Post: #1
Title: الـوداع يـا احـلى دنيـــا
Author: يوسف سعد
Date: 05-26-2006, 08:12 PM
مع السلامه يا احبه********* بلقاكم ديما نسعد
الوداع يا احلا دنيا********* الوداع دنيا الاحبه
كنت منذ ان وطئت قدماى ثرى الدوحه لا اريد ان اصادق احدا لاننى اعرف جيدا عزاب الحب
كنت خائفا من هذه اللحظه العصيبه ولن اقول اننى لم ابكى ومع اننى تظاهرت امامكم بالشجاعه والابتسام الذى كان يخرج بعبرة وتحمحمى الا اننى تماسكت على الاقل امامكم ومعا ان بعضكم لم يستطيع اخفاء الحزن والالم الذى حرك بداخلى الدموع التى كادت تنفر امامكم ولكنها انهمرت خلفكم.....
انا... وما انا بدونكم كغثاء السيل وكا لماء لاطعم لى ولون ولا رائحه, تعلمت معكم الطهر والصداقه العفيفه والنقاء والسودان الجميل
هذه المره لن احدد اشخاص باعينهم فهم يعرفون انفسهم جيدا
لن انساكم فلا تنسونى
اتمنى من الله ان يجمعناوكلنا بهجه وفرحه احلام سمحه....
شكرا يامن جعلتمونى ذو قيمه
احبكم ولن انساكم
|
Post: #2
Title: Re: الـوداع يـا احـلى دنيـــا
Author: Tragie Mustafa
Date: 05-26-2006, 08:24 PM
Parent: #1
الاخ يوسف سعد
ربنا يجمعك باحبتك قريبا:
Quote: اتمنى من الله ان يجمعناوكلنا بهجه وفرحه احلام سمحه....
|
آمين يا رب.
تراجي.
|
Post: #3
Title: Re: الـوداع يـا احـلى دنيـــا
Author: يوسف سعد
Date: 05-27-2006, 01:08 AM
Parent: #2
اللهم آمين
الغريبه انو انا راجع للاحبه ومفارق الاحبه
شفته الالم ده كيف؟
قـل لـلأحبة كيف أنـعم بعدكم و أنـا الـمـسـافر و الـقـلـب مقيم
|
Post: #4
Title: Re: الـوداع يـا احـلى دنيـــا
Author: Tragie Mustafa
Date: 05-27-2006, 01:19 AM
Parent: #3
يا يوسف ما بالغته
يا زول انت قلبك ده لكونده ولا شنو؟؟؟
تراجي.
|
Post: #5
Title: Re: الـوداع يـا احـلى دنيـــا
Author: أبو ساندرا
Date: 05-27-2006, 05:09 PM
Parent: #1
إحلام سمحة ؟؟
الليلة
يا{ السني }
تلحقنا
بدأنا نحس بالفقد
{ وبأثر فقدك شعرنا }
العزاء
إنك هناك في { أرض الحبيب } مع الحبايب
{ سلم لي عليهم،، وبلغ إشتياقي الزائد وحبي ليهم .. سلم لي عليهم }
|
Post: #6
Title: Re: الـوداع يـا احـلى دنيـــا
Author: saif massad ali
Date: 05-27-2006, 05:17 PM
Parent: #5
يوسف
ود اختي الحليوه
ياهو حال الدنيا تجمع لتفرق وتفرق لتجمع
لكن قلبك ما هبابه
لكن اقول ليك حاجة وقت الشدة قلبك زلطة يابا اسد ماياكل عشاك
|
Post: #7
Title: Re: الـوداع يـا احـلى دنيـــا
Author: محمد عبدالرحمن
Date: 05-28-2006, 00:22 AM
Parent: #6
يايوسف ..
تحياتى ...
كنا نود ان نكون فى وداعك ليلة الجمعة
لكن ارادوها (حصريا) ..ولهم ماارادو ...
تصحبك السلامة فى حلك وترحالك ..وامنياتى
لك باالتوفيق اينما حللت ...
ودى ...
|
Post: #8
Title: Re: الـوداع يـا احـلى دنيـــا
Author: شادية عبد المنعم
Date: 05-28-2006, 02:08 AM
Parent: #1
يا يوسف يا سعد
الجميل يترك أثره أينما حل ,انت جميل السيرة والسريرة يحتفي بك السودان الآن
كما إحتفت بك الدوحة التي عطرت ايامها بسخاء.
أدهشني كل هذا الحضور منك وكل هذا الحب منهم
وطوبى لأبي ساندرا لأنك من المطار ذهبت لطرف الحبيب بالبشارة
لكن لو ما وصلت عقابي يا يوسف بجي الأسبوع الجاي
ومن المطار عديل أشلخك شايقي
وأطير منك الجكس أولهم ليم
دينا شكلها طارت
سلم على التيمان وأمهم
|
Post: #9
Title: Re: الـوداع يـا احـلى دنيـــا
Author: محمد سنى دفع الله
Date: 05-28-2006, 08:31 AM
Parent: #8
فوق فوق
شـــــــيــكــو مايــا
|
Post: #10
Title: Re: الـوداع يـا احـلى دنيـــا
Author: بدر الدين الأمير
Date: 05-28-2006, 01:51 PM
Parent: #9
يوسف ياسعد ياسنى ياسوسن ياسامية ياحسان ياحسن العشرة
يالك من جمع سينات سوف نظل نهفو لها سرا وعلانية
ياصديقى مافيش شىء بدوم حتى الود بين الناس لايدوم
لكن الذاكرة الجمالية تمنحه ذلك عش صافيا وصفيا
|
Post: #11
Title: Re: الـوداع يـا احـلى دنيـــا
Author: Salah Abdulla
Date: 05-28-2006, 02:48 PM
Parent: #10
يا يوسف ..
أندب حظي العاثر الذي لم يتح لي استغلال فرصة وجودك بيننا لأجلس معك والتقيك أكثر ..
أرى فيك شيئاً ورائحة من زمن عشته كما أنت الآن .. ويا له من زمن ..
عندما أسافر السودان في اجازة ، أذهب وحدي الى مكتب الخطوط لعمل الحجز ، وأخفى التذكرة حتى لا يعرف أحد موعد عودتي .. وأفاجئ الجميع بالسفر .. لأتجنب الوداع .. هذه الكلمة المقيتة التي تعني بداية السجن الاختياري مرة أخرى ، وفقدان الكثير من أشيائنا الجميلة ..
يوسف ..
كنت كنسمة مرت على قحط نهارنا الصيفي القائظ .. وحركت فينا مكامن من شجن ، وفرح ، وبشرى ، وتفاؤل بغد سعيد ، أنتم أساسه ..
أتمنى أن أراك هنا .. هناك ، لا يهم ، وحتماً سنلتقي ..
حفظك الله وأقر أعين والديك بك أيها اليوسف السعيد ،، وبلغك من الدرجات أعلاها ، ومن العلم منتهاه ( إذا كان له نهاية ) ومن الصحة والعافية ، والسعد أيها السعد ، ابن السعد ..
كن دائماً بخير .. وتذكر إخوة ، أعمام ، أخوال ، أصدقاء ، لك هنا في الدوحة ..
تحياتي ..
صلاح عبدالله
|
Post: #12
Title: Re: الـوداع يـا احـلى دنيـــا
Author: عبدالكريم الامين احمد
Date: 05-28-2006, 03:05 PM
Parent: #11
يوسف ياصديقي
كان الوداع وعبر التاريخ الانساني مرا مرارة العلقم
فقد قيل
ودع هريرة ان الركب مرتحلا
فهل تطيق وداعا ايها الرجل..
نودعك يوسف وونشهد ان الايام معكم كانت رائعة وصدق صلاح عبدالله فانت تمثل
روحا وعالما موغلا في النشاط والحركة والحيوية...ولذا
ستبقي يا يوسف في دواخلنا اخ وصديقا نشتاق اليه دوما ونترقب حضوره الطاغي
يوما الينا...او حضورنا اليك في ام در ...العرضة...ولك لسلامي
ولاختي سوسن وسامية وساريا اجمل التحايا...
|
Post: #13
Title: Re: الـوداع يـا احـلى دنيـــا
Author: محمد سنى دفع الله
Date: 05-28-2006, 04:53 PM
Parent: #12
يوسف
ياصديقي الوفي
فقدتك تماما ... وفي الليله الظلماء يفتقد البدر يوسف ..
منو البملا لي باقة المويه بتاعتي يوميا (اللا ديتر ) افتقدتك يا غياظ وافتقده شكلاتك
ومكاواتك لي والله ليك وحشه
أحلام
|
Post: #14
Title: Re: الـوداع يـا احـلى دنيـــا
Author: بدر الدين الأمير
Date: 05-30-2006, 06:01 AM
Parent: #13
السنى انت ماعاقل
داير تعلم لينا احلام الحلفاوية دخول البورد
كفاية دقها ليك دايرها تجى تدق ناس نيفين
|
Post: #15
Title: Re: الـوداع يـا احـلى دنيـــا
Author: يوسف سعد
Date: 05-30-2006, 11:45 AM
Parent: #14
صدقو او لا تصدقو........
انا اكتب هذه الكلمات وانا ابكى.....
لقد افتقدكم ورغم اننى فى الوضع الطبيعى كما تظنون (بين اهلى واحبابى )
ولكن هذا خطاء كبير فمعناه انكم لم تعرفون يوسف جيدا .....
فانا انسان ينتمى الى الجمال والاخلاق بسرعه كبيره لاتعنى لى الساعات والايام والشهور شيئا
بل ممكن ان احب شخصا فى اسبوع اكثر من شخصا احبته سبعة سنوات واحب من يستحق بمجرد معرفته انه يستحق.....
لهذا منذ ان وطئت ارض الدوحه كنت معتكفا فى ايامى الاولى لا اقابل فيه احد ولا اجالس احد وذلك تحسبا لهذه اللحظه التى رغم احتياطى من الوقوع فى داء الحب ولكن الله شاء وماشاء فعل....
التقيت بمن كسر حاجزى الامنى واخرجونى الى العالم لالتقى بمن اتعلم منهم كيف احب ومنهم من لم افصح عن هويته من قبل
ماهيتاب بركات الجندى المجهول وسبب تعاستى فى ارض الوطن وذلك لغيابها عنى وهى التى كانت تلازمنى
فى السراء والضراء واهلها الكرام اغلى هديه قدمتها لى
عبرها عرفتهم واخرون اعانى فراقهم الان...
هذه رسالة لكل من احبونى وانا احبهم لا تنسونى وانا لن انساكم......
و الـلـه مـا طـلـعـت شـمـس و لا غـابـت إلا و ذكـراكم مـتروك بأنـفـاسـي
|
Post: #16
Title: Re: الـوداع يـا احـلى دنيـــا
Author: يوسف سعد
Date: 05-30-2006, 11:59 AM
Parent: #15
ويستمر الالم فهل من طبيب
|
Post: #17
Title: Re: الـوداع يـا احـلى دنيـــا
Author: محمد سنى دفع الله
Date: 05-30-2006, 02:17 PM
Parent: #16
يابدر الدين
منو البدقني أحلام كانت بتدق في الريحة ومرة كانت بتدق في المراتب إفتكرتها بتدقني ؟؟
دي رقيقة ولايمكن ان تدق طار طار قلبي
البدقوا الناس الحلوين زي نيفين العــســل نيفين الحــلاوة
هم الناس .......
عرفت ولا أشرح ليك ؟؟؟
|
Post: #18
Title: Re: الـوداع يـا احـلى دنيـــا
Author: عبدالكريم الامين احمد
Date: 05-30-2006, 03:22 PM
Parent: #17
صديقنا يوسف
تحياتي وكيف انت والوطن الان..
لاتحزن صديقي يوسف فهذه هي دورة وعجلةالدنيا
فقد قيل
نبكي علي الدنيا وما من معشر جمعتهم الدنيا ولم يتفرقوا..
ولكن حتما سنلتقي غدا في الزمن الجميل في الوطن هناك
وبيننا كل الناس الحلويين,,
وانتظرني بس جنب (المجلس) بتاع امدرمان..ولا اقول ليك جنب الاحفاد احسن
عشان نمشي البيت سوي...
|
Post: #19
Title: Re: الـوداع يـا احـلى دنيـــا
Author: يوسف سعد
Date: 06-04-2006, 12:52 PM
Parent: #18
تعالو راجعيييييييييييييييييييييين
|
Post: #20
Title: Re: الـوداع يـا احـلى دنيـــا
Author: عبدالكريم الامين احمد
Date: 06-04-2006, 02:00 PM
Parent: #19
اووووه
يوسف ...وينك انت خليت البلد خلا..
كلها يوم ويومين...واكون بطرفكم..جهز الامور.
وخليك استاند باي
|
Post: #21
Title: Re: الـوداع يـا احـلى دنيـــا
Author: Emad Abdulla
Date: 06-04-2006, 02:35 PM
Parent: #20
أوعك تجي تاني ..
سامع ؟؟؟
جني و جن الجرسة ..
و بتبقي شينه في الناس الكبار ( عمرا ) زينا كده ..
ولا بجيب سيرتك .. ولا فتحت بوستك ده إلا هسه ..
عوارة .. مش ؟
عواره عوارة ..
يا يوسف
ياخي إنت زول سمح
و بنحبك .. شديد..
وبرضو .. تاني أوعك تجي
|
Post: #22
Title: Re: الـوداع يـا احـلى دنيـــا
Author: يوسف سعد
Date: 06-04-2006, 03:26 PM
Parent: #21
ياخى مسختو لى السودان
والله ماقادر اقعد هنا من غيركم
يامن علمتمونى كيف ادمنكم
|
Post: #23
Title: Re: الـوداع يـا احـلى دنيـــا
Author: بدر الدين الأمير
Date: 06-04-2006, 05:05 PM
Parent: #22
يوسف ياصديق الابعاد الثلاثة
انت شلت اهلك ومع اهلك
مالك بقيت هتراش زى خالك
|
Post: #24
Title: Re: الـوداع يـا احـلى دنيـــا
Author: شادية عبد المنعم
Date: 06-04-2006, 05:13 PM
Parent: #1
يوسف يا وهم
ما فاقدنك ياخ
شاي المغرب مسخ لينا
وصينية الجداد بقت ترجع زي ما هي
الكورنيش بقى فاضي
يا خ أنت عوير ؟؟ مالك مشيت قوام
أها مشيت لي عقابي
ولا أنزل عليك العقاب
وهو عبارة عن لينة الملينة
|
Post: #25
Title: Re: الـوداع يـا احـلى دنيـــا
Author: ودرملية
Date: 06-04-2006, 06:44 PM
Parent: #24
سلامات
وعوافي
الولد الشحتف روح الدوحة وسافر ..
شوق العين وشوق النبض وشوق الروح .. طارياك اشواقنا يوماتي يايوسف ..
عزانا انك بتشرب شاي الصباح في البلد لانو هنا شاي الصباح مسيخ ..
نحن بنحبك يايوسف واكيد بنحسب يوم رجعتنا عشان شوفتك تبل جوف العيون ...
بالله خليك كويس وشديد وخلي بالك من رويحتك ياغالي ..
ولو دار محور سؤالك .. وقفو .. فقط كن بخير .. والسؤال دورانو ملحوق ..
والروح مشحتفة في البلود الفيها ريحتك ..
اصيل يايوسف ..
وارقد في رحاب ريدتنا هاني البال
|
Post: #26
Title: Re: الـوداع يـا احـلى دنيـــا
Author: يوسف سعد
Date: 06-05-2006, 06:40 AM
Parent: #25
اعمل شنو فى ريدك اكتر من العاملو
والله ياشاديه وحشنى طعم الوجود بينكم
لكن عزائى انك جايه قريب ....
ودرمليه انا لم انساك لكى اتزكرك
فانت دائما محفور فى القلب قبل الراس
اخى صديقى عزيزى حبيبى لك الود ايها الملك الرقيق
بدر الدين ياخى علمتنى ادمان الشغل وخليتنى ,
والله انا بشتقل من الساعه 8 لــ10 بليل
بعدين الصور بتاعت الحفلات حاول رسله لى داير اعلقها فى مكتبى
انا فاقدك شديد (فى الطيف او فى الصحيان زورنى)
|
Post: #27
Title: Re: الـوداع يـا احـلى دنيـــا
Author: محمد سنى دفع الله
Date: 06-05-2006, 09:09 AM
Parent: #26
ياصديقي ،،الوطن هو الأصحاب ..
ووطني ،،هنا بين عقلي وقلبي ..
ووطن ساكن جوانا ومسكونيين بيهو
اشتقت ليك وانا بقول النكته على الهوا..
اشتقت ليك وانت شايفني مدبرس ..
وبتعرف الحاصل لي رغم وشى الضاحك..
وبتفك لي الدبرسة ومرات أخرك ..
ومرات تصل لحدي خشم الباب وترجع ،،
تخلي باب الكلام مفتوح ..
وبدخل ليه من قلبك وفهمته
يال ضحكتك فرحتي .
هي شنو الدنيا؟؟
ما ولد وخال !!
مش غريبة ؟؟
بناديك
في جواي !!
وبستغرب
بتسمع كيف !!![/PURPLE]
|
Post: #28
Title: Re: الـوداع يـا احـلى دنيـــا
Author: يوسف سعد
Date: 06-05-2006, 04:08 PM
Parent: #27
انها ليست علاقة ولد وخال
بل علاقة جسد واحد متفكك الاطراف
فانا ابنك ايها الفريد
و انا اعانى فراقك
وانت الذى تلطف اوجاعى
انا افهمك لانك منى وانا اليك
واشعر بانك تناجينى ولكنى اعجز عن مد يد العون اليك
فى تلك الايام التى عشتها معك تحت سقف واحد
عرفت بان الانتماء ليس بالاسماء
وانه يمكن للمرىء ان يقتنى اباء كثر
فانت لست بالخال بل الاب
وانى معك احس بالامان والدفىء والحنان فكن معينى
|
Post: #29
Title: Re: الـوداع يـا احـلى دنيـــا
Author: يوسف سعد
Date: 06-08-2006, 10:21 AM
Parent: #28
يا احلا دنيا تودعون ايضا عزيزا عليكم
الموسيقار هاشم مرغنى
اهديتك القلب المعزب وقلته لى المو بتزيدو
وهانتا الان برحيلك تزيدو
|
|