الكمونية في حوار مع الطيب صالح

مساء الامس
شاهدت حوار مع الاستاذ الطسب صالح في قناة النيل الازرق

سألت المذيعة عن الكمونية في السودان
واظن انها تقصد التعدد والتنوع العرقي والثقافي في السودان
قال الطيب
الكمونية
ثم كانت اجابتة عن التنوع السوداني
شاهدت هذا الحوار
لكني لا اريد ان اصدق
رجاء اذا شاهد احدكم الحوار
هل قالت الكمونية فعلا ام انني لم اسمع جيدا

نعم حقيقة

حين ذكرت المذيعة العجيبة ان الثقافة السودانية
خلطة كمونية..

كانت اسئلتها تمغص الروح
اسئلة مكررة..مستهلكة
وكان تركيزها على شخصية بنت مجذوب ساذجا ومولما
ولم نخرج بجديد من الطيب عبرها


وياهو ده السودان

نعم
قالت الكمونية؟؟
حتي ذهل الطيب صالح نفسه!!

سماحة جمل الطين يا ود سيداحمد!!
ارجو ان لاتستغرب في هذا الزمن الغريب

تسلم

محمد سيد احمد

اااا ما مصدّق اضانك ؟

اكيد كانو ضابحين اليوم داك

وصاحبتنا كان دورها تنضيف المصران والكرشة

فبتكون لسة ما طلعت من الحالة بتاعت المطبخ

المفروض المخرج يشم يد الواحدة قبل تقديم اي برنامج

والا كيف

نعم قالت الكمونيه والاغرب اسالتها كلها اسئله مدرسيه حقا من ايت اتى هؤلاء

اخي محمد سليمان .. يا اخوي عليك الله انت شفت حاجة .. هي الكمونية براها طول بالك .. جاياك النيفة والكوارع بملحقاتها وجاياك حاجات تاني حامياني اذكرها ..

تصدق في نهاية السبعينات شاهدت لقاء فنيا اجراه( مذيعا) اليوم من كبار مذيعي التلفزيون لا داعي لذكر اسمه .. في منتصف اللقاء قام بسؤال الفنان صلاح مصطفي .. استاذ صلاح شايفك بترقش انت( متمسح ) ولا شنو .. اتفرج ...

لك الود ....


ود الباوقة

الأخ محمد سيد احمد

نعم قالت كمونيه ، والأغرب هو وجه مقدمة البرنامج كان عليه كميه كبيره من
المكياج ، لدرجه خياليه ، ولابسه ثوب لونه بمبى يعنى طلعت بألوان الكمونيه ....

(( شعب عملاق يتزعمه أقزام ))

انا سمعتا الكمونية لكن والله ما كنت مصدق
اجابها الطيب بصوته الغليظ الاجش الكمونية
كان الطيب علي غير العادة في الحوارات منشرحا وبمزاج للحديث
لكن طممت بطنو بحكاية الكمونية دي الله يطمم بطنا

اسئلتها كانت فقيرة وبائسة وعتيقة

بت مجذوب وحديثها الفاضح؟
ود الريس شخصيته تماثل شخصية بت مجذوب؟
هل يمكن ان تتزوج بنت بت مجذوب؟

وفي كل هذه الاسئلة كانت الاجابة لا تتفق مع ما تقوله المذيعة الغبيانه

لا افهم كيف لشخص ليس لديه المعرفة والثقافة والذائقة الادبية ان يتنطع ويتصدي
للحوار مع قامة ادبية رفيعة مثل الطيب صالح

كنت اتمني ان تدير مثل هذا الحوار
تماضر
او الجندرية
او اشراقة مصطفي
او نجاة محمد علي
المثقفات الذكيات من نساء بلادي
ومثلهن العشرات من عضوات البورد

بالله بى ذمتكم قالت الكمونيه عديل كده كمممموووووووونيه والله كمونيه
ياجماعه كمونيه كده

معقولة بس؟
كمونية؟
مطبوخة ولا نية؟

عجبي!!!!!!!!!

*