مبروك لهالة قوتة ، ولي أنا أيضاً !

سلام فرده
تحياتي للفرده هاله او قول ليها مشتاقين.

وأنا يا حافظ أشيل وأهدي ليهم في الغنا
قايل الزيارة سرية
مبروك ليكم الزيارة ويا هالة والله حاسدك

كيفك يا خال
ومشكوووووور على الغنية الرهيبة والرمية الارهب
بعدين ياخى سرية شنو؟؟
سرية !! وكلمنك انت وراوية وندى على و...و...
بس كانت سرية على البورد ..لانو البورد ما كان متحمل خالص الايام الفاتت

العزيز بشاشة
اولا حمدا لله على السلامة
اختفيت فترة طويلة

وتسلم لمرورك من هنا

الف مبروك لي ناس لندن بي هالة قوتة ....

عشان كدة رايحة مني ...
اها طيب هالة عرفناها
يمني مشت ويييييين كمان ...


يا اخوانا انابكون اول زول شاف الموضوع ده لكن لمن الصفحة تفتح معاي لقيتها وصلت خالد الحاج ولمن ارسل احتمال ينزل في الصفحة التانية لكن عشان كدة ختيت الحجر بتاعي طوالي ... وما شغلتي بيكم تاني

حنينة تزور هالة ...

و هالة تذهب لحنينة ...


و نحن نبعث بالتحايا لكل قاطني الجزر البريطانية و امريكا


و تحياتي يا فردة

فردة ...
تحياتنا للعزيزة هالة قوتة ....

و لندن لا بد ان تكون مزدانة بشخصها البهى .....

حاسداكم و الله ....خمسة و خميسة .....

ملاسى
مشكور لمرورك من هنا
وتحياتك وصلت

ابو امنة
بطل الاستهبال
انا لمن كنت فى امريكا انت كنت بتظهر لى
ياخى شيل البلوك دة مننا انشاء الله ساعة فى اليوم

العزيز حافظ..
طبعا عنوان زي ده.. ما عندو اي تفسير غير الجاني في راسي ..

لكن..
طلعت آوووت ..

مبروك لبريطانيا هالة وأنت..

حنونة.. بعد ده ما حنشوفك في النيمة ..

لكن عندي سؤال برئ والله.. لييه السرية في الزيارات دي..؟
انتو في بلاك ليست ولا حاجة ..؟

حافظ الخير سلامات كيفك انشاء الله مبسوط

مبروك عليكم يا بورداب بريطانيا و عقبالى

هى بالله الزيارة كانت سرية؟؟؟؟ مافى زول قال لى

رجوية
لووووول"الشمار
اساسي قال عنوان البوست زى الدليل بالجرس
ويبدو انو حافظ ماشي بالنظرية
بعدين النيمة والله فاقدنها
وارجونى افضى شوية واجى انضم للمظاهرات المطالبة بعودتها


والسرية دى كانت خوفا من ام المعارك الدايرة الايام الفاتت هنا دى
وكفى الله المؤمنين شر القتال

نتمني للاخت هالة زيارة سعيدة بين الزملاء في لندن

ولك يا اخ فردة الفين سلام

العزيزة اوت كاست
طبعا انا اول مرة ازور لندن
وهسي انا بس شعورى:
انا فى لندن سنة!!!
مشكورة لمرورك من هنا

الاخ العزيز عجب الفيا
ولك المودة
وشكرا" لحضورك هنا

هاله قوتة فى لندن! نذلتى اهلا وحللتى سهلا
الف مرحب بيكى
ولو ماشالتك الارض نشيللك جوه عيونا

رسلى لى تلفونك يا حبيبه عشان اتصل فيكى ونقابلك..رسليهو لى على الماسنجر اليوم لو امكن..لكم التحايا جميعا


وفى امان الله

لا اله الا الله

العزيزة بت الاحفاد
شكرا" ...لمرورك من هنا
راجعى ماسنجرك
ولك المودة

والله عاد يا حافظ
تستاهل يباركو ليك
هالة قوته شخصياً
اريتو حالنا يا يمة

امانى الجندرية
اكرمنى الله من بل بلقيا ابى مهيار واهل ايوا الكرام
واليوم بلقاء بورداب لندن
الله يتم كرمو ويجيبنا ليكم او يجيبكم لينا
وتسلمى

الاخ حافظ سلامات،

الف مبروك هالة قوتة

و انا ايضاً اخر انبساط لأن هالة و حنينة الخواجية أمس زارونى، و زيارة هالة فى الاول برضو كنت قايلاها زيارة سرية يا خالد الحاج.

وحمدالله على السلامة لحنينة لان رجلها كانت"ملووحة".

ندى على
اغرقتينا بكرمك
وما حننسي التوثيق بالصور
بس ارجونا يا بورداب

تحياتنا للعزيزة هالة قوتة مع التمنيات لها باقامة طيبة فى عاصمة الضباب .

ديموقراسي
تسلم
.تحياتى ومودتى

سلام يا فرده

مرحب بهاله قوته فى لندن.

I have lost my mobile so please could you inform Haneena to call me at home, or send me an email because I want to meet her

كل الود

تسلموا/ن...الاسلاش دي هرشة من بت قوتة

جايينكم كلكم
يا دوووووب الصحية

مرحب بيك في لندن
ياهالة

رغم سرية الزيارة، لكن نتمني أن نلتقي في الايام
القادمة الايميل والموبايل في البروفايل

بعدين فردة ده مايتعبك ساكت (قال ضاحية ستوك نيوتن قال)
لندن دي فيها حتات ظريفة جدا
وخليكم علي اتصال يا حنينة وين انت اختفيتي كده (عامله حركات الخواجات بتاعتك دي)

العزيز احمد امين
تحياتى
انا ايضا" اتمنى لقاء الجميع
ويا دوب بدينا بندى على وفردة امس
وسنلتقى انشاء الله


لك مودتى

هالة الاحمدى
واترى نحن نضرب ونضرب امس ونخلى فى الرسايل
اتاري موبايلك رايح
لكن اكيد حنتقابل

العزيز حافظ يا فردة
مشكور على الاحتفاء
وبعدين العناوين ما عندك لكن

ياحنينة يا (شيخ الراكوبة) ورينى قاعدة تسوى للناس ديل شنو ؟!!
تلحقينا وتنجدينا

غايتو بغرانين ساكت ماحاسدين

الملكة
انا باعمل فى بروفات لجية السودان
اهو كدة قسمنا نص المسافة
وتسلمى على اهداء الغنية الرهيبة

Quote: ياحنينة يا (شيخ الراكوبة) ورينى قاعدة تسوى للناس ديل شنو ؟!! تلحقينا وتنجدينا

الملكة
ارمي بياضك عشان نوريك
المرة الجاية الدور عليك

هاله ازيكم
تلفون حنينه حلف مايجينى لى 3يوم بحاول
الوصيه بالمهله جيبي لى تيابى من هدى اختى معاك

راوية
سلامات
رسلت ليك ماسنجر قبل سفرى عايزة تلفون هدى وما رديتى على
وحنينة رسلت ليك برضو ما جانا رد

ادينى التلفون فى الماسنجر

او اديهو ليمنى وهى حترسلو لينا
ولك مودتى

وبعدين العناوين ما عندك لكن
يا هالة ما تكوني داقسه ساكت ،الزول ده عنده مآرب من اختيار العنوان ده
عاوز يطفش منك العرسان، صدقي؟
سلامي لكي و حنينة و تمنى لكي قضاء اجازة سعيدة مع لندن و ناسها.

ندى امين
مع ام المعارك الدايرة دى
اظن غير العنوان بنكهة الشمار دة كان الحل الوحيد

تسلمى
ولك مودتى

هالة قوتة ... قلتى لى شكرا لمرورك من هنا ... بعد الكلام الحلو القلتو ليك داك كلو ....
غايتو نحن ما بنمر ... نحن "بنحتل" ....ها ها ها .. شفتى السغالة دى كيف ؟؟؟.. ولا سغالة سيجيمان ذاتها....و ما بنمر الا نشوف الصور ( عبر الايميل الخاص لو حبيتى).....

راوية .. تانى قمتى تجيبى فى سيرة التياب.. تيابك انتى ورجاء والزرزة الزرزرتوها لى خالد الحاج كان ياها الخلت هالة تتلفح برداء السرية ....

العزيزة اوت كاست
قلتى لى مرورك دى ما بتنفع
انا دى متعلماها جديد
نظام لندن وكدة
يعنى البت بتكتب حاجة مختلفة
لكن انتى تشرفى البوست ونفرش ليك فيهو عنقريب ونرش الواطة
لمن نجيب الصور ونجيك

لكن زكرتينى التياب
نمشي نزرزر خالد الحاج
انا كنت نسيت الموضوع دة

*

لكين أول مرة أكتب لي بوست يكون فيه عدد القراء والمعلقين أكثر من 5 !! ياربي ده من شنو؟iii

فلأقل إذاً، مرحباً بك مرة أخرى يا هالة قوتة !

Quote: مع ام المعارك الدايرة دى اظن العنوان بنكهة الشمار دة كان الحل الوحيد

طبعاً عنوان البوست الذي أقترحته Ms PR حنينة ، كان ذكياً جداً ، واستدعى كل الـ Usual Suspects الى الإنزلاق بحرفنة ، وبدونها، الى داخله! ولكن يبدو أن شتارتي الإضافية للعنوان وفي استراتيجيات الـ PR and promotion قد استدعت some unusual suspects آخرين ، مثل صديقي أحمد الأمين!

على كلٍ ، للتأكيد على أن الزيارة ليست سرية على الإطلاق، أتمنى أن نلتقي جميعاً في الليلة الشعرية ، الثلاثاء 16 مارس (غداً) و التي سيقرأ فيها سعدي يوسف بعض أشعاره الجديدة!

الرجاء الإطلاع على التفاصيل هنا!
ولكم الود جميعاً !! اليوم: الثلاثاء ، قاعة الكوفة ، لندن: سعدي يوسف والعزاوي
عجب الفيا، تحياتي الخاصة أيضاً.

سلام حافظ مبروك سعدي يوســف كليـكم يــا نـاس لنـدن مشتــاقين ياحافظ وعـايذين نشوف وشـك تقوم تدينا عنقرتك خايف من شنو كبرته هـــاديـه.

حافظ
دايرة ضريبة زيادة عدد قراء وردود
ممكن تدفع بالدولار او اليورو
وبنقبل شيكات
بنتفاهم لمن نتلاقى

هاله حبيبتى

رسلت ليكى ماسنجر, وصلك؟
ما يكونو خوفوكى من الناس الظلاميين امثالى لو خفتى تقابلينى حنينه بتديكى بطاريه تشيليها معاكى وانت جايه يلا اسمع منك قريب,

بالمناسبه بتكون حاجه جميله لو زورتينى فى الجامعه, بس ده ما معناها انك ما حتزورينى فى البيت فى الوقت التحدديهو وماتنسى تجيبى معاكى حنينه الخواجيه

تحياتى

وفى امان الله

لا اله الا الله

العزيزة هالة
سلامات
فليحفظك الله في حلك وترحالك

سلام يا فردة

مبروك عليكم زيارة هالة قوته ..
ونتمنى لها ولكم قضاء وقت سعيد وممتع ..

العزيزة بت الاحفاد
ماسنجرك وصل

الاخ الكريم اسماعيل وراق
شكرا" ليك
ولك مودتى


الاخ الكريم معتصم دفع الله

شكرا لحضورك

بنت_الاحفاد
المشاكسة
كيفك

خلينا في الجد
غدا الثلاثاء بقاعة الكوفة
منطقة كوينزوي في لندن
في تمام الساعة السادسة مساء امسية شعرية فيها الشاعر
العراقي سعدي يوسف واخرون
والاخت هالة سوف تكون هناك
فأنا أقدم لك دعوة خاصة للحضور حتي نتعرف عليك

الخريطة كما موضح في اللينك
http://www.streetmap.co.uk/newmap.srf?x=525597&y=181159....srf&mapp=newmap.srf

الاخت هاله
حافظ شاعر بيًاع كلام
و احمد أمين فدا شاب (دي بين قوسين) عملي جدا و عمل خريطه لمكان اللقاء
اما انا فلدي تحذير لطيف (عن هذين اليافطتين)
ارجو ان القاك غدا بقاعة الكوفة
حتي افصح لك بما لا استطيع البوح به في البورد
نقد

نقابلكم اليوم بقاعة الكوفة ولنستمع لسعدي يوسف

سلام يافرد ..
العزيزة هاله ...
انت قبل كده يمني دي مش مشت معاك ..طيب ما كان تجيبيها معاك .. انا بفتكر انو دي غتاتة منك بس
حنينة..
انت عيد الضحية ده مش كان قريبات دي ؟؟؟
نحن ما قاعدين نجي ايدينا فاضية

تمبس ازيك وينك مختفى كده
والله يا اخوى تقول شنو الجماعة ديل الظاهر مستصغرنى ساى
و انا اشيل و اقول ليكم الكبر كبر العقل يا اخوانا ..........و لا انت رايك شنو

بين القوسين.....الاغنية حلوة شديد

الخالة مررحب بيك عند الجماعة ديل
فردة ما تقصروا مع بنت قوتة اصلها
عزيزة علينا شديد....
تمبس مبروك ليك انت بالذات
لانك زول حنين وغناك سمح خلاص

سلام للجميع
نجي نحكي ليكم بمهلة عن يوم امس الرائع
عن محاضرة سعدي يوسف وعن المطعم الاثيوبي

هالة لسة نااااااايمة

العزيز تمبس

الساوند نزلوهو
والفنانين مشو
جايينا بعد سنة


بعدين عيد الضحية كان قبل شهر ونص
حاسد ولا بغران

الهميم
المتنكر
طبعا خالد الحاج جاب صور ناس تانين قال ديل ناس لندن
لكن ارجونى
ساكشف هذه الحفلة التنكرية

كانت الليلة الشعرية أمس رائعة قرأ فيها سعدى يوسف و فاضل العزاوى من اشعارهما، و قرأ خالد مطوع ترجمات لاشعارهما. وبعدها توجه الحضور (من اعضاء و اصدقاء سودانيز اونلاين) لتناول العشاء (احتفاءً بهالة قوتة)، حضر اللقاء

حنينة الخواجية
هالة قوتة
حافظ خير (فردة)
محمد نقد (الهميم)
احمد امين
ندي على
ومن الاصدقاء
اوردسى حمد و
احمد محمد الحسن وابن عمته عاصم

وفووق

*



الأصدقاء والصديقات،

لكم جميعاً المحبة

هادية الحبيبة،
الكبُر حصل مافي شك ، لكين الصورة – زي ما قلت لراوية قبل كدة- تعبير عن أزمة وجودية من العيار الخفيف! سأغيرها قريباً بملامح أكثر وصفاً لنفس الأزمة ، ولكن أخشى من الرقابة الحايمة هذه الأيام


الأصدقاء والصديقات،

لكم جميعاً المحبة

طالما أن لقاءنا في الكوفة كان على شرف هالة قوتة ، فسأنتهز هذه الفرصة طبعاً ، في هذا البوست المحضور المزيور (كناية عن الـ Visitation وليس الـ Visit) لأن أتحدث عن الليلة الشعرية للعزاوي ، سعدي يوسف ، وخالد مطوع ، والأخير هو المترجم الليبي المتميز المقيم بالولايات المتحدة الذي قام بترجمة الشاعرين والعديد من والشاعرات والشعراء العرب.

قرأ العزاوي لمدة 20 دقيقة يصحبه خالد مطوع الذي قرأ النص مترجماً للإنكليزية. ثم قرأ خالد المزيد من قصائد العزاوي مترجمة. قرأ بعده سعدي يوسف بترجمة خالد مرة أخرى لمدة 15 دقيقة وواصل الأخير في قراءة الترجمات.

دار حديث قصير ولكنه قيّم عن ترجمة الشعر وما إذا كان الشعر تُعاد ولادته في اللغة الثانية أم ينتقل إليها محملاً بكل آثار ولادته الأولى في اللغة الأم.

كانت قراءة اللنصوص وترجماتها تجربة مثيرة للمتحدثين باللغتين إذ أنَّ الترجمات رغم إهتمامها بنقل روح النص الأصلي كانت – شاءت أم لا - تشغل النصوص بهموم اللغة الجديدة التي تتحدثها. مثال ساطع وطريف لذلك أن العزاوي قرأ قصيدته التي وصفها بأنها قريبة لروحه ، بطريقة الشاعر العربي الأسطوري التي نعرفها: نداء عال في نبرة أقرب للصلاة والإنشاد. بعد أن فرغ العزاوي نظر هو الشاعر ومعه الحضور أيضاً الى المترجم وأنفجر الجميع بالضحك! إذ كيف يتسنى للإنكليزية المشهورة بإنضباطها أن تصدح بالعربية الموغلة في تاريخ الخطابة، عالمان كبيران يفصل بينهما بحر ولكنه الشعر! قرأ خالد القصيدة ذاتها بالإنكليزية ، وأظنه نجح في القراءة والترجمة معاً في خلق عالم شعري يقترب كثيراً من روح قصيدة العزاوي....

سأواصل الكلام قريباً في مكانه الأصلي ، في بوست اليوم: الثلاثاء ، قاعة الكوفة ، لندن: سعدي يوسف والعزاوي

بقي أن أقول أنني قمت بتسجيل الليلة الشعرية بالفيديو وقد أتيحها لمحبي الشاعرين في مرحلة قادمة.

حبيب نورا

اول شي مرحب بيك فى البورد
متلومة عارفة نفسي
لكن المشغوليات
وشكرا" ليك



يمنى
مافى داعى نفتو هنا
ما حنسناك تجى
تبارى تمبس دة بوديك.........


حافظ وندى
ساعود
لاحكى عن الليلة
وعن مطعم اديس

حافظ
انا نسختى من الشريط دة وينها؟؟؟

الامسية كانت جميلة
أستمتعنا فيها بقراءات شعرية جيدة
وترجمة مدهشة لبعض قصائدهم من قبل خالد مطوع


هالة قوتا
Very Intelligent Sense of Humor
وطلعت بت ماساهلة
ويا ناس أمريكا ممكن نستلفها منكم شوية


وأخيرا ظهرت حنينية المختفية
وكتر خير هالة

بت الاحفاد
اعتذرت والاعتذار مقبول
ولندن مناسباتها كثيرة


منذ أخر لقاء لنا في مطعم اديس الذي يقع بضاحية(حقوق الطبع للزميل فردة) كينقز كروس الشهيرة (راجع كتاب الطيب صالح موسم الهجرة الي الشمال (مافي داعي لذكر رقم الصفحة) ) في رأس السنة السابق هذه هي المرة الاولي التي أعود فيها الي المكان الجميل الاليف حيث كان اللقاء ممتعا وشكرا لهالة مرة أخري.

جيت اقول سلام لهالة قوتة وفرده وحنينة وناس لندن اصحابى الزمان..لقيت اسرار بابكر تسووى فى الناى الله..ده شنو يا تمبس..العذااااااب ده؟؟

المهم يا هالة فى لندن لو لا قاك "ترتر" اعرفيه بكون من فستانى بتاع حفلة السودانيين..


قضيت وكت مهيب..هناك.. ومتاكده انت بالليالى الشعرية دى بتكونى استمتعتى اكتر..وبى حنينة..

لكم جميعا اصدق التحيات واجمل الاشواق..


ويا احمد امين ادى لى هالة قوتة دى الصور..ان شا الله ما يكونوا اتمسحوا..

وتحياتى لفردتك..وللجميع

بقيت متعوده على اهمال الاصدقاء لى...



نرفعو عشان الم الفراق..

حاشاك يا بت الشيخ
كيفك
لكن صاحب البوست ده زي ما انت عارفة بحب النوم
,اسمه فردة
المهم البيت بيتك
واعملي ليك شاي ولا اسمعي أغنية
ممكن تنزلي ليك قصيدة قصيدتين
لغاية مالناس ديل يجوا

التماضر
عذرا" للتاخير
فناس لندن وكما قلتى من قبل
لم يرضو/ن لى بغير رموش عيونهم/ن سكنا"
واليوم كله برة البيت ...
عذرا" لك ولجميع من تاخرت فى ردى عليه

وترترك لاقانى من شريط الفيديو
مرورا" بكل الاماكن التى اضئتيها بحضورك

ساعود بالتفصيل

فانا لا زلت اعانى من الجت لاق
وطول الرحلة العابرة للاطلنطى


ولك مودتى

هالة قوتة جاية السودان؟؟ متين؟؟
أنا رسلت ليك ميل.. وصل؟؟؟
نجلاء في إيطاليا.. دا بريدها..
[email protected]

هلقوته
عندى خبر حلو ماقادره اصبر عليهو لغايه ما ترجعى .........عرفتيهو مش



يا حافظ مبروك على انا زاتى

منى غبد الحفيظ
جاية السودان
متين؟

اتمنى الليلة قبل بكرة
بس ما عارفة متين

رسلى لى ايميلك

راوية العباسي


الـــــــــــــــــــــف مبــــــــروك

تسلمى ياعسل
عاوزه غنيوه
بتاعه وحيات قلبى وافراحه

انتو التأشيرات دي بتلقوها كيف؟؟؟ عليكم امان الله ناس طافشاكستان...رجعوا لي جوازي فاضي...

حمدالله بسلامة الوصول يا هالة...وان شاء الله تكملي قعادك في لندن بي برد/ عرق العافية...وما تنسي تسلمي علي بت الجنيد في موقف البصات

سلام للناس الحلوة المتلمية بي جاي

معليش التاخير للمشغوليات
هالة شرفتنا والله... لكن للاسف الايام الجميلة تمر سريعآ

قابلنا الكتير من زملاء البورد والفراجة

بعضهم كان مفاجأة لنا
ما حاحكي كتير
نرجي بت قوتة تجي تحكي بالتفصيل المريح
والــصــور

تماضر
ما إهمال والله
لكن المشغوليات والجري
وناس هنا عارفاهم براكي
ما كنا ملحقين والله واتلومنا مع ناس كتير
وما بندخل النت خاصة الايام الاخيرة
ولك العتبي حتي ترضي

الشكر للكل
واعفوا لينا التاخير

مليون مبروك لي لندن وبورداب لندن اطلالة هالة قوته عليهم ، ورحلة سعيدة


عزيزتي هالة .

اها يا اخواننا بنت قوتة رجعت البلد واللا لسة؟
مرة في مقابلة صحفية سمعت انهاناوية تمشي السودان
اكتر من ايي بلد في العالم وحتي كان يومين
يا ربي غيرت رأيها واللا السودان بقي بعيد والحالة
صعبة... علي كل حال بتبقي شجرة حنية عظيمة اصلها
ثابت و فرعها في السماء كما نعلم ولي قدام