ماو يا ود بت التلب والونسه وأم درمان ... رسائل من الاصدقاء !

وما ادراكم ما هذا الرباعي
(ماو - بت التلب- الونسه - أم درمان)
إلأ أن تلتقي (معاوية بشري) المدعو محبة
وثورةً بماو فيتلبسك مس من الكشف غريب لا
يقودك فيه قلبك وحسب فقط تجد نفسك هكذا
هكذا محبةً تسير وتصير وتطير تجدك مشدود
بروحك وقلبك وعينك وضحكتك وكل مافيك لعالم
من الحكايات والقفشات مبتداها ومنتهاه وخبرها
عند (ماو) بخيالات تجد فيها البساطة وتجد فيها
كل غبار الاماكن وسككها الحديدية فهو ود بت التلب
الابوهو (بشري) سواق القطر ومنذ بداية رحلته احتشد
صدره بالحكاوى والونس والونس لديه (اصدق أنباء من
الكُتب) ويبداهو معاك خط خط في السكه حديد لحدود
للواري التخشيبة المرسوم فيها حمامتين ويد بيضاء
مفرودة الكف مكتوب تحتها رافقتك السلامة .
يا صديقي ماو هذا سطر في رسالة أتمني أن يجذب الاصدقاء
وأتمني أن يجدك بخير ولا اريد أن اعرفُ أحد بك فأنت هكذا
وأنا اعرفك .
رافقتك السلامة .

ساحدثكم عن ماو وبطريقتي الخاصة فهو ذلك الشاب
الذي ترعرع في المجلد وبابنوسة من اعمال كردفان
ويدين لتلك الاماكن بطفولة مشرقة ولتلك الايام بهاتيك
البقاع نفحات وقد تعرض لهاعوالما من الحكي تتري واساطيرا مزجاة
في هكذا عوالم حوالم كانت البداية طفولة وصبا وصبابة حظي بهاصديقنا ثم مالبث
ان نال قدرا من المعارف والرؤي عبر قرائته العميقة للفكر الانساني في عطائه
المبذول فركن الفتي لارث تدرعه في معين المعرفة الانسانية المعطاءه في الفلسفة والايدلوجيا
والفن والغناء والادب فلله دره من فتي مجالد في صفاء الحياة وبهائها البهي.
ماو ينتمي للناس وللحياة في اجمل تجلياتها ووضوحها,ويمشي بين الناس بشعلة الوعي وتوهج المعرفة الذي يحدثه.فكم انا محظوظ بمعرفته وصداقته ورفقته في دروب الحياة وان كانت لحظات قليلة
وعميقة ومؤثرة وخالدة في جدار الروح الاول.
ياماو سلام يحمل محبة يحمل كلام.

يا بخت من حباكم وحبيتوه
اجمل القلوب ..
ورمضان كريم

سلام سفيان وضيوفه

ماو في الونسة لو عندك مشوار مهم ما تفتح مع ماو طرف خيط حكي
امشي مشاورك وزح من ماو لانو بعيقك وما بتقدر تقوم من جمبو تاني
سلام لك مني صديقي ماو وانت تعانق حبات المطر في جهات الصعيد سلام

يديك العوأفى يا ود بت التلب
.. سلام شديد عزيزنا سفيان
ورمضان كريم

يا عثمان موسى يا عثماااان

اصلاً انت زول حكي وبتعرف ناسو
كمان اها ماو ده زولك تب


ــــ
سنتك طيبة

الدمـــــازين.......يا مــــــــــاو


































ــــــــــــــــــ
جاياك يا سفيان..وفى القلب بعض من أستغجار اخر

:)

فنزويلا ( جامايكا يا ماو )
( الفوضى الخلاقة )










قاسم المهداوى

فنزويلا يا ماو
حامايكا يا ماو
(الفوضى الخلاقة )




قاسم المهداوى

رمضان كريم ياصديق
وشوقنا مسافات
ومتابع

نزف البشري لعودة الاخ ماو
فقد علمت من الاخ بكري بان باسورد جديد قد ارسله له
ونحن موعودون بقلم رشيق وانيق
وياسلام.... ماو بيننا

مدثر تيف تيف
رمضانك حصانك
لو صنته صانك
ولو خنتو الله معاك

والشوق غلب يا ابوي .

بت الغجر الحلبية
جايانى ليه خليك
هناك كانك معاي
لوووووول

اها العنوان ده
كنت عايز اعملو كده :-
كايرووو يا ماااااو

اها يا معتصم ادروب أنت سيد العارفين
بصديقنا (ماو نقو) كدى شوف دي وادينى
رائك :-

Quote: مطر قادم ومطر جايز ومطر لسه والشباب العذاب السلام عليك حيث مصر ونواطيرها وبينهما الاصدقاء سفيان و الجزولي وود آدم الحسن (محمد) ...كيف بالله عليك الخطي والمشواير والدروب بالطريق الشاقي مترو الأنفاق (الفرنسي ما الياباني ) لان هؤلاء القوم معروفون حدانا باليابانيين امرهم مبهم لا يستطيع الشخص ان يتذكر خمسه جمل تخص اليابان (هيروشيما وبس ) يعني سرهم في بطنم ) وهذا مربط هواجس سوالي (المترو دا الفرنسي واللا الياباني ) التقول داير اشتريهو لكن كما جاء في الونس (والونس اصدق انباء من الكتب) كل شي جااااااااااااايز قل لصديقك ماو انك بخير وتحتسي (القسمو ليك الله بعين الرضاء حتي ولو كان كاس الجزولي الأخير (وأني رايت في ما يري النايم أن سفيان بشير يتجول في ارض ذات خضره وبهاء و نساء كاسيات عاريات ...فقلت ماهذا ياجبريل أ سفيان في الجنه!!! ..قال بلي انه في سيدني (والرسبونسر صدق ) فقلت قطع شك البلد دي مافيها نظام عام الخرطوم 1 فحصت القلب حتي يطمئن قلبي فكذب اهل السنه ذلك الكاردينال (كييتاً في العذراء) ما زلت التزم التوجيه الكنسي قليل من الخمر يسكر (لو ختيت الرحمن وجنبو مريم في قلبك ) المهم ما بكتر عليك وعليكم بس ارعو بعضكم واكترو بتعاونكم وخلو بصركم دغري وسالم . ماو حيث شراب دافي يفتفقدكم .

تعرفي يا نجاة
للأنس والحكايات ارواح وماو
روح الحكى يملك زخيرة شعبية
من الكلمات يفوق عمره بمراحل
ويحفظ عن التراث الشعري الشعبي
ما يعجز عنه قوم سوف نسعد به
هنا كثيراً.

When you talking about Maw

?

ٌRamdan Karim ya sufian and Mr Coming Rain
:)

انا جايكم وماندمان

زَ غلورى أوف غريت رايتنغس إنسبايرد فروم هَالُوسِينيشَنْس ...

سورى اى هاف نو أرابيك كيبورد


قريفاوى ..إزيك

سلامات ياصديق ياكاهن
دائما رمضان
خازلنابراح

بالمناسبة نزار ادروب بسلم عليك شديد
مشتاق ليك موية بلح

اهو الجماعة رطنوا













قولو بس نحن لسه قاعـــــــــــــــدين

غايتو ربنا يدينا الصبر مع الأدباء والمصورين بتاعين اخر الزمن ديل..الواحد على الأقل
يكون (بولايت) شوية فى نقده أو إذا كان وقح وفظ ينتظر الرد فى مكان البوست الأصلى بدل الملاحقة والكلام الفارغ..

قال أدب قال

=====
عذرا سفيان نابرى. على التشويش.هذه أخر مداخلة لى فى هذا البوست.

خو داب رطانه بس يا عصام
اسكت ساااي وقعاد الجن
والجمبو ناقصة مصطفي علب
وأيام زمااااان والمُقري
عوض عمر وناقصه ليتنى زهر

اما يا تيف تيف فما مضي لن يعود
لكنا نحكي ونحكي ونحكي لنعمر صدورنا
ونعمر ارواحنا .

ويا قرمبوز الجريفاوى مطر قادم فامطر
واقدم فنحنا هنا .
ويا امبده ياخ البوست بوستك تعال زى
ما عايز فماو كريم وماهل وصدره وبوسته
يسع الجميع بي قصة قصيرة او طويلة .


ولكم جميعاً العرس ما همية واحده هم وهموم

ماو,,,

Quote: ماو,,,

تصدق ؟!!
كان ما مصدق هاك شوف ده :-

Quote: سفيان رجل وأثق من أمره .. في بلادِ في حيرة من أمرها .. وكلاهما في حلِ من أمره .. هو بنفسية الغريب وهي في حالها .. هكذا خُيل ليّ (أو أني اكتشفت) في بلاد يبغض فيها الأخر الأخر وكلاهما أخر !؟ إستدرجنا الليل والسمر (والقعده وهيطه ولهيطه) وللقعدات (يدِ سلفت ومزاجاً مستحق ) والحسرة في العين ترنو إلي عهد الاحزاب وأن (تسمر) إلي عهد الاحزاب فهذا دليل جودة في علوئك المزاجى وحيرة الطريق و (نميل) الخطى وهو محض افتراء كما عُلم وفي هذا الافتراء وتلك الخُطى خطونا خطوتان إلي (لبني أحمد حسين) وخطوة أخرى للنظام العام (الطبنجة وراء والقاش قدام أو كما غنت المغنية) ورأينا فيما يرى النائم مظاهرة ذات آوج ومناديل بألوان وشاعرية صلاح أحمد إبراهيم وشعارها إذا اسعفتني الذاكرة ( فكو دربنا وجعتو قلبنا) من تصاوير (عصام عبد الحفيظ) ورهط عزيز عز عليهم الشعار .. لكني رآيت كما افتكرت في تلك المؤانسة أن يكون الشعار :- يا بلدي يا حبوب ابو جلابية وتوب وسروال ومركوب . وكما جاء في المثل (كل جزمة مصيره تبقي برطوش) الشعار سيد الهتاف كما جاء في أدبيات (الرفض والاحتجاج) اهو شعارهم قوي وزين وطالما الجزم متحكمة فمصيره تبقي براطيش فما فرق شعاركم أو شعار مؤانستنا طالما محددين جزمنا . أنا يا اصدقائي لست بصدد الإسهام في قضية مدام (لبنى) وهي صحفية والصحافة من مؤسسيها الراحل (عبد الرحمن مختار) سنة (كم وستين) ودي سنين ما عندنا ليها (رقبة) بس المدام والنساء عارفين قضيتهم تمام . الأنس جميل لكن ليس ببلاد غير بلادك ففي حدود هذا الاسبوع الصغير الذي قضيته بين الأصدقاء في القاهرة وللاصدقاء أكسير وسر النحول وذرات الروح لانهم أخر الجميلين ذاكرة وقلوب ونزاهة لم يطالهم زمن (الرشاوى والاختلاسات) وللرشاوي والاختلاسات حشرجة في الروح حين ينتاب جسد المؤمن الموت (كما ورد في خيالي) فتحشرج روح المرتشي المختلس بقدر ما ارتشي واختلس فلا حولة ولا قوة الا بما عصمك من اخلاق وتريبة . السايقة واصلة وبصد ليكم قريب ماو ود بت التلب

استاذ سفيان
سلام و تحيه ورمضان كريم
صديقي الحكاي ماو – قابلته في دارفور وكان اقدر الناس علي ان يسرق منا ما يشاء من الزمن لنسمع حكاويه التي لا تنتهي ونطلب منه المزيد – ماو رفيق لا ينتسي ابدا
وساعود بما تسعفني به الزاكره من حكاويهو الشيقه
شكرا سفيان
وسلا م يا ماو
اسماء ابونائب

Quote: سلام و تحيه ورمضان كريم صديقي الحكاي ماو – قابلته في دارفور وكان اقدر الناس علي ان يسرق منا ما يشاء من الزمن لنسمع حكاويه التي لا تنتهي ونطلب منه المزيد – ماو رفيق لا ينتسي ابدا

يا بت أبو نائب
ماو ده مش يسرق الزمن وبس
ده بيسرق النوم من الليل
والنهار .

Quote: وساعود بما تسعفني به الزاكره من حكاويهو الشيقه

لازم تعودى سريع وسريع جداً
جيبي حكاوي دارفور وقصص الجنجويد
وتعالي
انا حارسك .

سفيان

سلام ليك ولصحايبك البـشـبهو الونسة البتـشبهك.

Quote: شبه عجيب ياخ وانت ذاتك سيد الشبه والسماحه

مشتاقييين

عملت لينا شنو يا ماو في موضوع المركز الثقافي العروبي؟!!

Quote: عملت لينا شنو يا ماو في موضوع المركز الثقافي العروبي؟!!

ياخ عمل عمايل وفعايل
وحكي قصص عن المركز
حكاوى تجنن العشاق

سفيان
كل سنة وانت طيب
ورمضان كريم

ما سألت عنك تاني

شوية أموري جايطة كدة
وسيلة التواصل الوحيدة عندي السايبر

بحاول أشوفك

وندردش عن الزمن الماو
وونسة الأيام المنقة


شكرن كتيرن!

يا صديقي :-

تفصد منيّ ما يشبه الماء
فقط ...
حاااار وبرايحة العُري الؤجل

فانتظرني لاقضي قيلولة عجلة
استرد بها أنفاسي المتهالكة
وأعود لبستان الحكايات الزهرية

أو ...
ربما لا أعود فالحكايات خالدة
والحكأؤون يمضو
دعني أمضي فلهذا الخيط قلوب
تحفظ لماو سيرته سياتون
سياتون سياتون .

*

ماو
وصلك الباسورد قلعتها ليك بالقوة من بكري
هل مازلت بتلك البقاع...!
والافاعي تشرب الرحيق!
ام في غيابة الحلم حين تبتسم العيون..... فتورق الكروم..
في الاسكندرية....سال صاحب التاكسي...ماو
لماذا انتم معشر السودانيين .....كسالي ولاتعملون؟؟؟؟!!
فتجلي ماو وباغته باجابة مفحمة...عشان عندنا بترول.
فسكت....المسكين.

قريبى الود الشقى سفيان


تحايا وأشواق واشياء أخرى


أفتح أضانك .. أنا معاك بعد يومين تلاتة ... لنعيد تلك الليالى




محي الدين

Quote: أفتح أضانك .. أنا معاك بعد يومين تلاتة ... لنعيد تلك الليالى

يا سلااااااام
اها شفته بركات صاحبي ماو ده
بتجيب الاخبار التمام
حبابك والبلد رابه وكاربه
معانا ابوي السنى كمان
اسرع تعال .



ــــ
راجع الماسنجر الخاص يا محيو

ماو....اسكندرية كمان وكمان
زيارة خاطفة قام بها صديقنا ماو للاسكندرية وفي معية سفيان وبعد يومين
اتصلا طالبين حضوري ولحاقهما فورا وقد كان الا اني وجدتهما جاورا البحر والنسائم وليلهم كنهارهم ايام اكل وشرب واسترواح ..جميلة مثل الفسحات ..مثل ايام الهوي الباكره.
هنا ..وهناك ..او هناك امتداد الشواطي المتعرجة مد الافق وعلي امتداد التاريخ كانت هنا جاليات سودانية ويونانية وارمينية وايطالية ويهودية....صانعة من عروس البحر مدينة كوزموبوليتانية فريدة
للاسكندرية..عطر ونكهة وعبق لم يتنسمها اصدقائي لانهم داروا حول مسكنهم وشاطئهم حتي انتهت ايامهم ورحلتهم دون زيارة الاسكندرية بجد.
فلم يمروا علي مكتبة الاسكندرية وقصر المنتزة بقسميه قصر السلاملك وقصر الحرملك ..ولا قلعة قايتباي والمسرح الروماني ومسرح سيد درويش ولم يتجولا في
مركز المدينة ولا صفية زغلول...محطة الرمل والابراهيمية والشاطبي .
ولا الحضرة... مدد ياسيدي مرسي ابو العباس......
ماو...وخبيره السياحي سفيان ....قال زاروا الاسكندرية قال
واقل لهما وبالفم المليان "آعد" دي ما محسوبة زيارة

في رحلة العودة للقاهرة وتحرك القطار بسرعة فائقة واهتزاز فقرر ماو النزول في اقرب محطة ومواصلة
الرحلة بالحافلات لان القطر اصبح
"يهتز"ويتمايل يمنة ويسرة (زي الهدوم في الحبل) وبرغم ان ماو ابن السكة حديد "البار"كاد ان ينزل من القطار لولا تطميناتي له بان القطار الشال معاوية لن يتكسر زاوية...زاوية

نواصل

شهيوتونا (ماو) ده ياخي جماعة
وها نحن نجلس القرفصاء في انتظار (ماو)

ورمضان كريم يا سفيان

Quote: شهيوتونا (ماو) ده ياخي جماعة وها نحن نجلس القرفصاء في انتظار (ماو)

اها يا كيكي ماو ده الكنابي
والقاطوع والساجور والسكاكي
والجكاكي وكل قصص الدنيا والعالمين
والله ود الارض وود التُكل والحكايات
غايتو يومو اليجي كمبو الري ببقبق
تانى من تانى .



ورمضانك كريم
وراجي جيتك

سفيان دات صباح ...مطر دات مساء

في ام درمان دات قبح علي ايام القهر الاولي والقمع المدلج (واخوات نسيبه) في ام درمان ياقرمبوز دخلن المعروفات وقاحه (باخوات نسيبه) تكبير ...تهليل مقتحمات احد بيوت ام درمان في احلك الفقر,فخرجت صاحبه الدار ام سبعينيه تانبك شلوخها وتجعيدها بما فعل المشيب .سألت بمنتهي الزعر ...انتو منو ..

نحن اخوات نسيبه ..الله اكبر (دي عشره مرات ) ودايرين داد المجاهد ...قالت ليهن اتفضلن اطلعن بره بره بلاش كلام فارغ واسمعوا يابنات انا مره عمري سبيعين سنه والحمد لله من قمنا بنصوم ونصلي والله عارفينو كبير ..شنو الجديد انو جيتو اسع دايرين تعمللو راس وقعر ..

فيا سفيان ..ومطر شنو الحكايه دايريين تعملو لي راس وقعر وللاصدقاء في المعزه شؤون

ويامطر اسمعني نشيدك ..وعلي مهل احاول ان اتدكر

Quote: ويامطر اسمعني نشيدك ..

أخشي أن أصدقك فيصدقُ في ما صدقَ في المتنبئ حين صدق ما
قاله:
الخيل والليل و البيداء تعرفني
فعرف حاجة.


"لم نقترب من أرض نجمتنا البعيدة بعد،
تأخذنا القصيدة ،
من خرم إبرتها لنغزل للفضاء عباءة الأفق الجديدة"




لقد صار قلبي قابلاً كل صورة مرعى لغزلان ودير لرهبـان
وبيتٍ لأوثـان وكعبة طـائف وألواح توراة ومصحف قرآن
أدين بدين الحب أنّى توجّهت ركائبه فالحب ديني وإيمـاني

هذا بعض من الاناشيد_ان صحت التسمية_ والتي ربما تروقك
والا فالي نشيد اخر تشتهيه كانشودة الهوي والشباب
وستبقي تلك الايام ياماو في هدأة المرقد