التسويق لمشروع الياسمين السكنى بمنطقة سوبا بالخرطوم,وقال رئيس الشركة المهندس فتح الله فوزى امس الاول فى الحفل التنويرى الذى اقامته الشركة بهيلتون الخرطوم , ان المشروع يتكون من حوالى 595 فيلا سكنية بمساحات مختلفة وتوجد فيه كافة الخدمات الاساسية من شبكات مياه وكهرباء وهواتف وصرف صحى وخدمات صحية وساحات للترفيه والالعاب.
وذكر ان التكلفة الكلية بلغت 130 مليون دولار وان سعر الفيلا يصل الى حوالى 200 الف دولارفيها مقدم على طريقتين الاولى دفع القسط الاول والذى يتراوح بين 15% الى 25% والباقى على اقساط لمدة تتراوح مابين 3 الى 4 سنوات.
واشار الى ان المشروع شراكة بين الصندوق القومى للتامين الاجتماعى وشركة النيل الازرق للبناء والتشييد وهى شركة سودانية متخصصة فى التطوير العقارى وتساهم فيها العديد من الشركات والمؤسسات فى الشرق الاوسط والتى على راسها شركة مينا للاستثمار العقارى.
واضاف فتح الله ان العمل بدأ الان ومن المتوقع ان ينتهى فى غضون ثلاث سنوات، مشيرا الى ان مجموعة من شركات المقاولات تم الاتفاق معها لتنفيذ العمل،وقال ان شركة مينا نفذت حوالى 120 مشروعا سكنيا فى القاهرة والاسكندرية ولبنان.
من جانب اخرقالت سلوى الشيبانى مديرة شركة المواهب للعقارات التى تقوم بالتسويق ان عمليات تسويق وبيع المشروع بدأت ووجدت اقبالا كبيرا، واشارت الى ان عمليات تنفيذ المشروع ستسخدم فيها احدث التكنولوجيا حتى يتم التسليم فى الوقت المحدد. كما اشارت الى ان لديهم خطط تنموية طموحة للعمل بالسودان فى مناطق الساحل الشرقى والجنوب،مضيفة ان السودان يشهد طفرة اقتصادية تحتاج الى مثل هذه المشاريع سيما ان بنوكا عديدة اصبحت تعمل فى مجال العقار.
|
|
Post: #116
Title: Re: مهندسيننا.. ناس السوق.. إيه اخر أخبار البناء؟؟
Author: طارق الكوتش
Date: 03-23-2009, 10:27 AM
Parent: #115
اليون بعد العرس >
عشه ضغيره كفايه علينا
|
Post: #117
Title: Re: مهندسيننا.. ناس السوق.. إيه اخر أخبار البناء؟؟
Author: Hala Hassan
Date: 04-12-2009, 10:04 AM
Parent: #116
الليون، إبراهيم، سارة ،تهانى، الكوتش،
الجـــــــــــمــــــــــيـــــــع،،،،
أنا جييييت،
و معايا معلومات كتيرة كتيرة،،،،
كونوا معنا،،،،،،،،،،،،
|
Post: #118
Title: Re: مهندسيننا.. ناس السوق.. إيه اخر أخبار البناء؟؟
Author: Hala Hassan
Date: 04-12-2009, 10:09 AM
Parent: #116
سلام تانى،
أنا جيت و معاى معلومات كتيرة مفيدة،،
ساعدونا بالصفقة يا جماعة،،،،
_________________________________
يا جماعة المداخلات دى بتمشى وووين؟؟؟؟
|
Post: #119
Title: Re: مهندسيننا.. ناس السوق.. إيه اخر أخبار البناء؟؟
Author: ابراهيم محمد الحسن
Date: 04-12-2009, 10:24 AM
Parent: #118
أها ،،
يلا ،،
سريع ،، سريع ،،
عاوزين نبني ،،
خصوصا أنا الأيام دي عند دهب أسيل ،،
ألحق أعمل بيه حاجة ،،
قبل الكوشت وولده ما يستولو عليه ،،
|
Post: #121
Title: Re: مهندسيننا.. ناس السوق.. إيه اخر أخبار البناء؟؟
Author: Hala Hassan
Date: 04-12-2009, 10:56 AM
Parent: #119
Quote: خصوصا أنا الأيام دي عند دهب أسيل ،،
ألحق أعمل بيه حاجة ،، |
:D :D :D
ماشاء الله،
سميتوها أسيل برضو؟؟؟
زى بنت ناس هبة أختى،،،
الله يخليهم و يحفظهم يا رب،،
| Quote: قبل الكوشت وولده ما يستولو عليه ،، |
خلى بالك الجماعة ديل بكونوا سمعوا بالموضوع و داخلين على طمع،،،
:D :D :D
|
Post: #120
Title: Re: مهندسيننا.. ناس السوق.. إيه اخر أخبار البناء؟؟
Author: Hala Hassan
Date: 04-12-2009, 10:48 AM
Parent: #118
أولا:
فى خرط ح ننزلها هنا (بمساعدة إبراهيم)،،،
تكرم و جابها لينا الباشمهندس حمد،
الفكرة إننا نثبت مساحة معينة ،
و نطبق عليها نماذج بناء مختلفة،،
الباشمهندس حمد،
إنت عليك توزيع المهام،،،
|
Post: #122
Title: Re: مهندسيننا.. ناس السوق.. إيه اخر أخبار البناء؟؟
Author: ابراهيم محمد الحسن
Date: 04-12-2009, 11:31 AM
Parent: #120
هالة ،،
Quote: ماشاء الله،
سميتوها أسيل برضو؟؟؟
زى بنت ناس هبة أختى،،، |
أييييق ،،
قديمة جنس قُدم ،،،
اتكلمنا عن الإسم ،،
وإنه ذي بنت ناس هبة كزن ،،
وبنت سوسن آدم ،،،
(كهربجية ساكت ،،،)
| Quote: خلى بالك الجماعة ديل بكونوا سمعوا بالموضوع و داخلين على طمع،،، |
دي حالتها هالة لسة ما قرت تداعيات دهب أسيل ،،،
هالة ،،
بالجد محتاجة تفضي شوية وتتابعي الفاتك برواقة ،،
بس ،،
ما تتطولي ،،،
|
Post: #123
Title: Re: مهندسيننا.. ناس السوق.. إيه اخر أخبار البناء؟؟
Author: ابراهيم محمد الحسن
Date: 04-12-2009, 11:56 AM
Parent: #122
Quote: فى خرط ح ننزلها هنا (بمساعدة إبراهيم)،،،
تكرم و جابها لينا الباشمهندس حمد، |
وهنا الخرط :
نموذج (1) :
|
Post: #124
Title: Re: مهندسيننا.. ناس السوق.. إيه اخر أخبار البناء؟؟
Author: ابراهيم محمد الحسن
Date: 04-12-2009, 11:59 AM
Parent: #123
نموذج (2):
|
Post: #126
Title: Re: مهندسيننا.. ناس السوق.. إيه اخر أخبار البناء؟؟
Author: Hala Hassan
Date: 04-12-2009, 12:15 PM
Parent: #124
إبراهيم،
مشكور جد على الهمة العالية،
ماشاء الله،،،
فى ورق برضو بيخص الموضوع التانى،
الا و هو مجهودات إتحاد عام المهندسين السودانيين،
(أرض + بناء) أو شقق سكنية،
و دة للناس الما بقدروا يتحملو البناء،،،
بس أعمل ليهو إسكاننج،،،
__________________________________
ياللا يا جماعة إيدكم معانا،،،
|
Post: #125
Title: Re: مهندسيننا.. ناس السوق.. إيه اخر أخبار البناء؟؟
Author: Hala Hassan
Date: 04-12-2009, 12:11 PM
Parent: #122
Quote: أييييق ،،
قديمة جنس قُدم ،،،
اتكلمنا عن الإسم ،،
وإنه ذي بنت ناس هبة كزن ،،
وبنت سوسن آدم ،،،
(كهربجية ساكت ،،،) |
كان كدة،
أنا فعلا أتلومت،،،،
| Quote: دي حالتها هالة لسة ما قرت تداعيات دهب أسيل ،،، |
قلت لى فيها تداعيات؟؟؟
ما إنت الحق عليك،
ما أديتنى الملخص،،،،
ياللا أدينا الصفحة قوام،،
على وزن النكتة،،
Quote: حصري من وزارة التربية و التعليم ....
هذه بعض أجوبة الطلاب الحقيقية في الاختبارات
(الله يخلف بس)
V
V
V
V
سؤال : لماذا تشرق الشمس في ابوظبي قبل دبي
الجواب : لأن ابوظبي عاصمة الإمارات
....ممكن
سؤال : عرف البراكين
الجواب : هي مثل الزلزال بس بنار سائلة
انظر الكتاب الصورة في صفحة 104
..بطل.. حافظ الصفحة |
|
Post: #127
Title: Re: مهندسيننا.. ناس السوق.. إيه اخر أخبار البناء؟؟
Author: ابراهيم محمد الحسن
Date: 04-12-2009, 12:22 PM
Parent: #125
Quote: فى ورق برضو بيخص الموضوع التانى،
الا و هو مجهودات إتحاد عام المهندسين السودانيين،
(أرض + بناء) أو شقق سكنية،
و دة للناس الما بقدروا يتحملو البناء،،،
بس أعمل ليهو إسكاننج،،، |
سريع ،، سريع ،،،
|
Post: #128
Title: Re: مهندسيننا.. ناس السوق.. إيه اخر أخبار البناء؟؟
Author: sara Eltayeb suliman
Date: 04-12-2009, 05:11 PM
Parent: #127
العزيزة هالة,,,
Quote: الليون، إبراهيم، سارة ،تهانى، الكوتش،
الجـــــــــــمــــــــــيـــــــع،،،،
أنا جييييت،
و معايا معلومات كتيرة كتيرة،،،،
كونوا معنا،،،،،،،،،،،، |
نحنا معاك يا هالة والله إشتقنا لي نشاطك وحيويتك...
المنبر كان نايم...
|
Post: #129
Title: Re: مهندسيننا.. ناس السوق.. إيه اخر أخبار البناء؟؟
Author: طارق الكوتش
Date: 04-12-2009, 08:34 PM
Parent: #128
| Quote: المنبر كان نايم... |
بدأت عمليات التأثير على الشهود
_________
هاله ازيك مشتاقين
وحمدالله على السلامه و المنبر
نور ونظل منتظرنك على الدوام
من اجل
- الازرق
- الفرح
- المواصله
- التوثيق
- البناء
- الحقيقه
- التعارف
- التحاور
|
Post: #130
Title: Re: مهندسيننا.. ناس السوق.. إيه اخر أخبار البناء؟؟
Author: صلاح ليون
Date: 04-13-2009, 06:16 AM
Parent: #129
السلام عليكم
هالة والعودة الحميدة سلامات
شوية خلي الاسكانن وزودينا بالارقام
ومن بعدها منتظرين ناس هشام مجذوب
|
Post: #132
Title: Re: مهندسيننا.. ناس السوق.. إيه اخر أخبار البناء؟؟
Author: Hala Hassan
Date: 04-13-2009, 06:41 AM
Parent: #129
الكوتش،
شكرا على الترحيب الحار،
و ياها المحرينها فيكم،،،
وووووووو،
Quote: من اجل
- الازرق
- الفرح
- المواصله
- التوثيق
- البناء |
دة كلووو عرفناه،،
لكن دة،،،
Quote: - الحقيقه
- التعارف
- التحاور |
حق شنو؟؟؟؟*
___________________________
* طبعا الهندسة لا تعنى ضرورة الفهم للثلاثة خيارات الاخيرة،،،
ولا شنو؟؟؟
|
Post: #131
Title: Re: مهندسيننا.. ناس السوق.. إيه اخر أخبار البناء؟؟
Author: Hala Hassan
Date: 04-13-2009, 06:25 AM
Parent: #128
العزيزة سرورة،
الشوق بالاكتر طبعا،،
لكن حكاية المنبر كان نايم دى ...... مجاملات،،
لانو ماشاء الله،
إنت و الوجوه الجديدة*** عاملين الواجب بزيادة،،،،
ياللا خليكم معانا،،
____________________________________
***
الوجوه الجديدة دى بس لغاية ما أعرف التفاصيل و أتعرف عليهم (نفر نفر)،،،
|
Post: #133
Title: Re: مهندسيننا.. ناس السوق.. إيه اخر أخبار البناء؟؟
Author: ابراهيم محمد الحسن
Date: 04-13-2009, 07:16 AM
Parent: #131
يا كوشت ،،
| Quote: بدأت عمليات التأثير على الشهود |
فعلا ،،
يبدو أنها محاولة ،،
رغم إنه الشهود رموها (ربْ)
وحسم القضية ،،،
|
Post: #134
Title: Re: مهندسيننا.. ناس السوق.. إيه اخر أخبار البناء؟؟
Author: ابراهيم محمد الحسن
Date: 04-13-2009, 07:21 AM
Parent: #133
ليون العريس ،،
ليك وحشة ياخ ،،،
يا راجل بتهون ،، ما تشيل هم ،،،
| Quote: شوية خلي الاسكانن وزودينا بالارقام |
هالة ،،
الأرقام مهمة ،،
عشان الليون يحسم الخيار ،،
يدخل في الموضوع ،،
ولا يواصل في طرح ال (عشة صغيرة) ،،،،،،
|
Post: #135
Title: Re: مهندسيننا.. ناس السوق.. إيه اخر أخبار البناء؟؟
Author: Hala Hassan
Date: 04-13-2009, 08:03 AM
Parent: #134
الليون،
سلام (تانى)،
لأنو بعد ما كتبت المداخلة (مشت) و أبت ترجع،،،
المهم،
شكرا كتير على الترحيبات،
و إنشاء الله المرة دى بنطلع بحاجة من الخيارات المطروحة،،
| Quote: شوية خلي الاسكانن وزودينا بالارقام |
حاااضر،،
و لو إنو أسهل نعمل سكانينج عشان نغطى كل المعلومة،
لكن نديكم نبذة،،،
بس الأهم،
(هى) دايرة تسكن وين،
عشان الخيارات كتيرة،،،
| Quote: ومن بعدها منتظرين ناس هشام مجذوب |
يعنى لسه فى أمل؟؟ http://www.sudaneseonline.com/db/attention/100_Balloons.gif
إبراهيم،
Quote: الأرقام مهمة ،،
عشان الليون يحسم الخيار |
أنا والله ما مابية ما مابية،،،
دقايق و بجيك راجعة،،،
|
Post: #136
Title: Re: مهندسيننا.. ناس السوق.. إيه اخر أخبار البناء؟؟
Author: صلاح ليون
Date: 04-13-2009, 08:32 AM
Parent: #135
Quote: بس الأهم،
(هى) دايرة تسكن وين،
عشان الخيارات كتيرة،،، |
ادينا شايلين الصبر
هي شايفة اي محل اسكن فيهو انا حيكون مناسب ليها...
|
Post: #137
Title: Re: مهندسيننا.. ناس السوق.. إيه اخر أخبار البناء؟؟
Author: Hisham Magzoub
Date: 04-13-2009, 08:44 AM
Parent: #136
ليون
| Quote: هي شايفة اي محل اسكن فيهو انا حيكون مناسب ليها... |
دا كلام هب ساكت
تبارى لى ناس هاله وتهانى الا يسكنوك فى البطانه
والبت دى بت مغتربين
واهلها امنوك ليها
وعمرها كله ما بتكون مرقت على الضهارى
حقو تكون واضح وتوريها الخريطه بتاعة العاصمه
|
Post: #138
Title: Re: مهندسيننا.. ناس السوق.. إيه اخر أخبار البناء؟؟
Author: ابراهيم محمد الحسن
Date: 04-13-2009, 08:53 AM
Parent: #137
الليون ،،،
| Quote: هي شايفة اي محل اسكن فيهو انا حيكون مناسب ليها.. |
شايفك إتمكنت ،،،
إذن هي نظرية الكوشت ،،
(عشة صغيرة ،،، كفاية علينا ،،،،)
هشام ،،
ياخي بطل مشاكل ،،
الجماعة مراقبين المنبر ،،،،،
|
Post: #139
Title: Re: مهندسيننا.. ناس السوق.. إيه اخر أخبار البناء؟؟
Author: Tahani abdalla Attia
Date: 04-13-2009, 10:26 AM
Parent: #138
Quote: دا كلام هب ساكت
تبارى لى ناس هاله وتهانى الا يسكنوك فى البطانه
والبت دى بت مغتربين
واهلها امنوك ليها
وعمرها كله ما بتكون مرقت على الضهارى
حقو تكون واضح وتوريها الخريطه بتاعة العاصمه |
هم هم هم هم ...
إنت يا ود دامر المجذوب مافي زول يديك سر أبدا
عموما أنا اشتريت حتة أرض في مدينة النسيم السكنية
مالها عيبها لي يا باشمهندس
و بدعو أي زول حالتو زي حالتي يجي يشتري معاي
الدفع بالأقساط المريييييييييييييييحة
|
Post: #140
Title: Re: مهندسيننا.. ناس السوق.. إيه اخر أخبار البناء؟؟
Author: ابراهيم محمد الحسن
Date: 04-13-2009, 11:05 AM
Parent: #139
تهاني البير ،،،
نورتِ ،،
والله الواحد بالجد بيكون سعيد لما يلقى الناس كلها بتظهر ،،
| Quote: عموما أنا اشتريت حتة أرض في مدينة النسيم السكنية |
تعرفو ،،
أنا ساكن في حي إسمه (حي النسيم) ،،
بالله شفتو بيرشيب ذي ده ،،،
لكن ،،
شنو يا بير ،،
مش كنا عاوزين نجيبكم قريب جنب البراحة ،،
مالكم بعدتو كده ،،،
__________
تحت تحت ،،،
قلت لي الأقساط مريحة ؟؟؟؟
|
Post: #141
Title: Re: مهندسيننا.. ناس السوق.. إيه اخر أخبار البناء؟؟
Author: ابراهيم محمد الحسن
Date: 04-13-2009, 11:13 AM
Parent: #140
أنا طبعاً ناس مدينة النسيم ،،
و الوادي الأخضر بتاع الليون ،،
مستبعدهم شديد (ولو إلى حين ،،)
لكن ،،
ما معروف ،،
يمكن أسيل ينفعوا معاها ،،،،
إنتِ يا بير ،،
قلتِ لي القطعة حا تكتبيها بإسم محمد ولا أحمد ؟؟؟
عشان نركز جهودنا ....
(وش الكوشت زاتو ،،،)
__________
طبعا البير ما فاهمة حاجة ،،،
عشان ما ذاكرت المنبر لسة ،،،
|
Post: #142
Title: Re: مهندسيننا.. ناس السوق.. إيه اخر أخبار البناء؟؟
Author: حمد محمد احمد
Date: 04-13-2009, 03:14 PM
Parent: #141
السلام عليكم
اولا مبروك يا دكتورة القطعة
ناس الليون عاوزين ارقام
نحن عندنا نموذجين حا نشتغل عليهم
بس نقسم المهام على الناس لسرعة الانجاز والمشاركة
مثلا عاوزين تكلفة نهائية بدون الدخول في تفاصيل الارقام
لكن المواصفات مطلوبة
مثلا هشام مجذوب يشتغل حسابات قواعد واعمدة وفلات اسلاب
مع التقفيل والتشطيب كاملا مع ذكر نوع البلاط ونوع اللمبات
ونوع مواد السباكة والشبابيك
تفاصيل واضحة
وانا اشتغل لود بيرنق السقوفات عقد ليبي
مع ذكر التفاصيل اعلاه
وصلاح مختار اعمدة وقواعد والسقف اسلاب وبيم
وعمر الحبر لود بيرنق وسقف اسلاب وبيم مع ذكر التفاصيل
ونحاول نجيب ارقام للبري فاب
عشان الخيارات تكون متوفرة للجميع
اشكرك هالة
اشكرك ابراهيم
يلا يا ناس مدنية نبدا
لو الدايمنشن ما واضحة الاصول معي ممكن اصورها وادي كل واحد نسخة
من اجل
الهندسة
البناء
تشجيع الناس على البناء وصرف الدهب
|
Post: #143
Title: Re: مهندسيننا.. ناس السوق.. إيه اخر أخبار البناء؟؟
Author: طارق الكوتش
Date: 04-13-2009, 09:05 PM
Parent: #142
ياريت التصاميم تضع اعتبار للدكان الناصيه
|
Post: #144
Title: Re: مهندسيننا.. ناس السوق.. إيه اخر أخبار البناء؟؟
Author: طارق الكوتش
Date: 04-13-2009, 09:12 PM
Parent: #142
حمد
| Quote: تشجيع الناس على البناء وصرف الدهب |
الا دهب سى سى بت ابراهيم محمد الحسن لانه امانه
بعدين الامانه يجب ان ترد الى اصحابها
واصحابها ديل ركبوا الطريق و قاعدين فى جده ليهم اسبوع
والناس بتتهرب > نرفع لينا قضيه تانيه ؟
حمد بالجد بالجد نحن معاكم بس ابعدونى من اللون اياه
التوقيع
ابو احمد ( توتو ) > المسلوب حقوقو وحقوق ابنائه
|
Post: #145
Title: Re: مهندسيننا.. ناس السوق.. إيه اخر أخبار البناء؟؟
Author: ابراهيم محمد الحسن
Date: 04-14-2009, 06:47 AM
Parent: #144
حمد ،،،
| Quote: تشجيع الناس على البناء وصرف الدهب |
بنصرفوا تب ،،،
قلت لي الحلقين والسلسل والثلاثة غوائش بتبني لي ،، صاح ؟..
ومتوقعين المزيد ،،،
حمد ،،
الحبر ،،
صلاح مختار ،،
هشام ،،،
وكل ناس مدنية ،،
منتظرنكم ،،
|
Post: #146
Title: Re: مهندسيننا.. ناس السوق.. إيه اخر أخبار البناء؟؟
Author: ابراهيم محمد الحسن
Date: 04-14-2009, 07:20 AM
Parent: #145
هالة ،،،
في إنتظار المعلومات ،،،
|
Post: #148
Title: Re: مهندسيننا.. ناس السوق.. إيه اخر أخبار البناء؟؟
Author: Hala Hassan
Date: 04-14-2009, 07:36 AM
Parent: #146
يا إبراهيم،
أستلمت؟؟؟
طبعا يا جماعة،
الاراضى و الشقق الحينزلها إبراهيم هنا دى،
يمكن تناسب ناس لظروف خاصة،
بس ما تنسوا إحنا برضو عندنا حلمنا،
إننا نبنى بمواصفاتنا،،
يعنى المشروع القائم
ما ننســــــــــــاهــــــــــــو،،،
|
Post: #147
Title: Re: مهندسيننا.. ناس السوق.. إيه اخر أخبار البناء؟؟
Author: Hala Hassan
Date: 04-14-2009, 07:29 AM
Parent: #145
سلام يا جماعة،
نرد الاول على هشام ود مجذوب،
و طبعا ما فى خوف على تهانى أخدت حقهاكامل،،
و بالمناسبة دى،
مبروك الارض يا صاحبتى،،،،
إنشالله بالزيادة،،،
Quote: تبارى لى ناس هاله وتهانى الا يسكنوك فى البطانه
والبت دى بت مغتربين
واهلها امنوك ليها
وعمرها كله ما بتكون مرقت على الضهارى |
يعنى يا هشام مجذوب هالة دى شايفها اليوم كله راكبة اللوارى و حايمة من فريق لفريق،
طيب إيه رأيك ؟
كنت أتمنى أكون مثقفة فى جغرافية البلد أكتر من كدة،
لكن أنا خايفة بنات المغتربين ديل يكونوا مثقفين هنا أكتر منى،،،
أحيييى أنا،
لو ما بس إحترامالناس البطانة،
كنت أقول ليك،
هى البطانة ذاااتها بوين؟؟؟؟
__________________________
ياخوانا،
ما قلنا ليكم أدونا الصفحة بتاعة دهب أسيل
و الحجوزات التمت لحدى الان عشان نتابع معاكم،
إبراهيم،
ما تنسى إحنا برضو ممكن ننافس ( و لينا الأفضلية)،،،
|
Post: #149
Title: Re: مهندسيننا.. ناس السوق.. إيه اخر أخبار البناء؟؟
Author: Hala Hassan
Date: 04-14-2009, 07:43 AM
Parent: #147
أما عن الباشمهندس حمد،
جازاه الله عنا كل خير،،،،
دة الكلام........
Quote: مثلا عاوزين تكلفة نهائية بدون الدخول في تفاصيل الارقام
لكن المواصفات مطلوبة |
يعنى توزيع الـ Assignments
كالاتى:
Quote: 1. هشام مجذوب يشتغل حسابات قواعد واعمدة وفلات اسلاب
مع التقفيل والتشطيب كاملا مع ذكر نوع البلاط ونوع اللمبات
ونوع مواد السباكة والشبابيك
تفاصيل واضحة
2. حمد اشتغل لود بيرنق السقوفات عقد ليبي
مع ذكر التفاصيل اعلاه
3. صلاح مختار اعمدة وقواعد والسقف اسلاب وبيم
4. وعمر الحبر لود بيرنق وسقف اسلاب وبيم مع ذكر التفاصيل
5. نحاول نجيب ارقام للبري فاب
عشان الخيارات تكون متوفرة للجميع |
Quote: اشكرك هالة
اشكرك ابراهيم |
الشكر ليك إنت طبعا يا باشمهندس،
و لمجهوداتك العظيمة،،،
(كفاية النية...)
|
Post: #150
Title: Re: مهندسيننا.. ناس السوق.. إيه اخر أخبار البناء؟؟
Author: Hala Hassan
Date: 04-14-2009, 07:47 AM
Parent: #149
فليكن شعار المرحلة،،،
| Quote: يلا يا ناس مدنية نبدا |
_______________________________
إبراهيم،
كوتش،
محتاجين شوية شغل كدة ظريف بخصوص الشعارات دى،،،،،
|
Post: #151
Title: Re: مهندسيننا.. ناس السوق.. إيه اخر أخبار البناء؟؟
Author: ابراهيم محمد الحسن
Date: 04-14-2009, 08:09 AM
Parent: #150
هالة ،،
Quote: يا إبراهيم،
أستلمت؟؟؟ |
إستلمت ،،،
Under Processing
|
Post: #152
Title: Re: مهندسيننا.. ناس السوق.. إيه اخر أخبار البناء؟؟
Author: ابراهيم محمد الحسن
Date: 04-14-2009, 08:33 AM
Parent: #151
|
Post: #153
Title: Re: مهندسيننا.. ناس السوق.. إيه اخر أخبار البناء؟؟
Author: ابراهيم محمد الحسن
Date: 04-14-2009, 08:34 AM
Parent: #152
|
Post: #154
Title: Re: مهندسيننا.. ناس السوق.. إيه اخر أخبار البناء؟؟
Author: ابراهيم محمد الحسن
Date: 04-14-2009, 08:42 AM
Parent: #153
شكرا هالة ،،
يلا يا أصحاب الإختصاص ،،
محتاجين آراءكم ،،
ويا ريت مزيد من التفاصيل ،،
هل بدأ البيع فعلا ،،
وما هي الشروط المطلوبة ،،
|
Post: #155
Title: Re: مهندسيننا.. ناس السوق.. إيه اخر أخبار البناء؟؟
Author: Hala Hassan
Date: 04-14-2009, 09:07 AM
Parent: #154
الف شكر يا إبراهيم،،
Quote: يلا يا أصحاب الإختصاص ،،
محتاجين آراءكم ،،
ويا ريت مزيد من التفاصيل ،،
هل بدأ البيع فعلا ،،
وما هي الشروط المطلوبة ،، |
و ردا على الإستفسارات دى،
مبدئيا أقدر أقول ليك،
إنو أصحاب الإختصاص أفادوا بالاتى:
أولا:
الارض + البناء (مساحات صغيرة فقط) تعتبر الاسعار معقولة جدا،
تانيا:
الشقق السكنية،
يلاحظ أن التشطيب (خارجى) فقط،،
يعتبر السعر (غالى) مقارنة بالأرض،
هذا غير منافع السكن (غير المشترك)،،
و أرجو من الخبراء الإفاضة والتفصيل أيضا،،
|
Post: #156
Title: Re: مهندسيننا.. ناس السوق.. إيه اخر أخبار البناء؟؟
Author: Hala Hassan
Date: 04-14-2009, 09:34 AM
Parent: #155
بالمناسبة برضو،
البيع لم يتم بعد،
فهذه (مجرد) عروض مبدئية من الإخوة القائمين على الامر بأتحاد المهندسين،
لجس النبض،
و معرفة إتجاهات الراغبين،،،
من ميزة هذه العروض (للمستعجلين)،
التسليم (بعد التسجيل و بداية المشروع)،
ح يكون فى فترة وجيزة 6-8 شهور،،
|
Post: #157
Title: Re: مهندسيننا.. ناس السوق.. إيه اخر أخبار البناء؟؟
Author: صلاح مختار
Date: 04-14-2009, 10:42 AM
Parent: #156
شكرا هاله و الجميع,,,,
لدي معلومات من واقع تجربه حقيقيه
و تعميما للفائده يمكن مناقشتها
هنا لمن اراد.
|
Post: #158
Title: Re: مهندسيننا.. ناس السوق.. إيه اخر أخبار البناء؟؟
Author: صلاح ليون
Date: 04-14-2009, 10:49 AM
Parent: #157
سلام شباب/ت
يلا عايزين مزيد من الآراء
وانا قاد القط ليكم صور
من الويكيمابيا عشان نشوف
الحتات الاسمها
بحري نبته
وبحري النسيم
وامدرمان الريحان
والوادي الاخضر
ديل يقعوا وين وجنبهم في شنو يشجع
لانو شكلهم كده بعاااااااااااااد
|
Post: #159
Title: Re: مهندسيننا.. ناس السوق.. إيه اخر أخبار البناء؟؟
Author: ابراهيم محمد الحسن
Date: 04-14-2009, 11:04 AM
Parent: #158
صلاح مختار ،،
Quote: لدي معلومات من واقع تجربه حقيقيه
و تعميما للفائده يمكن مناقشتها
هنا لمن اراد. |
ودي عاوزة سؤال ؟؟؟
كلنا (من أراد) ،،،
خش في الموضوع ،،
سريع ،، سريع
|
Post: #160
Title: Re: مهندسيننا.. ناس السوق.. إيه اخر أخبار البناء؟؟
Author: ابراهيم محمد الحسن
Date: 04-14-2009, 11:06 AM
Parent: #159
صلاح العريس ،،
Quote: وانا قاد القط ليكم صور
من الويكيمابيا عشان نشوف
الحتات ....
ديل يقعوا وين وجنبهم في شنو يشجع |
سريع ،، سريع ،،
وركز لينا على (نبته) ،،
|
Post: #161
Title: Re: مهندسيننا.. ناس السوق.. إيه اخر أخبار البناء؟؟
Author: ابراهيم محمد الحسن
Date: 04-14-2009, 11:47 AM
Parent: #160
في إنتظار المزيد من الآراء
من ذوي الإختصاص ،،
إتصل بي الباشمهندس اليسع عبد المنعم ،،
وأبدى رأيه في العروض المقدمة ،،
عن واقع تجارب شخصية ،،
خصوصا مخطط الريحان (أمدرمان)
ومخطط نبتة (بحري)
اليسع يرى أنه الأسعار معقولة جدا ،،
هو يبني في منطقة قريبة من مخطط الريحان (غرب أمدرمان)
وأخوه إشترى قطعة في مخطط نبتة ،،
|
Post: #162
Title: Re: مهندسيننا.. ناس السوق.. إيه اخر أخبار البناء؟؟
Author: Hala Hassan
Date: 04-14-2009, 11:47 AM
Parent: #160
إبراهيم،
(نبتة) شنو يا راجل؟؟
ما قلنا أم درمان,,,,
رجعنا فى كلامنا؟؟؟
صلاح مختار،
دايرين نسمع،،،
|
Post: #163
Title: Re: مهندسيننا.. ناس السوق.. إيه اخر أخبار البناء؟؟
Author: ابراهيم محمد الحسن
Date: 04-14-2009, 11:51 AM
Parent: #162
Quote: إبراهيم،
(نبتة) شنو يا راجل؟؟
ما قلنا أم درمان,,,,
رجعنا فى كلامنا؟؟؟ |
أفووووووووو
نحن قلنا بحري البتصلها ريحة أمدر،،،
ونبته ما بعيدة (شديد) من أمدر 
عموما ،،
بحري / أمدرمان ،،
بس ،،
الخرطوم ،،
صعبة شوية ........
|
Post: #164
Title: Re: مهندسيننا.. ناس السوق.. إيه اخر أخبار البناء؟؟
Author: طارق الكوتش
Date: 04-14-2009, 08:54 PM
Parent: #163
صلاح مختار
Quote: لدي معلومات من واقع تجربه حقيقيه
و تعميما للفائده يمكن مناقشتها
هنا لمن اراد. |
منتظرين
-----------
يااخوانا انا بعد الغربه و بهدلت السجون
قررت ان اعيش جنب الحيط واختم حياتى وانا تاجر
عشان كده شوفوا لي غرفة ناصيه فى عمارتكم القادمة
التوقيع
بتاع الدكان الناصيه
|
Post: #165
Title: Re: مهندسيننا.. ناس السوق.. إيه اخر أخبار البناء؟؟
Author: صلاح ليون
Date: 04-14-2009, 10:25 PM
Parent: #164
الصورة الأولى لي بحري (شرق النيل)
وهي بتوضح الحتتين (نبته - النسيم)
ولاحظ انك لازم تعدي كل الحاج يوسفات حتى تصل لي النسيم
لكن نبته دي حكاية تانية يعني حتمشي لي فوق لغاية ام ضريوة
بس الكويس انو كل الكلام ده لو لاحظنا يقع قبل قطعة الأرض
المعروضة مني ومن هالة ..
|
Post: #166
Title: Re: مهندسيننا.. ناس السوق.. إيه اخر أخبار البناء؟؟
Author: صلاح ليون
Date: 04-14-2009, 10:40 PM
Parent: #165
الصورة التانية دي حقت الريحانة امدرمان
ودي طبعا بعد ما تشق امبدة لامن تفتر حتى
بتلقاها .. الكويس انو جنبها في مستشى
امبدة الجديد وكمان جاي ماري بيها طريق
الخرطوم - مروي - دنقلا
|
Post: #167
Title: Re: مهندسيننا.. ناس السوق.. إيه اخر أخبار البناء؟؟
Author: sara Eltayeb suliman
Date: 04-14-2009, 11:07 PM
Parent: #166
تحية تشجيع...
تابعوا هذا المجهود...
وربنا يوفقكم...
|
Post: #168
Title: Re: مهندسيننا.. ناس السوق.. إيه اخر أخبار البناء؟؟
Author: Hala Hassan
Date: 04-15-2009, 06:46 AM
Parent: #165
الليون،
ياتو قمر صناعى دة؟؟؟
Quote: بس الكويس انو كل الكلام ده لو لاحظنا يقع قبل قطعة الأرض
المعروضة مني ومن هالة .. |
كدة تسوء سمعتى فى المحافل الدولية؟؟
القطعة حقتنا دى لو ما كان الكوبرى (المقترح)،
أنا ما كنت أخدتها،
و بعدين دى حاجة كدة سايبنها للزمن،
يعنى بعد ما المنطقة تعمر،
و فجاءة كدة تلقاها جوة الخرطوم،
تشوف سعرها ح يكون كم!!!!
| Quote: المعروضة مني ومن هالة |
أها عشان التشهير دة،
أنا سحبت العرض دة،
عاجبك كدة؟؟؟؟
:D :D :D
|
Post: #169
Title: Re: مهندسيننا.. ناس السوق.. إيه اخر أخبار البناء؟؟
Author: صلاح ليون
Date: 04-15-2009, 08:07 AM
Parent: #168
| Quote: و بعدين دى حاجة كدة سايبنها للزمن، |
كلنا والله ياهالة ..
وخلاص هانت .. الكبري قرب .. وبعدها حتكون القطع دي زي الفي نص العاصمة
وبعدين رجعي العرض .. هو نحنا جبناهو بالساهل .. مالك عايزة تهدي البنيناهو..
منتظرين المزيد من المعلومات عن
النسيم.
نبته..
والريحان..
|
Post: #170
Title: Re: مهندسيننا.. ناس السوق.. إيه اخر أخبار البناء؟؟
Author: ابراهيم محمد الحسن
Date: 04-15-2009, 08:54 AM
Parent: #169
Quote: منتظرين المزيد من المعلومات عن
النسيم.
نبته..
والريحان.. |
بالنسبة لنبتة ،،
طبعا المخطط ده تم عرضه وتسويقه قبل فترة بواسطة مصلحة التأمينات الإجتماعية ،،
فلل ،،
ومنازل ،،
وقطع فاضية ،،
وكانت أسعاره مرتفعة جدا حسب ما سمعت ،،
وبعد فترة المشروع نام ،،
والأسعار انخفضت ،،
السبب شنوووو ؟؟؟
ده مربط الفرس ،،
والسؤال الهام المحتاج إجابة ،،،
فمن يملك أي معلومات ،،
بالله يمدنا بيها ،،
من ناحية الأسعار المعروضة ،،
وحسب رأي أكتر من شخص ،،
مناسبة جدا ،،،
نشوف المزيد ،،
|
Post: #171
Title: Re: مهندسيننا.. ناس السوق.. إيه اخر أخبار البناء؟؟
Author: ابراهيم محمد الحسن
Date: 04-15-2009, 11:13 AM
Parent: #170
هشام مجذوب ،،
شنو عامل رايح من البوست ده ،،،
رأيكم يهمنا ،،
وما تخاف ،،
الحقوق محفوظة ،،،
|
Post: #172
Title: Re: مهندسيننا.. ناس السوق.. إيه اخر أخبار البناء؟؟
Author: Hisham Magzoub
Date: 04-15-2009, 01:30 PM
Parent: #171
Quote: هشام مجذوب ،،
شنو عامل رايح من البوست ده ،،،
رأيكم يهمنا ،،
وما تخاف ،،
الحقوق محفوظة ،،، |
اولا" انا ماعندى اى مشكله فى عمل اى خدمه ممكنه
- بالنسبه للمخطط العملو حمد دى حاجه فاخره ومكلفه جدا" وانا حسب فهمى انتو دايرين حاجه اقتصاديه ومتاحه
- بالنسبه لنبته والنسيم دى مناطق غير قابله للسكن فى السبعه سنوات القادمه على الاقل نسبه لقلة اوانعدام العمران
ولذلك ممكن تتعاملوا معاها نظام ارمى لقدام
- مخطط الريحان اول مره اسمع بيه
|
Post: #173
Title: Re: مهندسيننا.. ناس السوق.. إيه اخر أخبار البناء؟؟
Author: ابراهيم محمد الحسن
Date: 04-15-2009, 01:36 PM
Parent: #172
هشام ،،
Quote: بالنسبه لنبته والنسيم دى مناطق غير قابله للسكن فى السبعه سنوات القادمه على الاقل نسبه لقلة اوانعدام العمران
ولذلك ممكن تتعاملوا معاها نظام ارمى لقدام |
إذا كان على السبعة سنوات ،،
بسيطة ،،،
وأهو الواحد يبنيها ،،
قشة ،،،
قشة ،،،
المهم ما تكون في ملاحظات أو مشاكل فنية على المنطقة ،،
خصوصا نبتة ،،
لأنه حكاية التسويق البدأ فيها ،، وفجأة توقف ،،
بصراحة محير ,,,
|
Post: #174
Title: Re: مهندسيننا.. ناس السوق.. إيه اخر أخبار البناء؟؟
Author: علاء الدين محمد بابكر
Date: 04-15-2009, 06:49 PM
Parent: #173
والله رايعيييين..
بس اجيكم بالرواقة
|
Post: #175
Title: Re: مهندسيننا.. ناس السوق.. إيه اخر أخبار البناء؟؟
Author: ابراهيم محمد الحسن
Date: 04-16-2009, 07:39 AM
Parent: #174
حاج علاء الدين ،،
Quote: والله رايعيييين..
بس اجيكم بالرواقة |
ده رايك في نبتة ؟
|
Post: #177
Title: Re: مهندسيننا.. ناس السوق.. إيه اخر أخبار البناء؟؟
Author: Hala Hassan
Date: 04-16-2009, 08:48 AM
Parent: #175
علاء الدين،،
Quote: والله رايعيييين..
بس اجيكم بالرواقة |
و الرواقة جاية متين؟؟؟
|
Post: #176
Title: Re: مهندسيننا.. ناس السوق.. إيه اخر أخبار البناء؟؟
Author: Hala Hassan
Date: 04-16-2009, 08:44 AM
Parent: #174
سلام يا جماعة،،
هشام مجذوب،
الظاهر عليك ما قريت الكلام الفوق،
المخطط البيتكلم عليه حمد دة فاخر ايوة،
بس إحنا دايرين نحسب التكلفة لأنواع البناء المختلفة،
و كل زول حسب قدرته بعد دة،
و إنت ذاااتك عليك Assignment يا استاذ،
أمشى راجع المطلوب،،
بعدين منو القال ليك الناس دايرة تبنى مساكن (شعبية) مثلا؟؟
أكيد البناء لازم يكون محترم،
و برضو التشطيب بعدين،
كل زول و قدرته،،،
|
Post: #178
Title: Re: مهندسيننا.. ناس السوق.. إيه اخر أخبار البناء؟؟
Author: Hisham Magzoub
Date: 04-16-2009, 09:26 AM
Parent: #176
هاله
Quote: بعدين منو القال ليك الناس دايرة تبنى مساكن (شعبية) مثلا؟؟
أكيد البناء لازم يكون محترم،
و برضو التشطيب بعدين،
كل زول و قدرته،،، |
قيمة البيت بتتناسب طرديا" مع مكان القطعه
الكلام دا من ناحيه اقتصاديه
بيت فاخر فى قطعه قليلة القيمه يعنى مردود اقتصادى ضعيف
يعنى ايجاره ما حيكون مربح يعنى بيعه حيكون صعب يعنى قيمة البيت ما حتساوى التكلفه
|
Post: #179
Title: Re: مهندسيننا.. ناس السوق.. إيه اخر أخبار البناء؟؟
Author: ابراهيم محمد الحسن
Date: 04-16-2009, 10:39 AM
Parent: #178
غايتو ناس محبطة بشكل ،،،
|
Post: #180
Title: Re: مهندسيننا.. ناس السوق.. إيه اخر أخبار البناء؟؟
Author: علاء الدين محمد بابكر
Date: 04-17-2009, 05:59 PM
Parent: #179
|
Post: #181
Title: Re: مهندسيننا.. ناس السوق.. إيه اخر أخبار البناء؟؟
Author: علاء الدين محمد بابكر
Date: 04-17-2009, 06:06 PM
Parent: #179
إبراهيم..ومن يسأل عن نبتة:
الصور أعلاه صورتها اليوم الجمعة العصر 17 أبريل 2009
مجمع نبتة أصلا أراضي تتبع للصندوق القومي للتأمين الإجتماعي..
يقوم الصندوق بتخطيط أرض..ثم يقوم برصف الشوارع وتركيب الأعمدة وتوصيل الكهرباء
الريئسية والماء..وبعد ذلك يبيع القطع..
قام الصندوق بالتجربة دي في مزرعة الجامعة امتداد شمبات بعد المركزي..وقد نجحت هناك ه
نجاحا شديدا..في ظرف سنتين تضاعف سعر الأراض ثلاث مرات..
أعاد التجربة مرة أخري في سوبا..وبعدها في نبتة..
نبتة كان بيعها ضعيفا خوفا من روائح تصريف المجاري وأحواض التخمير جنوب المجمع..نواصل
|
Post: #182
Title: Re: مهندسيننا.. ناس السوق.. إيه اخر أخبار البناء؟؟
Author: علاء الدين محمد بابكر
Date: 04-17-2009, 07:02 PM
Parent: #181
انا سابقا كان عندي ذات الرأي بخصوص رائحة المجاري..وكنت
أمر بها من بعيد..اليوم اكتشفت أنها أكبر بكثير مما تخيلت
واذا كان هناك جزء بتأثر برائحة احواض التخمير حيكون فقط الجنوبي الشرقي منها.
نبتة لها مدخل شرقي يتفرع من شارع المعونة شرقا في محطة الكيلو بالحلفايا..مرورا
بالسامراب..ثم أم ضريوة الي نبتة..حوالي خمسة كيلو من شارع المعونة الحلفايا.
السير مزدحم في منطقة سوق السامراب.
المدخل الثاني عن طريق شارع محطة بحري الحرارية المتجه الي الحاج يوسف..يتفرع منه
شارعين ينتهيان بنبتة شمالا.
المنطقة وفقا لما رأيت اليوم تحتاج لزمن حتي تتحول الي مدينة متكاملة مع العلم
انو حاليا في ناس ساكنين..
سمعت ان سعر الأراضي بالتقسيط من الصندوق اربعين مليون..أما سعر السوق فهو 22 مليون..
....
هل ترغبون في المزيد؟؟
|
Post: #183
Title: Re: مهندسيننا.. ناس السوق.. إيه اخر أخبار البناء؟؟
Author: صلاح ليون
Date: 04-17-2009, 09:49 PM
Parent: #182
باشمهندس علاء
يديك العافية ياخي والله افدتنا شديد..
وما عايزين نتعبك ..
لكن سؤالك بتاع هل ترغبون في المزيد ده كان مريح جداً..
..
يصبح نبته دي نخليها جانباً بسبب الروائح
عايزين معلومات عن النسيم (الله يجيبها زي اسمها عشان نشتري ونخلص)
وبتاعة أمدرمان ديك (الريحان) أنا موصي واحد يشوفها وبرضو بنقول
لي صلاح مختار يديها لينا طله ويورينا الراي شنو ..
|
Post: #184
Title: Re: مهندسيننا.. ناس السوق.. إيه اخر أخبار البناء؟؟
Author: ابراهيم محمد الحسن
Date: 04-18-2009, 06:14 AM
Parent: #183
حاج علاء الدين ،،
شكرا جزيلا على المعلومات الوافية ،،،
ونتمنى نسمع المزيد عن باقي المناطق ،،،
|
Post: #185
Title: Re: مهندسيننا.. ناس السوق.. إيه اخر أخبار البناء؟؟
Author: Hala Hassan
Date: 04-19-2009, 07:21 AM
Parent: #184
معلومات مفيدة فعلا و مجهود مقدر من الحاج علاء الدين،
لكل الراغبين بالسكن فى مدينة نبتة،،،
حاج علاء ،
الله يملاك عافية...
دايرين نذكر مرة تانى،
التفتيش عن الارض المناسبة بقدر ما هو مهم،
لازم ما ياخد الواحد من التفكير فى أسلوب البناء المناسب،
فيا ريت يا الليون و إبراهيم و البقية،،
ندفع زيادة فى إتجاه حساب التكلفة للمخططات أعلاه،
جنبا إلى جنب مع البحث عن قطعة الأرض،،،
|
Post: #186
Title: Re: مهندسيننا.. ناس السوق.. إيه اخر أخبار البناء؟؟
Author: Tahani abdalla Attia
Date: 04-19-2009, 10:29 AM
Parent: #185
Quote: - بالنسبه لنبته والنسيم دى مناطق غير قابله للسكن فى السبعه سنوات القادمه على الاقل نسبه لقلة اوانعدام العمران
ولذلك ممكن تتعاملوا معاها نظام ارمى لقدام
|
الله يديك العافية يا هشام و يطمئنك
بعدين السبعة سنة دي قايلها كتيرة
و الله تجري زي الما حصل شئ
إن تبقى في العمر بقية
|
Post: #187
Title: Re: مهندسيننا.. ناس السوق.. إيه اخر أخبار البناء؟؟
Author: Tahani abdalla Attia
Date: 04-19-2009, 10:44 AM
Parent: #186
Quote: نبتة كان بيعها ضعيفا خوفا من روائح تصريف المجاري
وأحواض التخمير جنوب المجمع |
بصراحة أنا (رغم قلة الميزانية) بس اتنورت شديد
و عملت جولة كاملة و سألت خبراء في المجال (هشام مجذوب و حمد محمد أحمد منهم)
و بعد دراسة مستفيضة لقيت أنسب حتة و أأمن حتة حسب الامكانيات المتاحة
وهي مدينة النسيم السكنية
و ما عايزة أشكرها علشان اشتريت فيها
بس واحدة من الأشياء المنعتني أشتري في نبتة هي زي ما قال علاء
رائحة مياه الصرف الصحي (القاتلة)
استبعدت الريحان فهي تقع غرب سوق ليبيا و ؟؟؟
مدينة النخيل و مدينة طيبة بمقياس هشام مجذوب عايزة ثلاثين سنة تاني
مدن الياسمين و الخليل و ...
لم استطع التعرف عليها عن قرب
|
Post: #188
Title: Re: مهندسيننا.. ناس السوق.. إيه اخر أخبار البناء؟؟
Author: Tahani abdalla Attia
Date: 04-19-2009, 10:56 AM
Parent: #187
Quote: تعرفو ،،
أنا ساكن في حي إسمه (حي النسيم) ،،
بالله شفتو بيرشيب ذي ده ،،،
|
يا بير
و الله ده correlation عجيب
و إنت ما تشيل هم
أسيل عروسة أحمد عندهم بيتهم جااااااهز
ما قلنا... البراحة و كده
أما النسيم دي فهي أرمي قدام زي ما قال هشام
|
Post: #189
Title: Re: مهندسيننا.. ناس السوق.. إيه اخر أخبار البناء؟؟
Author: ابراهيم محمد الحسن
Date: 04-19-2009, 11:15 AM
Parent: #188
يا بير ،،
منورة ،،
Quote: مدن الياسمين و الخليل و ...
لم استطع التعرف عليها عن قرب |
من الأفضل عدم التعرف عليها ،،،
وخصوصا الياسمين ،،
ياخي دي أسعارها مبااالغة ،،
|
Post: #190
Title: Re: مهندسيننا.. ناس السوق.. إيه اخر أخبار البناء؟؟
Author: ابراهيم محمد الحسن
Date: 04-19-2009, 11:19 AM
Parent: #189
Quote: و إنت ما تشيل هم
أسيل عروسة أحمد عندهم بيتهم جااااااهز |
أأي دي الشغل ،،
دة الشغل ،،
شايف الناس يا كوشت ،،
مش إنت وولدك تقفلو على دهب بنتي ،،
يا بير ،،
البيت ده ما فيه طريقة أوضة لأبو أسيل ؟؟
|
Post: #191
Title: Re: مهندسيننا.. ناس السوق.. إيه اخر أخبار البناء؟؟
Author: Tahani abdalla Attia
Date: 04-19-2009, 01:07 PM
Parent: #190
Quote: يا بير ،،
البيت ده ما فيه طريقة أوضة لأبو أسيل ؟؟
|
ما عندك مشكلة بنبني ليك فوق
|
Post: #192
Title: Re: مهندسيننا.. ناس السوق.. إيه اخر أخبار البناء؟؟
Author: ابراهيم محمد الحسن
Date: 04-19-2009, 01:57 PM
Parent: #191
يا بير ،،
| Quote: ما عندك مشكلة بنبني ليك فوق |
في الحالة دي ،،
الواحد يفكر يزيد الأوضة ،،
|
Post: #193
Title: Re: مهندسيننا.. ناس السوق.. إيه اخر أخبار البناء؟؟
Author: طارق الكوتش
Date: 04-19-2009, 05:00 PM
Parent: #192
ابراهيم
| Quote: الواحد يفكر يزيد الأوضة ،، |
ماتنسى ملحقات الاوضة
___________
اخبار الدكان شنو ؟
_________
انتو حمد وييييين ؟
_____
هاله منتظرك الموضوع مهم
_____
يااخوانا بالجد جد انا جاهز ودايرين قصر الكلام
يتبع
|
Post: #194
Title: Re: مهندسيننا.. ناس السوق.. إيه اخر أخبار البناء؟؟
Author: Hala Hassan
Date: 04-20-2009, 10:26 AM
Parent: #193
سلام للجميع،
الباشمهندس حمد،
متى تتحفنا بالجديد؟؟؟
الكوتش،،
جاياك،،،
|
Post: #195
Title: Re: مهندسيننا.. ناس السوق.. إيه اخر أخبار البناء؟؟
Author: حمد محمد احمد
Date: 04-24-2009, 02:27 PM
Parent: #194
سلام لكل الاحباب
الانقطاع لسببين
الاول انتهاء خدمة ال mdsl
السبب التاني عدم وجود الوقت الكافي لتجديده
هناك بعض النتائج موجودة
كنت اتابع مع هالة بالتلفون
وهي ماقصرت
ردا على كلام الباشمهندس هشام | Quote: بالنسبه للمخطط العملو حمد دى حاجه فاخره ومكلفه جدا" وانا حسب فهمى انتو دايرين حاجه اقتصاديه ومتاحه |
بضرب مثل بقطعة من الصلصال نعطيها لبتاع فنون
و نفس كمية المادة نديها لطفل
من البديهي ان الفنان سيبدع
الخلاصة
جمال المنظر لا يتنافى مع رخص السعر
نفس المواد التي تشكل منزل قبيح هي نفس المواد ونفس الكمية التي تخرج لي اجمل منزل
المهم كيفية تشكيلها
طارق الكوتش والاخرون
ستجدون ما يفيد ان شاء الله
|
Post: #196
Title: Re: مهندسيننا.. ناس السوق.. إيه اخر أخبار البناء؟؟
Author: Hala Hassan
Date: 04-26-2009, 01:02 PM
Parent: #195
شكرا يا حمد على المزيد من الإيضاحات،،،
فى إنتظار مساهمتكم،،،
|
Post: #197
Title: Re: مهندسيننا.. ناس السوق.. إيه اخر أخبار البناء؟؟
Author: ابوعبيدة حسن محمد
Date: 10-31-2009, 08:01 AM
Parent: #196
بوست جميل ومفيد وموفق يا شباب ...
وتسلموا ،،،
وح نجيكم راجعين
|
|